رواية بديلة اختي الفصل الثاني والثلاثون 32 بقلم خاتون الكعبي

تذكير

نسر : استري نفسج وطبي جوى ازلم يا طابة يا طالعة 

طيف : ميخصك كتبت هالكلمة وسديت التليفون ورجعت كعدت يم جدتي ما اريد احصلي ورزالة من ابوي بسببة لليل يلة خلصت الحفلة فتحت تليفوني بفضول لا اكثر عبست واني اشوفة بس شايف ارسالة رجعت طفيت التليفون وتعشينى عدهم  اصر جدهم حتى انبات بس جدي رفض بحجة عندة فصل معرف شنو رجعنة وطريق كلة 

واني اراسل بفرح واجتفي تهتز من وحدهن من الضحك كل ما ارفع عيني اشوف نسر عينة علية وهوة خازرني ارفعلة حاجبي بسخرية ورجع ادنك ع تليفوني احس صارت بعيونة نظرات غريبة يمكن استغراب من تصرفي عبالة انه ذيج الهبلة التتمنه نظرة منه او حتى كلمة وصلنة للبيت تقريبن ع اذان الفجر 

اباوع ع جدي وبابا خطية غافين كعدت بابا وهوة نزل من السيارة وراح فتح الباب الجدي وبدة يكعدة كعد بابا ونزل من السيارة وانه وراه وكوم نسر جدي وسندى للبيت بعد ما سلم ع بابا شفت سيارة عمي صفت ورانه خطية وجدتي وعمتي رايحات بسابع نومه اشرلهم بابا بيدة وفتح الباب دخل ودخلت وراه شفت امي منتظرتنة بصالة وملامح القلق مرسوم ع وجهة سلمت عليهة وحظنتهة وصعدت الغرفتي بتعب احس جسمي مكسر من الطريق نزعت بشتي وحجابي وذبيت روحي مثل الميتة ع الجرباية دقايق ورحت بسابع حلم و........

_______________

اوتار

محمد : مبروك عليج اني مريتي 

اوتار : حقير همست بهالكلمة وبعدت عنه اباوعلة ضحك وهوة يخزرني وكعد بصفي انطتى امه الذهب لبساني ياه وكلمنة مراسيم الخطوبة بشكل عادي احس راسي كام يفتر من هلاهل النسوان وهوستهن وهوة مثل الحس بية قرب ناحيتي وهوة يهمس 

محمد : بيج شي 

اوتار بنرفزة : مبية شي بس اشوكت تخلص هالمهزلة 

محمد ابتسم بوجه انسوان وهوة يهمسلهة بحدة: ضبي السانج وتكفي شري عديلي هاليوم ع خير وباجر يتوضحلج كلشي 

اوتار بستفاهم : اشقصدك 

محمد : كل خير نهة كلامة وهوة يهمسلهة بمكر 

اوتار : رفعت صدر الفستان بتوتر ع خجل واني احس اعيونة صارت علية سمعتى يتنهد وهوة ايكوم باس راسي وشمةا حس الدم اجمد بجسمي من الخجل طلع برة بسرعة وابتهال وسارة الحقيرات يباوعلي ويغمزن اشوية ودخلت مرسلين عبست لمن شافت راح عليهة نص الحفلة بس مقصرت هية والبنات بركص واجت قبل الكل ودعتني وطلعت وراهة مرت عمو شاهين وجنتهة واشوية اشوية بدت اتخف النسوان الحد مشفت الساعة صارت بستة ونص 

باوعت ع امي وهمستلهة اريد اروح الغرفتي تعبت هزتلي راسهة وصاحت سارة وابتهاا كومني ودخلت للغرفة باوعت ع حالي بسخرية واني اشيل بالماشات مالتي نزعت الفستان وسبحت جابلي البنات العشة كعدت اتعشة وياهن وهنة ايسولفن ع الخطوبة والنسوان الأجني للعشرة دك تليفوني شفت محمد رفضتة بسرعة ضل ايدك ويدك ويدز رسايل يا تهديد ع مود اطلعلة بالحديقة يا غزل اشوفهن بس الغس الحد مقفلت التليفون ولفيت راسي ونمت بتعب من كل الأحدث والمشاكل الصارت وياي بهالسبوع الشئم و.......

_______________

مرسلين

شاهين : جنتي نازلة هيجي 

مرسلين ؛ ءها اي ليش اباوعلة شمر الساعة ع الميز وبدة يقرب علية وهوة ايكول بصوت حاد خلا جسمي يرتعد من الخوف والخجل بنفس الوقت

شاهين : ليشش ناززلتلي بهالبس وتكللي ليشش جان اصلختي احسنن اشكاالوولجج علية ك*** منزل مرتي بين هالوادم بهالبس ارايحح واجاي ايشوف جسمهااا وانيي من الصبح اووصي واكوول مااريدد لبس طاايح حظة تاليتهة الاكيج ناازلتلييي هيجججي 

مرسلين بخوف مخفي : شاهين لا تبالغ وبعدين هية كولهة نسوان منو حيشوفني ولبسي مقابل لبس البنات مبي شي ومستور وا... قاطعها وهوة ايعيط بيهة بعصبية 

شاهين : لججج مستووريش هذذة مستوور واشدخلني بصخيمات عللية بيججج موو كتلججج ممنوع لبس ضيككك لو مكللت

مرسلين : لا رد 

شاهين بصوت اعلة : احجججي كلللت لووو مكللت لو بس تردين اتعاااندين وتكسررين احجايتي هااا

مرسلين بعيون مدمعة : ءءك..كلت بس والله.. مو قصدي ..جبت.. الفستان اصلاً بلا ما اقيسة... معبالي هيجي.. ضيك 

شاهين : اباوعلهة تحجي وتمسح بدموعهة مثل الطفلة فركت وجهي واني اباوع ع منظرهة طفللة يرربي طفللة بحجم وجسم مرية من الكلمة تتحسس وتكوم تبجي الأول مرة احس روحي عاجز معرف شنو اصرف او شكول شحجي اخاف امررلهة ياهة واتكوم تتمادة اكثر وتخرج عن السيطرة واخاف اقسة عليهة واعاقبها وتكرهني اكثر ويزيد حقدها علية 

شصرف شسوي معرف كلل الأعرفة ما اريد اشوف اعيونهة الحلوة ايلالن بيهن ادموع ادموعهة تكسرني اشكد ما اني بهالحظة عصبي واحس الشيطاين جاي تطافر اكبالي ومتنرفز من استهتارهة هشالي كلة تبخر بدمعة وحدة منها قربتهة علية مانع كل حاجز او تفكير يمنعني عنها ما اريد شي غير احسهة بقربي ابتسمت واني اشوفهة ختلت راسها بصدري وكامت اتناشغ مثل الطفلة حركت ايدي ع شعرها واني اكول 

شاهين : اشش كافي بوية عليمن كل هالدموع اشو اشوف كلت هيج واني ارفع راسها من صدري ضحكت من كلبي واني اشوف وجها صاير خرريطة الكحل نازل ع وجناتهة والأعيون حمر مورمات باوعتلي بغيض مثل الطفلة دفعتني من صدري وهية تمسح بعيونهة وشمرت علية التيشيرت وهية اتكول 

مرسلين بعصبية طفولية : مو صوجك صوج التجيك كلت هيج وطلعت من الغرفة بسرعة واني اسمعا يضحك الحقير نرفزني دخلت الغرفة البنات شفت وجهي عززا هاي اصاير الشعفة مكفشة والعيون مورما والمسكارة سايلة رحت غسلت وجهي ورتبت نفسي ولبست شالي وحطيت شال ع جتفي خاف محمد داخل طلعت من الغرفة واول مأجيت انزل صار شاهين اكبالي وهوة يعدل بتشيرتة باوعلي بعدم اقتناع مهتميتلة ونزلت جوا واني اسمعا يستغفر واول مأجيت ادخل للصالة صاح علية وهوة ايكول 

شاهين بعصبية مكتومة : ما اوصيج لا اتقصرين بالركص

مرسلين بستفزاز ؛ لا توصي حريص كلت هيج واني ادخل للصالة حرامات العقد نصة فاتاني يلة عادي اشوف التصوير من البنات كلت هيج واني اذب الشال ع الكرويتة علت سارة صوت الديجي واجمعنى احنه البنات مثل الدائرة مع انو مو كولش اعرف بركص بس اعناد بشاهين وكفت اركص ويا البنات ضحكت ع نفسي واني اركص وربي لو ايشوفني خاف عدالي سالفة الفستان ومشاهة برزالة يمكن هذة يصير كتلي خلاص ع ايدة للخمسة ونص اجتني زهراء تركض للصراحة خفت منها اعرفها متجيني غير بالمصايب سحبتني من البنات وهية تهمس بأذني 

زهراء : روحي بسررعة للمطبخ شاهين ايريدج بس مو تنسين شالج 

مرسلين بخوف : شيريد اباوعلهة كامت تبلعم وهية اتكول 

زهراء : دزيتلة فديوهات ركصج وتخبل 

مرسلين : عزززا بعينج ليش 

زهراء : اندري شعرفني ميقبل تركصين

مرسلين : شدعي عليج متكليلي كلت هيج واني اجر الشال من ع الكرويتة لبستة ورحت للمطبخ رفعت عاجبي واني اشوفة واكف بالباب وهدى اكبالة بصف السنك باوعلي بنرفزة وقبل لا يحجي اي شي كلتلة ببتسامة واني اقرب علي 

مرسلين: ها حبيبي كالو صحتني 

شاهين : ها 

مرسلين : ضحكت بداخلي ع شكلة باوعت ع هدى ورجعت باوعتلة وهوة مثل الفتهم بس معرف ليش احسى عصب يمكن ضاج لمن عرف كلت هيج لأن هدى موجودة او شي غيرة مكدريت افهما هزلي راسى وهوة ايكول ابرود 

شاهين : ماكو شي بس اجهزي راح نرجع اليوم عندي خفر 

مرسلين : هزيتلة راسي بستنكار واني اذكر اليوم جمعة يعني عطلتة بس مردت ارددة واحاجي كدام هدى لأن اعرفها حتأخذهة لزمة علية ورجعت للصالة كلت السمر وعمة حنرجع وصعدت لبست صايتي ونزلت جوا ودعت امي وبيبيتي وباركت الأوتار مرة ثانية وطلعت برة اول مشافاني اشرلي ع السيارة ركبت بيها واني اباوع علي واكف ويا ولد يمكن اصدقائة معرف اصدقاء محمد ودعهم واجا ركب السيارة الطريق كولة وهوة ساكت وصلني وكبل طلع دقايق ودخلت سمر وعمتي سئلتني عمتي وين راح شاهين كتلهة اليوم خفر باوعتلي بستنكار وسكتت اشتكدر تحجي مثلاً عن ابنها هزيت راسي بسخرية وصعدت فوك و....

______________

طيف

واكفة ع الطباخ بين الكاعدة وبين الصايحة كل ساعة احصلي كفخة من امي الحد مصحت بوجع وانه افرك براسي 

طيف : اااخ متكليلي ليش مكعدتني من الصبح وربي نعسانة 

ام طيف بعصبية : اشلون راح اطك مرارتي من وراج جا من الصبح شاكل تبن وشحجي هسة راح يجي ابوج ياخذني البيت خالج اشوف جدتج ايكولون مريضة هاي الفاصولية سالكتهة بس سويهة والتمن بازلتة  اول ما يجون الولد وابوج اصبيلهم وفضيل تفكين ياخة عنة لا بهالساطور 

طيف : اباوعلهة تكصص بالحم وتأشرلي بساطور بعلامة تحذير هزيت راسي بخوف ورحت ع المغسلة غسلت وجهي ولميت كفشتي ودخل ابوي لبست امي عبايتهة وصتني اسد الباب وقفلة لأن بس اني وفضيل بالبيت كتلهة ماشي وقفلت الباب وراهة سويت الغدة ونضفت البيت اباوع ع الساعة استوهة يلة صارت بالدعش يعني بعد ساعتين يلة يجون ابوي واخواني لبست بشتي فوك التراك ولفيت شالي وصحت لفضيل كلت خل اروح البيت جدي بين ما يجون احسن ما ضالين وحدنة دخلنة البيت جدي من باب السياج سمعت كل عادة اصوات عالية جاية من الديوان اكيد مشكلة جديدة صايرة مهتميت ودخلت للبيت شفت جدتي وعماتي كاعدات بصالة صبحت عليهن ورحت كعدت يم جدتي الي اول مشافتني جرت اذني بقوا وهية اتكول 

ام مالك : شعباالج نااسيتلج ساالفة البارحة دخل يجي ابوج واخوانج اذا ما اكلهم واخيلهم يكرمونج ما اسمه حمديه 

طيف : فركت اذني بوجع واني اكول يعني اسويت مثلاً حالي حال البنات قابل رايحة بفاتحة اباوعلهة سكتت عني وهية ادردم رفعت راسي ع عماتي وشفت كل وحدة تباوعلي صفح هية وبناتهة هسة اجابني اهنا لو ضالة ابيتنة مو احسلي فترة ودخل الغثة سلمن علي بنات عمي وعماتي الي اموت واعرف اشوكت لحكن ايكملن شغلهن ويجن محمرات ابيت جدي من الصبح هاي عادتهن لازم كل يومية الصبح والعصر يجمعن بيت جدي عبالك مسويات حزب منا للمغرب يلة يفكن ياخة ويولن البيتهم باوعلي نسر وهوة ورافع حاجبة بشمخ عبالك هوة الملك وحنة العبيد عندة وكال 

نسر بستفزاز : لازم ما علمتج الولدة اسلمين ع الأكبر منج 

طيف بنرفزة : ........

______________

اوتار 

فزيت من نومتي ع صوت هوسة برة اباوع ع الساعة بدعش عززا كل هذة نايمة كمت بسرعة من مكاني سبحت وصليت ولبست شالي وطلعت برة شفت عمتي ام اخلاص وبناتهة موجودات من البارحة ما عاولت تنحل قضية رجلهة وترجع البيتهة رجعت لزكت اهنا اباوع ع بناتهة يباوعلي بتك عين بلة هذني شحجي وياهن هسة صبحت ع الكل وكعدت اتريك 

بالمطبخ وبصفي كروري واني اسمع كل ساعة بسمار من بنات عمتي بس مطيتهن الأذن الطرشة الحد مدخل محمد للمطبخ وصبح عليهن مبين استوة كاعد جر كرسي وكعد اكبالي صبتلة امه جاي وبدة يتريك اباوع ع وجهة معفس مبين اعصاب والله الة خلك من الصبح وكالب خلقتة كمل ريوكة وكام صعد الغرفتة اشوية ونزلت بتهال وهية تكول 

ابتهال بملل : اووتار ااوتار محمد ايريدج 

اوتار : شيريد 

ابتهال : اشعرفني روحي واسئلي 

اوتار : هزيت راسي وكمت غسلت ايدي وصعدت فوك دكيت الباب ودخلت شفتة واكف اكبال الكنتور سدة وهوة ايكول 

محمد : تعالي اكعدي 

اوتار : ماكو داعي كلتلي ابتهال تريدني بشنو 

محمد: عادل 

اوتار باستغراب : شبي

محمد :........

_______________

مرسلين 

كاعدة ع الكرويتة كدام باب الصالة من اجيت من الخطبة واليجاي ع نفس كعدتي احس عقلي حينفجر من كثر التفكير وين راح اديسوي هسة معقول راح الوحدة من هذني اليروحلهن وحيبات يمهن معقول هم مزوج وحدة لو ما اشوية اجيت ابجي كل ما اكول مدخلني بي طبة مرض يسوي الي ايسوي فترة وننفصل وكل واحد يرجع الحياته الطبيعية بس مكدر شي بداخلي يرفض هاي الفكرة وينغزني كل ما اتخيل هسة هوة ويا وحدة ثاني يمكن حبيتة بس مجاي اكدر اعترف بهالشي حتى انفسي واكذبها 

شعور فعلاً موجع انج تعرفين بنفسج تحبين شخص وتعرفين بنفس الوقت هالشخص مستحيل ايصير الج بسبب اهواي فرورقات يمكن البعض ايشوفهة تافهة بس بنظري كولش جبيرة بين كل هالدوامة من التفكير والأسئلة المستحيل تخلص عقدت حاجبي بستغراب واني اسمع الباب يندك باوعت ع الساعة بالعشرة ونص منو معقول يجيني بهاليل كمت فتحت الباب وشفت عمتي ابتسمتلهة بستغراب واني ادخلهة للصالة اشرتلي اكعد بصفهة هزيت راسي وكعدت بصفهة رجعت شعري ورة اذني بتوتر واني اسمعها تحجي بأمور الزواج ومشاكل الزوج والزوجة الحد منهت كلامهة وهية اتكول 

ام شاهين بهدؤ : شوفي بنيتي لا اريد الف ولا ادور عليج اعتبريني امج وجاي تنصحج المشاكل الزايدة بين ارجال ومرته مو بصالحة ولا بصالحهة حتخلي الزلمة تطلع اعيونه برة حتى يلاكي راحتة ويبرد راسه من المشاكل ل.. قاطعتها مرسلين بستغراب وهية اتكول 

مرسلين : بس عمة  اسمعيني اني لاء.. 

ام شاهين : انتي اسمعيني اول شي اني وياج نعرف اشكد شاهين تعذب وتمرمر من ورة اختج ما جاي اعاتبج او اذب الوم عليج بس هم اني أم وما اتحمل اشوف ابني وصل الهالحالة بسبب وحدة مستهترة مثل اختج اجيتي انتي وكلت بس هاي الراح اتسعدة ويلاكي راحتة وياهة بس صار العكس كمت اشوفة يحاول يتهرب من البيت بأي شكل من الأشكل معرف اذا يتهرب من مشاكل بينكم او شي ثاني لهيج جاي انصحج واكلج حكمي عقلج وصيري مثل هالنسوان هاي سمر اشكد اصير مشاكل بينها هية وسام ما بيوم سمعتلهم صوت ورجع واكلج اني أم ومستحيل اي أم بهالدنية ترضى ع ابنهة يسلك طريق غلط وحرام ويغضب ربه دنيا واخره بسبب استهتار اختج  بالماضي والكل لاحض من اول يومين ازوجتو بيهن الولد ما كمنة انشوفة بالبيت كلت اول شي مشاكل بين كل زوج وزوجة بس ما اتحملت اضل ساكتة واني اشوف ابني ايضيع من ايدي مرة ثانية المهم هسة خابرتة وكلي يم اصدقائة اشوية ويجي كومي ترتبي وتعطري الرجلج وعوفي كل مشاكلكم ورة ظهرج  بنهاية المرة مالهة غير بيت رجلهة والزلمة مالة غير حظن امريتة فهمتي 

مرسلين : هزتلهة راسي وسكتت طبطبت ع ظهري وطلعت من الغرفة عضيت طرف شفتي مانعة دموعي و...

_______________

شاهين 

كاعد ويا اصدقائي بشقة مسوين جمعة ودك تليفوني شفت ارقم امي طلعت جاوبتهة كلتلي وين انتة رفعت حاجبي بستغراب واني اكلهة يم اصدقائي كالت تعال بسرعة وسدت التليفون شكو اشصاير رجعت للولد اترخصت منهم ورجعت للبيت شفت الساعة صارت بالدعش اكيد كلهم نامو بس دخلت وشفت امي واكفتلي بصالة كعدت ع الكرويتة بملل واني اسمعها اتعيد وتصقل بنفس السطوانة اليومية وين انتة وبت عمك عايفهة وانتو مصارلك شهر مزوجين ومن هالحجي نهت كلامهة وهية تحذرني اذا اتأخر بعد ابتسمتلهة بمجاملة وكمت بست راسها واني اكول ان شألله وكتلهة تصبحين ع خير وصعدت فوك بتعب ما ردت ارجع اليوم ماريد اشوفهة او احتك بيها ع الأقل بس اليوم بس شكول بعد الولدة دكت رجل ع ارجع دخلت للصالة بأستغراب واني اشوف الضويات كلهة طافية معقول نايمة من وكت اليوم 

شفت ضوة خفيف جاي من الغرفة دخلت للغرفة وابتسمت باستغراب ع تفاجئ واني اشوف مرسلين واكفة بصف الجرباية بروب ابيض وشعر مفتوح ع طولة وابتسامة ازين فغرهة معقول متحضرتلي قربت عليهة باستغراب رفعت فكهة صار وجهة مقابل وجهي شفت نظرات غريبة بعيونها مو نظرات استسلام او قبول لا ابداً صدت عينهة بعيوني ورجعت نزلت اعيونها بسرعة جليت صوتي واني اكول 

شاهين : شنو هذة 

مرسلين بهدؤ : مو شي زوجي ومتحضرتلة 

شاهين : دنك راسى عليهة حرك ارنب خشمة بخفة ع خدهة وهوة ايكول 

شاهين بسخرية : تدرين شنو الحلو بيج 

مرسلين بأرتباك وخجل من قربا : شنو 

شاهين : اشكد ما حاولتي اجذبين اعيونج تكشفج 

مرسلين : اشتقصد اباوعلة وخر مني وهوة ايكول

شاهين : بدلي هالخرابيط وتعالي بصالة اريد احجي وياج كلت هيج واول مردت اطلع من الغرفة صارت كدامي باوعتلي بعيون ايلمعن بالدموع ولزمت ايدي وهية تكول 

مرسلين بجرئى: مااريد اريد اصير مرتك 

شاهين بسخرية : لعد انتي شنو 

مرسلين : قصدي مرتك بالفعل مو بس كدام الناس 

شاهين : ليش 

مرسلين بتوتر : شنو اليش مو حقي 

شاهين : اشايفتني كدامج غبي ترة شايف وعايف قبل يومين جنتي نافرتني وكارهة قربي الج من شكوت حبيتيني وتردين انطيج حقج 

مرسلين : اباوعلة نتر ايدي وطلع بصالة  احس ادموعي خانني وبداً ينزلن بغزارة بس متسحيل استسلم رحت وراه بسرعة صرت كدامه واني ارجع الزم ايدة واكول

مرسلين : مو سئلتني ليش لأن ما اريدك تروح الهذاك الطريق واتأذي روحك اكثر هياتني كدامك مرتك وحلالك مستعدة اكونلك زوجة وام وبنت حتى مدرستي اتخلة عنهة الخاطرك بس لا ترجع الهذاك الطريق ترة دتذي اهلك وكل الي ايحبوك مو بس دتأذي نفسك عبالك سهلة علية لمن اشوفك راجع وانت بهالحالة لا والله احس بالذنب احس... قاطعها وهوة ايكول بكل سخرية 

شاهين :.........