رواية زوج اختي والماضي الفصل الثامن والعشرون بقلم مجهول
_سمعت امك تكول أني جنت اتحارش بيك بايام الجامعة وحتى من تزوجت انفال جنت اتحارش بيك ماتحمل بعد حمزة أهلك يشكون بي وحدة قليلة شرف
_مستحيل اتعرف
تعصبت كلش من ماقبل يعترف كدام امه .....واخته هو لجان يتحرش بي وملاحكني من مكان المكان مو أني محبيت
اجادل ويا بعدت عنه
_كالعادة ماتعترف ولا تعتذر عن اخطائك
_هو ماضي ومضى عليش اعترف وعتذر وأنتِ كافي كل ثانية وثانيتين تذكريني بالماضي وتعكرين مزاجي
_ تمام
سكتت بعد مارديت بس دموع تنزل بحركة من هو الخطأ يتعصب ومايعترف ابد ومن يكون الخطأ بي أني يتعصب ويسود عيشتي وتعاي اعتذري
يكول الأخطاء فقط بي ومابي هو .
مرت الأيام بسرعة واليوم أول يوم برمضان وكعدناكلنا وقت السحور كلها صامت بالعائلة من عده حمودي وصوفي فرحت اجه رمضان وراح اخلص من حمزة وتحرشاته بي
راح الصبح للدوام وأني كعدت انظف بالبيت ماعندي شي اسوي صوفي نايم عمتي تباوع على التلفزيون مسلسل
هندي على قناة زي ألوان
كملت الشغل ' رحت صعدت فوك بالغرفة باوعت لصوفي جان نأيم أخذت الموبايل كعدت على الكرويتة فتحت الشاشة
كتبت الرقم شفت الساعة بال ١٠ الصبح
خل اراسل هند صار ايام محاجية وياها
فتحت الماسنجر دزيتلها مسج انتظرها ترد "مردت علية صارلها طالعة من اربع ساعات طلعت رقم بيبي واتصلت عليها ردت بسرعة بقيت احجي واحجي وياها فوك النص
ساعة 'و بلأخر كالت
_ ابوج متعارك ويه ام حازم وهسه زعلانه بيت أهلها
_ ليش شصار بيناتهم ؟
_والله مدري يابيبي البارحة بالليل اجه وكال
زعلانة راحت البيت أهلها
_ صدك جذب شكبرها وشكدها تروح زعلانة تالي عمرها شبيها هاي تخبلت ماتخجل على نفسها بهذا العمر تدك بيوت بحجه الزعل وتاركة بنتها وأولادها
_ غير العركة جبيرة جانت وطرت تروح لأهلها
_ ماعرفتي ليش متعاركين ؟
_مكال
_ ان شاءالله يرجعون يتصالحون بسرع وقت الخاطر اولادهم
_ عساها روحة بلا ردة
_ليش بيبي
_ وج بيبي خبيثة وعقربة هجمت بيوت هاي
المكموعة وهسه السحر كلب عليها
_ اي والله السحر قلب على الساحر "يكول " ماريد الرجل بالسحور ومااريد الطفل بالنذور
_ ايي والله هو اله وقت ويخلص مفعولة وهسه حلوة هي راحت زعلانه البيت أهلها مو راح يشمتون بيها نسوان اخوانها منو منهم حابها أشو هي مخرمشه كل وجه
مثل البزونة كل وجه مخرمشته
_ شكول بعد ان شاءالله يهدون
_ عساهم لا هادين البارحة ذكر عنده عائلة ثانية وعنده أم
_ليش مايمر بيج ؟
_ آخر مرة شفته بيها من عزمنه وياج بيته وهاي البارحة بالليل اجه يفرق نار البقلبه مو علمودنا بيبي
_الله يهديها بحق محمد وآل محمد
_ عوفينه منهم وكوليلي شلونج وي عيالج شلون
مصطفى وياج خوما شالع قلبج
_ الحمدالله عيالي نعمه من الله وصوفي يمحلاه فقير حيل بيبي لا يحجي ولايكول يشرب حليب وينام
_ مثلج فقير
_ ايي هههههه
_ ههههه
طولت بالحجي وياها نهيت الاتصال رفعت راسي باوعت على الساعة بالحايط معلكة جانت بال١١ ساعة كاملة وياها احجي والله مشتاقتلها كلش كلش برغم كل يوم وياها حجي
صوفي عاط كمت خليت الموبايل على الميز
رحت عليه شلت بإيديني "
صح النوم حبيب امه امممح امممح
الظهر اجه عمي قبل الكل راح سبح كعد ينتظر ياذن اجوي كلها آخر من أتى حمزة صعد للغرفة صعدت وراه جنت مجهزة ملابسه بالحمام بوجه للحمام سبح
وأني جنت دا اصلي كملت صلاة فرش المصلاية كم يصلي " راحت يم صوفي جان نايم متكشف جريت الغطة عليه
بقيت اباوع له وابتسامة على شفايفي
حمزة _ على شنو صافنه ؟
طلعت من عالم الخيال لجنت راسمته لي والصوفي
سوه على صوت حمزة رفعت رأسي
_تقبل الله
_ منا ومنكم صالح الاعمال
_اللهم أمين
لف المصلاية راح خلاها بمكانها تفاجأت ياالله معجزة كبيرأ حدثت اليوم معي حمزة يشيل المصلاية وميسخرني كتمت ضحكتي باوعلي وكال
_ عطشانة ؟
_الحمدالله ماكو عطش
_ شرايحلج كاعدة بالبيت جوه السبلت مثل حظي اصيح واعيط على الطلاب وكتلني الحر كتل
_ شسوي هذا شغلك والله ان شاءالله يجازيك
_ كومي طفي الضوه أريد استراح ميت من
التعب وروح وليدي
كمت رحت .. طفيت الضوه رجعت للفراش نمت بكل هدوء وأمان اصلا ماقترب صوبي مثل كل مرة همست
_ااالله راحة لا تقدر باي ثمن ههههههه
اجاني الرد ...
بالليل خوش اخليج ترتاحي ههههههه
خليت ايديني على حلكي ...
"عززة شلون سمعني هذا شاد أذان حصان
_لا تحجين بداخلج علية احجي على نفسج همسج
بالكلام عبالك حجي عادي هههههه
خرسيت كلمة وحدة .مطلعت مني امده حظي صوتي رعيدة على كولت هنودي كملت الظهرية بكل هدوء كعدت حسيت على نفسي عطشانة باوع حمزة نايم الغطة صاير جوه
رجليه رحت شغلت الضوه
الغرفة باردة كمت نزلت من فوك الجرباية رحت يم حمزة جريت الغطة عليه كتفت ايديني وبقيت اباوع عليه واتأمل ملامح وجه خشمه طويل شوي ورفيع للحيته خفيفة
ضاربها صبغ هههه . شفايف حلوات أحلى من شفايفي حواجبه مرسومة رسم أبتسمت بيني وبين نفسي انطيته ظهري فزيت ايدي لزمت اجت بالي جني
_ شبعتي نظر بية
بلعت ريجي جريت ايدي بقوة وفشلة جانت جبيرة
كلش هذا جان كاعد ويمثل النوم علية
_ حبي شلون شفتيني من نايم ملاك لو شيطان ؟
بدون ما التفت رديت " مااشبه عبد من عباد الله
بالشيطان أكيد ملاك
_صدك جذب منو جان يكول عني وعن صوفي من اتباع الشيطان اليوم شي صايمة
ماتحجين
بلعت ريجؤ رحت يم عتبة الباب حجه مرة لخ ...
تعالي انطيني بوسة
فتحت الباب ابتسمت بدون إرادة مني....
"اللهم إني صائم
فتحت الباب وطلعت بسرعة سمعت بي كال بصوت عالي
انتظري لعد ورة إفطار وعد اشبعج
بوس ههههههههه
صرت بعيد عن باب غرفتي وصلت كبال الدرج لزمت المحجر بإيدي واضحك على نفسي هههههه اللحظات استوعبت نفسي صايرة افرح من هيج يسوي وياي مو مثل قبل اضوج
" اللهم انعل الشيطان دا يقرأ
أفكار قذرة براسي ويريدني احن على حمزة استغفرالله وأتوب إليه نزلت يم عمتي لكيتها كاعدة سألت على البقية كالت
عمه كلها نايمة بس أنتِ طالعة علية تكعدي بسرعة
تعالي خل نجهز للفطور سويه
_ من عيوني عمه
رحت وياها نجهز للفطور دخل حمزة جر الكرسي وكعد مبين عليه علامات التعب والعطش والجوع هو أبو كرش يموت
على اكل برغم ياكل هواي ومايسمن أبد
ورة الفطور كعدت بالغرفة احجي وي أمي تفاجأت
من عرفت سبب الزعلة مرت أبوي
_علمود البيت !
_اي والله كايلتله لو تسجل البيت لبي أمك ومرتك
ام حسين بسمي لو اعوف البيت لك
_ الله لايوفقها هاي شتريد بالضبط
_تريد تطردنا من البيت شتريد قابل هاي هي
من يوم يومها حية
_ وابوي شيكول ؟
_ابوج يكول طبها ألف مرض خليها يم أهلها انجلبت انطيتها عين وصارت تحجي بكيفها
_ الحمدالله أبوي عرف خطئة وتالي
_هي تصفة تصفة
_ان شاء الله تصفة والله فاجأتيني
_حتى احنا تفاجأنه كلنا من اليوم الصبح كال
هيج وهيج سبب زعلها
_ تريد كلشي يكون لها
_ الحمدالله اختج فاطمة تحركت قبل أسبوع لو
جان هسه احنا بالشارع صافين
_فاطمة ؟ ليش شسوت فاطمة
_ ماخذه استخارة يم علوية مضبوطة وكايلتلها مرت أبوج جاي تحوم على بيت أهلج وتريد تسجله باسمها وتطرد أهلج من البيت وابوج عليه عمل شيطاني
متفون بالمقبرة
_اعوذ بالله الله ينتقم منها بحق محمد وآل محمد
_ وكعت بشر أعملها والله يأخذ الحق لوجان بحلك سبع
_ونعم بالله .. العلوية نفسها لكالت هي مسويه
عمل لي والهند بوكتها
_اي يمه نفسها وخطيه فاطمة من جيبها الخاص
فاتحة العمل ما ابوج بل٣٠٠ ألف
_ الله يجازي فاطمة شسوي قلبها عليكم بعد
_ كلت انطيها نص الفلوس هسه بس متقبل تأخذ
_لاتحاولي وياها مراح تأخذ أعرفها اخذيلها هدية
لبيتها وهيج راح تقبل أكيد
_هم كال حسين هيج
_ وشلون أختي
_أختج يمنا بالبيت صارلها من البارحة
_شعجب ؟
_ابوج يروح للمحل واخوانج بالمدرسة وحازم بالشغل
وي ابوج من يبقى يمها هاي تروح وي بنت
الجوارين للمدرسة
_ هم صدك .. بالكت أبوي يسجل البيت باسمكم ونخلص
_ وين اكو
_ليش وين اكو بالكت الله يهدي مثل ماهداء
وطرد مرتة الحية
_ الله يسمع من حلكج والله تعبنه كلش من
المشاكل منورة البيت ومرت ابوج
_ كولي يالله وكلشي ينحل
_ياالله
انفتح الباب دخل حمزة باوعت عليه باوعلي ابتسم وكال "جهزي نفسج باجر بالنجف
_مرخصتج يمه عندي جم شغلة
_اخذي راحتج في امان الله
_الله وياج
سديت الخط باوعتله " شكو ؟
_ اعتقد تدرين ابوج ومرته الحية متزاعلين
_ايي ادري وأنت شمدريك ؟
_ اليوم خابرني حسين وكالي وكالي بالسالفة
كلها من أولها لاخرها
_ اي وشنسوي نروح هناك ؟
_ من نروح راح تعرفي .. وليش مكتيلي صايرة سرانية
_ماحب اطلع أشرار أهلي الله يطبهم بالرحمن
كعد بصفي .. اكلج هاي عمتي السابقة شكد شايله خباثة وحقد بقلبها الله يعينكم عليها شلون جنتوا متحملين
أبتسمت " كدرت تشوف خباثتها اليوم
_ لاا يابه شايف خباثتها من جنت عريس جديد جانت توز بانفال عليه وتكللها حكمي ولا تخلي يتنفس وأني جنت
اخبث منها وأعرف بعمايلها السودة
_ شتعرف ؟
_مرة من المرات اجنته وجابت لي عصير مفتوح وكالت
اشرب منه هذا من بيت فلان سيد
_ايي
_ وأني أخذته منها على اساس اشرب بس غشمرتها وماشرب شمرته بمغسله وكتلها شربت هههههه
_ احلف
_وغلاتج أنتِ وصوفي وغيرها وغيرها سوت
بي بس بلأخر وكعت بيها
_ شوكت وكعت بيها ؟
_ من انفال زعلت من عرفت بعمايلي وياج سوته لي طاير بالهوى خلتني ما اندل دربي
_ وأنت شمدريك مسويتلك عمل ؟!
_ ورة أسبوع من رجعت انفال حسيت على نفسي هواي تغيرت حتى نسيتج وكمت بس أشوف انفال وأسمع كلامها بالحرف الواحد استغربت لصار وياي ورحت الروحاني
وكالي مسحور
_ حتى السحورة ماكدرت لك
_ ههههه صعب المنال ديري بالج تسوين سحر لي
علمود اتركج ترى اكشفه بسرعة
_ الله يبعدني من اعمل الشيطانة إذا اسوي سحورة عليش اصوم واصلي واقرأ قرأن
_ اليسوي سحورة مكانه بجهنم وبأس المصير
_ اي والله يطرد من رحمة الله
_عوفينه هسه من كلشي وكوليلي ماتغيرتي اتجاهي ؟
_ لاا والله
_تتغيري مو اليوم باجر
مرديت هذا منتظر مني أتغير ناحيته شكد متفائل وعنده أمل برغم دا يشوفني ماكدر اتقبله رحت يم صوفي طلعة من الكاروك خلاه على الجرباية يلعب ويا
رحت اجهز الملابس ...
"كم يوم ونرجع
_يومين ويوم الثالث نرجع
_هاا موعندك إمتحانات للطلاب ؟
_ أخذت اجازة طرارية والمدرسة ماناقصها مدرسين ومدرسات
كملت تعزيل كمت ...
كلت لاهلك راح مطلع للنجف ؟
بدون مايباوعلي ملتهي ويه صوفي ...
اي وطلبت منهم يجون كالوا منكدر
رحت يمه باوعت على الساعة جانت بال١٠ ونص بالليل " انطيني صوفي خل انومة ورانا طلعة
بعد عنه وكال ...
اخذي
أخذته كعدت على السجادة بالكاع خليت المخدة على رجلية خليته فوك رجليني أهز بي ينام معلمته هيج ينام بسرعة خلال دقائق نام حطيه تعبه حمزة من لعب
كمت خليته بمكانه غطيته حمزة وكف وره ظهري حضني خله راسه فوك جتفي يباوع الصوفي
"_ منو تحبين اكثر صوفي لو أني
_ صوفي أكيد هو اصلا امح....
باسني من اركبتي مخلاني اكمل الجملة مالتي رفع راسه وكال "مريد اسمع كلمة محبك اوك
بلعت ريجي انزعجت خليت ايديني فوك ايديه اريد ابعدهن
هو رأسن شالهن وشالني بحضنه عطت
_نزلنيييي ولك نزلنيييي
_ههههه راح اشمرج من البلكونة للحديقة عدل
_ لاا لااا حمزة عليك الله مريد اموت حمزززة
نزلنييي اروحلك فدوة نزلني
_هههههه ثول الثولج صدكتي بسرعة راح اشمرج هههههههه
تعصبت منه سواني مسخرة هاي أني بسرعة أصدك وعبالي يسوويها جريته من شعره بقوة
_تضحك علية ولك نزلني لو اكطع شعرك نزلني
_ اااخخ ولج عوفي شعري ترى بالقرأن راح اشمرج
للكاع زهراء شعري تملخ ااااخخ
عفت شعره بسرعة خفت يسويها
_نزلني
شمرني على الجرباية بقوة حسيت امعاء
بطني تقطعت
اااه شبيك
_ههههه مالج شي كدامي
كعدت على الجرباية .بعد ما اختفى ألم خلال ثواني متعصبه منه رفعت راسي باوعتله انصدمت
نازع التيشيرت
"شسوي ؟
اجه علية صار فوكي رأسن نمت ...
داتسوي حمزة بعد مو وقتها
_ مو وقتها شنو ؟ راح نروح بمكان ٣ايام وكلشي مراح اشوف منج على أقل اليوم خل اشبع منج
_هو أكل وتشبع مني
_ اطيب من اكل هههههه
_حمزة ..
_اششش ولا كلمة
سكتت بلعت ريجي شوكت. اخلص من هاي الحالة لو اتعود عليها مدري صار يبوس بي ويسوي حركات محبها من أصل لأن محبه عفته يسوي اليريده مالي شي كباله
بس احجي لو امنعه يتعصب ويسوي شي موحلو لو يحول حياتي إلى جحيم مثل هذنيج الايام كرهني بروحي بوقتها ساعة بعد عني رحت أسبح شبعت
بجي بالحمام
هاي موحالة اكره رجلي وما اطيقه" وموحالة ابقى اتحمل كل هاي الأشياء بدافع الخوف لأزم اخلي حد بعد
لو اتقبل حمزة لو ما اتقبله
بس نرجع من الزيارة راح .....اتخذ قرار بخصوص علاقتي ويا تعبت كلش وبعد متحمل كل هذا التعب كعدنا وي السحور جانوا مسوين السحور اكلنا مسكنه ورة دقائق أذن صلينا خله حمزة الأغراض باسيارة ودعنا لأهل وطلعنا طول الطريق
ساكتة ما احجي شي صوفي بحضني
أخذته وياي زحمة اخليي مهم وهم هم خطيه الصيام يتعب بالصيف وعدهم شغل جان نايم ساعات قليلة وصلنا نجف الاشرف كبل البيت أهلي وصلنا بيت أهلي
نزلنا تلكانه حسين وأمي سلمنا دخلنا جوه سلمت ريتاج
وبيبي ريتاج صاير عدها كرش صغيرون
هههه حلو ولايكلها .
حمزة _ وهسه وين وصلوا ؟
حسين _ دز عليها عالم البارحة بالليل ومقبلت ترجع
حمزة _وليش متقبل ترجع ؟
حسين _ تكول لو يسجل البيت باسمي لو ما ارجع نهائيا
حمزة _ شبيها هاي تخبلت
بيبي _ جا هي عاقلة لعد بيبي
حمزة _خلتولي مو بكيفها تسجل البيت باسمها
ادري ناوية على شي موزين
حسين _ هي دكها ومدكوكها تأخذ بيتنه وتطردنا بالشارع
بيبي _هذا الناوية عليه هي من البداية وهسه اخذتلها زعلة وأني خايفة ابني الشفية يسجل بسمها
البيت علمود ترجع
حمزة _ موبكيفه يسجل البيت باسمها غير عيارة هاي تروح زعلانه خل يعوفها مايدز عليها فد جم يوم وشوفها
شلون تجي برجليها منطيها عين زيادة
بيبي _حاسبة روحها أميرة بنت ك....
زهراء _ بيبي صيام فدوة العمرج مانريد نشيل غيبة ويبطل الصيام بالليل احجوا براحتكم
بيبي _وج بيبي قلبي خلص منوراها ومن غباء ابوج
حمزة _ لاتحركي بعصابج ولا تتوتري مبينه حيل توكعين
زهراء _ بيبي خاف صايمة
بيبي _ الحمدالله صايمة
حمزة _صدك جذب وينج وين الصيام أنتِ ادمي
جبير وعندج مرض
زهراء _ والله دريت بيج صايمة
أمي _كتلها لا تصومي خليج وي ريتاج متقبل
حسين _بس اليوم تصوم وبعدها ما تصوم
بيبي _ عود أنت تحمل من اذنوبي بهذيج الدنيا
مالك دخل اصوم يعني أصوم
حمزة _ وين الذنوب بيبي يهنيالة لمثلج والله فدوة
رحتلج لا تصومي واستري علينا
ريتاج _ هههه لاتحاولون مراح تسمع
بيبي _ اصوم مدام احس نفسي قوية واتحمل الصيام
حمزة _ الله ينطيج الصحة والعافية بيبي
بيبي _ الله يسلمك بيبي
زهراء للعصر بيبي حالتها مو حالة متقبل تفطر حجيت وي حسين وكلتله حالتها مو تمام كل دقيقة تدوخ اجه عليها
وجاب كلاص مي كللها افطري
مقبلت وكالت مبقى شي على الأذان
_ بس اليوم صيام والله بعد ماتصومي وينج وين الصيام
_اهووو مالك دخل أنت
_مالي دخل شنو لعدمنو له دخل بيج أني المسؤول
عليج بس هاي الساعات صيام والله
_دولي
زهراء _ بيبي شبيج عناد والله نخاف عليج لا يصير بيج شي لاسامح الله وين نطي اوجوهنا
بيبي _مايصير بي شي لا تخافوا
حسين _ اووف موعناد عليها ربي صبرني عليها
طلع حسين كعدت يمها باوعت على الساعة مبقى شي على اذان سوء ساعة واحدة بقيت يمها بالغرفة تمددت بالفراش افرك برجليها أدري بيها ضايجة من سالفة مرت أبوي
ومناصيام وتعب وحر .....نجف كلش بغداد تهون بنسبة للحرارة لهنا الحمدالله أذن فطرتها قبل الصلاة وانطيتها العلاج وكمت اصلي كملت صلاة كالت اريد اصلي
وديتها توضت واجت فرشت المصلاية لها كامت تصلي واكفة بصفها اباوعلها أخاف تتخربط الحمدالله طلعت قوية الله انطاها القوة والصحة كملت الصلاة باوعتلي
_ ههه تخافين اتخربط
_ اي والله قلبي بقى يمج بيبي
_مبي شي شوي تعب والحمدالله هسه شوي خف التعب
_الحمدالله يلا تعالي نفطر
طلعت مكاودة بيبي كعدت وياها على السفرة هم جانوا كاعدين قبلنا ورة الفطور حمزة كال نروح البيت أبوي قبلت اروح
اشوف أختي الصغيرة خطيه وحيدها بالبيت
هسه كل الشغل فوك راسها ....بعدها طفلة صغيرة ماتعرف شي رحت أني وحمزة البيت أبوي تلكانا بالباب حازم وخالد أخواني دخلنا لكينه ابوي كاعد سلمنا عليه وكعدنا
اجت أختي سلمت قدمت مي النا "
طلعت أخواني كعدوا بصف ..أبوي على الكرويتة واحد على الكرسي واني وحمزة بكرويتة وحدة كاعدين
حمزة بدأ بالكلام
حمزة _ عمتي وينها
أبوي _بيت أهلها
حمزة _شنو لحد الأن مرجعت ؟
أبوي _ متقبل ترجع الابشروط
حمزة _خير ان شاءالله شروط شنو ؟
حازم _ تريد البيت أمي ام حسين وبيبي باسمها
باع خبال أمي وين وصل
أبوي _ وأني خبل اسجل بيت بسمها
حمزة _ شلون لعد تبقى هيج عمتي بيت وأنتو بيت ؟
خالد _ بس أمي شرطها مو معقول
حازم _احنا اولادها مقابلين عليها تصرف موخوش تصرف منها
أبوي _والله حرت وياها حررت ماعرف لوين
تريد توصل ام حازم
حمزة _ عمي تكدر تأخذ بنصيحتي
أبوي _تفضل وليدي
حمزة _ليش ماتكوللها أنت مسجل البيت بسم حسين وأمك وهيج راح تصدك وترجع للبيت
أبوي _ شلوون ؟
حمزة _ كوللها هيج وهي أكيد راح تصدك وترجع للبيت
أبوي _ ماتوقع تصدك
حمزة _شوفها مستندات مزورة تاريخ قديم نسجل بيهم
وهيج راح تصدك وتبطل من هاي السالفة
حازم _ فكرة حلوة شتكول يابة
ابوي _مدري
خالد _خل نسويها وان شاءالله تقنع وترجع على البيت ترى موحال عايفة البيت وباقية يم الجناين
حمزة _خلنا نشتغل بنفسنا وشوف شلون ترجع وتبطل من هاي السالفة وأنت بعد بشطارتك تعامل وياها
حازم _ صح كلام حمزة
أبوي _ أني فكرت بالموضوع زين واتخذت قرار نهائي
وشيصير خل يصير بعدمايهمني
حمزة _ شنو قرارك عمي
حازم _شقررت يابة
أبوي _ راح اتنازل من البيت الام حسين هي اخق بالبيت
زهراء طرت من الفرحة ماصدك هذا أبوي تغير هيج وراح يتنازل للبيت لأمي لا مستحيل مادا تدخل بالعقل
حمزة _ احسن قرار اخذته عمي
حازم _ وياك بهالقرار خطيه أمي ام حسين كلشي
مشافت منك وهذا قليل بحقها
خالد _وياك بالقرار
أبوي _ ظلمتها بالحياة هواي هواي وهذا قليل
بحقها اسوي والله
زهراء_ بس مااردت اكون...... احضن حمزة من الفرحة نزلت دموعي وأخيرا أبوي حس بأمي وعرف
بالغلط مالته
أبوي _ وطبها ألف مرض امكم ترجع ولما ترجع بعد بكيفها
حازم _ شسويلها بعد يابه سويت العليك أنت واكثر
خالد _ مامقصر وياها بشي أنت علمود تزعل الناقصة والزايدة جايبها لها وقصرت على عائلتك الثانية علمودها
حازم _ امي غلطانة غلطانة
تفاجات أخواني ماطابكين ويه امهم يعرفون بيها غلطانة ومو من حقها هيج تسوي الحمدالله مطالعين عليها خبيثين طالعين طيبين مثلنا هاي الام السيئة حته
اولادها ينفرون منها
كمت رحت يم أختي بالهول من شافتني كامت تبجي وتكول واحدي بالبيت واخوف أنام الليل والله أمي وحدة ظالمة ماتفكر بينه تفكر بس بنفسها زهراء اخاف والله اخااف
أستغفر الله وأتوب إليه " استهدي بالرحمن حبيبتي وان شاءالله الله يهديها وترجع على البيت وتلمكم أنتِ واخوانج
بقيت اواسي بيها شوي..... هدت وأخذت صوفي تلعب بي تضحك صارت خطيه طفلة متعرف شي الله انطاها ام ظالمة ماتحب اولادها تحب بس نفسها وطمعها
وجشعها بالحياة
الدنيا ماتسوى والله نركض وره الفلوس وره القوة الدنيا ماتسوى هيج نسوي بيها ونظلم اولادنا ونصير أشخاص طماعين وخبيثين بس علمود
يحقق كلشي نريده
والله اهم شي بالحياة هي...... طيبة القلب وصلت المحبة بين أهل والاقارب ونبتعد عن كل هاي الأشياء واهم شي نرضي الله وتصرفاتنا وأعمالنا احنا خطار بهل
الدنيا وبالساعات نودع .....هاي الدنيا احنا قريبين من الموت بشعرة واحدة تفصل بيناتنه بيى ثانية تنقطع وتنقطع
كل اخبارنا واعمالنا من هاي الدنيا
دز حمزة علية خالد
خالد _ حمزة يكول هم يلا ترجعين على بيت أهلج
زهراء _كول الحمزة راح أبقى يم أختي يكدر يجيب الاغراضي
خالد _ماشي
حمزة فرحت كلش من عمي.... قتنع يسجل البيت باسم عمتي شغير راي عمي مدري بس الهم قتنع اجه خالد
خالد _ زهراء تكول اليوم ابات هنا
حمزة _ ماشي دقائق الجيب الأغراض
عمي _ أنت هم تعال وبات هنا يمنا
حمزة _ ان شاءالله
زهراء ربع ساعة رجع...حمزة جايب الأغراض اخذتهن منه رحت يم اختي بغرفة ابوي اليلة ننام هناك وهم ينامون بالاستقبال مدينه الفراش لهم جنت ميته من التعب راسن نمت
كعدت وياها على السحور سوينه .... السحور سويه ودينه صينية لهم وكعدنا نأكل أني وياها بالمطبخ تستحي من حمزة بس سلمت وبعد مطلعت أبد فدوة مثلي تستحي
ثاني يوم الصبح راحت على......... الدوام واحنه رجعنا البيت أهلي خبرناهم طاروا من الفرحة أكثر وحدة فرحت أمي خطيه الكاع مالامة فرحتها لأن فضلها على مرتة أم حازم
وراح يسجل البيت باسمها ...
حاجيت هند وكالت جاية أني وريان بعد ساعة والله ساعة واجوي ريان سمنان وهند كذالك حمزة من شافهم ضحك وكاللهم منفوخين خررب بعمي
ما يستحي أبد
هند _ والله بس انت ماسمنان ماشاء الله مرتك ماخذه عافيتك
حمزة _ وينها جلاكتين
ريان _ هي هي زهراء مامتغيرة ولا أنت كذالك
زهراء _ لاا والله ميلي ٦٠ كيلوا
هند._ واني ٧٠ كيلوا صايرة
زهراء _ ههههه شسمنج يول
هند _ صدك ماكتلكم حامل بالشهر الأول ههههه
زهراء _ ألف ألف مبروك حبيبتي فرحتلج من كول قلبي
هند _ يوم الالج ان شاءالله
حمزة _ ألف مبروك يتربه بعزكم ان شاء الله
ريان _ الله يبارك بيك حمزاوة
هند _ تسلم حمزة
بيبي _ وأخيرا راح اصيرين ام وتبطلين خبالات
ريان _ ياريت والله
هند_ قصدك خبله ؟
زهراء _ واخبل من الخبال بنفسه ههههه
هند _ لما حامل جديد جان كمت شوفتج الخبال على أصولة
حمزة _ هههه اكعدي راحة رجلها هنا موجود
هند_ لو اريد اكوم وما أخاف منك بس مالي
نفس اخاف على البطني
زهراء _ الحمدالله صايرة عاقلة ههههه
بقينه ضحك وشقا حسيت بحمزة نزعج من سمع بهند حامل أدري بي يدور طفل مني بس لا يحلم مراح اسوي هو صوفي مكفي وموفي انوب احبل منه علمود يربط
ايديني ورجلية للأبد
وره فترة راحوا رجع حسين من الشغل حارة نار صارت رحت نمت بغرفة أمي وبيبي أني وصوفي اجت يمنه ريتاج كالت الاستقبال حار والمبردة جاي تنفخ هوى سموم
حمزة راح ينام يم ......حسين بالغرفة وأني هنا يمكم سويتلها مكان بصفي نامت بسرعة بقيت أفكر بحياتي شلون راح تتغير لو راح تبقى كما هي معلكة وتحت الكره !
كعدنا كلنا على ...الساعة بال٤ دك موبايل حمزة رفع الخط طلع عباس عزمنة على الفطور نهى المكالمة وكال اليوم فطورنة بيت أختج فرحت مشتاقتلها كلش وهذيج المرة من
اجيت ماشفتهم
خلال دقائق معدودة اجه أبوي وأختي وأخواتي كال كملت المعاملة ومبقى شي واتنازل من البيت
_وهسه اريد منكم تروحون وياي نرجع المرة و
هاي أخر محاولة وياها بعد
أمي _ ان شاءالله تقبل ترجع
بيبي _ نروح ليش لا يله كوموا خل ترجع العروس الزعلانة
بقوا يمي بالبيت ريتاج وأختي واخواني راحوا وياهم حمزة هم راح يرجعون مرت أبوي الحية قلقة كلش أخاف متقبل ترجع بس من كلام بيبي راح ترجع معرف ابوي سألت أختي
_ابوي شحجه وي بيبي ؟
_أكيد كاللها على القطعة الأرض باسم أمي
_ليش أبوي عنده قطعة أرض بسم أمج ؟
_ ايي صارلها سنة من اشتراها ب٢٠ مليون
_هاا مكالوا
_عافوها سر
_وكل هذا ومامكفي أمج
_أمي وحدة طماعة لو بيدها حتى البيت الكاعدين
بي تسجلة بسمها
_الله يهديها وان شاءالله تقبل ترجع
_ ان شاءالله ان شاء الله والله تعبت حيل وحدي بالبيت
_ لاتخافين راجعة بقوة الله وأهل البيت
بيبي دخلنا للبيت رحبوا بينه بيت أخوها أبو فاضل الخاتونه مطلعت كمت وصحت الام حسين تجي وياي للغرفة نشوف الخاتونه دخلنا لكيناها كاعدة بطرك الثوب الاسود
_ السلام عليكم ام حازم
باوعتلي _ وعليكم السلام تفضلوا
كعدنه _ شلونج شخبارج بيت الجناين
ام حازم _ والله زينه وهذا بيت اخوي مو بيت الجنه
بيبي _ يبقى بيت الجنة تدرين عليش جايين احنا خاتونة
ام حازم _تردوني
ام حسين _ اي خيه جايين نردج البيتج وعيالج
خطيه مجهولين بخلافج
ام حازم _ماني رادة إذا مايسوي المطلوب
بيبي _ انجبي لو اكوم اكسر راسج لا تشوفين انطيناج هواي مجال طلعت عينج البيت تسجل باسم ام حسين وخلص وانتي ترجعين هسه البيت عيالج ترجعين وإذا ما.....
ام حازم _شلووون ؟!
ام حسين _ ابو حسين تنازل من البيت لي والعيالي ترى البيت بيتي من زمان ومالج حق تطالبي بي شوي اخجلي على
نفسج نفسج تدنة على مال غيرج
نزعجت حيل _ شلون هيج يسوي شلون يفضلج علية أني المداريتة ولامته هو وجهالة ...
ام حسين _ احنا هم داريناه بوقتها مو بس أنتِ مثل مافضلج علية بزمان هسه فضلني عليج الدنيا دوارة
كامت _ مالي رجعة للبيت بعد
بيبي _ طبج ألف مرض والقطعة الأرض اللي باسمج انسيها وأنسي عندج عائلة وانتظري أوراق
الطلاق نهاية الأسبوع
ام حازم _ ياا قطعة ؟
بيبي _ لا تغشمري روحج قطعة الأرض لقبل سنة ماخذها ومسجلها بأسمج بسعر ٢٠ مليون كل هذا ومامكفيج لا تشوفين احنه جايين ترى مو الخاطرج كله الخاطر بنيتج
خطيه وحدها بالبيت
ام حازم_منو كال ؟
ام حسين _ ابو حسين كال بس اريد اعرف شتستفادين من هيج تسوين ماتخافين على بنتج هي حمرة زركة عايفتها وجاية بالبيوت وتالي عمرج شوي خلي عندج خجل
واحترام النفسج
ام حازم _ شكو عليها مو يمها أخواتها وابوها
بيبي _ وين اخوانها بالشغل هم وابوها ماتخافين تطلع عن الطريق بسببج كولي ترى البنية تخوف
حتلوه صغيرة
ام حازم _ تربيتي ماينخاف عليها
ام حسين _ هي مو بالتربية ترى بعض السلوك أهل يطلع اولاد عن الطريق ويضيعون ويكومون يسوون
أشياء غير أخلاقية
ام حازم _ شنو قصدج ؟
بيبي _ قصدها واضح بدون لف ودوران كومي لمي اغراضج وتعالي ويانه وهذا أخر كلام عندي لج
ام حازم _ ماارجع إذا مخلي شروط
بيبي _ مالج اي شروط ترجعين ويانه هسه لو بالقرأن اخلي يطلكج ومالج أي رجعة بعد للبيت والرجال مايهتم عنده مرة وهوينها يامحلاها تروح تعيش بيتج وتأخذ مكانج
بعد بقت يمج ترجعين لو لا
فتحت عيونها على وسعهن بصدمة ...
تعيشين ويا وبيتي ؟
ام حسين _وإذا ماترجعين أكيد أروح أعيش وياهم قابل اتيه الرجال وعائلتة خطيه هم يريدون أم تداريهم
وتهتم بيهم
بيبي _ شوفي ماعدها أي مانع ام حسين تروح وهم ولدج يحبونها ويموتون عليها يله ام حسين أمشي نكول متقبل
ترجع وتريد الطلاق وشوفي حياتج بعد
تونه طلعنا عتبة الباب وجلبت بأيدي ...
فدوة اروحلج ام حسين لا تسوين هيج
وتاخذين بيتي ورجلي
ام حسين _ مدام متريدين أحد يأخذ مكانج ليش هيج تسووين
بيبي _ طبج مرض أمشي ام حسين أمشي مو مال إحترام هاي
ام حازم _ عمه والله أرجع البيتي بس فدوة لا
تسوين هيج اتقي الله
بيبي _ الحمدالله متقيه الله ماخليته بين عيوني مومثلج
ام حازم _ والله بطلت بعد كلشي مريد بس ارجع البيتي واولادي ولتريدينة يصير
بيبي _ امشي لمي اغراضج وتعالي وراي ترى اغير رأيي
ام حازم _دقائق وجاية واراج
طلعنا بيبي أبتسمت وكالت _ شفتي شلون خليتها
تتوسل هاي مايفيد وياها عين واغاتي
ام حسين _ ههه خافت خوفه الحية خطيه
بيبي _خطيه عين جدي
وصلنا بالهول كلها تباوع علينا منتظرين الرد كالت بيبي ...
"المرة وافقت ترجع البيتها
كلها فرحت أول الفرحين ولدها خطيه تبهذلوا خلافها دقايق طلعت سلمت على رجلها ولدها وحمزة جبتاها ورجعناا للبيت على الساعة بالستة ونص
أخذنا زهراء وريتاج واجه خالد أخذ أخته للبيت مالتهم رحنا البيت فاطمة معزومين على الفطور طول الطريق
نضحك عليها شلون خافت من بيبي
زهراء سولفت أمي كلشي ....بالطريق واحنا خربانين ضحك عليها متكدر تسوي شي كبال بيبي صح بيبي ادمي جبير بس بعدها بفكارها الحلوة وبسرعة تغير الرأي
الحمدالله رجعت البيت ......مرت أبوي والحمدالله أبوي راح يسجل البيت بأسم أمي هيج خف القلق والتوتر بعد مايخافون من شي ولا يأكلون أي هم مدام صار عدهم بيت ملك
وصلنا بيت فاطمة جانوا ينتظرونه بره الباب يفرحتي من شفت سجى وعلي طرت من الفرحة بشوفه جهال أختي وأختي وزوجها من شفت عباس حضن حمزة تذكرت
شلون جان يهدد بي من خلال عباس حمزة صار إنسان مختلف تماما واحد ذو أخلاق عالية ورجال مالة أي مثيل ولا جن هو حية أم راسين المهم دخلنا جوه
انطيت صوفي لأمي وكمت اساعد أختي فاطمة بالفطور اخذت الطرشي كمت اثرم بي جان قطع كبار كاعدة بالكاع
وهي واكفه على الطباخ
_ شلونج وي حمزة
_على الله
_هاا على الله خير ان شاءالله خوما اكو شي ؟
_ والله يافاطمة ما اظم عليج السالفة لحد الأن
مامتقبلة حمزة ولا معتبرته رجالي
باوعتلي بصدمة "شلوون ؟!
_ شبيج مصدومة ترى جنت مجبورة من
اخذته ومن حقي مااتقبل
عافت من ايدها واجت كعدت كبالي ...
زهراء شبيج انتِ خبلة
_ ليش خبلة ؟
_ شوفي أنتِ اختي وتهمني مصلحتج مثل ماتهمني مصلحتي وأني أدري بيج مكايلة لأحد صح
_صح بس الج
_حمزة مبين خوش رجال ويحبج وين اكو هيج رجال يسمع صايرة مشكلة بيت اهلج يجيبج ويجي
كولي وين اكو
مرديت . أخذت نفس و زفرت
_ أسمعي كلامي كلش زين تقبلي بي رجال واستري على روحج وعلينا احنا ترى كلام الناس ميرحم أبد وهاي مرت ابوي تدورها دواره هسه علمود تخلي أبوي يقلب علينه
نحمدالله ونشكرأ صار زين ويانه وراح يتنازل من لبيت لأمي ليش هيج سوين وتعاندين الرجال شاريج ومبين يحبج والله حمزة خوش ادمي وابن ناس وعالم
_ مو بايدي مكدر
_انجبي لاتكولي مو بإيدي لاا كلشي بإيدج أنتِ غيري اسلوبج وياوصيري مره حبابة ومطيعة وتسمع الكلام
_ الله كريم
_دوم الله كريم قابل الله بخيل "ولا تنسين مصطفى أبن اختنه وامانه عدنه كلنا احنا ترى واكثر شي أنتِ أمانه عندج اذا انفصلتي عنه لاسامح الله وين يروح صوفي
أكيد راح يتزوج مره ويجيبها للبيت علمودتربي ابنه بس منو يكول راح تقبل بمصطفى وتكون له أم تذكرين مرت أبو جعفر شلون جانت تعامل جعفر وشلون جانت تشمرة بره بالبرد من يروح رجلها للجيش تذكرين من جنه نجيبة مرات
للبيت ينام تذكرين لولا
زهراء رجعت لطفولتي جان عمري ٨ سنوات وابن جوارينة جانت مرتة متوفية على الولادة مثل انفال تماما وتزوج علمود المرة تداري أبنه وهي كبال رجلها ام الحنون وره
ظهره ام الخبيثة
جانت تضرب..... جعفر هو جان بالعمر ١٠ سنوات وتطرده بره البيت بالبرد واحنا اصغار نجيبة للبيت ينام وي حسين خطيه كلش يقهر وبلاخر اندعم وماات بعمر ١١ سنة
الله ارتحم عليه وأخذه الله يرحمه راح يم امه هناك اكيد راح يرتاح بحضن امه ويم ربه بالجنة
طلعت من شرود فاطمة " وين صفنتي
نزلت دمعتي على جعفر مسحتها ..
"الله يرحمه جان خوش ولد و
حباب ومظلوم
_الله يرحمه شفتي شلون عانئ بحياته والله ارتحم عليه وأخذه يم أمه هسه تقبليها على صوفي هيج يصير ويا ترى مو كل مرة تطلع مرة صالحة وهسه بالأسبوع أسمع أكثر من سالفة ام تعذب ابنها وتكتل ابنها ومرت ابو هيج تعامل وهيج
ضحي شوي الخاطر أبن أختج وتقبلي بي
وعيشي حياتج قبل فوان الأوان
اخذت نفس كملت ثرم كتلها ...
راح أخذ بنصيحتج فاطمة
_اي عفية اخذي بنصيحتي وفكري زين موحلوة ترجعين البيت اهلج وياج اوراق الطلاق ترى الناس مترحم المرأة المطلقة وراح يطلعون بيها ألف عيب مراح يطلعون عيوب الرجال والأسباب طلاق راح يكولون فلانه موخوش ادمية وطلكوها
بقت تحجي وياي لما كملنا الفطور أفكر بكل كلمة تكولها واكول صح بس قلبي يرفض تقبل فكرة اتقبل حمزة بكل راتي الكاملة " أذن أذان المغرب صلينا وراها فطرنا
جهزنا الفطور أني وفاطمة "...... فطرنا وره الفطور رحنا نزور الأمام علي(ع) كملنا الزيارة رجعنا على البيت أهلي اصبح رحنا زرنا المقبرة ربع ساعة ورجعنا للبيت
طول الطريق ..ساكتة كلمة وحدة متطلع منعندي كلمات فاطمة ترن بأذاني" رن " جان يسوق سريع خفت لا نسوي حادث طول الطريق أدعي ربي مايصير ويانه حادث
وصلنا البيت بسرعة سلمت على عمتي بس جانت بالبيت " صعدت فوك صوفي نأيم خليته بالكاروك بدلت صعد
وراي حمزة بدل ونزل جوه يم عمتي
١٥ برمضان جنا كاعدين بالغرفة على الساعة بال١١....... تعودنا نبقى سهرانين لسحور رن موبايلي حمزة شاله
بإيده انزعج وكال
- وتالي وياها هااي
كام فتح باب البلكونة طلع يخابر استغربت منو هاي ؟ كتلني الفضول رحت وكفت يم باب البلكونة أسمع على كلامه
وياها أسمع صوته بكل وضوح
_ وتالي وياج مو كلتلج بس تتواصلي وياي راح اسويلج مشاكل ...يابه افهمي افهمي أني رجال مزوج ...واحب مرتي .. هه شنو ازوج فوك مرتي أنتِ خبله شي ....
بكنوز الدنيا مراح أبدل ظفر من ظفر رجلها وأنتِ دا تكولين اصيرلك أحسن منها بس اتركها ...والله بطرانة
اسمعي يابنت الناس هذا آخر إنذار مني لالج إذا شفتج تباعين علية بالمدرسة وتسوين حركات منا منا لو سمعت جايبة اسمي على طرف لسانج راح اجي البيت أهلج
واحجي ويه أهلج خلهم يتصرفون وياج قليلة
الحية وخجل ولي يلا وليي
كلامه أختفى اللحظات رأسن رجعت بمكاني خايبة أمل عبالي عنده وحدة طلع مايحب هاي السوالف
صاير هذا صدك يحبني ؟!
رجع كالب ...خلقته شمر الموبايل على الطبلة كعد شعل جكارة وصار يدخن سويت روحي اسفط بملابس صوفي باوعت عليه يباوعلي بلعت ريجي ردت أضحك بس كتمتها
كمت خليت ملابس صوفي بمكانهم رجعت كعدت على طرف الجرباية اخذت الريمونت بإيدي اقلب بالقنوات بملل
انزعج كام طفى التلفزيون وكال
_طككتي روحي ثبتي على قناة
نزلت الريموت ...
ادور على شي وماكو شبيك انزعجت؟
أخذ أخر نفس من الجكارة شمرها بطن النفاضة اجخ علية بلعت ريق شيريد ؟ وكف كبالي باوعلي دنكت رأسي "خله أيده جوه حنجي رفع رأسي عيوني بعيونه صارت
_ شوكت تتقبليني ؟
بعدت ايده بسرعة رديت ...
دا احاول اتقبلك
أبتسم ..
يعني شلتي فكرة الإنفصال وراح
تحاولي من جديد ؟!
_اي شلت فكرة الإنفصال دا احاول بكل قوتي
اتقبلك كا زوج وحبيب لي
_ هسه اكول مخاب ظني بيج وبحبي
مرديت عليه كمت ردت اروح من يمه جرني من ايدي
وكفني كبالة خله أيديه على كتوفي "
_زهراء أنتِ تعرفين أني أحب ومااحمل أي
كراهيه بداخلي ناحيتج
_ مع عيشتي وياك هاي الشهر القليلة عرفت
أنت ماتريدلي الشر
_ اريدج تنسين كلشي وتخلينا نفتح دفتر جديد
ونكون عائلة ونجيب الصوفي أخت لوأخو
_ هسه ماريد اطفال أني
_مو هسه ورة مايصير عمر مصطفى سنة
_الله كريم
كلمات كومة...... تطلع من لساني "راح احاول كله علمود مصطفى مو علموده هو وتقبل بحياتي وبالمكتوب هاي
قسمتي من الحياة ولأزم اتقبلها ....
مرت الأيام واجه أول يوم العيد كعدت قبل الكل صليت وراها كعدت حمزة شوي صايرة ويا زينة مومثل قبل كلما
يقتربلي اكلبها عزة هسه صرت عتيادية
ونظرتي له بيها تحسن مو مثل قبل اتخبل منه أتمنى امحي كل الكره واتقبله بكامل اراتي خلص بعد تعبت ماريد
مشاكل اريد ارتاح وكون عائلة .
رحت اكعده ندهته "
حمزة حمزة يلا اكعد صلي
تحرك "هاا
_كوم صلي
بعد الفطة عن وجه باوعلي بعيون شبه مفتوحة
"اذن ؟
_لا ينتظرك أكيد اذن كووم
_صليتي ؟
_طبعا صليت شبيك بس تسأل كووم
فرك عيونه بإيده بعدت عنه رحت يم صوفي أباوعله نايم سويت له حليب صار يرضع هو ونأيم حمزة توضه واجه يصلي كمل صوفي رضاعة شلت الممية خليتها يم راسه
كمل حمزة صلاة باوعلي ببتسامة شال المصلاية
خلاها بمكانها وكال
_ ناسية شي
_شنو ؟
_اليوم العيد
_ايي عيد أول يوم الفطر المبارك
_اي صح بس نسيتي شي
_شناسيه ؟
وقف كبالي وكال _كل عام وأنتِ بخير صيام مقبول ان شاءالله
ضحكت ...هههه وأنت بألف خير ههههه
حضني وكال " شكد فاهية دومي أني ابادر بكلشي ناحيتج
مابادلته الحضن وكلتله " احسن
بعد عني وكال " لاشعور ولاشي ؟ شسالفة حتى
الحضن مابادلتيني صاير شي ؟
_لاا
_ لعد شكو شبيج
_مبي شي بس بعدني متعودة عليك تحمل
إذا تريد اوصل للمرحلة التريدها
_اتحمل وأمري الربي
باسني من خدودة وكال ...كل عيد وأنتِ يمي وكل عيد وأنتِ مرتي وحبيبتي وام صوفي الحلوة ام رأس
اليابس ههههه
خجلني هذا يحبني لو دا يغشمر علية ؟
ضربني على رأسي بخفه وكال...
هذا يحبني لو يغشمر علية
طبعا أحبج عوبة
_تقرأ الأفكار ؟
_موسالفة اقرأ الأفكار بس حافضج على ظهر كتااب
_حلو
_أنتِ الاحلى
كرصني من خدي متت من الخجل ما أتحمل كل هذا الحب من حمزة أكيد الملائكة لها ايد بالموضوع تغير من رحنا للنجف بأول أيام رمضان صار وأحد غير ومايتعامل وياي بسوء
عايفني براحتي باس صوفي ورجع بفراشة اشر بإيده وكال "طفي الضوه وتعالي نامي رحت طفيت الضوه ورجعت نمت هو بمكانه وأني بمكاني بقيت أفكر بيني
وبين نفسي واحاجي نفسي
"يستحق أنطي فرصة ثانية؟
يستحق أرجع أثق بي بعد ماخاني وطعن بظهري
وحاول ينزع شرفي بالماضي ؟
الماضي اموته لو ابقي براسي واخلي وياي بالمستقبل ؟ يكولون الحياة تجارب بكلشي شنو اشمر الماضي وره ظهري وارجع ثقتي وحبي القديم الحمزة وأعيش
ويا بقية حياتي ؟
لو اتخذ قرار نهائي ونفضل عنه ؟ سالفة مالت الإنفصال أكدر احققها منا أبوي ومنا نظرا العالم الي ومنا راح تشمت مرت أبوي بي وتخلي ابوي يقلب على أهلي بعد
ماشوي صار زين وياهم
وكام يمر بيهم بالأسبوع مرتين ويجيب لهم مسواك وينطي مصروف لأمي وبيبي صاير نعمة من الله وياهم واني كلش فرحت من حجولي أهلي عن تغير ابوي ناحيتهم
واذا انفصلت عن حمزة ......خاف ينفصل نهائيا عن أهلي واكون أني السبب بهيج تصرف راح اكون وحدة أنانية
الصبح كعدت .......عايدت عمي وعمتي عمي انطاني عيدية ٢٥ ألف وعمتي انطتني ١٠ تالأف مقبلت أخذهم زعلوا مني وطريت أخذهم عايدت سيف شال ٥ تالاف وانطاني
شنو هاي كلها .....انطتني عيدية أخذتها محبيت اخجله كبال الكل عايدت رشا كول بالبيت عايدتها حمزة
اجه بصفي وكال
_ حصلتي ٤٠ ألف عيدية هنيالج
_حاسدني على العيدية
_اي والله شفتي واحد انطاني عيدية من اهلي
_انت تنطي لو هم ينطونك
_شلون ؟
_ عندك راتب هههههه
_ حيالة
رحت للمطبخ اسوي... الغدة وي عمتي عمتي كلش تحبني واكثر من رشا تحبني تكولي أنتِ نعمة من الله وهبنياها ماتخليني اشتغل وبكلشي تساعدين وماتشكين من شي
عكس رشا تتعاجز من..... كلشي بالمواعين وي سارة تتعاجز وتكول ظهري انفطر من الشغل وأني كذالك تعودت عليها وصرت اشوفها مثل أمي والله
الحمدالله الله سبحانه وتعالى رزقني بعيالة ونعم العيالة ماحاسبيني جنه عدهم حاسبيني أبنيه ليش اصير أنانية واكسر قلوبهم من أخذ قرار الإنفصال خل اضحي
بلكت تكون تضحيتي
عساها أن تكون هذه التضحية خيراً لي "
اتخذت قرار وراح يكون نهائي.... "راح احاول واحاول احب حمزة واتقبله بكامل اراتي الجسدية والعقلية
اجوي خطار ...عدنا بيت خال حمزة محمد ومرام بس هذولة يطبون عليهم سلمت محبيت أكعد يمهم استحي من محمد وأخوه وابوه مامتعودة ههههه
كعدت بالصالة وي مرام والبنات ورشا وره الغدة تروح لأهلها
مرام _ شرايكم اليوم بالليل نروح للمول
سارة _اووي هم مول خل نروح المدينة الألعاب
هواي صارلنا مرايحين
رشا _ اي والله احسن تستمتعون
اخلاص _ شوكت ترحين البيت أهلج
رشا _ورة الغدة ان شاءالله أروح ... زهراء
تروحين البيت اهلج
زهراء _ مادري والله
اخلاص _ بكيف حمزة بعد
بقينا على ضحك وشقا ...صدك اندمجت وياهم مومثل كل مرة اعزل روحي منهم منورة كرهي الحمزة ورة الغدة راحوا بيت خالهم ورشا وسيف هم راحوا
عمي كال من ترجع رشا نروح للعمارة هل مرة نغير أجواء
فرحت حيل حبيت العمارة كلش وأخيرا راح نروح كولنا بالعائلة لهناك وأحلى شي من كال عرس خديجة يصادف أخر يوم العيد غير ونسه عرس وطلعه
ورة العشة جهزوا روحهم نروح المدينة الألعاب جنت
دا اختار ملابس دخل حمزة وكال
_لبسي نفنوف طويل
باوعتلة _فوك عباية طويل مترهم
_لا تلبسين عباية اليوم
_لاعيني البس مامتعودة اطلع بدونها
_ بس اليوم أكول لاتلبسي عباية واسمعي الكلام .. لبسي النفنوف الوردي حلو يطلع عليج
اشرت عليه _هذا ؟
_اي هو
_ اوك
ماحبيت اعارضه اليوم ...... اعرف بي بس اعانده يتخبل علية ويرجع حمزة القديم ابو خيوط بدل وأخذ صوفي نزل جوه بدلت خليت مكياج خفيف بس
ارموشي طوال جانوا
طلعوا يخبلون.... عيوني بس خليت المسكارة والحكله البيضة لبست حذاء كعب النفنوف طويل مايرهم ويا لبس فلات
اخذت الجنطة ونزلت جوه شافتني اخلاص
_ يحلاتج زهورة
_شكرأ حبيبتي
سارة _ يجمالوا هاي شطالعة كيك جاهز
زهراء _اووي خجلتوني
رامي _ اليوم الكمر منين نازل علينه
سارة _من قاط الثاني نازل ههههه
رامي _ اي صدك ههههه
اخلاص _ طالعة غير شكل كل مرة ليشوفج يكول
جبيرة بالعمر ههه
زهراء _العباية تكبر الواحد ترى
اخلاص _صح يلا امشوا دا ينتظرنه حمزة بره
طلعنا بره جان حمزة واكف بصف السيارة يم عمتي
شايل بحضنه صوفي من شافني
أبتسم همست
_اليوم تكب العيطة سترك يربي
راحت عمتي صعدت ويه عمي راحوا وياهم سارة ورامي واخلاص وأني وحمزة سوه بالسيارة استغربت سيف ما اجه ويانه صعدت بالسيارة انطاني حمزة صوفي
_ هسه حلوة ومعدلة
_ ليش قبل محلوة ،؟
_ يعني
_ الحمدالله ...صدك سيف ليش ما اجه ؟
_ محب يجي كال أبقى بالبيت
_ براحته
نص ساعة وصلنا إلى مدينة الألعاب أول مرة لي بحياتي أزورها جانت كلش حلوة بنظري عالم رايحة عالم جاية بنات بعمر المراهقة لبس الله منفوك ميقبل بي
يمشون لوحدهم يتمضحكون للرايح والجاي حكرهت روحي هذولة وين أهلهم منهم شلون يتيهون هيج بنات بهيج عمر وفوك كلشي حلوات حيل ينكرطن كرط
بس أني المتفاجأة هم عدهم عادي عايشين هنا ٍ وكل يوم يشوفون هيج شكولات اما أني اجيت من مكان مابي هيج
اشياء نادرن اشوف بنية بدون عباية
طلبوا مني اصعد بديلاب الهوى مقبلت
سارة .. امشي خل نصعد زهورة
رامي .. يلا زهورة
اخلاص .. اصعدي وياهم شبيج خايفة
زهراء باوعت عليه شكد عالي مظهره يرعب كتلهم .
.. والله العظيم مراح أصعد أبد ابقى اتفرج
حمزة_ هههه جبانة عوفوها
سارة _ مايخوف والله حلو
رامي _شكد حلو من يلوح وجج الهوى
اخلاص _دشوفوها ميته من الرعب عوفوها وروحوا أنتو
"رايحيين
راحوا عمي وعمتي ....كعدوا بمكان اخلاص لكت صديقاتها راحت يمهم بقيت وي حمزة شايل صوفي وعايفني بطرك روحي حرية الأبدية ههههه
فات واحد شايل شعر بنات باوعلي حمزة ..
تردين ؟
باوعت على العالم خجلت أكل وأني بنفسي ردت "لا
_ براحتج
تونست بهاي الطلعة وأدعي ربي ماتصير أي مشكلة مثل كل مرة تخرب الطلعة كعدنا بمكان فاتوا ولد أربعة شكولهم حلوة ومعدلة كعدوا كبالنا التفت حمزة
شاف واحد منهم يباوع ويضحك باوعلي
دنكت رأسي ...
كومي
كمت رأسن اووف مو غيرة اجه بصفي انطاني صوفي
أخذي أخذته رحنا نمشي وصلنا يم عمتي وعمي
كعدنا يمهم عمتي سالت
عمتي _ ماصعتوا
زهراء _ لا والله
عمي _ليش ؟
حمزة _ الخاتونة تخاف تصعد
كام كالتله عمتي ...
وين ؟
حمزة _ شوي افتر وأرجع
راح حمزة بقيت يم عمتي وعمي شوي ارتاحيت من راح عابتلة بكلشي يدقق ويغار سوالف كضيتها وياهم شترالي عمي عصير شربت جنت عطشانة كلش
العيب بي استحي من كلشي ساعة كاملة يلا اجوي سارة ورامي جايبيت كياس شعر بنات باللون الوردي
عمتي _شبعتوا
عمي _مبينين هلكانين من العب
رامي _متت من العب مخلينه لعبة لما لعبناها
سارة _ أول مرة اشبع لعب هههه
عمي _ بالعافية .. اخلاص وين
اجت اخلاص _ هويني يابه
عمتي _وين جنتي ؟
كعدت يمنا "يم صديقاتي شفتهم وبالصدفه
عمي _هاا موهم يلا نرجع
عمتي _اي هم يلا وين حمزة
اخلاص "شفته واكف يم بنات ولد
عمي _بنات ولد ؟
رامي _هذولة طلابه أكيد جايين يعايدونه
عمي _كوموا خل نتمشى لما يجي حمزة
كمنا أخذت سارة صوفي ..
انطينياه وهاي الالج جبناهن أني ورامي
اخذتهن _شكرأ
رامي _عفوأ زهورة
صرنا نمشي اللحظات لمحت حمزة وأكف يم بنيتين بعمر سارة ورامي وحدة محجبة والثانية بدون حجاب لابسة بنطرون قصير مطلعة رجليها أسود ابو الكفة وتيشيرت أبيض نصردان شكلها حلو وكيوت نازكة تضحك ويا
بإيدها وردة جوري حمرة تحجي واتشر بالوردة هو يضحك وياهم نار شبت بقلبي اول مرة هيج اغار على حمزة
انطي حقه من يغار عليه من الولد
عافهم واجه علينا يضحك ...
_ نرجع
عمي _ شنسوي بعد نرجع
عمتي _وين جنت
حمزة _هنا وين
رامي _طلابك جانوا هنا
حمزة _ اي عايدوني وراحوا
عمتي _شكو بيها
باوعلي أبتسم وكال _ مشترية شعر بنات
مرديت عليه ردت سارة " أني ورامي شترينالها
احسن منك ذكرناها بشي
افيش مي بارد وكع على قلبي من هيج ردت عليه اي والله أحسن منه ذكروني مو مثله هو شافني اباع على ابو شعر
البنات كال تردين لو لا مراح جابلي
حمزة _كتلها تردين كالت ماريد شسويلها بعد
عمي _ صدك تسألها تريد لو لا غير أنت تجيب بنفسك
عمتي _حقها تكول ماريد إذا أنت تسالها
حمزة _ اروح اشتريلها كيس كامل
زهراء _ شكرأ ماريد
مرد علية كملنا طريقنا شفت البنات طلعوا كبالنة
كالت سارة الرامي بصفي صايرين
_تعرف هاي منو ؟
_ طالبة من طالبات حمزة
_هاا بيى صف ؟
_بالسادس علمي اعتقد
_ ماعرفها أني أنت منوين تعرفها ؟
_ هم سألوني على حمزة جاي لو لا
_ هاا
_طلابة ويحبونه
_جا غير زين وياهم بس اكلك لو نشوف أستاذ
جابر نسلم عليه هنا ؟
_ افلت هههه
_اي والله افلت خوب هو احسن مدرس عدنا .. مانسويها
_ لواكة احسها ههههه
_اي وذني اللوكيات ههههههه
سارة_صدك هاي الحلوة السافرة بدون حجاب
هاي جانت معجبه بحمزة ههههه
رامي_اي هي هههه
زهراء شمرت كياس الشعر البنات بالكاع وره ظهري ناار شبت بقلبي لو بإيدي اسوي جريمة بحمزة ولا شايفة هذاك
المظهر زين لو صدك طلاب عنده وجايين
يعايدونة
ليش من شافني غلس وشرد منهم اكيد وراها سالفة هذا مثل قبل مايتغير أبد أني الغبية اللي تغيرت علمودة ونسيت كل بشاعته وقذارته وكلت تغير وصار خوش ادمي
وفعلا يحبني ويريدلي الخير ,لوهاي مجرد
تمثيلية علية مثل كل مرة ؟!
