رواية بديلة اختي الفصل الثامن والعشرون 28 بقلم خاتون الكعبي

تذكير 

عمار  بنرفزة: صدك تحجي صارلك يومين ساطرني بيهة وشوف المدرسة واسئل عليهة وجيب اوراق وادي اوراق اخر شي تكلي الغي اسالفة بلة اكدر اعرف ليش الغيهة نهى كلامة بسخرية 

شاهين برود : لا ويلة اطلع برة مفاضيلك 

عمار كلب اعيونة بملل وهوة يكول : زين بس باجر مو تنسى الوالدة عازمتك انت ومرتك ع العشة عدنة صارلهة اسبوع خابصتني بيك 

شاهين : ادري الصبح خابرتني 

عمار : خوش يلة لعد طالع 

شاهين: هز راسة ابرود ورجع كمل الملف البأيدة حرك ركبتة بتعب واخذ التليفون دك ع رقم دقايق واجا صوت انوثي طاغي علي الدلع

:هلا بالباشا من زمان ما داك عبالي نسيتنى 

شاهين برود : جان عندي شغل المهم الي اسمه امير بعدة يجيجن 

وهية عاقدة حاجبهة بستغراب : قصدك امير ال*** 

شاهين : اي هوة يجيجن لو لا 

: بلي يجي كل اسبوع ومرات كل شهر

شاهين بمكر : اليوم دكي علي وخلي يجيجن

؛ ليش 

شاهين : بدون ليش نفذي وبس 

: حاضر تأمرني بشي ثاني نهت كلامهة بخبث 

شاهين : لا كال هاي الكلمة وسد التليفون بوجهة شمرة ع المكتب وفرك وجهة بتعب و.......

_______________

اوتار 

محمد بخبث : وعمتج كلتلج اخذي تليفوني 

اوتار  : ها.. لا.لا بس شسمة لم.. قاطعني وهوة يدنك راسة ع ركبتي احس انفاسة الحارة صارت تضرب بيهة بقوة اشتمهة وصعد الأذني همس بخفوت خلة جسمي يكزبر من الخوف والخجل بنفس الوقت 

محمد : كملي ليش سكتي 

اوتار  بتوتر : اءكمل بس وخر من...اااااه عطت بوجع واني احس شحمت اذني تنجر بسنانة رفع راسة علية مرر اطراف اصابعة ع خدي وهوة يكول 

محمد بخبث : واذا ما وخرت شسوين 

 اوتار : مكدريت اتحمل كلامة وتمادي ازايد بحقي دفعتة عني بقوة وطلعت من غرفتة نزلت جوى بسرعة ودخلت الغرفتي وبدت نوبت البجي مالتي ضربت وجهي واني اكول غببية ثوووللة حيوووانة بلاا عقلل معقول سامحتة بهالبساطة بعدد كل يلي سوا بية والهانة الهاني ياهة ورجعت ااغار علي واهين نفسي الة فركت وجهي بعنف واني احس براسي حيطك من كثر البجي و.....

________________

طيف 

نسر : هز راسة برود وهوة يتمتم بكلمة خوش ودار ع طيف وهوة ايكول اجابج بوية اهنا بهالظهرية ما خفتي واحد يشوفكم من الفلح ويفتهم وكفتكم غلط اذا ما تخافين ع نفسج خافي ع سمعت ابوج بين هالديرة 

باوعتلة ببرود مستفز واني اكول: لا شيخنا ميحجون شي الكل يعرف شنو اخلاق بنت الشيخ جمال والبستان بستانة وما واكفة ويا واحد غريب حمزة ابن خالي واعز من الأخو بنسبة الي نهيت كلامي واني ادور ع حمزة باوعتلة وكلت 

طيف ببتسامة : يلة حمزاوي اترخص بس مو تنسى اليوم تمرنة وتحجي ويا ابوية فدوة معتمدة عليك بسالفة الخط تعرفة ميأمن علية غير عندك 

حمزة : مرخوصة شيخة وتدللين

طيف : باوعتلة بغيض وهوة ضحك درت ظهري وردت اطلع من البستان راحت عيني علي بنظرة خاطفة واني اشوف اعيونة ايبثن شرار ما متعود ع التجاهل مني بس حيتعود بالأيام الجاية كلت هيج ومشيت بخطى سريعة البيتنة والله لو شايفتني امي واكفة وداكة حنج وياهم جاان جرتني من اعطوبي رجعت للبيت بسرعة وشفتهة منتظرتني بالباب والمس مال تمن بيدهة بلعت ريكي بخوف شكلنة راح ناكل كتلة معدلة اليوم وقبل لا احجي اي كلمة حصلتلي ضربة معدلة بي ع زندي صحت بوجع واني افرك بزندي

طيف : هااي ليشش عودد والله الة اكول الأبوي عليج اباوعلهة شالت انعالهة واجت اتكمل علية فلتت بسرعة الغرفتي واني اضحك بدلت ملابسي وغسلت ورجعت نزلت جوى شفت ابوية واخواني راجعين من الديوان ابوية باوعلي وفتحلي ايدة رحت حظنتة واني اباوع ع امي بمكر وكمت مثل الحبابة كملت صب الغدة وياهة ما اريد احصلي كتلة ثانية وصحت ابوية واخواني ع السفرة تغدينة ورحت هدرتلهم الجاي وبديت اشيل بالسفرة ويا امي غسلت المواعين وصعدت الغرفتي احس روحي اشوية واطفة من التعب والنعاس جريت القراصة من شعري بخمول وشمرت روحي ع الجرباية دقايق ورحت بغير عالم عالم فارغ خالي من اي تصنع مبي دغش ولا تكبر ولا سلطة عالم بي الكل مساوي و........

________________

مرسلين

كملت دوامي ودعت تقى وكفت بالباب منتظرة شاهين اشوية واجا ركبت ويا سلمت علي بس مرد وصلنى للبيت وهوة اطريق كولة مطنكر وساكت مدري شبي دخلت للبيت سلمت ع عمتي وعمو وشفت سمر جاية حظنتهة. وبوست الجهال وصعدت فوك بدلت ملابسي وغسلت وطلعت ملابس الشاهين ونزلت جوى  حضرت الغدة ويا سمر وصبينى دقايق ونزل شاهين مبدل تغدينة وكمت سويت جاي وشلت المواعين ويا سمر غسلتهن وصبيت الجاي وصعدت فوك كبل سبحت ولبست اتراك خفيف صليت قضاء وطلعت بصالة شفت شاهين صاعد وكاعد ع الكرويتا يدخن ويشتغل بالأبتوب باوعتلة بملل وشغلت البلازمة كعدت اباوع ع مسلسل حلو الحد ما كال 

شاهين بنزعاج : طفي وكومي كملي دروسج لاحكة ع المسلسلات 

مرسلين : معندي شي باجر  

شاهين : حتى لو طفي

مرسلين : باوعتلة بضوجة وكمت طفيتة ودخلت للغرفة عقدة مو بيدة لازم يخبث باوعت ع جنطت المدرسة بملل وتنهدت حتى ما الي نفس اقرة رحت اخذت تليفوني والهتفون وكعدت ع الجرباية اكمل مسلسلي شفتة دخل للغرفة طفيت التليفون بسرعة باوعلي وهوة رافع حاجبة وكال 

شاهين : حضريلي ملابس 

مرسلين: ليش وين رايح باوعلي بنظرة خلتني اعض ع شفتي من هالسؤال الغبي وكمت بسرعة حطيت تليفوني ع الميز وطلعتلة ملابس اباوعلة فتح سحابة التراك واجا يبدل كدامي صدوك ميستحي طلعت بسرعة من الغرفة كعدت بصالة واعيوني ع الغرفة ورة فترة يلة طلع وهوة يلبس بساعتة والتليفون والسويج بيدة باوعلي بنظرات خاطفة ابن الأوادم اشلون طالع صاك استغفرلله مبقة غير شاهين حتى اتغزل بي 

بس وين رايح معرف ليش بس الفضول اشتغل عندي اريد اعرف وين راح كمت بسرعة دخلت للغرفة ورحت بتجاه الشباك شفتة طلع سيارتة ورجع سد باب البيت اخذت شالي وباوعت ع التراك زين طويل ومستور نزلت جوة بسرعة شفت سمر كاعدة بصالة هية وعمتي كعدت يمهن والفضول ما كلني اريد اسئل عمة لأن اكيد بس هية التعرف وين راح الحد ما كالت سمر وين راح شاهين بهالظهرية باوعت ع عمة بفضول وهية تكول 

ام شاهين : والله معرف يمكن راح الصديقة

مرسلين : رفعت حاجبي بعدم تصديق بس هوة يروح بتلاثة الظهر الصديقة بس سكتت محجيت شي وكعدت ويا جهال وسام يوسف وامنة العابهم اباوع ع يوسف يا سبحان الله بي شبه جبير من شاهين خصوصن بالعيون هم بيهن حدة غريبة ولونهن جوزي فاتح يسحرن الواحد برموشهن بس يوسف احلة بخدودة الورردية وشعرة المكنكر ابتسمت واني اشيلة بست اخدودة وحطيتة بحظني اكركرة واضحك ع ضحكة الحد مشفت عمو دخل وراه شاهين اختفت ابتسامتي اول مشفت شاهين اشلون يباوعلي بحدة بس محجة شي وراح كعد ع الكرويتة بصف عمو عدلت شالي بتوتر واني اشوفة ماد ايدة بمعنة انطيني يا كمت انطيتى يوسف ورجعت كعدت بصف امنة اباوع ع يوسف خطية مثل الخاف منة الحد مبتسملة شاهين يلة ابتسم وحرك ايدي ع شعرة باوعتلة عمتي وكالت 

ام شاهين ببتسامة : يوم الشوف جهالك بحظنك  

شاهين باوع ع مرسلين بمكر وهوة ايكول : ان شألله 

مرسلين : دنكت راسي بخجل واترخصت منهم ورحت للمطبخ شفت سمر دتقطع بالكيك ابتسمت ورحت صبيت جاي وياهة ورجعنة للصالة شفت الولد كلهم مجتمعين قدمت سمر الكيك واني الجاي اباوعلهة راحت كعدت يم زوجهة اشرتلي عمتي اكعد يم شاهين هزيت راسي وحطيت الصينية ع الطاولة وكعدت يمة بس بعيدة عنة اشوية باوعت ع سمر وسام يحجون بيناتهم ويضحكون ابتسمت ربي يحضهم ان شألله وعمتي تحجي ويا عمو ع بيت جدو ومصطفى مدنك ع تليفونة باوعت ع شاهين  يلاعب بيوسف ويحرك بشعرة باوعلي وحرك راسة بمعنى شكو نفيت راسي بمعنى ماكو شي ودنكت ع اكلاص الجاي البيدي مدري ليش بس الحد الأن احس روحي غريبة بيناتهم معرف اني مكدريت اتأقلم وياهم رجعت باوعت الشاهين يباوعلي بستغراب وكال بهمس 

شاهين : بيج شي 

مرسلين بخفوت : لا ليش

شاهين برود : هيج كملتي دروسج 

مرسلين : باوعتلة وبرطمت ابلاهة واني اذكر نفسي بعدني مقارية شي 

شاهين عض ع شفتة الجوى خافي ابتسامتة ورجع طغة ع صوتة البرود وهوة يكول : اصعدي كملي اقرايتج 

مرسلين بهمس: باليل اقرة هسة الكول كاعد عيب اكوم واعوفهم 

شاهين : محد راح يعتب عليج اصعدي  اقري هسة ما تكدرين تستوعبين باليل 

مرسلين : هزيت راسي واترخصت من الكل وصعدت فوك نزعت شالي وبديت اقرة للمغرب دخل شاهين جنت كاعدة بصالة وشفتة حط تليفونة وسويجة ع الميز ودخل للغرفة دقايق ودك تليفونة اباوعلة طلع بسرعة من الغرفة مبين جان ينزع بقمصية لأن اول تلث دكمات مفتوحة منة اخذ التليفون ورجع دخل للغرفة معرف ليش بس الفضول اخذني حتى اعرف منو الدك علي مشيت ع اطراف اصابيعي للغرفة وكفت بالباب واني اسمعة ايكول 

شاهين :ساعة بالكثر واصير يمكم  تحضرو لا ما اتأخر 

مرسلين : كال هيج وسد التليفون رجعت بسرعة المكاني وحاولت التهي بكتبي بس كلامة بعدة ايرن ابأذني معقولة رايح هم يشرب اي ليش مو معقولة ضليت نص ساعة ع نفس الحالة الحد مشفتة طلع من الغرفة اباوعلة ع اخر حبة والعطر  ايعط منه اخذ سويجة واجأ يطلع من الصالة صرت كدامة بسرعة واني اكول 

مرسلين بندفاع : رايح تشرب 

شاهين وهوة رافع حاجبة : شنو 

مرسلين : رايح تشرب مو 

شاهين برود : اشدخلج 

مرسلين بعصبية : دخلني ونص كتلك طول ما اني وياك بنفس الغرفة مستحيل اقبل ترجعلي شارب وسكران ا.. قاطعها وهوة ايكول 

شاهين بحدة : لا تدخلين بشي ميخصج استري ع نفسج ورجعي اقري ما اريد اخرب مزاجي وياج 

مرسلين : ماكو مستحيل اخ.. سكتت واني اشوفة بدة يتقرب علية رجعت ليورة بخوف واني ابلع بريكي الحد منطخيت بالباب باوعلي وابتسم بخبث  حرك خشمة بخفة ع خدي واني احس بي مثلل يشتمة باوع بعيوني بنظرات خلتني ارجف واخجل بنفس الوقت استجمعت قوتي واني ادفعة عني بقوة اباوعلة فرك وجهة مثل الجان خدران 

وخرني من جهة الباب وطلع بسرعة لزمت كلبي واني احسة يدوك مثل الطبول هالكد قربة يخوفني ويخليني ارجف رجعت المكاني ساعة اقرة وساعة اخذلي صفنة بالي صار الحد مصاحتني سمر ع العشة والله عيب حتى منزلت ساعدتهة كتلهة ما اشتهي ولملمت كتبي واخذت شالي لبستة ونزلت جوى هم صاحتني عمة ع العشة كتلهة مشتهي ورحت خدرتلهم الجاي وغسلت المواعين دخلت للمطبخ شافتني وكالت 

سمر : روحي كملي اقرايتج واني هسة اكملهن عنج معندي شي 

مرسلين ببتسامة : لا حبيبتي تسلمين كملت مبقالي شي 

سمر : هزت راسهة ببتسامة وراحت صبت الجاي ورجعت للصالة 

مرسلين : كملت المواعين ورجعت صعدت فوك نضفت الغرفة وصالة وعطرتهن وطلعت الملابس غسلتهن منا للدعش يلة خصلت من كولشي وشاهين بعدة مجاي رحت قفلت باب الصالة بالمفاتيح اشوف منو  ايدخلة اليوم واخذتلي دشداشة قصيرة مارونية ودخلت سبحت كملت سبح ومشطت شعري عفتة مفتوح ع طولة وطفيت الضويات بقيت ضوة خفيف جاي من الغرفة وشغلت البلازمة وكعدت اتفرج عليهة منا للوحدة يلة شفت يدت الباب تتحرك ابتسمت بستمتاع واني اسمعة ايدك الباب رحت وكفت اكبال الباب واني اكول بصوت اشبه بنعاس 

مرسلين : منو 

شاهين بعصبية : ابوج بكبرة افتحي ليش قافلة الباب 

مرسلين : اسم الله علي ان شألله بعدوينة ومفتحة ارجع للمكان الجيت منة 

شاهين بحدة : افتحي لا اكسرة عليج بهاليل 

مرسلين برود : مفتحة وشسوي سوي كتلك ورجع واكول طول ما اني موجودة وياك بنفس الغرفة انت مجبور تحترم وجودي البين متخلص هالشكم شهر ورجع البيت اهلي اباوعلة ركع الباب بيدة بقوة وراح مبين عصبي حطيت اذني ع الباب اتأكد اذا راح او لا بس ماكو صوت هدؤ باوعت ع الساعة خطية وين ينام هسة بالوحدة بس حتى لو يستاهل كلت هيج ورجعت المكاني ع الكرويتة

عين ع البلازمة وعين ع الباب مرت اكثر من عشر دقايق ع هالوضع الحد مزفرت انفاسي بتوتر وكمت فتحت الباب ع كيف شفت البيت اضلم وهادي اكيد الكل نايمين سديت الباب وراي ع كيف ونزلت جوى واعيوني تتلفت بالبيت علي بس ماكو الحد مشفتة من الضوة الخافت البصالة نايم ع الكرويتة وحاط ايد ع اعيونة والأيد الثانية ع بطنة خطية اشلون نايم والصالة باردة والمكيف مشتغل صعدت جبتلة غطة واجيت اغطي مو الشي بس كدافع انساني لا غير احجي هالكلام واقنع بي عقلي بس كلبي ايكول غير شي فتحت الغطة واول محطيت الغطة ع صدرة 

حسيت بأيدية ينسحبن علي فتحت اعيوني بصدمة واني اشوف نفسي صرت جوا وهوة يباوعلي ويبتسم بخبث ردت ادفعة بس مكدريت واني احس ايدية مقيدات بأيدة ورجلية حصرهن بين رجلي ابتسم بخبث وقرب وجهة ع ركبتي قشعر جسمي من انفاسة الحارة صارت تضرب بيهة غمضت اعيوني بخجل واني اكول 

مرسلين بتوتر : وءءخر شاهين. وخر.. ادسوي 

شاهين عضيت ركبتهة بقوة واني اكول : شسويت قابل ناهب مرتي وحلالي 

مرسلين بوجع : اووي وخرر فددوة شااهي...

شاهين : ............

_______________

محمد 

حيدر : شكو اليوم شو الضحكة شاكة حلكك ضحكنة وياك 

محمد : شكلة اصويحبك وكع 

حيدر بملل : بيهة الخير وحدة جديدة لو..قاطعا وهوة يكول 

محمد ببتسامة: لا يا جديدة يا بطيخ بت عمتي اكو غيرهة 

حيدر بستغراب : معقول قبلت بيك بعد كل الصار بيناتكم 

محمد : مو قبلت قبلت بس تكدر تكول بدت اتلين وياي 

حيدر : زين خير ان شألله وشنو نواياك تجاهة 

محمد بفرحة واضحة من نبرت صوتة واعيونة : زواج طبعاً 

حيدر : والله معرف شكلك يا خوي بس ما اتوقع تجي وياك بساهل ع كولاً  الله يتمملك ياهة ع خير

محمد بغرور: تجي وداعتك ما يصعب شي علية وتسلم  خوية يلة اترخص باجر لازم اطلع للكلية من وكت عندي شكم ملف لازم اكملهن

حيدر : مرخوص بوية تصبح ع خير 

محمد : اجمعين يلة اودعناك كلت هيج ورحت ركبت سيارتي ورجعت للبيت واني اباوع ع الشوارع احس الأبتسامة مالية كلبي احس بشعور جديد وحلو عمرري ما حسيت بي ولا ويا وحدة من الي تعرفت عليهن ابتسمت بهدؤ واني اذكر خجلهة وتوترهة بقربي منهة ملمس خدهة بيدي كلشي بيهة صار يجذبني الهة حتى الشغلات العادتن ما جنت اشوفهة مزعجة بيهة صرت احبهة وعشقهة بيهن صفيت السيارة اباب البيت ونزلت دخلت للبيت وشفت الكل مجتمعين بصالة معداهة سلمت ع الكل وكعدت بصف ابوية واعيوني تتلفت عليهة الحد ما انتبهت ع حجيهم وعقدت حاجبي بستغراب واني اسمع عمتي تكول اسئلو علي وشوفو انوبة يلة ادزولة الموافقة باوعتلهة وكلت 

محمد بستغراب : منو اليسئلون علي وموافقتيش 

ام اوتار : صديق عادل قبل اسبوع اتقدم الأوتار واليوم يلة ردت الموافقة ع خير والولد حسب كلام عادل زين ومؤدب ويشتغل ويا بالدوام فجاي اكول الجدك يدز الولد المنطقتهم وجوب نسئل علي ونشوفة وبعدين اردلة الموافقة 

محمد :...........

_______________

طيف 

فزيت العصر ع صوت ضجة جاية من جوى كمت غسلت وجهي ولميت شعري كعكة ونزلت جوى سئلت امي منو عدنة كالت خالج وابنه حمزة ابتسمت وصعدت لبست دشادشة طويلة وشال ورجعت نزلت جوى دخلت للصالة سلمت ع خالو وحمزة وكعدت بصف اخوية بدو ايسولفون ع البستان والفلح الحد مفتح حمزة موضوع الخط ويا بابا وكملت اني الحجي عنة اباوع ع بابا شبه اقتنع وكلة اليوم يدز واحد من اخواني يحجي ويا ازلمة ابتسمت بفرح واخيراً حخلص من المشي والتعب وظلو عدنة للمغرب  اصر عليهم بابا يبقون ع العشة بس مقبلو بحجة عدهم شغل مدري شنو وراحو طلع بابا هوة والولد للديوان باوعت ع ماما بملل واني اسمعهة اتكول 

ام طيف : اروح البيت جدج منطول ما عدنة شي وابوج واخوانج اهناكة 

طيف : لا ما اريد اروح واشوفج تنغثين بسببهن وتعرفيني مستحيل اسكتلهن وحصير مشكلة وينذب الوم بية فخال نبقة بيتنة احسلنة 

ام طيف بحدة: طييف شهالحجي حرام قطع صلة ارحم مهما جان ايضلون بيت جدج وعمامج وانتي تعرفين جدتج اشكد تحبج وتعزج بين كل بنات عمج وعماتج 

طيف : صح تحبني بس بناتهة لا فالحسن انو نبقة بلا مشاكل وبلا وجع راس 

ام طيف : ماكو ترحين يعني ترحين راح اطلع الحم ايموع للعشة بين ما هاي كون الكاج مكملة 

طيف : اباوعلهة عافتني وراحت تنهدت بغيض واني اصعد اطلعلي صاية سودة وشال اسود ما لكيت انسب من هالوان حتى اقابلهم بيهة يا سبحان الله مثل اكلوبهم لفيت شالي بضوجة واني اسمع بأمي اصيحني من الدرج اخذت تليفوني ونزلت بسرعة شفتهة لابسة عبايتهة واكفة باوعتلي برضة اتخاف علية من الحجي خاف حاطة حمرة لو شي ما تعرف بيهن هسة كل وحدة حاطتلهة طن مكياج سدت الباب ورحنة البيت جدو من جهة السياج دخلنة للصالة وشفت عماتي ونسوان عمامي كاعدات كلبت اعيوني بضوجة وسلمت عليهن من ورة خشمي مثل ما هنة سلمن وكعدت بصف امي واعيوني تتلفت ادور ع حبوبتي الحد مسئلت بت عمي عليهة كلتلي جاي اصلي بغرفتهة. 

هسمت بأذن امي راح اروح الحبوبة اباوعلهة هزتلي راسهة بمعنى اي كمت رحت الغرفة جدي وحبوبتي ابتسمت واني اشوفهة اسبح واجهة ايشع نور بتجاعيد دليل ع تقدم سنهة بالعمر برغم هية هم تحب السلطة والمال وجانت معارضة زواج امي وابوي بس رغم هيج هية الوحيدة التحبني من بيت جدي حتى جدي مو هالكد علاقتي بي اباوعلهة ابتسمت لمن شافتني ولمت سجادتهة سلمت عليهة وحطنتهة ضليت دافنة راسي بحظنهة اشتم بعطررهة خررب اشكثر امووت ع عطر العجايز بي ريحة مميزة ومختلفة شلتلهة السجادة واني اكول 

طيف : من هسة اكلج اليوم ما اروح اذا ما تنطيني من عطرج المدوخة بي جدي 

ام مالك : هههه فلك طرج يالمسودنة انتي والسانج 

طيف : ليش حبوبة اكو احلا من الساني 

ام مالك : اذا ما وكعتيلج بتوهكة من ورة هاللسان ما اطلع حمدية 

طيف : حمدية وما ادراك ما حمدية صكد حمدية ما كلتلي اشوكت ترحين اتباركين البيت ام سامي جنتهم راح تحبل واجيب وانتي بعدج مباركتيلهم ع العرس 

ام مالك : وخري عني لا بالعوجية ادبسز اصغرر اعيالج اني وتكليلي حمدية ما يلام نسر من ايكول السانج عوزة كص 

طيف : باوعتلهة بغيض ونزعت شالي بخنكة وفتحت شعري ع طولة نزل الحد خصري حطيت راسي بحظن جدتي وحطيت ايدهة ع راسي احب تمسدلي ع شعري بديهة تجيني راحة مو طبيعية اباوعلهة ابتسمت وبدت تحرك بيدهة ع شعري وهية تحجي انو اتريد تحطلي حنة علي معرف شنو هذة كلة واني مغمضة اعيوني ومسافرة بغير عالم  اشوية وسمعت صوت رجوليي يتحمحم بخشونة وهوة ايكول 

نسر  : حجيية فاارغة

طيف : فزيت بسرعة من مكاني واني اسمع صوتة اباوعلة رفع نظرة علية مثل الي تفاجئ انتبهتلة عين ع شعري  وعين ع الوحمة القريبة ع اذني  جريت شالي بسرعة لبستة واني اباوعلة بعصبية اشلون رجع اعيونة لحبوبتي وكأنو ممسوي شي 

الحجية ببتسامة : اي يمة دش 

نسر :......