رواية زوج اختي والماضي الفصل الثاني بقلم مجهول
ثاني يوم الصبح عالساعة بالعشرة اجت أختي وزوجها علينا كعدوا وطلعت اختي فاطمة علبة مربعة بلون الوردي الفاتح انطتها لي وكالت ببتسامة ...
فاطمة_ وهاي جبتلج هدية
اخذتها _ ليش تعبتي روحج ؟
فاطمة_ تعب شنو أنتِ أختي الصغيرة وحكج علينا هاي مني ومن عباس البارحة شتريناها لج
_ شكراً
عباس _دفتحيها وشوفي ذوق نسيبج شلونه حلو لا ؟
ابتسمت بخجل ورديت "
اكيد ذوقك حلو
فاطمة _ افتحي وشوفيها ... يلا زهورة
فتحتها جانت ساعة كريستال فضيه كلش حلوة ابتسمت...
زهراء _تخبل بس مو غالية ؟
عباس _ كلشي يرخص كبال الغالي
خجلت اكثر ردت اختي ...
كبالج رخيصة حياتي تستاهلين اكثر والله لو عندي جان جبتلج ذهب مو فضة تدرين بي مديونة
زهراء_ ليش هاي فضة ؟
عباس_اي فضة محبينه نجيبلج عادية يوم يومين ويرد لونها عاد الفضة لونها ثابت وبيها طاقات ايجابية
فاطمة_ شبيج زهورة مستغربة
زهراء_غالية كلش ترى عملت عليها مرة جان
سعرها بال٧٨ ألف
عباس_مو كنالج للغالي كلشي يرخص
فاطمة_زهورة يلا بدون كاف لام لبسيها خل نشوفها بقياس ايدج لو لا يلا لبسي شبيج
لبست الساعة جانت بقياس ايدي وكلش حلوة ونازكة جنت اتمنى اشتري وحدة مثلها للأسف مجان المصروف يكفي جامعة ومصاريف واجت هسه بوقتها
على عرس انفال البسها .
بقوا للغدة وراها راحوا أهلي ناموا وأني مجاني نوم بقيت كاعدة وموبايلي بايدي اقلب دخلت على الماسنجر اشوف طلبات المراسلة لان وحدة من صديقاتي
مغيرة حساب فيس بوك وكالت اراسلج من ..... اسوي تفأجات جايني طلب مراسلة من شخص ماعرف منو جان مخلي
صورة أمام العباس (ع) وكاتب اسم
المستخدم محب أهل البيت (ع) .
استغربت منو هذا الشخص وكاتب ...
السلام عليكم ...أنتِ مو زهراء بت
فلان ابن فلان ؟
انصدمت صدمة عمري من كتبلي اسمي الثلاثي متت بدمي منو هذا الشخص وشلون عرفني اني برغم مكاتبة اسمي كاتبة اسم مستعار قدوة الزهراء كاتبة .
تشجعت وقبلت الطلب اريد اعرف منو هذا رديت ...
وعليكم السلام ... تفضل منو حظرتك ؟
بلعت ريجي من طلع جاري الكتابة ...
دام فضلج أختي زهراء
من كال أختي شويه ارتاحيت واطمنت توني ردت ارد عليه رجع طلعلي جاري الكتابة ...
_ حاب اطلب منج طلب اذا مبيها زحمه لحظرتج او إزعاج؟
_ طلب شنو ؟
_ والله يازهراء الطلب هو تحجين وي هند بت عمج
_ احجي وي هند بخصوص شنو ؟
_ اني واحد من الجامعة وبنفس القسم و معجب بهند واريد اتقدملها بهالايام بس ماعرف شنو رأيها بي لذالك طلبت حسابج من وحدة من البنات وكلت خل احجي وياج واعرف الجواب قبل لا اتقدم وازعج البنيه بخطوبتي لها ...
بدون علم مسبق واخاف البنية مرتبطة بشخص
او مخطوبة لازم واحد يعرف
رأسن ضحكت دعوة بييبي هذاك اليوم اجت بمكانها الله استجاب الدعاء بسرعة ماعرفت منو جان المهم رديت عليه مبين خوش ادمي مادام اجه بأسلوب حلو وراقي .
_ منو انت ؟ وشسمك ومنوين وين عايش بالنجف الاشرف لو بغير محافظة اريد اعرف كلشي عنك وبالتفصيل
قبل لا احجي وياها
_ اوك راح اكولج كلشي عني وأنتِ أصلا
تعرفيني حق المعرفة
_ اي يلا احجي خل نعرف منو أنت ؟
_ اني اسمي ريان سامي من النجف الأشرف وياكم
بالقسم عرفتيني ؟
زهراء اخذت صفنه رجعت أتذكر الشباب بالقسم مالتنا واحد واحد اجه ابالي ريان حلو القسم ابو عيون الزرق
لتكرهه هند أبتسمت
_ اي عرفتك ريان سامي
_ اي الحمدالله عرفتي هسه تحجين وياها ؟
_ اممم ... راح احجي وياها بس أنت صادك بنواياك ؟
_ والله العظيم صادك بكل كلمة اكولها اني احبها من سنوات مو مالت سنة وسنتين بس ..خفت ماعترفت بحبي لها لأن اعرفها وحده خبلة وماتتفاهم ابد ...
ودومها تتعارك بقيت ساكت وكاتم كلشي بقلبي ومتحمل وهسه اجت الفرصة وكلت اجي احجي وياج مدام أنتِ بنت عمها وصديقتها المقربة واكيد راح تساعديني مدامني
صادق بنيتي تجاه البنيه
اخذت نفس طويل فكرت شوي بكلامه مبين صادق لو كاذب جان سوه شي بأيام الجامعة بس هو بقى ساكت وكاتم كلشي بقلبه واجه لعندي يطلب يد العون والمساعدة
_ ان شاءالله احجي وياها اليوم وارد لك الجواب
_ ان شاءالله زهراء ان شاء الله
_ ان شاءالله خير
_ يارب ماتكسر قلبي ؟
ضحكت بقلبي هههه يدعي ماتكسر قلبه واني ادري بيها خبلة راح تكسر قلبه من اول كلمة لي لهاا اكيد
_ الله كريم اخويه
_ الله كريم
_ اني ترخص من حظرتك
_ مرخوصة زهراء واسف على الازعاج والله جنت مطر أزعج حظرتج واحجي وياج خاص
_ لا ماكو اي ازعاج أنت كانت نيتك نيه خير وطيبة
مو مالت شر علمود تعتذر
_ مشكورة اخيتي
_ عفوأ في امان الله
_ الله وياج يابة
طلعت المحادثة خربانه ضحك بيني وبين نفسي ريان يطلع يحب هند واني كنت اشوفه مرات يباوعلها من الجوه الجوه بس ماتوقعت معجب سري يطلع هههههه
وهسه راح اكوللها واشوف شنو رد فعلها للخبلة ان شاءالله تقبل بي والله خوش ولد ومحترم .. وادمي وشكلة مبي شي حلو ومعدل وأهم شي يحبها ويريدها بالحلال
صارت الدنيا العصر لبست العباية فوك الدشداشة كلت لامي جانت بالمطبخ جاي تطبخ العشة .
_ يمة اني رايحة يم هند نص ساعة وارجع
_ روحي يمة
طلعت المطبخ شافتني بيبي وصاحت من مكانها ...
وين طالعة ؟
_ يم بيت عمي اريد اشوف هند
_ هااا
_ ايي بيبي تريدين شي قبل لااروح
_ لا ماريد الله وياج
أبتسمت وراها طلعت دقيقة ونص صرت كبال الباب ردت ادك جان ينفتح طلع بوجي احمد ابتسم وكال
_ اهلا بزهورة تفضلي
ابتسمت دخلت "
هلا بيك احمد
_ اكيد جايه على هند الثولة
_ على منو قابل اجي غير علمودها موجودة
_ لعد وين تولي موجودة
راح وطلع بره سد الباب ......وراه رحت أتمشى وكفت كبال الباب نزعت الحذاء من رجلي وكفت بطولي صادفني
عمي من شافني أبتسم
_ هاا زهورة
_ هلا عمو شلونك
_ الحمدالله بخير تفضلي
دخلت وكال _ اني طالع بره
_ الله وياك عمو
رحت دخلت جوه بالهول لان بداية البيت يكون الهول مالتهم البيت صغير مو جبير كلش بيت عمي امر من بيتنا احنا بس معمر وبناء جديد احنا بناء قديم بعده
صحت من نص الهول على هند "
هند
اجاني صوتها يلعلع من غرفه امها "
هااا زهورة
_ تعاااي
_ جايه ام اعطوب جايه
طلعت شعرها عافيته مفتوح لحد اكتوفها صابغته بني فاتح منفوش شكلها بخرب ضحك ...
_ هاي شنو شكلج شجنتي تسوين ؟!
لزمت شعرها بايدها بضحكة ...
جنت اسرح شعري بالمسرحة الله جابج لي
تعالي سوي مابيه حيل
اجت جرتني من ايدي دخلت بي الغرفة عافت ايدي وكالت .. انزعي العباية وشوفي شغلج
نزعت العباية عفتها عالجرباية رفعت ... اردان الدشداشة هي كعدت عالكرسي بلاستك بلون الأبيض تنتظر اسوي شعرها متعرف جايبه أني بأخبار الها
اخذت المسرحة بايدي وامشط بايدي الثاني اسوي بشعرها واحجي وياها _ اكلج هند
تباوعلي بالمراية كبالها الميز صاير "
كولي ؟
_ اليوم الظهر اكو ولد راسلني عالخاص بالفيس بوك
_ منو هذا لراسلج وشيريد يراسل جاوبتي ؟
_ والله جاوبت
_ شيريد صداقة اكيد هاي هم الولد دومهم يركضون وره البنات وبلأخر اجه بلوك ههههه
_ لا ماكو بلوك ولاشي اصلا جان يطلب المساعدة
من عندي بشغلة ضرورية
_ مساعدة بشغلة ضرورية منج أنتِ ولج شراد ومنو هذا ؟!
ابتسمت بخباثة كبال المراية "
ريان تعرفينه لولد لويانه بالقسم
_ ريان الاشقر لو غيره ؟!
_ ايي هو نفسه
_ سترك الله شيريد هذا منج ؟
_ يريد يخطب فد بنية يحبها حب من طرف واحد صارله سنوات خطيه جان يخاف منها ومامصارحها بالايام الجامعة
وجاني وكال أنتِ احجي وياها وشوفي شنو قرارها
تقبل بي اجي اخطبها من اهلها لا
ضحكت _ هههههههههههههه
استغربت ضحكها بصوت عالي بعدت عن شعرها ...
هند شبيك تخبلتي بس تضحكين؟ اني كلت شي يضحك مثلا علمود ضحكتي بهستيريا؟!
اندارت علية ....مجاي تدخل بعقلي ولج هو واحد فقير حيل جنه نملة ماصدك يطلع يحب ويعشق بسر وكل هاي
السنوات عشقان بنية ههههه
_ واذا فقير شنو الفقير حرام علية العشق والحب مابيها شي اذا حب من صدك وراد بالحلال
_ منو هاي بلا
أبتسمت بخباثه اشرت عليها بالمسرحة "
هند اسمها
_ هند منو ترى اني الوحيدة بالقسم مالتنه أسمي
هند احجي عدل وكولي منو
_ والعباس ابو فاضل أنتِ يحبج ويريد يتقدملج
بهالايام اذا ماعندج مانع
بقت مصدومة فاتحة حلكها ....
_ هند شبيج مصدومه
ضربتها بالمسرحة على راسها "
هييي هنددد
عاطت _ ااه شبيج ضربتيني
_ الصدمة جانت قوية عليج نفصلتي عن الخدمة
الاستيعاب الأموار
_ والله كال يحبني ؟!!
_ والله العظيم كال أحبها واريد اتقدم لها اذا ماعدها مانع
_ ماصدك هذا شلون يفكر يحبني واصلا شلون يتجرأ يباوعلي بسر ويخلي عينه علية ويحلم بي بكيفه واني اكول كل مرة اشوفه يباوعلي بنظرات وابتسامات هاا
ياا نذل طلع موراحة
_ ماعاجبج الوضع
_ ايي ماعاجبني اصلا اووي تريديني ازوج ريان الاشقر
ابو اعيون الزرقة لو امووت
_ بس الولد مبي شي والله اخلاق عالية وشكلة حلو مبي شي ليش تكسري قلب الولد وهو شاريج بالحلال
_ لا تدافعي اني كلت مااريد يعني مااريد وانتهى الموضوع وكوليله مخطوبة لأبن خالي وانتهى
الموضوع
_براحتج بس أنتِ الخسرانة
_ وليش يمة اني الخسرانة قحط زلم
_ لا موقحط بس قليل اللي يحب ويجي يدك الباب
البنيه بسم الحب
_ مايهمني الحب اني وطبه مرض محد كاله تعال
وحبني اني واني اصلا اتخبل منه
_ براحتج بعد حياتي قابل راح نجبرج عليه القرار قرارج أنتِ واني راح اردلة الجواب اليوم بالليل
_ ايي رديله الجواب يلا كملي شعري هههه ريان ههههه
_ ليش تضحكين ؟
_ ممصدكة والله هذا طلع يحبني
_ لو غير واحد.جان فرحتي اكيد
_ هاا لاا مااريد احد يحبني اني والله بس اريد ازوج واحد أسمراني ومعضل وحلو وايراني
_ حلو ومعضل واسمراني وايراني عود ليش ايراني ؟
_ حلوين والله واني احبهم كلش
_ لاتحلمي تاخذين ايراني محد ينطيج هههههه
_ لا اني احلم وان شاء الله يتحقق الحلم
_ ان شاءالله شكول قابل تعوف ولد بلادها وتلحك
ولد الغرب هههههه
_ اطرب على الغريب اني هههههه
_ ههههه
بقيت وياها مدة ساعتين وراها كتلها _ نروح للأمام
كالت _ والله اليوم مبي حيل اروح خليها على باجر
_ براحتج بعد اني راجعة عالبيت
_ ابقي للعشة
_ ان شاء الله غير مرة
_ غير مرة غير مرة شعري طلع حلو وطويل
شرايج لو اقص أطرافه
_ ايي قصي من أطرافة
_ خل امي تقصلي أطرافة
_اوك ... اني رايحة
_ الله وياج اجي اوصلج للباب
_ مايحتاج اندل الباب هههه
_ عبالي راح تتيهي هههههه
مرديت عليها أعرف بيها اذا اخذ وانطي بالحجي وياها راح تبقيني لوجه الصبح ماتشبع من الحجي ......بس
لكلك لكلك اطباعها هيج
رجعت عالبيت وره نص ساعة غربت الشمس وصوت قرأ القرأن الإمام صار عالي وينسمع يدخل اجواء القلوب ويعم الراحة بالبيوت متعودة كل يوم اروح
بس اليوم مرحت منورة هند مبيها حيل واني اعرف نصدمت من عرفت ريان معجب بيها ويريد يتقدملها صدمه جانت جبيرة لها بس مبينت كبالي
وره ما اذن صلينا وتعشينا صبيت الجاي شربوا اجه احمد اخذ حسين وطلعوا بره وامي وبيبيتي يباعون عالتلفزيون على محاضرة ( سيد محمد الصافي )
اني كمت رحت عالغرفة كلت خل ارد الجواب
للولد خطيه اعوفه معلك ...
كعدت عالجرباية بيبي دزيتله رسالة ...
السلام عليكم أخ ريان اريد احجي وياك
بقيت انتظر دقايق على ما يجيني الرد ؟
يمكن ماموجود يجوز طالع بره .....خل انتظره يرجع واردله الجواب واخلص هسه اني شورطني بسوالف الحب هو اني قلبي خلصان من الحب وسوالفة
انتظرت ساعة وماكو صارت الساعة بال ١٠ بالليل سديت الموبايل عفته عالشحن اجت بيبي دخلت جوه
الغرفة وكالت ...
_بيبي اخذت علاج ؟
التفتت عليها "
ايي بيبي اخذتي علاج
_ هاا مدري صايرة انسى
كمت _ اكيد تنسي بيبي
اجت لعندي لزمتها من ايدها كعدتها عالجرباية وكالت "
_نعست حيل اريد أنام
_ يلا تمددي خل اغطيج
تمددت ساعدتها سحبت الغطة عليها كتلها "
بيبي شرأيج لو باجر العصر
نروح نزور المقابر
_ ايي والله بيبي صار أسبوع مارايحين باجر شنو من الأيام
_ جمعة بيبي
_ هاهيه لعد باجر نروح العصر
_ ان شاءالله .. بستها من خدها وكتلها ، تصبحين على خير
_ أنتِ من اهل الخير بيبي
ثاني يوم الصبح كعدت الفجر ويه اهلي صلينا وقرينا قرأن دعيت الموتاي وموتا المؤمنين والمؤمنات احب ادعي للكل الناس من الله طالعة على بيبي
صارت ساعة بال ٦ الصبح فتحت الموبايل جايني إشعار من الفيس عرفت بي ريان فتحت كاتب ...
_ وعليكم السلام زهراء بشري شصار وياج ؟
رديت _ حجيت وياها وكالت لا يتقدم مااريده واصلا اني ماافكر بالزواج هسه اريد اخذ إستراحة من الدراسة أسفة
ريان والله البنيه متقبل وان شاءالله تلكه
احسن منها والأنسب لك اخوي
جان طالع قبل اربع ساعات من حالة النشط
رجعت الموبايل ...ورحت عالمطبخ سوي ريوك لـ حسين جان كاعد ينتظر سويته أكل اكل وراها سلم وطلع
عالمحل كعدت امي وكالت
_ اليوم عالغدة نروح زيارة البيت خالج فواز
_ بيت خالوا فواز شعجب نروح ؟
_ مسوين عزيمة وعازم كل أخواته
_ هاا ان شاءالله خير حسين هم يجي ويانه
_ ايي انطيته علم وكال اجي من وقت اليوم من الشغل
_ هاهيه لعد
عفت امي راحت ييم بيبي بالغرفة واني سويت ريوك لهم وراها كمت انظف بالبيت كملت كلشي صارت ساعة بال ٩ الصبح تعبت وكعدت عالدرج بايدي الموبايل
اراسل هند عالفيس بوك ..
_ رديتيله الجواب ؟
_ اي
_ وشكال ؟
_ بعده ماراد الجواب
_ من يرد اخذي سكرين للمحادثة ودزي لي فدوة
_ ليش اشوفج أنتِ مو تكولي ما يهمني
_ بس فضول لا اكثر والله اني ما مهتمه ابد
_ اوك ، اكلج
_ كولي عيوني
_ راح اروح البيت خالي فواز فد ساعة معزومين
عالغدة عدهم
_ شعجب عازمكم اكو شي ؟
_ لا يابة ماكو شي مسوي عزيمة الكل أخواته وأخوانه مثل كل مرة يسويي جمعة حبايب هو يحب صلة
الرحم هواي
_ ايي صح
_ وهسه اني اترخص حياتي اروح اجهز روحي
_ خلي مكياج ولج موترحين بوجه جبار الحارس
المدرسة الابتدائية ههههه
_ مااخلي والله اوي شلي بي
_ لاا خلي بس مسكارة محمر خدود وحمرة سحرية وشويه كحلة علمود تبرز ملامح وجج
_ وبعد وبعد وبعد خوب اخلي مكياج عرس
واسكت ماخلي وخلص
_ امداج زهورة
_ والله امداج أنتِ شعليج بي
_ اريد ازوجج هههه
_ زوجي روحج يلا تزوجيني
_، مااريد اني تعبانه من الدراسة والله اريد اخذ إستراحة
_ براحتج عمري في امان الله
_ الله وياج زهورة
رحت ابدل لبست نفنوف طويل للكاع بلون السود وبي نقط دائرية بيضة وشال بنفسجي وي الجنطة البنفسجية احب اللون البنفسجي كلش والمفضل عندي
مكياج مخليت .......اصلا لأن محبه اخلي مكياج وصراحة استحرم واكول حرام الأجنبي يباوعلي واني مخلية
زينة حرام
اجه حسين طلعت ملابسة راح سبح وبدل طلع من الغرفة امي يضحك وكال _ بيبي وينها
_ بالغرفة
_ يلا كوليلها خل تكوم لان راح يجي سايق
التكسي فد اربع دقائق
_ هسه
رحت يم بيبي لكيتها واكفه تفتر بالغرفة بطرك الدشداشة السوده وبايدها السبحة تسبح وتستغفر الله اسمع
تكول بهمس حلو
_ استغفر الله العظيم واتوب إليه
_ بيبي هم يلاونروح بعد
باوعتلي _ جيبيلي العباية بيبي
جبت العباية لها لبستها لها وطلعنا بره لكينه سيارة التكسي بلون الصفر طابكة بره الباب صعدنا كلنا وراها صعد حسين رحنا البيت خالي فواز
خالي حالتة المادية فول والحمدالله ماناقصة شي مال وحال ويكون ضابط جبير بالفرقة الذهبية
وصلنا البيت مالته جانوا اكو سيارت حراسة بالباب وعساكر تروح وتجي وكفوا السيارة وسئل حسين
_ منو انت وشتريد جاي لهناا
قبل لا يرد حسين اجه صوت منورة ظهره ...
_ خل يفوت هذولة أقارب
التفت العسكري على شخص جان ابن خالي يوسف عمره ٣٠ سنة مزوج وعنده أطفال اربعة مارد عليه راح وكف
بمكانه واحنا نزلنا سلم وسلمنا عليه
وراها دخلنا جوه جان البيت كلها عبارة عن هوسة بهوسة خوالي كلها هنا من نسوان وزلم واولادهم والجهال
تروح وترجع جنه روضه
سلمنا وكعدنا بالصالة جانت .....جبيرة حيل وكلها كرويتات داير مدايرها للصالة بيتا كلش جبير وحلو جنه ابيوت الكويتين تعبان علية هواي خطيه
البنات كلهن اجن كعدت يمي يسوالفن ويضحكن بس بنات خالتي ميعاد ماعرف شبيهن وياي مايحجون سلموا منوره خشمهم وكعدوا بعيد عني
ابوهن زنكين حيل وشايفات رواحهن فدشوفه يكول بس هن عدهن فلوس ويلبسن ويكشخن براحة اني مااهتم صح اني فقيرة بس الحمدالله فقيرة
المال ولا فقيرة الاخلاق والدين اهم شي هذني كنز ما يتعوض هذي الأشياء عندي اهم من المال وسيط الغنة والتفاخر بالأموال لان وسخ دنيا
وره ما إذن كلها كامت صلت وره نص ساعة مدوا السفرة للزلم بالاستقبال واحنا النسوان وبقية الجهال مدوها
بالصالة لأن هواي جان العدد
المه جانت حلوة حيل احب لمات الحبايب حيل اني كملت اني أول وحده بيهم صاحت بي مرت خالي فواز
_ وين زهورة
_ شبعت عمه
_ شكالتي وشبعتي عيوني اكعدي كملي أكلج
_ والله شبعت الف عافية
خالتي ميعاد _ هاي هي زهراء لكمه لكمين تشبع
وتكوم مو تشوفيها معصفرة
زهراء باوعت على روحي وزني ٦٠ وتكول معصفرة خررب بحضي تريدني اصير ١٠٠ كيلوا مثلا
ردت مرت خالي فواز _ جسمها حلو ابقي هيج
رشيقة سمينة شنو لعد
خالتي ميعاد _ مااحب البنيه المعصفرة احبها من وزن ٧٠ وفوك يمحلاها مربربة
زهراء _ خاله اني عاجبني شكل جسمي والحمدالله هاي نعمه من الله ٦٠ كيلوا انطاني لا اسمن ولا اضعف
خالتي ميعاد _ محلو
زهراء _ انتِ ميعجبج خالة اني عاجبني
مرت خالي _ هي عاجبها بعد انتِ شكو تعلقين ياعيوني هسه البنات مايحبون الوزن الثكيل يحبون الوزن الخفيف لان يلوك ويه الملابس الحلوات وهسه كلها شباب بنات
تشوفينهم اضفاف
نزعجت مني احسها وكالت ...
شباب اخر زمان تهيي بهيي
رحت اني أغسل عالمغسلة جانت بركن الصالة معزولة غسلت سمعت صوت ولد يكح ...
التفتت بسرعة خايفة من شافني كال إبتسامة....
_ هاا زهراء خفتي
أبتسمت .. لا بس استغربت الصوت رجال
_ من حقج تستغربي يابة اي شلونج أخبارج
_ الحمدالله بخير كاظم وأنت شلونك بالحوزة
_ الحمدالله بخير والحوزة تمشي كلش حلو .. صدك بعدج تريدي تسجلي بالحوزة لو غيرتي ؟
_ ياريت والله اسجل بالحوزة مالتكم مو بيها
فرع للنساء بس ؟
_ اي بس شنو ؟
_ غير اخذ رأي أهلي بالموضوع يقبلون لا
_ هسه اني احجي وياهم وره الغدة واكوللهم
وان شاء الله يقبلون
_ ان شاءالله
كمل غسل ايديه واخذ المنشفة ينشف ايديه واني اراقب كاظم خوش ولد وكلش طيب جاي يدرس بالحوزة يصير شيخ له واهس بالدراسة علوم الدين من جان بالرابع علمي كمل دراسته بالجامعة ولتجى للحوزة يدرس
علوم الدين الإسلام
كمل وكال _ هواي بنات بعمرج جاي يدرسون ويانه واني شفتهم وكلت أكول الزهراء خطيه من جانت صغيرة
تتمنى تدخل حوزة دينية
_ ايي والله امنيتي جانت عندي واتمنى تتحقق
_ تتحقق ان شاء الله أخيتي
راح رحت وراه أمشي شافوني..... أمشي وراه بنات خوالي مستغربات المظهر سمعت وحده منهم كالت
_ شعدها جانت الوحدها ويه كاظم ؟
درت الثانية تكول _ اندري
الثالثة _ يجوز بالصدفة تلاكوا عالمغسلة
الرابعة _ يمكن شعلينا
الخامسة _ اووي زهراء وكاظم شلون أثنين معقدين
دمشن خل نغسل
فاتن منيمي يباعن بنظرات مستفزة ماهتميت اصلا ابد لهم ولاخليتهم بالي اعرف بيهم مايحبوني من الطفولة علمود اني بنيه فقيرة وهن بنات زناكين وعدهن حال ومال
وثاني شي اني احلى منهن .....كلهن لذالك مضغوطات مني وثالث علمود حالتنه المادية ضعيفه كلش وكملت دراسة وكدرت احقق اللي اريده والحمدالله
على هل نعمة ، رحت الم بالماعين ويه بنات خالي فواز هذني بنات كلش احبهن وحبابات ومتواضعات أقصى
الحدود يحبوني حيل
كملنا كلشي وكعدنا بالمطبخ نغسل بيهن كلهن وبقيه بنات خوالي ماتقدموا ابد ماعرف شبيهن شايفات رواحهن برغم بيهن بنات فقيرات حالهن من حالي
شايلات اخشومهم للستار .....عبالك هن أميرات لو فدشي كبيرا بالحياة المهم كملنا كلشي من المطبخ وطلعنا بره
الصالة جانوا كلها مجتمعة خوالي
بنات والوالد كعدت بصف بيبي عالكرويتة كبالي كاظم بايده السبحة يسبح جان لابس دشداشة بيضة وكال
كاظم _ خاله حاب احجي وياج بموضوع
امي _ احجي يمة
كاظم _ زهراء تريد تدخل للحوزة اللي اني اداوم هي بيها فرع نسائي بيها شنو رأيج انتِ وحسين لو
سجلتها ؟
باوعلي حسين وكال "
صدك زهراء تريدين تدخلين للحوزة ؟
خجلت دنكت راسي ورديت _ اي
حسين _ هاي من زينات والله
امي _ اني من ناحيتي ايدها على هذا الشي بس
بكيف ابوها بعد
حسين _ اني احجي وي ابوي وافهمه
كاظم _ اذا هيج اني انتظر الجواب منك حسين
زهراء طرت من الفرحة واخيرأ راح يتحقق إلي جنت أتمنى من جنت طفلة بصف الخامس ابتدائي اصير طالبة حوزوية واصير ملاية وكلها تعرفني الله
اسمع الاهل كلها تكول عفيه عليها خوش سوت اخذت شهادة بالدراسة وراح تاخذ شهادة بالدين والأخلاق هاي البنات ونعم البنات والله يكثر من أمثال زهراء
كام كل واحد يحمد بي من جها والبنات عطبن عطاب ماعرف ليش ؟ علمود يحمدون بي كبالهم
قبل لنرجع رحت يم بنات خالي فواز بالغرفة ردت علية وحده من بنات خالتي ميعاد أكبر مني بسنة
_ انوب تريدين تصيرين مله زهراء
_ وأنتِ شعليج بي ايي اريد اصير مله
_ هه والله انتِ خبلة وينج وين الملاية وينج وين الدين والالتزامات الدينية
_ اني من اريد شي اكون واثقة من نفسي راح اكدر عليه مو أكول واني مكدر لتخافي راح التزم بكلشي
_ اوك سوي التريدينه احنا شكو
مرديت عليها ردت اختها الصغيرة بعمر ١٦ سنة
_ موفقة ان شاءالله زهورة
_ الله يوفقج حياتي
حجيت شوي ويه البنات وراها رجعت يم أهلي وره ربع ساعة رجعنا عالبيت بدلنا بيبي نامت خطيه تعبت حيل واني الكاع مالامتني من الفرحة ماصدك كاظم
الله دزة لي بهذيج الزيارة بيت خالو فواز
صار العصر اجوي بيت عمي ورحنا كلنا بسيارة احمد ودانه للمقبرة زرنا القبور وغسلنه القبور بمي ورد
قرينة الفاتحة
وقرأن على القبور الأهل ارتاحيت كلش هناك بيبي
طلبت نروح نزور الأمام علي (ع)
والله ودانه احمد ويه دخلتنا للأمام غابت الشمس وصارت الأجواء كلش حلوة هناك ........والزوار من مختلف البلدان وأصوات قرأ القرأن ترد الروح وتشرح الصدور
دخلنا الأمام واني مكاوده بيبي ......ومن جهة الثانية هند مكاودتها نخاف عليها لأم الأمام كله زوار وحشك صار كلت خل نستغل الفرصة وندخل نزور
مدام وقت الصلاة والعالم كلها ملتهيه بالصلاة سمعوا مني ودخلنا زرنا موهواي جان بالأمام زوار لأن أغلبية
جاي تصلي بره بالصحن
كملنا الزيارة كعدنا واني بقيت أدعي من كل قلبي الله يسامحني على أخطائي..... الماضي وي حمزة
وشلون سلمت قلبي لوحد مثله
والله ندمانه بكد.شعر راسي وباليوم اتندم اكثر من مرة وأستغفر ربي على أمل يغفرلي هاي الخطيئة ويسامحني
اني اعرف سويت شي غلط بالماضي
بس والله مو بقصدي انجرفت وره مشاعري ومشاعر الحب مكدرت اسيطر على مشاعر الحب والعاطفة جانت كلش
قوية علية لذالك أستسلمت كباله
طلعنا الحظرة نمشي بره بالشارع الطوس جان كلش حلو اصوت أدعية الطفل وسادة والشيوخ وزوار غريبة عجيبة وأضواء مظهر يرد الروح
بس تفاجأت من شفت ريان كبالنا واكف ويباوعلنا من بعد مترات قليلة جان لابس بنطرون ازرك وتيشيرت أسود
نظراته تخوف وماتبشر بالخير ابد
زهراء_ هند ريان كبالنة واكف
باوعتلي مستغربة"
_شنو ؟!!
_ باعي كبالج
باوعت بلمحة سريعة شافته رجعت انظارها وكالت برتباك ...
اكيد جاي يزور
_يمكن خل نكمل الطريق سوي روحج مشفتي
_ماشي
مشينه من يمه بس اني عيني عليه عرفت بي جاي يراقب هند بدقه نظراته علينا جانت بدقة كملنا طريقنا وكنى ماشفناه كبالنه مشينه كم خطوات
وبيبي تعبت وكالت _ خل أكعد استراح تعبت ولجن
زهراء _ اكعدي بيبي اكعدي
هند" كعدت بيبي وكعدوا وياها كلهن اني بقيت واكفه اباوع عالزوار وأبتسم اجه كبالي ريان تفاجأت طلع مرة ثانية
كبالي واني عبالي المرة الأولى جانت
مجرد صدفه
باوعتله بقى يباوعلي بس نظراته بيها ....حده خزرني نزلت أنظاري عنه بسرعة أول مرة احس بالخوف منه ماجنت متوقعة ؟ هيج شكله يخوف من يخزر
خليت وكعدت بصف زهراء همستلها
_ زهراء ريان دا يراقبني
باوعتلي مستغربة وكالت "
صدك ؟
_ اي والله باعي كبالج واكف
رفعت راسي وباوعت صدك طلع واكف كبالنة ويباوع مبين من نظراته متعصب وضايج الله يستر منه هذا رجعت احجي وياها مبين من شكلها خايفة
_ شيريد ؟
_ اندري شيريد الله ياخذه ان شاءالله اخذلي قلبي زهراء
_ لاتخافين ماراح يسوي شي يجوز بالصدفه اجه
وشافنه وحب يباوع
_ لا متعمد والله بالبداية كلت صدفه بس هسه
تأكدت دا يراقب بي
_ الله يستر منه شيريد بعد مو رديلتله الجواب
_ وهو شرد عليج ؟
_ مفاتحة الفيس اليوم
_ افتحي هسه وشوفي شراد عليج فدوة راح
اموت من الخوف زهراء
_ مجايبة الموبايل وياي
_ اوووف وهسه شلون اعرف شيريد
_ لاتباعين عليه اتجاهلي تماما هسه يمل ويولي
_ ماراح اباع بس أنت ِباعي وشوفي وله
رفعت راسي باوعت شفته مشى بخطوات بطيئة
أبتسمت وكتلها _ وله ههه
باوعتلي _ الحمدالله تعرفي آول مرة بحياتي اخاف هيج من رجال فوك كلشي ريان امدة حظي
غمت روحها بايدها وضحكت "
الحمدالله طلع اكو واحد يصكرج ههههه
ضربتني وكالت _ ما عاش ليصكرني
لزمت زندي بوجع _ ااه واضح
بيبي _ شبيكم تتعاركون مناك الزوار اسكتوا
راح تفضحونه اسكتوا
هند _ سكتت موهم يلا تكومين بيبي تأخرنا ومتت منالجوع
بيبي _ وهاي كمت
عمتي _ الحمدالله طابخة العشة من الظهر
امي _ حتى اني مثلج حسبت حساب راح نتأخر بالطلعة
كامت بيبي ايد بايدي وايد الثانية .. بايد هند مخلينها بالنص وتمشي خطوات بطيئة حيل احنا ملينه الصراحة
مابينة حيل نمشي بخفه
بس نتحمل ونسكت الخاطر بيبي الحلوة
وصلنا للبيت دخلنا....احنا جوه وهند وامها هم دخلوا جوه البيت مالتهم لكينه حسين كاعد بالاستقبال
من دخلنه كال بضحكة
_ تأخرتوا
امي _ ايي يمه ازدحام جان الامام وبيبيتك مبيها
حيل تمشي خطوة وخطوتين تكعد
حسين _ الله يكويج بيبي
كعدت بيبي بصفة وكالت _ تعبت بيبي رجليناتي دا يونن افركهن لي يبعد روح بيبيتك
زحف يم رجليها كام يدلكهن لها _ هسه يرجعن ابلادي هههه
امي _ زهراء روحي احمي العشة
زهراء _ اي يمة
نزعت العباية خليتها على باب المطبخ رحت عالطباخ شعلت جوه الجدورة النار بقيت أنتظر اجه أبالي ريان
_ ياربي كلشي ولا يطلع يدور سوالف الحب وخرابيطة وانتقامات بعد مارفضته هند لا يارب لا تخلي هند تمر بأيام عصبيه وابعد عنها كل شر انسان وجن بحق
محمد وآل محمد
اجت امي _ الجدرية فارت يمة
فريت راسي باوعت عالطباخ جدر المركة فار
طفيته بسرعة _ ماجنت منتبهه
_ وين جان عقلج يلا جهزي الماعين والصينية كلها ميته منالجوع واخوج يريد يطلع
_ ثواني ويكون العشة جاهز
_ يلا
صبيت العشة بسرعة وديته.... كبالهم كعدنه ناكل وراها كملوا صبيت الجاي شرب حسين وكال
_ اني طالع راح أرجع بوقت متأخر
بيبي _ يحرسك علي ابو الحسنين يمه دير بالك على نفسك
_ ان شاءالله في أمان الله
_ الله وياك
امي _ وين طالع ماكلت ؟
رد من عتبة الباب _ طالع يم احمد وجم صديق
بره نتعلل بالكهوة
_ هاا
وراها فتح الباب وطلع بيبي مبين عليها التعب كامت تغفي كتلها _ نعسانة وتعبانة كومي خل انيمج
_ ايي والله تعبانة حيل واريد انام
امي _ تعبتي حيل اليوم منالصبح لحد الأن طلعات
وهسه يلا كعتي يحتاجلج راحة
بيبي_ ايي
كمت اخذتها للغرفة نامت وغطيتها طفيت ..... الضوء اخذت الموبايل من الشحن وطلعت لكيت امي كاعدة
تخابر أختي وتضحك
رحت كعدت عالدرج ......لأن هناك يجي الإنترنيت قوي احناا معدنا ماخذين من بيت عمي ونكنك عليهم فتحت الماسنجر بسرعة اريد اشوف رد ريان شنو ؟
فتحت بس شايف الرد مالتي ومراد استغربت بروده وعدم رده ؟ زداتت مخاوفي لأن السكوت مايبشر بالخير
عند الشباب ابد معناها ضايج
الله يستر من هذا الهدوء اخاف تكب العاصفة بعدين يارب لا لا والله خطيه هند خوش بنيه ماريدها
تتأذى منورة ريان والحب
راسلتني هند _ بشري شراد عليج ؟ ريان ابو عيون الزرق ؟
رديت _ حرامج كلشي ما راد بس شايف وتأم ساكت
_ ساكت الله يستر زهراء الهدوء يخوف حيل ترى
_ اعرف والله
_ شلون هسه نعرف شجان يريد يراقب بينا بالأمام
_ ماعرف شلون نعرف بس العرفة اخذي حذرج
ولتطلعي بره الوحدج مثل كالمرة
_ والله توبه اذا اطلع الوحدي راح اتم كاعدة وساكتة لما الله يبعده هذا الخبل ابو عيون زرقة
_هسه هاي منين طلعتلج
_ حظي المصخم غير طلعلي ريان
_ ان شاءالله يولي وينساج
_ بحق محمد وآل محمد ينساني والله ما احبه
واكره عيونه الزرقة
_ والله عيونه حلوات
_ عاجبج شكله وعيونه اخذي لج الف عافية يكون نسيب امج الثاني هم عيونه زرقة مثل سيف
_ هو مايريدني يريدج أنتِ
_ مني لج مااريده
_ واني شلي بي اوي ماعوزني عاشق مهوس بابنت عمي العزيزة والجميلة والمجنونة
_ حيونة دا تخوفيني
_ لازم اخوفج شويه
_ والله اذبحة اخلص منه بس يطلع بوجي مرة ثانية
_ ماظن راح يطلع يجوز حب يودعج
_ ياريت صدك قلبي مامطمن
_ ليش ؟
_ نظراته جانت تهوف
_ هههه تهوف شنو ؟
_ اهووو قصدي تخوف صرت ماعرف اكتب من الخوف والله ايديه جاي ترجف حتى عشة ما أكلت
_ سوده علية وأنتِ جنتي ميته منالجوع شدعي
عليك ريان خوفت ام لسان
_مالي نفس اصلا اكل بعد بس اريد اشيلة من بالي طبع طبع عابتله وعابت عيونه الزرقة
_ ههه ولج ليش تكرهين ابو عيون الزرق ؟
_ من الله اموت من ابو عيون الزرق احسه شيطان مو انسان شكلة يخوف ومايطمن ابد زهراء
_ لا بلعكس كلش حبابين هسه مو عباس حباب
وطيوب وماكو مثلة والله
_ شدراني اني بس لدري بي اكره ريان
_ خلص كرهتي الولد يلا روحي نامي بلكت تنسين
_ اروح اغسل الملابس كومة صايرات بعدين أنام
_ اوك اني راح أنام لأن نعست حيل تصبحين على خير
_ وأنتِ من اهل الهير
_ ههههه الهير هههههه
_ زهراء لاتضحكي والله دا اخربط بالكتابة
_ اعرف باي
_ باي
هند "كمت وديت الموبايل بغرفة امي عالشحن خايفة مرتبكة منورة ريان ماعرف ليش ينتابني شعور غريب ماراح يبطل مني وراح يسببلي مشاكل جبيرة
رحت عالمطبخ جنه مخلين غسالة بالمطبخ لكيت امي مخليه السلة بنص المطبخ اخذتها كمت اغسل بالملابس
وعقلي بعالم ثاني
اجت بالي زهراء من حمزة تحارش بيها وخانها وضحك عليها وحاول ياخذ منها هواي أشياء محرمة بس بفضل الله وأهل البيت طلعت من كلشي بسلامات وسمعتها
ماتشوهت كبال العالم والجامعة ماعرف شلون سكت ومافضحها برغم جان مخلي بالة يفضحها كبال امه العربية واحد نذل اخاف ريان يطلع مثله
كملت الغسالة الأولى .. طلعت الملابس خليتها بالسلة رجعت عفت الثاني وجبة اخذت السلة وطلعت
شافتني امي وكالت "
راح انام اني كملي شغلج ونامي
_ ماشي
راحت دخلت الغرفة ابوي دخل وراها واني بقيت الوحدي بالبيت والخوف كاتلني كتل صعدت عالدرج
فتحت باب السطح طلعت بره
جانت نسمات ....هوى شوي دافية برغم أحنا بالنجف جونه حارةحيل يصير بفصل الصيف بالليل الجواء تصير باردة
بره بس على أقل كمت اشر بيهن
واحد واحد وباوع يمين ويسار اخاف بالليل اطلع اني حتلوه فوك السطح كملت شر كل الملابس اخذت
نفس طويل عدلت شالي
جنت شامرته بس.شمر على راسي اخاف احد فوك ويشوفني بدون حجاب حرام اخذت السلة بايدي وامشي وكفت مجمدة بدمي على ضل رجال كبالي صار
مكدرت ارفع راسي راسن السلة وكعتها من ايدي للكاع اريد احجي مكدر تجمدت بأرضي لاحس ولاكلام سمعت صوت خشن معرفت اميز الصوت لمنو اكيد
حرامي هذا اجه بالي .
_ هلاو هند شلونج ؟
شجعت رفعت راسي على كيفي باوعت بوجه نصدمت اصلا ردت اتخربط طلع ريان حجيت بصوت مبحوح
_ ررر ريان
_ روح ريان شبيج مصدومة وخايفة؟!
بلعت ريجي رجعت اليورة كم خطوة ....خايفة متلبكة متوترة ماعرف شسوي بهاللحظات رديت بهمس
_ ولك شسوي جاي لهنااا؟!
اقترب علية بخطوات ثابته ... بطيئة وأبتسامة
على شفايفة خبيثة مبينه
_ اكيد راح اروح بس بلاول اريد احجي وياج كم كلمة
وكفت واحس جسمي ....لزمته رجافة الدموع بطرف عيوني صارت قلبي صار دمام كمت اسمعة بأذاني اخاف يغلط
وياي ويسوي شي محلو
هو رجال ضخم واني بنية يه اكيد ماراح اكدر اصده لو ابعده عني اذا تهجم وتحارش تنتهي حياتي بين ايديه
كتف ايدينه على صدره وكال ...
لتخافين مني ماراح اذيج وحق شهيد كربلاء
بس احجي كم كلمة وامشي
كوه جريت النفس من الخوف هو من شافني هيج خايفة والنفس كوه صرت أجره ضحك وكال بمسخرة
_ هههه تخافين مني ؟!
باوعتله اريد احجي مكدر .... لساني الطويل لي جان يعلعل انبلع كبال ريان بالحظة مادري الخوف هيج يخلي الإنسان ضعيف ومايكدر يسوي شي
اقترب لعندي رفعت ايديه بسرعة كدامه ...
لاتقترب رجاءً خليك بمكانك ترى والله اذا اقتربت
اعيط ولم العالم كلها عليك
_ بابا لتعيطين ولا تفضحين نفسج كبال العالم ترى العالم ماتصدك بالبنية بهالايام راح يكولون جانت متوعدة ويا فوك السطح اهلها وأنتِ اعرف بعد بأهل النجف شلون ناس
متخلفة ومتعقدة وايدهم والكتل
بس ماردت ابجي كلامه.... صح راح يوكع الوم كله علية اني البنيه مالها شي كبال الولد بهالايام كعدت بالكاع ابجي
بخوف منه وأتوسل
_ احلفك بالأمام علي (ع) لا تسوي شي غلط والله اهلي يذبحوني اذا شافوك هنا وياي روح ريان روح
وتعوذ الشيطان ورووح
نفخ هوى _ افففففف
واني بس ابجي بصوت خافت منالخوف لأن ماعرف على شنو ناوي وياي بهالحظة وكلامة جان خطير ويخوف حيل واذا اهلي عرفوا بي هنا وياي
اكيد اقرأ صورة الفاتحة على روحي منه هسه وأشاهد لأن محد راح يقراها على قبري ولا راح يتشاهدون على جنازتي راح يعتبروني وحده عاار وشوهت السمعة العائلة
حسيته واكف فوك راسي سمعته كال "
_ لا تبجين هند اني ماجاي ابجيج ولا اخوفج الله شاهد علية بس حبيت احجي وياج الكلمات اللي مكدرت اكولها بأيام الجامعة الج والله بس هيج كومي وامسحي
ادموعج كومي يلا
بلعت ريجي اخذت شهكة طويلة مسحت ادموعي وخشمي بردان الدشداشة رفعت ....راسي باوعتله ملامح وجه عاديه مابيها مخاوف بس اعيونه تخوف حيل
_ كومي
_ راح ابقى كاعدة احجي لعندك بسرعة وروح فدوة
اروحلك ريان
_ اول مرة اسمع اسمي بحلكج صدك حلو ههه
سكتت مرديت عليه
_ يلا على العموم كالتلج زهراء اني حجيت وياها علمودج
هزيت راسي وكلت _ اي
_ وانتِ ماقابلة بي ليش ؟
_ ما احبك ووو....
_ وليش ماتحبيني بي شي ناقص مثلا علمود ترفضيني كولي اذا بي راح اعذرج واكول عندي نقوصات
_ ما احبك وخلص وثاني شي اني مفكر بالزواج حالياً اريد اخذ إستراحة من الدراسة
_ ماتحبيني هاي اكيد لأن أنتِ دومج ماتحبي لولد بس تحجين علينا جنتي بطالعة وبالنازلة متفكرين بالزواج اني وياج اخذي إستراحة شكد ماجاج....
قاطعت كلامه _ مدام تعرف اني محبك شلون حبيتني لعد ؟
_ الحب أعمى واني محسيت على روحي الا واكع بشباك
حبج اللي اخذلي عقلي وقلبي وخيالي
_ مشكلتك مو مشكلتي هاي انساني وروح دورلك
وحده تفيدك أني مفيدك ريان
حسيته تعصب عيونه صارن براسه راسن كعد كبالي صار مقابيلي تماما احس انفاسة تضرب بوجي ماهلكد
.جان قريب عني واني متت بدمي
_ مال انساج هند هاي سالفة ومال اخليج تاخذين واحد غيري هاي هم سالفة اني قافل عليج وراح اخذج وراح اخليج تصيري ام بيتي وحبيبتي وچنه لأمي
نزلت دمعتي واني مركزة بعيونه الزرقة بهال الليل جان السطح مالتنا بي ضوه صاير نهار عيونه زرقة ودمارت عيونه صايرة حمرة بارزة يخوف كلش صار
_ هم ردت تبجي شكد ،جبانة أنتِ طلعتي اسكتي
واحجيلي ليش ماترديني ؟
كعدت بالكاع تربعت من الخوف ماعرف شكول وشحجي هو كبالي كاعد يباوعلي زحفت عنه كم خطوة بخوف
_ ريان احلفك بجفوف ابو فاضل روح منا واني اوعدك احجي وياك عالفيس بوك وافهمك كلشي والله بس روح
ليجون اهلي يشوفونك هناا
زفر هوى وكال _ ماروح ولا اريد اتواصل على الفيس لو اريد جان اتواصلت وياج بدل زهراء اني اريد احجي
وياج وجه لوجه فهمتي
_ احجي لعد بسرعة وروح
_ اني احبج من المرحة الثانية إلنه بالجامعة وتحملت ثلاث سنوات وكاتم حبي كله بقلبي اتجاهج جمعت معلومات عنج وعرفت ماتحبين سوالف الحب
ماحبيت إزعجج أو اخوفج مثل ما خوف حمزة زهراء بالماضي ويا مااريد اكون شخص واطي مثل حمزة وغيره وأنتٓ تعرفينهم شلون جانوا يلعبون على بنات العالم بسم الحب وياخذون اليريدونه اني غير عنهم ترى
تفاجأت حيل من جاب طاري ....حمزة يعني يعرف كلشي عن زهراء وجانت بعلاقة وي حمزة كطعت البجي وكلتله
_ منو كالك زهراء جانت عدها علاقة بحمزة ؟
_ اعرف كلشي عنج وعن زهراء واعرف أصغر الأشياء عنج والله اللي يحب لأزم يعرف عن اللي
يحبه أبسط الأمور
_ وهسه انت تحبني صدك ؟
_ ايي والله العظيم احبج من صدك واريدج تكوني لي اليوم قبل باجر ونكون سوه بيت واحد
_ بس اني مااريد نكون سوه
عصر ايده بقوة باوعلي _ ليش تختبرين صبري هند ترى متحمل سنوات والطاقة لتحمل يجوز تنفذ بيى دقيقة وكلب عليج خليج واعية ورجعي فكري بي مرة ثانية
_ شتريد تسوي ؟
_ الله اعلم شسوي بس أنتِ خليج واعية وفاهمة وارجعي فكري بعرض الزواج مرة أخرى
سكتت مارديت بس اريده يكوم من كبالي راح اموت من الخوف واخاف اهلي يجون يشوفوني ويا والله الليلة تكون اخر الليلة بحياتي اذا لزمت ويا فوك
_ وهسه تفكري بالعرض
هزيت راسي _ ايي افكر والله بس روح منا وماعليك
_ ماشي اني راح اروح هند وراح انطيج مهلة تفكري بيها مدتها أسبوع علمود تاخذين راحتج بالتفكير وتريحي أعصابج وتراجعي أمورج وان شاء الله جوابج يكون يريح
القلب مو يجرح القلب ترى ...
_ ترى شنو أنت دا تنطي مهلة وبلاخر تحاول تهدد
ضحك وكام وانظاره علية _ والله العظيم شكلج يخرب ضحك تخافين مني هههههه ماراح اكلج وادفن
اعظامج بالمقبرة هههههه
عصبت منه بس اخاف ارده بكد الثور ومنامتعصب مني بس جاي يضحك علمود يهدئ اعصابه اعرف نذل واطي
وكف ضحك وكال
_اني هسه رايح تصبحين على خير احلام سعيدة
ماارديت علية ابد بقيت اراقب بي راح نزل منفوك الستارة وراح عالسطح الجوارين انصدمت هذا يطفر سطوح ليش منو له هنا علمود وصل لعدنا بسرعة
كمت بسرعة راح على سطح بيت ام عباس اشرلي بايده ودز بوسة بالهوى اني نصدمت
_ هذا شيصير من بيت ام عباس ؟
راحت بسرعة اخذت السلة ونزلت أمشي خيط وخيط احس رجلية صايرات اخيوط مبيه حيل أمشي من الخوف والتعب والصدمه الجبيرة
هذا وصل للسطح باجر يوصل ...... للغرفة مالتي والله اعلم شيكدر يسوي اذا رفضته مرة ثانية لأزم احجي وي زهراء بكلشي وكوللها عن الصار وياي اليوم
بس يمكن ماكدر أنام ابد من الخوف منه ....
زهراء ثاني يوم الصبح كالعدة كعدت سويت ريوك الأهلي حسين طلع عالشغل بيبي فرشتلها فراش تمددت بالاستقبال تباوع على محاضرات دينية
وامي بالغرفة مالتها دا تعزل بالكنتور ندك الباب اخذت الشال منفوك الكرسي البلاستك بلون الجوزي لفيت راسي فتحت الباب طلعت بوجي هند
_ صباح الخير زهورة
_ صباح النور تفضلي هندوي شجابج من وجه الصبح
هند _ صباح الخير بيبي الحلوة
باوعتلها بيبي "
صباح النور خيرج جايه من وجه الصبح
خوماصاير شي
هند _ كلشي مصاير بس حبيت اجي يم زهراء
مالة واحدي بالبيت
بيبي _ شكو بيها تعاونن عالشغل
هند _ ياا شغل
بيبي رجعت انظارها عالتلفزيون "
اغسلن الغرفة مالتي شميت بيها ريحة
اشخره البارحة
زهراء _ ماشميت اني
هند _ نغسلها اكيد بيبي
بيبي _ أنتِ ما تشمي اني اشم احسن منج روحوا
اغسلوها وعطروها روحوا
هند رحنه عالغرفة شميت الريحة مبيها شي طيبة _ اكلج مبيها شي الغرفة نظيفة وريحتها طبية
زهراء _ هاي هي بيبي من تضوج تطلع شغل لي من جوه الكاع خل نغسل ونسكت
هند _ اي مبيها ساعة زمان وتخلص
زهراء _ ايي شعندج من علوم ام العلوم
هند اخذتها من ايدها كعدتها عالجرباية "
ولج زهراء الليل كله مانايمة بس
ابجي وخايفة
_ شصاير وياج من شنو خايفة
_ريان
_ شبي ريان وياج بعدج خايفة من شوفته بره بالأمام
_ ياريت على شوفه بالأمام ياريت
_ لعد وين شفتي راسلج عالفيس ؟
_ لاا ماراسل
_ لعد احجي شبيج خايفة
_ راح احجي كلشي واسمعي أنتِ ماشي
_ ماشي
هند حجيت الصار وياي لها بحرف الواحد نصدمت خطيه من عرفت هو يدري بعلاقتها وي حمزة بالماضي ويعرف كلشي عني وعنها وكتلها أنطاني مهله افكر بيها مده أسبوع
_ عززة العزاني هذا يدري بكلشي طلع بس لايفضحني هند
_ ماتوقع يفضح لأن كال اني مومثل حمزة واحد واطي ويلعب على بنات العالم اني غير
_ ماعرف بعد اني منين طلعتلي هاي هسه
_ طلعت وخلص ترى الماضي ماينظم والله وهسه اغلبية الطلاب الجامعة يدرون بيج
_ ادري حمزة واحد نذل واطي اكيد فاضحني كبال
الطلاب كلها هسه تلكينه
_ محتمل بس هسه اني شلون احل هالمشكلة
_ هو كال اريد ازوجج
_ اي كال
_ هو يحبج صارلة ثلاث سنوات وماتجرئ وكف كبالج وكال احبج لأن يعرفج ماتحبين سوالف الحب منوراي وكالج اني موواطي مثل حمزة وغيره العب على بنات العالم
واخذ الريده بسم الحب موهيج كايل
_ صح هيج كال
_ والله يأختي هذا مبين ولهان بيج وايردج ومايريد يأذيج ولا يجرحج بلعكس تحمل كل هاي السنوات وهسه جاي
يطلب أيدج للزواج بسم الحب
وين تلكين هيج إنسان يحبج ويريدج نصيحة مني
الج وافقي بي وجفي الشر لأن اذا قلب عليج العاشق على المعشوقة والله ماراح تشوفي منه غير الشر والمصايب
الحب اذا شتعلت نارة ماراح تطفئ
بسهولة هند
_ تريديني اخذ ابو عيون الزرقة زهراء !
رخيت ايدي جبتها راشدي _ ابو عيون الزرقة ابو عيون الزرقة راح تخليني انعل اجداد اجدادي منوراج لج لولد شاريج ويريدج عروس له وين تلكين هيج
بس فهميني وين لو تريدين تاخذين واحد يحفر قبور لو مجدي من الشارع وشبي ابو عيون الزرق بس
جاوبيني شبي ؟!
لزمت خدها _ هاي شبيج انفعلتي علية وضربتيني
_ اكلج ليش والله اخاف عليج منه اعرف الحب مايهدئ ابد اذا شتعلت نار واذا قرر ينتقم منج والله ينتقم وينزلج اسفل السافلين اني مريت بتجربة فاشلة والحمدالله
طلعت منها بس هذا مبين يحبج منصدك ويريدج ليش تجفصي بالنعمة مالتج وترفضي
_ من الله ما أحبه شسوي زهراء
_ حاولي تحبيه اخذي أستراحة واني راح احجي ويا عالفيس واكوله ينطيج مهله مدتها ٣٠ يوم اذا صدك يحبج ويريدج يتحمل هاي الايام وأنتِ هنا اخذي تفكري بي وحاولي تحبي بينج وبين نفسج فقط واذا ماكدرتي اني راح
اساعدج علمود نخلص منه
_ شلون تفكير عندج أنتِ ماتريدين تكسرين قلب لولد
_ والله مااريد اكسر قلبه هاي صدك خوش ولد وحباب وابن ناس وعالم وفوك كلشي يحبج ويريدج وين تلكين بهالزمن شخص يحبج ويريدج
_ ماعرف شكول بس العرفة ما احب ابو عيون
الزرقة لو ينزل الوحي هسه
_ دكتله لقب ابو عيون الزرقة ام الألقاب
_ اموت منه لو شايفة شكله البارحة باليل يمه يخوف جنه طنطل مال المقابر وادي السلام
__طنطل ههههه
_اضحكي أنتِ اضحكي ان شاءالله يطلعلج واحد مثل ريان واخبل منه يارب تحقق رغبتي ورغبة
_ رغبتي ورغبة شنو هاي هههههه ؟
_ ماعليج أنتِ جاي ادعي
_ تدعي وصارت تسحك هههههه
_ راح ادفنج هنا والله وكفي ضحك والله اني خايفة
بعدني من ابو عيون الزرق
كمت _ دولي ابقي وحده عنودية وأنانية
_ اني أنانية
_ ايي
_ غلطان والله بس ما احبه وراح ارجعلة الجواب بعد أسبوع وكوله لا ماريدك شوف غيري
_ براحتج اني حجيت لعندي بعد واذا وكعتي بمشاكل
اني مالي دخل اوك
_ اوك قابل شراح يصير
_ كومي خل ننظف الغرفة
حمزة "جنت كاعد بالصالة يم ...... اخوي رامي واختي سارة كاعدين سوه عالكرويتة ويلعبون العاب فيديو
رامي _ شوكت راح تكطعون مهر محكمة
سارة _ صدك شوكت
حمزة _ بعد يومين
سارة _ ان شاءالله خير ، اكلك راح تعرس بسرعة مو
رامي _ ابوي يكول بسرعة ناخذها مانخليها بعد كطعان المهر
حمزة كمت اخذت موبايلي من كبال الطبلة "
اي بسرعة اخذها شكو مبقيها
يم أهلها بعد
رامي _ وين طالع
حمزة _ بره يم محمد
رامي _ انتظر خل اجي وياك
حمزة _ وين جاي راح نطلع بمكان مايليق بيك
رامي _ وين طالعين
حمزة _ مكان مال كبار مو مال صغار أكعد
سارة _ تجي وياي رامي نروح البيت صديقتي ايات
رامي _ هاا
حمزة _ روح وياها هناك اكو ولد بعمرك
رامي _ ماشي جاي وياج
طلعت بره دكيت على محمد علمود ..... يجيب السيارة مالتة ويجي لعندي أني معندي سيارة وره ربع ساعة اجه لعندي رحت اني وياها للمكان
متعودين نروح هناك كالمرة تنونس .....ونتعلل بنص الليل يلا نرجع بنات ونركيلات بس شرب ماشرب اني محمد يشرب ويسكر مرات اني بس اروح اونس نفسي وأرجع
صارت الساعة با١١ بالليل اجاني أتصال من أبوي جانت كاعدة بصفي بنية كمت من يمها طلعت بره البار علمود ماتطلع أصوات الاغاني والهوسة
فتحت الخط _ الووو
_ هاي وينك من العصر لحد الان مالك حس
_ بره يم محمد ابن خالي
_ تعال ارجع عالبيت بسرعة بدون كلام مفهوم
_ ماشي جاي
سد الخط بوجي أبتسمت "
خبثت علية اخلاص اكيد اني
الها بسيطة
رجعت يم محمد اباوعلة سكران فول والبنيه بحضنه يبوس بيها أبتسمت
_ محمد يلا حب كوم خل نرجع عالبيت
_ دروح
_ شنو اروح كوم يابة خل اوصلك عالبيتكم
رحت عليه جريته بالكوة اخذته بره غصب عنه مايقبل يطلع صاير مطي بس يحجي ويغلط ويكفر يفشر كلشي ماافتهم منه فضحنه مناك الناس بالشارع
شمرته اليورة سديت الباب .....صعدت بالسيارة ربع ساعة وصلت للبيت خالتي خابرت اخوه سامر
وكلتلة تعال اخذ محمد سكران ولتخلي اهلك يشوفونه بهالمظهر ويتعاركون وياها
والله اجه بسرعة اخذه وكال "
دوما يسكر هسه لو يشوفه ابوي
إلا طلقة براسه
_ اخذه وسكت هسه اكيد اهلك نايمين
_ ايي نايمين الحمدالله
اخذه وراح هو يغلط على أخوه واني اجرت تكسي ورجعت عالبيت شميت ريحتي بالسيارة ريحة مقرفة من البار ومن محمد اجتني مالت شرب
واذا شمني ابوي راح يرزلني شلون هسه ؟
وصلت السيارة التكسي كبال البيت انطيته الكروة ونزلت متلبك شويه خوف من ..ابوي لأن اكيد اخلاص هسه ترست راس ابوي حجي زايد علية اعرف بيها
خبيثة وتحب تخبث علية وصلت كبال الباب دكيته نفتح طلعلي رامي _ ابوي كالب البيت عليك
_ خير شكو
_ شدراني
دخلت جوه لكيت ابوي بالصالة كاعد ويه الأهل كلها وحتى أطفال اخوي الجبير كاعدين باوعلي ابوي بنظرت
متعصبه خزرني وكال
_ بعد وكت شرفت لو باقي بره مواشرفلك سيد حمزة
_ شكو شصاير قابل هاي آول مرة اطلع واتأخر
ابوي _ اني مو زبرتك من طريق محمد ابن خالك
مو كلتلك لتمشي ويا
حمزة _ وشبي محمد علمود ما امشي ويا
ابوي _ واحد سرسري وسكير راح يوكعك بتهايم ومصايب واني مامستعد يجيني حجي منوراك تالي عمري
حمزة _ واني موزعطوط علمود تنبهوني وتبعدوني عن وأصدقائي اني شعلي بي يسكر لا مايهمني الاهم
اني مااشرب
ابوي _ حمزة تكسر كلمتي
حمزة انطيته ظهري " ماكسر كلمتك بس ما احب
تدخلون بحياتي الشخصية
امي _ حمزة
حمزة _ يمة أنت ماعليج الخاطر الله
امي _ انجب حمزة
رحت من يمهم واسمع ابوي يغلط ويسب بي بالاجنبي ماعرف على شنو متعصب بس لدري ..... بي اخلاص اكيد
خبثت لأن متحب محمد ابد
صعدت ليفوك الدرج بركضة بوجي عالغرفة...... سديت الباب بقوة روحي طكت منهم بكلشي يدخلون حتى زواجي جان مخطط منهم مايخلوني اخذ قرار بنفسي
كله هم ياخذونه عني ويكولون أنت ماتعرف وين مصلحتك وان شاءالله تطلع انفال خوش بنية وتكدر تتحملني
وتتحمل اعصابي وسوالفي المكسرة
نزعت الملابس شمرتها.....بالكاع بوجي عالحمام جان بغرفتي رحت اسبح ودمي فاير على ابوي واخلاص أختي
زهراء" وقت الصبح رحت وي حسين البيت ابوي علمود اكوله اريد أسجل بالحوزة رحبت بينه مرت ابوي ام حازم برغم ترحيبها مزيف بس كبال أبوي
أخواتي واخواني طاروا من الفرحة من دخلنا عليهم اخوي حازم جان بعمر ٢٠ سنة بس يضحك علية
حازم_ وراح تصيري مله زهراء
زهراء _ شكو بيهاا لو صرت مله ليش تضحكون ؟!
حازم _ مبيها شي والله من زينات بعد من تصير فاتحة ومجالس مانجيب ملايات أنتِ موجودة
حسين _ عاد اني جنت ناسي هههههه
حازم _ وهسه تذكرت ههههه
زهراء _لاتحجون هيج
انفال _ ترى مبيها شي لو صارت مله والله كلش حلو واحد يتعلم علوم الدين الإسلامي
مرت ابوي _ شجابج شودات على الدراسة الدينية زهراء
زهراء _ والله عمة من جنت صغيرة أتمنى ادخل حوزة وهسه اجت الفرصة وكلت خل ادخل
مرت ابوي _ مبيها شي عمة
ابوي _ تسجلي بالحوزة اللي بيها كاظم ؟
حسين _ اي فاتحين بيها فرع نسائي لتعليم
ابوي _ مابيها شي يابة سجلي واني اهتم بكل
المصاريفج وتعليمج بيها
فرحت من هيج كال آول مرة بحياتي يكول راح اتكفلج هو بعمره مامتكفلني ولا صارف علية مرته طنكرت
احسها وكالت قبلي
مرت ابوي _ ليش هي مو مجانية
حسين _ ايي مجانية الدراسة بس يحتاج مصاريف
ابوي _ اني اتكفل بكلشي أنت ماعليك بالمصاريف شكد ماتصرف اني أدفع مدام تريد تدخل بالدين اني وياها بهذا الشي لأن افضل قرار وانسب قرار اخذته بحياتها
زهراء طرت من الفرحة"
ربي يديمك ويحفظك يابة
ماعرف ؟ ليش تعصبت وكالت _ مابيها شي ابوها ويصرف عليها اكوم اسوي الغدة تبقون مو
رد حسين _ لا راح نرجع لتعبين روحج عمة
ردت _ براحتكم
زهراء حسيتها جاي تطردنه من طريقة كلامها ماهتميت ابد المهم الله هدالي أبوي وخلاه يتكفل كلشي اني مايهمني يتكفل بالمصاريف اني اللي يهمني يحس بي
ويحسسني اني بنته حالي حال بناته الاثنين
حجيت وي انفال عن خطيبها وكتلها عندج صورة له
_كالت لا ماعندي
ردت أشوفه لأن بقى حسرة بقلبي تكولي حلو ومعدل جسمه حلو كلشي بي حلو صح أسمراني بس جمالة خلاب
ويخلي أي بنية تنعجب بي بسرعة
وكالت أخواته موحلوات جانت أثنين يشبهون امهم امهم سمره كلش سمينه مبينه وكحه نار ولولد مايكدر يحجي
وياها كلمة حتى ابوهم
صاكرته يكولون حاكمه ....أهل بيتها حكم فرعون محد يكدر يحجي وياها كلمة وحده كلمتها هي ماشية بالبيت
كله أبتسمت
_اكسبيها لصالحج
_ان شاءالله بس شكلها يخوف
_ههه ترى مو جنيه هي إنسان حالها من حالنه اطمني نفولة ماكو شي وان شاءالله تطلع كيوت وحبابه وتكون
الج ام قبل لا تكون العمة
_الله يسمع من حلكج زهورة
