رواية دخيله الشيخ زين العابدين الفصل الثامن والعشرون بقلم أوتار حزينه
مالك
رديت عليها من شفتها لحت عليه جثير
كلت كلام اني متاكد هي راح ترفضه وتطلع من يمي
اقبل بي اذا قبلتي بيه
صفنت عليه لثواني وردت
اقبل مالك
فكيت عيوني بهتت وصار بيه ذهول سالتها
شنوو
ااي اقبل مالك الي تريده يصير بس
ارضى وانطي نوار لوسيم
انضربت براسي درت روحي منها شااحجي
شاارد وكعت بشر اعمالي ووكعه سوده ومصخمه
صارت چدامي تبجي الوجه صار دم كملت بتوسل
والله مااريد اي شي منك اقبل بيك مالك بس
انطيها اله قبل لايسوي
شي بروحه
اريد احجي اتكلم ماكو صوتي راح من الصدمه
اريد اكول لااااا،،، ماطلعت صفنت عليها تبجي وتشهك مثل الطفله صوتي طلع اريدها ترجع بقرارها تفكر
هي شكاعد تسوي
ليااان انتي تعرفين شكاعده تسوين كاعده
تضحين بروحج لخاطر اخوج تريدين تاخذين
واحد ماتملكين اي شعور تجاهه ولا هو يملك اي شعور تجاهج
صفنت علي والدموع تنزل ردت بغصه
ماالك انت محتاج ام لتاليا يعني اختك ماراح تظل طول العمر يمك اذا مو اخويه غيره راح يجي وياخذها
سكتت كملت بتوسل
ااني اصيرلها ام والله مااقصر وياها بشي
وانت تعرفني كلش زين اني شكثر احبها وهي شفتها شلون تحبني وتريدني
رديت باصرار اريدها تغير رأيها
اانتي فكرتي بااخوج وبنتي بس نسيتي نفسج
عووفني ااني مااريد اي شي بس اخويه مايصير بي شي مااريده يتاذه
سكتت من اختنكت بالبجي قربت مني ادحك الها منهاره وتبجي بصوت مخنوك رددت
مالك اخويه راح يروح من ايدينا انت ماتعرف وسيم يضم بگلبه ويكتم والله خايفه لا فد يوم ينام بعد مايكعد
انهارت وغطت وجهها بايدها تبجي بصوت عالي مالت عليه وخرت ايدها اشوف وجهها صار اصفر حجت گوة
دخت
لزمتها بسرعه واخذتها للقنفه كعدتها ورحت
جبت عصير رجعت الها كاعده ومغمضه عيونها حجيت
هاج اشربي هذا
فتحت اخذتو مني شربت شويه انطته اليه بايد ترجف ادحك الها حاير ومااعرف شاسوي هو اني ماراضي انطي اختي لاخوها من ورة سمعتهم النوب اخذها
الها
ذبيت حسره كالت
مالك لاتظلم نوار ووسيم لا تظلمهم الله يخليك كول اي حتى اخويه مايصير بي شي
مارديت كامت ووكفت جنت قريب منها كلش رجعت ليوره كملت
الله يخليك لاتشيل ذنبه لوسيم اذا صار بي شي اني اعرف انت راح تتعذب وماترتاح طول العمر
غمضت عيوني بتعب رديت من فتحت
يولي والله اخوج ورده مال الله بس ااخ الصار رابطني ليان انتي ماتعرفينا ولج احنا
قبيله اذا سمع احد من كرايبنا راح ياكلون وجهنا ونصير سالفه بالحلوك
وجهها انطعن بعد اكثر بجت بشهكه نزلت راسها رددت
اذا صار شي بأخويه ذنبه برگبتك انت مالك انت وذيج الماخافت الله بينا
مشت من يمي وصوت بجيها ينسمع كعدت دايخ وما اعرف شلون اتصرف خفت اشيل ذنبه واني شايل ذنب حرمتي ردت احد
اشوره واحد جبير يفتهم ويكلي شلون اتصرف
لان وصلت لنقطه كمت مااعرف افكر بيها ولا اعرف شنو الحل
🌿🌿🌿🌿🌿
هيله
كاعده ليوره ادحك لزين يسوق بهداوه وكل ساع يدحك لي بالمرايه ويكول
ديربالج على رجلج اگضبيها لاتخليها تتحرك خاف تنزف يولي وحنا بچوله ومانعرف
شوكت نوصل
لاتخاف لازمتها
ذب حسره وكمل
يارب عدي هاليوم على خير
امين يارب
رديت مد ايده بطل مي وكال
هاج اشربي شويه مي
اخذتو منو شربت شويه وخليتو يمي فرك رگبتو وبين علي التعب
نسري بهالطريق الوعر وانا صافنه علي
افكر بالكاعد اشوفو منو خوفه عليه بالمستشفى وصياحو وشلون شالني وركض بيه بسرعه وهو
خايف عليه وكفتو وي اهلي وشلون امن عليهم فزاع كلشي سواه النا مر عليه
بهالطريق
وكفاتو كلها حلوه واثبت هو اكبر سند لي ولاهلي لجن انا گلبي مايميل له رغم السواه لنا ماكدرت احس بالاحساس الي يريدو مني
غمضت عيوني بتعب شفت شهم بخيالي اعرف حرام الكاعد افكر به واعرف انا صرت حرمه لزين ومايجوز افكر به لجن هذا الشي مو بايدي حنا مالنا سلطان على الگلوب ربي هو الوحيد الي يكدر يشيل شهم منو ويخلي زين به
فتحت دحكت له عيوني صارت بعيونو سال بقلق
تعبتي موو
صفنت علي وغصه بگلبي شكبرها رديت بصوت مخنوك
لااا
تحملي ياهيله بس نصل اربيل هناك راح ترتاحين
هزيت راسي باي وسكتنا اثنينه
🌿🌿🌿🌿🌿
زين العابدين
الليل حل علينا وكفت انا والوياي ادحك لهيله غافيه ومبين عليها التعب نزلت ماسديت الباب خاف تكعد سريت للولد
نزلو واجوي عليه تكلمت
عوض خل نجودر هينه هاليله مانسري والدنيا
ظلمه كلشي يصير
اي انا هم اكول هيج
ارتاحو وعبو السيارات بانزين والفجر نسري
ان شاء الله شيخ
طلعت جهازي من دك جان المتصل ابويه تكلمت معه وطمنتو علينا هو وامي
وطمنت عم حميد على هيله سديت الخط
عگبت للسياره عيوني عليها كعدت وادحك لنا صعدت درت روحي عليها سالت
ها شلونج هساع
بخير لاتظل تفكر بيه
رديت
اذا ماافكر بيج بيمن افكر انتي شاغله بالي هساع وخايف عليج كلش واريد
اصل بيج لبر الامان حتى ارتاح من الكاعد اهوجس به
وجهها تغير صفنت عليه بنظرات ما عرفت افسرها
نزلت راسها سالت
جوعانه موو
مااشتهي شي من الكاعد يصير بينا
سكتت وذبيت حسرة كلت
وانت الصادكه محد يشتهي ياكلو شي من القهر الي لفه بگلوبنا
دحكت لي كملت
تصدكين انا حتى المي اشربو طعمو احسو علگم ومر
انا هم
سكتت حسيتها مرتاحه بالكلام معي مو مثل قبل متشنجه وگوة ترد الچلمه سالت
متى نوصل للاهل
الفجر نسري واذا الله سهل نصلهم الظهر نامي هساع وارتاحي حتى ماتتعبين من نطلع بالطريق
سالت
وانت وين راح تنام
هينه راح انام على الكرسي وانتي تغطي بالفروة مالتي
حدرت من سيارتي طلعت جنطه فراش عكبت لها فتحت باب السياره من جهتها وتكلمت
هاج هاي خليها وره ظهرج حتى تسندو
تسلم
گربت من يمها خليتها حدها كملت منزل راسي
محتاجه شي
رفعت وجهها صار بوجهي ادحك عليه بنفس ذيج
النظرات ليش گلبي كام يدك بجنون مدري
ردت مختصر
لاااا
وخرت منها كلت
نامي وارتاحي ورانا كعده من الصبح
ااي
سديت الباب طلعت جهازي شفت الساعه بالتسعه فرگت رگبتي تعبان كلش وراسي يدك الوجع
ورثت جگارة اخذت نفس ورحت افتر حوالينا اهوجس ذوله يلفون يمنا ويصير الخايف منو الولد كل واحد نام بسيارته
عوض كاعد يدخن وصافن
للبعيد
اخذتلي فره ادحك للبعيد اسمع صوت الذيابه تعوي والواويه عگبت للسياره عوض نزل وگرب عليه سال
ما جايك نوم مثلي
منو ينام ياخوي بعد الي شفناه والصار بينا
سكت ادحك له مقهور ووجهو مطعون سالتو
خير ياعوض وش نوحك
بك شي
اخويه ياشيخ مابين خبر منو
من نجم
اااي ماهو لا بين ولا اتصل
هو وين يدوام
بالانبار ياشيخ
سكتت لان الغربيه كلها سقطت بأيد ذوله غربان السود سمعتو تحسر كلت
الله كريم يجوز لبد بمچان الما يهدأ الوضع
جان خابر كال هو وينو عش نخابرو مايرد
يول ماظلت شبكه لا هينه ولا هناك كلشي انكطع
من لفو ذوله المايخافون الله
گلبي ناغزني علي ومو بس هو جثير من ولدنا مابين لهم خبر خايف يا زين وكاعد
اهوجس بالشر
عيل خير وان اخوك تفائل بالخير وعوف الشر
يالله رد اخويه بالسلامه ولاتفجعني به
ادحك له گلبي معصور علي عوض ماعندو بس هالاخ مقدم بالجيش ويدوام بالانبار جثير من ولدنا اختفى اثرهم ناس بالموصل وناس بصلاح الدين والانبار انگطع اثرهم ومن ضمنهم نجم اخو عوض تكلمت
بردت ياخوي روح نام وارتاح ورانا كعده من الفجر
ما يجيني النوم من وره الكاعد اهوجس به
سكتت كمل
انت نام انا راح اظل كاعد خاف يصير شي لاسامح الله اكعدكم بالعجل
تمام اذا تعبت تعال كعدني
هز راسو بأي سريت من يمو ورحت لسيارتي
صعدت سديت الباب بهدؤ
دحكت على هيله غافيه صفنت عليها لحظه
متغطيه بفروتي وراسها مايل على صفحه مبين
عليها التعب والطريق هد حيلها ذبيت حسرة
وبگلبي دعيت نوصل من وكت وما نشوف بدربنا عارض شر حتى ترتاح وامن عليها انا هم التعب هد حيلي غمضت عيوني لا أراديا وغفيت وياها
🌿🌿🌿🌿🌿
ايهم
رجعت باجازه لبيت اهلي طبيت تعبان ومالي خلك من وره الانذار الي احنا بي ومن وره الوضع الي دخل البلد ،،،،قلق سيطر على
الشعب كله من وره داعش واحتلاله للمناطق الغربيه كل اجهزه الدوله دخلت انذار من وره هالشي لان انهدر دمنا من عدهم وصرنا معرضين للاغتيال بأي لحظه
جنت مو داير بال اتمنى الموت واريده حتى اخلص من هالدنيا
وكفت يم باب المطبخ من سمعت صوت ابني يبجي روحي انمردت هي وگلبي غمضت عيوني بتعب وقهر اريد اتحرك رجلي ما طاوعتني
لارا جابت ولد حتى ما سميته ولا اخذته لحظني ابويه سماه انس هو واخوتي تكفلو بكلشي سحبت روحي من كلشي لان ابد ماحسيت باحساس الابوه الي اسمع بي
هلاا يمه وصلت
امي اجتي باتجاهي حظنتني
بوستها كالت
الحمد لله على السلامه يمه
الله يسلمج حجيه شلونج وشلون ابويه
بخير يمه تعال اكعد وارتاح
لاا اروح ابدل وانام لان تعبان كلش
ااي روح نام من يصير الغده اكعدك
هزيت راسي بأي مشيت للصاله لارا طلعت من غرفتها شايله انس فرحت من شافتني وكالت
الحمد لله على السلامه ايهم
مارديت ،،،، اجتي باتجاهي
تحجي وي ابني
انس شوف منو اجه بابا
قربت بس شفتهم روحي اختنگت بعد اكثر عفتهم وصعدت لفوك طبيت غرفتي شمرت الجنطه على الگاع فتحت دكم القميص
ورحت كعدت على الجربايه
صافن والهم كاتلني ومخنوك غمضت بتعب
خيال الي سكن الروح والگلب صار كدامي رددت
ااخ ااخ يااليان جان المفروض انتي بدالها
وابني بحظنج بس ااني الضيعتج من ايدي اني محد غيري من خليتها تضحك عليه بجسمها وكلامها وخلتني اخذها
وهسه اني كاعد ادفع ثمن هاي الغلطه من عمري وصحتي وكمت اتمنى
الموت وهو ماكو
ذبيت حسرة من طلعت نار وحرگت صدري طلعت جهازي من جيبي فتحته ورحت للاستديو اباوع لصورها بالمهر وبالمشتل وبكل مكان جنت اخذلها صور بي
شوفتها جانت عذاب اليه بس ماجنت اكدر اذا ما اشوفها باليوم اكثر من مره اتخيل روحي وياها هي مرتي وام ابني هي الي ارجع
الها وبگلبي لهفه
تمددت بهدومي مغمض عيوني وعايش بخيالي الحياه الي ردت اعيشها وي ليان هيج صرت انهزم من الواقع الي فرضته على
روحي وانهزم للخيال واعيش وياها مثل ماجنت اريد
العصر مثل كل اجازه طلعت للمشتل وكفت بنفس المكان اراقبها من بعيد واتمنى نظره من عيونها
🌿🌿🌿🌿🌿
مالك
تطمنت على زين العابدين وخلصت من همه من خابرت وعرفت بي وصل لاربيل هو وحرمتو بس ظل هم وسيم لان من طلعت الصبح اريد اروح للمگتب وكفت من شفتو نزل وي ابوه يسند بي هو واخته وامه رحت علي بسرعه وسالت
خير شبي وسيم
ماابي شي
ليان ردت بنترة ابوها رد بصوت مخنوك
والله تخربط مره اللخ وضغطه صفر
دحكت علي ولا رفع راسو طب وي امه واخته الحجي ترخص وطب وراهم
رجعت لسيارتي صعدت بيها صافن على بيتهم دخت بسالفته كلت راح يصير بي شي من وره رفضي اله ويروح بيها واني مو عايز ذنب اللخ اخلي برگبتي طلعت افكر بي ومااعرف شلون اتصرف طول الطريق
اريد الكي حل للهل السالفه مالگيت
وصلت للمكتب طبيت بشير كاعد ويشتغل سلمت ورحت للميز مالتي كعدت اريد اشتغل ماكو اي تركيز صفنت على الملف الچدامي مااشوف اي شي كلت
ااستغفر الله ياربي
ها مالك خير اشوفك مو على بعضك
دحكت لصاحبي مارديت عكد حواجبه وسال
شبيك احجي صاير شي
ااخ بشير دايخ دوخه كشره من ورة وسيم
خير احجي اني حسيت اكو شي صاير بينكم وهو السبب الي خلاه يعوف
الشغل
كام وكعد يمي سال
صاير شي بينكم
ورثت جگاره هو سحب وحده ورثتها الو وكلت من اخذت نفس وذبيتو
اريد شورك لان دخت بهل السالفه
احجي مالك اسمعك
يول هذا تقدم لاختي ورفضتو
فك عيونو رد
منو رفضت وسيم
عجل منو صخيل ،،ااي رفضتو وماقبلت انطي اختي
منو صخيل
يول لاتعل گلبي تسمعني لو اكومك بدفره من يمي
وولك اسمعك واريد اعرف ليش رفضته وهو ما بيه اي عيب
شبيك يول مطفي مو تعرف سمعتهم شلون صارت من ورة اخته الساقطه
سكت بعدين رد
هو مااله ذنب بالصار ليش تاخذه بذنب اخته وبعدين هم تبرو منها وكطعو صلتهم بيها والبنيه تزوجت وانسدت السالفه ووي االايام الكل راح ينسى
الصار بيهم
جريت نفس طويل من جگارتي وذبيتو رديت
مااعرف بشير دخت ودوخني زماني
مالك اسالك بس اتمنى ماتضوج
اسال مااضوج
اختك يعني موافقه علي تريده يعني
سكتت هو افتهم ورد
يعني تريده وهو يريدها
يول لايروح بالك بعيد اا
ااعرف اختك واعرف تربيه اهلك الها واعرف وسيم هم متربي خوش تربيه وخساره ماتنطيها اله لان هيج ولد حرامات يروح
من ايدكم
مارديت
كمل
والله لو عندي اخت وهو رادها الا انطي الها وما ارفضه لان المثله صاروا عمله نادرة بهل الوكت
ااعرفو والله خوش ولد بس ااخ هاي البربوك صخمتهم ولك انت ماتعرف بس يسمعون گرايبنا بالصار بيهم راح نصير علج بالحلوك
منين يسمعون وليش يدرون بهالشي هم غربه عنكم يعني ماحد يعرفهم ولا يعرفون شصار بيهم الا اذا انتو حجيتو بهالسالفه
ماادري بشير شلون اتصرف الولد مو زين جاي يتخربط من قهره من رفضته وهو لحد هاي الساعه رايح جاي للمستشفى وخايف علي لايروح من ايد اهله وذيج الساعه هم ااشيل ذنبو مثل ماا
سكتت وبلعت السالفه بغصه هو افتهم رد
يعني وسيم هسه مو زين من وره رفضك اله
هزيت راسي باي بين بوجهو القهر رد
ياربي هو شنو ذنبه بالصار وشنو ذنب اخته شنو ذنبهم كلهم يدفعون ذنب وحده
ادبسسز وساقطه نفسها دنت على رجل اختها واخذته منها بعين صلفه وهي عرسها علي بعد كم يوم
ليان اجتي بين عيوني
تبجي وتتوسل بيه
اقبل بيها مقابل موافقتي على اخوها
ماحجيت شي هو ظل يقنع بيه انطي اختي اله لان خوش ولد وراح يخاف الله بيها
كملنا الشغل ورجعت
للبيت اني بالطريق نوار خابرتني ورادت حفاظات لتاليا
فتت من يم المشتل دحكت للساعه بالتسعه وبعدها مفتحه نزلت يم الاسواق الي بصفها طبيت هي صارت بوجهي صفنت عليها مبين عليها باجيه من عيونها الوارمه الملامح تبدلت بلحظه دارت وجهها مني وطلعت وكفت بمچاني
وذبيت حسره
اخذت حفاظات كميه تكفي اسبوع وجكاير اليه وجم شغله للبيت رجعت لسيارتي خليتهن بالصندوق الوره
صعدت اريد احرك دحكت بالمرايه اريد اشوف الطريق عكدت حواجبي وانداريت
بسرعه ليوره من شفت هذا العار عبر ووصار يم المشتل
بدون تفكير نزلت بسرعه دحكت اله راح للمشتل طب لحكته وفتت وراه
🌿🌿🌿🌿🌿
ليان
اخويه هم تخربط بليل ورگضنا بي للمستشفى
ضغطه صفر وصار فد مرة
اكثر من مغذي خلو اله يله شويه وعيه رجعله رجعنا الصبح احنا يم بابنا مالك طلع وشافه اجه بسرعه علينا سال ورديت بنتره
اخذت اخويه لجوة اني وماما احجي علي بگلبي وعلى ذيج الي ماخلت النا سمعه بين الناس حقدت عليها بعد اكثر هي وايهم لان شفت اذيتهم شسوت بيه اني واخويه
كاتمه دمعتي ماريد ابجي مااريد اصرخ وانهار بابا تعبان وماما هم بعد شويه احسهم هم راح يتخربطون عليه،،،،خليته يتمدد بالصاله امي كعدت يمه هو وبابا ذبيت البشت ورحت بسرعه سويت ريوك كملت كلشي ورجعت علي كاعد صافن
والوجه اصفر حجيت ويا
يله وسيم كوم اتريك
مااشتهي
رد بصوت تعبان جاوبته
لخاطري وسيم لخاطر بابا وماما كوم اكل شي شوفهم راح يتخربطون ويصير بيهم شي من وراك
باوع لابويه صافن علي والقهر والتعب هاد حيله ماما كالت بتوسل
كوم عيني واكل شي لخاطرنا اني وليان وابوك
ذب حسره وكام لحيله داخ لزمته بابا فز من مكانه وحجه
االله على كيفك من تكوم
اجه سنده وياي واخذنا للمطبخ كعد صافن على الاكل ماما وكفت يمه سوت لفه وخلتها بايده حجت
اكل وفك ريكك
اباوع علي خلاها بحلكه بدون واهس بس هي اكلها وكام وكف شويه اجيت ليمه سالته بخوف
ها بعدك دايخ
لاا
رد مختصر ومشى من يمنا ابويه وامي لحكوه اني هم راح تمدد بالصاله صفنا علي
بابا رجع للمطبخ يحجي بقهر
شاسويله دخت ياربي والله ماااعرف شاسوي وشلون اخليهم يوافقون علي
محد رد امي كعدت تبجي بصوت مخنوك كلنا جنا
خايفين علي لايصير بي شي من ورة القهر شاريد اسوي كلشي سويت ونزلت راسي ونفسي لمالك ومارضى يوافق علي وينطي نوار اله
الظهر نفس الحاله اكل شويه ورجع نام حتى حيل ماظل بي يصعد لغرفته نايم
بالصاله واي نشاط ماعنده
امي تفتر يمه ابويه ماطلع للشغل كاعد يمه وعيونه علي
المشتل صارله يومين ما فتحته طلعت العصر ورحت فتحت اشتغل وبالي يمه
زبائن هوايه اجوي جانت عدهم طلبات وتاخرت
بالتسليم من ورة اخويه رتبت طلباتهم وسلمتها الهم
طلعت للاسواق الي بصفي اجيب شي اكله لان جنت مو ماكله شي من وره القلق
والتفكير
اخذت كرواسان وعصير خوخ طلعت صار بوجهي مالك صفن علي درت وجهي منه بضوجه ورجعت للمشتل
عفت الي اشتريته على الميز الحوار
الي صار بينا اجه براسي دمعتي نزلت رددت
شاسويلك وسيم والله حتى وافقت علي حتى يرضى بيك وينطيك نوار
سمعت جرس المشتل دك مسحت دموعي بسرعه عبالي زبون اجه انداريت جمدت بمكاني من شفته ايهم تقدم رجعت خطوه حجه
لياان اا
ماكمل كلامه مالك طب بسرعه باوع عليه
شاف وضعي اجه بخطوات واسعه وصار بصفي سأل
مااكملتي شغل
ايد لزمت زندي بقوه فزيت باوعت مالك يخزر بيه سال
أسالج كملتي
منوو هذا
ايهم سال بصوت مخنوك وتقدم خطوه عيونه عليه وعلى مالك الي رده بنترة
ليييش تسأل ياابه
تقدم علينا لا أراديا صرت وره جتف مالك الي حجه
خيررر رايد شي
ليااان منو هذاا
مالك دار راسه عليه عيوني صارت بعيونه سال
تعرفي لهذا
هزيت راسي بلااا ايهم صاح
لياااان ااسمعيني خليني افهمج شصار
تقدم كلش مالك واكف بصدره ورد
سالمين ياب وين رايح شفتها كالت مااعرفك
تعرررفني اااني رجلها
صاح وانهديت بي بغضب وطلعت حرگه گلبي الضامتها صارلي اشهر
جنننت رجلي وتطلگنا بعد ماسويت السويته انت وذيج السااقطه ااايهم جنت رجلي
وخسرتني من مشيت وره
رغبتك ورحت نمت وي اختي الي دنت نفسها عليك وانت هم دنت نفسك عليها
صاح بيه بقهر
ماااجنت بوعيي اختج ضحكت عليه وخلتني
اخسرج ووج ليان اااني مااحبيت غيرج انتي وبس انتي الي حبيتها وراح اظل للموت احبها واموت عليها
ااطلع ااايهم ماريد اشوف خلقتك ولا اسمع صوتك حسبي الله عليك انت وذيج
الساقطه حسبي الله عليكم اذيتوني اني ووسيم واهلي
ااسمعيني
مااتسمع وجر مناااا
مالك صاح بي ودفعه بقوه ايهم رجع ليوره خزره
وصاح بي
لاتمد ايدك ولك لااا اسوي بيك شي مو صاير
مالك رد بهدؤ
قبل لاتوصلني اني مددك بالگاع ودايس على راسك
مااعرف شلون تحركت وصرت كدامه صحت بايهم
ااطلع مناااا وبعد لاتشوفني خلقتك
صفن علينا بوجهه مطعون مالك جرني من ايدي وخلاني بصفه دموعي
كامت تنزل ايهم سال بغصه
منو هذا
خطيببهااا عرفت منووو اني وهساع جر منا لا اني الي اشوفك شي مووو صاير
وجهه انطعن بعد اكثر وصفن بذهول عليه باوعت لمالك الي كمل بغضب
سمعت منو اني هساع يله جر وخلي يومك يعدي
على خير
ليااان
لااااا دكول اسمها
فزيت من صاح ،،،، بااعصاب تقدم عليه لزمته من ايده عمو محي اجه حجه
خير يابه شبيكم صياحكم وصل ليمنا
مالك مادار بال صاح بايهم وهو ياشر بايده
ديربالك توصل هنا بعد بالقران اكصها لرجليك
ادفنك هينه يول اذا شفتك بعد يمها او غاثها بچلمه
اايهم ،،، عيونه غورگت ووجهه صار دم دار روحه وطلع من يمنا بسرعه
عم محي سالني
خير يابه ليان شصاير
ماكو شي عم
مالك رد رحت كعدت بسرعه لان جسمي كله كام يرجف نزلت راسي شوفته خنگتني اكثر مااني مخنوگه
شهگت بصوت
رفعت راسي وره مشوار مالك ماكو
فزيت وكمت كلت لحكه مشيت خطوه هو طب شايل بطل مي وعصير وكف عيوني بعيونه انهاريت بالبجي
رجعت بصعوبه للكرسي كعدت اشهك سمعت صوته قريب مني
كافي ليان
زدت بالبجي ماسكتت سمعته كال
كاافي يولي وهاج اشربي مي
🌿🌿🌿🌿🌿
مالك
رفعت عيونها علي منظرها وشگلها خلوه گلبي ينمرد عليها بجت بشهكه وكالت
مالك بأي عين جاايني بأي عين اجه ووكف كدامي وهو يعرف شسوه بيه وباهلي
شهكت بصوت قوي وغطت وجهها بايدها
ذبيت حسره وعفتها تبجي وطلع نهده گلبها
ظليت يمها اسمع صوت بجيها وشهگتها گلبي انعصر عليها واختنگت ردتها تسكت ماتظل تبجي خفت لايصير بيها شي من القهر
اني واكف يمها صفنت على هذا الشعور الي حسيت بي دحكت عليها هدأت شويه شويه
رفعت عيونها عليه حجيت گوة
هاج اشربي
مديت ايدي بالبطل اخذته مني شربت شويه خلته بحظنها لازمتو بايدها الاثنين كالت
تسلم مالك واخذ راحتك
لااا مااروح قفلي المشتل واطلعي وياي للبيت
مااعترضت كامت قفلت كلشي وطلعت وياي دورت بعيوني على ذاك العار ماهو ولى ودلف راحت لسيارتها سالت
تكدرين تسوقين
اي
ردت مختصر صعدت بسيارتها واني رحت
لسيارتي ادحك الها طلعت جدامي واني وراها
طول الطريق افكر بيها شفتها شلون خافت
وانكسرت من شافته عرفتها من زمان هي وره هالقوه الي تمثلها انسانه ضعيفه ونازكه كسرها الردي هو واختها الساقطه
وخلوها تدعي القوه وهي
من الداخل كزاز مكسور
وكاعد يجرح بروحها
وصلنا لشارعنا وكفت يم
بيتهم واني يم بيتنا نزلت وكفت يم بابهم دحكت عليه من وكفت يم سيارتي رددت بخجل
شكرا مره اللخ مالك
صفنت عليها ورديت
ليان كولي لعمي الحجي اني موافق على وسيم
وجهها تغير بسرعه للفرح ولا جن قبل ساعه جانت تبجي اجتي بسرعه عليه وحجت بلهفه
صدك مالك
من شفت الفرح بوجهها ما اعرف شصار بگلبي صفنت عليها وگوة رديت
اي ليان بس
سكتت هي افتهمت غير الي اريد اكوله وردت بوجهه انطعن وتغيرت ملامحه
موافقه مالك بعدني على كلامي
لااا ليان ماكو شي مقابل موافقتي على اخوج
صفنت عليه بذهول ،، عيوني راحت لراس الشارع لمحت سياره ذاك العار واكف رادت ادير راسها من شافتني صافن علي عكدت حواجبي مديت ايدي الها احاول اجذب انتباهها
بلغي الوالد وهلا بيكم شوكت مااجيتو
ااي مالك
ذاك حرك بشحطه ووولى هي ماانتبهت كلت
اترخص ليان
الله وياك
طبت لبيتهم يله تحركت ورحت لبيتنا مشيت من يمهم ،،،،، الافكار متضاربه براسي وماااعرف شسويت كلشي صار بسرعه بسرعه
انطيت اختي لوسيم وتصرفت هالتصرف من
شفت هذا العار لفه يمها عارگتو واني لا بيها ولا عليها لااا وكتلو هاي خطيبتي
شلون صار هالشي مااعرف ماحسيت بروحي اني ما جاي اتصرف من ذاتي لا اكو واحد تحكم بيه وخلاني اسوي السويتو
🌿🌿🌿🌿🌿
زين العابدين
الله سهل دربنا وماشفنا ذوله جلاب النار بطريقنا وصلنا اربيل ادحك لهيله تعبانه ووجهها غده اصفر كركم ما اكلت شي من طلعنا غير بس بسكت ومي
من هجينا مناك ماجنا شايلين اكل غير بس
الموجود بالسياره مي بسكت وجبس
الطريق تعبني انا الزلمه الخشن مو عاد هي الحرمه والنازفه جثير
طبينا اربيل كعدت وره مشوار دحكت وعت لروحها سالت
وصلنا موو
اي وصلنا وجزينا الخطر
الحمدلله الحمدلله
الف مره الحمدلله هساع نصل لدارنا وترتاحين من تعب الطريق
اهلي وين يا زين
يم اهلي بدارهم
صفنت عليه كملت
حنا عدنا دار جبيره هينه واكو ويا مشتمل ابويه كعدهم بي
🌿🌿🌿🌿🌿
هيله
سمعت كلامو سكتت رفعت راسي يدحك لي بالمرايه سالت بتردد
وخواتك وين راحن
شايله هم خواتي ياهيله
سكتت هو كمل
خواتي زلمهن عدهم بيوت هينه يعني كل وحده راح تكعد بدارها منا الما تفض
رد بوجهه مطعون وصاير احمر وكمل
وحگ هو الله مااراح اهدأ ولا تلمني گاع الا ترد ديرتنا النا وذابحين ذوله جلاب النار وماخذين ثار الجتلوهم
حسبي الله عليهم ونعم الوكيل
رديت وغصه بگلبي شكبرها دخت شويه وسندت روحي على المخده الخلاها ورايه سال
بيج شي
فتحت يدحك لي بقلق
لاا
تحملي شوي راح نصل
بعد ربع ساعه
هزيت راسي باي غمضت كلما افتح عيوني الكيه يدحك لي والقلق مرسوم بملامحه
وصلنا شفت مو دار قصر جبير ركن ماخذ مساحه
جبيره كلش بناء حديث والكراج الطب بي مساحتو مال بيت هو والحديقه
عمي الشيخ طلع هو وام زين وجدته وخواتو لمحت حمد يمهم يدحك لنا
عيوني راحت لابويه اجه يمشي بسرعه من دار بصف البيت وويا امي وخواتي
زين نزل وراح بسرعه لابوه الي حظنو هو وامه
ابويه فتح الباب من يمي تكلم بصوت مخنوك
هلا يابه هلا الحمدلله على السلامه
حبني وحظني لصدرو ختلت بي بتعب وخر وامي هم حظتني تبجي وتردد
هسه ارتاح گلبي من شفتج اجيتي انتي وزين بالسلامه
حبتني هي وخواتي يبجن واني دمعتي نزلت وياهن
سمعت صوت
هلا ياهيله الحمدلله على السلامه
جان عمي شعلان گرب باسني من راسي واخذني لحظنه حظنه جن حظن
ابويه ختلت بي ورديت
الحمدلله على سلامتكم ياعم
وخر عيوني صارت بعيون زين يدحك عليه ابتسم وما عرفت ليش
ابويه حظنه وتحمد له بالسلامه هو وامي وخواتي امه گربت هي وخواته وجدته الي كالت
الحمدلله على سلامتج يبنت العرب
الله يسلمج ياشيخه
رديت امه تكلمت بوجه مگلوب
الحمدلله على سلامتج
الله يسلمج ياعمه
عكدت حواجبها بضوجه عيوني راحت لعمي دحك الها بتركيز انتبهت لها تغيرت الملامح بسرعه الهنوف تحمدت لي هي وخواتها شافت رجلي دم ونازفه حجت بسرعه
زين وديها لجوه خل نشوف دكتور لو دكتوره حتى يشوف جرحها تره نازف وخاف يصير بها شي
نزلت رجلي وكلت
انا اسري
🌿🌿🌿🌿🌿
زين العابدين
شفت حركات امي مع هيله اعرفها مو راضيه عليها ولا قبلت اخذها سوت مشكله جبيرة من كلت اريدها وراح اخطبها لجن ابويه وجدتي وكفو وياي وما كدرت بعد تحجي چلمه
واصلا انا حتى لو ظلت رافضه اسوي الي براسي اسوي ومايهمني اي احد ردت هيله لي وماصدگت من كالت اي حتى لو جانت الاي مالتها غصب ماعليها وقبلت من وره ظرفهم كلت بس تصير حدي ووياي بنفس الدار راح ادللها دلال مو صاير راح اشوفها حبي افعال مو بس كلام وهي شويه شويه راح تعرف انا وين وذاك الي سكن الگبور وين
من سمعت الهنوف شحجت وشفت هيله حدرت تريد تنزل من السياره ابوها تلگاها هو وامها سريت لها شلتها تكلمت بسرعه
عوفني زين اا
اش صوابج قوي لا تروحين تتأذين
يازين هدني
تكلمت بصوت ناصي خزرتها ورديت وانا امشي بها لدارهم
يبنت الناس لاتعلين گلبي اكثر ماهو معلول
ماردت دشيت لدارهم رحت للصاله اهلها ورايه هم والهنوف وهاجر وجدتي
خليتها على القنفه اشوفها تعبانه وصارت فد مرة تكلمت بسرعه
ياعمه سويلها لگمه تسند روحها بيها من طلعنا واحنا مو ماكلين شي
ااي هساع اصبلها الغده
درت روحي للهنوف كملت
ام زين بل امر عليج خلي الي بالمطبخ يشون لها معلاك لحمه خل تعوض الدم الي فقدتو بصوابها
هاجر ردت
اي هساع اروح اكول الهم
سرت من يمنا درت روحي هي صافنه عليه بنفس ذيج النظرات الي تخلي گلبي
تتخربط دكاتو
جهازي دك طلعتو من جيبي وطلعت به لبره جان واحد صاحبي يطمن علينا تكلمت معه شويه وترخصت من شفت ابويه اشر لي
🌿🌿🌿🌿🌿
هيله
الهنوف ضمدت لي الجرح وكالت العصر اجيب دكتوره تشوف جرحج من راحت غسلت وماخليت مي يوصل لجرحي تغديت وي اهلي وراها نمت نومه اهل الكهف
كعدت مااعرف بيش الساعه الغرفه الي نمت بيها ظلمه شويه ضوه يجي من بابها كمت نزلت رجلي وجعتني كلش لزمتها كمت اون سمعت صوت يحجي وواصل ليمي
مااكعدت هيله
جان صوت زين ابويه رد
والله يايابه من تغدت ولحد هساع هي نايمه
ياعم شوفها خاف بها شي
قلقه وخوفه عليه تعبو گلبي اكثر ماهو تعبان الكاعد يسوي انا مااكدر اردو الو وهذا الشي بده يخنگني
باب انفتح امي دشت هي وريمه وهاله شافوني كاعده منزله رجلي بالارض تكلمت
ها يمه كعدتي
اي يمه
شلونج هساع توجعج رجليج
كلشي يوجعني روحي وگلبي وجسمي
من مارديت ريمه كالت
توجعها يايمه مادام سكتت
الزين اجه ويريد يوديج لدكتورة حتى تشوف
جرحج
مايحتاج يمه انا اطيب
شلون مايحتاج ياهيله وهو كل مشوار ينزف خاف يتلوث ويصير برجلج مثل ماصار برجل عم فتاح من التهب وصار بي غرغرينا
وگصو قدمو
فاال الله ولا فالج بيش مفوله عل اختج يامصخمه ذاك بي سكر هي مابها شي
امي انهدت بهاله من تكلمت كملت معي
كومي يايمه خلي تشوفج الدكتورة وتطمن عليج
ذبيت حسره ابويه دش كرب يمي تكلم
ها يابنيتي شلونج هساع
رجلها توجعها يابه
كومي يابه خلي نوديج ونشوف وضعج
مااريد يابه هي تطيب بس ارتاح
مايصبر يابنتي صوابج قوي ويحتاج دكتور يشوفو
سكتت امي كملت
اسمعي الچلمه يايمه لايصير بج شي
يااعم
زين صاحو من الصاله من تاخرو علي
ابويه رد
تعال يازين ماانت بغريب ياولدي
ردت شالي ماهو هو دش علينا بسرعه گرب يدحك
لي جريت اللحاف الخفيف وغطيت شعري بي ساريه وريهام من شافني شسويت طگن من الضحك امي تبسمت ريمه ضحكت هي وهاله وكتمن ضحكتهن
بايدهن
عيوني راحت له ابتسم والوجه يضحك داره من عندي ابويه تكلم مبتسم
مالگيتي غيرو يبعد ابوج صرتي جنج الدب القطبي ناقصج بس ثلج وتطلعين مثلو
بذيج الساعه وحنا بكدر وقهر الكل خرب ضحك
زين فلتت منه ضحگه وكتمها
ساريه راحت ليمه تاشر
عليه بايدها خربانه ضحك وهو يهز براسو الها
فشلت وخجلت من الموقف كله هو بيه تكلم
انا طالع بره انتظرها خل تلبس لحااف ااقصد شال حتى نوديها للدكتوره
خواتي خربن ضحك خزرتهن خنسن ساريه وريهام وهاله لحكنا يضحكن بصوت مكتوم ابويه
تكلم
ياام هيله جهزيها خل نوديها للدكتوره ونشوف وضعها
اي
🌿🌿🌿🌿🌿
زين العابدين
كاعد بالصاله انتظر هيله تلبس حتى نوديها للدكتوره عمي حدي كاعد اشوفو مهموم وصافن سالتو
خير ياعم اشوفك كاعد تهوجس بشي ومكدر حالك
دحك لي ورد
ثگلنا عليكم ياولدي
عكدت حواجبي من تكلم هالكلام ورديت
ليش هالحجي ياعم تريدني ازعل عليك ابويه اذا سمع هالكلام راح ياخذ على خاطرو منك
ياولدي شلتو همنا معكم والكاعد تسونه جثير ومحد مسويه لاحد
ماانت احد ياعم انت اخو ابويه وعزيز علينا جثير وغالي
يعز غاليك ياولدي بس انا هم لازم اشوفلي شغله عمله حتى اكدر اعين روحي وعيلتي
صفنت علي اعرفو عزيز نفس والكاعد نسوي له
ثكيل عليه تكلمت
ياعم الشغل هساع شيلو من راسك خل نشوف وضعنا هينه وشلون راح تمشي بنا الايام يجوز مانظل بهل الديره نطلع لبغداد بس تهدأ شويه الاوضاع
سكت مارد عيوني راحت لهيله اجتي تمشي گوة وامها واختها ساندتها كمت لحيلي امها تكلمت
كملنا يا زين
السياره بره واكفه يم داركم
گربت من شفت ريمه ماتكدر لها تكلمت بسرعه
ااكدر اسري وي امي واختي
مادرت بال الها لزمتها من خصرها ابوها اجه بدل امها تكلم
على هونج يابه اسري على كيفج
سرت جم خطوه دحكت لها الوجع بين بملامحها
ياعم من رخصتك
تكلمت وخر وشلتها بسرعه صاحت
يا زين
لا اادوخيني واسكتي تره كاعد اشوفج توجعج رجليج وانتي ماتحجين ومتحمله الوجع حتى مااشيلج
🌿🌿🌿🌿🌿
هيله
من هجينا من المستشفى
وشالني ماجاني احساس الخجل ولا توترت مثل هساع ماعرف جنت مضروبه براسي من وره الاحداث والخوف جان
مسيطر عليه
احساس هاي اللحظه خلاني اخجل منو واتوتر كلش يجوز لان جدام اهلي شالني مرتين وشفت نظراتهم اليه هيج اجاني
هالاحساس وسيطر عليه
امي صعدت يمي هو تكلم من اندار عليه
اخذ الهنوف ونسري للعياده
اي يمه
امي ردت حرك وراح لدارهم خابر اختو حنا واكفين حمد طلع من الديوانيه وكف وصفن عليه عكدت حواجبي من شفت ملامح وجهه تغيرت وانطعن ماشال عيونو مني
