رواية ليتك قدري الأول الفصل الثلاثون بقلم رفل الكناني
حذام شنو هل طلبات التعجيزيه شدعوه المهر هلكد انت
منين تجيب
يمعوده بس صارت موروحي طكت
ادري حذام صارت ماكلنا شي بس واحد غير يفكرلها بعقل يعني منين راح تجيب بيت وحده وراك مصاريف الزواج بعد
اني عندي حل وإذا انتي وامي وكفتو وياي راح يتسهل كلشي
شنو كول
نبيع البيت وأخذ حصتي
امي خطيه عيونهه غوركت كلتله
حذام يمه تبيع البيت وتشيلنه والله شنو تتزوج هديل مفكرت بامك مافكرت باختك موتدري احنا عصام غاسلين ادينه منه شلون تفكر هيج
يمه قابل اني راح اعوفكم اصلن اذا بعنه البيت حصتي متجيب شي اذا موحصتج وحصت هبه وياي وناخذ بيت ونكعد سوه
حذام عيني انت دتفهم ديكلولك بيت وحدك يعني ميردون أحد وياهه بعد احنا شلون نكعد وياك
لاهبه موهيج بارق فهمني هوه قصده عل عصام يكولي ماريد اختي ويه اخوك تكعد بعدين صدك كولي قبلو مدكليلي وين المكان وين اكعد
هذا الحجي يعني هذا شرط بارق
اي بارق الكل والكليه بلكعده حتى مهند وخلدون ماحجو هوه الحل والربط كله بيده وكدام الزلم كلي اختي بيته وحد
خوما اخرب المشيه علمود هل شي
وانت شلون تخطط من كيفك منو كلك عصام يقبل
انتي شبيج بابا احنا تلاثه وهوه واحد يعني من حقنه نبيع
حذام هاي تاليته يعني مهمه يكون هذا بيت ابونه واحنا اخوه ولوعصام شيسوي يبقى اخونه شلون نوكف بوجهه ونبيعه البيت
لاتكبريها اوله واخيره مبيوع وهسه واحد بينه محتاج خل نكعد وبلتراضي نبيعه ليش ال بلمشاكل
اني سكتت شريد احجي وهوه حاسمهه وامي خطيه كامت تبجي وهوه يحضن بيهه ويحلفلهه اني يمكم واني ماعوفكم ومن هل حجي جنت خايفه من عصام اخاف يسوي هوسه
من وراه هاي السالفه بس كلنا انصدمنه من ردت فعلا عبالك جان منتظر هذا الشي بدون تردد وافق واساور كل مافتت من يمي تسوي اي خل نخلص
ومن ثاني يوم دكو قطعه عل بيت الدار للبيع واني وامي لاحولاولاقوه حتى وان رحنا ويه حذام الدنيه ممضمونه واسمنه كاعدين بيته اقللها هذا مو بيت أحد بيت ابويه وهسه راح يروح واني ضاله بين نارين ساعه اكول احسن بلكت نرتاح وساعه اكول لا اخاف يضيمنه الضيم ووين
نروح
بس بعد الحجي ميفيد الشرايه واحد رايح واحد جاي وره يومين من هاي السالفه اجه بارق عل يوسف العصريه ياخذه كل عاده ومن رجعه بليل دك عليه
الوووو ها شلونج
هلوو بارق الحمدالله
شنو هاي القطعه داكيه شنو راح تببعون البيت
اي
ليش
والله مادري الولد هيج تفقو
وانتي
شبيه
وين ترحين
ويه حذام غير
شنو راح يشتري بيت يعني
اي يكول لان حصتي وحصت امي وياه
هبه
ممم
ليش مبهذله نفسج ومبهذله الجهال
شمسويه
تعرفين كلش زين هبه تقدمتلج وافقي وخل نلم الجهال
ونكعد
راح اسده والله
ليش تتهزمين تره عليتي كلبي
انت ليش هيجي تحجي اليسمعك يكول هذا يحبهه وعنده شي وياهه
تنهد وسمعت صوت الجداحه يعني ديشرب جكاره
راح ادز ام رقيه مره ثانيه وافقي وخلصينه
اكولك هيه كوه اني ماريدك
شلون راح تخليني أكفر
والقرآن اذا سويتهه اسده
اكولج انتي شنو تهدديني اسده واسده جربي تسويهه وشوفي
سكتت وهوه هم شويه وكال
وين الجهال
نايمين
هبه اني متعلق بيوسف وهوه هم ليش تحرميني منه
محارمتك دتجي ودشوفه ودتاخذه بساعات وهوه صايره روحه بيك وحتى ديصيحلك بابا شتريد اكثر
اريدكم يمي
بارق تصبح عل خير
جر حسره كال : وانتي من اهله
سديته واني افكر هذا شخلاني باله وشلون راح تفض وشلون ابعده من طريقي بعد نهائي ماافتح عليه خط ولا احجي وياه لفيت راسي ونمت ومرت الايام وعصام طلعت فلوسه وقبل حتى مينباع البيت طك البيت اشتره هيكل مبني عل نص وبلش يبني واساور طايره وتتفيك راح اشتري هيج واروح اجيب هيج وعل هل رنه ال ان نباع البيت واخذنه حصصنه وصاحب البيت انطانه مهله شهر نفرغ البيت وتكاتبو ومن كعدنه وحسبناهن فلوس بيت ميجيبن لان بيته صغير وتعبان وقديم ويادوب انباع يعني بختصار بس عصام الربح بهاي الهوسه كلها وحذام ضل يتبلعم وامي دك وتلطم واني صافنه شريد اسوي وحذام صار ابو العريف كال
عادي ناجر ونكعد
ولك يمه هاي تاليتها بيعتنه بيته وراح تكعدنه بايجار
يمه قابل بيدي هاي شوفت عينج فلوسنا ميجيبن بيت
اخذلنه كاع حتى لو ميت متر اسمهه ملك
ومنين ابنيهه اني بعت البيت حتى اتزوج لو اكوم ابني
يعني انت متفكر بس بنفسك وبلي راح تزوجهه واني
واختك
يمممممه لخاطر الله اسكتي بس اصبري كتلج اناجر ونكعد والله كريم
همه يحجون واني مادخلت دشوف ليون توصل الفلوس يمه وهوه يصرف حتى فلوس حصتي ماشفتهن وامي اكله القهر وعصام حاير بلبناء حتى شسويتو مكال وبداء حذام يدور ولازم بنفس المنطقه لان المدام هديل متقبل ال يم امهه
حتى تكون قريبه عليها وحذام ينفذ ويوميه طالع من الصبح لليل يدور إلى ان لكه شقه ومن رحنا شفناها بعماره طاكه فأكيد اجارهه بذاك الحساب وطابق ثاني امي رفضت وحقه الشقه عباره عن غرفتين وهول ومطبخ وملحقات وهيه مره جبيره وين تكدر تنحصر فوك صدك احنه بيتنه جان صغير بس بي كراج وبي حديقه ومن غير هذا هوه بيته وبنضرها جنه بس حذام عرف شلون يقنعهه وهيه كلبه طيب بسرعه رضت واني ماحجيت لان شفته فرحان وبده يجهز اول شي هديل رادت مهر كتله نسويله قبل منشيل وقبل الهوسه فاخذناهه اني وياه شترينه الذهب اني بس واكفه هيه تختار وحذام مسايره بعده رحنه حجزنه صالون وبدله وكوشه كامله مال مهر هذا كله وحذام يسلت بلفلوس فمن رجعنا اتفقنا وياهه باجر الصبح امر الها حتى نروح للصالون
وثاني يوم الصبح اخذت الجهال ورحت لكيتهم مخبوصين وهم عازمين كرايبهم ايناس كالت خلي نور يمي ويوسف عباله شوين راح اروح لان شافهه هوسه جلب وياي اقنع بي ماكو أخذته عل صفحه كتله بابا هنا واشرتله عل غرفه جان يوم جمعه اكيد موجود بس نايم فتحتله الباب ودخلتا من الباب وسديتها وجان يعيط عزززه شكد عيب هسه كعد شلون اعوفه يعيط لو اطب اجيبه حتى انثولت فتحت الباب لكيته واكف ويبجي وبارق فاتحله البطانيه ويكوله
تعال بابا تعال نام يمي
جريته داطلع صاح
جيبي
صديت وطلعت جاوبته : عوفه
طلعت وسديت الباب وصلت للمطبخ لحكني
جيبي شبي
مابي شي داروح ويه هديل ويريد يروح وياي
وين تروحين
للصالون
اخذه مني وهوه يكوله
عيب بابا انت مورجال امشي نام يمي
اخذه وراح كتله
راح يبقى يمك
هز راسه وارح كلت بعد احسن طلعنا للصالون وهوسه وجمعه وهواي عرايس وين ال بدت بهديل اني مسويت اي شي حتى من رجعنا ام رقيه كامت تحجي عليه كالت ليش هيج دافنه نفسج بلحياه كلنا حزننه وفكينه ال انتي كتلهة اني هيج مرتاحه وصلت هديل وأخذت نور ورجعت ادري بيوسف يم بارق مطمئنا عليه رجعت لبيتنا خطيه خلدون وصلني ورجع
لكيت امي هم عازمه خالاتي وعماتي واساور عازمه أهلها وحذام يبوووو ممصدك كل شويه يكولي شلونهه وشلون طلعت كتله اصبر هسه تشوفها بين مابدل حذام رحت
سبحت وغيرت جبتي وشالي بفستان اسود بس مرتب وجهي هم رتبته وطلعنا لبيتهم هديل طالعه فدشي ومن كعد حذام بصفهه صارو متوالمين وبدت الحفله وايناس بصفي خوش كعدنه كعده صدك مشتاقتله بعدين كمت يم حذام ناوشته الذهب لبسو وقطعو الكيك واخذو وصور كومه وانريد بس نشلعه من يمهما ميقبل يكوم وبنص الهوسه اجاني يوسف طاير يمه وليدي حضنته من الصبح من الصبح مشايفته شلته وكعدت عل صفحه
حبيبي وين جنت
م بابا
تغديت
يهز برأسه
شنو اكلت
بابا افه
ههههه بابا شترالك لفه مال صاج مو
اي
جنت اسولف وياه واضحك وتلاشت الضحكه من سلتني
المره بصفي
يا عيني خطيه هذا ابنج مو عل منو يكول بابا
نحرجت وماعرف اجاوبهه سويت نفسي ماسمعت شلت يوسف وكمت ياربي هاي شلون سالفه طلعت حاطه اذانهه يمي هاي من كرايبهم اني شايفتهه اوووف هذا شلون تعلوم تعلمه يوسف انوب حتى نور من شافت يوسف يصيحله بابا هم كامت تصيحله بابا بس همزين هاي متعلقه بيه لحد مكملت الحفله واني انتهيت تعب وكوه شلعت حذام ورجعنه ماشفت بارق ولاشافني رجعنه كبل سبحت جهالي وسبحت ونمت
ومرت الايام وبد حذام يجهز بس ميعرف يتصرف وكله
بأوامر من هديل جنت انصحه بس ميسمعلي يعني مثلن
هو بشقه وكاعد ايجار وفوك يشتري غرفه مادري بكم مليون وهوه بعد كومه وره مصاريف من شفته ميسمعلي لتزمت الصمت اخاف عباله اني اغار او عايشه دور الحمايه عل هديل فعفته وهوه وياهه جهز البيت كله من الجديد والغالي حتى رفض نأخذ اي غرض من البيت وكوله صار ال عصام
مشلنه غير بوفية امي وفراشه وخلص الشهر بلمح البصر وأكثر وحده تأذت عل بيت امي وتكتم بكلبها وتكتم واني اصبر عليه شكد الشقه حلوه والاثاث مرتب بس امي ممرتاحه اني حيل تبهذلت لان وحدي وجهالي ورايه وحذام هم وياي أسبوع ال ستقرينه وكعدنه صارت غرفه الي والامي وغرفه اله ومن نتفسنه شويه وتاقلمنه عل بيت خابرتني ايناس واصرت اجي كالت ماعدنج عذر بعد عصام وماكو تجين يعني تجين فكلت الحذام ووصلني يمهم وكلي ساعه واجيج خطيه تلكتني ورحبت بيه ولكيتهه مسويه كيكه وحلويات وعصاير وعالكتها
ههههه ولج هاي شنعندج هلكد مسويه
اسكتي مشتاقلج يابذاته وعندي كومه حجي وياج
واليوم اجيتج احجي ب راحتج
بدت من هديل والمهر وشيلتنا وووووال ان وصلت المربط الفرس
هبه ليش متوافيق عل بارق
هااا ايناس هاي حتى انتي
وشكو ببهه هاي احسن شي انتي زغيره قابل تضلين بدون زواج
اي اضل وشنو يعني
هذا حجي وان فكرتي تتزوجين فياخذون الجهال منج ليش توصلين لهيج مرحله خو اقبلي بارق وفضيها
تره اني انذبحت من وراه هذا الموضوع ياناس ياعالم انتو ليش متفهمون عليه اني مرت اخوه هاي وحده ثانين هوه
ولد ممتزوج شيصخم بيه اني ارمله وحبلانه وجايبه شنو ذنبه يقبل بيه هوه محامي ومتمكن وألف وحده تتمناه ليش الا اني
زين اكعدي وياه وتفاهمو
ماكدر ماكد من اشوفه اشوف سلام كبالي لادكولين شفتي من سلام سلام رجلي وابو جهالي صحيح اذاني هوه وامه بس تبقى بينه عشره وإذا فكرت اتزوج يعني اعوفهه كلها واجي اخذ اخوه هاي وين لكيتيها
شلون لعد تضلين هيج
شبيه عايشه الحمدالله قابل اذا متزوجت راح اموت هاهيه اني جربت حضي وانتهت
هبه اني اسفه اخاف عبالج اني مسويه مكيده عليج بس
والله هوه جبرني
مفهمت عل شنو دتحجي بسرعه كامت داكوم وراها دخل
بارق ونسدت الباب لو الدم صعد الراسي
هاي شتسوي هنا
اريد احجي وياج
مابينا حجي افتح الباب
استغفر الله ليش تخليني اعصب تره لازم نفسي كوه
ماعليه بيك افتح الباب
جرني من ايدي كعدني وكعد بصفي
اسمعيني
يله كول
لاتحجين بنتر من احجي وياج احجي عدل
سكتت
موكافي تره والله ذليتها الروحي وصبرت عليج هواي
باوعت عليه وعيني بعينه بجيت
انت شتريد مني الله يخليك عوفني والله اني مافيدك شتصخم بيه متزوجه وحبلانه وجايبه وانت ممزوج شوف حياتك ليش مجلب بيه تره والله اعصابي تلفت من هذا الموضوع
لعد اني شكول ..اني ليش لعد جنت اتخبل من النسوان
والزواج من وراه هاي السوالف هاي صار كم مره اكولج اريدج اريدج من خره بحضي هيج اريد اسبه اني الي
مااباوع بوجه مره الله جابج وخلاج بعقلي من انعل ابو
عقلي الي ميفكر بس بيج
انت شددكول شنو تفكر بيه تره مابيني وبينك اي شي والله العظيم اذا تعيد هذا الحجي مره ثانيه اذب حتى الجهال عليكم وماريدهم اخاف عبالك تأخذني وتجبرني علمود الجهال من توصل لهذا الحد حتى جهالي ماريدهم
عيونه صارن بكصته وعصب ووجهه انكلب وكال
ياجهال هاااااا ياجهال اني اذا اريد الجهال جان من زمان اخذتهم وغصبن ماعليج وبلقانون وهاي شغلتي حتى شوف ماخليج اتشوفيهم بس اني غير ماريد اقهرج
باوع بعيني وركز حيل كال :
افهمي عليه اني احبج ااااااااجبج ا صيح بعد لو كافي
لطمت عل وجهي
اااااااسكت لحد يسمعك اااااسكت تحبني شنو لتخبلني من شوكت لدكولي من جان سسسسلام تره احركهه لروحي
والله
اششششش لاتجيبين طاريه لامومن جان سلام من نفشخ يوسف بلمستشفى وشفتج تبجين مدري شصار بيه
اكيد دتبالغ انت شنو هاي نفسيتك تره من يمي لعبت نفسي منك وخر من كدامي خل اطلع وووووخر
صوتج خل نتفاهم
كمت اضرب عل وجهي واصيح
مااااااتفاهم ماااااتفتهم لو تضل بس انته ما قبل بيك وإذا بقيت مصمم افضحك والله اكولهم عبالي يريدني علمود الجهال تالي يكولي احبج ووووخر انت واحد متستحي وماعندك غيره
من كلت هيج واني كاعده مقابيله جابني براشدي اذني وشت
انعل والديج اذا تجاوزين عليه حيوووووانه
لزمت وجهي داكوم لزم ايدي تلني حيل وكعدني حتى شالي نحل كعدت ابجي وامسح بدموعي وهوه يمسح بوجهه
كافي اسكتي
مجاوبت كمت اناشغ
كافي داكلج
معليك بيه انت
لج بابا لسانج اني مخبل وانتي لسانج متبري منج واني ماتحمل تجفي شري
اي بس خل اطلع
اسكتي هسه
كمت امسح بدموعي وهوه يباوعلي لزمت شالي دالفه لزمه
هدني لتلزمني
ميحجي بس يباوع بعيني خفت من نضرته تقرب حيل
هاي شدسوي
اششش صوتج
والله العضيم ا صيح هد ايدي راح ا صيح
ماسويلج شي
اي ياله هدني
مدري شبي عيونه ذبلن وبلحضه وحده صار فوكايه لو روحي تشعوطت كمت اضرب بي بكل قوتي بس وين عبالك
حايط وصار فوكايه .
