رواية الهوس القاتل الفصل الثاني بقلم جنة عباس
انتَ يا اول عرف
واخر غريب..
يحِبني بس مو مَالتي
ياحَبيبي ..
ولايتي المَا بيها مِثلك
عيب اگول ولايتي..
الليل شنهو الليل عگبك ؟
لوّن مشمور بمدينه ..
الليل اذا مَا بي محَنه
شفرقه عن العَميه عينه ؟
< للشاعر عريان السيد خلف >
..........................................................................................
هدى:: كعدت صبح كلي نشاط كمت غسلت ونزلت لكيت امي وزوجات اخواني بالمطبخ
هدى :: صباح الخير للجميع
الام:: صباح النور شعجب شو اليوم كاعده من صبح
نور:: واللّٰـه عمه الظاهر اليوم شمس طالعه عكس
حوراء وساره وجنات:: هههههه احنه نشهد😂😂😂
هدى :: اي صنفن ؏ــادي اصلا ماخرب مزاجي لان حروح ل اربيل اتونس
الام:: مااكول غير الله يهديج كومي تريكي يالله
هدى: اي واللّٰـه يمه كلش جوعانه اني
هدى:: كمت سويت ريوك بيض وطماطه اكلتي المفضله هاي وجاي حار والخبز اويلي اخرب ؏ اكل اني اخرب اكلت وخلصت كعدت ؏ موبايل وريد الوقت يخلص دك تلفوني باوعت سرى كبل جاوبت
سرى: لك هلا حبحب شلــونڪ
هدى: هلا واللّٰـه بضلعي شلــونڪ انته اني زينه
سرى:: اي بشري شحضرتي ماحضرتي
هدى: كلشي حضرت حبيبتي حته خذت نمنميات علمود طريق
سرى: لكك عااش واللّٰـه مفكرت بيهه
هدى: شعبالك لج اني هدهد اني
سرى: ونعم واللّٰـه
هدى: اكلج بيش ســآعه نروح
سرى:: اليوم ب12 باليل نمر عليكم علما نوصل للحله ب3ونص تنطلق القافله
هدى: هلا هلا ولج ساعه كامت كوه تمشي
سرى: اي واللّٰـه بالعباس
هدى:: امشي ولي خل اكوم اسبح وشوف خاف ناسيه شي
سرى: جفن اي واللّٰـه امسي وليي
هدى :: سديته الموبايل دخلو اخواني وابوي
الاب:: هاا هداوي شو اليوم كاعده من وكت
سجاد :: اي مو لان اكو.دياحه بالموضوع
الاب:: شلون تحجي هيج بوجودي انته
سجاد:: يابه عذرني بس اني هل روحه كلش ماعاجبتني
الاب:: عود من امووت اني ساعتهه تامر وطي رايك فهممت
سجاد: العفوو يابه عمرك طويل
هدى:: عابله شكد غثيث اله يحشر خشمه ولاطيقه بس ماهتميت ابوي رده واهم شي اروح كعدنه كلنه تغدينه خلصنه جابن جاي شربو وكلمن كام لغرفته عدنه احنه نام ظهر صعدت ل غرفتي كعدت مــآكو شي مسويته كلشي جاهز بقيت اكلب بتلفون الى ان غفيت
الاب:: ام سجاد ؟؟
الام:: ها عيني محتاج شي
الاب:: ماعرف بس كلبي اني مامرتاح شوو
الام:: مــآكو شي هاي لان تعبان هيج تحس
الاب:: اي يجوز هيج
هدى:: حسيت احد يكعد بيه فتحت عيني امي تكعد بيه
هدى:: ها يمه شبيج دعوفيني نايمه
الام:: اي وثول نشالله ســآعه هسه 11 ونص ماترحين يــ؏ــني
هدى:: طفرت من فراشي صدك يمه
الام: جا مجذبه عليج
هدى: جاا غير تكعدوني شلحك هسه
الام:: جا يال كالج تنامين لهل وكت تنبل مال نوم
هدى:: كمت كبل للحمام غسلت وجهي وجيت خليت مكياج وامي وراي خبصتني خبص
الام:: ولج هديوه بهداج بهداج لاتحطين هواي اخوانج بالباب ويردوج ستري ؏ روحج
هدى: اهوو كل سالفه خوانج وخوانج عوفيني ماخلي هوايي هيج رتاحيتي
الام: اخخخ منج يالله خلصي العالم اجوو
هدى:: صوجكم ماكعدتوني شوي ونفتحت باب غرفتي ودخلت سرى
سرى:: بعدج لهسه ولج
هدى::وج تعاي ليه محد كعدني
سرى:: يالله لبسي خايبه
هدى:: لبست قميص اسود وبنطرون كابوي ثلجي وشال سمائي فاتح وجنطه والحذاء بلون شال
سرى:: خرب ولج شهل جمال كسرتيني واللّٰـه
هدى:وانتي ماعايزه تخبلين
هدى: جانت سرى لابسه ثوب طويل وردي فاتح وشال وردي طوخ شويه
الام: يلا ولج ابوج كام ينادي
هدى:: يلا خلصت
هدى: نزلت ونزلت جنطتني سلمت ؏ ابو سرى وجه بــآبـا
الاب: ديري بالج ؏ روحج واني وصيت ابو سرى عليج
هدى: لا تخاف بــآبـا
هدى: سلمت ؏ ماما وزوجات خواني وطلعت واني كلش فرحانه
سرى:: هاا شلونهه المعنويات
هدى: عال العال كلش متحمسه ولج
سرى:وااني هم كلش متحمسه لان انتي ويايه
هدى:: خذنه طريق نسولف اني وسرى لحد ما وصلنه نزلنه كدام المكتب
ابو سرى:: يلا بــآبـا نزلن
هدى: نزلنه وكعدنه جانو هواي عالم واكفين وظاهر جانو منتضرينه لان احنه تاخرنه صعدنه بالباص جان اكو مكان ل شخصين بالمكدام بس كعدنه اني وسرى بي وعمو وخاله ورانه بكرسين لان مكدرو يكعدون يمنه مــآكو مكان ابواع واحد كاعد ويدردم لان تاخرنه عشتو اي واللّٰـه بس مشفت وجهه ماهتيمت لسالفه بقيت فرحانه اريد اشووف اربيل بس ماعرف انو ها سفره راح تكون دماري كله بسبهه
كافي عيني هداوي خــلص وقتج انطي القلم ل بطلنه يعرف ؏ نفسه
هدى:: ليش هيج هبة جنج تخليتي عني ☹️☹️
اافه عليج احنا النساء لبعضينا البعض يلا وهسه ننطي القلم ل بطلنه يعرف عن نفسه.
احمد:: السلام عليكم اني اسمي احمد عمري 28 سنه من الحله شغلي برتبه نقيب اني والدتي متوفيه من اني عمري 13سنه بسبب والدي ضربهه وجت ضربه قويه وتوفت لهل سبب اني حاقد ؏ والدي وعلاقتي بي كلش مو تمام وفاة والدتي سبب الي صدمه ومرض لحد هسه اني ماكدر اتعالج منه كلش وسواس بشغلات الي تخصني لدرجه لا توصف اني عايش وحدي عندي بيت وحمدلله عايش احجيلكم مواصفاتي اني اسمرر طولي 194 وزني 80 عندي بس شوارب حسب تقيد شغلي اني جدا عصبي ومتملك ل درجه كبيره
بيوم من الايام كاعدين اني وجماعتي ثنين ضباط علي ومسلم
مسلم :: اكلكم تراا اني لعبانه روحي وريد اغير جوو
احمد:: جا ماتمشي تاكل نعل وتغير جوو شسويلك اركصلك
مسلم: شتركصلي ولــڪ انته اذا تكوم طخ بدنكه وعلي
علي:: تخيل احمد يكوم يركص والوصله ؏ خصراا الله
مسلم:: هههه يطيح السكف علينه من يدبج
احمد: شلون هسه يردوني اصلخهم بعقوبه اراويكم امكم شلون جابتكم
مسلم:: ولكم هسه عوفونه شفت اعلات ؏ فيسبوك كروب ل اربيل خل نروح نتونس
احمد:: خوب احنه نروح ونندل عليمن كروب
مسلم: ولــڪ مو ملينه احنه نروح وحدنه خلينه نعيش شويه ونروح ويه عوائل يــعني تغيرر
علي :: واللّٰـه اني جنت عبالي انته ماتفتهم ومطي بس واللّٰـه طلعت تفكر
مسلم:: جا شعبالك ولــڪ اني مسلم
علي:: ونعم منك
مسلم: يلا شكلت لا دلغم علينه خل نروح ونتونس
احمد: ابن الكلب هسه اني حجيت
مسلم: مو أ؏ــرفڪ بومه كشره لازم تعوي
احمد:: هسه انته اثبت ؏ راي بومه لو اعوي
مسلم:: نفس شي
احمد:: امري لله نروح
احمد:: سجلنه اسامينه واني حضرت ملابسي وغراضي وصار موعد روحتنه رحنه العالم كلهه لتمت بس ماقبلو يتحركون لان اكو عائله من سماوه مجايه عصبت وكمت اصيح
احمد:: ادري شلون يـعني هاي العالم كلهه تنتضر ها عائله ماحسبو حساب طريق
ابو الشركه:: العفوو اخويه اكيد هسهيجون اعصابك
احمد:: كمت ادخن وعصابي كلش نص ساعه وهمه ماكوو
احمد:: مسلم انعل يومك ؏ هل سالفه اني موالي ماروح وياكم
مسلم:: اوكف شبيك ماتتحمل هاي سياره اجت يمكن اجوو
احمد:: باوعت اجت سياره وكفت نزل رجال جبير وزوجنه وثنين بنات وحده من البنات مــاشاءاللّٰـه جميله بشكل ونوب لابسه سمائي مادري هيج بسماوه اكو بنات حلوات
:: اي عيني شعبالك بنات سماوه هذني مو شويه
احمد:: هسه اكمل لو ابطل 😒
: لا عيني العفوو كمل كمل
احمد : بقيت اباوع شلون تمشي وتضحك طفله طفله خليت وصعدت كعدت بمكاني اجو صعدوو وعتذرو من العوائل ؏ تاخر كعدت بالكراسي الي بصفنه وابوهن وامهن كعدو وره بقيت احجي ؏ تاخر هيه باوعت الي ودارت وجهه هيه مشافتني بس اني شفت لان جان ضوه عليهه العيون صفرر مادري خضر ماعرف اللون خربط احاوالي خرب يومج مو بت بقيت اباوع الهه مبتسمه مثل طفل الي منتضر جائزته تحرك الباص وباوع الهه شويه شويه خلت راسهه ؏ جامه ونامت بقيت اباوع الهه وتامل ملامحهه هسه تكولون شنو حاي تبالغ او مشايف بس ماعرف هل بت شنو سوت بيه بهل لحضه بعد ماحسيت ؏ نفسي اله واني نايمم
