رواية الإرهابي وذات النقاب الجزء الثاني الفصل الثاني بقلم ام غايب
خالد .. والله اختج ممعروفه تصرفاتهه شنو من جهه تبجي و من جهه ثانيه
ميمونه .. من جهه ثانيه شنو و باوعت الشاهين نفخ بحلكه و باوع عليه بحزن و وتأكيد الكلام خالد ... بس هو مكلي هيج بعيت اباوع علي وكتله مكتلي هيج
شاهين ..لان ما اصدك
ميمونه..حسيت كلبي يريد يوكف الموضوع الهاي الدرجه جبير شنو الميكدر يكوله كلت ال خالد اي شي باطل على اختي ما اصدك همه مجرمين حظهه عثرهه بهذني الحقيرات شتتوقعون
خالد .. هي مو تبجي على رجلهه عوفج من الباطل والحق ... من جهه تبجي ومن جهه ثانيه تشهد كشاهد سري لان قريبه علي كلش او بالاحرى هيه منحليهه كجاسوسه
ميمونه .. عفيه شدتحجي انتَ شنو جاسوسه شنو مدري شنو وين احنه عايشين شكو حتى العقل ميستوعب هالشي وين احنه عايشين
خالد .. عايشين بالعراق العظيم مو عبالكم انتو كاعدين طبيعي القضايا الي توصل النه اسوء من السوء نفسه
ميمونه .. و يعني هسه اختي تزوجت حسين باتفاق وحسين المظلوم وهاهيه خطفت ابنهه وتبجي .. خوب جان راحت تمثيل على هالحجي
خالد .. انتِ شلون كاعد تحجين وياي ميمونه
ميمونه .. انت بمقام اخويه الجبير على عيني وراسي بس هاي الي كاعد تتهمهه هيج اختي واختي مو هيج والله اختي ابسط شي لو هيه جان على الاقل كسبتكم وخلتكم تحسوهه مظلومه بس هيه عصبيه ومتتحكم بنفسهه حتى مرات تحجي عليه ما اخذ ببالي لان طبعهه بس من تتعصب تهجم بس من تهدأ لا كلبهه طيب
خالد .. شعليه بكلبهه ميمونه انتي مكاعد تنطين للموضوع اهميه تره عصابه ومو عصابه عاديه عصابه مسنوده بكم واحد بالدوله همه اصلهم ارهاب ودخلوا حتى يصيرون بنصهم
ميمونه .. وفواز يعني مظلوم ... ابتسم خالد وكال بعصبيه
خالد .. لا حول الله احجي هيج تكلي هيج ... بابا فهمي تره عقل مبقه عندي
ميمونه .. انت كاعد تحجي على اختي
خالد .. انتي اختج اني مسموط ابو ابويه بالسجن من وره اختج وصخام الساني خضر هم ينسجن وهنا الكبالج هم ينسجن من وره اختج وتريدين اراعي مشاعر الاخوه وهالسوالف ومااصدك مال مسلسلات تره اني دين براسي مضال
شاهين .. خالد
خالد .. ووجعه ابو خالد ساعة سوده مصخمه ... وهز راسه ونفخ استغفر الله ..استغفر الله اني رايح فهمهه لا اذا اسمع استفزازهه مااعرف شتصرف و حمصه كله ابن الكلب مو وكت سوالفك ووالله يا شاهين اذا اخذتوا بعد عزوز لو علي وياكم لخليكم كلكم بغرفه واحركم ساعه السوده الي انتو بيهه تخصوني ... لو لقيط وافتر بالشوارع ولا هالوضع الكسيف
ميمونه ..يعيني اني مكاعد ... بعدني ممكمله عاط بوجهي
خالد .. باباااا فهمي صخام اني متهمت اني عندي ادله ضد اختج ... فزيت من صاح وبرطمت احس البوحه طلعت من اذني لزمه شاهين كله خالد روح يمعود اهدأ اني افهمهه هسه
ميمونه .. نزلت دمعتي هم من عيطة خالد بوجهي ... وهم على الي كاعد يحجي واني ماافهمه شلون والله ما اصدك اختي هيج طلعوا وبقيت واكفه بمكاني بس سمعت صيحه قويه خالد وشاهين معقوله ركضت للباب لكيت خالد حاصر حمصه ... بالباب ويصيح بي اافهم لك بابا افهم لك فهموووا راح تطلعوني عن الطريق وشاهين بنصهم وام شاهين وام عزوز طلعن هم ركض
ام شاهين .. يمه اسم الله شجاكم ... ووكفت هم بينهم ... اخوه انتم ميصير هيج
حمصه .. وخر ايدك اكلك
خالد .. ولك عليمن سافل لك حيوان
شاهين .. كافي يمعودين صرنه فرجه
ميمونه .. بهاللحظه فلك ورايه ... كالت ابني صار بي شي مو درت عليهه حايره اصدك كلامهم لو اصدك اختي و مشاعرهه و خوفهه الي مستحيل تمثيل ... بقيت اباوع عليهه و الولد يتعاركون و احد يستفز الثاني بكلمه كتلهه اسم الله علي لا بس الولد تعاركوا مدري عليمن درت عليهم و ام عزوز و شاهين و شاهين بنصهم و خالد يتجاوز على حمصه و حمصه هم يرادده اخر شي حمصه صاح
حمصه .. كااافي هيووو احترم نفسك احترمتك هواي انت منو حتى تحجي وياي هيج اني حر
خالد ضربه و ركَع راسه بالحايط حتى شاهين خزره و عاط بي
خالد .. لك هاي عليه لك حيوان انتَ بيش كيلو اني مو علمودك انت طبك مرض هو انت مو ابوك ممعترف بيك و لا اخوانك هيه امك
شاهين .. خاااالد شبييك صدك تحجي انت
ام شاهين .. ولكم يمه استهدوا بالرحمن
ميمونه .. بجيت كبل على كسرة حمصه رغم ما اعرف شي عنه بس هو رجال كَول و فعل بهواي مواقف من يحجي ويا خضر و شكله و كلشي يوحي بس كسرته و نظرته كسرت كلبي كبل ام شاهين زاحت علي و لزمت وجهه اخوك الجبير و عصبي و يخاف عليك والله ....
حمصه .. لا منيله اخويه عادي اصلاً مكال شي غلط ومو حقيقي يلله المطلوب مني شنو عود اذا لزموني لتخاف على اخوتك مااجيب طاريهم
فلك .. شكد جنت مكسوره انكسرت بالزايد حسيت وجع حمصه الي برزته عيونه وحاول يلملم دموعه كوه الي حمار العين برزهن بدون مينزلن ...الاول مره احس ب حمصه مو مثل ما حكمت علي مااعرف اعتبرته عديم حظ مثلنه والدنيا لطشته والي خلاني تحكم علي نفس الي يخلي الناس تحكم عليه ماعندي احد
خالد .. انجب مو قصدي انت جفصت بمصاريني اكلك ثور تكلي احلبوا
شاهين .. اصلاً قبل شويه شسوه بيه اسأل ميمونه وهم حجي هواي وكدام ميمونه متعرف خالد
فلك .. مو اول مره احس ب خالد هالاحساس داخله يختلف عن خارجه بهواي ميتحكم بعصبيته وينكسر كلبه بسرعه وهم عيونه تفضحه وشاهين الي يتحكم بكلشي بسرعه من تباوع عليهم من بعيد تحسهم كتله غموض مستحيل يتعرف واحدهم طيب لو خبيث لو تحير بوصفهم وتخاف على نفسك بنصهم ... بس من تتقرب الهم تكشفهم عيونهم بسرعة اله شخص واحد الحد الآن مااعرفه رغم ما عاشرته مو يوم ولا يومين وصار عندي طفل منه تشاركنه الفراش والمشاعر وحتى من يشاركني ما اعرفه ... رغم احبه مفروض اعرف حتى شيريد يحجي قبل لينطق مفروض عيونه تشرحلي لان احبه ويحبني بس مكدرت ابد اعرفه راح من الدنيا وهو غامض اتمنى اعرفه ... اتمنى اعرفك حسين انتَ شنو ...لحظه جان شابكه خالد وهو ميقبل اعترض ويكله
حمصه .. عوفوني اكلكم لا والله وخر خالد اريد اروح
خالد.. رحمه لدينك لتسوي هيج حيوان ردت اضوجك وتعرفني من اصير عصبي
حمصه.. يابه مگلت شي غلط ومازعلان وحقك عليه بس عوفني اريد اروح
فلك.. جنت اباوع عليهم وفجأه وهو يحجي عينه صارت عليه بس وخرها رأساً
اني مااعرف شلون وعيت على نفسي اني ملابسه حجاب ولا مغطيه وجهي
لان من جنت نايمه منسجمه بالنومه بس فكري يم علي و سمعت صوت صياح فزيت كل ضني ابني خبر عنه مفكرت غير بهذا الشي ومن طلعت وشفت العركه مالتهم مشاده قويه وكلام قوي بقيت اباوع عليهم لا إرادي
من وعيت حمصه باوعلي بنضره معرفة شنوا تفسيرهه ولا اعبر عنها واشرحها بس حسيته انتبه على شعري لذلك خليت ايدي على راسي وفجأه انصدمت
فلك.. غير تگليلي بلا حجاب
ميمونه.. جنت اباوعم عليهم تأثره مااتحمل المشاعر مال الاخوه وابجي جان ناقصهم حبيبي خضر الي بعد احن منهم كلهم ماشاء الله احجي بداخلي وابجي
احب حبهم لبعض اكثر من مره لمست رغم حمصه غريب مو كلش قريب مثلهم وراشد... نفش الشي كأنما منهم دموع راشد على خضر ابد ماأنساها حتى ميگدر يكتمهن او يحبسهن يبجي مثل الطفل وكلماته بأذني وبصوته اني اذا خضر صار بي شي اموت والله لك هذا خضر لك شلون يموت وهو ما ماخذ ثار اهله الي فاقد راحة باله من صغره لليوم ميموت بدون مايرتاح ظلم والله
درت عليها لفلك باوعت صدگ ملابسه حجاب هيا هم گبل طفرت نهاية المشاده الكلاميه بينهم
انتهت بطلعه حمصه الي بقى مكسور رغم محاولات خالد وشاهين وامهات الولد وأعصاب خالد الي زادت فوران لان حمصه طلع زعلان وبسبب الوضع الي ساء
الي مااعرف عقلي ميستوعبه احس كلشي مخربط مامفهوم طلع خالد عصبي وشاهين
يمكن لحگ حمصه من طلع دخلت اني هم وأم شاهين تحجي
ام شاهين.. والله هالحمصه يكسر خاطري الله لايوفقهه امه غير هذا الشي مااگول
ام عزوز.. ليش عيالهه اوادم
ام شاهين.. والولد الي خلفته شنوا ذنبه خلتله هالبصمه و ولت
ام عزوز.. ومنو گال صح
ام شاهين.. شبيج بيداء گلبي محترگ على هالولد اني
ام عزوز.. اني علمودج ليش تحجين عليهه
ام شاهين.. لا اني مو عليهه ليش عافت الولد وراحت هاي انانيه شفنه الويل سنين وماحجينه
خوب اني رجلي مات وعمي شوفني الويل وعلمود رسل وشاهين بقيت گاعده متذكرين ابويه شسوه وحتى زعل مني
ام عزوز.. انتي ابنج جبير
ام شاهين.. محد گلها تتزوج رجال متزوج وبعدين انتي شكو تدافعين عليهه والله خبلتيني اني مااحجي عليها من بطر كل مااشوف حموده گلبي يحترگ شايفه من يجي يگلي عمه مااستطعم اله من ايدج لو من احجي ويا شاهين شلون يباوع
فلك.. جنت اسمع انقهرت اني عبالي امه ميته طلعت عايشه مدري يجوز هسه ميته تجيت راسي على الحايط تذكرت باجر اشوف ابني ابتسمت ونزلت دمعتي من تذكرت اخسر شرفي
انفتح الباب فزيت (ميمونه)
ميمونه.. شبيج حبيبتي ليش فزيتي باوعت عليها _______ فعلاً واني هم تفاجئت فزيت يمكن لان حتى بالتفكير بس غلط.... ااه اعرف غلط والله بس بعد مااتحمل بعد ابني
ميمونه.. فلك اليوم وين رحتي
فلك.. بأرتباك.... شتميت هوى جنت مختنگه
ميمونه.. متأكده
فلك.. طبعاً متأكده لعد قابل وين رحت
ميمونه.. قبل لا ادخل لفلك من شفت شاهين دخل للبيت رحت سألته على كلام خالد وهو گلي مستعجل اريد اطلع هسه گتله فدوه مگاعد اصدگ اختي هيج والله.. گاعد تحجون على وحده ثانيه
گلي هو اني ممستوعب ومااعرفهه... لان اعرفج صج انهزمتي ويا خضر بس معدنج عرفنا شنو لذلك... استغفر الله ميمونه اني راح اتخبل اكثر منج سأليها شتسوي راحت للحيوان فواز راح اتخبل من گال حمصه لحد هسة
ميمونه.. تذكرت كلام شاهين وبچيت گتلها رحتي لفواز ليش فلك رحتيله
فلك.. باوعت عليها بحديه ودموعي نزلت.
لان ابني يمه ابني
ميمونه.. لعد ليش گلتي لا
فلك.. لان مابيه حيل نصائح ومواعظ براسي
وجع گلبي محد يحس بناري التي هذا تعرفين شنو ابني
ميمونه.. شگلج.. بقيت اباوع عليها اريد اشوف جوابهه وترتبك او لا
فلك.. نعسانه اريد انطمر انعل ابو فواز يابو الخلفهم كلهم الله لا يوفقك الي على اساس عمي الله لا يرحمك تعبت تعبت والله
ميمونه.. انتي باوعتلها وسكتت.. فلك شرحتلج شنو فواز اني مااگدر اجذب عليج فلك انتي الي اعرفج صح انتي نفسج مو محد مغيرج
فلك.. لا ابد مو اني اصلاً من زمان فلك مو هيا
ميمونه.. باوعت عليها بصدمه تتشاقين لالا فلك عليج
فلك .. ليش ... ليش تتفاجئين ميمونه شعبالج لعد ابقة فلك القديمه بعد كلشي عشته تريدين فلك القديمه لا ... لا وين راحت فلك اذا لكتيهه ياريت والله تدليني بيهه
ميمونه.. يعني انتي بعتي حسين ومدخليج جاسوسه هددوج مو وخلوج تدخلين عمو الحقير السافل الحيوان متأكدة هددوج بشي وخلاج تدخلين البيت حسين هسه يغدروج لو يغدون منو بس لا زوج هنا حتى تدخلين خضر للسجن
فلك .. شكاعد تحجين انتي ها ... شتحجين بابا
ميمونه .. اموتج بيدي اذا متعوفيهم والله لج ... لج مخبل انتي شلون ثمثلين هيج
فلك .. منو تمثل هيوو انتي شكاعد تكولين شكاعد شنو بيج حسين لج حسين هو مجرم
ميمونه .. وشهدتي علي وتكليلي ما اعرفه زين لو مو زين
فلك .. اني شهدت علي
ميمونه .. اي لج اني هم ادخل سجن لان خالد مو خله العار عمج يتنازل جان مفروض انسجن كم شهر وهو مخلاني انسجن انتي اختي تبيعيني صدك يعني
بعدني احجي انهارت انهيار مو طبيعي بحيث دفعتني على الحايط دفعه انصدمت باوعت عليهه حصرتني وجرت حتى شالي
فلك .. لج اني هيج تكولين عليه لج شلون يعني امثل يعمي اجذب لج ابني هذا شلون امثل بيه شلون تصدكين عرفتج والله هذا كله حتى تكليلي انت هم مصدكين لج اني اذا عرفت حسين خلقته فبسببج انتِ بسببج
ميمونه .. اش ولج اش فضحتينا
فلك .. فضحتج من احجي بسوالفج افضح بس من تتهميني لازم اسكت لج ابني اخذو لج متصدكيني
ميمونه .. اني اسأل انتي تكولين تغيرت اني انصدم من تكولين هيج و اسألج تجذبين
فلك .. اني كلبه اني والله كلبه و حيوانه و عافتني امداني امدايه اجيت الوحده مفكرت قبل شسوت واني وكفت ضدهه اكيد تريد تنتقم
ميمونه .. لج يا انتقام وج تخبلتي عافتني و كامت تلبس عبايتهه ردت الزمهه دفعتني
فلك .. وخري لتطحيني اني كلبه الله ياخذني و اخلص صرت اني لمجرمه و حسين المظلوم و انتي تصدكين صح حقج اني هم كلت قبل عليج بس تدرين وباوعت عليه اني مصدكت انتي مو زينه حجيتهه وتندمت بساعتهه يا بساعتهه لحضتهه والله
ميمونه .. لج مصدكت والله شبيج لذلك اجيت اسألج لذلك كبل كتلج حتى ما اشك ابد ولا لحظه ردتت الزمهه متقبل توخر ايدي عطتت بيهه بابا شبيج تخبلتي وين موليه
فلك .. مالج علاقه من انهزمتي فكرتي بأحد فكرتي بينه اني وابوج فمالج علاقه اعتبري ملجأت لاحد من عيالج ولا الج
ميمونه .. جريتهه اموتج اذا طلعتي والله اذا تطلعين معنهه انتي صدك و سكتت فلك فدوه سمعوا كلشي الناس البره فهميني احنه ماعدنه احد
فلك .. الله موجود اني ماعندي احد وخري والله اذا متوخرين هسه اكتل روحي والله ولا ابقة بعد كااافي من جهه ذولي عيالج يباوعولي مو زينه وغير هذا يكلولي الله ينتقم من الكل الله ياخذ حقي وبجيت عوفيني وخري جلبت تخبلت دفعتي شفت فلك جذرياً مو هيه اخر شي لزمتهه حيل رغم مامن دفعتني انوجعت العمليه صعبه جانت واني من خضر السالفة فلك دفعتني هنا روحي راحت صدك لزمت مكان العمليه انوجعت احس حتى النفس كطعته مكاعد استوعب شكاعد يصير ساعة السوده
على اليوم الي گامت فلك تروح بي لبيوت منعرفها جنا بس على الناس الي متعودين من سنين تروحلهم تفاجئت ماكو ام شاهين ولا ام عزوز _____ ميسمعون صوت فلك او صوتي طلعت لان بالي يمها تخبلت مو طبيعيه ابد ولگيت احد طلعت بسرعه واني اطلع خطوتين مشيت شفت ام شاهين وأم عزوز طلعت ماكو بالبيت انصدمنه وفلك طلعت وين راحت فلك
ام عزوز.. ليش فلك مو هنا اني اخذت ام شاهين هبط سكرهه للمضمد اخذتها
ميمونه.. عزا بعيني يمه اختي وين راحت امدايه
ام شاهين.. ياا مو توهه طبيعيه عفناهه هنا اليوم شنوا من يوم
ميمونه.. عزا بعيني عزا والله امديه ودگيت على رجلي حتى وجعي نسيته
ام عزوز.. هاي همزين اجه عزوز
ميمونه.. گبل درت على عزوز وروحي رايحه... فدوه عزوز فلك حجيت وياها فهمت غلط فهمت متعاجزه منها وراحت فدوه خل نشوفها توهه طلعت بس شو ماكو وابجي...
عزوز.. توني شفت خرب خرب بالحظ هاي فلك يعني
ميمونه.. شفتها
عزوز.. اي اخذت تكسي بس اني گلت يجوز او گلت مستحيل هيه قابل بس هيا منقبه
ميمونه.. خرب حظي وين راحت هاي.. راح ورحت وراه امشي هو اتصل على شاهين يمكن عاط بي شاهين سده و وگف
عزوز.. شاهين يگول رجعوا
ميمونه.. ماارجع اختي هاي وديني الهه
عزوز.. وين هيا تعرفين قابل وين راحت
ميمونه.. اكيد الخريان
عزوز.. منو يعني
ميمونه.. فواز... فدوه تندل وين صخمان وديني
عزوز.. لتورطيني ويا خالد وشاهين ميمونه
ميمونه -عليك الله عزوز والله مااتحمل اكعد كلبي راح يوكف
عزوز-والله مااخلص منهم
ميمونه-كمت ابجي مادري بس لا صدك حتروحله باربي عزه عقلي ميستوعب اختي هيج كلبي أحسه يريد يوكف
أخذني خطيه كلي يلله والله يستر الله كريم من نرجع
احس كلبي نار يا عمليه يا وجع وخايفة يمه إذا صدك هي هيج شلون بيه بس لا والله مااصدك أحدث وكلبي أحسه يريد يوكف
وفوكهه ازدحامات كومه احس كلبي ورم الحد ما وصلته
نزلت من السيارة موجوعه بس محجيت
ميمونه-تندله
عزوز-شلون ماندله الصخمان .....السافل من تدخلين أني اشوف موجوده لو لا دخلت ورا وكفني على صفحه
كلي ابقي هنا ....هسه أجي .....أني هم بقيت واكفه متحركت من مكاني ابد
بقيت افكر بخوف وادعي يارب من يمه حتى إذا هسه مااعرف وين بس اهم شئ مجايه الهذا السافل
صافنه افكر ما احس اله اسمع صوت واحد يكلي ميمونه
درت بسرعه
ميمونه-حذيفه
حذيفه-شصاير بيج هاي تعرفين بالي يمج دائماً سنو هالصدفه الحلوه ولا مصدك عرفتج من بعيد
بشريني
ميمونه-زينه تعالجت
حذيفه-الحمدالله يعني سويتي عمليه بس شلون سافرتي
ميمونه-سافرت
حذيفه-تفاجئت من طلعت احتج زوجة حسين
ميمونه-حديثي ويا جان ثكيل مدريد احجي ويا لان غلط ويهم إذا خضر دره يلعب بيه لعب بس هو يسأل ومن جاب سيرة فلك وحسين متحملت ما اسأل
كتله أنت وياهم
حذيفه/ويه منو
ميمونه-فلك وياكم مو
حذيفه-ميمونه عن شنو كاعد تحجين
ميمونه-أنت مو جاي آل فواز
حذيفه-أي جاي لان اخويه المحترم مورطني دخلت وياهم شراكه أني وحسين لان كلت ابقي فلوسي تشتغل هنا وساعة السودا ويني وين هالسوالف
ميمونه-فلك كالت وياهم وأنت تساعدهه ترجع ابنهه
حذيفه-من كل عقلج ميمونه أني وياهم همه منو تره مجد يعرفهم فوزي ميشتغل بهذا الشغل وحسين من كشفهم كلي واني راجع سمعت بفوزي كتلو وراهن كلي حسين يهددو بزوجته بس مااعرف بشنو بالضبط
كتله سايسهم وحاول ومشالهم معامله شيسوي لعد
وخلصنه كل ضنا حتى هو سفر هيفاء وجان مقرر يسفرهم بس شويه شويه بدون ميحسون وصارت هالسالفه
يعني فلك وياهم لو مو وياهم
حذيفه-مااتوقع خيه مو اختج ممعقوله تضحي بابنهه يكتلووو وهيه وياهم
ميمونه-شنووووو مات علي لا عفيه كول غيرهه
حذيفه-ميمونه ناس مترجم من كل عقلج مبقي عايش
ومستحيل اختج تضحي بابنهه هالشي شيلي من عقلج
خرب باليوم الي شاركت بي فوزي هو هذا العراق ويلوموني من احجي أصلا بس ٢٣يوم وهو ويلج أنتي الشئ الوحيد الي حسيت بحالة العراق بي والباقي سيء
ميمونه شعندج جايه هنا دير بالج تقربين من ذولي
ميمونه-بس كلي علي مات صدك
حذيفه-كتلو ميمونه
ميمونه-انهاريت بالبجي راد يلزمني مخليته كعدت على حيلي كنبصت كتله فلك تموت إذا تعرف والله
كعد كبالي ...
حذيفه-ميمونه كتلج قبل أخذي اختج وروحي وهسه هم اكولهه ألج واني اتكفل بكلشي اطلعكم قبلي ومن اخلص منهم ارجع لان أني هم عائلة اخويه متكفل بيهه ويهددوني بيهم تقريبا
حذيفه-أني مره متزوجه شدتحجي أنت وكمت رأسا كلشي مااريد منك خلص نفسك وبس أني عندي الي يخلصني وكمت وكفت بعدت عنه احس حيلي انهد علي ميت يا روح خالتك
باوعت على عزوز ماكو كمت آباوع منا ومنا ماكو الحد ما فجأة طلع أخذ نفس وكال اختج بالبيت
أني كلبي مورم على علي مهتميت بس حايره شلون أكول آل فلك
رجعت للبيت مسكتت دموعي مااعرف شرجعهه آل فلك
للبيت وشلون دخلت بلا وعي افكر بعلي شلون كتلو ذولي وهو طفل
جان شاهين عصبي هد على عزوز لان أخذني
وكال طلعو بره آلامه وللكل وكلي ابقي هنا ميمونه
وكفت
شاهين-ااااختج تدرين جانت رايحه آل فواز أني كمت ماافهم شي خفت أكله على حذيفه بقيت ساكته كتله راح أخذ اختي وأروح حجه بحديه مااعرف شحجي ميمونه تاهت عليه والله
طلعت حسيت حتى أم شاهين وجهه ثكيل وحقهه حياتهم انهجمت كلهم ومنعرف منو المذنب
دخلت آل فلك تبجي يتهموهه مستحيل تمثل بس باوعت عليه بجيت
فلك-اررريد اطلع همه منووووووو يحبسوني شيصيرون مني حتى يوكفوني شعليهم من عمي باعني منو يعرفنه هو عمنه ماعنده شرف اريد اطلع اروح آل ابني
ميمونه-آل فواز قصدج
فلك-فتحت عينهه وهيه تبجي ااااي وانطي شررررفي وينطيني ابني ....ابني هذا مااعوفه بن مجرمين فهمتي مااعوفه وهسه تكليلهم مالكم علاقه بأختي وتخليني اروح الابني وأنتي اعتبريني ميته وتبري مني بعد وعلني أ
لان أني أكلج حتصيرلج بصمه من وراي بس مو بيدي والله ابني بيدهم
ميمونه-شفت حذيفه يجذبون عليج والله ابنج
والله جذابين
فلك-شكال حذيفه
ميمونه-كلي أخذي اختج وروحي جذابين كتلو من زمان
