رواية الرجل الاخر الفصل الثاني بقلم جوهرة
ياعاقد الحاجبين..
عالجبين اللجين..
ان كنت تقصد قتلي..
ق تلتني مرتيني
ــــــــــــــــــــــــــ
المكان إحدى الشعب الأمنية في وزارة الداخلية
اليوم الاجتماع طول لان العميد احمد عبدالله عنده تعليمات مهمه يوجهها للعناصر الأمنيين المتواجدين بالاجتماع ،، سأل كل واحد منهم عن رأيه وافكاره ورى ما خلص الاجتماع وعينه على النقيب نشوان سأله بأهتمام ولهفة / شوكت اسمع الاخبار الزينه اللي تريحني
قصصmyhopes
اليوم الاجتماع طول لان العميد احمد عبدالله عنده تعليمات مهمه يوجهها للعناصر الأمنيين المتواجدين بالاجتماع ،، سأل كل واحد منهم عن رأيه وافكاره ورى ما خلص الاجتماع وعينه على النقيب نشوان سأله بأهتمام ولهفة / شوكت اسمع الاخبار الزينه اللي تريحني
نقيب نشوان نفخ صدره واستعدل بجلسته ورد باحترام / ان شاء الله قريب سيدي
نقيب ماهر بادر بالكلام / نقيب نشوان افكاره خارقة سيدي
ابتسملهم العميد / والله افكاره دومها مريحتنه ، اتمنالك التوفيق بهذه المهمة
نقيب نشوان بصوت هادىء / بعون الله
طلعوا الكل من غرفة الاجتماع يتهامسون بامور تخص شغلهم.
وقبل ميدخل نشوان لغرفة المكتب ساله ماهر اقرب صديق لنشوان وعلاقته حيل قويه بي..
ماهر / شنو رايك تجي وياي عالعشا
رد نشوان وهو يفتح الباب ويدخل كعد وره مكتبه / تسلم يابه والله ميت جوع.
ماهر / يلا لعد امشي الاجتماع وخلص وهسه وكت نزولي
نشوان اعتذر / مااكدر صدكني عندي شغله مهمه وانت تعرف لازم اروح
تنهد ماهر /؛خسارة جنت مخطط للعشا وصيت البيت يجهزونه وكلت اليوم اخسرك بالبليارد امشي يمعود تو تكول جوعان !!
نشوان اشرله بيده مبتسم / لا تسويلي واهس روح لمرتك وجهالك وخليني بوحدي اني رجال وحداني لا ونيس ولا جليس
تقرب ماهر وحط ايديه عالمكتب / هااا ومنو السبب ؟! لاتكول شي ادري بيك راح تبريء نفسك على اني ويني وين الزواج ومن هاي سوالفك تمشيها علينا.
تنهد نشوان ونظرة عيونه تغيرت / كل السالفة مالكيت البنية الاريدها وتناسبني.
ماهر / هههههه والله خالتي ام نشوان رايها غير شكل للعلم اتصلت علية البارحه تريدني اقنعك تتزوج بنت خالتك
طكك نشوان عيونه متفاجىء / صدك تحجي ؟!
ردله ماهر / اي والله
نشوان / ولاتبطل سوالفها الف مره كلتلها بنت اختج متوالمني طفله طفله انت تدري عمرها ١٥ سنه.
ضحك ماهر يدري بصاحبه ميحب طاري بت خالته ودومه يتهرب من طلب أمه ومحاولاتها لإقناعه
ماهر بهزل مبتسم من شاف صديقه مغتاض / ايا مسكين يا نشوان واني اكول ليش تنزل كل شهر لديالى تتهرب من العائله ونك الوالدة
نشوان ردله والحيرة بعيونه من سوالف امه / حجيك صحيح انت لو تشوف امي شلون مخليه واهسها بالزواج خطيه بقت ورا همام لما زوجته قبل سنه وشكد تحاول وياي بس تدريني من ادك عناد ابوي مااعرفه
ماهر عدل وكفته / يابه شنو السالفه موزين تريدك تستقر ترى الزواح حلو
غمزله بعينه وضحك
نشوان شمر عليه القلم وماهر اخذه وعلكه بجيب البدله العسكريه كمل نشوان بضيق / اي غرد براسي ترى ما اقتنع
ماهر / والله شبيك ويصيرلك جم جاهل يكبرون جدام عينك.
نشوان مسح على وجهه وهز راسه / اييييه هذا اذا امهم واعية ومثقفه مو زعطوطه بعدها كاعدة بالرحله
نشوان عمره بالثلاثين شاب طموح ويتمتع بقوة اراده وشجاعة من ديالى يعيش ويه امه واخو همام اصغر منه بسنتين ...
امه معلمه متقاعده واخو يشتغل محامي ساكنين مدينة بعقوبه بيتهم ملكهم بيت جبير ومرتب كدرت أمه تبني ويستقرون بي ، يحب امه ويحترمها لان تعبت بتربيتهم نذرت حياتها الهم ابوهم جان ضابط بالامن توفى بحادث سيارة عمر نشوان بوكتها اربع سنين
وكدرت امه تواصل حياتها وتربيهم احسن تربيه رغم جان كدامها فرص للزواج بما انو بعدها شابه وموظفه بس رفضت ونذرت حياتها لابنائها
اطمنت على همام من تزوج زميلته وياه محاميه تشتغل بنفس المكتب المحاماه وسكنو وياهم بالبيت ..نشوان اغلب وقته مكضي بغداد عنده شقه مأجرها ومستقر يرتاح بيها من ياخذ اجازة زمنيه من الدوام
وبوكت الاجازات ينزل لبعقوبة ..امه اضوج من هاي تصرفاته تريده ميبعد لان اغلب وقته ابغداد هالسبب جاي تضغط عليه يتزوج رحاب بنت اخته هالوحده لأهلها
نشوان مرعوب من هاي السالفه شيسوي بيها طفله كولشي متعرف بالحياة وهم ميريد يزعل امه يحبها حيل وميريد يكسر خاطرها فمبتعد واهم شي شغله
خاصة هالفترة هاي يريد يركز بي
ملاذ /
اغلب وقتي بالمستشفى بين خفارات وزيارات المرضى صدقا ماريد ارجع للبيت لأن ما اطيق حياتي هالفترة ، رن موبايلي اتصلت زوجة طلال اخوية تس
عصام التقى بطلال بالشركه كعدوا يحجون بالتجارة
وسوالف التجار...اكو صفقه جبيرة جاي اشتغل عليها
بيها خوش ربح بس تحتاج فلوس واني هالايام السيولة جوا ايدي مو ذاك الزود .
عدل طلال كعدته عالكرسي المكتب ..ما عندي علم
تحتاج فلوس ما شاء الله امورك تمام .
ردله بضيق واضح ومكابره..طبعا عندي بس السنه الراحت خسرت صفقة واشتريت معمل الالمنيوم
وهذا سوالي خلل .
صفن طلال عليه معقوله عصام رجل الاعمال الذكي
ما يخطو خطوه اذا ماجان دارسها يحتاج سيوله
ماليه الله اعلم التجارة ربح وخسارة يشك انو جاي
يريد مساعده رغم ماطلب هالشي بس يعرفه زين
يموت عالفلوس ..حب ينطي فرصة حتى يحجي
_اكيد فاتحت ملاذ بالموضوع.
عصام نكر ..لا لا علاقتنا متوترة بالفترة الاخيرة
طلال مسد لحيته القصيرة ..ماعندي علم اذا صاير بينكم شي.
طلال فكر ويه نفسه..ملاذ عنوديه راسها يابس اخته
ويعرفها مربيها على ايده كتومة مايوم حجت شي
يخصها وبالذات من اجبرها تتزوج عصام وما استمع
الها شكد توسلت بي وهي تبجي بوكتها جان بس
يريد يأمن مستقبلها وي رجل يحبها ويحافظ عليها
اخته الصغيرة مسؤل عليها بعد وفاة اهله جانت ملاذ
تدرس اعداديه وهو جان متزوج حديث
احتضنها هو وزوجته ثريه بكل حب وبالذات ثريه
صارت حيل قريبه منها
ومن تعرف على عصام وطلب ملاذ منه قبل بس ينتظرها تتخرج من كليه الطب لان شاف بي رجال
مرتاح مادياواخلاقه زينه وشاب وسيم يلوك بأخته
ويكدر يامن عليها وياه .....
انتبه لعصام يحجي..تدري بيها راسها يابس ومتكبرة
دومها تحسسني هي احسن مني دكتورة واني خريج
اعدادية .
طلال معجبه الحجي..والله اختي واعرفها ماعدها تكبر راجع نفسك راح تعرف السبب اليخليها هيج
تعاملك .
عصام ميريد يظهر بمظهر الضعيف جدام طلال
هذا شي بداخله بس هو يكابر.
_يعني تحتاج سيولة.
_ههههه ايييي بس مادام مرتي تكدر تساعدني راح تساعدني فلوسها هواي.
خزره طلال ونتر بي..اتفقنا متمس فلوسها .
دافع عن نفسه ..زوجتي ولازم تساعدني وتوكف
وياي .
_عصام تعرفني اعزك بس مال تلتف على فلوس ملاذ
مااقبلها هذا ورثها ولاتكول زوجها ومن هالسوالف
ملاذ اختي امانه اهلي.
صحيح انطيتها فلوسها بس بعدهن الاملاك اني اتصرف بيهن واساعدها لان هي متحب تتدخل وعندي وكاله منها .
طكك عيونه..شو ماادري بهاي السالفه شوكت انطيتها
الفلوس.
جاوبه طلال بدون اهتمام ..من تخرجت حولت باسمها وفتحتلها حساب بالمصرف وخير من الله عدها
وهذا السواه بعد مارجع للبيت شافها كاعده تتفرج
عالتلفاز. كعد كبالها ورا ماسلم ..ملاذ اريد احجي وياج .
عدلت كعدتها ..اي عادي سولف.
حجالها السالفه وبقت دحك عليه وتسمع شيكول
فكرت متنطي بس لا هذا مو طبعها هو اول مرة يندك بيها ويطلب منها .
اخذت نفس عميق .. شكد تريد .
حجاها بعدين تندم من شاف ردت فعلها..كل العندج
بالبنك.
ابتسمت بأستهزاء ..كل عقلك عبالي تحتاج فد مبلغ
مو كل مااملك
نتر بيها ..شبيج اني محتاج وغصبا عليج تساعديني
_ههه شبيك انت كتلك اساعدك بمبلغ اني اعرف زين
انت عندك بس ماادري ليش معصب مني.
رفع اصبعه مهدد ..تساعديني افتهمتي ولاتبقين
رافعه خشمج ترى اكدر اخليج اطخين.
كامت تريد تروح للغرفه..كلتها الك قبل وراح اعيدها
عمري مراح اخصعلك.
بقى مغتاض من حجيها شوي ويلحكها يجرها من شعرها يبرد كلبه بيها بس لاااا خل يسايسها محتاج لهذا الشي.
ملاذ انطرحت بفراشها خلت راسها عالمخده وتفكر بعصام كل اليهمه فلوسها بس مشاعرها واحساسها
ميهمه.
