رواية زوج اختي والماضي الفصل الواحد والثلاثون بقلم مجهول
مرت الأيام والشهر وصرت احجي وي رشا تحجيلي شيصير مايصير وي بيت عيالي ومرات تدزلي صور فيديوات الصوفي من اشوفه ترد روحي ويزداد اشتياقي له
بس شسوي هذا المكتوب لأزم افترق عنه للأبد هو بطريق وأني بطريق حاولت اكون له أمه بس مع أسف مكدرت ابوه شخص فاسد ومايصلح اكون له مرأة كلشي مانفع ويا
صارت بطن ريتاج لخشمها أوجاع كل ثانية تجياها صارت بالشهر التاسع وبساعات تجيب وتجيبلنا ولي العهد ( يوسف )
راح يسمونه على اسم جدي الله يرحمه مثل
طلاب منهم ابويى
.
وقت العصر ريتاج صارت عندها أوجاع صارت تبجي من شدة الألم أخذها حسين وأمي للمستشفى بقيت وي بيبي بالبيت نص ساعة خابرت أمي وكالت بعدها دا
يسوون فحوصات
ورة ساعتين صارت الدنيا الغروب دكيت على أمي رفعت الخط وكالت ألف مبروك اجانه (يوسف ) للدنيا واخوج
طاير من الفرحة
_ الف مبروك يتربه بعزه ان شاءالله
_ابوج هم هنا هو ومرته واولاده
_هاا وشكال ابوي ؟
_طاير من الفرحة شاله بحضنه وباسه قبل
حسين كلها فرحانة بي
_ يروحي شوقتيني اشوفه
_ فد جم ساعة ونكون بالبيت واشبعي شوف بي
_ خررب نسيت اسأل على ريتاج شلونها خوما تأذت
_الحمدالله ريتاج بخير طبعا تتأذى هاي أول بطن لها
_ربي يشافيها ويكومها بالصحة والسلامة
كملت اتصال وي أمي سمعت صوت الاذان رحت يم بيبي بالأستقبال كتلها وضحكة مرسومة على
وجهي بالكامل
_ بيبي ريتاج جابت ولد
باوعتلي مبتسمه ...." ريتاج شلونها
كعدت يمها _ الحمدالله بخير بعد كم ساعة يجون للبيت
_الحمدالله لولد شلون صحته
_ الحمدالله زين وهسه يم ابوي واخواني
_ابوج هناك؟
_اي هناك هو واخواني ومرته
_ هاا
_ديلا كومي توضي وصلي اذن
_جريني خل اكوم
جريتها كامت راحت تتوضى رحت وراها كملت وضوء توضيت وراها فرشت المصلاية لها بالاستقبال كامت تصلي رحت أصلي بالغرفة كالعادة ورة الصلاة اقرأ قرأن كريم وأدعي
ورة ساعات قليلة جابوا ريتاج تعبانه كلش جانت خطيه اخذت يوسف بحضني كعدت يم بيبي تباوعله وتضحك طايرة من الفرحة بي كلها فرحانة أمي الكاع مالامة
فرحتها
حسين اجه كعد يمنا وأني كمت رحت وديت يوسف للغرفة خليته بالكاروك سألت ريتاج إذا تريد شي مرادت خطيه متأذية طلعت يم أمي بالمطبخ جانت تسوي جاي
_ يمه الطفل نأخذه يمنا
_لا خلي يمها اخاف تحتاج شي شياتين أني راح
اروح انام يمهم وأنتِ ابقي يم بيبيتج
_ماشي
ثاني يوم اجونه بيت عمي وأختي وعماتي الخطار تكوم علينا وأهلها راح يجون بعد ثلاث أيام لما ينزل اخوها هاشم هو عسكري ويداوم بالحشد الشعبي مرت الأيام
بسرعة اجوي أهلها
وره الغدة اجت أمها للمطبخ وراه حجتلي على السالفة وكالت حمزة متعصب علمود أنتِ مطلكته غيابي فرحت بداخلي وأخيرا كدرت ازعجه بشي ويخلي يتعصب
ويفور دمه
_طيب ليش يتعصب هو مو مايريدني مو طلع علية إشاعات حتى العقل مايستوعبها مو عذبني هو وأمه مو سمعتي كلشي من ريتاج ومنهم ماله حق يكول
ليش طلقت
_ اي سمعت الحجي منهم شكل ومن ريتاج شكل بس الحقيقة واضحة مثل عين الشمس اتهمج باطل علمود يكدر
يتزوج هاي سدرا الثولة
_ شبيها ثولة والله أني الثولة مو هي
_ والله ثولة ودجاجة عميه لما عميه بعدج بعز شبابج عمرج ١٨ سنة ركضتي وره واحد متزوج مرتين وعنده طفل وفوك كلشي قليل التربية والأخلاق شغلة يلعب على بنات الناس
_طبها مرض هي ويا
_ دشوفيها نهر كله عرايك هي وأخواته وأمه وحتى قبل اربع ايام ام سيف كاتلتها كتله معدلة ورايحة
زعلانه هسه
_عزززة ليش ؟
_ تعاند وماتشتغل بالبيت تكول بيت أهلي عدنا خدامة وأني مدللة العود ما اشيلة ترديني اصير خدامة
الج والبناتج
_ يكول شجابني الضيم جنت مدللة خيه لعد حظج شمرج على هذولة الوحوش خطيه جانت بسن المراهقة
وماعرفت تختار
_ تكولين خطيه
_ لعد شكول أكيد غشمرها حمزة ابو السان الحلو
_ هي الغشمرته مو هو بنات آخر وكت ذني عود صدك لسانه شكد حلو ومن تشوفينه تخلينه بنص قلبج بس
من داخل شبه بأبليس العين
_ شلونها وي مصطفى
_ ماتقتربله أبد ما اخذته اخلاص يمها
_شعجب ؟
_تكول مابي حيل للجهال هو أني أريد مداراه انوب تردوني اداري جاهل صغيرون بكد الايد
_ لعد على شنو تزوجها هذا الحقير
_ تزوجها للنوم غير .... استغفرالله لساني زفر
_طاح حظة لعب بنفسه لعب وتالي ترجع لبيتها .؟
_مترجع تكول اله يعزلي بيت الوحدي
_ وهو شيكول
_يكول طبها ألف مرض خل تبقى بيت أهلها مالت
عزال ماكو اطلكها منا أتزوج منها
_ هههه شنو من بني ادم هذا الزواج عنده لعبة سباق السيارات إذا خسر مرة يرجع بعد مرة يحاول
_ مو صوجة صوج أمه لتركض وراه وهذا أبوه واحد عار لا يهش ولاينش قطعة أثاث بالبيت
_ أني ماشكي بحاله ولا بحال أهله اشكي بحال
مصطفى أبن أختي خطيه هسه تبهذل
_ اي والله متبهذل خطيه ...صدك ماكلتلج عمتج
أم سيف بعد أسبوع عدها عملية
_خير ان شاءالله عملية شنو ؟
_ تسوي قسطرة عدها شرايين مسددة بالقلب
_ من القهر
_من خبثها والله الله عاقبها وبعد وبعد تطلع
بيها حوبتج وحوبه رشا
_الله سبحان الله يمهل والا يهمل
_ اي والله وهسه لو يجون خطابه عليج تقبلين تزوجين
_والله إذا خوش قسمة اقبل قابل ابقى طول عمري حبيسة الماضي اشوف حياتي ومستقبلي
_ والله حبيتج هيج انسانة قوية تريح القلب
أبتسمت وكالت _انطيج نصيحة .. ديري بالج تقبلين
ترجعين إذا اجوي يرجعونج الحمزة مرة الخ
_ سامعة شي ؟
_ مادري بس سمعت من هاشم محمد كايلة حمزة ندمان لأن هيج سوة بيج وصدك بحجي العالم
_ياعالم وياحجي
_اندري بعد هذولة مبيهم أمان يسوون الشغلة ويشمروها براس هذا وهذاك علمود يطلعون منها
_والله على فراش الموت وماارجع الحمزة شفت الويل ويا أي حترام ماكو بس مشاكل في مشاكل وفوك كلشي طعني بشرفي هاي كلش صعبة والحد الأن متأثرة بيها
شلون سواها ؟!
_والله حقج كلها ماتصدك بيهم ويعرفون حمزة شنو وأمه واخواته شنو ناس وكح امانه الله
_ الحمدالله خلصت منهم وهسه مرتاحة بيت أهلي
_دوم ان شاء الله دوم ترتاحي بنيتي
باستني من خدودي وطلعت بقيت أفكر بكلامها أخاف حمزة يخطي خطوة للامام مرة أخرى ويحاول يرجعني من سابع المستحيلات أقبل أرجع لا الخاطره هو ولا
الخاطر ابنه مصطفى
راحوا أهل ريتاج كعدت يم ريتاج بدلت اليوسف وخليته بحضنها شوي وأخذت الطفل منها خليته بالكاروك نأم وريتاج صارت احسن من قبل بالبداية جانت كلش تعبانة
وهسه نعمة من الله صارت
مرت الأيام وصرنا بالشهر التاسع من سنة ٢٠١٩وسمعت حمزة لحد الأن مامرجع مرته متقبل ترجع الا يعزللها بيت الوحدها هو معاند ميقبل يعزللها مو هو المعاند هاي أمه
وأبوه المعاندين
مستعدين يطلكوها ولا يعزلولها بيت الوحدها اعرفهم حق المعرفة وانوب سمعت سارة داعمتها سيارة وباقية بالمستشفى ثلاث أيام مكسورة ايدها ورجلها ومسوين كعدة عشائرية ماخذين فصل من الرجال
معرف افرح لو احزن الله صار يطلع حوبتي بيهم واحد واحد الصوج بي قلبي طيب حتى أعدائي ماريدلهم السوء ومرت اندم علمود دعيت الله عليهم ودعيت بالمراقد
المقدسة ياخذون حقي
يوسف صاير يخبل كبران وصاير ......حلو اساعد ريتاج كل يوم الصبح لحد العصر هو يمي وبالليل يلا انطي لها متعلقه بي مثل ما تعلقت بمصطفى لحد الأن احبه مثل
قبل واكثر
وهند دخلت بالشهر السابع تكول حملي صاير ثكيل كلش مبي حيل أمشي وأربع وعشرون ساعة مريضة وبالعيادة كل أسبوع العصر لبست العباية أخذت اختي وياي
ورحت للامام نزور
زرنا وطلعنا هم لمحت الولد كاعد بالامام جان لابس تيشيرت رصاصي نصردان وبنطرون ازرق مكعد ولد صغيرون بعمر السنة ونص تقريبا بحضنه يقرأ قرأن باوعت وياي أختي
وكالت ببتسامة " ابن ايمن
باوعتلها " يا ايمن ؟
_جوارينا هذا ابنه كيان شيسوي وي هذا الرجال
_هاا متعرفين هذا منو ؟!
_لا والله معرفه أول مرة اشوفه
_ يجوز اقاربه
_محتمل يلا خل نرجع على البيت قبل الغروب
مبينه حيل ناكل رزالة من بيبي وحسين
_يلا امشي كلشي ولا الرزايل
_هههه اي
رجعنا على البيت ورة العشة اجوي بيت ابوي تعللوا راحو على الساعة بال١١ بالليل مرت يومين واجه أبوي العصر علينا جان متعصب وضايج معرف شبي جبتله مي وراها جاي
كال _ حسين وين
_حسين بره بالمحل
أمي _خير ان شاء الله خوما صاير شي
ابوي _ بيت عيال زهراء أبو سيف دازين عالم علينا
علمود نرجع زهراء الحمزة طايح الحظ
بيبي _مالهم أي مرة عدنا
أمي _مو من حقهم يدزون عالم بعد لسووه بيه
ا مالها رجعا على هذاك البيت
زهراء _ ماارجع يابه
أبوي _ طردتهم أني وكتلهم مالها أي رجعة
بيبي _زين سويت بعد وكت حسوا بيها
أمي _ من يريد مرته ليش هيج سوه وضربها
وعذبها هو وأمه وليش تزوج عليها
بيبي _ سواها كسرة خشم وتزوج مرة فوكاها
أبوي _ مالهم خط رجعة بعد لا نعرفهم ولا يعرفونه وبس
تجيها قسمة زينه تزوج وتشوف حياتها
بيبي _ خوش انعال ارجعها الجهنم الحمرة يردون
بس يدزون مرة الخ طردهم
زهراء _تزوج ويريدني ارجع فوك مرة والله بطران هذا
أبوي _ يكول مستعد اطلك مرتي في سبيل ترجعلي
زهراء _ أني مو وحدة قليلة شرف وأخلاق واخون
زوجي منورة ظهره شلون يقبلني
أبوي _ انعل شرفهم هذولة متعرفين جذبهم من صدكهم هسه من هيج طلعتوا حجي عليها
شنو جانت غايتكم
بيبي _ الله اعلم شنو جانت غايتهم
أمي _ ناس بلا شرف وأخلاق.. يردون خدامة هذيج مبيها حيل تشتغل وتداري مصطفى زهراء جانت تشتغل الليل والنهار ومتحجي ماميتين عليها ترى ابو حسين
ابوي _ ادري اروح أمر بحسين بالمحل واحجي ويا
اخاف يدزون عالم خل يطردهم
أمي _ زين تسوون الناس لماتحترمنه احنا هم
مانحترمها ولا نقدرهم
طلع ابوي خربانة....... ضحك بقلبي امي وبيبي يحجون وأني اضحك والله بطرانين يردوني ارجع لضيم مصدكت خلصت من حمزة وأهله حتلوه ارجع مثل الشي ماراح يتغيرون
والله ابو طبع مايغير طبعه غير الجفن ...
مر أسبوع يوم ابوي اجه هو ومرته واخواني واختي على العشة أني سويت العشة بمساعدة أختي اسمع ابوي
فتح موضوع وي أهلي
أبوي _ بيت السيد كاظم يردون يجون خطابه على زهراء
أمي _ خير ان شاءالله لمن ؟
أبوي _ لابنهم علي ضابط بالحشد الشعبي ومرته متوفية صارلها ثلاث سنوات يمكن بعد مدري ثلاث او اكثر
بيبي _ بيت سيد كاظم نفسهم !
أبوي _ اي تعرفينهم أنتِ منطي بنته لأبن ابو خلف ايمن الصغير بيتهم بصف بيتنه وعدهم ولد
بيبي _ شلون ماعرفهم عشرة عمر وي مرته جانت خوش ادمي العلوية ام كاظم بت ناس وعالم وهي هم ابوها
سيد جبير بالنجف ومعروف
زهراء _ منو هذا ؟
اختي _ سيد علي يكون اخوها الوسطاني
_ ماعرفه شايفته أنتِ
_ لاا والله ماشايفته ولا مرة مايجي لهم هواي افرحي راح يجونج خطاب وتزوجي وتشوفين حياتج وتخلصين
من حمزة وأهله للابد زهورة
_ ماريد ازوج
_ انجبي شنو ماتريدين تريدين ترجعين الحمزة ؟
_ اووي يحمزة بس اخاف اتزوج عسكري اخاف
مثل اركان مات وخلاني
_ يمعودة كولي ياالله كلمن يموت بيومه...وقابل عزرائيل واكف على الساتر يلگط بالجنود واحد واحد
_ والله مدري بعد
_ فكري هاي ابوي طاير من الفرحة من اجوه السيد والعلوية الصبح كال اريد اكسر خشم عيالج بزواجج مثل
ما سوو هم بزوج حمزة
_ ابوي هواي متأذي منهم
_عباله اختياره صح وطلع غلط لذالك ندمان
صاحلي ابوي "زهراء يابة تعالي
_ روحي هههه
_ اشش ولج
طلعت كلها تباوعلي حسيت الدم صعد الراسي
اشرلي ابوي اكعد يمه
_تعالي اكعدي يمي عندي موضوع وياج
كعدت متوترة قلبي مثل الدمان يدك بسرعة وخجلانه
بنفس الوقت عبالك هاي أول مرة يفتح وياي
موضوع مثل هذا بحياتي
أبوي _ جايين عليج خطاب ناس ونعم منهم
ومن أصولهم وحبيت اخذ رأيج
زهراء _ منو ذولة
أبوي _ بيت السيد ابو كاظم ماتعرفينهم أنتِ بس أني اعرفهم حق المعرفة واعرف أصولهم شنو رأيج
زهراء _ لولد شيشتغل
أبوي _ الولد ضابط بالحشد الشعبي ومرته متوفيه
صارلها ثلاث سنوات
زهراء _ الله يرحمها شعجب ماتزوج ليش باقي
لحد هسه بدون زواج ؟
أبوي _بشرفج هذا سؤال ينسأل يجوز جان متأثر بموتتها وهسه الله هداء وقرر يرتبط ويكون حياته واختارج انتِ من بين البنات المنطقة احمدي ربج الله دزلج هيج انسان أخلاق أخلاق تربية تربيه وسادة وين تلكين هيج عالم لو تريدين
ترجعين لعيالج كسارين الوجه
زهراء _ أني ارجع الضيم لا مستحيل بس افكر
بالموضوع واردلك الجواب
ابوي _ فكري وباجر ان شاءالله الصبح رديلي الجواب
زهراء _الله كريم
كمت رحت للمطبخ......... جسمي صاير حار نار حرارتي ارتفعت أختي تضحك وتصنف علية وأني الثولة اسألل اسئلة مالها أي داعي وي ابوي صراحة تلخبطت ماعرف
شحجي وشكول
الحاصل راحوا أهلي حجه وياي حسين واكلي اقبلي جم يادوب تبقين هيج والقسمة الزينة مرة بالعمر تجي لا تضيعيها من أيدج والماضي أنسي واشمري ورة ظهرج وسويله
كسرة خشم مثل ماسوالج
ريتاج كذالك هم نصحتني كالت اقبلي واسكتي مبينه حيل وي حمزة كل يوم يدز عالم علينا علمود يردج مانريد مشاكل يبسبلنه بالمستقبل ويسببلج شوفي حياتج وناس
خوش ناس واهلج يعرفوهم
امي بيبي كلها ايدتني حتى اختي كالولها وكالت أقبلي يحظي هذا نفس الرجال لجانه هذاك اليوم ويكون صديق عباس من الروح لروح وين تلكين هيج رجال الله حبج ودزه
الج يعوضج عن الماضي
وين ما انطي وجي كلها تكول اقبلي وشوفي حياتج كعدت بفراشي مخليه ايدي على خدي وافكر بكلامهم رجعت للماضي شلون حمزة جان طيب وياي وشلون قلب بلاخر
وصار انسان ثاني
هوايته التعذيب وشلون جان يغلط ويسب بي وهو يدري بي طاهرة وماعندي منهاي السوالف المكسرة وهذا مدام دز عالم علينا مرة الخ معناها يريد يرجعني من
صدك وأني ماريده
اريد اشوف حياتي تعبت منه ومن أهله المنافقين ...
رجعت الكلام أهلي كلها تحمد بالولد ويكولون خوش ولد ومن عشيرة ونعم من أصولهم وبيتهم قريب عن بيت أبوي والولد صديق نسيبي عباس ليش ما اقبل واشوف حياتي
جم يادوب ابقى حبيسة ( الماضي )
ثاني يوم الصبح كلت لأمي موافقة خل يجون اشوف الولد ويشوفني فرحت باستني وكالت. ان شاءالله
الله يتمم على خير
واني بداخلي خوف شديد اخاف يخرج شي من الماضي ويخرب كلشي تخذت قرار بس أشوفه للولد راح اكوله كلشي من أيام الجامعة لحد هاي الأحداث مراح اظم شي
اخاف يطلع حمزة بالمستقبل
ويهدد بهلأحداث القديمة اخليها كباله
بعد بكيفة يوافق لا ...
والله خابرت ابوي .....وكالتله للظهر خابر ابوي وكال راح يجون العصر جهزوا روحكم وخل حسين يبقى بالبيت
مو يطلع الشغل
اجتي اختي الصبح جابها حسين رجلها ملتحق للجيش طايرة من الفرحة كتلها يمعودة عليش طايرة من الفرحة ترى بعدهم ماشايفيني يجوز مايقبلون بي لا تفرحي من هسه
كالت " قلبي مطمن راح تم هاي الخطبة ونكسر خشوم عيالج الحقراء عبالهم باقية بالدار وراح نردج لهم
_ لو ابقى بدون زواج طول عمري مراح افكر
ارجع الحمزة مرة الخ
_خليولي ديلا امشي نسوي الغدة علمود
ادخلج صالون فاطمة لتجميل
_ميحتاج مكياج باعي وجي صاير كيمراية
_ وإذا لأزم شوي لبخ بسيط علمود النظارة
_ ههه يانظارة!!
_هههه مكياج يبرز ملامح الوجه اكثر فهمتي
_نعم فهمت
_يلا للمطبخ
_يلا اخذتني رحنا سوينه الغدة سويه ، معرف ليش الخوف اسر قلبي وحمزة مدا يطلع عن بألي أبد اخاف يسوي شي ويخرب هالخطبة أعرف بي واحد نذل ويكدر
ينزل لأخر مستوى
علمود يوصل اللي يريده ..
العصر اجه ابوي........ وأختي ومرته ادري بيها ماتحبني وتتمنى ارجع الحمزة لأن تدري مصطفى ماله أحد هناك يهتم بي مثل ما أني جنت أهتم بي واداريه مثل امه تماما
اجت علية بالغرفة سدت الباب وكالت ...
ليش ماترجعين الرجلج مو احسن
ماتاخذين واحد ثاني
التفتت عليها .." من كل عقلج دا تحجين ؟
_اي خطيه ابن اختج منو له هناك جديته مريضة وأربعة وعشرون ساعة بالمستشفيات كاضيتها واخلاص
اليوم باجر مزوجة وماشية ...
قاطعت كلامها " شسويله أني ادمر حياتي علمود ابن بنتج تزوجته علمود مصطفى وشوفت عينج شسوه بي كسروني من الضرب وهانوني طعنوني بشرفي شتريدين بعد
ارجع لهيج نماذج ؟!
_ الخاطر مصطفى ارجعي هو كاتل روحة عليج هسه وندمانين على السووه بيج ومستعد حتاا يعزلولج بيت
الوحدج في سبيل الرجوع
_ خل يعزل المرته الثانية افضل مايلحك وحدة مو له
مالي نفس بي وكارهته من كل قلبي ...
باوعتلي بنظرات محزنة " كوليله زهراء تكول حاولت وحاولت تكون مرأة له وأم لابنه وبيوم القررت بي اكون له ولابنه للأبد هو خاني وي وحدة من طالباتة كبال عيني كوليله الرجال الخان وطعن بشرفي لو يدكون لحمي
وي لحمه هم مااريده خل يشيلني من باله وينسى وحدة اسمها زهراء من أصل وكا نصيحة خل يرجع مرته ترى بنات
الناس مو لعبة عنده ماشي خاله
وطلعت من الغرفة دمي فاير عليها تريدني ارجع الحمزة بعد السواه هواي نسوان تنازلوا من اولادهم من دمهم والحمهم في سبيل الإخلاص والنجاه بالحياتهم ومصطفى
مو ابني ابن اختي
وشما كبرت وداريت راح يكول مو أمي مرت ابوي وخالتي بعمرج ماتصيرين أمي ابقى خالته ومرت أبوه "والله قلبي مايحترك عليهم أبد خل يتعذبون وي مصطفى مثل
ما عذبوني وحركولي قلبي حرك
ابن اختي صح احبه واتمنى يعيش وياي كل العمر بس صعب هو يبقى ابن أهله وأني أبقى بنت أهلي خل اشوف حياتي وامظي بطريق المجهول وعسا أن يكون في كل
النور لي والي بحياتي الجديدة
شفتها بره طلعت تخابر ومن حركات ايدها تعاركت سدت الخط تفلت على شاشة الموبايل اجت دخلت للبيت جنت أراقبها من شباك المطبخ يمكن حجت وي حمزة وكالتله
لكتلها لذالك عصبت
رحت ابدل لبست نفنوف.... باللون البيج بي حزام شريط اسود وحجاب أسود كذالك مكياج خفيف خليت رشيت عطر هادئ جدأ اجت اختي فاطمة سدت الباب وكالت
_ مرت ابوي جانت تحاجي حمزة تدرين
_ لا مدري شمدريج
_سمعتها جنت واكفه بالحمام البره وسمعت
كل الحجي الدار بيناتهم
_شدار ؟
_كالتله تكول ماارجعله أبد وخل يشيلني من باله وينسى وحدة اسمها زهراء ... ويمكن هو تعصب هي كالتله طبك ألف مرض تستاهل من ايدك راحت المرة بالدفرات خليت ابوها يقنع ينطيها لك وأنت الثول بايديك شردتها
ماالومها والله زين تسوي دكلها اليوم الخطبه مالتها راح تزوج وتعوفك بوجه المصخم دومك ان شاءالله مصخم الوجه أنت وامك الحية وبعد لا تخابر
.. فصلت الخط بوجه تفلت على الموبايل وكالت ساعة السودة لشفتكم بيها قلبي محترك على ابن بنتي مو عليكم انتو الله يأخذكم مثل ما اخذ بنتي
_ خطيه قلبها محترك على مصطفى
_حتى اني شايلة هم المصطفى بس شنسوي اهله مو خوش ناس وحرامات واحد يتعب علمودهم
_اي والله
_يلا امسحي دمعتج راح يجون بدقائق وياني وياج تغيري رأيج علمود مصطفى وترجعي الحمزة الحيوان ترى وبالقرأن اتبرى من عندج للأبد لاني اختج ولا أنتِ أختي
_من كل عقلج دا تحجين ماراجع الحمزة أبد لوخيروني بين اندفن واني اشم الهوى لو الرجعة الحمزة راح
أختار الدفن عدله والله
_ اي عفيه امسحي دموعج يمكن اجوي
طلعت مسحت دموعي جانن على مصطفى صار بين عيوني كمت تخيل اسمع صوته ضحكاته شلون العب ويا شلون جنت احجيله كلشي يصير وياي من حمزة يعاركني
هو وأمه جان يسمعلي
ويضحك طفل مايعرف شي عن الحياة فقط يعرف يأكل وينام ويلعب وي امه وابوه هذا الطفل ضاع بعد ماضاعت امه بين القبور ابجي على حال ابن اختي واكو مثل حالته
بالعالم كله مو بس بالعراق
مسحت دموعي بالكلينس كعدت على طرف الجرباية ومصطفى بين عيوني ياربي هسه شلون شلون ياربي ماحسيت
الا الباب نفتح
دخلت أمي ... تعالي يمه يردون يشوفونج
_ ليش همه جوي ؟
_صارلهم نص ساعة من اجوي يلا كومي
كمت رحت وراها .....طلعنا عيوني بالكاع قلبي يخفق بسرعة بسرعة صورة مصطفى بعدها بعقلي تحوم
سلمت "السلام عليكم
ردوا _ وعليكم السلام ورحمة الله وبركاته
كعدت يم امي حتى ما سلمت على النسوان كالت امي ...
"كومي سلمي على امه واخته
خجلت ما سلمت عليهم أصلا ماشفتهم كمت سلمت عليهم ورجعت كعدت يم أمي بمكاني خجلانه من تصرفي المهم صاروا يحجون وأني عيني مارفعتها وماشفت شكل العريس
شلونه ومنو جاي ويا غير ابوه
دقائق امي كالت ...
باعي على الولد مو تكولين
بعدين ماشفته
بلعت ريجي رفعت رأسي شويه شفت الولد خله عيني بعينه رأسن دنكت خررب هو نفسه الولد بالإمام لشوفه كل مرة هو نفسه كلما اتذكره جنت اضحك وافرح هو نفسه لكلت مراح يجيني خطاب ويخطب وحدة مطلقه باع الصدفه
والحظ شلون جمع بيناتنه
السيد _ لأزم يحجون وي بعض على انفراد إذا ممكن
أبوي _ اي عادي كومي يابة وي سيد علي احجوا
هو كام بسرعة كمت وراه بيبي كالت ...
بالغرفة جوه لا تطلعون بره
فتحت الباب له دخل .....دخلت وراه عفت الباب مفتوح خجلانه حيل معرف شحجي ويا اصلا مصدومه ومامصدكة هو نفسه الضابط لجانوا يحجون بي هو نفسه
لوكعت بالعشق من أول نظره
وخليتها سكته بقلبي كلت مراح يقبل بوحدة
مثلي مطلقه حمحم وكال
_ مدري وين شايفج
رديت وانظاري بالكاع _ بالإمام ومرة ردت
تدعمنا أني واختي وابن الجوارين
_ اي عفيه أنتِ نفسج البنية جنتي تباعيلي بسكوت مو
خجلت حيل فشلة فشلة جان مراقبني مرديت
بقيت ساكتة وكال
_ لا تخجلين عادي وإذا باوعتي هو أني هم جنت اباوعلج بسكوت وجنت اجي للامام هواي علمود
اشوفج هناك
رفعت راسي "ليش تشوفني ؟
_ يابنت الناس جنت معجب بيج وزاد عجابي بيج اكثر من تقرين قرأن كل يوم بلامام وتدعين وعرفت بيج
مظلومة مو صح
_اي صح نظلمت هواي بحياتي ..
_ الحمدالله على كل حال الله ينتقم من
ظلامج بجاه الحسين الشهيد
_ اللهم أمين يارب العالمين
_ عندج أي سؤال ؟
_ اي عندي حجي وياك واتمنى تسمعني للآخر
_تفضلي
_ تدري جنت متزوجة زوج أختي علمود اربي ابنها...
_اي ادري
_زين تدري شوه سمعتي وكال أني اخابر زلم منورة ظهره وضربني بلا رحمة ورة فترة طلبت الطلاق
منه من اجل الاخلاص
_كالي عباس بالقصة بالكامل وكال هسه ندمان ودا
يرجعج مرة ثانية مو صح لو غلطان
_اي صح لحد هاي لحظة دز مرت أبوي علمود ارجعله
_ هو لو صدك لاكيج وي رجال غيره شلون يقبلها على روحة يرجعج اله مرة ثانية هذا جذاب ومكار جانت
عنده نيه زفرة من هاي الدكة
_ اي جانت نيته يفرق بيني وبين أهله علمود يتزوج طالبة مالته
_وتزوجها وهسه زعلانه بيت أهلها
_اي تدري بكلشي أنت
_ ادري بكلشي حجالي عباس صديقي هو من الروح لروح
_الله يديمكم
_الله يسلمج ، عندج حجي ثاني تكولينه
_ اي عندي بعد
_ كولي
_ترى حمزة طليقي جان حبيبي بالجامعة وانفصلنا ورة أشهر قليلة بسبب خيانته الية جان واحد قليل الشرف ويدور سوالف مكسرة وجان ناوي يأخذ شرفي وللأسف تزوج
أختي وبدت كل معاناتي ...
_ الله يأخذه هذا هم حاسب نفسه رجال مايفكر باخواته مايفكر تطلع بي بالمستقبل ترى الدنيا مثل العوب يومية بحضن واحد هذا الإنسان مريض نفسي مو إنسان
صاحي الله وكيلج
_ اني هم اكول مريض ماكو هيج شخص
يسوي سوايته بكل برود
_ الحمدالله الله خلصج منه
_ الحمدالله وهسه تقبل بي
أبتسم وكال " الإنسان مامعصوم من الرتكاب المعاصي كلنا عنده أخطاء بالماضي الماضي يبقى ماضي والهم الحاظر عندي اني اختاريتج من كول هاي البنات الصراحة
جنت رافض فكرة الزواج
نهائيا بعد مافقدت حبيبتي زينب جانت حب حياتي جنت احبها وتحبني حب دام ٨ سنوات لما أخذتها بطلعان الروح ومادام على زواجنا غير أربع وحبلت وبالطريق وديتها
لبيت أهلها صار ويانه حادث
وفقدتها للأبد
_الله يرحمها
_ويرحم موتاج ...ومن شفتج قلبي دك لالج لأن ذكرتيني بيها هي هم جانت مثلج كل يوم تروح تزور بكربلاء وتبقى تقرأ قران وتدعي قلبها طيب مثلج تماما بس الشكل يختلف بيناتجن والصراحة شكلج أحلى من شكلها ههه
يحجي ويضحك وعيونه متروسة دموع ....
_بعدك تحبها ؟
_اي بعدني احبها ومدام اني هنا بالنجف كل
يوم اروح ازورها بالمقبرة
_ الله يصبرك على فراكها وفراك ابنك لابطنها
_ الله يسلمج وهسه مكتيلي تقبلين تزوجيني وتكونين شريكة حياتي للأبد واوعدج راح اعوضج عن كلشي واكون
الج سند وأمان
_ موافقة إذا أنت موافق واهلي موافقين
_ أني من البداية موافق بس بقت على أهلج
خل نطلع ونعرف رأيهم
طلع طلعت وراه كعدنا كلمن بمكانه حجه وي
ابوه وكال السيد ...
_ ابنه موافق شنو رأيكم انتو وراي البنية
أبوي _ احنا موافقين بس البنية بقت ...
شنو رأيج يابة موافقة ماموافقة
زهراء انظاري بحضني وكلت '"موافقة
هلهلت بنت العلوية وكال السيد خل نقرأ الفاتحة
وان شاءالله باجر نكمل كلشي
قروأ الفاتحة وراها ...... باركولي وباركوله كمت كعدت بالغرفة اجتي أختي وريتاج وفاطمة يحجون ويضحكون وأني مدري ليش فرحت من كل قلبي من كال مايهمني
الماضي المهم عندي الحاظر
يارب يارب تكون حياتي الجديدة حلوة .
ثاني يوم الصبح رحنا كطعنا مهر بالمحكمة المقدم صار ١٠ مليون والمؤخر صار ٥٠ مليون تفقنا على كلشي والحمدالله كالوا العصر نكطع مهر سيد لأن سيد علي عنده دوام ياخذ
اجازة ويجي علمود نعرس
مستعجلين كلش على .العرس بعد ماكطعنا مهر السيد وثاني يوم جهزنة الذهب سويت ذهب ب ٤ مليون وملابس يومين يلا كمل الجهاز البيت الوحدة قريب عن بيت أهله
بس الحايط يفصل بيناتهم
طلبوا مني اجي اثث البيت مقبلت كلت أنتو اثثوه ماكو فرق بيني وبينكم يومين كمل أثاث البيت رحت وديت الأغراض أني وأمي وفاطمة البيت جان عبارة عن غرفتين نوم وهول والاستقبال ومطبخ حمام بره وحمام
بالداخل البيت مرتب كلش
المطبخ حلو وعجبني أثاثه كله لون واحد موروني الكاونترات فرة البيت تصميم جديد يمكن بناء حديث بعد ما سألت الغرفة اخشاب تركي باللون الأبيض والحمر كملنا ترتيب العصر
ورجعنا على البيت بعد ثلاث أيام الحنة ثاني يوم اجت أخته وأمه رحت أني وفاطمة ريتاج يوسف عفناه يم أمي اجرنة بدلات وحجزنا صالون الأربعاء والخميس
حنة وعرس
راح يسوون عرس مردت.. اغاني هو كال ابوي يحي مجالس شلون تردين اغاني لا ماكو أي اغاني راح يجون
شعراء وناس معروفة
ثاني يوم صادف ..يوم الأربعاء اجت هند من الصبح وبطنها الخشمها صاير باركتلي اجوي بنات عماتي وخالاتي من وقت راح نسوي الحنة مولود حلو احسن من الدك والرقص من ملهيات الشيطان وغير مباركات
والله رحنا الصالون صارت تخليلي مكياج كملت باوعت على شكلي طالع حلو وأحلى من قبل صايرة كمت لبست البدلة
جانت باللون الحمر باربي كعدت تسوي شعري
جان قصير كلش
لحد اكتوفي حارت شسوي كتلها شسوري فقط سوت المطلوب طلع يجنن وااو هاي أني لا مستحيل تغيرت الفين درجة ههههه ساعة واجه العريس وأمه وأخواته ال٣ وجناينهم
٢ طلعني من الصالون
جان لابس قاط ازرك طالع حلو ومعدل حسيت نفسي بعالم ثاني وأخيرا تزوجت شخص أحبه وأريد حبي له موقوي كلش جان سطحي أو نكول اعجاب قوي
احسه اتجاهه
رحنا على ....استوديو التصوير جانت بنية بعمري وبدلة جانت مستورة بردان أطوال خليت غطاوة فوك رأسي لما دخلنا نزعتها اخذته كم لقطة صور ولوحدنا ويه الأهل وراها
رجعنا على البيت
الحنة نص ساعة وكام راحوا أهل العريس كملنا احنا الحنة بيناتنه وي أهل والأقارب بعد إنتهاء الحفلة سمعت وحدة من البنات خالتي ميعاد متزوجة كالت لابنت
خالي بالباب واكفات
_دباعي حظها من واحد الواحد انوب واحد احلى من الثاني خوب مثل حظي وحظج بالفكر مشمورين
_ اي وآلله انوب الآثنين ارامل نسوانهم ميته هذا سيد علي حلو ومعدل وضابط سيارة آخر موديل وبيت شتريد بعد المطلقة مكسورة الركبة حظها كاعد دادة
_هي حظوظ بنات الفكر دومهم محظوظات عكسنه احنا بنات العز والمال حظنة نايم بالخياس
شبعت قهر من كالت هيج بس مردت ابجي كتمت كلشي بداخلي أني شنو ذنبي هو هذا المكتوب من الله سبحانه وتعالى هيج وهيج راح يصير وياي من أول يوم اجيت لهالدنيا
هذا القدر ماقدرة الرحمن لي
إنتهت الحفلة كمت أخذت كم صورة بالموبايل وي أمي واختي وبيبي ريتاج هند اخوي حسين وأخواتي حتى ابوي كلها صورت وياهم طلعتها من قلبي كلشي مشفت شي
حلو بزواجي السابق
بهذا اريد افرح من كل قلبي ...
بالليل كعدت بفراشي بايدي الموبايل راسلني
علي على الواتساب
_ زهراء حاب اكولج شي بس لا تضوجي
_كول ؟
_ اكو شخص دزلي صور وفيديوات لج أنتِ ويا ويكول
أنتِ ويابعلاقة قديمة ولحد الأن ويا...
فتحت عيوني بصدمه ٌ نزلت دموعي بسرعة بس لا يخرب العرس وتخرب حياتي من جديد كتبت
_اكيد هذا حمزة ناوي يخرب العرس والله العظيم
ماعندي أي علاقة
_ ادري بي دا يلوب هسه تلكي مثل الحية المكتولة على النص بس يريد يخرب هاالفرحة بس لا يموت مراح أتخلى عنج وراح نكمل العرس غصبا عليه وعلى كل واحد ضد هذا الزواج أني حبج ومن سابع المستحيلات أتخلى عنج زهورة
لعلي وعلي الزهورة
مسحت دموعي طرت من الفرحة ألف الحمدالله ماتخلى عني وصدك بي .. بس شكد واطي وقليل أخلاق شلون هيج يسوي شلون بعد ماتطلقت واتهمني بشرفي هذا على
شنو ناوي يالله
_شكراً
_على شنو ؟
_صدكت بي وماصدكت بي
_ هذا أني مااصدك بحجي العالم اصدك بالشوفه بعيوني والسمعه بإذاني حجي يبقى حجي لا أكثر
_ صح
_ صح بدنج وهسه اريدج تفرحين وتنسين حمزة وخليج فرحانه ولا تنزلين أي دمعة وشيصير
وياج انطيني علم بي تمام
_تمام
_ يلا حبيبتي روحي نامي باجر ورانه عرس وهوسة
_ تصبح على خير
_وأنتِ من أهل الخير
ثاني يوم الصبح كعدت من وقت عزلت البيت وي ريتاج اجت فاطمة وهند وبيت عمي لعدنا وأختي عاندت إلا تروح وياي لصالون امها مقبلت كتلها تروحين هسه اكول
لابوي وان شاء الله يقبل
حاجيت ابوي على الموبايل قبل أخذها وياي وكالت اروح وياج البيت العريس كتلها ماشي تجين وي
فاطمة ورجلها
رحت على الصالون ساعة بال١١ الصبح راحت وياي فاطمة وأختي الصغيرة وأخت علي الجبيرة ساعة تخليلي مكياج كتلها أريد حجاب شعري لا تسريحة ولا شي مقررة
من البداية لبس حجاب
علي مكال على لبسي ولا علق كال براحتج بس كبال العالم اريد غطاوة إذا ماتتحجبي كلتله لا احجاب اريد....
خلصنا المكياج رجعنا على البيت الظهر اجوي الأقارب والجوارين علينا بيبي صارت تبجي هي وامي على فراكي ماشفتهم يبجون بعرسي من حمزة لأن صارت
الزفة من الصالون
بجيت وياهم شوي مخلوني اكمل البجي بسرعة سكتوهم هم راح افاركهم هاي هي الحياة البنية خطار بيت أهلها العصر صارت الزفة اجوي الزفافة وقلبي صار
يدك ثانية ألف دكة
خايفة لا يصير شي يخرب هاي الفرحة خايفة من حمزة هسه يحس نكسر خشمه وتحطمت كبريائة بالكامل أدري بي مراح يكعد راحة يارب تعدي هذا اليوم على خير وبركة
دخلوا العريس وأخوه ونسوان مادخل اي رجال بعد وياهم جان لابس قاط أسود حلو طالع بتسمت من شفته طمنت
أكثر كعد شويه وهمس
_ ألف مبروك حياتي
_ الله يبارك بيك
_طالعة ملاك بدون اجناحات
_شكراً
_العفو بنيتي الحلوة ههه
اول مرة بحياتي اسمع كلمة بنيتي الحلوة من إنسان فرحان بي ربع ساعة خله أيده بإيدي .وكمنا طلعنا البيت الزفة صايرة بسيارت مالته والسايق اخوه الجبير
العلوية كعدت بالصدر صعدنا مسافة الطريق نزلنا يم الأستوديو التصوير أخذنا صور ماعرف ليش انتابني شعور غريب وكنا شخص دايراقب بينه صعدت بالسيارة
سد الباب باوعت من الشباك مشفت غير الزفافة جانن هواي سيارات وبعض السيارت مشغلين اغاني
حتلوه كلنا ماكو اغاني العالم مراح تقنع وبعد كلمن ورأيه ....
وصلنا البيت ....اهله جان العرس بي بالباب ذبحوا ذبيحة جوه رجلي ودخلنا البيت على أصوات الهلاهل والهوسات كعدنا بالاستقبال جان ديوان بي تصوير مقبل احد يصور
شلون ارتاحيت . من ماكو تصوير لأن بهذا الزمن يخوف التصوير بالعراس أغلبية ينشرون على
التواصل الاجتماعي
ربع ساعة وكام طلع اجت كعدت بصفي أختي فاطمة وأختي الصغيرة والاستقبال متروس نسوان جانوا عازمين هواي عالم والعرس ضخم ابوه شخص معروف كلش
هنا بالنجف
وره ماداروا العشة اجت العلوية يمنا
_يلا عيني لأزم نودي العروس البيتها
فاطمة ... ماشي خاله
كومتني مشيت...... أني والعلوية وبنتها وجنتها الجبيرة وأختي جان باب من بيتنا وبيتهم فتحت الباب الجنة دخلنا البيت مجان اكو احد موجود دخلنا البيت شويه
ارتاحيت وجابوا العشة
كعدت تأكل ويانه العلوية ........وبنتها الجنة راحت على البيت والله أكلت أكل عرس ما استحيت ميته من الجوع وهذولة هم أهلي عليش استحي كالت العلوية
_ اكلي ولا يهمج شي بنيتي
خجلت ضحكوا فاطمة ...
ليش قابل تستحي من بيت أهلها
العلوية _ احنا أهلها وهي بنيتي صارت
فاطمة _ ان شاءالله تصيرين امها الثانية وتكون
مثل بنتج واكثر
العلوية _ اللهم أمين
كملت قبلهم رحت اغسل أني والبدلة رجعت كعدت بالاستقبال نزعت الحذاء اجت فاطمة نزعت عني الحجاب العلوية راحت للبيت بقت بس بتها يمنه البدلة ضايقتني ردت
انزعها مقبلن كالن لا خل هو يجي
ودوني للغرفة كعدت على طرف الجرباية طلعوا عافوني الوحدي شلت الموبايل كمت أخذ صور النفسي بالسناب صورت مقاطع فيديو مليت هذا صارله ساعتين ومامبين
صارت الساعة بال ٨ بالليل طكت روحي من
البدلة ثانية وانفتح الباب اجت فاطمة
_ اجه العريس جهزي روحج
_ شنو اجهز روحي
_لا وتسوي روحها غشيمة العوبة اكول على شنو
_لااا لا تكولي اعرف اعرف
_ ههههه الحمدالله تعرفي جانت عندج خبرة
من قبل ميحتاج نعلمج
_ عاد شلون خبرة دطلعي لا تعصبيني فطيمة
_هههه طالعة هههههه
طلعت وسدت الباب كلت "ياخبرة هاي مو جانت عذاب رغمآ عني تصير وكلشي مافهمت من الزواج وي
مكسور الركبة
اللحظات وسمعت صوات زلم هوسات حلوة وبيات إشعار أول مرة اسمع بيها إنتبهت على فرة يد الباب ونفتح دخل علي
ابتسم من شافتي دنكت راسي خجلانه بس
كاتمة ضحكتي بيني وبين نفسي حسيت الباب اقفل رفعت راسي باوعتله رفع ايديه اليفوك بتعب تثاوب كال
_تعبان
_اي تكدر تنام
ابتسم بمكر وكال "انام ؟
_اي تنام مو تكول تعبان
_اي صح تعبان بس عندي شغل مهم
_شغل مهم شنو
ضرب ايده على كصته وكال بضحكة "
هههه خرب بعمي هاي البنية شبيها
تنسى بسرعة ههههه
بهذيج لحظة تمنيت الكاع تنشك وتبلعني شلون فشلة وانوب أني الغبية اكوله شغل شنو غير شغل وياي
هو يضحك وأني الضحك على الموقف السخيف مني كعد بصفي سكتت عن الضحك وصارت عندي مخاوف منه بقلبي أكول أخاف يقسي وياي مثل حمزة ويخليني أتألم
الليل كله نوم ما اشوفه بعيوني
نزع السترة خلاها بصفة باوعت على رجليه مجان لابس حذاء مسح وجه بإيده باوعلي أني انظاري بحضني
_شوفي زهراء هاي حياة جديدة بنسبة الج ولي أنتِ راح تبقين وياي لآخر يوم بعمرج طلب واحد اريده منج
رفعت رأسي باوعتله _تفضل اطلب؟
_ الطلب هو تعتبرين أمي مثل أمج وماتحسسيها عمتج وتروحين تساعديها بالبيت لأن مالها أحد أختي الصغيرة بالمدرسة ماتعرف تشتغل وأمي جبيرة بالعمر
ومريضة بيها سكري ...
_بس هذا الطلب
_اي وأتمنى توافقي عليه
_ههههه
_شبيج تضحكين طلبي صعب هلكد ؟!
_ ههه لاا سهل كلش واصلا ماكو داعي تطلب هذا الطلب لأن هذا واجبي كا جنة وهي أمي الثانية صراحة معندي من هاي السوالف مالت ما اشتغل بيت عيالي
وبيتي الوحدي "من ساعد الناس الله سبحانه وتعالى يساعده بكل شي ويسهل طريقة وينير دربه ...
_ شكراً. حبيتج اكثر من قبل زهورة
_عفوأ
حضني بكل شغف ماعرف بي هلكد يحب أمه يهنيالها عليه والله خطيه عباله مراح أوافق على الطلب ميدري بيت عيالي السابقين جنت اشتغل الليل والنهار كلمة شكرأ
ماكو منهم ناس ماتقدر النعمة جانوا
بادلته الحضن شويه التوتر والقلق خفف عني بعد
عنه وكال "جاهزة لو نجلها لغير يوم
_جاهزة
بس خجلانه كوه طلعت الكلمة من عندي نسيت حمزة ونسيت الدنيا كلها بين أيديه جان رقيق وياي ومتساهل ماعاملني بقسوة وقت لاخذاني عشت ويا أجمل ليلة عمري
مراح أنساها أبد
مرت الأيام وعلاقتي بي حلوة يعاملني بكل حب واحترام كلمة غلط ماعنده تجاهي وكل المنطقة تحلف براسه يساعد الفقير والمحتاج كل يوم اكمل شغل البيت واروح
اشتغل بيت عيالي
اكمل كلشي وارجع للبيت عيالي ..... يموتون علية عمتي جابتلي قلادة ذهب بسعر ٤٠٠ ألف عمي جابلي سوارات بسعر ٢ مليون وره شهر من العرس عمي دللوني دلال
ماشفت منه مثيل
من يروح علي الدوام اروح يمهم بالبيت مروح البيت أهلي ماعدهم احد ولد بعمر ١٨ سنة من مرته الثانية متوفية أثر
حريق ومربيته عمتي العلوية وابنته بعمر ١٤
سنة بالمدرسة المتوسطة
عائلة صغيرة وحلوة .
مرت الأيام ....وهند جابت ولد سوت عملية
مكدرت تولد طبيعي خطيه سموه
مرتضى رحنالهم أني وعلي وعمتي العلوية هم راحت ويانه العصر ساعتين ورجعنا صارلي شهرين من
تزوجت ماكو حبالة
أني اريد احبل بسرعة....... واصير ام كتلني القهر اكول اخاف مبي خلفة لأن حمزة جان يقسي وياي من يعاشرني لو حبوب المانع هي السبب اخاف رحمي بي شي هذا
الكلام كله يدور براسي
نزل علي للبيت العصر كعدنا بالاستقبال جان يتابع أخبار كلها على المظاهرات تحجي فتحت ويا الموضوع
_علي اريد احجي وياك
_ احجي
_اريد اروح للدكتورة
_خير ان شاءالله بيج شي
_لا مبي شي بس اريد اسوي تحاليل وفحوصات
_ليش ،؟
_اريد طفل
_ههه سهلة هاي
_ اليوم توديني
_ اوديج ليش لا بس أنتِ مستعجلة مصارلنا هواي
من متزوجين ترى وهو رزق من الله
_ونعم بالله بس خايفة
_من شنو خايفة ؟
_بالماضي جنت أخذ حبوب مانع للحبالة واخاف اثرت بي هسه
_ شكد اخذتي منها؟
_مدة ثلاث أشهر ونص تقريبا
_هواي يعني من أول يوم زواجج
_اي من أول يوم زواجي مجنت اريد احبل واجيب طفل منه
_ ان شاءالله ماكو شي هسه أنطي خبر لأمي تجي ويانه
_ غير نحجز يم الدكتورة
_ خليها على باجر ان شاءالله احجزلكم يم فلان
دكتورة وروحي أنتِ وأمي
_منو يودينه
_ أني عندي شغل خل رضاوي يوديكم
_ ان شاءالله
ثاني يوم الصبح ......حجز النه يم الدكتورة هو راح ورة الغدة يم بيت ضابط جبير ومعروف يكول عندي شغل العصر رحت أني وعمتي العلوية ودانا رضاوي أخوه الصغيرون
انتظرت سويت........ تحاليل بالمختبر وانتظرت تطلع وره نص ساعة تطلع التحاليل أخذتها ودخلت على الدكتورة شافت التحاليل مكالت شي كالت راح اسويلج
سونار وشوي فحوصات
نمت على الجرباية سوتلي سونار وفحوصات وسألت شكد صارلي متزوحة كتلها شهرين كالت هم تاخذين حبوب مانع كتلها ايي جنت أخذ بزواجي السابق مدة
ثلاثة أشهر ونص تقريبا
انتطني رزالة تامة كالت موزين تاخذين حبوب مانع بداية الزواج لأن يأثر بشكل كبير عليج وعلى صحتج ويمنع الحبالة بشكل تام وييبس الرحم متت من الخوف
كعدت كبالها عمتي بصفي كاعدة
كالت ... الحمدالله رحمج ما متأثر بشكل كبير بالحبوب بس راح انطيج علاج ومنشطات تستمري عليه وان شاء
الله شهرين تلاث تحبلين
الحمدالله مطلع رحمي يابس من الخلفة لو باقية يمه فد ٥ أشهر جان يبس رحمي تماما من الخلفة وجان هسه أني عاقر ما اخلف أبد كتبت الوصفة رحنى على العيادة
اشترينة العلاج
بسعر ١٠٠ ألف ضرب وابر هم انطتني شديت كانولا بإيدي وكالت ١٠ أيام وهم ارجعلها رجعنا على البيت لكيت علي ينتظرنه بره دخلنا سألني كلتله هيج وهيج كالت مضاج مني
لأن يعرف اسبابي لخلتني
أخذ هاي الحبوب المانعة للخلفة بسر حتى حمزة مجان يدري أخذها كائن مايكون مجان يدري .. ما أنصح البنات بداية العرس ياخذون من هاي الحبوب جدأ جدأ خطرة وتأثر
على الصحة والنفسية
وراح تعذبج بلأخر ولا سامح الله مراح تخلفي منوراها .
مر الشهر الأول وماكو شي..... والشهر الثاني وهم ماكو شي صارلي أربع أشهر من تزوجت وماكو خلفة تخبلت ماخليت شي لما نذرتة ماخليت أمام لما هزيت شباكة علمود
احبل كشفتلي فاطمة يم العلوية
وكايلة مبيها شي ان شاءالله تحبل عن قريب وأتمنى يطلع كلامها صح والله تعبت وأخاف ما اخلف هاي اجتني منورة حمزة هم هو عايش ومرتاح بعد مارجع مرتة
هسه حامل بشهر الثاني
وأني كلشي ....... ماكو الشهر الثالث فاتتني عشرة أيام وبلأخر اجتني خلتني ابجي علي حاضني يواسي بي يكول كولي يا الله مو اليوم باجر ان شاءالله تحبلين مراح
تطير الحبلة منج
_ صارلي خمسة اشهر موماكو كلشي ايست
من الحبلة بعد ايست
_كولي يالله كومي اغسلي وتعالي خل اخذلج استخارة بنفسي على الشهر الجاي بلكت خير تطلع وتبرد قلبج
_ اي هسه كوم توضى وتعال
كمنا سويه غسلت هو توضى فرشت المصلايه له صلى ركعتين الوجه الله اخذ كتاب الاستخارة قرأ الدعاء فتح الكتاب أني وراه واكفة اقرأ ويا اخاف يكذب علية ويكول
زينة علمود ما نقهر
قريت أول سطرين كلش زينة ويكول تحلا بالصبر كمل سد الكتاب وكال "الاستخارة زينة بس تحلي بالصبر
_ الله يسمع من حلكك علي
_ كولي يالله
_يالله يالله فرحني ويفرحك بطفل
_ اللهم أمين يارب العالمين يفرحنا احنا الأثنين ... كومي
سوينة العشة علمود ورة العشة نروح نزور
صار يومين مرايحين
_ماكدر اروح ازورها خلها بعدين
_شلون نسيت ديلا خيرها بغيرها ان شاء الله
_اي
ورة ثلاث أيام تنظفت من الدورة الشهرية رحت للدكتورة انتطني من منشطات وعلاج هل مرة ما انطتني أبر كالت مايحتاج وان شاءالله على هذا الشهر تحبلين
إذا الله راد وقدر
كلامها انطاني الراحة الاطمئنان رجعنا على البيت أني وعمتي العلوية بقت يمنى عزمنه عمي واخواته يتعشون عدنا ورة العشة رحنا كلنا نزور الأمام علي (ع)
بسيارة علي
وصلنا الأمام زرنا ورجعنا مظاهرات صايرة أجواء تخوف وصايرة أخاف أكثر من قبل على علي لأن
مظاهرات وتخوف ....
بيت عيالي راحوا لبيتهم واحنا رجعنا على البيت جان الجو بارد انسمع أخبار عن المظاهرات نسمعها بالتلفزيون شكل وأخبار نسمعها بالإنترنت شكل وهي الصح
خطيه ذبحوا العالم اذبح بالمظاهرات حكومة فاسدة وفاشلة منوراها راحوا شباب بعمر الورد بالمظاهرات
"الله يرحمهم جميعا "
ومن ظمنهم أبن خال ريتاج انقتل بقنبلة دخانية فجرت راسه عمرة ٢١ سنة ما خلاها تروح حسين كال نخاف نوصل البغداد وهسه حظر تجوال والدنيا مكلوبة كلاب هناك
خابريهم وعزيهم
ثاني يوم بالليل .....جنه كاعدين أني وعلي فوك الجرباية كاعد يمشط شعري طويل شوي وأحلى من قبل
_اااه وجعتني
_ ههههه عادي تحملي
_ انطيني أني امشط متعرف كطعت شعري
عاف التمشيط وجرني من شعري صار يباوعلي من فوك ويبتسم بمكر " ماعرف امشط لو أنتِ ماتتحملي
ايد تلمس راسج
_ااه اااه ولك وخرر علي وخرر فدوة
دنك علية باستني من شفايفي بوسة طويلة بعد وكال ...
باجر دوم
_اي دوام
_لعد تعالي خل اشبع منج
عاف شعري.. جرني كعدني بحضنه صار يبوس خدودي برقة نزل الركبتي بوس ذبت بين لمساته وحركاته جنت ابادله كلشي أحبه صرت حيل وماكدر بدونه صار
كلشي بحياتي علي
من يروح الدوام ويرجع أني أدعي يكون بخير وسلامة طلبت منه أكثر من مرة يترك الحشد مقبل كال
( هنيئا لي الشهادة )
هذا كلامه جرحني وأذاني مريد افقده والله
اموت بدونه .
نهاية الشهر فاتتني .....١١ يوم وأني اكول هسه تنزل هسه تنزل والحمدالله ماتزلت صارلي شهرين ومانازلة بالكت الله اطلع حامل وداني علي وعمتي لدكتورة سويت تحليل حمل والحمدالله طلعت حامل
بتوم اخذتلي سونار بينوا طرت من الفرحة علي كذالك طار من الفرحة أول مرة يصير عدهم وعدنا تؤأم عمتي العلوية اشترت جكليت بالبيت طشته فوك رؤسنا اني وعلي
هذيج جانت فرحة صدك فرحة
الله عوضني بدل الواحد أثنين اطفال شهر الثالث رحت البيت أهلي ابات يمهم يومين لما يرجع علي من الدوام اجوي مرام ومحمد على ريتاج يشوفونها طلعت
سلمت عليهم
متغيرين مرام لابسة .....حجاب وعباية محمد سمنان وصاير أحلى من قبل كعدوا بالاستقبال وي أمي وبيبي وحسين ريتاج وابنها بحضن محمد جان يلعب ويا
مرام _ ماحبلتي
زهراء _ اي حامل بتؤأم
مرام _ألف ألف مبروك يتربون بعزكم ان شاءالله
محمد _ ألف مبروك
مرام _كم شهر
زهراء _ تلاث أشهر
مرام _ هاا
محمد _مرام مو هم يلا نرجع البغداد
بيبي _ ابقوا اليوم باتوا هنا والصبح ان شاءالله ترجعون
محمد _ والله مانكدر نبات والأوضاع مو تمام
بهاي الأيام وعندي شغل
مرام _ مانكدر بيبي
ريتاج _ براحتكم
زهراء اندك الباب كام حسين يفتح اجه يضحك
حسين صاح من الباب
_اجه سيد علي
مرام _منو سيد علي
محمد _منو هذا ريتاج
ريتاج _رجل زهراء شعجب اجه مو اكون ينزل بعد يومين
زهراء كمت صارلي أيام ماشايفته وقلبي مثل النار على
شوفته دخل وكال "السلام عليكم
ردوا "وعليكم السلام
رحت حضنته وحضني "شلونك علي
_الحمدالله بخير وانتِ شلونج لبطنج شلونهم
_الحمدالله كلنا بخير وسلامة
_دوم ان شاءالله.. هلا بيبي شلونج شخبارج
بيبي _الحمدالله وليدي شلونك أنت
كعد بصفي كبال محمد ومراد " الحمدالله بخير مدامج بخير
سلم على أمي وريتاج همس اليه "منو هذولة
_ هذولة ولد عمه حمزة وأقارب ريتاج
أبتسم وكال _ يلا يابة زهراء لمي اغراضج خل نرجع على البيت
بيبي _ وين راجعين توك اجيت ابقوا على العشة
علي _ والله معزومين يم بيت الضابط أني ومرتي
عيب و افشلة مانروح بيبي
بيبي _ هاا روحوا لعد وتعالوا باجر على الغدة
علي _من عيوني الاثنين بيبي مو تأمرين أمر
كمت للغرفة الم باغراضي لحكتني مرام سدت
الباب وصارت تحجي وياي
مرام _هذا رجلج
_اي شبي ليش ؟
_ماشاء الله جمال جمال ومبين يحبج
_شكرأ اي يحبني وأحبه
_ هاا هو ضابط
_اي ضابط بالحشد الشعبي
_ هاا الله عوضج زهراء برجال يحبج وعوضج بطفلين
_الحمدالله على كل حال
_زهراء حابة اكولج سر بس ماتكولين أني كلتلج اوك
_اوك كولي
_ زهراء ترى حمزة لحد الأن يحبج ويريدج وهسه ندمان بكد شعر رأسه لأن تركج وحتى ترك الصلاة وصار يشرب عرك ويعامل مرته بالسوء برغم هي حامل متكدر
ترجع لاهلها لأن مهددها بقتل أبوها....
_رجاءً مرام اسكتي مبي حيل مشاكل وي زوجي لو سمع كلام شيكول طزز بي وبحبه مايهمني من أصل ومرته طبها ألف مرض محد كاللها تعالي وركضي وره رجال
متزوج نسوان أثنين وعنده طفل وهي بعدها
بأول عمرها تستاهل ليصير بيها
_ اي تستاهل إذا حمزة طلب السماح تسامحي
_لا والله ما اسامحه أبد ولا ابري الذمة أني ويا نتواجه
كبال الله بهذيج الدنيا كدام الله
_هالكد حاقدة عليه
_وأكثر متعرفين شكد تعذبت منوراه
وشفت الويل والله
_ ماعرف شكولج بعد هو الخسران بلأخر طلع مو بس
هو ندمان حتى اهله ندمانين لأن صدكوا بي
_الندم مايفيد بعد فوات الأوان ... يلا حبيبتي مرخصتج
باوستها ادري بيها مقهورة على حمزة حبيب قلبهم هذا أبد ماينطون بي كسيرة طلعت شايلة الأغراض كام علي اخذاهن من ايدي ودة الأغراض كام محمد ومرام طلعوا ويانه
فتح باب السيارة صعدت سدة وصعد شفت محمد رافع موبايله مثل شخص دا يصور بالسيارة وعلي كذالك
علية حس عليه وكال
_اكو شبكت اتصال لا تبحث ههههه
ماارد باوعله مستغرب حرك وكالي ...
جان يصور ترى
_شمدريك
_من حركة ايده وجان مركز التصوير علية
_ اكيد راح يودي التصوير الحمزة
_ومايودي لايهمج حبيبتي راح يشبع قهر من راح يعرف حامل بتؤام ورجلج حال ومال وسيد رسول الله
ويحبج ويقدسج
_ان شاء الله يحترك بناره
مرن شهرين وصلت .بالشهر الخامس بنطي واصلة لحد خشمي مبي حيل اتحرك تعبانه عمتي تجي تساعدني بشغل البيت أخت علي وعمتي تطبخ وتجيبلي الغدة والعشة
صراحة صحتي متدهورة
الحمل أثر علية وثكيل فدمرة
تمر الأيام وصرت بشهري واحنا بزمن كورونا كلها كمامات والناس مامطيه أي اهميه الفايروس ناس تكول كذب كله علمود ماتصير مظاهرات مرة الخ وناس تكول صدك
موجودة الصرحة موجودة هي
بس احنا مدري شبينه مانصدك إلا يصير بينه هذا الشي ...
بعد ماولدت طبيعي ولد أثنين سماهم علي حسن وحسين شفتهم ردت روحي كمت ابجي من الفرحة شوفه اوجوهم الحلوة والملائكة ترد الروح والله امي اجت
للبيت تساعدني لان مبي حيل
تأذيت كلش كلش مبي حيل أمشي علي أخذ إجازة مدة ١٠ أيام وي النزول مالته الحمدالله جان يساعدني بكلشي وحتى
يساعد أمي وي الأطفال يشربهم حليب ويهزهم
مايخليهم يبجون
حياتي صارت أحلى بوجود علي نور طريقي بعد ماجان أسود واظلم احمدالله اشكره باليوم مليون مرة هم مايكفي لان عوضني بهواي أشياء وخلى حياتي مليئة بالألوان
طلع اربعينهم وصاروا حلوين نسخة وحدة مااميز بين حسن وحسين احير بيناتهم علي يعرفهم ويضحك علية يكول امهم وماتعرف واني ابوهم واعرفهم هههه
الليل والنهار مكابلهم واكعد حتى مصاير يطلع هواي من ينزل من الدوام يكول ماينشبع منهم .. من تزوجت علي لليوم ما مسمعني كلمة سيئة لو موحلوة كل ايامي
مخليها حلوة وكلها حب واحترام
سمعت وره فترة من رشا حمزة صاير عنده بنية ومشاكل مبطل ويه مرته لان خوانها مهددينه بس يتعامل وياها بالاسائة راح يتعاملون ويا بل أسوء زين يسوون
مايجي الا بعين الحمرة
واخلاص مخطوبة وفاسخة الخطبة لأن طالع متزوج وضاحك عليها تستاهل والله هاي هم حوبتي
الله طلعها بيها
صار عمر حسن وحسين شهرين وسمعت. من ريتاج حمزة مسوي حادث سيارة وحالتة خطرة قلبي ماحزن عليه
أبد بس حزنت على اولاده رقية ومصطفى
خطيه منو لهم إذا مات
دعيتله من كل قلبي الله يشفي ويرجعه لهم مو الخاطرة كله الخاطر اولادة خطيه يصيرون يتامة منو لهم بلاخص مصطفى ابن أختي يبقى حدر الايدين بخلاف أبوه
بعد مافقد امه
شكد أتمنى أشوفه كبالي مرة الخ .مرت أشهر طويلة وماشايفة شكله حتى فيس بوك مادخل واشوف شكله علمود ما اشتاقله واجاني خبر بعد يومين من الحادث
حمزة صاير زين
فرحت للأطفال مو له والله
مر شهر كامل رحناا نزور علي جان شايل حسن وأني حسين زرنا وطلعنا علي كان لأبس كمامة اما أني لا يحجي علية اكوله شكو لا تخاف مايصير شي ماكو فائدة وياي أبد
بالصدفه شفت حمزة لابس تيشيرت نصردان برتقالي وبنطرون ازرق شايل حبيب روحي وقلبي مصطفى صاير رجال ماشاء الله ومرة قصيرة لأبسة عباية جسمها متروس
سمينة شايلة طفل بحضنها
أكيد هاي مرته كمامات ماكو حالهم من حالي مرته مو هلكد حلوة شكلها عادي اباوع طبره بكصته طويلة واضحة جدأ برغم هو بعيد عني لمسافة هاي من اثر الحادث اثاري
الضربة براسه جانت
صرنا كبال بعض هو باوعلي صفن بوجي دنكت يمكن ماعرفني شكلي شوي متغير سمنانة كملنا طريقنا هم هم كملوا طريقهم التفتت وره ظهري اريد اشوف مصطفى
شفت حمزة يباوع باوعلي وابتسم غمز عين راسن رجعت لعنت نفسي ألف مرة هذا عرفني والله تفوو عليك أبد مايبطل من عاداته القذرة المهم شفت مصطفى كان من
ودي احضنه واشمخ بس وين تصح الية هاي الفرصة وهسه تلكي حاقد علية علمود تزوجت
ورة شهرين بيبي توفت جان خبر وفاتها صدمه كبيرة الية والله ماجنت حاسبة يجي يوم ونفقدها الله .يرحمها الحمدالله شافت اولادنا وشافتنه تزوجنه هذا جان حلمها وتحقق
رشا حبلت واجت لعندي للبيت جابت هدية هي وسيف وابنهم هم حجتلي وكالت عمتي تعير سدرا بيج تكوللها أنتِ مرة وزهراء مرة شبعت ضحك ماتصيريهم أي
جارة هذولة مراح ينسوني بالسهولة وره فترة رحنا البغداد جان ...صديق علي مسوي حادث اخذني أني والاطفال بصدفه طلع اخوها لمره حمزة وجان حمزة
موجود هو ومرته عرفتني بسرعة رادت تجي تحجي وياي بس مخلاها هو بقى يباوعلي ويشرب جكاير
علي عرفه وكع بنار علمود يباوعلي بس مراد يكون يشرب من دمه ردنا نرجع بس مقبلوا كالوا ابقوا على الغدة بقينه كمت أسوي حليب لهم يم امها جانت خوش مرة وطيبة
حمتلي مي حار فجأة دخل حمزة كال
_عمه اريد مي عطشان
انطته المي شرب وبقى يباوعلي عبيت المي بسرعة وطلعت كاعدة بالهول اجت مره حمزة وكالت
سدرا _ زهراء زوجه حمزة السابقة
باوعتلها اني ارضع اطفالي كتلها ...
مع أسف كنت وهسه مرت سيد علي
_ هه اي سيد علي جمال جمال أخلاق أخلاق مال مال خوش الله رزقج والله مليون وحدة تتمناه وأنتِ
شلون اخذتي بالسحورة
_ههههههه
_شبيج تتمضحكين ؟
_ احنا مانسوي سحورة من الله محبوبين مو مثل بعض
الناس تخطف رجولة نسوان هههههه
_قصدج أني ام السحورة وبكت رجلج
_ألف عافية والله الحمدالله اخذتي وخلصتيني من شره
تتهنين بي اذا بي هنه من أساس هههه
_ حمزة شر قصدج
_شبيه أبليس وداعتج ههههه
_ تضحكين من نار الغيرة
_ يا غيرة هاي خيه
_علمود اختارني وما اختارج وطلقج
_هههه أصلا أني الطلقت مو هو هو لحد الأن لاحكتني روحي لزمي رجلج وسدي عيونه لا يباوع على نسوان
زلم ثانية ترى يتكسر لالج
_تتهددين ولج
_ اهدد بزودي وبزود رجلي حبيب قلبي ابو حسين وحسين
سدرا _ ان شاءالله يموت
زهراء_ ماتموتين أنتِ واعدائي واعداء أبو حسن وحسين
سدرا_بسيطة زهيرة الجكمة
زهراء_بسيطات أم الجمال ياعيني خلي الجمال
لالج مانريده هه
سدرا _تحسبين نفسج حلوة
زهراء_ لا يابة جكمة الجكمات أني منو كال حلوة
سدرا _حقيرة
زهراء _ههههه مو بحقارتج خيه هههههه
طلعت متعصبه حيل ههههه "خيه هاي شبيها وكعت بالنار ماتروح تفكس عيون حمزاوي هههههه والله شبعت
ضحك منوراهم هذولة
دخل علي ضايج وكال ...
الله يلعنه هذا طلع نسيبهم
_وإذا حبيبي تعال اكعد
_ فرحانة ؟
_ شبعت ضحك والله لو تدري شصار هسه
_شصار ؟
_مره حمزة اجتني كامت تلغي زايد شبعت ضحك
عليها خطيه شردت هههههه
_ أنتِ تضحكين وأني النار شابة بصدري
_ شبيك
_هذا حمزة ذبحني ذبح بس يباوعلي والله كوه لزمت
اعصابي بس مااردت اكوم اشحطه كبال العالم
_خليولي لا تنطي أهمية مبقى شي على الغدة نتغدة
ونرجع للبيت مالتنا
_ راح أتحمل
_تحمل بعد روحي
ورة الاذان صليت كملت صلاة لكيت حمزة مكابل حسن وحسين مخلي أيديه بجيوب بنطرون يباوعلهم بنظرات
الغضب اجيت بسرعة
_بعد عنهم
_هه والله وصاير عندج تؤام حلوين مثلج زهورة
_ اطلع بره
_ وصايرة حلوة اكثر من قبل ومتزوجة واحد سيد
وضابط وعنده فلوس وصاعد لكزز
_ بلا كلام زايد واطلع بررره
_نسيتيني بهالسرعة زهورة وشفتي حياتج وي غيري
_ مثل ما أنت نسيتني وشفت حياتك أني هم نسيتك
وشفت حياتي وي حبيبي علي
راد يلزمني دخلت مرته كالت ...
حمزة اطلع بره دا تسوي رجلها راح يدخل
زهراء _ اطلع بره الغرفة
حمزة _ طالع بره الغرفة طالع
طلع متعصب مرته طلعت وراه قلبي مثل الدمام يدك بسرعة بسرعة باوعت على حسن وحسين نايمين خفت لا سوالهم شي بنته ماشفتها من أصلا ولا مصطفى
يمكن يم أهله باقين
وره الغدة صعدنا بالسيارة طلع بره يباوعلنا بنظرات ما تبشر بالخير أبد علي كاعد على اعصابة ادري بي اعصاب ومايتحمل بس اتحمل علمود احنا خطار وعيب نسوي مشاكل
ماكلتله الصار بالغرفة اخاف يرجع يضربه .
بعد مادخلنا ٢٠٢١ جانت السنة عادية ماكو شي جديد وصادف وفاة فاطمة الزهراء عليها السلام رحنا زيارة الكربلاء المقدسة بتنه هناك ورجعنا أيامي حلوة وخالية من المشاكل
وحمزة بعد ماعرفت عنه ولاشي
وان شاءالله يكعد عاقل ومايسبب مشاكل بالمستقبل مبين شايل حقد علية بقلبه بعد مشافني وي علي وعندي أطفال توم مانكدر بهذيج الروحة شفت بعيونه شايلة كتله
من الظلام والحقد تجاهي
ادعي ربي من كل قلبي مايسوي شي غلط ويانه بالمستقبل ويكعد عاقل ويبقى ويه مرته وأطفاله بسنة ٢٠٢٠ بنهايتها وصلني مقطع على الواتساب
من رقم غريب انصدمت بي جان الحمزة مبين سكران ويبجي بالمقطع يكول زهراء والله أحبج أكثر من روحي وأولادي ومن كل اكنوز الدنيا فدوة رحت لتراب
ارجعيلي و طلقي رجلج وعوفي جهالج وتعاي لعندي والله اعوضج عن كلشي زهراء ندمان والقرأن على السويته بيج كل يوم ابجي علمود افراقج وعلمود اذبتج
اني واحد كذا وكذا صار يغلط ويفشر على نفسه ويتوسل بي ارجعله بقيت اضحك فرحانه اشوفه مذلول مثل ماجنت أني مذلولة بوقتها وتوسل بي
يرحمني الدنيا دارت عليه هسه رحت شوفت المقطع لعلي عيونه صارن برأسه رأسن طلع الخط وكسره وحذف
الواتساب وكالي اياني وياج تتواصلين
وي أقاربه رشا أو احد من أقاربه ماريد يوصل لرقمج الجديد وحسابي ويا عسير عباله راح افوتها له لا مستحيل افوتها له بالقرأن الا اخلي يبوس القنادر
فلا اطلع سيد علي واحد ناقص أخلاق وتربيه يترفس
بالنعمة وير يرجع يلمها ويحتويها
_مراح اتواصل وي احد اخذها وعد مني بس فدوة رحتلك عوفه يولي ملين سكران لا تخلي عقلك ويه هيج واحد ناقص دين وأخلاق أنت سيد وضابط واعي مو مثله
طايش ...
_اششش زهراء لتحجين لازم اكسرله حلكه علمود مرت الثانية مايتجرأ يراسل مرت رجال ثاني ويتغزل بيها سافل يريد مرتي حبيبتي ام جهالي تروحله #$@&
أول مرة اشوف علي يغلط ويسب بحمزة هو بعاته مايغلط ولايسب اليوم عبر كل الحدود وانطي حقه وره أيام كالي لزمت حمزة قريت بي التوبة والناقص
يكول اي احب مرتك وراح أبقى احبها منا لما اموت حيرني موضوعه اضرب بي يضحك بكل صلافه ويكول اي أحبها واتخيلها بحضني بدل سدرا
زهراء تحسين بي مو
_اي والله احس بيك بي عوفه يولي يريد يحرك اعصابك
_للأسف حرك اعصابي واجت بالي افرق المسدس كله براسه لما العالم لزموني ...اخخخ لو عايفيني والله جان قتلته
وطميت عارة للأبد
_تعوذ الشيطان علي فدوة رحتلك عوفه يولي هو يريدك تتعب وتسوي شي بي علمود يبليك بمشكلة ويدخلك للسجن اذا دخلت السجن لاسامح الله منو لي منو لاولادي
منو لاهلك مافكرت
_دمرني زهراء مايخليني انام مرتاح من اروح للدوام الف حسبه تجي بالي أخاف يجيكم بغيابي لو يخطفج لو يسطي عليج الف حسبه وحسبه بالي تمر زهراء
_بعيد الشر عني وعن اولادي وعنك لا تشيل هم
مايكدر يسوي شي بطرك الكلام
_وإذا سوه
_اطمن ماراح يسوي يلا كافي اعصاب روح اسبح وصلي ركعتين لوجه الله علمود يبعد الغضب
عنك والشك
بسته بخده ابتسمت بوجه هو اعصاب نار الحقير حمزة عرف شلون يستفزه راح سبح ورجع صلى ركعتين لوجه الله
حسيت بي شوي أرتاح صار من يروح
للدوام يتصل بي أكثر من مرة وينبهني ماطلع حتلوه وي اهلي لو أهله الا أني ويا يخاف من حمزة عليه وآخر مرة شفت بيها حمزة بسنة ٢.٢١ بشهر الثالث
جان مراقب البيت وشكله هو هو مامتغير أبد ماكلت لعلي خفت يرتكب بي جريمة بعد من هذاك اليوم لهذا اليوم ماشفت شي من حمزة ولا سمعت بأخباره
لان كطعت صلتي برشا هي الكطعة .. وحبلت مره الثانية وهم حامل بولد ردت بنية علمود اقفل بعد ماخلف ثلاث اطفال كلش كافين الله انطاني ولد علمود اخلف واجيب البنية
وهند كذالك حبلت بالبنية وريتاج كذالك حامل بابنية بس أني بولد ولحد الأن عيالي يموتون علية ورجلي روحه من الدنيا زهراء مامقصره ويا بشي
ولاويه اهله اعاملهم مثل مااعامل نفسي ....اكثر والحمدالله والشكر الله عوضني بعلي .. ونصيحتي لكل بنية لا تصدكين بالشباب البل جامعة ترى أغلبيتهم كذابين
ويحبون يسلون لا اكثر ليحبج ويريدج خل يدك باب بيت اهلج لا تغلطين غلطتي وتندمين عليها لاخر يوم بعمرج هسه أني لحد الأن خايفة من حمزة لان سكوته
وراه عاصفة والماضي صعب كلش ويبقى يطاردج مثل شبح من مكان لمكان شحلاتج وأنتِ ماحابه قبل وماعندج ماضي وقلبج مامسود من الحب وطعنان والخيانة
ونصيحتي لكل مطلقة لا تيأسي من رحمه الله وتتاثرين بكلام الناس وترجعين لرجلج مرة ثانية الرجال لخان مرة وطعن مرة وتخلى عنج مرة يكدر يعيدها مرة الثانية
كملي حياتج بدونه ولا تتهتمين له الله يعوضج بالأحسن مثل ما الله عوضني بإنسان بعمري كله وباحلامي ماجنت أتمنى هيج انسان راقي ومحترم مثل سيد علي
(ان مع العسر يسرا ان مع العسر يسرا )
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
