رواية خفايا القدر الفصل الثامن والعشرون بقلم انين الروح
صبحت الصبح شفته نايم ونفاسه هادئه
خال يده ع خصري
اول مره تتلاشه المسافات ابينه
ولكه روحي اتنفس هواه وقريبه عليه اعاين ع شعر صدره انفخ عليه بخفه وشوفه شلون يتحرك
ماردت اكوم من يمه اريد ابقه نايمه بحضنه
بس مكدرت لان اعرف يظلون يحجون عليه جوه
ع كيف ارفعت ايده حتى ابتعد من غير ميحس
ويه كومتي
ولزمني من خصري حوطني من بطني بيده
هاي وين كايمه ردي المكانج
لا جراح خليني اكوم الوكت اتاخر ساعه ١١ الصبح
ويعني وذا الوكت تاخر شني قامت القيامه
لا بس ماريد احد يحجي عليه
منو اليحجي وشحده غير اكص الساناتهم
انتي يمي نايمه مالهم دخل بيج
انه من ماموجود عادي تصافون انتي وياهم
بس ماطولني اني يمج وانتي يمي محد يفتح حلكه وياج
ردي الحضنج محتاجج ويريد يشمج
هههههه😘😘😘😘
مجنون
مجنون بيج غير
للساعه ١٢ ونص الظهر يله طلعنه اني وجراح هو كبل راح الشغله واني رحت للمطبخ اكلي فد لكمه اخربت جوع
جنت اصب تمن ومرك دجاج اصفر
مالي خلك اسوي بيضه لان الوكت ظهريه
صبيت وخليت عالميز
جتلي رباب طايره رهف يرحم والديج تلفونج ابساع فدوه
يمعوده شلج بي
اريد رهف وينه فدوه
بالغرفه عالميز تلكي
اشكرج عمري باستني وراحت تركض
ثول هاي اشبيج مثل الحصن تركضين وتجبحين
رباب... اسكتي ازهار مالج دخل
رهف ..اهوووو يامصباح الله خير
اخلصنه وما خلصنه
ازهار .اشبيج ادردمين وي حالج ..تو الناس ليش كاعده من غبشه الله جان ظليتي للمغرب مو احسن
ميخصج شي عاجبي احجي ويه نفسي انتي شكو حاشره روحج بين البصله وكشرتها
وثانيا مالج دخل اكعد الصبح الظهر العصر مالج دخل ولا تفتحين حلكج وياي
ازهار ..اوووي عيوني ارجفت بس رهف صدك انتي بصله وصنانج كاب بالبيت
اكلج تحترمين حالج لو ترديني ازفج تره مخلصه شغل وعمل وشياطين الدنيا كلها جاي اطفر كدامي
ازهار ..يمه خوفتيني يبنت بغداد والله وطلعلج صوت عكب ماتزوجتي جراح
اسمه ابوصكر مو جراح حاف
لا احبيبه لا
ابو يقين لان هي بنته الصدك مو ابن اخوه
ولج رهوف لاتصدكين بحالج تزوجتي جراح وصرتي ام البيت وصرتي مرته
تحلمين زواجج بجراح يدوم وانه موجوده
رهف .وكفت ع حيلي
سمعي دا اكلج 😡😡😡 اعله مابخيلج اركبي وبيج خير سوي شي الي او الجراح
والله والخلق محمد اكسر راسج اتكسر
فلا تخلين راسج براسي عرفي حدودج وياي شكد
عده النهار رجع جراح ويه المغرب
حضرتله الحمام
وجيت عليه جان كاعد يم الجده والحجيه
جراح حضرتلك الحمام يله كوم اسبح
الجده ..يالعوبه شيسبح سبحه الشياطين
خل يفوت المغرب شكدج عوبه يرادلج تعلوم ...؟
ردت احجي واشرلي جراح اسكت
يله انه كايم عالعشه اشوفكم
صعدنه كعد عالجربايه واني مطنكره وضايجه السيف ما يكص وجهي
اشمالج شو اتأفأفين خير اكو شي
اي اكو اشياء
احجي اسمعج
جراح انت تحبني لو لا
احجي رهف شعندج
شوف لو اني لو ازهار بهذا البيت
اهووووووو هاي اشلون اطالبه وياج ويه ازهار
بويه طلعي ازهار من بالج
انه مخليها خدامه لطفله فقط هي امها تعرف تداريها انتي حامل وصكر ع صدرج وهاي هم محتاجه رعايه جا شلون اشيلهم وشمرهم بالشارع فهميني
انه المن التفت الج للبيت للشغل
خاب حسو بيه انه هم بشر وحوصلتي بدت تصغر
اني ما اعرف جراح ازهار يوميه مسمعتني احجايه وتكلي اله اكسب كلب جراح ورجعه الي
وتعرفني اني مخيله وبساع اصدك
وانت كلبك رجيج خاف تكسر خاطرك وترجعها الك وتكوم تحبها
رهف حبيبتي عمري ام ابني الجاي ريحي حالج من هالناحيه ولا تفكرين ولا اشيلين هم ازهار
يأشر ع كلبه ❤️ هذا مقفول ومفتاحه بس عندج انتي فتحتي بابه وتعرشي بي ماكو وحده تاخذ مكانج
ون اخذته ف ما تاخذ غير الجسد بس الروح الج ياعمري
شنوووو هذا الحجي
ماريد احد ياخذك مني لا جسد ولا روح
انت بس الي فاهم
يابعد كلبي وجلاويه انتي حافظي عليه وانه اكون بس الج
كام خلاني وراح للحمام
خرب جراح اله اسجنك بيدي بقفص يله ارتاح
ياربي شلون بلوه هاي
ما اتحمل وحده تتقربله وهذني النسوان مجودرات يمه
شنو بس هو الزلمه بهاي العشيره روحن عالعدكم عابت والله عابت
ياناس اغار عليه مو بيدي اني احبه وحبي اله ابفطره من اول يوم شفته دخل كلبي بدون استأذان بدون كلشي
احب عصبيته احب غروره احب انفاسه احب ريحته الي ما اشبع منها من اعطش اله اروح ع ملابسه اشتمها حتى ترد الي عافيتي
والله احسه سحرني سوالي مغناطيس بحبه سعوفني
لحظه اتكهرب اذا تاخر عني ساعه شلون ياربي اتعبت من هالاحساس المرهف الزايد عن حده اتعبت
تعشينه ولمينه كلشي ورتبنه المطبخ
اجانه رضا
رهف وين جراح
بالديوانيه عفته
اي زين
رضا اتريد احضرلك عشه
لا شكرا متعشي
رحت وديت الجاي وسمعت رضا
اكلك انه البنيه رايدها حابها داخله ابالي
فتت وبتسمت 😊😊😊😊 والله انت تستاهل كل خير وهي خوش ابنيه وحبابه
ان شالله يجمعكم سوه
جراح ..انتي عرفتي منو
اي اعرف واني اشجعه عليها
منيه بله
موج اخت طه زوج رفيف
شنو جنتي تتسمعين علينه
لا والنبي توني دخلت وسمعت بس طاري زواج
لعد اشمدريج هي
تره شغله ميرادلها روحه للقاضي
من جتي عرفنه رضا معجب بيها وهي هم دزت سلام اله من جنت موجوده
اي وانتي تشتغلين خطابه الهم مو
لا والنبي كله صدفه يصير اكبالي
جراح .بالك وياي
انه رايد البت
الله كريم رضا لا تخبصني
يله كومي انتي
دخلنه غرفتنه .هاي اشبيك شو كلبتها درامه
شنو حضرتج تشتغلين خطابه
مو كتلك وشكو بيها خلي يزوج اليحبها لو حرام عليه
واحنه شنعرف عن البنيه وعن اهلها
ليش طه يعني ممعروف اخلاقه محلوه
انتي بس فهميني شدخلج بالسالفه انه ماريد ياخذها بنات عمامنه جثيرات
ليش خلي يزوج الكلبه يريدها
واحنه نظل يوميه ودوني خانقين ردوني منها والطريق طرق موت مو ست رهف
لا والله هسه يله اكتشفت انت اناني ومتحب بس نفسك وبس وطز بخوك وبحبه
ظل يغلط وصوته عالي صارت مني كلمه النوب
جابني براشدي طير اذاني بيها
حيوانه بنت الحيوان الف مره كايلج انتبهي ع كلامج من تحجين انه مو طفل كدامج واكف وتحاسبي وتناقشي
اكو امور انتي ماتفهميها لا ادخلين حالج بكلشي
يله نامي
اخذت المخده وطلعت ملحف ورحت عالاريكه اريد اتمدد ونام
وجان يعيط بيه
اوكفي هاي شجاي تسوين
اريد انام
وين تنامين
هو يتقرب واني ابتعد ويضرب جف بجف وعيونه وحواجبه معكوده ويكز بسنونه
وعاط وين تردين اتنامين
حجيت بخوف وبرجفه
عالاريكه
ليش وانه شنو طرطور انام وحدي عالجربايه
لا حشاك بس
بس شنو
لزمني من زندي وجرني اله بقوه
شوفي وسمعي عدل كلامي هذ ما اعيده بعد
نتعارك نتمالخ نزاعل ابد للموت ما تفرقين فراشج عني اتنامي بسدي وانتي راضه
انه زلمه وصبري اله حدود صارلج اربع خمس تيام تكليلي مريضه وتعبانه وعذرج بس لا
لهنا وكافي اثاري صدك المره ماينطولها عين
احترمي حالج وردي المكانج نامي لاتخلين شياطيني تنزل عليج هسه
من الخوف كمت بدون صوت ورجعت ع فراشي ومكاني اتمددت ع حافه الجربايه
لابعد روحي عالحافه حيل لااروح الزمج وجرج الي
مارديت عليه
ماحس اله شي جرني اله بقوه وكمط حركتي بيده وبرجله
صرت جواه بدون نفس ظل يباوع ع وجهي
واني ادير عيني عنه يمنه يسره اخجلت حيل
ليش متباوعيلي شو باوعي عليه خلي عينج بعيني
اباوع ووخر ماعرف لزمني الخجل القاتل
الخاطر الله شكد بارده شنو هالبرود البيج ما تموعه شمس الصحاري
لج شنو انتي طينه
اتحركي اتنفسي سوي شي حسسيني بشي
يعني شسوي علمني انت
والله ما اعرف روحي سئلي النسوان كليلهم من رجلج يمج شسوين
اتعلمي منهن
اني هذا طبعي ما احب اتعلم من وحده
لا والله خلي اجيب وحده عليج
اصيرين مثل الحصان كلشي تتلعمين وتسوين
انت وحدتجن هيج من اشوف اكو ثانيه بالموضوع اصيرن شاطرات حيل وتتعلمن ابساع ......غيره
لوما الغيره شيحبل الخنزيره
ظلينه ع هذا المنوال اسبوع
هو يفوت للغرفه
اني اسوي حالي نايمه لو تعبانه مالي شغل بي صدك صاير عندي برود عاطفي من ناحيته وما اعرف اكو شي احس يبعدني عنه وماريد قربه الي
بس اوووف من يدخل واحس بي من يمدد عالجربايه اتمنى اندار عليه وحضنه وشمه ونام ع صدره
بس هو هم حقير شدعوه هالخشم اليابس ويايه اني هم مرته ميصير هيج يعاملني امتمت ويه حالي
كومي حضريلي غده
روح انت انزل الكل موجود بالبيت اني تعبانه
اتنافخ ..
.اللهم صبرج ياروح لج بابا ستري ع حالج تره ما اوصلج ولا امد يدي عليج لان حامل
بس قسما بذات الله اذا لزمتج لزوعج حليب امج الرضعتي
وانت فرحان لان تلزم مره وتضربها
متكول شنو قصورك وياها
اي بله شنو قصوري عدديلي
ملابسه مماكله مشاربه مطالعه شنو قصوري ست رهف
صارلك اشكد مواصلني اتنام يمي ولا تتقربلي ليش يعني اني مو مره ماعندي احساس ماعندي شغف
هاي انتي كلتيها بلسانج
انتي مره وتتمنين كربي الج
انه شكول من اتمناج وانتي تتمنعين مني يوميه حجه شكل انه شكول
هاي انتي طلبتي ابتعد عنج وما تحملتي
الله يساعد كلبي يوميه اكول باجر تفهم وتكبر وتجيلي
شفتي التجاهل شيسوي
يدمر الاعصاب اكثر من العركه والضرب ياست رهف الحلوه
يله تعاي فتحلي ذراعه اثنينهن ويأشر يكلي تعاي
تعاي حبيبتي البيتج والحضنج
رحت عليه اركض ورميت حالي بحضنه ظليت اشم عطره وخدرنه اثنينه
مر ع احبالتي اربع اشهور بطني اشويه كامت اتبين
رحنه كلنه نخطب الرضا واخيرا اقتنعوا بالبنيه اخت طه
رحنه الخانقبن خطبناها ونيشناها وردينه
بس اني من رجعنه حالتي بدت اتسوء يوميه خربانه وراكضين بيه مستشفى
ومحد يعرف شنو سبب الاغماء المفاجئ اليصير عندي كمت اخاف اوكف خاف اوكع ع بطني وموت الطفل صرت حيل حريصه ابكومتي حركتي
ازهار ..خالي اشمالك البت راح تخلص الرابع وكلشي ماكو لا اسقاط ولا موته
بعد خالج .لا تستعجلين انه مسويها عالبطيء لا تهتمين روحي ردي الدارج ولا تخليهم يحسون
تره ان جراح شم خبر والعباس يكتلنه خلاص
خالي رحمه الوالديك منين راح يدري اله اذا انت حجيت
والله يزهيره جراح ذيب ويلكفها وهي طايره
خالي انت سوي العليك وبس انه هم مجاي اقصر وياك فلا اتقصر انت وياي استعجلي بالموته
وهاك هاي ٢٥٠ ومثلهن بعد اسبوعين بس كون هااااا خلصت السالفه
رهف ..ابسبب حالتي الصحيه طلبت من الدكتوره ابقه بالمستشفى لمتابعه حالتي
وفعلا بقيت مايقارب اسبوع
اروح للمستشفى اتحسن
بس ادخل للبيت كل وضعي يخرب
ازهار ..صفالي الجو وراح ابدي اشتغل ع جراح وخلي يردني اله معززه ومكرمه
ها ابوصكر احضرلك الغده
اي والله بس بالاول خل افوت اسبح حتى اتغده وروح للمستشفى
وانه حضرتلك الحمام
مشكوره
تغديت وشربت جاي اصعدت اريد اغير ملابسي وروح الرهف
اندكت الباب
ادخل
ابوصكر عيوني انت
اتفضلي ازهار
ليش تروح هسه ياعيني اولا الجو حار يكتل كتل وانت جاي تعبان
ارتاح فد نص ساعه نام والعصر عود روح شوفها هي مطايره ياعيوني
لا خطيه لازم اروح واخذلها لكمه ما ماكله هسه اكيد
ياعيوني ياكلبي يمها زينب وفطم واكيد جابن اكل خوما يظلن بدون اكل الحد هالوكت
اخذلك اشويه راحه خلي جسمك يرخه
وبديت افتحله دكم القميص وانه اقره بوجهه ونفخ
احسه رخت اعصابه وهدء وكام يستجاب الي
نزعته القميص وفتحتله الحزام
لا عوفي انه انزع بس انتي طلعي وسدي الباب ابراج خلي انام وبالخمسه كعديني حتى اروحلهم
من عيوني عدلت الغطه وشغلت السبلت وطفيت الاضويه وطلعت
والله يجراح اله اردك الي لشوف
حبك الرهف القوي لو انه
جراح ..نمت ماصحيت غير الساعه
٩ بليل
افتح عيوني بس ياالله اشثكلهن
اريد اكوم افتح ورد اغمض عيني
ل ٩ ونص يله تقويت وكمت
شلت الغطه وجه بيدي شال
باوعت عليه صفنت هذا مو شال رهف
هذا مال ازهار جانت لابسته الظهريه
ليش خالته هين
اذكرت انه مارايح عليهم
كمت صحت بابيت وينكم
رباب ..هاااا جراح رايد شي
ليش محد كعدني مو تدرون اهلكم بالمستشفى
والله محد كال جراح عنده طلعه او يريد يروح مستشفى
ليش يعني اله احجي وفتح حلكي النايمات مو اختج ومره اخوج
والله اسفه
روحي عن وجهي .....اوكفي وين ازهار
يم بتها اصيحها
لا
رحت غرفه الجده ...شلونج يانظري
هله يمه هله بريحه الاحباب تعال خل احبنك (ابوسك)
اي يازهار شلونج
زينه بشوفه اطيوفك
ليش خاله شيلتج يمي بالغرفه
ياشيله
شيله راسج الورديه لو حابه اجيبها لج انه بيدي
هاااااا تذكرت نسيت ونزعتها
🤨🤨🤨🤨🤨 لاتحاولين مره ثانيه تنزعيها ابغرفتي مايحتاج اكلج شسوي
صار مجان بقصدي وداعت يقين
بقصد بدون قصد لاتعيديها
طلعت رحت للمستشفى وخذت عشه وياي
شلونج اليوم رهوف
جنت مغمضه عيني حسيت واحد تقرب الي وباسني من كصتي افتحت عيوني
شلونك حبيبي
انه بخير اذا انتي بخير
طمنيني عنج
اني زينه وابنك زين
الحمدلله
جراخ فدوه طلعني الله يخليك مليت من الابر والمغذيات
ان شالله بس اتحسني
اليوم والاول مره احس عافيتي هو جراح
فعلا شفت الدنيا بعيونه
كلبي ينبض ينبض تحسه يطلع من بين الضلوع مجرد اسمع حسه
لوبيدي اضمك بكلبي وبعد عنك كل العيون
اطلعت من المستشفى اول اسبوع زينه وهم رديت انتكست سويت تحاليل كالولي تسمم
كالوا سبب المي
اني اشرب مي معقم
طلب مني المحلل اجيب اله عينه من نوع المي الاشربه
رحنه اني وجراح وخذنه بطل مي ويانه
هو مو بطل اني الوحيده اشرب اكلاصات معلبه لان يكولون هو افضل من البطل
مرولي بعد اسبوع
مرينه
المحلل .هاي المي بي ماده مسممه قاتله بس بنسبه ضئيله جدا
جراح ..شلون بويه هذا من افضل المياه المقطره انه اجيب
والله هاي كدامك التحليل يقره المي مسمم
تسلم اخذنه التحليل وطلعنه
جراح ..انتي تصدكين مي مقطر مسمم
والله ماعرف ياجراح شكلك انت شاك بي
لا يله خلنه نرجع
لا اخذني ناكل موطه والله كلبي مشعوط
هههههههه انه يمج وكلبج يشعوط
هاي اشوكت كلبج شعوط احجيلي
جراح اني كل ما اشوفك كلبي يدمر متدري حبك اسوه بيه
هلله هلله زوجتي صايره شاعره وتشعر وين كلامج لعد بالليل شو تكونين ابرد من الثلج
☺️☺️☺️☺️☺️ اي جراح اشبيك خجلتني متكدر تحجي بدون متفكر بالنومه والفراش
خايبه هو ليش اكو احلى من النومه والفراش والتحضن ووووو............
دكافي راح اتقيىء
اوووووي يبنت بغداد تتقيىء وهي تموت عليها يوم واحد ما تنام يمي تتخيل
جراح شجاك غير يسكت عاد مو فضحتنه
جراح....😃😃😃😃😃😃 خبله
ومرت الايام بدينه نحضر العرس رضا
والكل مخبوص
الي يشتري ملابس والي يحضر نفسه
احنه قبل العرس بيومين جبنه العروس للبصره بس هي ابيت اختهم رقيه هي واهلها
والكل يعرف بعد بتحضيرات العرس
زينب عفيه اريدج تاخذيني لصالون
انتي كلتي الجراح
اي كتله
خلي انروح اني وانتي ورفيف
اكلج انتي تردين باجر لو اليوم ترحين
لا الباجر غير ويه العرس حتى ارجع ابهر الكل
رفيف .ولج شتبهرين هو غير بطنج شعلوها صايره
انتي ياشهر هسه
يمعوده مو الف مره كتلج بالسابع صار ٢٠ يوم كل ساع سائلتني
لا ولج مو اشوف بطنج حيل جبيره اليشوفها يكول بالتاسع
رهف ..اي هاي بعد ابن جراح جبير مستعجل
اكللكم وين صكر شو اليوم مالمحته
رفيف ..يلعب ويه الجهال
تعشينه وهم بدت علامات المغص ابطني والنوب التقيىء عملان
اكل اي اكله شي ميبقه ثواني ابمعدته كبل اتكص مرجع
ازهار ..خطيه رهف هاي البطن موتتها بس مرض ومستشفيات الطفل لاعب لعب ابطنج يوميه مسممج ومنوكلين بيج اشوكت تخلصين منه
اكلج اشو انتي تحومين ع هالطفل وكل اشويه ذابتلج كلمه شنو ابالج تخطفي لو تكتلي
هاي ليش هيج تحجين وياي شني قابل ما عندي جهال شو يقين هي
فتحت عين جراح
اكلج مالج دخل بيه ابني يلعب لعب ابطني يسممني ويموتني مالج دخل
راضيه ابكل سمومه مادام ابن جراح عندي عذابه ابطني احلى من العسل
اي خليج هيج ونشوف
ششوفين ....؟.....شو كلامج الغاز وضحي التقصديه
ماكو شي وما احجي الغاز يله اروح انام
رهف ...مشت عني ..وجع راحت روحج كون شكد اكرهج
ماكرهت شخص بكدج
صبحنه الصبح الكل مخبوص بالعرس الحوش مالنه مليان زلم وطليان جاي يذبحون ويطبخون وناس كتل عبالك عدنه مهرجان مو عرس
رحت ويه زينب ورفيف للصالون
طلبت تغير كلشي اسوي
نيولوك جديد
كصيت شعري قصير وصبغته اشقر وعليه خصل ثلجي ...خففت حاجبي
اطلعت مو اني ههههههه راح يشتبهون بيني وبين العروسه
تقريب ساعه ١ الظهر رجعنه من الصالون
ادخلت للغرفه شفت جراح توه طالع من الحمام لاف روحه بالمنشفه
من شافني شهك 😳😳😳😳
لان نزعت الشال وطلع شعري مصبوغ ومسويته بيرمل ومكيجه غامق
اول مره اغير من شكلي لهل درجه
بويه انتي وين داخله هين هاي مو غرفه مال بنوات
روحي الرباب
اني اضحكت 😂😂😂😂😂😂 هاي اشبيك جراح صدك معرفتني معقوله
🤨🤨🤨🤨 انتي منو ...؟
احزر ...!
لج هذا صوتج رهف
هههههههههه اي يامجنون
لا العباس عليج صدك هاي انتي
اي والله هاي اني رهف
لج شمسويه بحالج
ولفني بيده من خصري وضل يشم بيه
لا لا ماصدك هاي انتي شمسويه
وين شعرج وصابغته النوب اصفر
خاب تردين تكتليني اليوم
ليش حبيبي اقتلك غير اني وانت نعرس ويه المعرسين
لا والحمزه ما اصبر وجرني عالجربايه
لا بداعت جبل لتسوي شي
خلينه وره العرس عود اشبع مني وعيونك ما امنعك بس هسه لا خليني لان ماريد اسبح وخرب مكياجي والتسريحه
لج رهف والعباس ما اتحمل ما اكدر اصبر تعاي شوفي
رهف تعاي لان وصلت حدها
تعاي حبي
ما جراح
رهف لتعاندين تعاي تره احرمج مني مثل ما حارمتني منج
جراح امشي اطلع خليني ابدل
لج شتبدلين خليني بالاول اكل من هذا الكيك
كتلك ناكل الكيك سوه بالليل مو هسه
يله اطلع
خايبه بدلي اكبالي ماباوعلج
لا استحي منك كوم
ولج اشتستحين خاب انه شايف كلشي بيج
جراح اطلع ماريد ابدل كدامك
اهووو خل افوت للحمام افضل
لبست فستان حوامل لونه بيجي والورده حمره صغيره يجنن
طلعت يمه اني انجنيت ع جراح مو هو الي انجن عليه
لابس قاط اسود وتسريحه الشعر والحيه الخفيفه يجنن فدوه ونذر اروحله اني
فديت هالطله ياعمري
اني الفديتك شلون طالع ياكلبي
والله راح ينجلط كلبي من اشوف البنات متكومات عليك
جراح..😂😂😂😂 ولج يابنات هاي ياهو التباوع ع شايب
ياشايب عفيه اني اطلعت كدامك الشايبه والعجوز
تعال احبنك ع كوله جدتك
بسته وطلعنه سوه اثنينه لازم يدي نزلنه من غرفتنه والعيون كله اتنصبت بتجاهنه امشي وتعوذ وصلي ع النبي من عيونهم
باوعت عالكل وجتي عيني ع ازهار
عيونها ما شالتها منه نظراتها ابد مو رحمانيه كصتنه كص بعيونها
اتكز بسنونها وترجع ليوره
بده العرس والناس طلعت كلها للكراج وشتغلت الاغاني وال Dj ركص وهلاهل شي مينوصف
كل اشويه يجي جراح عليه ويكلي لا تطلعين الزلمه هواي جاي اتباوع
واني ميته اباوع ع جراح والله طالع احلى من العريس نفسه
كلبي راح يوكف كل اشويه جايه وحده من بنات عمامه ومسلمه عليه
اتمنى اطلع عليهن وعيط بيهن كلهن وكللهن تره مزوج وابنه ابطني
من شده الحجي مع حالي عطشت رحت اشربت مي بس شكد شربت
عبالك جنت ابصحراء
نصبوا العشه والكل اتعشه
بعدها شغلوا Dj ع دبكه عراقيه
وع رأس الدبكه كان جراح وبيده السبحه اباوعله شلون يدبك بيها ويهز السبحه بيده
وشلون يدخل للوسط ويدبج
شي اكثر من رائع
اموت ع الدبكات العراقيه
اشويه وصار رمي لان الكل فرحان
ورجع صار عندي مغص ولعبان نفس
اركضت الغرفتي عالادويه اخذتهن
دا اشرب المي بكلاص كزاز
وسمعت عيطه قويه وكع الكلاص من يدي وصار طشار
اطلعت اشوف شكو ليش هالعياط
اباوع الكل يركض ويعيط
مشيت اريد اشوف شكو
الزمت علياء
لج شكو ليش هالمه والعياط
يمعوده منعرف منو رمه ومنو اصوب ..............؟
تعاي خلي انشوف
