رواية انت البارود وانا النار الفصل الثاني بقلم شمس
༺❀ بسمِ اللهِ الرَّحمنِ الرَّحيم ❀༻
❀ ﴿ وَلَا تَحْسَبَنَّ ٱللَّهَ غَافِلًا عَمَّا يَعْمَلُ ٱلظَّالِمُونَ ﴾ ❀
"تعاليلي ييمه بگلبي تسعر نار
محتاجه لحنانچ فدوه ضميني
تعاليلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بحضنج اغفه ،، وياچ خليني
تعاليلي ييمه وداعتچ تعبانه
بس بشوفچ ابره وتبتسم عيني
بس انتي الوحيده الگادره بهالكون
بتراب الچفن يحبيبه تشريني
اسمعيني ييمه وتعالي اترجاچ
مامرجيه منچ هيچي تاذيني
تعاليلي ييمه آنه جيتچ ماأريد اعذار
طشرني الوكت يايمه لميني
~~~ ✧ ✧ ✧ ✧ ✧ ~~~
خديجه:: خويه لاسوي شي أسعد انا اروح وياك هاي هيه
يمامه::يمّه لا تروحين خليني وياج لا تخليني هنا يمه
اسعد :ماكو شي اسمه تاخذها هاي أمييييي
ثابت:: يلا كدامي طلعي سيارتي باب البيت
خديجه:: ديري بالج ع اخوانچ يمامه وضلي يم اخوانج اسعد وسالم واهم شي مسره بعدهي صغيره ديري بالج عليها من سعاد مااوصيج بعد يمه
اسعد:: يمااا اذا طلعتي وي خالي من هذا الباب بعد لاانتِ امي ولانعرفج
نزلت دموع اسعد ومشت امي مالتفتت ابد
أضف تعليقًا
يمامه
بس امي راحت وطلعت رغم كلشي
حسيت روحي مو صغيرة مثل قبل
من طلعت امي البارحة كبرت بسرعه
گالتلي "ديري بالج عليهم.
هالكلمة بعدها ترن براسي كأنها وصية.
مسره:: ليش عافتنا امي
يمامه:ماعندي جواب ارد بس لازم اجاوبها وهية متعلقه بأبوي وامي ويحبونها يمكن اكثر مني
يمايه :هسه تجي راحت لبيت خالي
مسره:: جا ليش ماخذتنه وياها
يمامه :مايصير لازم نبقة احنه حته خاف يجي ابونا نشوفة وهناك بيت جدو احنه مانكدر نعيش متعودين هنا كل مره من نروح تكولين اريد بيتنا هيج امي مااخذتنه تخاف علينه من عدهم
اسعد طلعت روحه ومنا مرت ابوي ماتسكت طلع من البيت كله
وسالم الي مأيدري بالدنيا طشت رشت ومادري بي وين ولاشفتة وبعدها بدت معاناتي وي مرت ابوي وتنضيف ماتشوفني طفله
بعمر ٨ سنوات تعاملني وگانما جبيره وتخلي غسل مواعين وتنضيف علية واني اكمل حته شغل مسره لان بعدهي صغيره ماريدها تشتغل وهيه ماتعرف اي شي
منا لليل اجة سالم
سالم:جا وين أسعد وامي
سعاد: يل مسعد بعد وكت وهسه دشيت للبيت من يا دياحه جيت منها
سالم:: ماسكتين لا اكوم ارفس بطنچ
سعاد:: كون صدج زلمه وتكوم جا طردتك
اجت مسره تبجي وراحت سالم كالت اله
مسره: سالم امي اخذها خاالوو روح جيبها النه
سالم:شسوي امي بيت خالي؟؟؟؟
يمامه: امي راحت برضاتها لان خالي راد يكتل أسعد حجيته كل الي صار ولاهمه ولارف جفن اله خله وكال
سالم: الله كريم تخلص
يمامه:: الله كريم بس هيج ما راح ترجعها النه
سالم: شلي علاقه اخوها اخذها مو غريب
بجت مسره وكالت
مسره: امي اريد امي جيبهاا
حضنتها وكتلها
- هسه هسه تجي لاتبجين
سمعت سعاد صوتنا واجت
سعاد: ها بلشنا بصياح شني بعد
يمامه:: لان نريد امنا
سعاد:امكم راحت وانتهت سدو موضوعها لادوخوني بنات خديجه
يمامه:ليش تحجين هيج على امي ترى هي ما سوت شي الج وتحبج واكفتلج وكفه ليش تكرهينها ليششششش
سعاد :جا موش عافتكم شنهي ماسوت شي اكثر من هذا شتردن بعد لو تحبجن ماتروح تكدر تكل لاخوها ماروح واعوف جهالي بس هيه اصلن فرحت جا كالت مسره صغيره وشافتها شلون تفرفح روحها عليها
بس هيه ماهمه
يمامه: مو صح اخذها خالي غصب عنها
تقربت مني تريد تلوي ذاني ابتعدت
سعاد: انتي شتدرين بعدج طفله
طلع سالم ولاكانما صار هذا كلام كبالة
واني اخذت مسره ونومتها بالكوه من البجي وضليت انتضر اسعد يجيني ويلمني بحضنه محتاجته وتاخر غفيت مادري بروحي منا واسمع صوت سعاد
سعاد : كعدددن ولچن شنهي نايمات لسه فندق لو بيت خلفجن هذا
يمامه: اها
سعاد: كومي لچ خمس دقائق حدچ واريد البيت يلمع لمع لاكوم اكسرچ تكسر ومحد يرحمج خوانچ زقنبو وطلعو من الصبح
يمامه:كمت لان اعرف تكتلني وانا منو يحميني منها كمت خليت طبله وصعدت اغسل مواعين واجت
سعاد : يلا كملي بسرعه ونضفي البيت وياچ مو عافتكم امكم عله على كلبي
يمامه:هسة بس خلي اكمل مواعين
سعاد: لاتجاوبيني لج صواب صوبج كون
شما جنت مسوي زين للبشر يعاملك البشر بشر؛
وسعاد مو أمنا ولاعدها قلب الام حته تعاملني بحنيه طبخت الغده هيه وانا طلعت للحديقة احاول أرشها بس ماكدرت ماعندي طاقه ودخل أسعد
اسعد: يمام جاي سوين
يمامه: ماكو شي اريد ارش الحديقه ضايجه ماحجيت اله شي خفت من سعاد تكتلني
أسعد ؛شترشين بهل ظهر هذا شنهي مامش احد غيرج يرش امشي دشي جو
بدلت ملابسي وانتضر الغده يجي ودخل سالم
سالم: ها شبيج نايمه
أسعد: جانت تشتغل تعال شوف مرت ابوك شمسويه بيهنننن
سعاد:شمسويه الهن مسعدات
أنا أربيهم ماكو دلال بعد
سالم: عادي يتعودن اذا بيت موش لعب
مسره: جا نريد امنا
زمخ بيها سالم ورفع عيونه
أسعد : تمرجل ع خواتك صغار مو اكوم افكس عيونك
منا العصر طلعنا بره اني ومسره بالبساتين ومسره تفتر بين النخل والزرع واجه صوت سعاد صيحني
يمامه: شويه واجي تمام بقيج هنا لاتتحركين خوش
مسره: بس تبطين اجي وراج اخاف
رحت وسعاد وجرتني من شعري
سعاد: اذا مره ثانيه شكتيني اخوچ هذا شعرج اكطعه بايدي وضربتني راشدي خليت وجهي احمر
اجت مسره تركض
مسره: ليش ضربين يمامه
يمامه: اسكتي مسره اششش اسكتي اكلها هيج واني خايفه
سعاد: والله اطيح حضج فاهمه وووولج
اخذت مسره وانا ابجي بالغرفه واحاول اقنع مسره ماتكول أسعد لان مسره ماتضم اي شي يصير بلبيت تحجي لخواني وامي
صار لليل دخل أسعد يطمن علينه
أسعد: شنو صاير يا يمام زعلانه
يمامه: لا بس انتضرك تجي
مسره: أسعد شوف خد يمامه احمر
أسعد: ليش شبي
مسره: مساع سعاد طكتها ولزمتها من شعرها حيل
كام أسعد وهوه يصيح بصوت يرج البيت رج الكل كعد على صوته
أسعد: ولجججججج سععااااااااااااددددد
سعاد: وحمه لهذا صوت شتريد
أسعد: ولاجلمة اشششش طكين اختي ولج
سعاد: لاتعلي صوتك علي
أسعد: سكتيييي من احجي ع اخواتي تحجين عدل والله اندمچ ولاتخليني امد ايدي ع مره
سعاد: تهددنيي يابن كاظم
أسعد: موش تهديد يامره هذا وعد اذا بيوم شفتج ماده ايدج على وحده بيهن مارحمج وحك هوه علي
الكل سكت وحته سالم
يمامه : صار الصبح كعدت واسمع صوت امي معقولة امي رجعت كمت واشوفها هستوه جايه واسعد وياها
يمامه: يمممممممممةةةةة حضنتها وابجي بكل قوتي
خديجه: بنيتي طيرتي يمة سامحيني
يمامه: يمة ليش رحتي وعفتيني ليش يمه تدرين شصار بينه من وراج تدرين شسوت بينه سعاد ليش يمه ليش عذبتني يمه
كعد سالم وتطلع سعاد من غرفه
سعاد: ها بدينا بالدرامه شرجعج
سالم: كواج الله يمة
خديجه: وليش مارجع مو هذا بيت رجلي وجهالي
سعاد: بس من طلعتي ماكلتي هيج
سالم: شعجب خالي قبل ترجعين
أسعد: لاجيب طاريه خليني ساكت لخاطر أمي لك تبروه منها لان رجعتها
سالم: وانت ليش رجعتها اذا تبرو منها
تريد سويلنا مشاكل وياهم شعجب نطوها الك لو ماخذ ناس وياك
أسعد: ولك وانا شنهي خنيثه واخاف منهم امي هنا مكانها يم بناتها وبيتها وانتهت الأمر
سعاد:شعجب اخوج انطاج مو كال كاضم مااله مره عدنه بعد
خديجه :خلف الله على شيخ إيهاب واسعد همه الي جابوني بعد مافك حلكه اخوي وشيخ محد كدر يرد كلامه
سعاد :شنهي شيخ هسه حب كاضم مو هوه سجنه
أسعد :كافي مااريد اي كلمه من احد بعد وانته سالم شنهي هاي راده مو امك لو متوهم
سالم :لاامي بس اخاف من المشاكل خالي وتعرفه
اسعد:طز بي مااخاف من احد بس من الخلقني
يمامه: كيفت من ردت امي ردت روحي وكلشي مشه عادي بقت مشاحنات بين امي وسعاد
وهيج ضلينا وابوي طول بالسجن لمده ٥ أشهر ومعناه وي امي ومرت أبوي بس من يدخل اسعد للبيت الكل يسكت
المجسون كاظم يعقوب الك زاير
كاظم: ها شجابك هنا بس لا اخوك إيهاب سجنك
مسحن: أجيت حته اطلعك معقوله الي سجنك يبقه يمرح ويسرح
كاظم: موش مشكله احب السجن
محسن: انا عندي فكره نخليها واطلعك بسرعه بس عندي شرط لو تخاف من إيهاب
كاظم: اتخسى ولك انا ابن يعقوب شخاف منه هذا وقوانيه الي ماشيه ع الكل اكسر رأسه تكسر
محسن:بس علاقته قوي بيكم
كاظم:مو علية ماكدر اكمل اشغالي من وره حراستة وقوته مسيطر ع الناس كلها
محسن:ساعدني اخذ شيخه أنا وهيچ تكمل كل امورك
كاظم:لونك تكدر تاخذ شيخه جان اخذتها ليش طلبتها مني اساعدك
محسن:لانك شراني والوحيد بيت يعقوب وشغلتك ماتعوفها ع النص.
اكتل شيخ إيهاب الي وانا هسه اطلعلك منا
كاظم: شنهي يثبت حجيك
محسن: لان انا اريد شيخه وهيج تكمل امورك واكمل أموري براحتي
كاظم: تمام الك بس مامش احد ياخذ بثاره؟ كون محد يعرف انا الي كتلته
محسن: ماعنده بس ابن واحد وبعده صغير عبن اذا يدخل بامور شيخه افصم ضهره
كاظم: شوكت اطلع
محسن: هسه اتفقنا عدل اعتبر روحك باچر طالع
كاضم :هاي هيه الك منتهين
كعدنا الصبح وجننا مرتاحين لان امنا رجعت كعدت اتريك وسالم وأسعد اليوم كاعدين ماطلعو للشغل
يمامه: اسعد
أسعد: ها بنيتي
سالم: خربتهن علمتهن ع دلال
أسعد: شوفي اخوج يدور ع كتله من ألصبح هسه اكوم اكسره
وفجاه يفتح ابوي الباب وكل احنه ننصدم
يمامه: بابااااا
مسره: باباااااااااا
ركضنه انا ومسره وشالنه ثنينه
كاظم: يمااا بناتي شلونجن شتاقيت الجن
يمة مسره شلونج بنيتي
خديجه ؛كاظم؟ يما الحمدالله واخيرا رجعت
سعاد: كاظم يمه وينك تعال شوف شعملو بيه وخري خلي اضمه بضلوعي
شبكته وتبجي عبالك جنه كاتلينها
أسعد: الحمدالله ع سلامتك بويه
كاظم: ماجيت سالم لان محد من ولدي فكدني وكال اطلعك صرتو وي شيخ إيهاب
أسعد: بويه شلك بهاي سالفه وانت تعرف عقوبتك سنه كامله بس شطلعك وشلون طلعت
كاظم: يجوز ثتبت برائي وبمكان ماتبوسون ايد ابوكم جاي تحاسبوني
سالم: لا بويه هذا اسعد يحقق ويا لكل الحمد لله على السلامه باس راسه وايدة
أسعد: نا موش محقق بس ماعرف أحس اكو فد بليه نشالله ماورطت روحك
كاظم: انتبه من تحجي انا موش صاحبك أنا ابوك
سعاد: ولكم كافي تلكيتو من الباب خلينا نفرح بجيته شنهي هذا تصرفكم امداكم فروخ خديجه
كاظم: بس انتي تفكرين بيه
ضل اسعد مو مرتاح وحس. راح يصير شي بس احسه شايل هموم الدنيا ع راسة
جان رمضًان والدنيا ظهر وانا احاول اصوم بس اجوع واكمل صيامي بس مسره تفطر وانا اضحك عليها وسمعنه صياح وصوت بالمنطقه والجامع يكول
الجامع؛ كل نفس ذائقه الموت انتقل الى رحمه الله الشيخ إيهاب ان الله وان الية راجعون
مسر: يما والله اخاف من هذا صوت
يمامه: ماعرف منو مات
سعاد: يبوووووييي ولكم كعدوو ماتت الشيخ ولك كاظم تعال على الرمي والطلق وكعدو الولد
أسعد: شنهي صاير دخيلك ياعلي
كاظم: مات الشيخخخ ولك
أسعد: شيخخخخخخ إيهاببب شلون يمةة حضرييييي دشداشتيي بسرعه ولك بويه روح شوف الوضع روححح
طلع ابوي قبلهم وأسعد وسالم اول مره اشوف اسعد يبجي من حركه كلبة ولبس جفيه وراح وكل احنه نبجي علية من رعبه الصوت حسيت ملك الموت قريب عليه ضليت ابجي صارت الفاتحه چبيره وموش اي شخص مات هذا الشيخ إيهاب الي حسب مانعرفه كل تخاف منه وكلمته وحده وكت العرك مايشرد
جان يوم تشيع يوم اسود وطلق وهوسات خلتنا حته احنه صغار نخاف رجع أسعد وخلصو الفاتحه وكفو بيها
قاسم: الله يرحمه مات مغدور وكتله جبان
أسعد: موش خاليه هاي موته وبيها أنه حسبي الله ونعم الوكيل يتم أبنه ومرته
وره ٢٠ سنه
~~~ ✧ ✧ ✧ ✧ ✧ ~~~
وره مـده٢٠ سنة /
يمامه: عشرين سنة مرّت
وذاك الصوت بعده يرن بأذني، نفس الليلة، نفس الحچي… بس الفرق
هسه ماكو طفلة تخاف وتصفن من الزاوية
هسه يمامة كبرت
بيتنه بعده نفسه بس مو نفسه.
الوجوه تغيّرت، والسكوت كبر وكل واحد شايل شي بقلبه ومايحجي
وأنا
أنا صرت أعرف أميّز بين الصوت الصدك والچذب
بس ذاك السر بعده مدفون بيه وحدي وحدي أنا كملت ورشيت الحديقه والبستان ؤاجيت لكيت امي خديجه محتاره شتطبخ وشتخلي للعشه
سئلتها بتعب
يمامه: منو جاينه للعشه؟
خديجه: يما صاحب اخوچ
يمامه: منو هذا اول مره يجينه احد من اصدقاء أسعد وشبيج هيج مخبوصه طبخي اي شي
خديجه: لا يمه هذا ابن الشيخ إيهاب
هوه هسه الشيخ شلون اطبخ أي شي
يمامه: چا شيخ شيسوي عدنه
خديجه: غير صديج اخوج الروح بروح
يمامه: شسمه هوه
خديجه: ضرغام
يمامه: ضرغام
مو بس ابن شيخ
هوه أقرب شخص لذاك السر
ويمكن أخطرهم
اجه لليل وكملنة العشه وتحضيرات بالهول وهمه كاعدين بالحديقه وهوه وأسعد ع الزوليه شكد بسيط هذا شيخ خلصنا وصحنه ألهم ودخلت اني ومسره للغرفه
الغريب
إنه عشرين سنة مرّت
وأنا أعرف اسمه أعرف هيبته
بس ولا مرة شفته بهالقرب
جان غرفتي يم الهول الشباك يطل عليهم طفيت أضويه وفتحت الشباك شويه
بس حته أشوف شكله وهنا اول مره اشوف شكله وهيبتة وعيونه الخضر وبشته وعكالة وكاعد مسيطر وعطره الي ترس ألبيت ترس
مسره: ها شبيج سكتي
يمامه:هذا هوه؟ الشيخ
مسره:إي هذا ضرغام شنو اول مره تعرفينه؟
يمامه: اعرفه بس اول مره اشوفه!؟
دخل للهول واسمع اخوي اسعد
أسعد: حياك الله يخوي
ضرغام: الله يحيك تعبت نفسك بهاي عزيمه
أسعد:اريدك شوكت ماتريد دك الباب وتدخل بدون عزيمه ترا انتَ واحد من عدنا
يمامه: هوه ما يشوفني
بس أنا مو جاي اشوفه بس
جاي احفض ملامحه
مسره: يمامة تره مو حلوة تبقين هيج صافنة، يبين عليچ
يمامه: صوتج لايسمعععععع
مسره:"هااا، يعني يهمچ لا يسمع؟ لو تتمنين يسمع؟
يمامه: شبيج مسره شمرين حچي ترااا جاي اشوفهم
مسره: ديري بالچ مرات نضرات تطول
كعدت ع جربايه واسمع حچيهم ومسره كبالي ع تلفون
أسعد: وصلني الحچي
ضرغام: ياحچي
أسعد: عن الشيخة
وإن اسمك صار ينذكر كدام الكل
ضرغام:مو أول مرة ينذكر
أسعد: بس هاي مره صدچ يحجون بيهأ
ضرغام: وانت شتكول
أسعد:أگول تستاهلها
ضرغام:الشيخة مو اسم ينگال
هاي حمل وإذا انشال غلط، يكسر اللي يشيله وشي چبير
أسعد:"وأنت مو من الناس اللي ينكسرون هبيتك تخوف ألكل
ولك بيني وبينك الحچي حته أنا مرات اخاف من عصبيتك
ضرغام: هههههههه
يمامه؛: بوياي من ضحك سحل گلبي سحل
أسعد: لجن عمك محسن يكول شيخه ألي بس هوه حته ثأر ابوك مادوره ولااهتم اله وجنه مكيف موتت ابوك
ضرغام:لهذا ما راح أخليها تروح لغيري أنا لسه ماصفيت حساباتي حتى وي عمي بعدني حسابي طويل
أسعد:هذا الحچي اللي أريده أسمعه ضرغام
أنت مو بس تستاهل الشيخة
أنت خلقت إلها."
خلص العشه وطلعو وراح ضرغام
حاولت انام مكدرت صوته يرن بأذني ضحكت عيونه الي تخبل كوه غفيت واني افكر بي شنو الي يصير شنو مصيري
كعدنه صبح جاي نتريك ومسره كل عاده ماضم شي اشر الها ولاجن تشوفني حجت يم سعاد وامي
مسره: ماما تدرين لبارحه يمايه كله لازمه شباك وتباوع عليهم وصفنت وتتأمل شيخ
خديجه: سدي حلكج مسره شهل حجي هاي اختج جوز هيج حبت تسمع
سعاد سكتت اي ردت فعل ماكو لحد ما صار الضهر وكت الغده وهيه هلهلت
اجتني جرتني من شعري وتصيح ها يسعد مدللتك لبارحه كله كاضه الشباك تعاين على الشيخ وتتأمل بي
وبقت تحجي حجي من يمها انا ابجي واصرخ والله العضيم لا لا اسعد
اباوع لاسعد عيونه بكصته صارن زاد خوفي 💔
ياترى شنو راح يسوي اسعد ليمامه راح يصدك سعاد ويدافع يمايه لو اله رئي ثاني
