رواية بديلة اختي الفصل التاسع والعشرون بقلم خاتون الكعبي
تذكير
مرسلين بوجع : اووي وخرر فددوة شااهي..
شاهين :رفعت راسي من ركبتهة قربت ع شفايفهة مثل الخدران ورايح بغير عالم وهية تحجي وجهة صاير احمر من الخجل اتشهي الواحد ياكلهة اباوعلهة مثل النخلست لمن اشفايفي قربت ع شفايفهة واول ما اجيت ابوسهة سمعت صوت اخوي مصطفى وهوة يتحمحم وايكول
مصفطى بمكر : يابة كملو رومنسيتكم فوك لا يكعد الوالد للصلاه
شاهين بنزعاج : متكلي اجابك هسة انته
مرسلين : احس الدم جمد بجسمي من الخجل واني اشوف مصفطى داير ظهرة ويحجي ظميت راسي بصدر شاهين من الخجل اشكد ما جنت خجلانة منة وخايفة بالبداية هسة احس روحي اريد اختل بصدرة من الخجل سمعت صوت رجلين ع الدرج عرفتة مصطفى صعد وخرت راسي عن صدرة بتوتر واني اسمعة يهمس بأذني بخفوت
شاهين بمكر : وين وصلنة
مرسلين بعصبية : مو الشي عجبتك هالفضيحة الصارت من وراك هسة اشلون احط عيني بعين مصطفى والله عيب
شاهين : من ايدج لو فاتحتلي الباب جا اتفاهمنة بغرفتنة براحتة وبدون اي ازعاجات شتكولين نصعد انكمل نهى كلامة وهوة يغمزلهة بخبث
مرسلين بخجل : ماكو شي حتى نتفاهم علي وهسة وخر اريد اصعد فوك ما اريد اتصيرلي فضيحة ثانية من وراك
شاهين بنزعاج : مشوفين نفسج تحجين اهواي
مرسلين بسخرية : لا وا....فتحت اعيوني بصدمة واني احس اشفايفي ينجرن بسنانة بقوة بدة يتفنن بيهن واني جوى صافنة مثل الهلبة الحد مدفعتة عني وكمت مسحت شفتي بقرف ورفعت اصبعي بوجهة بعلامة تهديد واني اكول
مرسلين بحدة : ديرررباللك اتقررب منيي مرة ثاانية ترر..قاطعها وهوة يجرهة من ايدهة الحد منضربت بصدرة ورجع اخذ اشفايفهة مرة ثاني بس هالمرة بقوة اكبر خلتهة ترجف بين ادي وهوة يتفنن بشفايفهة بعنف ولهفة بنفس الوقت اتوقفت عن الحركة وهية اتحاول تتخلص من ادي المحاوطة خصرهة وغمضت اعيونهة بقوة رافضة شعور القبول الشتاحهة تجاه لمساتة ع خصرهة وشفايفهة
لا اردين ادموعهة نزلت ع وجناتهة بخيبة جانت هالدموع مثل الأنذار وانطلق بتجاه شاهين الي اول مشافهن فصل اشفايفة عن اشفايفهة وصعد ادي الوجناتهة اتلمسهن بخوف وقلق واضح من ملامح وجهة وبنفس الوقت خيبة وانكسار بانت بعيونة دنك راسة ع ركبتهة همس بذنهة بخيبة وادي تتلمس بوجنتهة
شاهسن : هالكد شعور ارفض ابداخلج تجاهي تشمئزين من قربي الج مو نهى كلامة وهوة يبتسم بسخرية
مرسلين : باوعتلة بستغراب من بين ادموعي معقولة هذة الفتهمة من تصرفي باوعلي بنظرات غريبة واعيونة ايلمعن بشي مكدريت افهمة رفعت رجلية متقربة منة بجرئة معرف منين اجتني وهمست بأذنة بهدؤ بكلام عمري مجنت متوقعة احجي احسة صار مثل السهم بكلبي قبل لا يوصل المسامعة ويخلي ايشد ع اعصابة بقوة
مرسلين : مو اشمئزاز لاكن فكرت يتقرب مني واحد جان بنسبة الي اخو ونسيب تقرفني صدكني لو شمسوي مستحيل اتقبلك كزوج بحياتي حتطبقة طول العمر خطيب اختي وحبيبهة لا غير كلت هيج ورجعت بعدت عنة اشكم خطوة اباوع الملامح وجهة هدئت وتبدلت بالستفزاز والخبث وهوة يأخذ خصلة من شعري ويلفهة ع اصبعه وايكول
شاهين : وتبقين انتي مجرد أدى حتى احقق بيهة انتقامي اسلة بيهة اشوكت ما احب واعوفهة اشوكت ما اريد لا تنسين هالشي
مرسلين : أذاني وكسرني كلامه بس بنفس الوقت مكدرت اصدك كلمة من الكالة لأن قربة ولمساتة الي قبل اشوية ما ادل ع انو جان يسلة او شهوة رجل لا بالعكس جانت نظراتة نظرات حب ولهفة غريبة وحلو بنفس الوقت خلت كلبي يرجف واني اباوع بعيونة صحيح معندي خبرة بهالمواضيع بس تصرف شاهين بنسبة الي جان واضح كرجال ايريد ايرجع كرامتة وكبريائة بعد الكلام الكتلة يا يمكن جنت ابررلة ابداخلي او اخترعلة اعذار حتى محس بشعور الأنكسار اكثر نترت ايدة منا بعصبية وصعدت فوك ما اريد ابقة يمة اكثر دخلت للصالة وكعدت ع الكرويتة وبدت الأفكار تزاحم بعقلي صرت مثل الخبلة ساعة ابجي وساعة ابتسم واني اتلمس اشفايفي واذكر قربة الي الحد ما اتأخذت قراري وقررت احط حاجز بيني وبينة حتى بالغرفة الحد ما تخلص هالشكم شهر ورجع البيت اهلي و......
____________
محمد
ام اوتار : صديق عادل قبل اسبوع اتقدم الأوتار واليوم يلة ردت الموافقة ع خير والولد حسب كلام عادل زين ومؤدب ويشتغل ويا بالدوام فجاي اكول الجدك يدز الولد المنطقتهم وجوب نسئل علي ونشوفة وبعدين اردلة الموافقة
محمد : ضليت صافن عليهة وع جدي لا أخذ ولا انطي شنو موافقة زواجيش احس الدم صعد الراسي ما عرف اشلون لزمت روحي وما رحت دفنتهة بمكانهة بس سهلة اني الهة كلت هيج واول ما ردت احجي جدي سكتني وصاحني وراه للأستقبال كمت وراه دخلت كعد ع الكرويتة وهوة متجي براسة ع عوجيتة باوعلي ورفع حاجبة وهوة ايكول
الجد بصرامة: ديربالك تكف بطريقهة هالمرة سالفة رعد وعديتلك ياههة بمززاجي كلت ايحبهة وهاويهة لاكن بعد ما رفضتهة هاهية ورقتك احتركت يمي وطول ما انه عايش مستحيل اخليهة تزوج واحد طايش مثلك ما عندة ذرت مسؤلية البنية يتيمة وبركبتي من صغرهة هية واخوانهة رفضتهة مرة هاهية بعد اشوف حياتهة وتزوج اليريحهة ويسعدهة
محمد بعصبية : انت كلتهة تزوج اليريحهة ويسعدهة وراحتهة وسعادتهة تكتمل وياي صحيح رفضتهة بالبداية وهذة لأن جنت مثل ما كلت طايش وهسة اني البنية اريدهة وهاويهة
بالعاشكهة واني ابن خالهة يعني احق بيهة من الغريب مو هذة كلامك
الجد بحدة : هذة الحجي قبل مو هسة وحتى لو انه قبلت ورفضت الولد اوتار مستحيل تقبل بيك
محمد : فركت وجهي بقلت حيلة ورجعت باوعتلة واني اكول زين انطيني مهلة بس هالسبوع وبعدين اصرف
الجد بسخرية : وشسوي بهالسبوع هم ادز جماعة لهل الولد
محمد بصوت جهوري : كلشي اكدر اسوي واذا اضطر الوضع احط طلقة براسة وما يهمني اكبر واحد بعشيرتة كلت هيج وعفتة وطلعت من الأستقبال واني اتحلف بيهة ضليت كاعد بصالة اكبال باب غرفتهة اريد بس المحهة بس ماكو دكيت عليهة اكثر من مرة ودزيتلهة رسالة تطلعلي بالحديقة ونفس الشي سهلة وين اتولين مني الزمج الزمج كلت هيج وصعدت الغرفتي و......
_____________
طيف
الحجية ببتسامة : اي يمة دش
نسر : حكيت طرف لحيتي واني اشوف اعيونهة انكلبت مثل البوة من العصبية والخدود صارن طماطة بس خررب عقلهة غير عليهة شعر لو الوحمة البركبتهة اويلي صحيت ع روحي ع صوت حبوبتي دخلت للغرفة بست راسهة وكعدت بصفهة احجي ويا جدتي وعيني عليهة اباوعلهة خزرتني وكامت ضحكت ع تصرفهة بكلبي صكد طفلة وعدلت شالهة وهية اتكول
طيف : يلة حبوبة اترخص راح اروح يم البنات اباوع ع جدتي هزتلي راسهة وهية تبتسم بمكر يمكن هية الوحيدة الجانت تعرف مشاعري تجاه نسر بس رغم هيج مجنت احجيلهة عنة شي وهسة اظن عبالهة استحيت منه طلعت من الغرفة واني ادردم بيني وبين نفسي واكول عشتو استحي منه او ليش الجذب جنت عبالك فارة كدامة كلشي ايكولة استحي واهزلة براسي مثل العوبة خوش فادني المستحة صكد لو كالو الفقير ما يعيش بهالدنية رحت كعدت يم امي واضطريت اسمع الحجي عماتي المثلل سم وامي كظتهة علية اتكرص كل ما اريد احجي الحد ما جفصت ابطني مرت عمي وهية اتكول
ام سالم : ابتسام ( ام طيف) بعده اخوج يشتغل بالبستان هوة وابنه
ام طيف : اي بعده
ام سالم بخبث : جا خوش ما تحاجيلي وحدة من بناتة لو مرتة تجي تشتغل عندي محتاجة خدامة الأسبوع الجاي عندي عزيمة واريد وحدة تشتغل ويا ام فاضل ( العاملة التشتغل عدهة ) بعد تعرفيهة كبرت بالعمر وشغلهة مو شي وما يهون علية اكطع برزقهة وانتن ما شألله عليجن معروفات بنظافتجن بخدمت البيوت ولا تنسين الأقرباء اولى بالمعروف
طيف بعصبية مكتومة : عاد بهاي الشغلة صدكتي امي وخالتي معروفات بنظافتهن مو ايعلفن ويزبلن جواهن جنهن حمير حشاج طبعاً وبنسبة المرت خالو وبناتة فخالو ميقبل يشتغلاً الحمد لله هوة وابنه مكاصرين عليهن بشي اذا طلبن ماي اعيونة ينطيهن واتوقع بناتج ايكفن ويوفن بهيج عزيمة ما شألله بيهن الخير والبركة
رهام : اووي شنو احنه نشتغل قابل من قلت الخدامات
طيف : باوعتلهة بتك عيني ودرت ع عمتي الشكلهة حطك من القهر واول مأجت تحجي دخل نسر وهوة ساند حبوبتي اباوعلهن انخرسن وصارن ماكو هيج كامن يتهافتن وهنة ايسلمن علي كاتلهن اسلام هلا بالشيخ وهلا بالشيخ خوب بنات عمي عن الحلال والحرام شمرن شالهن هيج ع شعرهن وهنة الركبة والشعر طالع كعد جدتي وبدة ايسلم علة عماتي باس راسهن ونسوان عمامي من ابعيد وطلع اشكد استحقرتة وانه اشوفة اجاهل وجود امي وطلع
خبيث مو بيدة معقولة حبي الة الهالدرجة جان عاميني ومجنت اشوف حقارتة وغرورة نفيت هالفكار من بالي حتى ما اريد افكر بي ولزمت ايد امي ببتسامة اشوية وكالو فضة الديوان وسندت عمة جدتي وطلعت للديوان وبداً عماتي وانسوان عمامي وحدة ورة الوخ يسحبن للديوان وياهن بناتهن باوعتلي امي بمعنى انكوم وراهن لأن اكيد جدي راح يبدي يحجي علينة وابوية ميقبل هزيتلهة راسي بمعنى اي ببتسامة لأن اعرفهة كل ما تتلاكة هية وجدي خطية تكوم اطكطك احسهة ترجع مثل المراهقة التخاف وابوية اعيونية عليهة احب نظرات الحب والعشك بعيون ابوية تجاه امي بعد ما مر كل هالوكت ع زواجهم وحبهم ايزيد ما بنقص ربي يديمهم ويحفظهم من كل شر كلت هيج وكمت ورك امي للديوان طبعاً اول ما وصلنة للديوان امي صارت وراي وهية منى قزمة ومع انو عمرهة ابداية الأربعين بس اليشوفهة ايكول بالثلاثين اباوعلهة صوفرت فعلاً ضحكتني همست ابأذنهة بخفوت قبل لا ندخل للديوان
طيف : تحسسيني رايحين نخطبلج كلت هيج وما احس بالكفخة منين اجتني فيت ع الوجه فركتهة بوجع ودخلت للديوان وامي وراي اباوع ع جدي كاعد بصدر الديوان وبصفة نسر ومن الجهة الثانية جدتي وعمامي ولدهم من جهة وعماتي وبناتهن بجهة احس ساحت معركة صارت مو لمة عائلية واحد يسابق ويا الثاني حتى يثبت نفسه الجدي برغم همة اخوان بس جذب كلب واحد ع الثاني من كل عمامي طلعي بس عمو جواد وابوية الباقي كلهم بيد نسوانهم اباوع ع جدي رفعلي حاجبة بستعلأ يا اخي اشكد اتضوجني هالحركة وتستفزني مدلي ايدة قربت عليهة بستهة وبست جتفه وخرت بسرعة قربت علي ماما وهية متوترة من نظرات جدي الثاقبة عليهة مستحيل ايغير هاي انظرة عليهة دومة يحسسهة هية غريبة وهذة مو مكانهة اباوع ع بابا ابتسملهة بحنان خلاهة تهدة وتقرب علي تبوس راسه وايدة وتبتعد رحت كعدت بنهاية الديوان وامي بصفي بدو ايسولفون عن العشيرة والفصول وانه مدنكة العب بضافيري بملل الحد مكال جدي
ابو مالك : شو اليوم خانسة حمدية كال هيج وهوة ايباوع ع طيف
طيف : قبضت ايدي كاتمة عصبيتي من هالأسم ليش ايسميني بأسم جدتي معرف اباوع ع بنات عمي كامن ايضحكن علية بسخرية التفتتلة ببتسامة مصطنعة وانه اكول
طيف : طيف اسمي طيف ومو خانسة بس تعبانة اشوية
ام مالك : ليش اشبي اسم حمدية خاتون
طيف : هههه ما بي شي حبوبة ايخبل بس ما يصير عدنة حمديتين لازم وحدة اباوع ع جدتي عوجت حلكهة وهية ادردم ورجع سئل عمي ع فصل مدري شنو منا للثمانية يلة تعشينة ابيتهم ورجعنة احس فجي راح من المجاملة والأبتسامة سويت جاي الأبوي واخواني ورجعت صعدت فوك سبحت وصليت وكبل ع النوم و...
_____________
مرسلين
فتحت اعيوني بنعاس شفت شاهين وابتسمت واني اشوفة كاعد اكبالي وايدة تتلمس ابخدي ملت ع دفو ايدة واني احرك براسي مثل البزونة وغمضت اعيوني بنعاس رجعت حركت خدي ع ايده مرة ثانية للحظة تخيلتة حلم فتحت اعيوني ع وسعهن واني اشوفة فعلاً كاعد اكبالي فزيت من مكاني بسرعة وشفت ملامحة اشلون اتغيرت للجمود وهوة ايكوم يدخل للغرفة رجعت شعري ورة اذني بتوتر واني احرك ركبتي بوجع من نومت الكرويتة
وكمت دخلت للغرفة سمعت صوت الدوش بالحمام عرفتة ديسبح حضرتلة ملابسة وطلعت ملابسي مال مدرسة اول مطلع دنكت راسي بخجل ع توتر ودخلت للحمام سبحت وكملت وطلعت شفتة ماكو بالغرفة يمكن نزل قبلي مشطت شعري اشلون مكان ولفيت شالي واخذت الجنطة والعبا ونزت جوى صبحت ع الكل وكعدت ابمكاني بستغراب واني اشوف شاهين ماكو معقول سبقني للسيارة حتى بعد وكت التفتت ع عمة واني اكول
مرسلين : لعد وين شاهين
ام شاهين : كال عندة شغل مستعجل اليوم وطلع من وكت وكال المصطفى ايوصلج
مرسلين : هزيت راسي ودنكت احس حتى نفسي انسدت شربت جاي اشوية وكمت ويا مصطفى وصلني وراح الكليتة دخلت للمدرسة صعدت الصفي سئلت ع تقى وكاللي البنات مأخذة اجازة كملت وياي رجعت راسي ع الرحلة بملل الحد مدخلت المدرسة اتوالت علية الدروس بشكل روتيني الحد مدك الجرس للبيت جنت شبه متأكدة مراح يجيني وهم حيدز مصطفى بس اتفاجئة واني اشوف سيارتة اكبال المدرسة لا ارادين الأبتسامة رجعتلي ورحت ركبت ويا وكلت
مرسلين : هلوو
شاهين : هلا
مرسلين : باوعتلة مغندب والحواجب معقودة رجعت التفتت ع الجامة وهوة بدة ايسوق الحد مقبضت ع ايدي بتشجيع واني انطق بكلمة اسفة
شاهين : ع شنو
مرسلين بتوتر : ع الأصار البارحة ادري زو...قاطعها وهوة ايكول
شاهين ؛ ليش اشصار البارحة
مرسلين اباوعلة عاقد حاجبة بستغراب معقول صدوك ميذكر بلعت ريكي واني اكول بصوت اشبه بالهمس : شنو
شاهين حرك ايدة ع كصتة وهوة ايكول : انسي واعتذر يمكن البارحة كثرت بالشرب وكمت اخربط
مرسلين : سكتت واني ارمش بعيوني بصدمة معقول ممذكر شي من يلي صار معقول صدوك جان شارب غمضت اعيوني مانعة تفكيري ابأي شي ورجعت عيني ع الجامة واني اهمس بكلمة حقيرر وصلنة للبيت دك هورن فتح وسام الباب دخل السيارة ونزلت بسرعة منهة ركعت الباب وراي بعصبية ودخلت سلمت ع عمو وعمة وصعدت فوك اول مدخلت للصالة
جريت العبا والجنطة من جتفي شمرتهن بالكاع بنرفزة وشالي وراهن احس روحي مخنوكة من كلامة الحقير كمت امشي واشمر بملابسي الحد مصفيت بس بالقميص احس جسمي كلة مشتعل نارر من العصبية وكفت ع المراية واني اشوف اسنانة بعدهن منبتات بركبتي لا أردين نزلن ادموعي معقول صدوك جان شارب وتقربة مني مجر نزوة او شهوة عابرة فركت اشفايفي بدموع احسهن اجرحن من قوا الفرك واول مدرت ع الكنتور شفتة واكف بالباب وحواجبة مرفوعات بستغراب خزرتة واني اجر الغطة من الجرباية حطيتة ع رجلية واني اكول بحدة
مرسلين من بين ادموعهة : ااااطلععع بررة اريددد ابددددل
شاهين وهوة يتقرب منهة : شبيج
مرسلين بعصبية : مبييية شيي بس اطللع
شاهين :..........
______________
اوتار
مدنكة ع الطاولة وافرك براسي بوجع احسة اشوية وينفجر شلت كوب الجاي واول مأجيت اشرب شفت محمد نزل بكامل انأقتة باوعلي وهوة يبتسم بغموض عقدت حاجبي بستغراب ورجعت كملت ريوكي واول مكال عادل
عادل : كملي بسرعة حتى اوصلج قبل لا اروح
محمد برود؛ ماكو داعي توصلهة وتتأخر ع دوامك اني اوصلهة وياي
اوتار : باوعلي عادل بعمنى شنو زفرت انفاسي واني اكلة عادي اروح ويا وفعلاً كمت غسلت ولحتكة للسيارة ركبت ويا وبدة ايسوق الأفندي شمسة مدري منين طالعة اليوم مشغلي فيروز
معقول الهالدرجة فرحان بخبر خطوبتي واني العبالي حيتعصب ويكلب الأمة صدوك طلعت بانية احلام جبيرة علي درت ع الطريق بستغراب اشو هذة مو طريق الجامعة كلبت اعيوني بملل واني اكول اكيد حروح البيت الهانم انوصلهة ويانة رجعت راسي ع الكشن واني اباوع ع الطريق مرت عشر دقايق او اكثر يلة صف السيارة كدام عمارة التفتتلة بستغراب واني اكول
اوتار : هاي وين جبتني اباوعلة عافني ونزل التفت الجهت الباب مالتي فتحلي يا واشرلي بمعنى انزل بلعت ريكي بخوف من نظراتة لتبدلت لسواد ونفيت براسي بمعنى لا اباوعلة جرني من ايدي ودخلني للعمارة كمت اجرجر بيدي منه بس ماكو فايدة وكفت عن الحركة لمن شفت ناس طالعين من العمارة سلم علي الزلمة وراح وكمل طريقة للمصعد اباوعلة داس الدكمة للطابق الخامس ردت احجي اشرلي بيدة بمعنى سكتي وفعلاً سكتت مكدريت احجي شي واني اشوف مرية جبيرة بالعمر وطفل يصعدون ويانة وصلنة للطابق الخامس وانفتح باب المصعد طلع منه واني وراه فوتني بممر طويل بنهايتة ع الجهة اليمنة باب فتحة ودفعني بالشقة وقفل الباب عصرت الجنطة البيدي بتوتر واني اشوفة نزع سترتة ذبهة ع الكرسي البصالة مال شقة وباوعلي ببتسامة وهوة ايكول
محمد : اشرئيج
اوتار بصوت متقطع : ب..بشنو .وليش جايبني.. اهنا
محمد : بشقتنى
اوتار بستفهام : شقتنى
محمد بتأكيد وهوة يتقرب منهة : اي شقتنى
اوتار رجعت ليورة واني احجي بثقة : قصدك شقتك واي حلوة تتهنى بيهة بس مكلتلي ليش جايبني اهنا جنت تكدر تحجي وياي بالكلية بأي شي تريدة
محمد بستفزاز وهوة يقرب منهة اكثر : تؤ تؤ شقتنى مو شقتي وما اتوقع الريد احجي وياج بي ينحجي بالكلية
اوتار :...........
______________
طيف
كاعدة اجر بشعف اخوي الصغير واجتني امي اباوعلهة بيدهة الچمجة طفرت بسرعة عن اخوي اباوعلة كام يتبجبج الحقير وراح يمهة وهية بدت بصياحهة كل عادة الحد ما اجا ابوي يلة سكتت وألة اني معلوسة سئلهة بابا اشصاير وبدت تشكيلة عني باوعلي ابوي وهوة ايكول
ابو طيف : متكليلي اشوكت تعقلين يا بنتي حاطة عقلج ويا هالفرخ كل يومية كاتلتة مو خطية
طيف بفشلة : والله بابا هوة اليتحارش جنت كاعدة اقرة واجاني قابل اسكتلة
ام طيف : لا اشلون مو عيب لازم تكومين وتتكاتلين وياه جنج شاذي
طيف : ضحكت ع حجيهة اباوعلهة غمتني ودارت ع ابوية وهية اتأشر علية بچمچة
ام طيف : شوف كل من ورة دلالك ازايد السانهة صاير فالت وياهو الشافتة اتعاركت وياه مخلفتلي زلمه مو بنيه
طيف : باوعتلهة بغيض ورحت حظنت بابا الي كام يضحك عليهة وفتحلهة ايدة الثانية قربهة علي وهوة يحظني ويحظنهة ويكول
ابو طيف : هههه جا شعندي غيرهة غير هية ارويحتي
طيف : اباوع ع ماما تباوعلة بغيض متتت ضحك عليهة ربي يديملي ياهم ان شألله جريت اخوية القرد من ايده وطلعت من الصالة لأن شكلهة راح اصير غومنسيات وكذا باوعلي اخوي وهوة ايعدل بياختة الشبه انشكت من وراي وكال
فضل : وين رايحين
طيف : للشط بس والله اذا سويت وكاحة يفضيل اكل الأيمن يبسطك
فضل بملل : ماشي بس يلة خن اروح صارلي اهواي ما رايح للشط
طيف : باوعتلة صفح ولبست بشتي جان ع الدرج وياه شال اسود وكلت الأبوي راح اروح يم الشط ابتسم وكلي ماشي بس لا تتأخرون كتلة تدلل وجريت فضيل ورحت ركض بجهت البستان ع الشط كعدت اكباله وفضيل بصفي جمعنة احجار وبدينة نشمرة بالشط اليشمر احجارتة بمكان ابعد هوة اليفوز هاي العبة عشكي من الطفولة ولليوم ما كدرت ابطلهة اشكد حصلتلي كتلات من امي ع مودهة حتى جانت ما تقبل اروح للشط لأن البستان البصفنه بي ناس غربة الحد ما اشتراه جدي وصارت كل الكاع انه يلة اكدريت اطب واطلع منهة بأريحية اباوع ع افضيل الحقير شمر طين ع وجهي من الجرف وراح يركض الحقير مسحت وجهي بيدي بنرفزة وشلت احجارة وكمت اركض وراه اليشوفنة يضحك علينة معركت احد مو هيجي الحد وكفت بتعب واني اخذ نفس اباوعلة وكف بعيد عني بمسافة متجي ع ركبتة يتنفس بقوة
رفعت الحجارة وانه انيشنة بعيوني واول مأشمرت الحجارة ما شوفلك غير نسر صار كدامي بشتة وعكالة اباوع ع الحجارة اجت عدلة براسة مدري اضحك ع شكلة مدري ابچي ع الكتلة المنتظرتني اباوع الكصتة صارت حمررة مثل لون اعيونة عضيت ع شفتي الجوه بقوة حابسة ضحكتي وباوعت ع فضيل الحقير طكطك انعالاتة وشرد للبيت انه الك بسيطة ورجعت التفتت ع نسر صاير شبه بركان بلعت ريكي بخوف واني اكول
طيف بتوتر مخفي: أسفة شيخ جانت ع فضل بس وكعت بيك مو قصدي
نسر : ........
