رواية دخيله الشيخ زين العابدين الفصل الثلاثون بقلم أوتار حزينه
مالك
شفت هذا العار هم اجه ليان انتبهت لنظراتي
دارت وجهها شافتو والخوف تلبس بيها رجعت ليوره بسرعه دك ظهرها بصدري لزمتها وشفت جسمها يرجف بقوه
من شفت خوفها منو جني تلبس بيه خزرتو بغضب،،،، خليتها ورايه ومشيت الو اريد اگبرو لزمتني بسرعه
وصاحت
عووفه مالك
سحبت ايدي بقوه تحركت صارت جدامي حجت بتوسل ودموع
الله يخليك كلشي لاتسوي عوفه اني اخلي بابا يشتكي علي بس لاااتتعارك ويا
يووولي وخري من جدااامي
صحت بيها جريتها على صفحه هديت امشي بسرعه لحكتني ذاك ماظل حرك بشحطه وراح
اااايا جبان ولك عااار الزلم اني اعلمك بالقران الا اكطع رجليك منا اني موو مالك
اذا مااسويها وهساع تشوف شراح يصير بيك
وكفت اريدو يرجع يصير رجال ويواجهني مارجع درت روحي شفت ليان ورايه تبجي حجيت بغضب
لاااااتبجين
فزت ودحكت بنظرات حزينه ومكسوره فركت وجهي بقوه اريد اهدا
رددت
يارب منك الصبر
انتبهت الشمسيه واكعه من ايدها بالكاع
شلتها وخليتها عليها منظرها خله روحي تختنك
درت وجهي منها كملت باعصاب
استغفر الله ياربي عش تنوحين علي ماايسوه يايابه دمعه تحدر من عيونج مرغلي ودوسي علي شبيج انتي رجيجه ودمعتج كريبه من عيونج
بنص دموعها صفنت عليه حسيت بروحي حجيت بلهجتنا وماافتهمت شي
دارت روحها ومشت
بسرعه من يمي
ظليت صافن عليها الما طبت لبيتهم ذبيت
حسرة ومشيت لبيتنا انتبهت ماعون الدولمه على البنيد مال سيارتي
ذبيتو علي من شفت هالعار حجيت
صارت تشريب دولمه عوزها بس نثرد وناكلها
طبيت منكع مي وبردان كلش
نوار شافتني فزت وكالت
هاي شبيك متنگع هيج
سبحت بالشط واجيتج بماعون دولمه جانت
هم تسبح وياي
هااا
ااخذي يولي مو وكت فهاوه خلي اروح
ابدل واكعد يم الصوبه بردت كلش
اخذتو من ايدي ورحت سبحت بمي دافي
طلعت انشف بشعري اختي حجت
يله مالك تعال اتغده
وين تاليا
نايمه
كعدت بالمطبخ افكر بهذا شلون اخلي يجوز
من ليان ويگطع رجلو منها ومن المنطقه
كلها نوار كعدت اكبالي دحكت
عليها مبين عليها الخجل
عرفت وصلتها الاخبار من الحجيه
ماحجيت شي حتى ماتخجل بالزايد تغديت
وكمت رحت للغرفتي كعدت هناك خابرت
عم شعلان سلمت علي وكتلو
على هذا العار رد
استغفر الله يارب شجاي يصير بهل
الدنيا شبيها الاوادم تخبلت فد مره وكامت ماتعرف
الحلال من الحرام
ياعم هو ظلم هالبنت جثير وماجاز منها
رايح جاي عليها ومخليها عايشه برعب
هو نفسو الي تصوبت من وراه موو
اي هو نفسو
هينه يول دبارو عندي عوفو هساع ماعليك
بي ولاتطخو انا اعرف شغلي معه واعرف شلون
اگطع رجلو منها
تسلم ياعم انا كلت محد يكدرلو غيرك انت
ادلل ياابو تاليا الي تريدو يصير لك
سالتو
شخبار الزين وخالتي
خالتك بخير والزين راح يعرس بس تطيب
حرمتو من صوابها
الله يتتمها بالخير علي وعليكم
تسلم ياولدي ويوما الك
هي اجتي چدامي بشعرها الاحمر وعيونها
الزمرد
الوو
انتبهت لعم شعلان رديت
تسلم ياعم اذا كدرت الكي رحله راح احضر
عرس الزين
هلا بيك شوكت مااجيت ياولدي
بالمهلي ياعم
مثل ماكتلك ياامالك مااريدك تعاركو لهذا
الولد خلي يمي انا اكطع رجلو من هالبنت
ماتقصر ياشيخ
سكت للحظه سال
انت وش خصك بها تريدها يول
ها لا ياعم بس حنا انطينا اختنا لاخوها
يعني صاروا نسابه
هاا بالخير عليكم والله يسعدها لنوار
ويسعد الزين ويرزقو الذريه الصالحه
اللهم امين
رد وبعدين ترخص وراح
عم شعلان مااقصر ثاني يوم العصر
خابرني وكلي خابروا من الوزاره
وسولو كرصه اذن واخذو تعهد علي اذا كرب ليان
يفصلو من الوظيفه
كاعد بالمكتب وصافن على جهازي ردت اخابرها
اكول الها على السويتو بس ماردت بس
اسمع صوتها ردت اشوفها
ظل بالي وردت اطمن عليها هالشعور الي كاعد احس بي مااعرفت شلون افسره اول مرة هيج احس احب اهتم بيها واخاف عليها واغضب اذا شفت خوفها او حزنها
دخت من الافكار الي سيطرت عليه صارلها فتره
كمت اخذت السويج والجكاير بشير جان
ماكو رايح لاهل مرته بالبصره
سديت المكتب من وكت
ورجعت للبيت
طول الطريق هي محتله تفكيري ومسيطره
على عقلي اشوفها بين عيوني واحس گلبي اختلف
كلشي بي
مااعرف شلون كملت طريقي وصلت شارع
المشتل الي هي بي مفتوح وكفت سيارتي صفنت
علي دقائق مرت اني واكف بس
صافن علي طلعت گلبي
فز بفرح شافتني خلت الزرع بالگاع نزلت
ورحت الها ادحك عليها مبين باجيه من عيونها
الورامه روحي انمردت عليها حجيت
شلونج ليان
دارت وجهها مني وردت
الحمد لله
سكتت سالتني بتردد
اجيت على الزرع الردته
هاا لاا مو هساع بعد ااجيت على غير شي
دحكت لي ضعت بالخلقه وسهيت ردت
بخوف
خير مالك اكو شي يخص وسيم
لااا وين رحتي الشغله تخصج انتي
ااني
ردت وجاوبت
خلي نفوت جوه وافهمج شسويت
هاا اي تفضل
فاتت قبلي طبيت وراها ادحك للزرع يخبل
وحلو كلش مثل صاحبتو انتبهت
الها صافنه عليه وتريدني
احجي كلت
ليان تذكرين من كتلج رجل خالتي شيخ
جبير بربيعه وعندو جلمه يم الحكومه ويكدر
يخلي الوزير يحذر هذا الجان رجلج
ويكسر رجلي من يمج انتي
واهلج
ااي
ردت گوة كملت
اني خابرتو وكتلو علي وهو تصرف من يمو
وخله الوزير يهددو يفصلو من وظيفتو
اذا ظل رايح جاي عليج انتي واهلج
نزلت راسها ووجهها انطعن وصار دم
كملت بسرعه
ليان ااني تصرفت من يمي يعني جان
لازم واحد يوكفو عند حدو حت بعد مايجي
ويشوفج خلقتو ااا
رفعت عيونها اليه الجلمه ضاعت من حلكي
من خلت عيونها بعيوني سالت
مالك انت ليش كاعد تسوي هذا كله
گلبي صرخ بصوت هز روحي هزه قويه
لاااان احبج ليان
درت وجهي منها خفت لاتقره وجهي
وتعرف البيه
لان راح نصير نسابه واهل
سكتت واني هم وره لحظه كالت
تسلم مالك وكفتك هاي ماراح انساها
طول عمري
ادللي ليان
رديت بدون ماادحك وكملت
اترخص
الله وياك
طلعت بسرعه من يمها ورحت صعدت بسيارتي
صفنت بجمود على المشتل لزمت گلبي
الجان يدك بجنون حجيت
بخنگه
لان ااحبج يولي كاعد اسوي هذا الج
حتى اخوج وافقت علي لخاطر عيونج ماتظل
تبجي
🌿🌿🌿🌿🌿
ايهم
انهاريت ومتت بذاك اليوم الف موته بالدقيقه من
من شفت وسمعت ليان انخطبت
لهذا الي طب علينا ووكف بوجهي من ردت احجي
وياها وابرر الصار
تخبلت وبجيت دم مو دموع رحت شربت
الما وكعت من طولي جماعتي وصلوني للبيت
طبيت امشي گوة اسمع
اخويه يحجي بس ماافتهم كلشي
بس اردد
ضاعت راحت من ايدي
كعدت الصبح على صوت ابني يبجي راسي
يوجعني كلش لزمته بايدي الاثنين
والصار يمر بخيالي هي انخطبت وراح
تروح لغيري شفتها شلون احتمت بي مني
شفته شلون يدافع عنها ويغلط عليه وكلشي
ماكدرت اسوي وشاريد اسوي اني الضيعتها من
ايدي وخليتها تروح لغيري ابني ماسكت وزاد بالبجي صحت بخبال
سكتتتتي لهذا الا اجي اذبحج انتي ويا
طلعت بي ووراها امي
نترت بيه
هاااي بدال ماتجي تشوفه شبي تريد تذبحه
وتذبحني ايهم
اانجبي ولج ولاتجاااوبين لا اجي اكسر راسج
ااايهم كافي وحس عاد بابنك الي ماادري شبي بس يبجي وماايسكت
صاحت بيه كمت اريد اگبرها ابويه طلع
من غرفته باوع عليه بنظرات خلتني ادير وجهي
منه حجه
شبي انس
ماادري عمو شبي من جبته ولحد هسه
هو بس يبجي ونومه قليل
اايهم
باوعت علي من صاحني كمل
ودي ابنك للدكتور خلي يشوفه شبي
مااودي احد واجعله لايطيب وخرب بالساعه
السوده من شفتها لهاي هي ويا
رديت بغضب امي حجت
ولك يمه هو شنو ذنبه بالصار
ذننننبه هاي اامه
صحت بجنون وكملت بااعصاب
ذنبه هاااي يمه الي حرمتني من ليان
سكتت وكملت بغصه وعيون مغوركه
ارتاحي لارااا ليان انخطبت وراح تروح
لغيري
واذااا راحت لغيرك راح تبطل تحبها ايهم
صاحت بيه وكامت تبجي
صفنت عليها وعلى انس اليبجي بحظنها
هزيت راسي بلااا ورديت
لااا والله ماراح انساها طول عمري وللموت راح اظل احبها وتظل نفسي بيها
كاافي اابني ارحم روحك وارحمنا وياك كافي واقبل عاد بحياتك الي انت فرضتها على نفسك ومحد فرضها عليك
مارديت على ابويه مشيت بسرعه وصعدت لغرفتي طبيت وضربت الباب بقوه
مخنوك وجاي اموت من
القهر
مااعرف شاسوي عقلي ضرب هي راح تروح لغيري ولا گلبي ولا عقلي كدرو
يتحملون هالفكره
شأسوي يارب
صحت بجنون ولزمت راسي يايدي الاثنين لوحه الي اشتريتها من المتنبي صارت كدامي صفنت عليها ووجع گلبي خلاني انهار حاجيتها بتوسل
ليان راح اموت من قهري والسويته بيج وبروحي شلون راح اكدر اتحمل انتي راح تروحين لغيري واني لحد هاي اللحظه مو متحمل السويته بيج وبروحي
شلون ليان ياخذج مني واني احبج واموت عليج قصص وروايات عراقية كرار صلاح
سندت راسي على اللوحه دمعتي طفرت اشوفها
يمه وتحتمي بي مني اني الجنت المفروض احميها من كلشي صرت عدو والكل يريد يحميها مني
التفكير والقهر هدو حيلي ماكدرت اظل بدلت نزلت اسمع ابني يبجي اختنگت ماادرت بال لحجي امي ولا عتبها عليه من وره الشرب
رحت للمشتل ووكفت مسافه بعيده عنه شفتها طلعت تريد ترجع للبيت سيارتها مااشتغلت ظليت صافن عليها روحي ممروده واريد معجزه من الله تغير كلشي ردت اغمض افتح اشوف روحي جاي احلم والصار كله كابوس
انتبهت سياره خطيبها صارت وراها نزل وكف يمها ويحجي وياها مبتسم وفرحان بيها مثل فرحتي اني من خطبتها وفرحت بيها
ذبيت حسره حركتني حرك عيوني ظلت
علي فحص سيارتها وبعدين اخذها ويا مشو
عيوني عليهم شغلت ولحكتهم
ماجنت اعرف اتصرف عقلي بطل ينطيني
ايعاز بالتصرف الصح مشيت وره
گلبي والي يريده
وكفت سيارتي بشارع جانبي
نزلت اباوع الهم نزلت وراحت لبيتهم هو ظل
كاعد حرك وكف يم بيته نزل
طلعت شايله ماعون راحت
اله هو مبتسم ويباوع عليها بنظرات
خلتني الم قبضه ايدي بقوه
درت روحي رحت صعدت بسيارتي مبلل
بمي المطر ولا حسيت بي ولا شعرت بالبرد نار
مشتعله بيه وراح تحركني شويه
شويه
مشيت بسيارتي وكفت باوعت الهم
شافني هي اندارت وهم شافتني رجعت علي
لزمها يخزر بيه بغضب هد عليه هي لحكته خايفه علي وماتريده يتعارك وياي هالمنظر
ذبحني وخلاني احرك
بسرعه واطلع من
يمهم
ثاني يوم خابروني من الوزارة واجاني
تبليغ شديد اللهجه من الوزير نفسه واخذ
تعهد مني بعد مااحاول اتصل
او اتقرب من ليان
واذا سويته بعد انفصل من الوظيفه
عرفت هذا اله ايد بالصار طبيت بيتنا سمعت لارا
تبجي وادكول
يعني شنو ابني راح يظل هيج طول العمر
عكدت حواجبي باوعت لابويه كاعد ومبين علي القهر امي تبجي وياها وانس بحظنها سالت
خير شصاير
لارا ردت وهي تبجي
ايهم الدكتور يكول انس بي ضمور بالدماغ يعني ماراح يمشي ولااا يتحرك
سكتت كملت بشهكه وهي تباوع علي
لييش ابني صار بي هيج ليش شنو ذنبه حتى مايصير
مثل باقي الاطفال
بداخلي انعصرت علي بس
رديت بروده
هااي حوبه ليان
🌿🌿🌿🌿
شهم
حالتي تحسنت عن الاول بفضل هالولد الي
الله خلاه بطريقي وانقذني من الموت
افتهمت منو هو لگاني
بجوله فاقد الوعي وهدومي كلها محتركه
ادحك لحروگ جسمي طابت ماظل
بس اثر قليل سالتو
عن اي شي يخصني جهاز هويه كال
ماشفت اي شي
اريد اتذكر انا من ومنو اهلي مااكو ظلام
بدماغي وماجاي اتذكر اي شي
عرفت روحي منتسب لجن وين جنت
ادوام ماعرفت والولد خاف يسلمني لاي جهه
خاف تكع براسو سالفه ويروح بيها
وهم هو وره ماجابني لبيتو الصاير
باطراف الموصل سقطت واحتلوها الدواعش
لبدت يمو هو وامو اختو وماطلعت لاي مجان خاف ذوله يعرفوني ويذبحوني مثل ماذبحو جثير
منتسبين من الشرطه والجيش
كاعد ادحك للاخبار ماتبشر بخير هو يمي وامو هم حجت
الله يستر من الجاي راح تعلك واحنا النوكع
بيها
اختو طبت شايله صينيه جاي دحكت لها خيال مر من جدامي غمضت عيوني اريد اجلب بها اريد اعرف من هاي الي كلما تمر هالبنيه من جدامي المح
طيفها
فتحت هي ماكو اخوها تكلم بقلق
يمه بعد لاتخلين ريتاج تطلع بره سمعت ذوله
اي بنيه بالغه يزوجها لواحد من عدهم
يمه عزه العزاني اذا صدك
صاحت بخوف هو كمل وملامح الخوف ترست وجهو
اي يمه ذوله استباحو كلشي وخايف لا يجي يوم ويفتشون البيوت ويشوفوها لاختي خايف لا ياخذوها بالقوه صارت عند كم واحد وكلشي مااكدر يسوي لا لبنته ولا لاخته
امه كامت تبجي رددت
ولك وين اوديها ووين اضمها عن عيونهم
لذوله المايخافون الله
سكت اسمعها تبجي ريتاج طبت صفنت عليهم وبعدين دحكت عليه نزلت راسي اخوها تكلم
ريتاج بعد لاتروحين لاي وحده من صديقاتج
ولا توكفين بالباب واذا اندك لاتفتحي
امي هي تروح تشوف منو
الجاي
ليش احمد صاير شي
اكثر من هذا الكاعد يصير بينا يااريتاج
ماجاي تشوفين الوضع شلون صار وشكاعد
يسون ذوله الانذال بالناس
سكتت ماحجت شي كعدت حد امها التبجي
وتدعي عليهم
هيله
زين سوه الكال علي راد ياخذ وره ماتطيب
رجلي اهلي مااعترضو ولا اهلو
رادو زواجنا يتم بسرعه حتى يتفرغون
لسالفه الحشد العشائري
الهنوف وخواتها جهزن باسبوع كلشي
يخصنا انا ويا وكل يوم ينقص ويكرب زواجنا
اختنگ ومااعرف شلون راح اتصرف بهل
اليوم ارتبكت كلش وتوترت وهالشي
بين بي من كمت اعصب
على اتفه شي
امي حست بيه كعدت قبل زواجنا بجم
يوم وياي وحدنا تكلمت من شافتني انهديت
بخواتي لان لغن جثير بسالفه
زواجي انا وزين
ياهيله وش بلاج بعدج تنوحين بذيج
السالفه
عيوني غوركت مارديت كملت بحنيه
مايجوز يايمه حرام وانتي تعرفين هالشي
مايجوز انتي حرمته للزين وتفكرين بشهم الله يرحمو
اعرف حرام والله اعرف مايجوز افكر به
بس يايمه شلون اكدر انساه شلون اكدر
انسه ذيج السنين العشتها معه
بجيت بشهكه رددت بغصه
يمه ماجاي اتقبل انا راح اروح له
عقلي هذا ماجاي يستوعب انا راح اصير مرتو
للزين
شبيه يايمه ولد ماصار وشالنا شيل من الارض
هو وابوه وماقصر معنا بشي
اعرف وشفتو يايمه شسوه لي لجن انا مخنوكه
من سالفه اصير معه بدار لوحدنا
كاافي ياهيله واسمعيني زين هذا الكلام راح
تسمعي مني لاول مرة واريدج تفكرين
بي كلش زين
دحكت لها دموعي تسف على خدي
كملت
شهم الله يرحمو مااسوه ربع السواه زين لج
لو حبج من صدك جان داس على الكل
واجه خطبج ولو بحلقه وسد
حلوك الاودام الحجت
بيج
نزلت راسي هي كملت بحده
صح هو ابن اختي ومات لجن انا احجي جلمه
الحگ هو شسوه لج ماعافج يحجون بيج
ويخطبوج وهو ولا تحرك سمع كلام
اهلو وعافج للحلوك
الحجت بيج اكثر من مرة
بجيت بشهكه لزمتني من ايدي وكملت
دحكي عليه تذكرين من زين راد يجتلو
وانتي وكفتي جدامو
صفنت عليها هي كالت
الزين ماكدر يرمي لان انتي جنتي واكفه
جدامو وهو شسوه سمع كلام امو
وشك بيج عكب السويتي
له وضربج جدامو
تعرفين يولي وشفتي شسوو به الزين من
مد ايدو عليج راد يذبحو جتلو ولج وتعارك ويا
لان مد ايدو عليج هذا وين وذاك
وين عميه انتي ماجاي
تشوفين حبو الج
ماجاي تعرفين اكو فرق جبير بينو وبين
ابن اختي
مارديت نزلت راسي دمعتي تحدر وتذبح
بيه
كبري عقلج يبنت الخايبه ولاتضعين حبو
لج بهل الوكت ماظل حب مثل الجاي اشوفو
منو
جهازي دك جان هو اشرت
هاج شوفي شجاب لج اغلى جهاز وماقصر
معج بشي ولا ويانا فكي عيونج
واعقلي عااد تره جثير
حاسديج علي وبنواتهم تتمنى تخرب
قسمتج معه حتى ياخذنا لهن
دك مرة اللخ كامت وكملت
احجي معه وبطلي هاالبروده مالتج
لايضيع منج وذيج الساع تندمين ندم يظل
وياج طول العمر
سرت من يمي دحكت لاسمه فصل ورجع
دك مسحت دموعي فتحت الخط
حجه
هلا هيله وينج ادك عليج ماتجاوبين
امي جانت يمي وماكدرت ارد عليك
شبي صوتج
غمضت عيوني من حس بي متغير شويه
سكت كمل وره لحظه بصوت مخنوك
جنتي تبجين موو
عرف ومااعرف ليش يقراني مثل كتاب مفتوح
رديت كوة
لاااا
سمعت طكه الجداحه صوت النفس
من اخذه سمعتو رد
خابرتج اسالج محتاجه شي
لاا تسلم ماقصرت باي شي
سكت ،،،، ذب حسره
كمل
اترخص ورايه شغل جثير
الله وياك
سد الخط صفنت على صورتي غمضت
عيوني دمعتي حدرت رغم گلبي لان له وكمت
اشوف حسناته واتغاضى عن عيوبه
ماكدرت اتقبل اعيش
معه بغرفه وحده
🌿🌿🌿🌿🌿
زين العابدين
لا انا ولا ابويه قبلنا نسوي عرس من وره
ولدنا الي استشهدوا وانفقدوا
بالغربيه وبديرتنا
خلينا قدر لهم ولعوض وجم واحد من ربعنا
الي ماعرفو لحد هاي اللحظه اي خبر
عن ولدهم
بس عمامي اجوي وولد عم ابويه فزاع وربعو
وصعب عوض اجه بارك وعگب
ماظل فكدت حمد سالت صعب عنه كال مدري
وينو ادك علي مايرد عكدت
حواجبي ابن خالي مو عوايدو ماايكف وياي
بفرح يخصني اول الناس يجي
ويكف معي
واكف حد ابويه عريس والكل
فرحان لي لجن انا احس بروحي مخنوك
كلش ومتكدر حالي احاجي
نفسي واردد
يازين وش بلاك هذه هيله صارت لك
وبعد لحظات قليله تصير انت وياها بدار وحده عش مخنوك ومقهور وماتحس بالفرح
مو الردتها وجتلت روحك عليها صارت لك
المفروض هساع انت اسعد مخلوق على وجه
الارض
نزلت راسي رددت بقهر
لان راح تنزف لي وهي تتمنى ذاك
بمچاني
غمضت عيوني بقوه اريد ابعد هالافكار الي
هجمت عليه بهل اليوم وخلتني اتكدر
بيوم عرسي
يله يازين
دحكت لابويه من تكلم اشر بايدو اسري
هزيت راسي وسريت معه لدار هيله اسمع
الولد يغنون لنا سامري
اابويه رد من
رفع عبايتو
عاشو عيالنا عاشو عاشو العزوة
تعيش بعز ياشيخ
ردو بصوت واحد گربنا يم دار هيله
عم حميد تلاكنا ابويه خذو لحظنو تكلم
جايك اخذ بنتي لولدي
وهي لك ياخويه
لزمو من ايدو ودشو سوه انا وراهم دحكت
لها مگبعه بگبع ابيض مابين شي منها
امي جدتي حدها هي وخواتي كامن
يهلهن ابويه اشر
لهن سكتن
راح لها امها كومتها منزله راسها
ماارفعتو ابدا تكلم
مبروك بالغاليه يبنت الغالي
ردت بصوت مخنوك
الله يبارك بك ياعم
تعال ياولدي واكف يم حرمتك
وكفت حدها عم حميد كرب حبني
وكال بتاثر
مبروك ياولدي وشايفين كل الخير
حبيتو من راسو ورديت
تسلم ياعم
جدتي تكلمت
يااشيخ
سمي يمه
سم الله عدوك ياولدي اريدكم تزفون الزين
هو وهيله العرس صار سكته من،،، وره الكدر
الي حنا به لجن لازم نشهر هالزواج حتى
تعرف الاوادم حنا عدنا عرس
واخذنا حرمه لولدنا
ابويه هز راسو باي ورد
الي تريدي نسوي لج ياشيخه
عشت ياولدي
تعيشين بعز يالغاليه
🌿🌿🌿🌿🌿
هيله
واكفه بنص اهلو واهلي واحس قوتي
راح تخوني واگع من طولي تعبت بهل الاسبوعين
جثير والتفكير والخوف خلاني مااعرف اتصرف
عفت روحي لاختو الهنوف وهاجر
هن رتبن كلشي
ادحك لروحي بالمرايه وره ماخلصتني
ام الصالون الكل يگول طالعه تخبلين وحلوه
جثير لجن انا ماشفت روحي حلوه
شفت الحزن تارس عيوني
ووجهي مطعون من
القهر
ردت احس بذاك الاحساس الي تحسو
البنت بهل اليوم ماحسيتو لان ماجنت راح اروح
للانسان الي احبو واريدو
الكل يمي لجن انا احس بروحي وحيده ومكسوره
ظهر ردت ابجي ماكدرت كتمت البيه
حتى ماافضح كسرة
گلبي
لبست البدله البيضه واسمع كلام الاعجاب
من خواته الهنوف وهاجر وامي وخواتي ابتسم
گوه وبداخلي صرخه حزن
كعدوني بالديوانيه امو يمنا هي وجدتو
فرحانه بينا كلش وادحك لي بحنيه عكس امو
مكدره وگالبه الخلقه الكل حس
بها لمحت الهنوف اكثر من مرة ادحك لها بعدم رضى وهم لخواتها امنه ورهيفه لان
جانن شايلات خشمهن علينا
نزلت راسي وغطيت جتفي وصدري
بالگبع لان البدله جانت مو مستوره سمعت
سامري الولد وكالو اجه الزين
گلبي هبط وحسيت بوجع بمعدتي غمضت
عيوني بقوه دمعه طفرت ومسحتها
بسرعه
دش هو وعمي وابويه مارفعت راسي
ولا دحكت لهم ابوه اجه بارك لي ورديت بخنگه
سمعت الحجيه طلبت منو يزفونا لان ماسوه
لنا عرس من وره الكدر الي
حنا به
وصار الي طلبتو سمعت صوتو تكلم
بصوت قوي
يالهنوف مااريد احد من الود گريب من الدار
خلي الكل تطلع للشارع
ااي هساع اكول لعبد العزيز
ردت وهو همس يم اذني
غطي روحج زين مااريد اي شي يطلع منج
الگبع جان مغطيني عدلتو گوة وبايد ترجف
يله ياهيله
هالجلمه مااعرف شسوت بي رفعت راسي
دحكت لامي بعيون مغوركه اشرت براسها واجتي حدي
وكالت بهمس وعيونها
مغوركه
اسري مع زلمتج يمه وبيضي وجهي انا وابوج
بلعت غصتي ودمعتي ادحك لخواتي
كامن يبجن عليه لان راح اروح من يمهن حظني
وصارن حوالي ام زين بهذا الموقف تكلمت بنغزه
عش تبجن عليها قابل راح تروح لديره بعيده
هينها حدكم نفس الدار ونفس الديره
رفعت راسي لها دارت وجهها
من عندي ومبين عليها ضايجه كلش عيوني
راحت لزين يدحك لها وهو عاكد الحواجب دار وجهو عليه نزلت راسي
الهنوف تكلمت بسرعه
يله يازين خلي نسري الربع منتظريكم
ااي يله ياهيله
لزمني من زندي سريت معه اتعثر بالبدله مااعرف شصار بيه جسمي كلو كام يرجف خفت من هاليوم رغم هو تعهد لي مايطخني بس كلت راح يخلف وعدو بس نصير انا ويا بغرفه وحده
تعثرت اكثر من مرة الهنوف ساعدتني هي وهاجر وريمه سيارتو جانت يم باب دارنا تكلم
خلها تصعد ليجدام
البنات ساعدني صعدت يمو رتبن البدله لي وسدن
الباب ادحك لامي واكفه هي وخواتي وماصعدن
وي احد زين نزل صاح
فزااع ياخويه
سم يااشيخ
سم الله عدوك خذ خالتي والبنوات معك
تأمر
مايأمر عليك ظالم
رجع صعد يمي وكال
يالله
مادحكت له غطيت وجهي كلو ولميت الگبع على جسمي سمعتو تكلم
البدله ماخذه مچان واسع وفرشت حتى عليه
مديت ايدي اريد اوخر منو لزم ايدي بهداوه ردت اسحبها منو كال
خليها ياهيله وطشي الفرحه بگلبي بهاليوم
رفعت عيوني له
🌿🌿🌿🌿🌿
زين العابدين
صفنت بعيون هيله وضعت وضيعت كلشي الكحل والمكياج مدري شمسوي بخلقتها طالعه تجنن وتخبل ادحك للشفه حمرة بلون
الرمان والخدود مشتعله
بنار
نزلت راسها تكلمت بصوت مخنوك
ان جان للگلوب سلطان فانتي ياهيله سلطانه
گلبي وروحي
مادحكت لي صوت هورن طلعني من حاله العشگ التلبست بي الكل
ينتظرنا هديت ايدها شغلت وطلعت مبتسم وفرحان وغم الهوجست به قبل لحظات ردت افرح بها وازفها بايدي وخليت
امل بگلبي هي وي الايام
راح تحبني حبا جبير مثل ماانا احبها حبا مااينوصف
طلعنا بزفه حلوه كل مشوار ادحك لها مارفعت راسها ظلت خاتله جوه الگبع حسيت بها خايفه من هاليوم ومتوترة كلش
سياره فزاع صارت بصفنا تكلمت
شوفي امج وخواتج ياهيله
دارت راسها عليهن ساريه تضحك لنا هي وريهام ويأشرن لي اشرت بايدي
لهن فزاع دك هورن واشوفو فرحان لي
ماطولنا بالزفه عگبنا وره ساعه لان الدنيا ذبت ثلج وبردت
🌿🌿🌿🌿🌿
ليان
افتر بيتنا وفرحانه كلش لان اليوم عقد وسيم ونوار وبنفس الوقت افكر بتصرفات مالك يجي بالي شلون هد على ايهم وراد يتعارك ويا من شافه بشارعنا ووشلون خله هذا الشيخ قريبهم يحجي وي
الوزير وخلاه يگطع رجلي من عندي
الكاعد يسوي عرفته اهتمام بيه ويجوز حتى حب وكفت هزيت راسي بلاا وكملت
لاا مو حب لو يحبني جان استغل موافقتي علي وقبل بيه مقابل موافقته على اخويه انداريت من سمعت صوت صديقتي
ليونه جبتي تقديمات المهر
اي تماره جبتهن ووديتهن لبيت مالك شوفي هاي وحده منهن
تنعوصت بالكلام
ااوي فدوه شلون كيوت وتخبل شوفي روان
ارؤى شوفن الجمال والنزاكه
ابتسمت وظليت ارتب باقه ورد طبيعي لنوار وسيم نزل مزين وكاشخ والريحه تخبل
تماره كامت تهلهل اله هي وخالتي ماجنت اعرف اهلهل بس قلدتهن واني اضحك
وووعريسنا جگليته حامض حلو باكيته
روان كامت تغني اله وتماره وياها
هاي الرادها وهاي التمناها بنت الشيخ لابن ااشيخ جبنها
البنات وخالتي سوو جو حلو اله اباوع اله فرحان وخجلان كلش من عدهن وهاي فرحته تسوه عندي الدنيا ومابيها
ها ليونه كملتو كلشي
اي اكلك همزين سوه العقد بيت مالك صارت
الشغله سهله علينا كلش ناخذ الغراض ونوديها گبل الهم ههه من الحايط
ههه اي والله
رد علي بضحك فرك راسه وره لحظه نزل راسه يمي وسال
نوار شفتيها يعني شلون طالعه
حلووه تخبل جبتها قبل شويه وطالعه تجنن
ابتسم والفرح ترس وجهه ماما اجتي من الغرفه
كاشخه حجت
ها كملتو
اي كملنا
رديت ارؤى كالت
خاله شفتي ليونه طالعه تخبل
ابتسمت ماما ردت
ليونه من زمان حلوه وبدون مكياج هي تجنن
سمعت صوت خوالي ورسول وابوه واخوته
بابا جاب مشايه جبيره لاخويه النسوان طبن باركن
النا وظليت اسمع منهن كلام اعجاب بجمالي الي كمت اشوفه نقمه مو نعمه
بابا اجه حجه
كملتو كلشي
اي ابو وسيم
يله لعد روح قبلنا واحنا نجي وراكم
اي هسه نروح
ماما ردت وراحت لبست بشت رجعت اخذت نسوان خوالي وكالت
يله ليونه خلي نروح
هسه ماما بس البس شي على البدله
اخذت كاب فرو لبسته فوك البدله ماغطها كلها خليت شال شلون مچان وطلعت
وياهم رسول شافني لان جان واكف بره هو ووسيم
صوفر باعجاب وكال
وولج هااي شلون طالعه عبالك انتي العروس
اني امون علي وهو هم رديت
راح اكول لخطيبتك بس اشوفها وافتن عليك
واكول الها طالعه عيونك وكمت تتغزل بيه
ههه لا يمعوده تصدك تره وتزعل عليه ويجوز انطرد بس اروح عليها
حيل بيك ابو عيون زايغه
طبيت لبيت مالك امه استقبلتنا هي وزوجات اخوته ونسوان مااعرفهن جان باب الاستقبال مفتوح وكاعدين بي رجال مالك يحجي وي واحد هذا صفن عليه مالك دار وجهه عكد حواجبه باوع عليه من فوك
ليجوة كام لحيله واجه سد الباب صفنت علي من
شفته تصرف هالتصرف
لياان تعالي
سمعت صوت ارؤى فتت من المطبخ الصاله جانت متروسه نسوان وبنات اقربائهم هوايه ظلن يباوعن عليه باعجاب تماره حجت بهمس يم اذني
ليونه راح تطلعين منا مخطوبه
مارديت لان جنت رافضه الفكره كرهت الزواج وكرهت شي اسمه رجال
وخفت اعيد التجربه وهم انصدم صدمه يجوز اروح بيها هالمره
رحت بوست نوار الطالعه تخبل ومبين عليها ااخجل انطيتها باقه الورد وحجيت
وسيم سأل عليج وكتله طالعه تخبل
وجهها احمر وماعرفت ترد كعدت يمها فرحانه
بيها كلش لان اني احبها وارتاح الها حسيتها هي
واخويه نفس الشي بالاخلاق وطيبه الگلب
انتبهت تاليا بحظن ام مالك تبجي وضايجه
كمت بسرعه رحت عليها حجيت وي خاله
شبيها توته ليش تبجي
مدري يايمه عبالك تنحست من الاوادم وضاجت
هاا جيبها خلي اسكتها
اخذيها يمه بلكي تسكت عندج
اخذتها من ايدها ابتسمت وگلبي مااعرف شيصير بي من اشوفها حجيت بحنيه
ومشيت بيها للمطبخ
لان جانت هوسه بالصاله وازدحام
ااش حبيبتي لاتبجين وخليني اشوفج شلون طالعه
كعدت هناك رفعتها لفوك وكلت
الله شنو هالجمال تخبلين توته وطالعه عروس
سكتت وظلت تحجي وياي
خليتها بحظني تكمز وتاشر لبره
بارده بره تتمرضين اذا طلعتي وتصيرين اووى
سمعت الشيخ راح يعقد كمت بسرعه ورجعت
للصاله وكفت يم باب المطبخ الداخلي لان جان ماكو مكان اكعد بي
اباوع لنوار كعدوها يم باب الاستقبال وكلت ابوها وبدو يعقدون الها على اخويه
فرحانه اله وبنفس الوقت تذكرت يوم مهري غمضت عيوني دمعت نزلت راسي ماريد ابجي
بس ايهم وذاك اليوم سيطرو عليه وخلوني
اختنك درت وجهي طلعت بتاليا ووكفت باب المطبخ الخارجي
القهر سيطر علي وكمت اتذكر كل لحظه
عشتها بذاك اليوم فرحتي بي فرحته
بيه نظرات كلامه السواه
اليه كلها مرت
علي
ايد لزمت وجهي انتبهت تاليا صافنه عليه ومبرطمه ابتسمت بصعوبه لان شفتها
تاثرت بدموعي وراح ترجع تبجي
شوفي هاي تشبه كيتي
اشرت لبزون يفتر بالحديقه باوعت عليها كامت تكمز بحظني بفرح وتاشر الها
تعالي
عوفيها لهاي هسه من ارجع لبيتنا ادزلج كيتي وي عمو وسيم
عدلت جاكيتها الابيض الي لابسته على البدله البيضه بستها من خدها
سمعت صوت الهلاهل
باوعت للباب الاستقبال صارت هوسه والكل كام يبارك لاخويه
🌿🌿🌿🌿🌿
هيله
واكفه بنص غرفتي انا وزين حدي امو وامي
وجدتو والهنوف تبخر بمبخره وريحه العود
طشت بالمجان
لازمه ايد امي بگوة مااريدها تهدني وتروح
سمعت صوت هوسه الزلم عرفت زفو الزين
دحكت لامي بعيون مغوركه عضت شفتها وهمست يم اذني
ياهيله لاتفشلينا انا وابوج وارفعي راسنا بهل اليوم جدام ولد الشيخ واهلو
بلعت غصتي ودمعتي نزلت راسي من لمحتو طب جدتو تكلمت
تعال يبعد جدتك گرب يم عروسك
عيوني بالارض شفت طرف دشادشتو والبشت الي لابسو امو تكلمت
مبروك يمه وشايف كل الخير
الله يسلمج يمه
رد وجدتو گربت اخذت ايدي من ايد امي وخلتها
بايدو حسيت بحرارتها عكس برود جسمي تكلمت
يااازين منك المال ومنها العيال ومبروك يايمه والله يجعلها ليله مباركه الك والها وزواج الدهر يارب
اللهم امين
رد بتنهيده امي كالت
مبروك يازين والله يجعلو زواج الدهر ويرزقك الذريه الصالح من هيله
امين ياخاله
سحبت ايدي منو واتجنب ادحك له منزله راسي بس رفعتو من امي حبتني وكالت
اروح يمه مااوصيج بزين خلي بعيونج ولاتقصرين معه بشي
عيوني غوركت راحت له صافن عليه بنظرات خلت گلبي يدك بخوف وهبطه صارت بمعدتي
انسحبت من يمي هي وامو وجدتو وصلهن للباب وسدو درت روحي بسرعه
حتى مااشوفو من يندار
سمعت خطواته ورايه عضيت شفتي بقهر كلت راح يخلف عهدو معي شفت نظراتو لي فاضحتو وفاضحه شوگو اليه
تكلم وقره افكاري
🌿🌿🌿🌿🌿
زين العابدين
جنت اتمنى هاليوم وصار ورضيت مااسوي اي شي لها الا وهي تحبني مثل مااحبها
كلت اصبر عليها وهي يجيها يوم ترضى بيه
درت رروحي من سديت الباب هي بسرعه اندارت حتى مااشوفها ابتسمت
وي روحي سريت لها وكفت وراها ادحك طوف البشت طخ بثوب عرسها
رفعت راسي دحكت للمرايه شفتها تعض بشفتها ومبين عليها الخوف تكلمت
ارتاحي ياهيله عهدي محفوظ من يمي لجن
رفعت راسها انتبهت عليه ادحك لها بمرايه الميز
تواليت كملت
لجن الايام راح تخليج انتي الي تكسرين هالعهد من يجيبج الشوگ اليه
سرت خطوه ليجدام دارت روحها عليه صفنت على خلقتها والگلب ضاع بكل تفاصيلها درت وجهي منها من حسيت بروحي راح اضعف ذبيت البشت
وخليتو على الكرسي
تكلمت بدون ماادحك لها
بدلي حتى نتعشه
ااي
ردت بصوت مخنوك سرت تسحل بالبدله وراها ادحك لها بطرف عيوني والگلب يريد يخون العهد وييسوي المشتاگ الو
اخذت هدوم لها وراحت للحمام
من دشت له بدلت ولبست كلابيه رحت كعدت مهدود حيلي جسمي جان متشنج كلش وكاضب روحي گوة
حتى مااكسر جلمتي معها
اعرف اذا سويت هالشي راح اگع من عيونها وادكوم تكرهني بعد اكثر
فركت وجهي اريد اصحى اطير الكاعد افكر به دحكت لفوك وكلت
يارب منك الصبر صبرني على الجاي احس به وبرد نار گلبي الشابه بضلوعي
فزيت من سمعت طبه
قويه ووياها عيطتها
