رواية دخيله الشيخ زين العابدين الفصل الثاني الثلاثون بقلم أوتار حزينه
اهلي اجوي ساعه 11 وجايبين ريوك رادو يعگبون بس عمي الشيخ ماقبل چلب بيهم ولزمهم الا يتريكون ويانا كعدت ويا امي وخواتي بالصاله وخوات زين وامو وجدتو احس بيهم مو ماخذين راحتهم من وره امو للزين وخواتو رهيفه وامنه لان تعاملهن ويانا بخشم مثل امهن بس الحجيه ابدا ماقصرت دارت الكلام هي والهنوف وهاجر الكعدت حد ريمه ودكت عشره معها
ساريه وريهام كامن وراحن للمجلس وهاجر حجت بضحك
راحن للزين
ام هيله / اي هن يحبنه
ام زيم / وليدي منو مايحبو جثيرات رادنه وحبنه
امو ردت بنغزه على امي والحجيه ردت بقصف
اي رادنه للزين لجن هو راد هيله بنت العرب
ادحك لامو بلعت لسانها وماردت وجدة كملت
واخذها لزينه البنات واشوفو فرحان بها والارض مااتشيلو من فرحتو تكفي هااي يافضه لو مااتكفي
ماردت نغزتها بعصاتها لان جانت كاعده حدها ردت بضوجه
تكفي ياعمه
ابتسمت ودحكت لي اشرت براسها اكلي
زين طلع من المجلس كايد بايد ساريه وبايد اللخ ريهام تكلم مع امي
خاله ظلو على الغده
لااا يايمه ماانكدر ورانا شغل لان عفناه واجينا
عليكم
يمه خل نظل
ساريه تكلمت بس امي خزرتها و زين انتبه دحك
لي نزلت راسي ولهيت روحي اخوط بالجاي
اهلي ماظلو عكبو لدارهم طلعت وراهم وعكبت اجه ورايه حجه يم اذني
اصعدي فوك
راح جدامي،،، امو ادحك له وبعدين عليه
انا سريت وراه صعدت لفوك وكفت بنص الصاله
من سمعتو يحجي
معذور ياخويه اعرف الوضع واعرف الطريق شلون صار وانا هم مااريد احد يجي خاف علي لااايصير به شي لاسامح الله وتصير من وجهي تسلم اعتبر هديتك وصلت سلامي للخالتي وللاهل كلهم
دشيت شافني تكلم
هذا ابن خالتي مالك يبارك لنا
هزيت راسي بأي كمل
سدي الباب ياهيله لاتخلي مفتوح
انتبهت داشه ومو سادتو ورايه سديتو ورحت اخذت جهازي من الميز
تكلم
احد كدرج ياهيله او كدر اهلج
وكفت بمچاني صافن عليه بالمرايه بتركيز
هزيت راسي بلااا
ابتسم وگرب
لاتجذبين يبنت الملاا
درت وجهي من كال هيج سريت للجربايه كعدت هناك هو اجه جلس مسافه عني وكمل
امي سمعتكم جلمه مو حلوه
لااا عمه ماحجت شي ليش تسأل هالسؤال
سكت لجن ظل يتفرس بملامحي بتركيز
نزلت راسي لهيت روحي بالجهاز مد ايدو اخذو مني
عفتو له
خلاه على صفحه وكال
دحكي علي
رفعت عيوني له كمل مبتسم
انتي انا
صفنت بعيونو كمل
ااعرفج مثل مااعرف نفسي واعرف امي كدرتج بچلمه وانتي ماتقبلين تحجيها خايفه من ردة فعلي
زين امك امي اتحملها اذا حجت جلمه تغث واعديها لها لان مو انا الي ارد مرة
جبيره بالعمر او اخلي
عقلي بعقلها.. الجبير الو احترامو والوحده من عدنا باجر هم تكبر وتريد الي يفهمها ويطول خلگو معها
🌿🌿🌿🌿🌿
زين العابدين
دحكت لهيله باعجاب من ردت هالرد الحلو تكلمت
وتلومني العرب لان حبيت بنتهم
الخدود اشتعلت نار نزلت راسها كملت
بس انا هم ماارضى احد يغثج انتي غاليه عليه ياهيله هساع انزل واشوف عش
كاعده تسوي هيج
ردت انهض لزمت ايدي وتكلمت بسرعه
لاااا يازين عوفها لاتكدرها هي ماكالت شي حتى تغثها بچلمه وتزعلها
صفنت على ايدها وبعدين دحكت لها
حست وسحبت ايدها بسرعه خلتهن بحظنها
مرتبكه والخجل ترس ملامحها
ابتسمت وكلت
اول مره اشوف چنه تريد خاطر عمتها وماتقبل تزعلها
رفعت عيونها لي كملت
بختي لو بخت امي انطاها هيج چنه عاقله وتفهم
الام جنه ياازين وحرام علينا نقهرها بجلمه او نغثها
رديت اريد احجيها واشوف ردها
مو كل ام ينگال عليها هالكلام اكو مايستحقن
هالچلمه
اعرف جثير امهات ظالمات لنسوان ولدهن لجن حنا نعمل بالي تربينا عليه ونعاملهن بما يرضي الله ولاتنسى يازين انت هالواحد الها يعني امك تحبك جثير
وتخاف لاتاخذك حرمتك منها
رفعت حواجبي ورديت
ااخذيني ياهيله راضي بالعشره اصير لج وعوفج من امي
هم اشتعلت الخدود وشعلت جدي السابع عشر ذبيت حسره وكملت
يولي انتي غاليه عليه جثير الي يكدرج يكدرني اضوج اذا احد غثج بچلمه حتى وان جان امي
ماردت
اسمعيني زين انا ماراح
اظل هينه
رفعت عيونها لي كملت
راح اسري بس تطلع السبعه مالتنا لان الحكومه
بدت تجهز فيلق من كل عشيره حتى ينظم للجيش والحشد ونحرر مناطقنا
صفنت عليه بنظرات ما عرفت افسرها
نزلت راسها ماردت بشي
كملت
اريد اسري ماشايل همج ولا يظل بالي عليج
ماكو شي ياازين لايظل بالك
عجل فكي العگده
دحكت لي اشرت لحواجبها وكملت مبتسم
هذني مكدرات حالي فكيهن عاد وخليني ارتاح
ملامح وجهها تغيرت صفنت علي العيون من التقت حجت حبي الجبير لها وحجت حيرتها معي
دارت وجهها مني اخذت جهازها لهت روحها بي تكلمت
شفتي صور عرسنا
لاااا
طلعت جهازي من جيبي وكلت
راح ادزهن لج هاجر اخذت جم وحده هالبنت تنفع مصوره لان تصور تصوير كلش حلو
🌿🌿🌿🌿🌿
هيله
بده يدز لي صور وانتبهت اكثر الصور تخصني لان هاجر اخذت لي اكثر من صوره خله ايدو على وحده بجهازي وكال
هاي عجبتني كلش
خدودي اشتعلت نار وخجلت منو كلش لان ماجنت لابسه البرگع وجسمي ظاهر كلو
طفيت جهازي وماشفت باقي الصور هو حس بيه كام لحيلو وكال
انزل جوة لان راح يجون عمام ابويه وولد عمو
هزيت راسي الو ضحك وكمل
لغه الاشاره حلوه لجن انا احب اسمع صوتج
الله وياك
اي هساع حلو انزل وانا معي دعوه حلوه منج
سرى من يمي وطلع صفنت على الباب وكلامو كلو يدور براسي عرف وش بيه وعرف امو غثتني زين يقراني مثل كتاب مفتوح وهالشي وترني
بالزايد لان عرفت انا اي شي احس به يعرفو من ملامح وجهي
🌿🌿🌿🌿🌿
ليان
الايام تركض بينا ركض واني وماما نركض وياها حتى نخلص كلشي يخص عرس اخويه وسيم
اريده يفرح بهاليوم هو ونوار وماينقصهم شي
بابا سوه اله غده وعشه
وكله بقاعه واني التهيت بالصالون صارت الحنه والعرس بنفس اليوم من ورة الوضع واكفه بالقاعه اباوع للبنات من اقربائهم واقربائنا يرگصن
تماره وروان وارؤى بنص
القاعه واسمع صوت الهلاهل واباوع لنوار طالعه
تخبل وتجنن ابتسمت فرحانه لاخويه لان اخذ وحده ملاك هم اخلاق وهم فقيره وحلوه
مالك اجه بالي هي وهو ابد ولا عبااك اخوان هي بيضه وحلوه كلش وهو اسمر
طوخ وشكله عبالك مجرم
وخريج سجون الحاجب
مطبور هو والحنج كلت هذا ابدا مو راحه وابو مشاكل شفته شلون يهد بخبال ويريد بس يتعاارك وي الناس
انتبهت روان وتماره اجني عليه يهزن جتف اشرت الهن من جرني
مااعرف اركص
وج هو منو يعرف انتي بس هزي الجتف ويانا وهي تمشي السالفه
روان ردت تماره جرتني وكملت بضحك
اااركصي ولج اليوم عرس اخوج
وكفت خجلانه من عيون النسوان كمت اتمايل اني واكفه تماره لزكت بي تهز مثل الراقصات المحترفه
كلها كامت تصوفر الها بنات راحن جابن نوار وسوينا حلقه وخلينها بالنص دفعوني يمها تماره تاشر الزمي ايدها
شلون اثنين اني وياها الخجل تلبس بينا لزمتها هي خجلانه واني هم تمايلت وياها مبتسمه
وخدودي مشتعله نار وره دقائق عفتها راحت كعدت واني هم
ساعه مرت ووسيم طب بزفه كلش حلوه ماما ويا واني اباوع اله خجلان من
الكل ومايباوع لاحد بس من قرب من نوار باوع
عليها باعجاب وظل صافن عليها خجلت وارتبكت منه كلش نزلت راسها كعد يمها فرحان واني فرحانه بيهم اثنيهم امي بوسته وهي تبجي عيوني غوركت
وفرحه اخويه جانت جبيرة عندي ساعه عشره طلعناهم بزفه حلوه افترينا بشوارع بغداد كاعده وي بابا لان رسول زفه بسيارته
صافنه وبگلبي غصه
ايهم اجه بالي
غمضت عيوني هناك بخانه الذكريات الي مستحيل يكدر اي بشر يمسحها بسهوله لان انحفرت بالعقل والگلب وتركت اثر بالروح تذكرت وهو لازم ايدي قبل عرسنا بجم يوم كال
ليان اني ازفج بايدي مااخلي احد يزفنا اريد
هاليوم افرح بي لان اخذت الي احبها وعشگها گلبي
رديت علي
ليش هالكد تحبني ايهم
لاتسأليني هالسؤال ليان اسألي گلبي شوفي اسمعي شلون يدك بجنون بس شافج وايدي لزمت ايدج
ابتسمت بألم رددت وي
روحي
وايدك لزمت ايد اختي واخذتها ببيتي
يااحب هذا ايهم الي يخليك تنسى روحك وياها وشلون كدرت ماتشوفني كدامك شلون ايهم كدرت تلزمها وتاخذها وعرسنا بعد كم
يوم
دمعتي نزلت مسحتها بسرعه من بابا كال بخوف
راح يصير قدر شوفيهم نزلو وقطعو الشارع
لااا مايصير شي
امي ردت باوعت للولد خوالي وخالتي
واكفين يهزون بنص الشارع بعدين صعدوا ورجعنا لمنطقتنا طبينا بزفه حلوه والهلاهل مشتغله هي والاغاني باوعت سياره مالك موجوده تاليا مااجتي بعرس نوار وعرفت منها هو ماقبل ياخذوها خاف عليها لا تتمرض
نزلت قبل الكل فتحت باب بيتنا ورحت بسرعه
هم فتحت باب الاستقبال وسيم طب هو ونوار وجابها لجوه
كعدنها واسمع الولد علكو الجو بره اخذت غراضها من زوجه فهد اخوها ومحمود
وصعدتهن لغرفتهم رتبت كم شغله بيها نزلت لجوه
خاله حجت وي امي
ام وسيم زفوهم لفوك تره الوقت تأخر
باوعت للساعه صايره بالوحده لان تاخرنا بالزفه كلش وهذا الصار زفينا اخويه ونوار لفوك امي راحت وياهم هي وخالتي
وامها
البيت وره مشوار فرغ وظلينا بس احنا
جان نظيف مابي شي لان العرس صار بقاعه رتبت كم شغله وشلت كلاصات المي من الكراج والحديقه الجو برد كلش كلت خلي اذب الزبل بالحاويه وارجع لجوه
ذبيتهن ورجعت من باب المطبخ قفلته
ماما واكفه يم السنك تغسل بمواعين العشه
مال اخويه حجت
روحي ارتاحي عاد تعبتي ماما بهل الاسبوعين واخاف عليج لايصير بيج شي
مابيه شي لايظل بالج اروح اغسل وانام
روحي بس نشفي شعرج زين لاتخلي مبلل
اي
رديت ورحت لغرفتي طبيت شفت شباج الغرفه مفتوح شويه كيتي نايمه على
فراشي رحت اسده وكفت من سمعت صوت تاليا تبجي صوتها جان بعيد لان الشباج مسدود
سمعته هو يحجي وياها بس مو واضح،،،، ظليت اسمعها تبجي وماتسكت گلبي وجعني عليها ومااعرف شصار بيه دورت جهازي ماكو تذكرت بالجنطه طلعته منهن دورت اسم مالك لكيته اتصلت علي ثواني وجاوب
الو ليان خير صاير شي
كلت هبط عباله اخته بيها شي خجلت ورديت بصعوبه
لاااا ماكو شي بس ظل بالي على تاليا اسمعها تبجي وما سكتت خير بيها شي
لاا هي يعني متعلمه تنام بحظن نوار وانتي تعرفين اختي تزوجت وصارت يمكم
خاله وين
امي رجعت للبيت لان ابويه شويه مايكدر كالت باجر ارجع
ها يعني انت وياها وحدكم هسه
اي
صفنت وي روحي اسمع بجيها ويوجعني گلبي كلت بتردد
اخذها يمي
سكت مارد كملت بسرعه
هي تسكت عندي انت تعرف هالشي وهم نوار يمنا يعني هسه بس تشوفها ترتاح وتهدأ
يولي اختي عروس شلون اخليها يمها عيب من وسيم
لاا مو عيب اخليها يمي اذا سكتت واذا ظلت تبجي اخلي نوار تسكتها
مارد كملت
ها مالك شدكول
سمعته ذب حسره ورد
راح اجيبها الج
ابتسمت بفرح وكتله بحماس
لفها زين بارده تره وهاا جيب الحليب وياك والممات لاتنساهن
اي تمام
يله انتظرك بالباب
اي
مع السلامه
الله وياج
سديت الخط طلعت بسرعه ماما بالصاله سألتني
ها اشو ماطبيتي حمام
مو هسه ماما خلي اروح اجيب تاليا
يا ليش
بعدين افهمج
طلعت للكراج فتحت باب الشارع سمعت بجيها بالكراج مالتهم طلع شايلها ولافها بالبطانيه مالتها وشايل علاكه اجه عليه وكال
راح اسوي زحمه عليكم
لا رحمه
اخذتها من ايده وحجيت بحنيه
لا تبجين حبيبتي كافي توته راح اخذج يمي ويم كيتي
من سمعت صوتي وشافتني سكتت لفيتها زين وحظنتها لصدري ردت
العلاكه باوعت علي صافن
عليه وعليها كال
هاي سكتت بحظنج
الحمد لله من سكتت لان بجيها وجع گلبي
رديت اهز بيها غفت بحظني كملت
العلاكه خلي افوت بيها جوة
ها اي هيانها
انطها اليه ترخصت منه وطبيت بيها لجوة اباوع عليها باجيه هوايه وعيونها ورامه من البجي حتى تعبانه
من وراه
ماما بالمطبخ واكفه سألت من شافتها
خير شبيها توته
تبجي على نوار
ياا خطيه لعد وين الحجيه
رجعت للبيت لان عمو مايكدر
يا وشلون عافوها يم مالك وحدهم
يمكن ماتسكت عدهم يعني تريد ابوها
خطيه هالبنيه تقهر شوفيها شكد باجيه
اي
رديت ورحت نيمتها على جربايتي كيتي شافتها اجتي تمددت يمها
اعرفها تحبها كلش وهي هم تحبها
ها راح تغسلين
لااا ماما باجر اغسل خلي اتمدد وانام تاخر الوقت
اي والله ابوج نام من زمان واني وياج بعدنا نفتر بالبيت
خطيه تعب من ورة ركضه عرس وسيم وطلباته
عدت على خير والحمد لله
اي
يله اروح تصبحين على خير
وانتي من اهله ماما
ديربالج عليها لاتوكع خلي بصفها مخده
اي هو هم هيج
رديت عليها طلعت سدت الباب وراها
رحت كعدت يم توته اباوع عليها واحس بفرحه بگلبي ماعرفت افسرها مااعرف ليش حبيت هالطفله وليش تعلقت بيها يجوز لان يتيمه الام او الله زرع حبها بگلبي
بدون سبب
لزمت ايدها الصغيره بوستها اكثر مرة تمددت بصفها شلتها بهدوء وخليتها على ايدي حظنتها لصدري بستها مره اللخ من
راسها انتبهت ريحه عطر رجالي بيها كلت ريحه ابوها
من التعب غفيت وره دقائق
وهي بحظني
🌿🌿🌿🌿🌿
مالك
كاعد وحدي بيتي الي فرغ عليه اختي تزوجت وعرست وبنتي هم سوتلي عرس وراحت يم بيت عمتها شفتها شلون سكتت بحظن
ليان بس سمعت صوتها واخذتها لحظنها صفنت على حالي وكلت وي روحي
احاجي ليان اصارحها اني احبها
هزبت راسي بلااا
كملت
راح ترفض وتذبحني اعرف هالشي وواضح اليه مثل عين الشمس
ورثت جكاره اخذت نفس طويل ذبيتو بضوجه كمت افتر بالصاله ادحك للبيت فارغ وحسيت بالوحده كملت وي روحي
وين اولي هساع حتى زين الجنت اسهر معه واتعلل عرس والتهى بمرتو
دحكت للساعه صارت ب2 واني مو نايم تمشيت لغرفه اختي طبيت فتحت الشباج
اريد اسمع توته خاف تبجي
ماكو صوت كلت نايمه سديتو مشيت للجربايه
تمددت عليها غمضت عيوني افكر بالايام الجايه شلون راح ارتب وضعي وي بنتي لان اختي ازوجت وما يرهم بعد اذبها عليها وامي مره جبيره بالعمر مو مال مسؤوليه طفله مثل تاليا
تزعل وتبجي جثير
ذبيت حسره ليان بين عيوني رددت
هسه شيصير لو تنسين كلشي عشتيه وي ذاك وتقبلين بيه اداويني واداوي جروحج وواحد ينسي اللخ همو وقهرو
ظليت افكر بحالي وبليان اريد طريقه اخليها تحبني مثل مااني احبها اريدها تنسى ذاك العار والسواه بيها حتى اكدر اصارحها
وتقبل بيه
مالكيت والتفكير دوخني جثير وصطرني وره وين
يله غفيت من التعب ورحت بسابع نومه
🌿🌿🌿🌿🌿
هيله
زين ثبت وي الايام هو كد جلمتو الكالها لي ماحاول يتگرب مني ولا فرض نفسو عليه لجن ظليت اشوف منو نظرات الحب والعشگ الي
فاضحتو وفاضحه حبو لي
اكثر وقتنا گضيناه بغرفتنا حتى الاكل يطلب يصعدو النا لفوك احجي خلي ننزل جوه مايقبل يكول اريد اظل وياج اكثر وقتنا وحدنا لان ماظل شي واروح
عفتو على راحتو وهم جنت مو مرتاحه من ورة نظرات امو لي الي حسيتها ضايجه ومو متقبله وجودي بحياتهم ولا متقبله انا صرت
مرت ولدها
قبل السبعه مالتنا بيوم بليل جنت بغرفتي ارتب
هدومي سمعت صوتو العالي عكدت حواجبي سريت طلعت للصاله هاجر اجتي من غرفتها تكلمت بقلق
خير وش به زين يصيح
مدري
خلي ننزل
نزلنا سوه سمعتو يحجي بغضب ويكول
يمممه ماانا جبان لو حرمه حتى اكعد جارج وما اروح وي ولدنا حتى نحرر مناطقنا
سرينا للمجلس واكف بالنص امو حدو ردت وهي تبجي
ولك اناا ماعندي غيرك اذااا صار بك شي انا اموت ولك والله مااظل عايشه واشتم الهوه اذا تاذيت او صار بك شي
ووخرن
وخرت انا وهاجر من درب جده دشت تكلمت بغضب
وش بلاكم صوتكم عالي وطرش الاوادم
تعالي ياعمه انتي اتكلمي معه يريد يلزم الفيلق مال العشيره ويروح يقاتل ذوله الچلاب
عيوني راحت عليه عاكد حواجبو وضايج
جدته تكلمت بروده
اي وانتي مااتخلي موو
امو فكت عيونها وردت بصياح
لا دكولين انتي معه هو وابوه بهل السالفه
جدة انهدت بها
بسسسج تصيحين ياافضه
ياعمه انا ماااعندي غيرو خله هينه ودزو غيرو يلزم الفيلق
محد راح يلزمو غيري ااانا
زين رد بغضب اندارت عليه وانهدت بيه
وووج يامصخمه ماتحجين چلمه ويا شبيج سااكته عاجبج يروح من ايدج وانتي بعدج عروس
مارديت دحكت له عيونو عليه رد
يمه عووفي هيله مااخصها بهالشي
عجل خص منوو ابويه هي مو حرمتك ماراح تهدها وتروح برجليك للموت ماافكرت بيه مافكرت بها
عمي دش عاكد حواجبو ويدحك بغضب لعمتي تكلم بروده
حسج عالي ياافضه
يبوو زين لادز ولدي للموت عوفو هينه دزو غيرو شنوو ماكوو بالعشيره غير بس زين
تكلمت معه بتوسل وهي تبجي عمي كعد ذب عصاتو على صفحه ورد بهدؤ
اكو جثير لجن انا اريد ابني فوك راسهم
وادزوو للموت ادزو ياااشعلان وانت تعرف
الموت هناك وبس يگضبوه يجتلو
عمي كام وصاح بغضب
بسسسسج عاااد تفاولين بالموت والي اكول علي يصير اافتهمتي
سكتت تبجي ووجهها غده دم دحكت للزين تكلمت
انا مو راضيه على روحتك تسمعني ياازين مو راضيه
طلعت من يمهم وهي تبجي بصوت قوي عمي كعد وردد
استغفر الله ياربي ابنج غالي لجن ولد الاوادم
ما غاليين على اهلهم
زين جان متكدر ووجهو مطعون شافني ادحك له دار وجهو وطلع بره
جده تكلمت
هااجر جيبي مي لابوج
اي
راحت للمطبخ سريت وراها دشيت تكلمت بقهر
شلون ابويه وافق يخلي الزين يروح للموت برجلي
هو مو يعرف دمو مهدور يم ذوله واذا گضبو راح يذبحو بس يعرفو هو الزين ولد الشيخ شعلان
كلي ثاني يوم عرسنا راح يلتحق وره السبعه مالتنا بالحشد العشائري ويلزم فيلق عشيرتهم ومااعرف ليش من گرب هالشي اختنگت وحسيت بغصه بگلبي
راحت تودي المي لعمي سريت لباب المطبخ الخارجي فتحتو وطلعت بره
عدلت شالي ادحك للمجلس بعيد عنا مسافه
كلت كعد هناك درت وجهي لدار اهلي لمحتو كاعد جوه شجره ويدخن
الجو بارد كلش وبدت تمطر
ردتو ينهض من مجلسه ماانهض ولا تحرك عگبت للصاله اخذت فروته الزاتها على القنفه سريت بها طلعت ورحت له ماانتبه لي
الا صرت گريبه منو نهض
وكال بوجه مكدر
شجابج بهل المطر والبرد
خذ الفروه والبسها
مديت ايدي بها صفن عليه وعليها وجهو تغير وابتسم وكال
خايفه عليه ياهيله
ذيج الساع من سألني
انتبهت لروحي انا تصرفت بدون شعور والشي صار
لا ارديا
ارتبكت ومارديت اخذها مني وجان يلفني بها كلت بسرعه
مو بردانه اا
بلعت الكلام من صارت عيوني بعيونو گريب مني كلش وايدو بعدها گاضبه الفروة نزلت راسي من حسيت بگلبي كام يدك بجنوون تكلم بصوت متغير
تدفين انا ادفى ياهيله
غمضت عيوني اريد انهزم من هالمشاعر الي سيطرت علي بهاي اللحظه عكبت ليوره ماهدني رفعت عيوني الو صافن عليه بنظرات خلت حالي يتخربط تكلمت گوة
مطرت علينا يازين
ابتسم ورد
امطري انتي اولا
يزهر گلبي وحوالي
تغزل مثل كل مره وهم ماعرفت ارد انهزمت بعيوني منو وارتبكت كلش هد الفروه وكمل
خلي نعكب لايلفانا مرض
سره وانا وراه ادحك له تبلل بمي المطر
ودشادشتو السوده لزكت بظهرو وصلنا جوه
السقيفه مال دارنا نفضها من جسمو دشينا من
المطبخ هاجر واكفه تخدر جاي شافتنا صفنت علينا وكالت
هاي شسوون طالعين بهل البرد والدنيا مطرت
ههه اخوج جان محتر وراح يبرد شويه بيها شي
ابتسمت دحكت لي وردت
انت محتر هيله شكو ماخذها معك شوفها خطيه متنكعه وانت معها وراح تتمرضون من وره البرد
مابنا شي موو ياهيله
هاا لا مابينا شي
موو صوجج يولي صوج اليفزعلج
ابتسمت بوجهها زين ردها
بضحك
هااا راح تعلك بينجن
ههههه لا انا وهيله احباب مو ولج
هزيت راسي وجاوبت
ااي احباب
عفتهم بالمطبخ ورحت للدرجه صعدت هو لحكني صعدنا سوه دشينا لغرفتنا تكلم
طلعي هدوم اليه خلي اذبهن قبل لايبرد جسمي
اي هساع
طلعت له من الكنتور تراك ثخين اخذو مني انداريت سديت الباب بالمرايه مالتو شفتو ذب الدشداشه والفانيله وجسمو بين جدام عيوني ارتبكت وخجلت كلش
نزلت راسي وظليت دايره روحي منو تكلم
مطرت جثير بهل الاسبوع
مارديت سريت منطيتو ظهري ماادحك له
يولي شبيج تمشين مثل ابو الجنيب
هاا مابي شي
سكت للحظه بعدين كمل
بدلت لاتظلين خجلانه مني
عرف وهذا الشي زاد من خجلي مادرت روحي علي
عيني مستر سلطع دير روحك عليه كافي تمشين صفح راح تگعين مثل يوم
عرسنا ويفين حظج
وكفت بمچاني درت روحي علي مبتسم والوجه يضحك غمز وخله الگلب يدك بجنون سال
بله عليج مااصارت عنجورة براسج من الوكعه
مااعرف ليش ابتسمت هو خرب ضحك وكمل
خررب حظج شحصلتي من وكعتي بله
فشله
ههههههه
خرب ضحك من رديت هالرد تگرب مني الوجه يضحك والعيون مغوركه درت روحي مااريد اصير گريبه منه خايفه من روحي ومن المشاعر الي كمت احس بها كعدت على الجربايه لهيت روحي اصفط
بهدومنا ماتكلم بعد اي شي
راح شغل التلفزيون خلاه على الاخبار مثل كل ليله ادحك له جالس على الارض وساند روحو على الجربايه تكلم وره لحظه
ااوف ياهيله مدري ذوله منين اجونا ولفو علينا خسرنا كلشي بيوتنا راحت وارضنا وحلالنا بله حنا ناس الله مفضل علينا وعدنا
خير جثير لجن الفقير بهل الوضع شصار بي هساع
ذبيت حسره ورديت
الله يكون بعونو للفقير محد وكع بيها غيرو
اي والله تعرفين ابويه تكفل بعوائل جثيره وخله لهم وارد شهري حتى يكدرون
يعينون نفسهم بهل العيشه الغبره
رديت من دار روحو عليه
عمي ماكو منو طيب وكريم وايدو سخيه
ابتسم وسألني
وانا ياهيله مو مثلو
نزلت راسي تاخرت بالرد كال
تكلمي ماازعل منج
انت يازين هم كريم ونفسك طيبه لجن
سكتت من كام واجه كعد مسافه عني دحك لي بتركيز وكمل
لجن عندي عيوبا جثيره موو
يازين انت متسرع وتغضب بسرعه وجنت ماشي بدرب اعوج وكلو منكر
وجزت منو ياهيله عفت كلشي لخاطر ترضين بي وتشوفيني بغير عين
رفعت عيوني له صافن عليه يريد جواب رديت
انا اريدك تدور رضى الله قبل رضاي من ترضى ربنا الله راح يرضى عليك ويوفقك بحياتك
ابتسم كال
علميني ياهيله كولي لي الصح من الغلط اسمع منج واتعلم كلشي مااضوج والله لجن هينه بدارنا اذا غلطت بشي عاتبيني عتاب محبين وكولي لي هالشي غلط يازين
رفعت حواجبي من تكلم هالكلام تعجبت منو رديت
انا تريدني اعلمك يازين
تربع فوك الجربايه ورد
اي انتي مو حرمتي علميني واعلمج مو هيج الي يزوجون يصير بينهم حوار وتفاهم لو انا غلطان
صفنت عليه ضايعه وما اعرف شنو ارد سألتو وره لحظه
انت وي مرتك الاوليه جنت هيج
عكد حواجبو رد
انا ماجنت احب امال ولا ردتها حرمه لي زواجي منها جان بطلب من ابويه وامي خذيتها وماحسيت بأي مشاعر ولا كدرت احس
معها بشي
جنت تأذيها يازين
سألتو سكت ووجهو انطعن وتغير رد بصوت مخنوك
اي ياهيله مااذب السبب بها انا هم جنت طايش ومغتر بشبابي وفلوسي ومركزي لجن الحال تبدل من گلبي تغير من يمج وحبج
صافنه علي طلع الي بگلبو لي ومرتاح بالكلام معي كمل
انا اعترف ظلمت امال معي من خذيتها وانا مااحبها وطلگتها حتى تروح تشوف غيري لان ماكدرت اظل معها من وره الجنت عايش
به وهم من وره مشاكلنا الي زادت وي الوكت
هي تزوجت
🌿🌿🌿🌿🌿
زين العابدين
الحوار الصار بيني وبين هيله مااضجت منو
بالعكس ارتاحيت لان طلعت الي بگلبي حجيت لها عن حياتي وي مرتي
الاوليه وخليت الصوج
بيه لان انا السبب بكلشي صار بذاك الوكت ما جذبت كلت الصدگ وي هيله راح
يخليها تنظر لي بغير عيون سألت امال تزوجت رديت
اي تزوجت وره طلاگنا بسنه
سكتت ابتسمت وكملت
بعد عندج اسئله تسأليها ست هيله
لاح بوجهها ابتسامه بس دارت وجهها نهضت شايله الهدوم وراحت للكنتور تكلمت
حضري لي جنطه هدوم وجثري يجوز اطول شهر يله اعگب الكم
دارت روحها عليه سألت بذهول
شهر تغيب
كمت لحيلي مبتسم من رده فعلها
اي شهر ياهيله ويجوز اكثر
وامك يازين راح تموت من خوفها عليك انت ماشفتها شلون مقهوره عليك وما تريدك تسري من هينه
ورثت جگاره اخذت نفس ذبيتو رديت داير روحي منها
وانتي ياهيله ماراح تنقهرين لان راح اغيب عنج هالكد
ماردت غمضت عيوني ذبيت حسره درت روحي
عليها بس شافتني دحكت لها نزلت راسها رديت
بلكي من اغيب عن عيونج الشوگ يلفي بگلبج
وادكومين تحنين لي
يازين اا
اعرف ياهيله وو
دحكت لي گربت خطوه كملت والشوك لها بگلبي حارك كل عروگ جسمي
وعز الله راح اروح وانا ادعي تحبنيي اضعاف حبي لج تنامين تحلمين بي وتكعدين تفكرين بي
سرت من يمي منزله راسها بهالايام شفت اكو تغير بتصرفاتها وهالشي خله امل عندي كلت اروح بلكي تحن لي والشوگ يجيبها
🌿🌿🌿🌿🌿
حمد
جالس بگوفي جگاره بايدي ادخن وانا صافن من الجامه على الشارع برد ومطر ومو مال طلعه
لجن انا مخنوك وصرت مااكدر اكعد بمچان فتره طويله كل تفكيري يم هيله
وزين مخنوك من صارت له واخذها
عرفت انا انعجبت بيها بذاك اليوم من راد يذبحها وتعاركت معه ومارضيت له السواه ورحت برجلي اعتذرت منها انا تتكلم وگلبي مااعرف وش صار به هالشعور صيطر عليه وجنت كلما اشوفها مااعرف شيصير بحالي كلت اعجاب
بقوتها وشخصيتها وجمالها
التهيت بحياتي وظلت مثل الطيف يمر بخيالي ابتسم اذا لاح طيفها ومااعرف افسر شعوري
الايام جارت عليها هي واهلها وصارت دخيله
يم زين الي عرفتو حبها وعشگها عشكا جبير واعرفو من يريد شي يذبح روحو حتى ياخذو بس كلت هي تكرهو ومو صلح معه وراح ترفضو لجن الصار فاجأني وضربني براسي صارت له وافقت واخذها
غمضت عيوني مقهور واحس بروحي انا ضيعتها من ايدي من ظليت اكابر
من كلت لروحي هذا اعجاب مو حب هو عرف بروحو عشكها لجن انا متاخر يله عرفت وبعد فوات الاوان
حواري معه لحد هساع يدور براسي من اجه عليه فرحان والارض ماتلمو من الفرحه الي هو بها كال
ياحمد هيله وافقت رضت تصير لي حرمه
فكيت عيوني جن ضربني بگلبي بخنجر حار من كال هالكلام ردت اتكلم صوتي ماطلع كعد حدي بمجلس ابوه كمل
يول فرحان جثير والدنيا اشوفها صغيره من فرحتي
تكلمت بصوت مخنوك
يازين شلون تاخذ وحده انت تعرفها ماتحبك تعرف انها تكرهك وماتطيق شوفتك
ياحمد وي الايام من تشوف دلالي لها وحبي الجبير راح تتغير وتحبني مثل ماانا احبها
سكتت ادحك له فرحان ومرتاح لجن انا شبت نار
بضلوعي ردتو يغير رأيه يبطل منها ماردتها تصير له
عرفت روحي حبيتها نفس حبو لها كلت
يازين راح تتعب معها هيله مااهي مثل باقي الحريم الي تعرفهن مهره عنيده وشرسه وراح تعب گلبك وتچل منها وي الوكت
صفن وهو مبتسم رد
راضي اتعب واصير خيال المهره العنيده وانا ما اختاريتها الا وانا اعرف هي مو مثل غيرها
وابن عمها نسيت هي تحبو
عكد حواجبو ودحك لي بضوجه رد
ابن عمها مات وراح تنساه بس تشوف حبي لها هي ذكيه ياحمد وراح تبدي
تقارن بيني وبينوو وتعرف الفرق بينا جبير كلش اذا مو اليوم باجر تفتح عيونها وتعرف انا وين وهو وين
مارديت نزلت راسي هو كمل
ولك شبلاااك حتى مبروك مااكلت
مبروك
رديت وكمت لحيلي دحك لي كلت
اروح تذكرت شغله نسيت اسويها
طلعت من يمو روحي مخنوكه ومااعرف شصار بيه نار شبت بي وحركتني حرك وظليت هيج ايام ادعي تغير رايها يخرب كلشي لجن ماخرب اي شي وصارت حرمتو للزين وهالشي دمرني بعد اكثر وخلاني اجافي وابتعد عنو حتى ما اشوف فرحتو بها ولا اسمع چلمه راح تذبحني اكثر مو انا مذبوح
جهازي دك شفت اسم دلع
مادرت بال رجعت دكت مرة اللخ لحت اخذتو من الميز تكلمت بسرعه وبصوت مخنوك
حمد صدك زين تزوج
ورثت جكاره اللخ رديت
اي
كامت تبجي بخنكه سألتني
المن اخذ
غمضت عيوني وذبيت حسره
بنت رفيج ابوه هيله بنت العرب
سكتت للحظه بعدين كالت
الفلاحه هاي البنيه السمره الي لاعبه بيها الشمس لعب
عكدت حواجبي من كالت هيج سالت
وانتي منين تعرفيها
شفتها مره من جنت اجي للمزرعه
سكتت هي كملت بشهكه
گلي اني مو مال زواج شلون سواها وتزوج هاي الفلاحه واني شفتها حمد تكرهه وهو هم شفته يكرهها ويضوج من سيرتها
اخذت نفس ورديت
اي كلنا جنا نعرف هم واحد مايطيق اللخ لجن هو وره فتره حبها وعشگها عشكا جبير
سكتت واسمع صوت بجيها كالت
عرفته مو على بعضه قبل لا يطردني من الشقه عرفت والله عنده غيري بس،،،، ماتصورت ابدا هي هاي الفلاحه الي كدرت تاخذه مني وتخليه يزوجها
رديت بغضب
يولي بطلي ادكولين عليها فلاحه تره شغلها ماهو عيب ولا يجيب العار مثل
شغلج
ماردت كملت باعصاب
ااااانتي وين وهي وين هالفلاحه الي كاعده تحجين عليها متربيه احسن تربيه وصاحبه دين واخلاق مو مثلج انتي ياادلع
سكتت وره لحظه سألت
انت هم تحبها مووو
سديت الخط من حست بيه رجعت دكت ماارديت سويت حضر وصفنت على حالي هي تبجي على زين وانا اسمع صوت البواجي بگلبي
🌿🌿🌿🌿🌿
شهم
خطبت اخت احمد لي وشفتو تردد بالموافقه هو وامو لان مايعرفون انا من ولا يعرفون اي شي عني بس من صار الوضع بعد ما يتحمل كال لي
انت تعرف وضعك وشلون لگيتك مجهول الهويه وما تعرف منو انت ولا تعرف اهلك وين وهاي اختي الوحيده يعني مااكدر انطيها الك اذا مااعرف انت منو ومنو اهلك
حقك بهاي ياخويه لجن انا ردت اسوي زين يعني انت كاعد تشوف الديصير بنا
ومثل ماانت خايف على
عرضك انا هم خايف علي لان صرت واحد منكم وصرتو لي بحسبه الاهل
بارك الله بيك اني ماعندي شك بنيتك ولا اخلاقك بس
سكت دحك لامو وكمل بقهر
اعقد عليها بس مااكو لا دخله ولا تلزمها منا الما نطلع ونشوف شراح يصير
الي تريدو اسوي لك انا كل الي يهمني هي مااتروح
لذوله الانجاس
تسلم يمه وبارك الله بيك
وهذا الصار عقدت على ريتاج وصارت حرمتي لجن هي بغرفه يم امها وانا يم اخوها بدينا نرتب طلعتنا من الموصل مشينا وي ناس هجت من الظلم الصار عليها وماعدنا غير رحمه الله معنا
سرينا وي عائله هم يعرفوها راكبين بسياره كيه لابدين بالبنيد الوره ومغطين روحنا بجادر نايلون احمد حدي هو واموه واختو وجهال الزلمه كاعدين معه امهم ليجدام
بارده والجو مغيم سرينا بشارع عام طالع لكركوك وكفنا ذوله الانجاس افترو على الحريم شافو ريتاج سالو بصياح
من هذه وهل هي متزوجه
ااي حرمتي هااي
رديت وجريتها لجتفي لبدت يمو خايفه ماادحك لهم واحد صاح بي
ووين مولين عايفين دوله الخلافه والاسلام ورايحين لدوله الكفره
حرمتي مريضه يااخويه
الزلمه رد بتوسل وهي صارت فد مره لان صدك
جانت مريضه بذاك المرض الخبيث رد
ولو لا بارك الله بالمتاخذلين
بسرعه الزلمه ركب وشغل طلعنا تنفس هو يختلف عن ذاك الهوه بنص الدرب قبل لانوصل صار قصف قوي على الشارع
عياط ام احمد وريتاج وصريخ الجهال ترس الدنيا ادحك سيارات ورانا احترگت والادوام انجتلت الزلمه بسرعه طلع على الجوله صار قصف مره االلخ وگريب من يمنا انهذلت من الصراخ مال النسوان وصوت الدوي
السياره وكفت نزل الزلمه وصاح مفجوع
وولكم انكتلت مرتي
نزلت علي اسمع صراخ جهالو وبنفس الوگت
سمعت صراخ ام احمد رگضت لها جمدت بمچاني
من شفت احمد مضروب براسو ومجفي عليها والدم
يفلت منو
