رواية الطاغية والمغرور الفصل الثلاثون بقلم يارا الياسري
.قُل للذي مَلأ التشاؤم قلبهُ
ومضى يُضيقُ حولنا الآفاقا
سرُّ السعادةِ حسنُ ظنك بالذي
خَلق الحياةَ وقسم الأرزاقا
_________________________________
رحيق
بقيت مصفنة بفراغ والرؤية تتوضح بس وجع
بكل راسي بعدني مامستوعبة شي بس
مثل ليكعد من نوم طويل
بعد تعب شديد يكعد وشبه ممحي من راسه
وين منو هو ؟؟
اجه الدكتور يفحصني واني مستغربة
اباوع بتعجب بعد لحضات بقى يشوف عيوني
يفتحهن وخله ضوه بيهن حجى ويا الممرضة
وضعها مستقر .
والاسمر يمي ماعرفت
لزم ايدي نترت وبعدت أيدي
وتساءلت أني وين ؟!!شجابني لهنا ؟! أهلي
أمي وينها ؟! انت منو ؟
الدكتور أهدي هذا زوجج وانتِ تعرضتي
لحادث .
رحيق زوجي بتساؤل أني متزوجة ؟!!
تنهد شيراز بقهر حبيبتي أهدي بنص هالخبصة
دخلت خود ماصبرت ووراها أبهر خود من
شافت عيوني مفتحات بقت تصيح ماما
ماما وركضت علية اني بعدني مصدومة
وعقلي مايستوعب صرخت بعصبية عوفوني
لزمت راسي باطراف اصابعي منو أنتم ؟!
أني ليش هيج ماعرف أحد منكم ؟
حسيت راسي راح ينفجر اريد أتذكر ماكو
أيدي اليسرى منملة بصعوبة أحس بيها .
لارا : من طلع شيراز ناد للدكتور ورا شوية
بقت تحوس خود ودخلت تركض لان سمعت
أبوها من كال گعدت عاد من فاتت فتت
وراها اني الاصل أبقر برااا
صرت ورا أبهر وخالتي مضيعة لا هاي
هية طاح حظج يالارا وهاي خود بقت تكمز
مثل الضفدع ماما ماما وتبجي هي مال
ضفادع خلي نفتهم شبيها وشيراز مخبوص
بيها وخالتي لزمتها الحالة النفسية بقت
تصرخ بصياح.
تذكرت هذا ليصيح واجت الخالة النفسية
حصرتني ضحكة
مو بيدي التحشيش في دمي يسري
والدكتور استلمن دك
طرد وصاح الممرضة قلعتنا تقليع
تحممات ورا ماطلعنا وهذا أبهر مكابل خود يدلعها
ردت اسطرها راجدي اعدل وجهها شهالدلع عابت
وشيراز يحوس يمين شمال عبالك محصور للحمام
هسة حمدوا ربكم رجعت فتحت عيونها ولاحكين تتذكر
عاد شلون ذكريات عدها طايح حظ حظها .
طلع الدكتور ركضن عند عبالك يوزع قيمة
كال بهدوء ولايبذر اعصابه
الدكتور : حاليا انطيتها مهدء بعد ماتكعد راح يكون
تواصلن وياها قليل وبدون ضغط عليها اول شي نوصلها فكرة انها
متعرضة لحادث خطير وبعدها نخبرها انكم عائلتها كلشي
نسوي خطوة بخطوة وتصرفها طبيعي
گعدت من غيبوبة ومامتذكرة شي
لارا : كمزت من يمي دكتور يعني هسة شنو ؟؟
الدكتور : مافهمت سؤالج
لارا :والله اني الي مافهمت حرف من لكلته
احجيلنه يعني هسه تبقى هنا؟
يمته ترجع ذاكرتها؟ شنو لازم بالضبط نسوي ؟
اني احجي منطلقة وشيراز لو بيده يخنكني وأبهر
مخلية أيده على خصره ومراقبني باوعتلهم
وبقلبي كلت حقك حقك أبهر وين شايف هيج
جمال .
شيراز : أدخل وتشكر من الدكتور وغلس
على أسلتي.
حجيت بعصبية انت ليش ماخليت يفسرلي؟!
ترى هاي خالتي ومثل أمي.
خود كمزت من يمها لا هاي أمي .
باوعتلها ولا زم اقصف ادري أمج ماخذتها
منج لو مسويتها تشريب .
وأشوف شيراز مخنزر وأبهر حاصرته الضحكة
شيراز : بغضب زجر بية صوت ماسمعلج
وگدامي أمشي عندي حجي وياج هواي
انتي وأبهر أمشوا .
لارا : وخالتي ؟!
أبهر: بعد أربعه وعشرين ساعة يلة تگعد
وتحس على لحواليها.
لارا : ليش مصعبها كول يوم وخلصني .
عاط شيراز أمشي كدامي ماسمعلج صووت
لا أكص لسانج .
باوعتله بعدم اعجاب وبقلبي گلت عوزك
يالكليجة المحترگة يكص لساني .
گلنا صعدن بسيارة المسؤل بس شنو هيبة
هيبة وصدر ديوان يالارا أم لسان أجت ببالي
هالكولة وحماية كدام وسيارة وراا عبالك
يحرسون الاميرة ديانا هو شيراز الكليجة
المحترگة .
بس لا لا هذولي علمودي يحرسون جمالي
المكنون.
عاد عشت الدور ومن وصلنا لشقة أبهر
نزلت مصدكة روحي لحد ماصاح بية
شيراز وكال سيادة الوزير من رخصتج
تتفضلين .
اني عشت الدور رفعت حاجب ونزلت
هو كفخني على راسي وكال بوية
عساج أنتي بمكان رحيق.
حجيت بانفعال بسيطة بسيطة اذماكعدت
رحيق ةاكلها تجذبون عليها ماتسمى لارا .
أبهر من وقت المستشفى وأني ميت ضحك
على سوالف لارا عبالك طفلة وأنوب تصرفاتها
وبراءة شكلها اصفن الواحد أخر شي ماتحملت
وطكيتها ضحكة من هددت خالي تكول لرحيق
حسيتها طفل عنقود العائلة الي من ينكتل
يهددهم بامه ههههه بس شكله وهي تكول
وبثقة مووتني ضحك أنتجيت على السيارة
وضحكت بعلو صوتي خالي اندار بنظره الي
متسائل واني مابية احجي بس أضحك وهاي
الفاهية تضحك على الواهس هههههه
ماتدري خالي راح يسحلها .
نتر بيها بغضب وجزع من تصرفاتها هي
غزت بحواجبها ودخلت هيج وحدة لأأبالي
بعمري ماشايف .
لارا أول مادخلنا. هضمت دم وكلتلهم البيت
بيتكم لا تستحون تفضلوا تفضلوا جاي
كهوة ووالا عصير يبرد قلوبكم .
أبهر صافن مترقب تصرفاتها الخبلة
هي كالت هيج وخالي نزل بيها دوسة ونص
شيراز: انتي شكد صلفة وماتستحين لج
خاف عبالج تتمادين واسكت أشمرج بالشارع
وأخليج تحيرين بروحج جري عدل لخاطر
خالتج مستقبلج ومتحمل رعونيتج .
وراح احجي كلام خلي حلقة باذنج ويكون
تغلطين بشي حتى أشوفج شي عمرج ماشايفته
سالفة تهدديج واكول لخالتي انسيها لا أفقدج
ذاكرتها وعمرج ماتلگيها .
ثانياً لازم الكى سبب مقنع بوجودج يمها .
لارا أستمع بتمعن وهالكلام بعد مادخل خود
بالغرفة حتى ماتسمع شي وأبهر أنطاها لعبة
بالتلفون أني مستمعة بصمت عباله خايفة
بس اني جاي أدور على حجة تقنع خالتي
وبنفس الوقت تفيدني وخطر أبالي اكوله
كللها اني خطيبة أبن أختك أبهر ومتعاركة
ويا أهلي وانتم مستقبليني أقنع سبب .
أي خوش حل هالكلام براسي خلص واني
نطقت وكلتله بفكرتي گلت هيج وهذاك أبهر
تسودن .
أبهر : انتي صدك ماتستحين تخبلتي انتي
عقلج ترررلي شنو خطيبتي شنو متعاركة ويا
أهلج شنو هالتمسلت لارا صمي حلكج لا
أطلع روحج
لارا بس خنفهمك خنفهمك اسكت خنفهمك ..
صاح شيراز بمللل وجزع فهمينه أم الفهم .
لارا :سمعوني اني هواي اشوف مسلسلات
صارت عندي خبرة بحياگة الحبكات ..
شيراز صاح بصوت رعدني أحجي اااااحجي
لا تتفلسفين لا بالنفاضه .
لارا تنهدت اهووو مااحجي فوك ماحاجتكم
يمي تذلوني .
صح شيراز عصبي وسلطة وحماية بس
ماخذة راحتيبالحجي لان مامعقولة يقتلني
شيكله لخالتي شكلها خالتي راعدته
رعد ومسيطرة .
قابل يقتلني لان لساني طويل صح هو مخيف
شخصية وهيبة بس مو لدرجة يصكني
علمود كلام وخبال .
المهم من عاندت هذا تخبل وكال لابهر
هاي ماتضل يمك للشارع أشمرها خلقتها
ماريد أشوفها وأذ ساعدتها .
أبهر : خالي على كيفك ترى هي رعنة
ماتعرف شتحجي مو صح لارا .
لارا :صح مرات أجفص بس مو رعنة احترمني .
شيراز: خزر أبهر هاي ام لسان ترؤد أتحملها
هاي أخلي طلقة براسها .
لارا : من شفتها صدك عززا راحت مخططاتج
يالارا كلتله سوري سوري ترة اني من التوتر
صرت أصب حليب بالقوري .
ضحك أبهر وكعد هو وخاله .
شيراز: بعيونه الكورية عاقدهن بشكل مخيف
فتح رجلي وخله عكسه على فخذه يله
أحجي بدون ماتعلجين بالكلام..
لارا: بثبات اي تمام شوف كللها انك تزوجتها
على حب وأهلها ماقابلين فتبروا منها وتحجي
بس ويا أمي وبيبتي هو جدي صارله قرن
ميت حتى عظام تفتتن زين لان من راح
تكلها زوجها تكلك وأهلي وهي ماتدري
هناك حتى فاتحة مايقروالها المهم هسه
اني تكللها اجيت ويا أمي أتعالج أمي
وشافني أبن اختك انت خليت يساعدنا
وصار بينه أعجاب ووكع بجمال عيوني
الخضر وأكيد حب من اول نظرة من شاف
عيونؤ تخبل .
کلت هيج وهذا أبهر تخبل
أبهر هلو هلو أمشي وكعتني بنظرة وحدة
خالي ماعليك بهاية متاثرة بالافلام .
أصلاً أذ ماتعرف بوجودها أحسن .
لارا :لا بله شنو ماتعرف بوجودي والله
افضحكم واخبرها
شيراز :بغضب وضرب الميز بقوة برجله
همرجعت تهددد وأجه بغضب عليها
جرها من شالها بكل عصبيه .
لارا : اااخ ااخخ شعري على كيفك أشاقة
والله والله مو قصدي .
شيراز: تهددين منو. والج منوووو تهددين؟؟!
أبهر: تدخل انقهرت عليها صح هي فالت لسانها
بستحجي برعونية وبراءة ماتحسب .
خالي عوفها خالوا عوفها خطية عوفها .
ماتقصد وداعت عيونك تلكى ابليس يصيح
براسها .
لارا : كولش حسيت بذلة وأهانة حقدت على
الگليجة المحترگة بس أبهر حيل أحب مواقفه
صح مرات ينتر بية .
وخرني من أيد خاله وحجى بهدوء وياية
من شاف عيوني مغورگات ماتحملت دفعته
خفيف ورحت للمطبخ شهكت .
بعدني مامغسلة وجهي ودخل أبهر
أبهر : لاتنقهرين أستفزيتي طلعتي روحه
مو زين وصبر عليج لليهسه.
لارا : دافع عنه غيرخالك واني وخالتي
من الشارع .
أبهر محد جاب طاري رحيق وأنتي مو من
الشارع بت ناس وعالم رغم جفصتي
وعفتيهم .
لارا: لعد شسمي تهديده الي يتقاوى لان يعرف
مالي سند غير خالتي.
أبهر : السند الحقيقي الله وبس محد سند
أحد محد يگدر يتقاوى عليج لو لزمتي
لسانج غسلي وجهج وتعالي قبل لايعصب
أكثر.
لارا : فرحت المن أجه وراي عاد أكو من يهتم
بمشاعري اليابسة غسلت وطلعت وشيراز
مغنتب
كال
شيراز : كلمة وغيرها ماكو نمشي بكلامج
وياويلج لو زل السانج .
ابهر أعترض خالي تحجي صدك؟!!
شيراز : أي فترة على ماتتحسن ولاتخاف
مستحيل أسمح لوحده مثل ام لسان
تصير مرتك لو تنجبرعليها فترة وقت .
حتى نبرر وجودها بالبيت .
لارا : سكتت خفت لا يسحلني بس أنقهرت
من كال مثل هاي شبية عابت وهالشي
خللني أصر أكثر أخلي أبهر يحبني
ويتخبل علية حتى يعرفون قيمتي
هدفت وخليت أبهر براسي وأني لو
أحط شي براسي أسوي أسوي .
عافني وطلع هو وأبهر ولارا باوعت
من البلكونة كعد يحاجي وبعدها حركوا.
تنهدت وكعدت على. القنفة حجيت بغصب
وووعيد بسيطة والله اذماصرت زوجة
بذمتك يأبهر وأهز براسي عبالكم أسكت
أرد الاهانة أضعاف صبرولي .
نمت ومنه لثاني يوم أجه أبهر كال
نروح للمستشفى .
لارا خالتي گعدت ؟؟
أبهر : لا .
لارا :لا عبالك تقصدت بسماكو شي يقنع
بوجودي .
أبهر : عادي گلها أشهر وتخلص هالتمثيل
لارا سكتت وبدلت سويت ريوك بسيط
أكلت شوية .
شو أتصل شيراز بابهر وبلغه لا ياخذني
عصبت شمعنى هالكلام.
أبهر : لان بعدنه ما شارحين وضعج للبيت
خالي انطه تعليمات بخصوص رحيق وبس.
لارا : تمام فهمت بعصبية حجيت .
أبهر : ومرض لاتعيطين .
لارا : كعدت مكتئبة هو عافني وطلع
شمرت الكوشاية .
_________________________________
بالمستشفى .
رحيق بديت أكعد وهالمرة صداع أخف
بس تنميل بيدي اليسرى كالعادة نفسه
لكالوا زوجي هنا.
غمضت بتعب وبلعت ريك مي عطشانة مي.
شيراز : لحضة انطيتها مي مبينة هادئة
رحيق دنكت ومطيت شفتي صارلي شكد
نايمة هنااا ؟!
شيراز :تنهد بقهر شهرين ونص .
رحيق ببرود :الي اجت البارحة صح بنتي ؟!
شيراز غمضت وجاوبتها واني متحضر
للكذب كله اي بنتج وأني زوجج .
رحيق درت وجهي علي ليش ماجاي اتذكر؟!
شيراز: لان الحادث فقدج ذاكرتج سوة
اني وياج نتذكر كلشي .
رحيق : يمته أطلع؟ كلتها ببرود وتعب احس
شعور بارد بجوفي فرراغ ماعرف مشاعر
كلها سلبية شعور مكروه تحس روحك
غريب غرربة عقل تفكير ناس مكان وكانك
لاوجود لماضيك حتى حاضر مستقبل
مالك لان ماتعرف هويتك شنو منو انت؟!!
سالت شنو دليلك على اني زوجتك ؟!
شيراز : تنهد سيطرت على غضبي
حبيبتي شبيج؟!
بس مع ذلك هذا عقد زواجنا طبعاً أتصرفت
وسويت على عقد زواجي من جلبهار
نسخة مع تغير بالحاسبة الاسم لرحيق ..
أنطيتها قت صافنة .
لزمت ايده بحنية وكعدت مقابليها حبيبتي
أني زوجج ثقي بية انتي روحي وماي عيوني .
والفرح لعمري وحياتي ..
رحيق خايفة ماجاي اتذكر شي .
شيراز طبيعي حادث قوي.
رحيق نزلن دموعي بتعب .
مد أصابعه بحنية ومسحهن وجرني لصدره
حضني بقوة ومسد على ضهري وبس
أنفاسه تنسمع ماادري ليش أرتاحيت بحضنه
وحسيت مألوف عندي هالعطر رفع راسي
باسني بجبيني وبخدودي باوعتله بنظرة
متعبة وكال
شيراز:كَون أبـَوس عيونج وأمسّح تعَبهـن ،.
وقرب باسهن بحنية .
رحيق : هالكد تحبني حتى واني ناسيتك ؟!
شيراز:
انتيّ من الله هديتي وأوف شگد أحبج .
رحيق خذني للبيت محتاجة مكان بي
ريحتي أتذكر شي من حياتي وأريد
أشوف بنتي أكيد ضاجت لان صيحت
بوجهه.
شيراز : لاتخافين بررتلها وفهمتها أنج مو قاصدة.
ومريضة.
رحيق : ابتسمت بدفو شوية وأجه الطبيب
فحصني ومسجل علاجي .
وكال
لا لا ماشاء الله مثل الورد مفتحة ترحين لبيتج
وبعد مانريد نشوفج مليناج وضحك .
ابتسمت بهدوء
الدكتور يبقى العلاج وگل شهر تمروني نفحص
ونشوف نسبة العلاج تفيد .
وماعليج شر طلعتي من حادث بسالله الحامي
لا تعبين روحج ولا تضغطين على ذاكرتج
لوحدها تستعيد عافيتها وتتذكر المضى
سجلت علاج للذاكرة تاخذي ومسجل
اوقاته .
بعد لحضات الممرضة لملمت أغراضي
وكان شيراز جايبلي ملابس عبارة عن
فستان طويل تركي بسيط بلون الزيتوني
وشال بيج .
وكومني شيراز مشيتي طبيعية بس وجع
براسي وأحس بيدي اليسرى تنمل .
سندني وماقبل أمشي لوحدي اول ماطلعت
من الغرفة لكيت شاب منتظرن كال
أبهر : الف الحمد الله على. سلامتج.
رحيق: الله يسلمك .
كال شيراز هذا أبهر أبن أختي عايشة ويانه .
رحيق : أها هو سبقن وبعدها صعدت يم
شيراز بالطريق خليت راسي على كتفه .
هو مد أيده من ضهري حضني .
طريق هادئ وبعقلي ضجيج وأنهيار .
وصلنا كان البيت هادئ باب الصالة أستقبلتنا
الطفلة وأبتدا شيراز يعرفني بيهم .
سمر بنفسية الحمد الله عسللمتج .
وكال قزح مربية خود.
قزح من ورا خشمها ماتشوفين شر .
ثريا وفريال وزينة ليشتغلون بالبيت .
راح تهتم بامورج ثريا وتساعدج بشكو شي
تحتاجي بحال أني ماموجود.
رحيق خليت يخلص الله يسلمكم والشر مايجيكم.
بس حسيت شيراز يدور على شخص شي
ومعصب بس يحاول مايبين كال
شيراز نصعد ترتاحين صعدت ويا ودخلني للغرفة
مرتبة وعطورها وقفت وتنهدت كال
دخلي لاتنقهرين تتذكرين كلشي .
كعظت على السرير وحجيت بيك شي؟!
شيراز برفعة حاجب لا ياماي عيوني .
تمددي ورفع رجلية ودخلت خود حضنتني .
و
شيراز شوية وراجع .
خود حاضنتي ماما مشتاقتلج هوواي هواي
من نمتي هناك ٣ مرات اجيت احاجيج
احاجيج اكولج كعدي مشتاقتلج انتي ولاكعدتي
ولاسمعتيني.
بوستها بقوة أسفة ياماما بس .
وفزت بوجهي
خود ولايهمج اهم شي رجعتيلي احبج احبج.
رحيق واني بعد بس دخت حسيت اريد أنام.
خود بحضني متممددة رفعي رجليج خلي
نتغطى .
خود اني اغطيج مدي رجليج وجرت اللحاف
ثكيل اني ساعدتها واجت يمي حضتتها بقوة
ونمن فتحت عيوني على لمسات ناعمة وقبلات
هادئة نزيت لكد ماشفت ابتسامته .
شيراز خوفتني خود وين؟!
شيراز :نزلت وتعشت ورجعت نامت بغرفتها
وانتي نايمة كومي لازم تاخذين العلاج وتاكلين.
رحيق تمام ارؤد أغسل جسمي .
شيراز : عادي اني أساعدج راسج ممنوع
بس جسمج.
رحيق برفض : لا صيح ثريا .
تنهد وضاج وكعد يمي .
شيراز : ترى اني زوجج لا تبلشين بتصرفات
مالها طعم صح حقج ماتتذكرين بس شوفتج
أدلة وخود .
رحيق : دنكت تعبانة فدوة اتحملني واهلي وين؟!
من اول ما فتحت عيوني ماشفت أحد معقولة
ماعندي أهل؟!
شيراز: لاشلون بس ارتاحي باجر أشرحلج
كلشي ..
رحيق تمام أجت فريال ساعدتني بملابسي
الداخلية سبحت وغسلت جسمي وبعدها
لبست فد شي خفيف احس روحي مصخنة.
بست قميس نص ردن ويا بجامته ستن
باردات وخفيفات .
بعدها شفت وجهي متعب خليت عطر
شوية وجابت فريال العشة .
واجه شيراز يمي يوكلني اكلت شوية
شبعت كافي.
شيراز :شزو شبعتي؟؟
_مامشتهية بعد شو بس نعسانة .
شيراز: تاثير المهدء ارتاحي حتى انطيج
علاجج .
صعدوا اخذوا الصينية وشربت علاجي بعدها
تمددت شفت شيراز نزع ملابسه بالحمام
وطلع بالكيمونة وياشورت تعطر وأجه
وياية بالفراش مادري ليش بعدت خوف
لو عدم ثقة رغم شوفني العقد وبنتي
يعني أكيد زوجي بس ليش بعدني مترددة.
شوية ولف أيده جرني على صدره
بقوة وأيده تمشي على ضهري وجسمي
من ورا تقشعرت بس متشنجة بحضنه
شيراز بخفوت رحيقي .
رحيق عظيت شفتي اممم .
_ أشبكيني ترى مشتاكلج فدنوب .
ضغطت على روحي. ومديت أيدي حضنته
من صدره ودفنت راسي بركبتة
كال
ااخ يا أنفاسج بودي أشمها وبريتي أضمها .
رحيق : حضني بقوة صحت اخخ
جسمي بعد مكسر .
ضحك وكال بمشاكسة
شيراز حرامات مشتاك أكسرج جواية
بس يلة نصبر.
ضحكت أيا سرسري .
شيراز وهو يشم شعري ويبوس براحة
أيدي نيميني وگلب صفح وايده جوه راسه
كال برومانسية مشتاك لكرز شفايفج بداعتي
انطيني مصة منهن ..
