رواية ليتك قدري الأول الفصل التاسع والعشرون بقلم رفل الكناني
هبه اني اريد اخطب هديل
اي
شنو اي مثل مكتلج اريد اخطبهه صار كومه صابر وبعد ماتحمل
واني شبيدي مثلن وشنو المطلوب مني
ترحين انتي وامي تخطبيهه غير
حذام حبيبي اني ماعندي أشكال بس هذا قرارك متأكد منه زين منيلك تتزوج
مادري الله يدبره هسه اهم شي اخطبهه ليروح أحد يخطبهه واني مصفط وكاعد
بس حذام شهل ستعجال تره البارحه طلعت السنه مال
اخوها أصبر شويه
شصبر يمعوده موزين انتظرت للسنه بعدين عادي وهيه تدري ضلت بس عليكم انتو وامي ترحون تخطبوهه
مممم هذا الحجي انتو متفقين يعني جاي تبلغنا فقط
هسه هبه ليش تطوليها مو تدرين بعلاقتنه
والله حذام مادري شكولك يمه شدكولين
يمه شكول اخوج متفق ومخلص احنه روحتنه بس منظر واني هاي لبنيه معاجبتني
اهووووووو راح تبدي امي
اصبر شبيك خل تحجي امي خل نشوف ليش مموافقه كملي يمه
اني مو مموافقه لان رائي لايقدم ولا ياخر اخوج معمي وميت عليها بس الاشوفه الابنيه متعيش عيشتنه والزواج مسولية مدكلي منين تجيب زين وين تزوج اشو حتى مكان ماكو غير هاي الغرفه الكاعدين بيهه اني واختك قابل تتزوج بلهول زين المره متريد عيشه متريد مصرف وانت العماله كسرت ضهرك يعني انت تشوف وحده مثل هديل تنتضرك تشتغل بلعماله حتى تشتري الحاجه ابني الله شافو بلعين لو بل عقل وليد شوفلك وحده من مستواك وتقبل تعيش وياك بهذا حالك
حذام كلام امي صحيح والله العضيم هديل تعبك لاتنغر هسه بلحب وهاي الخرابيط فكر بعقلك وعوف كلبك ياخويه
انتن شتحجن اكلهن روحن اخطبن طلعن البنيه من عيني
انتو معليكم شلون راح اتزوج وشلون تقبل بعيشتي اخطبنهه وخلص
ضلينه ساكتين شنريد نحجي وهوه قافل وحتى طلع متفق وياه عل يوم الجمعه وهم وكعدت براسي لازم اخابر ام رقيه انطيهه خبر والله حايره ومستحيه شكولها بس تفاجاء من كتله نريد نضيفكم يوم الجمعه العصر وجاوبنتي برحابت
صدر وكنو تدري بالموضوع بعد اني كلشي اتوقع يجوز هديل كايلتلها
واجه يوم الجمعه ورحنه اني وامي والجهال حذام وصلنا ومثل متوقعت عدهم علم لان حتى ايناس لكيتها هناك والضيافه محضره والكشخه فول احلام وإيناس ذابات الاسود وكملتها هديل من دخلت بتراك وردي لازك عليها والشعر مكلوب راسن امي شاورتني
شوفي يمه اليموت ينكط بروحه شوفي اهلا شلون نسوو
يمه اسكتي مو وكتج خلينه بلجايين عليه
وبدت امي تحجي بلخطبه وهاي السوالف وام رقيه بعتباره هي الكبيره وبمكان امهه كان الحجي وياها لان عمتي كاعده بكرسيه وبس العيون تباوع كلشي ماكو لا حس ولا نفس
تذكرت الدنيا شكد زغيره وقبل هل مره شلون جانت واكفه بهذا المكان وشلون طردت امي وشلون قهرتني وشلون وشلون وشلون راح بالي يم ذيج الايام بس واعاني يوسف وهوه يكلي
ماما اوح بابا
لا اكعد يمي لاتروح
كام يبجي وكمت اسكت بي ودانطي بلعصير دفعه وجفاء عليه أخذته وكمت عل مغسله داغسله وجان يطلع بارق من غرفته مبين هسه كاعد من النوم ويوسف شافه روحه طارت اريد بس اخضلي اديه جوه البوري ميقبل ال جتفته حيل وغسلتا وهوه يصيح بابابابا اجه بتجاهنه واني نزلت يوسف ركض عليه وهوه شاله ويكوله
هلا لك هلا بزلمتي شبيك ليش متقبل تغسل
هوه يحاجي واني امسح بجبتي من العصير كملت وسديت المي دامشي كال
متسلمين
باوعت عليه بستفهام وكتله
نسيت يوسف سطرني شلونك
هلا بيج
عفته ويوسف يمه ورجعت كعدت شويه وام رقيه كالت هلابيكم وهذا الحجي راح أوصله للولد ونردلكم خبر اني مابيدي شي تعرفون مره متزوجه مالي حكم عليهم ان شالله اذا اكو نصيب يصير خير واني اخابر هباوي
عاد تشكرنه منهم وطلعنا ايناس دكولي بذاته واني زعلانه عليج ولافديوم اجيتي وجبتي الجهال واني كم مره جيتكم كتله انتي تختلفين اني اذا اطلع الف سالفه يطلعي عصام مقتنعت كالت روحي روحي واني اخابرج بهذا الحجي احنا وصلنا يم الباب جنه مخابرين حذام ومنتضرنه بره كتلهم
عفيه يوسف جوه جيبو
ركضت هديل دتجيبه وطلعت هيه وياه وبارق اريد اخذه ميقبل خاتل وراهم وأحلام تضحك عليه وتصيح عوفو عيني هلاك لاتهلك هيه مكيوله شوفو شلون يعرفنا اهله وفعلا يوسف معند باوعت عل بارق ادري بي هوه ديعلمه كتله
كوله خل يجي يالله
شاله ويكوله
ياله روح عود اني اجي اخذك حبيبي نروح بلعن
وهوه ميقبل يابه بودي اكطعه بس كوه لازمه نفسي هذا الجهال تمرد من وره دلاله جريته حيل رجع بي ليوره
خزرني وكال
ليش ايدج قاسيه عل جهال
موقاسيه بس يوسف مداكدره مو هاي نور اشو مومثله
عل كيفيج وياه تره ديشكلي منج
لا والله
وجعه من الله لاعبالج ميفتهم ديشري شلون تضربيه اكوله منو يكولي ماما
وليش تتجاوز
اباوع عليهن لجانن ملتهيات دك سوالف شلون طبعن هاي
يم الباب يتذكرن كل السوالف ورجع باوعلي وكال
اي لعد جري عدل والحضر مشايلته هاي سالفه اني اعلمج عليه بعدين
دك هورن بره صحت يله يمه حذام اجه طلعنا وهوه ويانه
طلع نزل حذام سلم عليه وهوه مدري شبي يباوع عل سايق الويه حذام ويخز بيه مهتميتله صعدت وهوه مافوتهه شلون تجاهلتا حرك كلبي بيوسف ومخلاه يجي وذاك ماصدك مجلب وهوه يكول الحذام ويباوع عليه عوفو يمنه وهذا اخويه الفهيم صعد وعافه
هاي وين عفته حذام جيبه عفيه
يابه ميقبل هوه ابنج مجلب
هميت ونزلت صرت كباله وجريت يوسف حيل منه وصعدته لو تخبل رجع فتح السياره وأخذه مني من صار قريب مني دياخذه همس
روحي وعوفي اني أجيبه
شاله وسد الباب واشر للسايق توكل والولد طلع واني عيني عل يوسف بلحضتهه صدك دمعت من كل عقلي يعني ابني هيج ميريدني هاي بعد شكم سنه يمكن ميهتملي فدنوب وصلنا البيت واني مجمره تلاكانه عصام
هاء وين جنتو
جاوبه حذام : بيت عيال هبه
وشكو
رحت اخطب بنتهم
واني ليش مادري
وانت بشنو تدري انت سال عليه
احجي عدل لك
قابل مجذب فديوم كتلي شلونك شمحتاج شدتشتغل منين دتصرف
واني شعليه بيك انت مو رجال
اي صح واني لان رجال تصرفت من كيفي ورحت خطبت
طبك مرض ومالكيت ال هاي أخوه العصابجي
منو اخوها
بارق أفندي
شعليه بي متزوجه لو متزوج اخته
هم صدك ياله اخذها تفيدك خوش عدها فلوس ورث بلكت تنفعك احسن من ذولاك الناس
حجاها وباوع عليه واني عفته ورحت للغرفه بدلت وكعدت وكلامه بالي ومنا يوسف هم كلبي عليه دخل حذام كتله
حذام اريد اكولك شي بس لاتزعل
لامازعل كولي
حذام انت تفكيرك خوما مثل عصام يعني ماخذ هديل علمود فلوس لو ورث وأملاك وهيج شي
لاوروح ابويه ولابالي هاي السالفه
اي عفيه تره بنات الناس مولعبه والرجال اليتزوج حتى يصرف عل مرته مو ينتضر فلوس من مرته
لامعليج بعصام هذا يصفط المهم احجي شلونه الأوضاع شكالو مكالو
كعدت سولفتا كولشي كال الله كريم وكام ومر اليوم عادي وبليل ال اجه يوسف جابه بارق وحذام طلع اخذه منه واجاني يركض شايل لفه صاج وعصير
من منو اشتراك
بابا
اويلي يهل بابا لمطلع عينك عليه حضنته وهوه الحقير يغمض عيونه ويضحك انوب بودي اكرطه بس من حضنته كوله ريحت دخان وهاي الريحه اعرفه مال اركيله شلون بيه هذا دياخذه للكهوه شلون اجوزه منه استغفر الله
كمل لفته واخذته سبحته وبدلتا واجيت دنومه طفيت الاضويه وسديت الباب خليتهم بصفي وداغفي دك نغمه صوت غريب كمت ادور وين هذا الصوت شفت التاب جان
عل الشحن والصوت منعده رحت جبته فايبر والصوره بارق ويوسف هوه ديدك هلا هلا انوب منزله فايبر يوسف هوه والنومه بعينه وسمع صوت التاب كام يريده منطيتهايا حولتا صامت وهم ضل يدك آخر شي فتحت خط ونطيتا اليوسف كام يكركر بس ضحك واني اهمسله اش كول الو وذاك الوتي سامعني جان يكول
انتي كولي الووو تره مراح اكلج
سكتت
وينج
يوسف لازمه ويباوع بس عل شاشه واني ساكته كال
يوسف بابا انطي الوو الماما
اخذته منه : الووو
اي من البدايه وهيج شلونج
الحمد الله
شلون الجهال
موزينن خصوصا يوسف مطلع عينه وصاير مشعوذ
احسن خلي رجال هذا
رجال شنو صاير نحس وبس يبجي وكلشي الشايفه رايده
ميخالف اني اجيبله كلشي يريده
واحنا منريد منك شي بس عوفنه
هااا راح دكومين تجفصين
اكولك انت شنو هاي الميانه الزايده تره كلش مصختهه
بكيفي
راح اسده
بعلي اكسر ايدج
لا والله
لاتضلين تجادلين خلينه بلمهم صدك حذام سواهه صدك
ويريد هديل
علساس متدري
وتالي
يمكم التالي شمدرينه تنطونه
وانتي شدكولين
والله مادري المهم ننتضر ونشوف يله راح اسده
شيلي الحضر
شنو
شيلي الحضر هسه من تسدي راح ادك عل رقمج
شكو
هسه دخل ادك
لاماشيله مودنحجي هنا بعدين ليش مسويله فايبر
اسمعي يوسف معليج بيه خلي اني اربي بطريقتي والفايبر اني خليته وعلمته عليه حتى اخاف جهال اخوج يضربو يكولي واجي انعل والديهم لاعبالج مادري تره كلشي ادري
اني واعرف شمسوين بجهالنا
والمطلوب
مالج شغله بيوسف ولابتاب ماله
بس هذا ابني
واني عمه وأبوه
انت عمه وسلام اخوك ابوه خلي هاي الكلمه بالك
خرب. ...........كفر
ليش تكفر انت تره داكرهك وحتى يوسف ماريده يماشيك
اني شكتلج موكتلج لاتجيبين طاري المرحوم عل لسانج
وليش ماجيبه تخجل من سواياتك مو متكدر دكول
الداسوي غلط وهسه الساعه متاخره واني داحاجي مرت اخويه الارمله
اليوم انعل والديج اصبري اني جايج
طوط طوط طوط
سده عزه هذا يسويهه والنبي مخبل دكيت عليه اكثر من مره مجاوب ركضت عل فوني بسرعه شلت الحضر منه دوكيت عليه جاوب بس ماحجه
بارق وينك
هسه جايج اذا ماسحلتج وعقدت عليج بهذا اليل اطلع اني كوا........وموبارق
انت تخبلت شنو هذا الحجي
لعد اني شكايلج مو كتلج سلام لاتجيبين طاريه خطبه وخطبتج ورفضتي وكلت خليها عل راحته واني بمرور الايام أقنعها ليش كل مااوصل وياج النص الطريق ترجعينه لبدايته من تجيبن طاري المرحوم
ماجيبه بعد بس ارجع لاتجي وتسويلي فضيحه بهذا اليل
وعليمين الفضيحه اريدج وأريد اخذج ارديد اشوف منو يمنعني
صدك انقهرت وكمت ابجي حسيته راح تصير كاثره بهذا اليل
بارق كافي بعد لاحاجيك ولا ابد
بعد احسن يله ولي
سده واني ارجف الله لاينطيك شكد مخبل حطيت راسي ونمت كوه وثاني يوم كعدت عل عياط الجهال متعاركين عل تاب كمت جني مخبله فاككتهم واساور تصيح كشره عل رأس الجابلكم هذا الصخام وانت يوسف صاير مجلوب من كمت تروح لبيت جدك يم عمك العصابجي هسه تصير مثله
مجاوبته اخذتهم للغرفه وسديت الباب ويوسف يبجي اريد بابا واني توني كاعده مسطوره بس يوسف بجيه موبنصاف واني ممركزه ومن ركزت وهوه بصبعه يشار عل تاب باوعت الشاشه صايره خريطه مكسره صدك نجنيت كمت شايطه طلعت عليهه
اساور ليش هيج هاي فوكاهه يعني تخرطين علينه وجهالج شوفي شمسوين
وجهالي شعليهم ابنج مخبل وكسره
شلون كسره هوه مفرفحر عليه مدسمعي
والله شيويله منو كلج تجيبوله هيج حاجه الجهال تغار
وابنج نحس ميخليهم يباعون وياه
والله عيب عليج وعل جهالج التاب جديد اسبوع مصارله هسه شيكول العمه اذا شافه
ههههههههههههههه العيب بلجيب عيوني لاتخافين عمه ينكث فلوس هسه يجيبله اغاته
ضحكتهه نرفزتني مال استغفرالله ماريد احجي عفتهه هاي ماله جاره رجعت للغرفه وهذا خبصني بابابابابابا لحد مدكيتله عليه ونطيتها مافتهم منه بس يبجي هوه يكوله وهذا يعيط آخر شي صاح
ووووووووينج غير دكليلي شبي
يمممه جفلت والله كتله
التاب نكسرت الشاشه وديبجي عليه
منو كسره
الجهال
وينه نطيناه
بابا حبيبي ميخالف العصر اني اسوي الك يله اسكت اسكت بابا يله هاهيه
ولايمه روحي طلعا سديته وعفته بجى لحد ماتعب وللعصر صدك اجه أخذه اني ماطلعت بس بدلتا ودزيته ليل جابه مسوي الشاشه وهوه مكيف طببتهم للغرفه وعلمته ميروح يم جهال عصام هنا يلعب ومرن يومين والثالث وام رقيه خابرتني كالت الولد يكولون خل يتفضلون باجر كلت الحذام خطيه من الفرحه كام يطك اصبع ويهز بجتف
ولك اثكل شلون بيك
صدك تحجين غير ممصدك ادعيلي تكمل
ان شالله تصير واشوفك فرحان اكثر من هيج
بس وين عصام لازم يخربهه فمن كله حذام وراده يروح وياه ماقبل كله لو يموتون ماروح واخلي ايدي بيدهم ليهسه مناسي شلون ضربني هذا بارق يمعود عدل بدل ماكو قفل بس حذام ماهتم راح لم خوالي وعمامي وجماعته وراحو وعصام دره عافها كلها ورجع عليه انتي وكله من وراج اول ممات رجلج كتلج ذبي جهالهم ماقبلي وهاي النتيجه انوب راح ناسبهم اني هذا العصابجي ادري بي ديجي ويروح عل الجهال واكدر اكسر رجليه بس علمودج ادري بي يأخذ الجهال
كتله بكلبي والله تجذب كول اخاف منه انت ميت عليه بس تخاف عل نفسك لان البوكسي بعده محفور بدماغك واله
اكو واحد هيج يسوي بواحد ويخلي يجي يوكف بابهم
ههههه سوالفه رغم تغث بس ميعليل نفسه ماسكت لحد مااجه حذام بس طاير من الفرح بوده يطير عرفت نطوه ورغم عصام وسوالفه بس من كال أنطوني وقرينه الفاتحه بعناد عصام طكيتها بهلوله يوصل صداهه لسابع جار عل فرحه لشفتها بعيون حذام والجهال دكمز وحتى امي كتله هوسيله خطيه لاتقهري وهوه فرحان كامت تسويله راح يعرس ضلع من ضلعوي وهوه خطيه مكابله واساور ام دوده تعوج بحلكه ولاعبرناهه وعصام طلع شايط ومن سكتنه هيه ماسكتت
اكولج موعلساس لابسه اسود وحزنانه عل رجلج شنو هاي الهلوله مالتج هزت الفرع
لعد شعبالج عيني اهلهل وراح انزع الاسود واصبغ شعري واحف وجهي وراكص لصبح شعندي غير حذام ابو كلب الطيب
فدوه اروحلج ام يوسف واني هم شعندي غيرج
انوب ماتت قهر وامي تهمسلي
اي يمه شكو بيه والله ذبي الأسود ماشفتي خواته
عزه يمه صدكتي هاي هيج داقهر هاي العوبه
لا والله صدك ذبي
يممه شبيج صدك تحجين شعليه اني بخواته خواته وحده نخطبت والثانيه عد رجل اني شعندي
والله يمه بكيفج
حذام كعد وسولفنا شدار بلكعده بس اني مارضيت عل طلباتهم ابد ابد اول شي مخلين مهر غالي وثاني شي طالبين بيت وحد تكعد وحذام موافق ومن سلتا شلون وافقت عل هيج طلب كسر كل فرحه فرحتها وهوه يكول الجواب
