رواية خفايا القدر الفصل الواحد والثلاثون بقلم انين الروح
اخذت اسويجي وطلعت منطيت خبر لحد
لصبح ساعه ٨ دك تلفوني رضا
مجاوبته
بالعشر مرات مجاوبته
وره ساعه دك طارق
هم مجاوبته لان اعرف درو بيه انه ماموجود بالبيت ويردون يعرفون انه وين
نزلت اتريكت ابمطعم ورديت للسياره
وكل اشويه يداك واحد علي
اخر شي حدود ساعه ١٢ الظهر دك فهد
كوه افتحت خط عليه
شرايد فهد انتم ليش ماتحسون انه ماريد ارد
ع احد منكم
ليش لطشتوا بس تردون تعرفون انه وين
ما اكول
فهد ..جراح ماكلك انت وين بس حبيت اعرف انت بخير لو لا عايش لو ميت
اي عايش عايش 😤😤😤😤
اي انه بخير وعال العال ومتونس حيل
فهد ..ان شالله يخوي يله اخذ راحتك
مع السلامه
اوصلت العصر كبل رحت فندق حجزت اسبوع ورحت حلاق خففت شعري ولحيتي
رحت للمحل اخذت بنطرون ع قميص ع تشيرت لان من طلعت ماخذت وياي شي ورجعت للفندق
غفيت اشويه صار الليل اكعدت بدلت وطلعت
ماخليت مكان ما رحتله تعشيت عندي صديق خابرته كتله اريد فرفشه
هو ماقصر مكان دك وركص لصبح
الفجر رجعت للفندق
فتت نمت ما اكعدت اله ثاني يوم المغرب
كوه ارفعت راسي
غسلت وطلعت
رحت ع كوفي اشربت كهوه حتى اصحصح
وراها رحت مطعم اكلت فكرت اروح البيت عمي ابو علاء
من ضربتي وانه مشايفهم
هم عيب خاف يسمعون انه جاي البغداد ومامريت عليهم فيزعلون
شغلت السياره وطلعت عليهم
وصلت الهم
دخلت يمكن امسوين عيد ميلاد
والكل موجود نسوان وزلم
اني صديقي علاء
ماصدكو من شافوني التهلي والترحب عبالك جايهم واحد من السمه
علاء مخلف ولد ومطهره بيوم عيد ميلاده ومسوين حفله اله
اتونسنه حيل ضحك وشقه وسوالف قديمه
عمي سئلني عن الاهل والوالد
والحمدلله انتهى الليل صارت الساعه
١١ بليل
يابه انه اترخص
محد قبل اطلع
بس انه اصريت لان ماحب ابقه ابيت احد ما اخذ راحتي احس روحي مكمط
خليت وطلعت
وانه امشي وفتر بالشوارع بغداد
اجنن بالليل حلوه حيل
حتى من كثر فرتي ماشفت الوقت ابد ضاع في لمحه بصر
وانه اريد ارجع للفندق وكفتني وحده من هذني بنات الليل
اوكفت الها
هلو عيوني عندك جكاره اريد فدوه
اي عندي تردين بس جكاره
انت بكيفك شتنطيني اني موافقه الكريم وما مدت يده
فكرت بيها باوعتلها نضيفه من بره وحلوه وناعمه
اكلج
كول حبي
باجر تكدرين تجين وياي اربيل ونطيج مبلغ حلو يفرحج
صعدت كبل بالسياره
اتقربتلي رادت اتبوسني
لا لا مو هسه غير وكت
اروح وياك الجهنم اذا اتريد حبيبي
زين الباجر الصبح ساعه ٩ الكاج واكف اهنا بهذا المكان
واخذج لربيل وياي
اي حبي تدلل بس انطيني هسه عربون محبه غير
هاج هاي ٢٥ وباجر اذا جيتي راح اغركج
باست اصبعها وخلته ع خدي
صدك كشت روحي
يله نزلي وباجر اجيلج
اوك حب باي عسولتي انت
باي ياشهدي
ونزلت
حركت السياره كبل للفندق دخلت سبحت وطلعت نمت
حسيت عالمنبه ساعه ٧ الصبح
بدلت ونزلت تريكت
وذكرت هاي المواعدها ردت اعوفها ورجع البيتي
بس شيطاني صار اقوه مني
ساعه عقلي يحاجيني وساعه كلبي يحاجيني
اخر شي مليت اني كضيت عمري متعوب اركض لفلان والعلان
ومحد يفكر بيه او يركضلي
حتى الي حبيتها وزوجتها كل عمري مقدمه الها بدون مقابل
وانه من احتاجها تمنع نفسها عني
لا يجراح كافي اتقدم تضحيات
خلهم يحسون ابغيابك شلون يدبرونها
فريت السياره ورحت للبنيه
لكيتها صدك واكفه ولابسه لبس حلو مرتب
طبكت
صباحج حلو
هلووو حبيبي صباحك احلى اكيد يعمري
يله صعدي
فدوه رحتلك يعمري اي صاعده
حلوه طالعه
هاي حلات عيونك يا........صدك انت شنو اسمك ...؟
مالي اسم كولي بس حبيبي
مو يدلل عليه الحلووووو
حبيبي ..والله واحلى اسم هذا
اشكرج
وين رايحين حبيبي
لشمال لربيل تردين تروحين لو لا
اي اروح وياك الكل مكان
ونطلقنه الطريق كله تسولف وتتمضحك حتى اني اضحكت وياها
حلوه فرفشه
نزلنه تغدينه وشربنه جايات
غزل ..حبيبي نزلنه نركيله علج ونعناع خل نشرب ونفك عن نفسنه
موهسه ورانه طريق من نوصل ميخالف ادللي عود
اوك حبيبي
ونطلقنه طبعا تلفوني ما سكت ولا لحظه اخر شي مليت وغلقته
انه مو علمود احجايه رهف وبس
عفت البيت وطلعت لان انه مختنك واصل حدها ضاكت عليه الدنيا حيل
اذا ابقه بالبيت معناها رهف خطيه راح تاكلها وحدها لان انه متعصب وما راح اتحمل منها احجايه فكل اشويه راح اكب عليها
فكرت اطلع من البيت وغير جو وغير نفسيتي لان اذكرت البارحه شلون انه اضربتها وحيل انقهرت عليها
بس مثل ماكتلكم مو بس علمود احجايتها جان اكو الف ونه براسي والف حسبه
ولازم اتخلص من هالسموم حتى ارجع مرتاح
.................
رهف صحيت الصبح الساعه ١٠ نزلت اتريكت مجان اكو احد بالبيت عبالك مهجور .
عمتي ابيت اختها
موج اتنظف غرفتها
رباب هي وفطم والجهال بالبستان جاي يحوشن مخضر النه
رحت ع موج دكيت الباب ودخلت
شو ماكو احد بالبيت
اي طلعوا
رهف هاي اشبيج ليش هيج وجهج مزورك
اسكتي موج ماريد احجي
لج شنو متحجين غير عينج مزوركه
شنو واكعه لو مضروبه
اوووف
والله ما اعرف ياموج مليت من عيشتي مليت
شقدم شسوي ما يعجبه
اني هم روح هم بشر حالي من حاله
بس احجيلي شكو رهف
يمعوده البارحه راد ينام ويايه اني والله جنت حيل تعبانه مالي خلك واني اصلا العصر انطيتله حقه ماقصرا وياه والله
بليل هم راد
كل الكلته اله اني جزعت مليت
شو هذا ماصدك ع الله حجيت
كام دماني ادمي وع اني وع اني
واله اخليج تحلمين توصليلي و تشوفيني
ونص اليل حرك سيارته وطلع من البيت
دكيت عليه ميرد
والحد الان ما اعرف هو وين
زين كلتي الاحد جراح طالع
اي خابرت ع رضا وكتله
وما اعرف بعد هو جاوب رضا لا
ليش مخابرتي رضا وسئلتي
خابرته بس مجاوبني
اوكفي خلي ادك عليه وشوفه وين
موج ..دكيت ع رضا
صدك شو هذا ميجاوب احد خاف مشغول
ان شالله يخابرنه ويطمنه
والله ياموج بالي يمه لان ادري اهل يعكوب يريدون يأذوه
وهو ولا مهتم يطلع ويطب ولا عبالك اكو شي ولا عبالك قبل فتره هجموا علينه
ما اعرف شلون يصرف هذا الرجال
والله تعبني حيل
مليت حياتي وياه
بايع روحه للموت
موج ..خاف هو جان ظايج او مخنوك وهيج اتصرف وياج وكام ضربج حتى يخفف من نفسيته
لا موج هو كل احجايه ضربني كل احجايه رزلني
رهف تره كل الزلم هيج يتعصب من الشارع والديشوفه اكباله من اهموم
يرجع للبيت يفرغ كل اعصابه بالبيت وزوجته
بس اكلج الله كريم حبي لظلين تبجين
اول وتالي يرجع
كافي كومي غسلي وخلينه نروح للبستان نغير جو
............
جراح وصلنه اربيل رحنه للقلعه افترينه وغيرنه جو وفترينه اماكن شكثر
لليل رحنه للفندق بالاول رفض ابو الفندق لان البنيه غريبه
بس الفلوس اسد حلك اكبر واحد زركته بورقه
اخذنه احلى غرفه
فتنه وسلمتها حالي
اتفننت بيه تفنن حتى روحي نسيتها
...........
رضا رجعت للبيت اول ما دخلت صحت ع رهف
جتلي شفتها لا يالله شنو هاي وجها حيل مزرك
انتي بس فهميني شنو صار ابينكم
وليش جراح مايرضه يجاوب احد
والله يارضا مسويت شي ولا حجيت شي هو راد ......؟ اني كتله جزعت
وبشرفج هاي جلمه اتكولها مره الزوجها لعد هو من يريد وين يروح المن لعد ازوج
خو جان ظل عزابي افضل
انتن ليش وحدتجن متفكر قبل لا تصرف او تحجي
هو من طلب منج هالشي حتى لو انتي تعبانه
تعاي اتغازلي وياه سمعي كلام حلو خففي عنه
وهناك كليله انه تعبانه او مريضه
من يسمع هالكلام خوما يجبرج بعد عاشي
هم راح يقدر وضعيتج
بس انتن ماتكدرن ع ارواحجن اله تتاركن وتنضربن
رضا اني ماكتله شي هي بس كلمه اجزعت
اي وشفتي هالجلمه الكلتيها.... شكلتي منها غير الضرب
حلو هسه هذا وجهج المزورك
لو جراح المانعرف وينه مايجاوب احد
وانتن شهدتن قبل يومين المعركه الصارت
واكو جماعه بس تريد تصيده
ظلي هيج انتي وياه يرهف بالاخير راح تخسري انه اكلج
ظليت ابجي 😭😭😭😭 لان حسيت اني الملومه وحدي
اخذت حالي ورحت الغرفتي ابجي
ولوم بحالي
شــحـــجيلك بعد ما ظـــل حجـي الينگـال
اظــــــن خــيـــــــر الكلام وياك مــا قــــله
لان اشما اســــــــولف انت بيـــه تلوم
وعلى ابــــــسط احجــــــــاية اتدور الزلــة
مو هيج العشگـ احســبها مـــــــرة وشوف
وخــــل گـلبــــــــــك
يدلك انـــــت لـــدله
راح تشوف زيـــــن وتـــعـــرف الــموضـوع
اليعشگـ صدگـ مـــــــــــا يجرح بخـــــــله
ممنــــــــون على جرحك هذا حظي وياك
وشـــكرآ عـــل الحــــــزن و اااه ياخله
لو كان قد أضناك ما أضناني
ما كنت يوماً هكذا تنساني
هذا الذي تدعي ما عاد يجدي معي
الله لو عانيت ما أعاني..
.............
رضا ...صار ثلث تيام ادكن ع جراح وهو مايرد طفرت روحي مني
اخر شي دزيتله رساله
اسمع يخوي انت مشكلتك وي مرتك انه شكو ماترد اعليه
شني سالفتك خوتنه وين يخوي
تره ان مارديت علي هسه والعباس اروحن للمركز ونطي صورتك وخلهم يدورون اعليك ويردونك الهلك
خويه احنه عائله بيت وكلشي يصير بالبيت لازم واحد يساند الثاني
مو تطلع وماترد شني عاجبتك الطلعه انه وياك هم يعجبني اشرد وما ارد
بس عالاقل انطي خبر وين انت حتى بالنه يرتاح
وعودن غيب عن البيت سنه صدك مانكلك ارجع بس كون نعرف مكانك وين لا تخلينه طايفين
رسينه ع بر يخوي
والحمزه كتلك اعمم اسمك ابكل السيطرات لاتكول اخوي ماكلي
جراح ..جتلي رساله من رضا اقره وضحك ع كلامه
شمصورني طفل انه ويدز عليه ناس ويردون للبيت
لو ما اعرف اصرف خايب انه لازم عشيره كامله وماتمشي اله برضاي هاذ شيحجي
دكيت عليه وضحكت
خاب انت شني جاي تخوفني عودن من تكلي تنشر صورتي وتعمم اسمي خاب من كلك انه طفل بويه تعرف شكد صرت
هله بالضلع الماينشلع اعرفنك زلمه
وزلمه خشنه
بس انه طفرت روحي ادك اعليك وماترد اشمالك
انه اوحدي طايف بالشغل والعلوات وانت ولا جن يمك السالفه
خايب كول انت وين وانه اجيلك وردك
راح اكلك بس لاتجيلي ماريد اردن هسه خلها نهايه الاسبوع محتاج ارتاح كم فتره
خايب جراح بيك شي انت شو احسن من صونك تعبان مخنوك
مبيه شي بس توني كاعد من نومتي
نوم العافيه اخوي وعضدي
كلي انت وين
انه بربيل
الوحدك....؟
لا ماخذ احليوه وياي
جا صدك تحجي
شني انه كاذب اعليك كبل
لا بس ماصدكت انت تاخذ اوحده وياك
الاعرف جراح مايحب النسوان
جنت ما احبهن بس هسه صارن روحي من الدنيا
يااااا ما صدك جراح هاذ انت صدك الجاي تححي
خاب اشمالك اخذلك صوره ودزها اي انه جراح تغيرت خوما اظل حارم روحي من كلشي طكيت مليت ابزعت خل التفت الحالي اشوي بس كافي حرمان
والله يجراح كلامك يخوف
لا تخاف ولا شي اسكت ولاتكول لحد عن مكاني يله انه اروحن
اي خوي الله وياك ترد بالسلامه
رهف ..جتي عمتي من بيت اختها طبعا هي مشايفتني ولا شايفه وجهي
واني جنت احاول اجنبها حتى متشوفني وتظل ادردم عليه لان اعرف الخريط الراح تكوله
اني بالمطبخ احضر الغده
وحظي صاحتلي
الحجيه ..رهف وينج تعاي نزلي النضد (الفراش)
اي عمه بس اخلص البيدي
وحاولت الهي روحي وهي تنسه الموضوع الفراش والترتيب
بس مجازت مني كل اشويه وصايحتني
رحت الها
لفيت وجهي بالشال بحجه التراب واختنك
الحجيه ..يمه الفراش من عرس رضا بعد ما سفطنا
تعاي وياي خل نسفطه ونعدله
اي عمه تدللين
بدينه انزل ونرجع انرتبه عدل
من تعبي وكومه الفراش
عمه بس اصبري دقيقه خلي اكعد اجر نفس
نفسي راح ينكطع
جريت الشال من يم خشمي ونزعته من راسي كله وشمرته يمي
ظليت اتنفس قوي لان تعبت
الحجيه ..اصخام الصخم وجهج هاي شمسويه ابحالج مزوركه عيونج ليش ولج هيج وجهج شجرالج
ماكو شي عمه
شني ماكو غير عيونج صاير نيل شني هاي احجيلي
صدكي ماكو شي اني دا اكحل عيني وتاذت
وانتي بهيمه ماتجوزين من هالصخام التخلنه بعيونجن تجن تخلن ازرك واحمر زرق ورق مسويات اوجوهجن
وحدتجن اله تشخبط ابجهرتها اشكال ورنال ما تجوزن
تره العوبه عوبه لو تغسل يوميه بحليب
اي عمه صح كلامج بعد ما اخلي شي ع وجهي يله خلي انكمل قبل الغده وقبل لا يجون الزلم
الحجي ..وينجن شو ماكو احد يرد
موج ..ها عمو تريد شي
اي وين عمتج
بالغرفه اترتب الفراش
جان زين
وينج يامره
ها عيوني ابو جراح انه بالغرفه جاي اعزل
اكلج يامره وين ابنج صار تلث تيام ما شايفه لابالبيت ولا بالعلوه
ماتكليلي وينه هذا
ياهو المن تقصد
اكلج جراح ماهو بالبيت صارله تلث تيام حتى للعلوه مايجي وخال الشغل بس للعمال ماتكليلي وينه
يااااا صدك تحجي انه توني اسمعت محد كلي اوليدي بره البيت
شني مايرد للبيت بالليل
انتي يالواكفه ماتردين وين زوجج
ظليت ساكته شكلهم ما ادري وين لو شنو احجي
ماتحجين شني اخرسيتي
كولي الزلمه وين
والله ياعمو ما ادري بي وين
شلون يعني ماتدرين شني انتي مو مرته
اي عمو هو من طلع ما حجه شي كبل اخذ اسويجه وطلع ولليوم اعرف عنه شي
يمه اوليدي سوده ابجهي ولطمت عمتي
عمي عاط بيها
انت بسج اتولول خل نفهم وين جراح
اكلج يابه شني طلع من البيت هيج بدون مايحجي شلون يصير
يابه كولي جراح وينه
والله عمو هو اتعصب وطلع
الحجيه ..ااااااي اهنا الحجي اكيد انتي الصفيره عصبتي لزلمه طفرتي روحه ماكافي التعب والضيم فوك راسه النوب انتي وجهالج فوكاه
عمه شنو هالحجي همه غير جهاله هو روحه صايره بخشمه حصره نحجي وياه كبل اتعصب وكام يغلط ويضرب
مايطيق حتى روحه اني بعد شكو
والله يلصفيره انه اعرفج حتى هذا الزراك البجهج منه جابج بواحد معدل
احجي يالنكسه اسويتي بوليدي
ضلت تغلط وتسب وتعيط عليه
انتوا ليش الكل يندار عليه وطلعوني اني الذباحه 😠😠😠😠😠😠
وهو العبد الفقير
محد يكول جراح منه الغلط الكل يكون رهف غلطانه رهف عنيده رهف ترادد رهف تغلط
كلكم انبياء بس رهف الشيطان الرجيم عدكم 😠😠😠😠😠😠😠
اني صايره عدكم حايط نصيص ياهو اليجي يعلك فشله برهف
هذيج الحقيره ازهار رادت تكتلني اني وابني والكل دره ومحد سوالها شي
اعترفت بلسانها هي واخوها الي حركوا العلوه ومحد حجه منكم
ابن فطم ضربته وشكت شفته والكل يتفرج وساكت لا تصدون ولا اتردون وياها
وبناتكم هم وحد يغلطن ويحجن ويتعفرتن حتى ع زلمهن يتراددن
بس اني خل اسوي شي او احجي فد احجايه تقوم القيامه عدكم
هذا اليضرب وهذا اليغلط وهذا اليسب
شفتوني يتيمه ومالي ضهر كمتو تستفردون بيه
واحدكم بس يريد ينهش بلحمي ويشرب من دمي
كافي وبعياط 😡😡😡😡😡😡😡😡
الحجي ..بويه انتي منو وياج شو ما تستحين صوج حتى اعله من صوتي
منو وجهلج الاتهام الج
انه اعرف ولدي اعرفهم من يتعصبون مايحبون يبقون يم احد
انتي لا ادخلين نفسج ابكل طاري وسالفه
خلج جنه مؤدبه ولا تضلين تراددين عمج وعمتج
ولا اتخربطين بحجيج يله اخذي جهالج وروحي الدارج
لاادوخينه بسوالفج
الوووو رضا تعال ابساع للبيت
اي يابه صار بس كلي شكو
نصبنه الغده والكل كعد بس اني مكعدت وياهم لان مالي نفس اكل شي نفسيتي تعبانه ومعدتي بيها حموضه قويه دمرتني
الحجي .بويه اخوك وين شوماله حس
يابه لا تشيل هم جراح
هو كلي رايح بشغل فد اسبوع ويرد
اكلك هو رايح وين مسافر لو بالبصره
اي يابه مسافر لشمال لا يظل بالك
خوش شو ما كالي
مو صارت سفره مفاجاءه
اي مو اكولن جراح ما يسافر اله يكلي
اي يابه يله بسم ملله
اسمعت من موج جراح رايح لشمال
اي ليش لا اني اهنا اتعذب وسمع كلام من اليسوه والمايسوه
وهو يتونس بالشمال
واني صافنه ع حالي وسمعت صرخه صكر
اطفرت من غرفتي اطلعت مثل المخبله ادور عليه
هو بس يبجي وصوته عالي المشكله دنيه ظهر والكل ابغرفته نايم
نزلت واشوف الكل طلع من غرفته
واني عالبايه الاخير لدرج واشوف محسن شايل صكر والوجي مدمه كله
من شفته كمت الطم ع وجهي وعيط بس اريد اوصله
اتلكاه رضا وشاله اخذه للمغاسل ويعيط ع محسن
ولك اشماله الولد
محسن خايف ويبجي
واني اعيط
وعمتي تعيط
وعمي ركض يم رضا
غسله وجابه
رضا .لج ابساع كطن
اني ميته ابمكاني بس اعيط وابجي بعد ما شفت واحد واكف
بس عمتي يمي وتعيط
وجان تلزمني من زنودي وتعت بيه وتهزني وتحجي
ولج يصفيره انتي شرايده من ولدي كتلتي الاول وطفرتي الثاني
وتردين تكتلين الثاني كليلي شرايده من ولدي
كمت اعيط كاااااااااافي الله ينتقم منكم كلكم حسبي الله عليكم شلع
انتي او ولدج او بناتج
الله يخلصني منكم حسبي الله عليكم حسبي الله عليكم
هذا الجبان عايفني وحدي اهنا بالبيت صايره ملطشه الكم
وهو مسافر يريح نزواته وشهواته
ويه النسوان الحقير
ومااحس اله براشدي طير فكي من مكانه
الحجيه .بالج مره الثانيه تعلين حسج اكبالي وتحجين ع واحد من ولدي يالقذره يالنكسه لج ماكو احقر منج
بسيطه انه الج بس خل يرد لعلمج منو
هذا الحقير الجاي تغلطين عليه
لج انتي لو صدك مره ومعدله ماتخلين رجلج يباوع الغيرج وما يفارك افراشج يوم واحد
بس انتي نكسه ماتخلينه مقصره وياه
هو زلمه وكلشي يريد
من يشوفج تصدي وما تردي اشتردينه يكعد يتوسل بيج ويبوس الايادي
لج يذب نعاله بالحوش الف وحده تجي وتشيله وتلمه اله
خايبه خاف تصورين هو يحبج ومبقيج جوه اجناحه
تره مخليج بس تخدمين ولده
وانه من عين باجر ادورله احلى العرايس واخطبه اله
يالجلحه يالملحه يالعوبه
هذا كله سمعته واني واكفه اكبالها وصافنه ع حجيها
صدك ناس مايغزر بعينها شي لو شكد
ما اتقدميلها 😒😒😒
بالساعه ورجعوا رضا وعمي وياهم صكر وموج
اركضت ع رضا حتى اخذ صكر منه
شفته سوده عليه لافين عينه وهو بس يبجي
سئلت محد يجاوب
موج احجي اشبيها عينه فدوه كولي
يمعوده واكع بالكاع ومشكوك حاجبه وخيطوها اله اربع كطب
لا يالله سوده عليه الطمت ع وجهي
يمه ابني راحت عينه
رضا ..بس كليلي انتي وينج ليش تاركه ابنج ابعز الظهر طالع بلشمس وبالحديقه عالمرجوحه شني اني ما تفهمين ما فقدتي الخاطر الله فكرج وين عن جهالج
رجلج مامهتمه وينه جهالج مامهتمه وينهم
بويه انتي معاجبتج العيشه يمنه ردي الهلج لاتتعبينه وياج
اسمع وبس ابجي😭😭😭😭😭 وما اكدر احجي كلمه
لان كل الصار بيه ابسبب جراح هو وينه هسه وبس اني المتعذبه
ليش هيج ياربي شنو ذنبي اني شنو سويت ابحياتي
ليش هيج قدري بس شنو مضموم وبعدني ما شفته
شو بطلت من مدرستي ازوجت انسان ما احبه رديت ازوجت انسان بالغصب ردت اموت ابسبب نذله وهسه ابني عينه رادت اطير وبعد الحبل عالمجر ما اعرف شنو مضموم ومكتوب الي
عايشه بس اتخبط منا ومنا وكل ضربه تجيلي اقوه من الثانيه الى متى ياربي ارحم حالي اترجاك اتوسلك ياربي ارحم حالي برد اعصابي اهدي الناس عليه اني اتعبت ومليت بس ابرر واحجي اريد واحد يفهمني من غير ما انطق ابحرف واحد
اخذت جهالي وفتت للغرفه ما ابالغ اذا كتلكم اسبوع كامل بس ابجي ليل ونهار مابطلت عيوني الدمع
............
رجع جراح للبيت يوم الجمعه صادف
دخل سلم عالجميع واني لا
فات غسل وطلع تغده وشرب جاي
صكر توه كعد وراح ع ابوه
هذا شاف الكطوب بحاجبه وتخبل كام يعيط ويصيح ع جميع
اني جنت بالمطبخ اغسل بالماعين
ماشفت غير واحد لزمني من طرف ياختي وفرني اله
صرت اكباله وعيونه حمر وحواجبه معكودات والشرار يطافر والوجي محتقن بس شوصفلكم
عاط عيطه ابوجهي اله من الخوف احس انسلخ جلدي عن عظمي
فرني اله بقوه
لج هذا الطفل اشبي ليش هيج حاجبه مخيط
ظليت امتمت وارجف
وعاط بنت النعل احجي اشبي الطفل
ما ..ما ..ماادري جان طالع للحدبقه وصاعد بالمرجوعه
وكع منها ونشك حاجبه
وجابني بضربه ع راسي بنت النعل طفل شلون تهدينه وحده يروح للمرجوحه يلعب
اني من الضربه الصمت حلكي بيدي وظليت ابجي سكته حتى النفس كطعته حتى مايسمعه هو
لج طفل شلون تتركي وحده يلعب وبالظهاري وين بالج وين فكرج هذا هم جزعتي منه و مليتي فهميني
وسحلني حد باب المطبخ طلعني بالحوش بالشمس
وعاط لج كح.........به جهرتج هاي الحقيره ماريد اشوفها ان شفتج اكبالي فديوم والعباس اجنزج اجنازه
ما تشوفيني حتى خيالج فهمتي لو تردين اجرب الحزام ع ظهرج
هزيت راسي بمعنى اي افهمت دخل جوه وقفل باب المطبخ وعافني وحدي بالكراج بالشمس التحمس حمس
حتى الزمال تخلي يبول دم
ظليت بكلبي اتحسب عليهم اتمنى عندي اب احجيله او ام اشكيلها او اخ ابجيله
اتمنيت اني مو اني
اتمنيت يطلعلي اهل يسئلون عني
هي بس اخت وحده وهم الله شامرها ابمحافظه ثانيه كل وين او وين يله نشاوف
اوووووف يارهف يمته ترتاحين
.اصفن ع العمر خلصته بس هموم
وباوع ع الزمن شلون جازاني
اثاري بهالوكت ماينفع الطيب
والطيب يظل كل عمره وحداني
واليمشي عدل ع النيه وي الناس
ويظل طول العمر مجروح ويعاني
لا..عندي بخت وازهك ...واشور بيك
ولا.....علويه واكول .... يسودنك جدي
يالماخذ..،،..حياتي برخص طين الكاع
متكلي بعد شتريد من عندي؟!
ضليت للعصر كاعده جوه شجره العنب حتى غده ماتغديت اكلاص مي محد قدملي ولا واحد طلع شافني او اجه عليه عبالك مو بشر من دم ولحم شامري بالشمس
والله حتى الحيوان الواحد ينقهر عليه وينطي مي
جنت كاعده وبيدي عوده صغيره ويمي تراب
ارسم بالعوده عالتراب اشكال واكتب كلام ودموعي توكع قطره قطره عالتراب وتصير طين
اسمعت الباب انفتح ارفعت راسي
هو طلع
من بعين وبدون ميباوع عليه صاح
كومي سوي جاي زلم راح تجي
كمت وتمنيت ما اسوي شي ورجع اني اقفل الباب عليه وعيشه لحظه وحده من عيشه الذله
بس شلون اكد مو بيت وحدي حتى اخذ راحتي بي
الكل واكف ضدي
دخلت حضرت الجاي وصبيته صحت ع محسن يفوته الهم
رحت الغرفتي دخلت سبحت وغيرت ملابسي وتمددت ع فراشي لان احس بروحي متت تعب ظهري احسه صار نصين والله
لليل جنت شايله هم شلون هذا راح يفوت للغرفه وينام يمي ع نفس السرير
للوحده ماكو هو للثنتين ماكو
غفيت حسيت بالخمسه شفت الفراش فارغ حتى جهالي مو يمي
طفرت مرعوبه وخايفه هذوله وينهم
اركضت طلعت ادور البيت هدوء محد كاعد ادور ع جراح ع الجهال هذوله وين ياربي حموت من الخوف
كمت ادور مثل المخبله ماعرف وين اروح وباب منو ادك بنص الليل
طلعت للكراج حتى اشوف سيارته وينها
افتحت الباب ماكو بالحوش
اتخبلت طار عقلي مني ردت ارجع للبيت ودخل ع عمي اشوفه وحجي وياه ع اسواه ابنه
بس اترددت وخفت ادك الباب وكفت اكبالها والدموع تجري 😭😭😭😭😭😭هذا بس لا اخذ جهالي وسافر بيهم لبعيد وبعد ما اشوفهم طول حياتي مثل ما سوه ويه ازهار وحرمها من بتها
ارجعت طلعت لحد باب الشارع حتى اشوف السياره وبعدها عود ارجع العمي وكله
