رواية ليتك قدري الأول الفصل السابع والعشرون بقلم رفل الكناني
داشر ملابس وماسمعت بس صراخ يوسف ركضت وشفته بمنضر تمنيت ميته ولاشايفته بي لكيت ابني سابح بدمه ويكمز واباوع ابن عصام بيده ستيرن السياره وكله دم لكفت يوسف وحطيته جوه المغسله واني ارجف وهوه يصرخ ثولني والدم يجري اريده بس يوكف ماكو ال امي صاحت بيه
ولج هبه وليدج راح يخلص دمه امشي ناخذه مستشفى
يمممه عزه العزاني يمه إبني راح يروح من ايدي
جرته مني وخلت الخاولي برأسه وكالت
امشي امشي مووكت بجيج لبسي دناخذه
مشيت للغرفه ادور جبتي وابجي صار حمودي كبالي سلته
عمه حبيبي شلون تعور يوسف
عمه محمد ضربه عل راسه بلستيرن مال السياره شلعه
وضربه بي لان هوه يريد يصعدهه
لبست وطلعت باوعت الستيرن بلكاع باوعت عليه عباره عن وره الدائر ه مالته بوري حديد يدخل داخل السياره كلت اكول ليش هذا الدم طلعت شايله يوسف واركض وامي ورايه لاكانه جوارينه جان ديغسل بسيارته وامي ركضت عليه كلتله فدوه العينك الوليد راسه مشكوك بلكت تاخذنه مستشفى خطيه كا له ادللي خاله صعدنه بسرعه ويوسف ماسكت عل بجيه وحده ال ان وصلنا للمستشفى دخلنا الطوراى اخذو مني والتمو فوكاه وبعدين حولوه للجراحه واني وراهم فاقده ومن خيطوه طلعوني بره لو كمت انكز واني اسمعه كلبه خلص من البجي ال طلعو راسه ملفوف حضنته وهوه يناشغ ويسويلي ماما اواء سوده عليه كعدت بي شويه لان حيلي نهد من هل هبطه وامي راحت تجيب العلاج شويه واجتي واحنا بلممر ما اشوف ال بارق جاي بتجاهنا ضلينه اني وامي وحده تباوع عل ثانيه هذا شجابه ومنو كله خلقته مكلوبه والحواجب معكوده وصل يمنه كال
السلام عليكم
وعليكم السلام
سحب يوسف الجنت شايلته وراسه عل جتفي وهوه مخنزر عليه كال
شبيه بيمن تعور
مادري وكع
شنو وكع منين وكع وهذا راسه خياط
اي
ادري قابل منين وكع هيج وكعه تشك راسه
صارت بعد
خوما اكوله ابن اخويه ضربه بس هوه نجر وشكله مصدكني ويكول اليوسف
شبيك عموو حبيبي منو عورك
اواء اواء
يوسف يجاوبه وهوه يحضن بي واني مسطوره شلون عرف ومن كله امي رجعت تفتهم العلاج ويوسف مجلب بي ويناشغ صد عليه كال
ليش وحدكم جايين
الولد ماكو بلشغل
وليش مخابرتيني
ماكو داعي بعد جبته الحمدالله ماكو شي
شلون ماكو داعي جهال اخويه اني مسؤول عنهم من يصير شي واحنا مندري احملج كامل المسوليه
واني امهم محد يخاف عليهم بكدي
اجتي امي سكتنه ومشينه وهوه كدامنه واني اغلي حقدت عليه من كال هيج عبالك يحسسني هما أحن منهم عليه وصلنا سيارته كال
اصعدو
لاانطيني يوسف احنا نرجع مثل ماجينه
مهتملي ولاعبالك حجيت صد على امي كله
يالله خاله اصعدي
وامي صعدت واني واكفه وهوه صعد وكعد يوسف بحضنه عاد شسوي صعدت بصف امي والطريق كوله ساكتين وصلنا البيتنه ونزلت أخذت يوسف منه باوع عليه كال
ديري بالج عليهم
مجاوبته دخلت للبيت وهوه شخط السياره وراح اول مطبيت نفجرت بساور الصارت كدامي واني متأكده هيه كالتله
اساور منو وصل خبر يوسف نفشج
بكل عين صلفه جاوبت
اني
طبعا شكد متستحين شلون تتجرين واسوين هيج
اسوي هيج واكثر عبالج ماسمعتج من جنت بالحمام وانتي دكولين الحمودي ليش ضربتو يعني ذبيتيهه برأس جهالي
وليش اني مجذبه ابنج بنفسه شهد عل اخوو
اي مجذبه شنو تصدكين بجاهل
اساور لاتخبليني قابل هوه ضرب نفسه
يجوز اخته ضربته
فدوه لعينج نور كلها بكد الستيرن الضربو بي جهالج يوسف شيله متكدر تشيله بس جهالج مشعوذين وهممه الضربوه
انتي تردين تبلين جهالي
والله اني سكتت بس انتي الي فضحتينيه احجيلي شلون وصلتي الخير لعمه
اي خابرته من فونج وكتله احسن حته بلكت يأخذون جهالهم شنو بتلينه بيهم خوما بتلينه
اني منا فايره من كلام بارق وهسه كلامهه وقهري عل يوسف كمزت عليهه وتكافشنه وامي بنصنه وهاي اول مره اسويهه ويه أحد بس طكت روحي واحنا وحده لازمه الثانيه ودخل حذام هستوه حال من الشغل وشافنه لو تخبل
شنووووو هاي ماتستحن صوتجن ليون طالع جهال انتن
والله اختك المتستحي شوف شسوت بيه علمود جهالها
لا والله انتي المتستحين لج صار كومه ساكته وصابره واكول عيب مرت اخويه تالي ترحين تخابرين حمايه من واريه لك حذام ابنها فشخ يوسف وماحجيت أخذته وخيطته وماشوف غير بارق فوك راسي لج انتي شنو من بشر اني حمايه واستحي منه انتي شلون سويتي هيج مادري
هنا حذام نزل عليهه دوسه ونص مخلالها وهيه خافت لتكبر وتوصل لعصام جان تخنس وماحجت أخذت جهالها وراحت لغرفتهه خطيه حذام حضن يوسف وهوه من التعب والألم نام بحضنه عاد شلته لفراشه نومته وفوضت امري لله وكعدت وسكتت مو الحمدالله خلصت عل هاي جان صارت الأكبر
للعصر اجوي مهند وايناس الظاهر سامعين وبارق كايللهم استقبلتهم وكعدت يمهم ساعه تقريبا وطلعوا ويه طلعتهم صارت جيه عصام ومن شافهم رجع عليه ما خله مانزل من سلام وأهله وجهالي وشعدهم جايين وبيتنه فندق وخل يأخذون جهالهم والله كمت اخاف من هل كلمه غير اموت
اذا صارت صدك واخذوهم سوه بيه هيج بدال ميعتذر عل سوايت ابنه ومرته وكملته ام رقيه بجيتهه واني كاعده واتكرضم اخاف تسمعلها حجايه واريدهه بس تروح وهيه حست اني ممرتاحه وبعد السلام والكلام عل موضوع
وكعدت يوسف كالت
هبه خل نحجي شويه بصراحه
كولي أحلام اسمعج
هبه ليش متاخذين جهالج وتكعدين بيت ابوهم والله احسج هنا ممرتاحه
دنكت
هبه لاتخجلين اعتبربني اختج الجبيره وحجيلي اني ادري وحدتنا اذامو بيتهه مترتاح وانتي بيتج ماشالله كلشي مناقصه ليش حاصره نفسج وجهالج هنا وبيت اهلج خطيه يالله مكفيهم
احلام ليش اني مااكيف اكعد بيتي بس منو يخليني عصام شفتي شلون وكفلي وكفه جابني الا ارتاح
اخلي الولد يحجون وياه
لاعفيه الله يخليج استري عليه هذا مخبل شيخلصني يروحون يتعاركون ومن ورايه
لعد عندي حل
شنو
ليش متمشين بمعاملة الراتب مال سلام بلكت يطلعله ودكومين تستلمين راتب بلكي تاجرين وتطلعين انتي وامج بيت وحد تردين الصدك اني هاي مرت اخوج ولاارتاحله
احسه تضوج منكم وتضوج حتى من جيتنه
ماعليج منه البيت بيت ابويه وهلا بيج بكل وكت بس هاي سالفت الراتب اني ماعرف بيها
هبه صيري سبعه لاتضلين ماعرف وماكدر النسوان كولشي تسوي وهذا راتب رجلج بلكت لنه طالع وخلصانه
مادري والله اشوف
لاتشوفين ولا ابد اني راح أحاجي بارق انتي بس عليج تجين شوكت ميحتاجوج للمعامله
اذا هيج هاهيه لعد بكيفج
اني عود اخابرج
الله كريم
والله يومين وردتلي بليل خبر كالت باجر حضري نفسج
الصبح جايج بارق كلت الحذام يروح وياي وقبل وثاني يوم من الصبح خليت الجهال يم امي واجه بارق ورحنه هوسه وجر وعر وبارق مينحمل وين ميدخل معنفص وبس يتلاغه حتى حذام نقده كال شكد قنقينه ومعقد وروحه بخشمه
آخر شي اجلونه 3 أيام ورجعنه من دانزل من السياره وحذام نزل ندار عليه كال
عود طلعي الجهال داشوفهم
نزلت وكالته تفضل فوت
لارحمه والديج بس جيبيهم
حذام ضل مجلب بي واني نزلت جبتهم هوه مقبل يدخل بوسهم وراح واحنا دخلنا واشتغلتنا اساور
اي عيني من عصام كلج عل ورث صرتي خيره اشو هسه رحتي بنفسج
اني ماحجي وياها فلبستهه وهيه ضلت بكلبهه لليل ومن
اجه عصام شحنته عليه واجاني
حقيررررره طايحت حظ من داعيت بحقج صرتي براسي شيخه وعيب وعيب شلون تروحين من ورايه لعد
عصام ياورث هذا شديت كورك وكور الورث منو جاب طاري الورث
لعد اليوم وين وليتي انتي وهذا حماج العصابجي
اخذت نفس أصبر نفسي عل مابلاني بي ربي وكتله
رحت اطلع راتب سلام لجهاله
من كتله هيج سكت وسكوته خوفني مادري شنو برأسه وشديخطط ومرن 3ايام وهم رحنه ونفس الهوسه وبارق مدري شبي بس يباوع عليه ومخنز حتى عبالي لبسي بي
شي ومن اباوع لنفسي والله لابسه كوله اسود هذا شبي
كلما حذام يخابر لو يندار الكاه يباوعلي وينصي من شفته هيج كلت حتى للمعامله بعد ما اجي اني ادري هذا عاقل ورزن شجاه تالي طلعت روحتنه عل فاضي سلام ماله راتب لان ماعنده خدمه هواي كله 3سنوات من متعين وممسجل لازوجيه ولااطفال يعني ميستحق ينطوه ورجعنه وبلطريق بارق موطبيعي بس يمسح بكصته ووضعه مخربط حتى من نزلت عينه عليه كلت همزين مصارت لااريد الراتب ولا اريد كولشي اكعد واسكت عصام عبالك مراقبني من مرن كم يوم هد بيه
اكولج وين الراتب
شنووو
الراتب وين موعلساس يوميه رايحه وجايه طلعين راتب
هنه مرتين رحت ابو محمد سويتهن يوميه بعدين راتب ماكو سلام ميستحق ماعنده خدمه هواي
اي وتالي
الله العالي شسوي بعد
والجهال
باوعت عل جهالي كتله شبيهم
راح يضلون هنا
لعد وين اوديهم ذوله جهالي قابل اذبهم
جهالج صحيح بس اهلهم شبعانين ذبيهم عليهم
مستحل لو اموت
موبكيفج غصبن ماعليج شنو احنى نربي جهال غربه
ختنكت وبجيت
عصام ارحمني والله اني مالي غيركم واذا يأخذون جهالي اموت والله اموت
لعد طالبي بحصتج
مينطونياه ومالي حق جهالي صغار ال يكبرون عصام ليش عينك عل مال اليتامى
لعد اني ماريدهم بلبيت
واني بيت ابويه مثل ماهوه بيت ابوك
انجبي لج هذا البيت بيتي بيج خير روحي اخذي حصتج وحصت جهالج من ذاك القصر مولاحكتني عل هاي الخرابه
امي زعلت وكامت تبجي وهيه تباوع عل حالي كلتله
ليش هيج عصام ليش مواختك هاي اني عايشه وهيج تعامله لو ميته شلون حرام عليك موعندك جهال ليش انت ومرتك مخلين كوركم وكور هاي اليتامه
هااا يمه طبكتي وياه بنتج انوب رجعتي عل مرتي
لا اني ماطبك وياه احد ثنينكم ولد بطني بس انتو معايفين هاي اليتامى بحالهم يعني ذاك اليوم ابنك شك راس يوسف بلجذب من اختك معتذرت ولاباوعت عليه وكتله شلون صار راس ابنج اشو بس بسوالف الورث والفلوس توكف عل راسهه
امي كالت هيج لو فضحنه
اني هيج اني ادور ورث اني ادور فلوس والله لنعل ابوهم لاابو اهللهم اليوم اذا خليتهم بلبيت
ضرب الباب وطلع عبالي هاهيه سكت واني حرت باامي سكرهه علك اشو لهناك وماحس غير بس طب عليه وشال الجهال وطلع كمت وراه عقل ماعندي ولنه ينطيهم لبارق وبارق عيونه بكصته يبوووو غير فقدت اريد اجيت عليهم وهوه يجر بيه كمت اعيط بلشارع
يبووووووو ياناس ياعالم الحكولي راح يأخذون جهالي
عصام ضربني راشدي وسحبني من شعري الواكع الشال منه وجان بارق يخلي الجهال بسياره ويرجع عل عصام تلازمو
ليشششش تضربه لك عار مو اختك
امشي لك انت شعليك اخذ جهالكم والي
همه يحجون واني لتافيت واني حافيه وشعري طالع رحت من الجههه الثانيه البيهه الجهال فتحت الباب داشيلهم نجريت من شعري لنه عصام رجعت ليوره صار بارق ورايه ندرت عليه
باررررق ليش تاخذهم ليش
والله مو اني هذا العار خابرني
عصااااام حرام عليك حرااااام
جرني بارق وراه كال اخذيهم ودخلي جوه واني ماصدكت راسن ركضت بيهم وصلت الطرمه هجم عليه عصام واخذهم شمرهم عل بارق ويسب بي هنا بارق ضربه بوكس من قوته عصام داخ بمكانه وبارق خله الجهال بسياره وطلع اهنا موالجهال الراحو لا روحي الراحت كعدت بالكاع ودك ولطم وعصام واكف وخشمه يجري من دم ويمسح بي ومرته العياره تجر بي دططبه وتصيح الله يكسر ايده بس همزين راحو خلصنه منهم حذام اجه من رأس الفرع يمشي من شافني كاعده بلكاع وبشارع والطم كام يركض وصل يمي
شبيج هبه شكووو
حذاااااام اخذو جهالي اخذو جهالي
منوووو ولج
عصام المياخاف من الله انطاهم البارق
من كلت هيج راد يجي يكتلني بس مرته لزمته وطببته جوه وحذام كومني دخلني كوه وامي خطيه بس تبجي وتنود من وصلت الغرفه وشفت ممياتهم وترمز المي والحليب ماقومت راسن اغمه عليه وماحسيت ال واني بحضن حذام ويذب عليه مي وامي تمسح بوجهي كمت ا صيح جهالي اريد جهالي يووووسف نورررررر يممممه وينكم
والله ماعليهم شي بنيتي يم اهلهم احسن من مذلت اخوج الدوني
يمممممه تره احرك روووحي والله يمه شلون يعيشون منو يداريهم اليوووووم شلون ينامون هاي ممياتهم وهذا حليبهم راح يموتوت من الجوع
حذام كام كال :راح اروح اجيبهم
اكعد حذام اكعد يمه
يمممممه انتي شبيج مره وياي ومره عليه خلي يجيب جهااااالي
ولج يمعزايه يمصخمه انوب راح يتذابح هوه وحذام والج خوتج واحد يذبح الاخ عوفي من يهدئ نحاجي
شفت حذام هم متردد جنه صدك يخاف من عصام بعد شكدر اسوي استسلمت بس للبجي وحذام راح نام بلهول وحتى امي ملت من الحجي ونامت بعد ماكدرت كمت اتخيلهم يبجون عل رضاعه لو يبجون عليه كمت وخابرت بارق دك دك جاوب
الووووو
شهكت ابجي
بارق عفيه جهالي
شبيج مابيهم شي
وينهم عفيه
يوسف هذا يمي ونور يم هديل
عفيه الله يخليك اريدهم جيبهم
واخوج المخبل الارعن
معليك بي بس ذبهم بلباب وإذا يخابرك بعد لاتجي تاخذهم
هذا شلون حجي هبه شنو جايزين من جهالنه
لا والله ادري بيكم شكد تحبوهم بس اني ماكدر عل فراكهم
وهسه
جيبهم عليك القرآن
جر حسره كال يله مسافت الطريق عود اطلعي اخذيهم ماريد اشوف هذا العار هل مره اموته والله
ميخالف بس جيبهم
يله عود ادكلج
تمام
سديته والفرحه مسايعتني كمت اروح واجي بلغرفه ومن لهفتي عليهم واني ادري بيهم هسه اكيد جاعو كمت سويت حتى الممات وحضرتهن من دك بارق خليت الشال عل راسي وطلعت عل كيف حتى حذام اليوم همزين نايم فتحت باب المطبخ عل كيف وصلت لباب الشارع فتحته لكيته واكف شايلهم اخذتهم بسرعه ابوس واشم بيهم وهوه يباوعلي حتى نسيت وجوده ال سمعت خرخشت السويج ال نتبهت تشكرت منه وهوه صعد السياره واني دخلت عل كيف سددت البوب وحتى باب الغرفه قفلتهه وكعدت رضعتهم من كد ممنعسين قبل متخلص الممه نامو خليتهم بفراشهم ونمت يمهم وعيوني عليهم وافكر بل صار وافكر باجر وشلون أذا شافهم عصام
قررت أتركه نهائي لو يدوس بطني هم اتحمل علمود جهالي وثاني يوم نفس الاسطوانه حجه لحد مامل مجاوبته واساور كل متسمع صوت جهالي وصاحت لاهلا ولا مرحباء عبالي خلصنا تالي رجعت تجاهلتها تماما
ومرت الايام عل هل حال وعل نفس الموال واني ساكته ومتحمله لحد مافديوم اجتي ام رقيه بس شكله ماعجبني رغم السوالف والضحك من كعدنه بس هيه اكو كلام تريد توكوله ومتردده كاعده وتفرك بديهه وطكطك بصابعهه
لحد ما خلص صبري وكتله
احلام شبيج اشو مو عل بعضج
سكتت
ام رقيه موكلنا احنا خوات شنو السالفه تره ضل بالي
بهاي احجايتي احلام نفجرت بجي بخنيك
وتلطم عل خدودها
