رواية بيت الطاعة الفصل الثاني 2 بقلم مجهول

ام غسق شرطت عليه بيت الوحدهه.. وتريد بنتهه اتكمل دراسه..

جاسر انتفض يعني اشلون اتريدني اعزل بوحده زعطوطه

الاب اني حجيت وياهه والام مثقفه واتفهمت الامر كتلها هي بعدهه زغيره تكبر ونعزلهم ابيت الوحدهم

وكتلها راح ابنيلهم طابق الوحدهم فوك منعزل وحتي بابهم الوحدهم ..

جاسر ..تدلل ام انعال.. 

مرت الايام ..وحسن بده بالبناء بنى غرفتين وصاله ومطبخ واثثهن احسن اثاث.. 

والكل فرحان بالعرس اختي وامي جانن يطلعن ويشترن شغلات للبنيه ..ولوازم للمطبخ اختي سعاد متزوجه بس ماعدهه جهال اتكفلت هي بتجهيز وترتيب الشقه… 

اني جنت بگلبي اضحك عليهم.. وبالليل اروح الريومتي.. مزه وشرب ورقص ونووووومه واحلى حياه

ريم واحنا نايمين اشوكت تجي الحماره مالتك

جاسر الاسبوع الجاي

ريم شلون شكلها حلوو

جاسر والله مشايفهه 

ريم يعني ابوك شيكول مو هو شافهه

جاسر يكول حلوه

ريم طبعا بنت اخوه ومنو يمدح العروس.. 

جاسر لو اشما اتكون ماتجي بجمال حبيبي رووووم

ريم فديته الحبيبي جاسر ..واندارت عليه وبحركاتهه شعلتني شعل ....

الاسبوع عده ع السريع وراح ابويه جابهم من محافظتهم منريد نذكرهه.. وخلاهم ابيت اختي سعاد لان لازم العروس والعريس ميلتقوون… 

البنيه ازغيره عقدنا بس سيد ..وابوي اخذ السيد واخذ موافقتهه ورجع البيتنا وكمل العقد .والهلاهل كبت والكل فرحان ماعدا اني… اشتاقيت الريم ركبت سيارتي وعدل وكبل ع بيتهه..

اخذتني ريم بالاحظان ..واني همين حظنته واستلمتهه بوووس بكل وجهه

بعدما كملنا ركضت ريم ع قميصي ودورت بيه وطلعت لكت بس٢٥الف.. 

ريم شنو هاي جاسر بس هاي بجيبك 

جاسر اي والله طلعت مشتاقلج مالحكت اشيل افلوس

ريم اشلون عذر ماتسوه النومه اللي انطيتهه الك

جاسر هاي اشبيج ريم الفلوس اعز مني 

ريم انتبهت الروحهه..  هههههههه اتروحلك الفلوس فدوه حبيبي.. انت عندي بالدنياا بس اني تعرفني احب اشتري شغلات جديده ملابس وسيتات ..

جاسر ع الجايات حبي

ريم كوم حبي ناخذ كاس

جاسر لا ريم ..مااكدر باجر العرس والدنيا كولهه ملتمه ابيتنا.. 

ريم اشويه بس كاس ازغيروون

جاسر رومتي… لا حبي مااكدر

ريم ع راحتك من هسه قيدتنا بت عمك الحماره

جاسر تاكل تبن اذا اتقيدني.. خل الناس اتروح وشوفيني اشلون يوميه ارجعلهه مطوطح.. 

ريم ههههههههاي  

لحد هسه ماحجينا عن غسق.. تعالو نحجي عن غسق 

اني غسق عمري ١٦سنه وحيده ماما وبابا ومخطوبه لابن عمي.. اسمه جاسر ومهندس مواصفاتي طويله وبيضه وعيوني سوووود ليل اكبار وعندي غمازيات

وشعري طويل ..مستواي مو هالكد بالدارسه رسبت سنتين بصف ثاني متوسط وبعدين نجحت ..وهسه اني بالثالث متوسط بعد الزواج والعطله اداوم.. 

اليوم زواجي بنت خالي كالتلي  راح تتزوجين وتلبسين بدله ام التله وتحفين وجهج ويخلون الج مكياج ..فرحت من سولفتلي ع البدله ..بس ضوجتني من كالت ماما مو وياج وكالت رجلج راح يظربج ويشك البدله.. 

اني كولش متعلقه بامي وزينب كالت امج بعد متنام يمج رجلج اينام يمج. خفت من كلامهم معقوله الزواج يخوف

واني،ظليت ادك والطم ..مو بكيفه يضربني  وياخذ امي مني.. اكلب الدنيا هذا الحجي جان بيني وبين بت خالي ..زينب

واجه يوم الزواج ..

كعدت الصبح متألمه من الشيره والحفافه قبل يومين استلموني حف وتنظيف بشره وشمع واسوالف اسوالف 

كعدت بالعشره اتريكت وسبحت وحظرت ماما اغراضي اخذوني للصالووون واحلا بدله لبست وام صالون انبهرت من شافتني وكالت راح اطلعين لعابه ..هنياله اليوم العريس.. اني ضحكت بكلبي هنياله ع شنوو

وكملتني ام الصالون وماما ظلت تقره عليه المعوذات

ام غسق ولج ماما طالعه اتخبلين 

طبعا البدله مكشوفه لبسوني برنص مغربي.. ورجعو غطو وجهي.. 

اجه العريس.. واخذني وطلعنا طبعا جاسر ماقبل انصور

اخذنا صور بكامره عاديه 

جاسر اجيت للصالون لكيت العروس مغطيهه كولها امهه رادت صور اني ماقبلت كتلها تاخذ بالبيت وصلنا البيت الكل استقبلنا ذبحو ع رجلنا ذبيحه 

ودخلتهه البيت واشتغلت الهلاهل والهوسات والطبول والكل يركص وفرحان.. اشويه وصبو عشا للناس هي صعدت الفوك واني طلعت بره يم جماعتي ..

وبعد ساعه صارت الزفه.. وزفوني للعروسه ..

دخلت للشقه قفلتهه بس اشو اسمع صوت امهه 

واسمع صوتهه ماما لاتعوفيني وامهه ميصير هيج احنا شنو اتفقنا.. هذا بيتج ورجلج 

دخلت ع الغرفه اسفه خاله ماادري بيج اهنا

ام غسق اني اللي اسفه كلما اريد اطلع هي تلزمني من ايدي وتبجي.. هاي اول مره متنام يمي 

جاسر اخذي راحتكم خاله اني راح اطلع

ام غسق لا خاله اني طالعه وانت ابقى يمهه

ام غسق بالكوه فلتت ايدهه من بتهه

يمه جاسر ماوصيك بعد هي بعدهه ازغيره ويتيمه ودير بالك عليها واتحملهه اشويه

جاسر صار خاله لايظل بالج

جاسر خرب هاي امها تكتل كتل غبي ابوي اذا مايتزوجهه ع امي.. 

طلعت ام غسق بقينه اني وياهه اني مناوي اتقرب ‏​‏​منـِْهـ♡̨̐ـِْا ابد ..بس كلت خل اضحك عليهه اشويه

هي كاعده ع السرير ومدنگه.. 

ولابسه المغربي وممبين وجهه ابد.. 

اجيت كعدت بصفهه كلت خل انصب عليها.. 

لزمتهه من ايدهه ..سحبت ايدهه ..بسرعه

يعني اليوم راح تبقين بالبدله ..وتبقين مغطيه وجهج

غسق ساكته 

جاسر ..انتي تعرفين تحجين لو لا

غسق ساكته ..

رحت جبت كرسي وكعدت كدامها وبديت ارفع الزي المغربي عن وجهه ..وهي مدنكه راسهه مديت ايدي اريد ارفع راسهه.. وووووبهالاثناء طفت الكهرباء.. 

وكلشي ماشفت من وجهه ..هي بسرعه لزمت ايديني اثنينهن.. بخوووف 

جاسر لتخافين اني يمج هسه اشويه ويحولون ع الخط الثاني.. 

واشويه واجت الكهرباء واني من باوعت عليها اجتني صعقه كهربائيه ..اوووووف اوووووف شنو هالجمال طبعا ظليت فاتح حلكي اشلون اعيون حلوه ومدمعه .. عليها شفايف عبالك فراولات حمر.. هي انتبهت ع لزمت ايدهه لايدي سحبت ايدهه بسرعه… 

رجعت تبجي… 

جاسر ليش تبجين ..

غسق ساكته 

جاسر راح ارجع المكاني واحجيلي.. 

غسق بكلبي شحجيله اني من شفته انصدمت شكله كولش جبير اخاف احجي وياه وهالنوب ضخم امبين راح يضربني من صدك زينب متكذب 

كالت راح يطلع امج من الغرفه وبعدين يضربج ويشك البدله عليج

جاسر هَـ (⊙﹏⊙) ــاآ احجي خل اسمع صوتج

نبدي من البدايه شنو رايج انصير اصدقاء

غسق ساكته.. 

والاصدقاء كولشي يحجون وميضمون شي ع بعض

غسق ساكته

جاسر اوكي ابقي ساكته واني راح اسالج كم سوال

وانتي جاوبي وهزي راسج.. 

انتي خايفه مني 

غسق هزت راسهه اي

مظايقه من بدلتج ..

هزت غسق اجتافهه

جاسر ضحك  ههه

 من اتهزين راسج يعني نعم من تهزين اجتافج يعني لا.. اوكي افتهمت

اتعرفين شي عن هاي الليله.. 

غسق هزت راسهه

جاسر هزيتي راسج يعني نعم. اوكي احجي شنو اتعرفين ..عن هاي الليله..

غسق سكتت

جاسر احنا مو كلنا اصدقاء راح انصير ..

غسق ظلت تبجي.. جاسر رحت جبت اكلينكس يالله احجي.. وانطيتهه منديل تمسح بيه

انطلقت غسق بالكلام.. 

زينب كالتلي انت راح تطرد امي ومتخليهه اتنام يمي وراح تظربني وتشك البدله مالتي. 

جاسر زينب منوو

غسق زينب بنت خالي ..وصديقتي 

جاسر ضحكت.. بگلبي هاي اسوالف المراهقات.. يتصورن شي ماصاير ..