رواية الطاغية والمغرور الفصل الثاني والثلاثون بقلم يارا الياسري
لارا :فتحت الباب ودخلنا المكان فضيع فد نزاگة
وترتيب هيج غرفة شرحة وشباك واسع وعلي
والمكتب بالون الاسود لامع وكرسية باللون
الاسود والبطانة لعلي ماروني منه ومنه كراسي
مجكنم وحلو دخلت واووووو وت ذس.
أبهر: دخل كعد وابتسم
وكال بضحك
ذس ماي اوفيس ههههه مكتبي يالخبلة
لارا گعدت بسرعة على الكرسي مقابيله
هذا الي .
ابهر: بضحك واني وين أروح ؟
لارا: تمام فهمت زين وين أشتغل .
ابهر: دقايق بس خلي أجر نفس .
لارا : متحمسة هوواي مطيت شفتي بحماس شوية
وأجت سكرتيرة مدري شنو بس شو هاي كولش
البنطلون لزك لزك والقميص ضيق المن لابسة شال
شال مال عيارة .
أبهر : سنر ساعدي لارا بالشغل ودربيها راح تكون تحت امرج
شاطرة وذكية وتتعلم بسرعة .
من مدحني تحممات ونفخت ريشاتي شو هاي تباوعلي ماعاجبها
وكبح لهالعيون
أبهر بجدية قوية وحدية لارا تفضلي وياها
سنر تفضلي حبيبتي
تحجيها بمياعة تجرر جججر بيها اووي ماعت روحي
هاي اني ادربها على الثكل شوية أجمدها مو هي طلعت وياها
حجت من ورا خشمها
سنر : برفعة حاجب خريجة شنوو ؟؟
لارا بثقة : خريجة ماستر ادارة أعمال .
سنر : باستهزاء عادي مو مهم الشهادة المهم الكفاءة
لارا :والله داشوف المهم لابسة حصرر وتتمايعين مو مهم الكفاءة
خزرتني وباوعت بغرور
سنر :تفضلي هنا مكتبج ويا الشباب
اخترعت شبايج ؟؟
سنر : اعرفكم شنو اسمج
لارا :شوف العيارة سوت روحها نست ان شاء الله زهايمر يركعج صفح
لارااااااا بي ونة اسمي ونة خاتون
سنر: اي لارا راح تشتغل وياكم
احمد: نورتي المكان .
مو راحة شكلة ويا بنية همات مار تاحيتها اسمها منال
وسنر عشتو تراقب عليهم ببنطلونها رادت تطلع رحت وراها
سنر سنر
سنر: نعم حبيبي
لارا :لاتخربطين حبيبتي
سنر :لا حب للاختصار نكول هشكل الماستر ماعلموج
لارا :ليش الماستر يعلم حبيبي وحبيبتي اعتقد شغل الكبلات هذا
سنر بنفسية :شتردين ؟؟
لارا : عصبت حتقنت منها احترمي نفسج ترى لكدامج خطيبة أبهر بيك
حالي من حاله لاتتجاوزين ترى اخلي يطردج منه انتي ويا اسمج هذا سنر مادري
سنتر
سنر :بعلو صوتها المتنعوص شنووو ؟؟ منين جبتي هالحجي من شكلج مارتاحيتلج
لارا: اووي عفية ارتاحيلي انتي وشالج وبنطلونج اللزك
مدري تضحكين على الله لو على روحج باللبسج هذااا
سنر: مااسمحلج ترى تتجاوزين شووية وطلعت منال
منال : سنر خير شكوو ؟؟
سنر : اجه تالي عكبك ماصارلها بالقصر الا من شوية العصر وجاي
تكذب وتفتري
لارا :خير سالمين شفتري عليج صدك ماتستحين سنر ام بنطلون لازك
اني اعرف اتصرف وياج
ورحت بسرعة لمكتب ابهر بي شنو خفت لايفشلني بداخل دخيلك يابو فال كحون مايفشلني
دكيت الباب كال
سنر تدخلي
فتحت ودخلت
رفع راسه بتعجب لارا محتاجة شي ؟؟
لارا :بلعت ريك هااا اي وكفتك وياية
أبهر :بسم الله بعدنا ماكايلين حلال شصخمتي من بلوة وفتح ايدي بتساؤل
واندك الباب
اجه صوت سنر كلت هاي هي اقروا على لارا الفاتحة
سنر: غضبانه ودموع التماسيح
كلت بقلبي فلك فلكج حتى راجدي ماضربتج
منين الدموع نزلت فلك فلكجن .
سنر : وتبجي أستاذ ترضى الاخت هنا ترزل وتغلط على لبسي
تسمحلها بهالشي انوب بدلع تحجيها متتت بقهري
اباوع أبهر يريد ينفجر
حجى بثكل تمام سنر روحي لشغلج أني اتصرف
ومايكون خاطرج الاطيب طلعت
اني عصبت ترى المفروض تسمع مني
أبهر بس يخوزر
باوعتله خنفهمك لاتعصب فدوة خنفهمك
ابهر : بنظرات ماتتفسر شلون بيج شلوون
لارا: بدلع عفوي ترى والله ماسويتلها شي بس كلتها تضحكين على الله لو على روحج ببنطلونج
أبهر: هههههه خرب اني من شفتج تخوزرين بنطلونها كلت راح تطيرين جبهتها
لارا :بربك شال ولازك ترى واكفه لو راقصة لو ملاية ماكو حد وسط
أبهر: ههههههه شلون وياج اني من اشوفج اشبع ضحك
لاار: يلة زين تغير جو
تنهد بحسرة وكال جملة بعدين فهمتها كالها بكل احساس
بأسف بس ياريت لو ماصار وياج لصار وشردتي
حجيت بدون تفكير اي لو ماشاردة ماتتعرف علية ترى الله يحبك
جمعك بية
أبهر: ابتسم بخفوت مثل ليتحسر على شي رفعت حواجبي بغمز
وكعدت هسه شلون ؟؟
أبهر :رجعي كملي شغلج وأتصرفي بطبيعة ويا البنات بطلي قصف
لارا: تمام اكلك عود هي ليش اسمها سنر ؟؟
أبهر: هههههه نفس مااسمج لارا هي اسمها سنر
لارا :لا لاقصدي من غير طائفة او ديانة
أبهر :شلج بهالحجي باعي هنااا وبتهديد رفع اصبعه هناااا الكل واحد
مافرق بينهم كلمن يشتغل ويكضي شغله لاتجيبلي سوالف مبتكرة منج
اخبطج خبط وافلشجج من الشغل
لارا: تمام فتحت عيوني لاتهددد خليلي هيبة
أبهر : لارا .
لارا : انداريت بحماس نعم .
تنهد وكال
ماكو شي بس مو تجفصين وتكولين خطيبتي لو شي كليلهم موظقة جديدة وبس
مااوصيج مكان عمل خلي جفصاتج بالشقة وبس .
بلعت ريك عززا لويدري بية جفصت ورحت كلتله بكل ثقة لا لا توصي
دايرة بال شلون اكول هيج شي وهو كل تمثيل .
أبهر : اي عفية ترى مكان شغل والحبة تصير كبة .
لارا : كبة مقلية لو مشوية .
أبهر هههه خرب يومج امشي عساعة 3 خلصي نطلع اليوم نروح لخالتج تمرين
تلمين حاجاتج ونتوكل .
لارا : صدوك أي فدوة مشتاقتلها هوواي .
أبهر : لعد روحي بدون مشاكل .
لارا : طلعت بثقة وكاقة اريد أثبت للكل اني ذكية وراح أنجح رحت للمكتب وكعدت
منال تخوزر عبالك كاتلة ابوها .
سألت أحمد اكلك شنو شغلي هنااا ؟؟؟
أحمد : أمممم انتي جديدة راح أشمرج على الملفات رتبي نقلي للحاسبة
سوي جدوال بالوارد والصادر يعني أمور بسيطة .
عقدت حواجبي بسيطة بسطوك بصوندة خضرة مال جيل الطيبين يابسيطة .
تحمممات تمام منال نطت
منال : مو عساس خريجة ماستر شنو ماتعرفين ؟؟
لارا بغرور حبيبتي صارلي مدة طويلة متخرجة ومامارست لذلك طارت المعلومات
عندج أشكال ؟
منال : لا .
بلشت اشتغل وأجفص بس مصرة وبالاساس أبهر معلمني ومانطوني هواي
شغل بس نقل ملفات وهيج امور صارت الساعة ب3 شفت أبهر دز مسج
فرت مدري ليش حسيت فراشة بقلبي طارت شعور حلو أبتسمت لااردية
كاتب
جهزي نفسج وطلعي .
كتبتله تمام خطيبي
دز سمايل معصب وكاتب لاراااا مكرررر الف ضحكت ولميت غراضي وكمت
يلة شباب مع السلامة وطلعت محد سأل بيهم الحمام قريب بالممر مكتوب علي اشارة حمام
دخلت عدلت خلقتي شوية وشالي رتبته ورحت لمكتب أبهر خلصت غمزتله .
أبتسم وطلع بسرعة واني ورااا رركبت ويااا وزحت حسرة
أبهر : ها بس لا من اولها تعبتي ؟؟
لارا : لا بس مو الجو حار ؟ظ
أبهر اي شوية راح أشغل تبريد ورانا أزدحام وروح للشقة ثم للبيت جوعانة ؟؟
لارا : جوعانة بس مامشتهية .
أبهر : ناخذ غدة صراحة ميت جوع .
حرك بسرعة شووية وشغل على تلفونه ربطه بالسيارة شعر مهند العزواي
ويا موسيقى حزينة على خيالي تعيش الواحد بغير عالم حسيت تقصد يشغلها
وبقى يجرر حسرات ويسوق كانت قصيدة مهند العزواي هل ياترى
لو مت انسى ماجرى..
هل ياترى..
لوكان عندي غيركم قلبي اليكم ماسرى..
هل ياترى..
يحتاج مني كرهكم قلبا قويا ثائرا وتمردا وتجمهرا..
ها قد افاضت اجفني..
والدمع منها قد جرى..
والدنيا ضاكت والنفس باقي اعله كد الحسره..
فرحان داويت الغصن ثاري المرض بالشجره..
مرت سنين من العطش..
مو شفتي روحي اتفطرت ومتاني حبكم كطره..
وماكلت ليش اتعذبت..
جنت ادري اليحب من صدك يرتاح بس بكبره..
وصار المعارك بالحجي..
وبين الضجيج المرتفع..فرزنت بيكم نبره..
حنيت كمت اكتب شعر..
من وصل لهنا كال بحسرة حنيت
كمت اكتب شعر
باوعلته يمعود وينك وين الشعر ؟؟
أبهر انطاني نظرة وكال
كل صامت بداخله اسراره باوع بعيوني
برغبة وحب وانفاسه تعلى ويا انفاسي كمل ويالشعر
وكال
لمايكدر يصرح بحبه تفضح قصيدة لو اغنية عابرة
يجر حسرات ويتمنى لو يحجي بحبه .
لارا درت وصدت عيوني بعيونه واشوف يجر حسرات
أستغربت وبغباء مني وتفاهتي حجيت بضحك يمعود ياهو يحب
وكتنا وكت الجذب بس الغشيم يحب ويعشك .
تنهد وكمل ويالشاعر لكان واصل
لو غاب يومين الرمح يشتاك ويفك صدره..
وجيف انه احبكم من صدك..
وبروحي شايلكم عشك..
مل غيري من عيونكم وانه بحسرتي النظره..
شكد اجو رادوني احب..
علمت كلبي وماعرف..
يعني انه احبكم من طرف واحد وصنت العشره..
وشكد فضول اتحملت..
ووجوه مابيها طعم..
وانه بكثر ماغيمت يرعبني لون الكمره..
مليت من كلشي ومن صدك يبست الروح الخضره..
احتاج بيتآ هادئا..
يوما اذا فيه ارتمت..ينسمع صوت الابره..
احتاج صدرا واسعا..
ماعاد صدري يحتمل..كسرت ضلوعي العبره..
وبالضحكه حيل استعجلت.. هنا
من كال هالبيت ابهر جرر ونة وبحة بصوته وكال باهات اخر بيت
فرحان داويت الغصن ثاري المرض بالشجره ،،،،،،،
لارا تخللتني مشاعر غريبة حسيت كلبي يرجف رجيف البردان بنص الشته
فتحت الجامة من التوتر رغم تبريد مشتفل اريد ابعد كل فكرة ممكن تهاجمني
نظرات ابهر لوحدها شارحة ومكفية خوفي مو من الحب خوفي يكول هو عاشك
وبقلبه احد وينتهي كل مخطط خططت حسراته واهاته احساسه ليجر ونة ويا ابيات الشعر
كلت هاي هية هالبشر عاشك سويت روحي متضايقة وصرت أنفخ .
وهو عاد القصيدة نفسها ويكرر وياها خاص الموسيقى لوياها لوحدها قضية حتى
لمو عاشك يحس روحه عاشك ولهان .
على ماوصلنا للشقة جريت نفس بس واضح بملامحي ضيق نزلت بغضب
وصعدت بسرعة بالمصعد كال
أبهر : لارا بيج شي؟؟
سال بخوف ونبرة غريبة .
باوعتله بنظرات تايهه وتنهدت لا مابية بس تعبت لان من الصبح كاعدة
مامتعودة .
وسكتت بعد ماحجيت شي بقلبي ادعي ياربي هو اخر أمل عندي
لازم أخلي يحبني ويقتنع بية و الا اصفى بالشوراع .
دخلنا للشقة والضياع متمكن مني وماخله عقل براسي دخلت للغرفة لميت كل غراضي
وطلعت لكيت جاية علية كال بتعجب
أبهر : مستعجلة ؟؟ طلبت غدة نتغدة ونروح .
لارا : حجيت بعصبية مو جوعانة خلي نروح هناك اكل مااريد ابقى هنااا عفية خلي نروح
واذ ماتكدر اطلبلي تاكسي .
أبهر تعجبت من تصرفها وشكيت خاف غلطت بيشي وياها وفهمت بعقلها الشاطح
لارا شبيج شنو لصار ؟؟ مساعة تحشيشن وتضحكين ؟؟
لارا : اي مو اني بت شارع وملاهي مالاززم انقهر ولازم ابقى اضحكك حضرتك
طبعا استاذ أبهر لكى ونسة يتونس ويضحك عليها بلعت غصتي وكلت بصوت محصور
ببجية ماادري ليش ضجت حيل حسيت روحي اختنكت هيج تغير مادري من الشمس ضربتني .
كلتله عفية خلي نروح لخالتي ترى ضجت هواي .
أبهر : سالمين ضربج فيوز شهالحجي شنو ونسة ترحين لخالتج صاحب عصبية اخذج
بس هالكلام عيب بحقي شنو اتونس بيج شنو أضحك عليج لارا شاربة بالدوام شي
احد منطيج شي وباقية تلزكين شنو صار ؟؟؟ صعدتي تضحكين وتسولفين وعين الله
عليج شتغير؟؟
لارا : تنهدت تمام سوري موقصدي اجرحك بالكلام بس وديني لخالتي بصيثاح كلتها
عاد وزجر بية
أبهر : لا تصيحين مااشتغل عندج خماكو شي كلبتي بحرف وياج ماغلطت أذ مخج
هوسة وشاطح لا تطلعين وسوستج للخارج يله امشي كدامي .
رجعن صعدن وتحركن وهمات رجع شغل نفس الشعر عصبت وضربت
كاافي سده ماشبعت منه هالقصيدة .
طفيهااا .
أبهر : مو بكيفج عناد تبقى.
بقيت اصيح طفيها طفيها وهو يصيح عناد تبقى بين عركن والعياط
بالفلكة لنطلع بيها صادفت سيارة بوجهن لو ماستر الله وأبهر
سيطر على السيارة ولافها بقوة كان المقابل تاذ لان خطية احنه سرعة
وهو بطيء نزل أبهر بغضب وتنهد شاف الرجال خطية ابو تاكسي
انطى مي واعتذر منه ورجع ساق بقيت ساكته لان حسيت لو
اطخه ينفجر بوجهي احس يكول بنظراته ونفخ غضبه من وراج جان
الزلمة مات درت وجهي وسكتتت والدمع هيج على الطرف لو واحد يطخني
ينزلن دموعي بقيت ابلع ريك وحاولت امسح عيوني بحجة الكحل
وصلنا لقصر شيراز ماينكال عنه بيت من كبره وفخامته يصيح اني من اموال الشعب
اي بقلبي انتم تعيشون وعمت عيني العراقين بالضيم والقهر .
بقهر نزلت ونزل أبهر نزلن بصمت رهيب بينه كال اوكفي
واني عناد مشيت ركض علية وجرني من عكسي
أبهر تخبلتي أتاكد من خالي .
لارا : ببرود حجيت وثقة لاتغلط تخبلت لو عاقلة على روحي مو عليك
زجر بغضب شدددددعوواج سبينج وماادري .
تصرفت ببرود ومادري ليش هيج ردت فعلي من مجرد تفكير
ان بحياته لو بقلبه وحده حسيت بشي لااردي يتحكم بية هي هاي
ليسموها المشاعر والعواطف تنهدت وهو كال
امشي دخلي ام عقلين .
دخلت ماشاء البيت كلاسيك عبالك قصر فلكوري على حديث الوان متناسقة
دخلت بخوف وتوتر خايفة خالتي تبادلني ببرود بس الي استقبلني شيراز
حجيت باحترام مو خوف بس صدوك مشتاقة لخالتي ومحتاجتها .
السام عليكم
شيراز : بغرور وعليكم السلام خالتج نايمة راح تبقين يم زينة لبين
ماتكعد .
دخل وراية أبهر : وسلم على خاله وسأل عن أمه .
شيراز : امك اليوم ببيت جدتك .
أبهر : ماكالت كنت وصلتها وشفت جدتي مشتافلها هالايام ملتهي .
شيراز : بعد طلعت غفل أرتاح اني طالع عندي شغل .
أبهر : تمام .
لارا : أني بقيت واكفة وبالصالة ماكو أحد .
أبهر صاح بصوت عالي فررريال ثريااااا .
أجت وحدة .
أبهر : ثريا لارا بت اخت رحيق أهتمي بيها على ماتكعد خالتها
وشوفيلها غرفة وخليها ترتاح . وسويلي غدة جيبي لغرفتي.
ثريا : تمام .
لارا مشيت وراها مقهورة مادري شهالمشاعر لركعتني صفح اني والاحساس شنو
ثريا : ست سمر كالت اخليج ويا زينة بس استاذ شيراز كال اشوفلج غرفة لوحدج
وبين هنا وهنا كلت بالغرفة الصغيرة لفوك اخليج بيها تصير بالممر بين غرفة أبهر وقسور
ولو أبهر داءما بالغرفة الي بالحديقة .
لارا : منه معصبة وهاي سطرتني سطر هسه لو بالحديقة همات نعمة تجننن عبالك تركية
صحت بصوت شوية عالي كاافي مو مهم وين ماتشمروني شمروني المهم يم خالتي .
المرة سكتت وسحبت بوشها كعدتني بالغرفة لكالت عليها وطلعت كمت بسرعة
قفلتها وشمرت روحي على السرير تكورت بوضع الجنين علي وصرت أبجي بقهر
أبجي وماعرف شنو السبب هيج طاقه سلبية واشتهيت أبجي أبجي بحركة حسيت
شي كاتم نفسي من بجيت شوية أرتاحيت الغرفة صغيرة حتى حمام مابيها
كمت على المراية مسحت وجهي وجريت نفس كلت انزل اشوف جنطتي
طلعت من غرفتي ورفعت راسي وشفت أبهر من غرفته طلع اجت
عيوني بعيوني غمز كان بداخل يسأل ليش أبجي ؟؟ اني بسرعة دنكت وجريت شالي
حتى مايشوفني رحت للدرج بقيت واكفة
هو كال بعلو صوته
أبهر : غرفة خالتج بالممر الثاني .
اني عفت المكان ورحت للممر الثاني فتحت الباب الاول
لكيت مكتب الثانية غرفة خود ونايمة بيها الثالة فارغة
الرابعة فتحتها وشغت خالتي نايمة صفح وايدها جوة راسها أبتسمت
هنيالج خلصتي ولكيتي مني يحبج خلصتي من ماضيج ونسيتي كولشي
محد يكدر يعيرج بي ياريت افقد ذاكرتي مثلج وانسى كولشي تنهدت بحسرة
حسيتها تحركت ردت اطلع بس طخيت الميز وطاحت ريحة
من هاي الزينة بس ماانكسرت بس صوت عالي
فزت خالتي مخررروعة وتتلفت .
من الجفلة حرت شسوي بقيت متصنمة بمكاني وابلع ريك .
رحيق بتعب ولازمة راسي : منو أنتي ؟؟؟ شسوين هنااا ؟ شيرازوين ؟؟
لارا تقدمت عليها وباعتلها بدموع اني لارا خالة اني بت اختج بت ضحى
لارا ام لسان لارا الوكحة لارا لكنتي كل الوقت ترزليها لارا لماترد
وبرعة حضنتها بقوة وصرت أبجي خالة هوواي اشتاقيتلج هوواي
رحيق : من حضنتها وشكلها حسيت مشاعري وكلبي ليصيح براسي ويكلي
حضنيها حضنتها بقووة وخاصة من شفتها تبجي كعدتها يمي وكعدت على حيلي
لزمت وجهه بين كفوفي ليش البجي ليش ؟
لارا : بلعت ريك ومسحت دموعي ولاشي بس تأثرت لان مشتاقتلج
ولان ماتصورت تنسيني ياخالة حيل خفت يصير وياج شي
ومن ذبج الغيبوبة ماتصحين نمت على صدرها خالة محتاجة حنانج محتاجة
حضنج وامانج محتاجة قوتج تحميني .
رحيق : حضنتها بقوة عذريني ياروحي عذريني مو بيدي بس عقلي
مايساعدني أتذكر بس عيونج ومشاعرج تنكط حنية وحقيقة غصب عني
اصير خالتج .
لارا : احبج خالة احبج والله لايحرمني منج .
رحيق : يارويح حضنتها شلون اجيتي لهنا ؟؟ اهلج لارا ماجاي اتذكر شي
لاماضي قريب ولاماضي بعيد احس عقلي مفرمت .
لارا : تحممات وفركت ايدي خالة اني وأبهر مخطوبيت قبل
الحادث كان موعد زواجنه ومن صار بعد أتاجل كلشي تنهدت
خالتوا بابا تبرى مني مثل ما خوالي تبروا منج من اختاريتي شيراز
حجيت بثقة لدرجة مقنعة وكوني ممثلة وموهبة التمثيل فاول عندي
اسهل مايكون أقنع المقابل .
رحيق : أي شيراز كال بس ماتصورت كل هالسنين حاقدين .
لارا : خالتي ماتتذكريهم بس خوالي لو حقدوا هاي هية يقفلون
قفل الماني ماينفتحون بعد ليش تدوخين راسج انتي عشتي وخلفتي هنا
وشيراز يموت عليج .
رحيق : وانتي ؟؟
لارا : هااا اني مو كلتلج من خطبني أبهر بابا رفض وكال اذ قبلتي لاانتي بنتي ولااعرفج
رحيق : وشنو جبرج ؟؟
لارا : خالة انتي ماتتذكرين شكد كان بابا يذربني وشلون رادوا يزوجني
لواحد بكد ابوي واني احب أبهر قبلت وخلاص .
رحيق : بستها بخدودها يمته وصلتي هنا ؟؟
لارا : ماصارلي هوواي .
رحيق : تمام نشوف خود وننزل نتغده ونتونس اريدج تذكريني بكولشي .
لارا : لا هاي هية حتى الكليجة المحتركة يخنكني مثل الجاثوم .
كمت وياها كانت خالتي لابسة فستان تركي مال بيت مورد ورد ماروني
كولش لايكلها ويا مكياج بسيط صفنت معقولة شيراز مكعدها بغرفة مرته
خرب يومك غرفة اموات تخووف .
خليت وركضت ورا خالتي
رحيق : شبيج ؟
لارا : هاا مابية بس حسيت الغرفة باردة خل نطلع .
عدلت خالتي شالها وطلعن .
رحن لخود كعدت بسرعة ولان تعرفني بالسابق تقبلتني
اكلنا وبقت خالتي تسأل واني ااحجي عبالك تحقيق اني لو باقية بشقة أبهر مو ارحملي
وبعدها لعبن خود واجت بنية شابة اسمها زينة تعرفت علهيا ومبينة بشوشة
وكضينها هيج للغروب تالي اجه الليل ورتبوا العشة وهنا واحنه نصعد نزلت وحدة
همات عيونها خضر بس شنو تلحكني لا جمالي احلى منها
رحيق وكفت : ابتمست وكالت لارا اعرفج مربية خود قزح .
قزح تخوزر تشرفت بيج .
لارا : ماارتاحيتلها تزور بخالتي مبينة مو راحة شنو مربية ليش هالزعطوطة طفلة
وكل هالخدم ب عد شيسون بالمربية اكو موضوع .
صعدن كعدن على سفرة العشة واجه شيراز بسرعة كال دقايق وجايكم أبهر وأمه
ماكو كعدن والكل اكل صامت صمت هدوء مثل درس رياضيات .
خلص العشة وكلمن لغرفته اني نزلت جووة
وبعد نسيت الفوك بقيت كاعدة بالحديقة ضايجة .
أٍسمع اغاني
___________________________________________
رحيق صعدت خود لغرفتها وخليت قزح يمها
رحت لغرفتي سبحت وبدلت بدلت ملابسي
وتعطرت لبست فستان خفيف جرجيت ناعم
وخليت شال على شعري وگفت بهدوء
على ىالبلكونة متأملة بجمال الليل ماحسيت
الا شيراز يحضني بقوة من ضهري ويلف
أيدي على خصري دفن راسه بركبتي ويبوس
باذني جرر نفس قوي همس بغزل
شيراز ويالهوى أشتمج حتى بهدوئج يلعب لعب دمج .
ضحكت بخفوت وأني حاضنته
لو بيدي اضمك ببطن عيوني
بردانة شيراز ضمني اكثررر
شيراز :مثل سر بيوت بكلبي ضميتج
وهو يلعب بشعري
وينزل ايده يطخ بصدري
شيراز اموت بنهدوج حرت منين ابوسج
من الشفايف من الركبة منين مااشمج ريحة حلوة
درت علي وصار وجهي وانفاسي تضرب
ركبته وهو محاوطني لازكني علي والعرك يتصبب برغبة منه
لزم وجهي بي ايدي ورفع وصار يتعمق بالبوسة مثل العطشان
ومايتييه المي من ايده ويمط بيهن واني قابله عظيت شفة وزادت حرارتي
مع انفاسي تنهد وكال هنااا ماناخذ راحتنه جر البردة وجرني وهو حاضني
للجرباية نومني وتمددد علية رمشت بعيوني وكان غركان همس باذني
مدمن بيج وعليج ووياج اتخلى عن كل غروري واتحول عاشك
هايم مجنون .
رمضت وفتحت عيوني بهدوء بعيونه كاال بخدرررر ااااخ ذني
هنااا ذني عيونج من يوم شفتهن تخلت روحي مني وصارت ملكهن
ذني هنا لبيهن غركت ذني هنا خذني من روحي الج .
حجيت تحبني ؟؟ هالكد تحبني وبنسياني وبضياعي كدامك .
شيراز مايهم الذكرى يهم روحج والمشاعر صادقة بقربي
وحدهن يشرحن ماضي وحاضر ومستقبل .
سمحيلي اعيش واعيشج بالليالي الف ليلة وليلة
ليالي بيها العشك سلطان .
كان جو حميمي والنار رغم كل البرودة لبغرفة مشعولة بينة
عبالك جمر انفاسن منتفضة كان السؤال بدكة كلب منه
والجواب بدكات متتالية مني بهالجو بادرت وقبلت ثغره برغبة
مثل مايقبلني بشهوة وتفننن ونزلت لركبته نفخت انفاسي عليهن وطبعت قبلاتي بيهن
هنا انفتح كل ضوة اخضر كدامه وصارت الاهات تشرح مشاعرنا
_____________________________
لارا ضجت من الحديقة صعدت أفرفر صعدت وكلت أروح
اكيد شيرؤاز عند شغل ماينامون على وقت اروح لخالتي
ولكيت قزح
تتصنت على باب غرفة رحيق
صحت بصوت راعد لج زقح شسوين هنااا ؟!!!
