رواية الإرهابي وذات النقاب الفصل الثاني والثلاثون بقلم ام غايب
ملاحظه -عزيزاتي الي تعترضون على وقت النشر مااكدر اني هذا الي اكدر علي تكدرون تتركون القصه الى ان تنتهي او تكدرون تقرون البارت وقت فراغكم عن نفسي مااكدر عندي عائله والتزامات وكاعد اكتب
.............
فجأه حسيت شي دفعني .....مااعرف احساس او فقدت توازني . ....جان الدرج بي استراحه بايه جبيره صاروجهي صفح حافتهه .....بقيت ممستوعبه فاتحه عيني
حسين-فلك ....فلك تسمعيني ...
ورود-على كيف دير بالك الحمدلله مو على بطنهه خل اخابر على انتصاررر بسرعه
فلك-كلبني على ظهري وشالني ....اني ماادري شبيه احس مااكدر احجي ...مااعرف شلون وكعت ..
فلك- كمت اون حسين...اني خايفه
حسين-لتخافين ...لتخافين فلك اني وياج
جنت احس بي من يمشي سريع ...صعدني وره فتحتله الباب بسرعه ورود ولابسهه جبتهه وشالهه ولازمه جزدانهه سمعتهه من كلتله ...خلي راسهه على رجلي
خلاني على رجلهه ...سمعتهه اتصلت على اختهه ....كلتلهه بسرعه تعالي للمستشفى ...فلك وكعت من الدرج
-نهاية السادس
-مااعرف ...ومدت روحهه تتلمس اكو شي واكع مني
لا ماكو مااتوقع مكاعد افرزن
حسين-شتكلج
ورود-من شلتهه حسيت اكو مي وكع منهه
حسين-لا ...مااعرف ....اي حسيت بيهه شويه منكعه
فلك-اني هنا مدري شبيه مصطكه حسيت بوجع
بطني .... وكمت اردد بصوت كوه يطلع .....ابني .
ورود-ديلله جايين استعجلي ..حسين يكول شويه
.....فلك تسمعيني شتحسين
فلك-بطني توجعني ...ابني راح يموت مووو
ورود-لا ان شاء الله ماكو شي
مااعرف السياره جنت احس بسرعتهه ....فجأه وكفت صرخت ااااخ بطني
نزل حسين من السياره ....وصاح عليهم بسرررعه كرسي سديه اي شي جيبووووووو
مااعرف اول مشالوني حسيت روحي راحت ....ومحسيت بشي بعد
...............
ميمونه-استقر وضعي اسبوع بالشقه طلعت اشتريتلي كم شغله واشتريت صباخ منضدي .....وطلع لازم قنينه ....عفت القنينه اخاف على فلوسي ....مااعرف شسوي
واشتريت عدسات لونهن جوزي .....لبستهن ولان عيني مختلفات هم صارن لونين بس ممبينات اله الي ينتبه كلش عليهن
واشتريت نقاب وعبايه .....وساعه انزل بنقاب واللبس العبايه وساعه انزل بس بحجاب ردت ابين اني مو وحده احني مثل مكلت ويه امنه
ومن يسألني ابو منتظر ابو الاسواق اكلهه متكدر تنزل ...مسويه عمليه بأيران تقصدت اكله امي
لان اذا اكله ابويه احتمال يطلب يصعد يسلم علي
نزلت ...اشتريت صمون وريوك ....
ابو منتظر-شلون الوالده ان شاء الله زينه
ميمونه-الحمدلله
ابو منتظر ..اختج الله يسلمهه شكد عمرهه
ميمونه-١٨ليش
ابو منتظر-الله يسلمهه مؤدبه ومترفع عينهه ...اليوم وليد من الي بالفرن سألني عليهه ...عجبه حشمتهه
ميمونه-مخطوبه الابن عمي
ميمونه-احس كلبي كام يوجعني كلت معقوله شك نفسي خاف عيوني مبينه .... صعدت بسرعه اكلت ....وبقيت بالبيت ...شويه الجو كسر وهذا الشي فادني
كعدت اباوع من الشباك عل شارع ....وافكر ...الحقير عمي اكيد مات هسه ....واكيد مراقبين الشرطه بيت خالتي ...واذا موصلت ال خالتي ....مااكدر اعرف مكان فلك ....لازم اشوفهه قبل لا انسجن ....
طلعت جنسيتي من جيبي همزين جنت مخليه اغراضي بجيبي الفلوس والجنسيه ... خليتهن كبالي وكعدت بالكاع وثنيت رجلي
كمت اتذكر خضر والي سوا بيه ....وفلك من تشكك بيه كمت ابجي ......وتذكرت من عمي كعد يستعرض بيه وجعني كلبي
ها يابابا بعدك مراضي عليه ....بعدك تريدني اتعذب اكثر ...حتى تاخذ حقك مني .....بقيت كاعده الى ان نعست رحت لفراشي نمت
واني افكر باجر اروح البيت خاله بس اللبس النقاب والعدسات وارجع واكول المنطقه يعرفوني منقبه ....خاف يقبضون عليه
وارجع واكول اسلم روحي واخلص ....تذكرت خالد من كلي شتحتاجين اعتبريني اخوج ....حرت والف تفكير
بعقلي ...مااعرف شسوي
غفيت كعدت ثاني يوم .. مختنكه ....طلعت مااعرف شسوي ...امشي وابجي من كثر ما محتصره بداخلي
اشتريتلي ملابس من السوك بنطرون وفوكا شي طويل ويه الغيار العندي
رحت للكراده اخاف اروح الشركة فوزي لان عمو هناك يداوم واكيد درو رجعت للشقه مال حذيفه وكفت كبالهه ....جنت مااريد شي منه بس ينصحني حبيت نصيحته .....رجعت كمت اتمشى ....بالكراده ...وافكر نفترض مكدرت اوصل ال خاله لان اخاف يلزموني
شسوي والفلوس اكيد راح تخلص
باوعت اكو محلات ...كم محل دخلت ...بلكت يحتاجون عامله ماكو وراهه كعدت بمطعم هو مو جبير صغير كلش والمطبخ فاصلي بجام خانه
ميمونه-بلازحمه ممحتاجين عامله انظف اغسل مواعين
حجيت ويه ابو الحساب
-اعتذر منج ممحتاجين هدنه اعداد كافيه
ميمونه-اهااا شكراً ماشي
طلعت رجعت هم دخلتلي على كم محل وقيصريه ...محد محتاج عامله ......كلت بلكت الكه تفيدني ...بس بعدين فكرت اكيد ياخذون معلومات عني
ويخابرون الشرطه وارجع واكول قابل شمدريهم
باوعت اخر مطعم كلت اجرب حظي بي ... دخلت جان راقي كلش كلت مبين ميشغلوني ....ميه بالميه
دخلت شفت كرسون وفوكاهه كلهم نفس السيتات لابسين
ميمونه-وين المسؤل هنا بلا زحمه
الكرسون-تفضلي اختي تريدين شي بشنو اخدمج
ميمونه-متحتاجون عامله تنظيف او اي شي هنا
الكرسون-مااتوقع والله دخلي للشيف اسامه هنا هو اكثر واحد يعرف اذا يحتاجون او لا
دخلت للمطبخ كومه عمال بي ....جان المطعم فخم كلش ...اذري بروحي بطرانه بس شسوي احاول
دخلت والله والتقيت بالشيف كتله عاملة نظافه او عل المواعين ..
الشيف-اعتذر ممحتاجين
ميمونه-امي مريضه واختي صغيره واني المعين الهم
الشيف-نعتذر ممحتاجين
ميمونه-شكراً
طلعت مأيسه ....دموعي تجري ....ياربي ....شسوي هسه اني ...شسوي رجعت للبيت خايبه ...وضايجه كلش
دخلت للاسواق اشتريت عصير ونستله ....
ابو منتظر-شنو عمو انت وين تشتغلين اشوفج تطلعين هواي
ميمونه-لا والله عمو مااشتغل بس كاعد ادور على شغل وماالكه ...جنت اشتغل سكرتيره عد دكتوره ....وسافرت
وبقيت بدون شغل
ابو منتظر-الله يعوضج ابوج متوفي ماعدكم اخ
ميمونه-لا والله عمو اخويه بوقت الطائفه ذبحو وابويه متحمل الخبر بقه فتره ميت سريرياً وتوفه
ابو منتظر-الله يرحمه ويعينكم عمامكم خوالكم
ميمونه-باوعت علي ...كتله كل واحد بيهم مهتم بعيشته وكوه يلتموهه وله همه ميقصرون
ابو منتظر- الله يعينج بنيتي والله استصعبتهه بنيه بكدج تشتغل بس الحمدلله انت والنعم منج واكيد تفكرين بأمج وخواتج ....اني هم راح اسألج بلكت من معارفي
يعرفولهم دكتوره
ميمونه-عمو حتى اذا منظفه بأي مكان
ابو منتظر-ماشي عمو من عيوني أسألج وتدللين
ميمونه-رحم الله والديك عمو
صعدت ...مشتهيت حتى الكيكه والعصير اكلهن ....نمت من الضوجه كبل
..........................
فلك-فتحت عيني ديشكلولي مغذي وحسين مبين علي الخوف ...... الدكتوره جانت تخليلي مغذي ....
باوعت عليهه وهيه تخليلي كانونه .... ....اول مفتحت عيني حسين ابتسم ودنك عليه
حسين-فلك ...شخبارج هسه
فلك-ابني
حسين- الحمدلله والشكر وابتسم ......مابي شي سبع .على امه ......
انت شلونج خوما موجوعه ....الحمدلله عدت فلك ....
فلك-تلمست بطني ......معقوله بعده الوكعه ...
وكعت حيل ....وتأذيت مااصدك مصار بي شي
حسين-والله الحمدلله معجزه فلك ....معجزه والله أيست .....
فلك-شكالت الدكتوره
حسين-شويه وكع من مي الراس بس الحمدلله مصار عندج ولاده ....قليل كلش وكع .....وخلولج مغذيات وكالت الدكتوره لازم متتحركين ابد وتشربين مي هواي عل اقل بس تكملين السادس ....صح السابع خطر بس اهون من السادس
فلك-باوعت علي بحزن وخرف مااعرف وراسي يوجعني جان هم متعور
حسين-عدت فلك ممصدك والله معجزه صارت
باوعت علي ....ونزلت دمعتي
حسين-شلون وكعتي ...اكيد دختي ...متاكلين موو
فلك-حسيت احد وكعني حسين
حسين-شلووون ...شتحجين فلك .انت
فلك-مااعرف بس هيج حسيت احد دفعني
حسين-مستحيل هيفاء نايمه اصلاً وزينه مستحيل تسويهه هم
بهاللحظه دخلت ...ورود ....باوعت على حسين لان جان منزل جسمه وقريب عليه واني انصدمت بوجود زينه
فلك-زينه جانت موجوده
ورود-الحمدلله على سلامتج ...عدت
فلك-الله يسلمج
ورود-شتقصدين ب زينه جانت موجوده
فلك-حسيت احد وكعني
ورود-يعني شقصدج زينه لو هيفاء مستحيل ..
حسين-سدو الموضوع هسه احنه بالمستشفى
فلك-باوعت علي ....حسيته توتر حيل واني توترت اكثر منه متأكده احد وكعني ومن كال زينه موجوده ...زاد شكي مو مجرد احساس بقيت افكر بهذا الشي
بقوني بيومهه بالمستشفى حسين راد يروح مقبلت اني ....خاصه من تذكرت اخت ورود موجوده وتذكرت من نذكر اسمهه دكتوره انتصار معقوله الي ببالي
حسين-ورود وين ام حسن اريد احجي وياهه
ورود-مااعرف يجوز راحت
حسين-ماشي راح اطلع اشوفهه علمود الشغلات التحتاجوهه اجيبهن ....وباجر الصبح ان شاء الله اجيكم
فلك-باوعت علي ...دار وجهه بينت عيوني الخوف بيهن
متحملت مااسكت كتله .....لتروح
حسين-ميصير
فلك-لتروح ....خايفه اني كلش
ورود-اكو شي فلك ...وبعدين ميصير لازم مرافقه
حسين-الصبح اجي
فلك-لتروح حسين ...دنك عليه
حسين-شبيج فلك
فلك-والله احد دفعني .
حسين-متوهمه ....احتمال من الدوخه صارت عندج هلوسه وبعدين هسه احجي ويه الدكتوره بلكت ترهم ابقه
ورود-اشوف فلك دتحاول توضح شي لو اني متوهمه
حسين-لان داخت تهلوس ومااعرف احتمال هيفاء شاك بهذا الشي اروح اسأل زينه
جانو يحجون بهمس بس اني مركزه وياهم ...راح حسين واني خايفه مااعرف ليش مااحس اني فلك القديمه الي متخاف ....صار كل خوفي هو ابني ....اشعر واحس بي واحبه وتعلقت بي قبل ليجي للدنيا ...مجنت اعرف الامومه هيج ابداً ...شعور حلو من انت يكبر طفلج بداخلج وتحسين بي منهه ينولد الحب بينج وبين طفلج
اول مراح حسين حجت وياي ورود
ورود-فلك اني مو مجرمه حتى تخافين مني ....صح انت هسه تعتبرين ضره الي وخطر على حياتي بس مااذيج ولا أأذي الطفل ....ولا واحدمن بيتنا وعائلتي يسوي هذا الشي اكيد انت متوهمه او تفكرين هواي وهيج تخايلتي
هيفاء مستحيل تسويهه لان تعرف حركة الام على طفلهه والي مسويهه هيج هو فقدانهه للطفل وزينه بنتي اام وهم تعرف شنو الطفل عد امه ومستحيل هم تسوي هيج
واني هم اعرف صح انانيه مني ردت اخذ الطفل ولو بيدي ولو جنتي باول اشهر اكلج طرحي الطفل وطلعي من حياتنا بس مجنت اعرف راح تستغفلوني انت وزوجي
فلك-اني مااريد زوجج ...ولا حياتج كل الي اريده ابني ماانحرم منه ....عسى ما تبقوني كمربيه اله ...هذا طلبي من حسين ...ابد مطمعت اخذ منكم شي واعرف اني تنازلت عن ابني ....ومرت حسين يتقربلي ولا خططت
ردت ابقه يم ابني وبس
بهاللحظه دك موبايلهه ....جاوبت
ماشي هسه اطلعلج ...كالتلي هسه اجي وطلعت ....باوعت عل مغذي بعده بيدي وباب الغرفه بقه شويه مفتوح ....جسمي مكسر اني متأكده الي خابرتهه اختهه .... وخرت المغذي من الكانونه كوه كمت جسمي مكسر ردت بس اتأكد الي ببالي لو غيرهه مااعرفهه
كوه كدرت اكوم بطني توجعني ....ردت افتح الباب انتبهت هنه واكفات بقيت اسمعهن اثنينهن تحجي بصوت ناصي حيل وبي حديه
ورود-راح يسجل الطفل بأسمهه ابشرج وحبهه
انتصار-من كل عقلج ...طبعاً اذا انت عايفتهم كم مره كتلج لتزعلين من زعلتي ورجعي البيتج .....وعوفي امي احنه نداريهه مسمعتي مني اااوف منج
فلك-قربت روحي على الباب بس اريد اتأكد هيه لو لا ....٠جنت اعرفهه انسانه راقيه منعقوله الي ببالي
باوعت عليهه هيه ....مرت عمه ال ادريس الولد الراد يخطبني ....شهكت ....معقوله ياربي
انتصار-ليش مخليتيني اخليهه تجيب الطفل ....اذا هيج ...انت مخبله حتخسرين بيتج
ورود-انت تخبلتي ...اسكتي سكتي
انتصار-مو تبجين بعدين بس تجيب ويسجله باسمهه انت تنطردين ...بكوم يحبهه وتصير الكل بالكل هاي قاعده ثابته الاطفال همه الي يقون الحب بين الاب والام
ورود-روحي انتصار ...روحي البيتج ...بطلي هاي السوالف رحت بسرعه رجعت المكاني
فلك-معقوله هاي ...هاي الدكتوره الي جنت احجيلهه على وضعنه هيج تستغلني ...الله ياخذهه ...خليت ايدي على كلبي ونشف ريجي ....من الصدمه ....
كوه رجعت المكاني وتمددت ....ممستوعبه .....واكول ادريس وين راح ....وهو كلي اريد اخطبج
الاخ يا كلبي واصلاً اكثر الاشتغل عدهه معارفهه ومعارف جايه من معارف الي انظف عدهم
الك الله يالفقير بوسط هالوحوش ...يستغلون فقرك وضعفك ....صرت اخاف منهم كلهم ...حتى حسين مصدك ...عافني يمهه هسه تقنعهه انتصار الورود ويكتلون ابني
دخلت ورود سويت روحي نايمه تقربت عليه
ورود-فلك ...نمتي
فلك-لان جانت تتحرك عيني كلت مكشوفه مو مال اسوي روحي نايمه ...كتلهه ...لا بس توني ردت اغفى
ورود-خوما تحسين بوجع
فلك-لا احسن بهواي
ورود-هاي المسكنات راح تنومج هسه اكيد
فلك-باوعت عليهه ...راح ينوموني ويكتلون ابني اني متأكده
ورود-اذا حسيتي بوجع بس ندهيني ...وراحت كعدت عل قنفه واتصلت على حسين
ورود-وصلت
-لا الحمدلله زينه توني سأبتهه كاعد تغفه
-حسين تحجي كانما متعرررفني ....يلله تصبح على خير رحمه الله والديك
-لا ماكو ممتقصد هذا هو
فلك-جنت مغمضه وبالي يمهه ...شكللهه حسين ...اني هاي العائله كلهه غامضه بالنسبه الي ...حتى حسين مااعرفه يوم يحجي هيج ويوم هيج تعبت بقيت مغمضه الحد ماغفيت فزيت على ام الكانونه خفت كلبي وجعني فزيت مخروعه
الممرضه-اسم الله شبيج ..دااشوف المغذي ....منو وخرلج الصونده مال مغذي فتحت عيني استوعبت
فلك-مااعرف جنت نايمه وين ورود الي ويايه
الممرضه-ماادري مموجوده دخلت محد يمج
فلك-باوعت بخوف ... رادت تروح كتلهه عفيه وخريلي الكانونه
الممرضه-باجر عندج مغذيات
فلك-مااتحملهه توجعني
الممرضه-ليش حتى ممأوته
فلك-توجعني حيل ايدي احسهه مثل المشلوله
جنت بس اريدهه توخرهه حتى اكدر اطلع خاف من يشوفون كانونه بيدي ميطلعوني
جانت الفجر تقريباً....وخرتهه للكانونه اول مراحت
كمت رأساً ...اني مااصبر الحد ميكتلون ابني
خفت اطلع من المستشفى لان فارغه والاستعلامات كاعدين خاف يدققون بعدين كلت خل اطلع شيصير خل يصير ....طلعت سألوني كتلهم زوجي بالباب جايبلنه اغراض ...طلعت الفجريه تقريباً ...مدري وين رايحه ورود ....كلت اكيد تخطط ويه اختهه ملحكت اطلع اجتي كالت جنت اقيس ضغطي
مكدرت انام قلقه ....الى ان غفيت وحدي محسيت سمعت صوت حسين يحجي ويه ورود ويسألهه على وضعي وطلع جايب اغراضي ويا هم وجايب ريوك تقرب عليه وسألني على وضعي .......وكال منطلعج هسه ....اتأكد من وضعج يالله
ورود-شنو راح تروح
حسين-عندي اجتماع ضروري ...مااكدر أأجله ...ساعتين وارجعلكم
وروداني واح اروح للبيت وارجع لعد هيفاء علاجهه ...ومااكدر اعوفهه بالبيت وحدهه زينه ليش راحت
حسين-رجلهه اجه عليهه
ورود-خل اروح وارجع بتكسي لعد وانتصار هسه تجي هم
المهم سألتني ورود خوما تخافين المستشفى قريبه بسرعه ارجعلج كتلهه مو مشكله عادي
موقفهه حلو ومشفت شي أذتني بي بس خفت من الدكتوره انتصار ...اول مراحو ...طلعت رأساً من كال زينه راحت معناهه زينه هيه الي دفعتني
لبست نقابي وعباتي وطلعت بسرعه .. اني الهنا حدي حسيت نفسي راح اتخبل ....وماعندي بعد اي قابليه تحمل والي يصير خل يصير
اول مطلعت كومه سيارات مارات أجرت تكسي وانطيته عنوان بيت خالتي ماكو غيرهه
كمت ابجي كرهت ضعفي ....وين جنتي يا فلك ...وين ....شسويتي بروحج ...جان مفروض مااستسلم وابيع روحي بس اني استسلمت
...بقيت خايفه اعرف حسين راح يضوج من تصرفي بس مااتحمل بعذ
هاي العائله مو طبيعيه ....ماارجع هالمره لو شيصير يجي اتفاهم ويا اكله طلعني ببيت وحدي الحد مااجيب
كافي جنت اكرر الكلام الي اريده يصير بداخلي
وصلت المنطقة بيت خالتي ونزلت من السياره جنت كاعد ادك بالباب مااحس اله واحد صاح من ورايه
ميمووووونه ....
درت وجهي ....علي بسرعه باوعت علي مااعرفه ...
بس منين يعرف اختي جان الولد طويل ...وصاحب لحيه خفيفه ....جسمه وسط ..
انت اختهه مو
فلك-بس لحظه خل اخذ كروه انطي الابو التكسي من خالتي
-اني اتحاسب ويا وراح تحاسب بقيت واكفه مو من عادتي اوكف للغربه ...بس من كال اسم اختي ...وكفت وكامت الافكار بعقلي تشطح معقوله تعرفه ميمونه
حاسب ابو التكسي ...واجه عليه...
فلك-منين تعرف اختي
حمصه-اعتذر عبالي انت ميمونه
فلك-بعصبيه ...منين تعررررف اختي
حمصه-والله ماادري شكلج تندلين اختج
فلك-ااانت منووووو غير افتهم
شفته ما منه مجال دكيت الباب على خاله كلت اذا اجه حسين وشافني شحجي ...اكيد يعرف ميمونه معقوله اختي هيج
هو هم من دكيت الباب راح ...باتجاه الشارع
فتحتلي الباب خاله
فلك ....وشمرت روحي ابجي بحضنهه ...وجان مي الراس احس بي يوكع عليه بس شويه شويه
ام قاسم-تعالي يمه تعالي ...ليش تبجين فلك شصاير ...وينج اختفيتي فرد مره
فلك-وخرت نقابي وكمت ابجي بحضنهه ...وحجيتلهه كل الي صار بيه من البدايه الحد ما عرفت بالدكتوره
فلك-تعبت خاله ...تعبت والله ...رأساً بجت خاله
ام قاسم-اخ يا حظج انت واختج ...ميمونه طلكهه هذا الناقص ....واخذهه عمج
فلك-بس كالت اخذهه عمج دكيت على صدري ....شلوووووون شلون اخذهه وشوكت خاله ...اكيد
زادت بالبجي....وكالت والحقير كدري شمسويلهه وكتلته
فلك-شهكت ودكيت على وجهي
يمه اختي ...
اختي وين هسه خاله ....بالسجن ...كتلته لازم باعهه الاختي وكتلته
ام قاسم-ميمونه مختفيه انهزمت ويدورن عليهه
اخ يا كلبي من يومهه وعيني متغفى ....
من كالتلي خاله احس كلبي على بطني كامت تعصر بيه من الوجع كمت ابجي وادك على رجلي
اختي ضاعت بعد اكثر ...يمه اختي حسبي الله لو الزمه الهذا الحقير هو ....هو هجم حياتنا الله لا يوفقه ان شاء الله
راسي احسه كام يوجعني اكثر ....من البجي والصدمه وكلشي ....ماكو نص ساعه واندك الباب عرفت اكيد حسين ومبينه من الدكه
كمت اني فتحتله الباب ....انصددم
حسين-ااااانت مخبله صدك تخجين شلووووون تطلعين
فلك-دخل وطبك الباب بعصبيه طلعت خاله ام قاسم سلمت علي
ام قاسم-ابو علي على كيفك ويه البنيه
حسين-اهلاً ام قاسم ...بسرعه فلك لبسي وتعالي
فلك-مااجي تعبت اني ....خزرني
اني منهزمت ...اعرف راح تجيني هناوتلكاني ...
حسين-تطلعين وحدج وبدون اذن مني ....فلك واخليني افر بأذني والف تفكير بعقلي يصير
فلك-خاله دخلت كبل ...من شافتنا نسولف
الدكتوره انتصار جنت اشتغل عدهم ورينه اني متأكده دفعتني واذا مو زينه هيفاء تريد تنتقم منك بأبني
حسين- اعرف جنتي تشتغلين عد دكتوره انتصار
فلك-تعرف ....حسين ....حسين تدري سمعت انتصار تكلهه لو مخليتهه تجيب ويموت الطفل
حسين-فلك ...
فلك-لزمني من ايدي ...
حسين-امشي فلك ...بسرعه انت عقلج اليوم ضارب ...الوكعه أثرت بي وحسابج بالبيت على طلعتج
فلك-سحبت ايدي ....تعبت احس نفسي عايشه بفلم رعب والله من صرت حامل لليوم كافي ارررحموني حسين وانوب تطلع هاي الدكتوره تجمل حياتي رعب
حسين-ماكو شي والله ..انتي كاعد يتهيء الج
وبعدين اني عندي كامرات بالبيت ....ماكو شي شفت انت وحدج وكعتي ....وهسه انت تعبان وضعج باي لحظه تجيبين وانت تتجولين من كل عقلج فلك
فلك-معقوله ....اكو كام ات بالبيت يعني اني حسيت احد دفعني
حسين-اختل التوازن عندج لذلك هيج حسيتي
فلك-وانتصار وورود وعوفك من كل ذني اختي ماادري وين
حسين-اختج جديده هاي
فلك-حسين ميمونه اختي كاتله عمو
حسين-خلاص
فلك-اي وممات العار اكيد باعهه مثل مباعني
حسبن-مااعرف شحجي هسه اااااني ...فلك امشي نزجع للبيت
فلك-ماارجع حسين راح اتخبل من ذاك البيت والله ..والله بعد مااتحمل اجرلي بيت شقه اي شي
حسين-فلك امشي
فلك-مااجي كافي تعبت ذليتوني ابسط شغله حتى تلفوني ورود اخذته ...كافي حسين كافي فدوه تعبت
حتى مااعرف تحبني لو لا تعبتني انت والله خليتني احبك
حسين-ابقي كم يوم هنا ارتاحي واجي اخذج فلك ولتكولين ضحكت عليج مايون مره كتلج اني مااجذب بمشاعري اسبوع مو اكثر بس ادك تلباب تطلعيلي فلك
فلك-ماشي ...جنت محتاجه ابقه ومااعرف بس الصدمه بسالفة ميمونه والي سمعته كتله ماشي مابيه حيل للمناقشه
حسين-انطيني رقم خالتج اخابرج علي حتى
فلك-هسه اشوفهه رحت انطتني رقمهه كالت من صارت سالفة ميمونه اشتريت لان قاسم طالع خبلني
حسين-اعوفج كم يوم ترتاحين الحد ميستقر وضع الطفل هنا ....بس تذكري ماانسالج هاي السالفه وهسه لان وضعج مو تمام راح ابقيج كم يوم هنا وطلع فلوس من جيبه
لتتحركين هواي ابد فلك ...الدكتوره كالت مو زين ولتطلعين واي وجع تحسين اتصلي عليه دك على رقم خاله كال خاف محافظه الرقم وطلع
رجعت يم خاله ... اخذتلي مخده وتمددت لان بطني وجعتني حيل
خاله لعد وين الحجيه
ام قاسم-يووو توفت عمتي يوده عليه تعلعلت باخر فتره
فلك-يا الله يرحمهه خاله حبقه كم يوم
ام قاسم-يمه البيت بيتج شعندي بعد هو بس اني وقاسم بالشغل
فلك-شتكولين ميمونه وين هسه
ام قاسم-اخ يا ميمونه ...ماادري والله كلبي مورم من هالقهر والضيم
فلك-خاله اكو واحد عباله ميمونه
ام قاسم-اكيد هاي الشرطه يسون كمين العار عمج مبلغ عليهه الله ياخذه ومنطيهم عنوانه هم كايللهم تجي
فلك-مال هسه اروح واكمل الي مكملته ميموووونه ...ضيعنه اكثر من ضياعنه كلشي اعيشه بسبب هذا الارهابي وعمي الكواد الي ماعنده غيرررره
بقيت اسبوع ...يم خاله كل شويه يتصل حسين ..استقر وضع الطفل لان انطوني علاج ...وجابه الي حسين
..بعدهه اجاني ....واخذني ... غصباً ماعليه
ماكو بس دخلت بالسابع رحت للدكتوره افحص كالت لازم تجيب هسه مي الراس خلصان
...............................
ميمونه-مرن شهر ين فيت على طلاكي من حذيفه وكتلك عمي ...استقريت بالشقه
وكمت اشتغل بالبيت ابو منتظر نصحني اسوي كبه ولحم بعجين وكال اني اخذ منج وافتر على الاسواق
اشتريت قنينه وجدر وصينيه والاحتياجات وكمت اسوي وابيع واصلاً اتفقت ويه محلات هم
بس احس وضعي بده يصير مو طبيعي
صخونه ...لعبان نفس ...جلدي يحكني اسبح وميفيد
ومرات يصير عندي نزيف فجأه ويوكف
شكيت بوضعي حامل ...والحكه كلت يجوز فراش او حساسيه ماادري جبت اختبار حمل ماكو اي حمل
بديت شويه شويه واني احجي احس نفسي اشبج بالكلام ويلتف لساني ...زاد الخمول عندي ....كمت حتى مااكدر اسوي كبه او اي شغل اريد بس انام
فجأه بدت تورم رجلي ...بدون مااعرف السبب ...
وشهيتي للاكل صفر
نزلت للمحل جنت دايخه ردت اكله عمو مااكدر اسوي كبه لان معتمد عليه وكتله بقه يباوع عليه
ابو منتظر-شبي وجهج بابا هيج اصفر
ميمون-كوه احجي وجهي اصفر
ابو منتظر-اي كلش منتبه عليج من ذيج الفتره بس هسه زاد
ميمونه-لان مااكل يجوز عمو
ابو منتظر-اختج وين مااشوفهه هالايام
ميمونه-بييت عمي رايحه
ابو منتظر-اخذج للدكتور عمو خاف ماعندج فلوس
ميمونه-تسلم عمو لا ماكو داعي اني اروح
طلعت من يمه فعلاً كمت احس وضعي مو تمام
واني امشي الدنيا تفتر بيه ....كلت اكيد حامل اني مابيهه مجال وضعي مو زين ابد
اخذت تكسي ورحت للعياده ....كوه وصلتلهه نمت بالسياره ....ولعبان النفس موتني وبردانه حيل
نزلت من ابو التكسي نسيت انطي كروه بقه يصيح عليه يالله ركزت ...انطيته الكروه واني امشي من كد ما تعبانه عثرت بطابوكه ....انحبحت على وجهي خطيه نسوان اثنين كومني
سألني ليش وجهج اصفر ....كتلهم اريد تحليل حمل ....يمكن حامل ...كالن متزوجه كتلهم اي
وحده منهن كالت وجهج اصفر حيل دخلي اكو دكتوره بالعياده قبل لتحللين هيه تكتبلج على تحليل حمل احسن الج
كصيت باص وكعدت انتظر الى ان اجه سرايه حجيتلهه الاعراض ....
بقت صافنه عليه ....ماما مااكدر اخليج تحللين بالعياده لازم تروحين دكتور اختصاص
ميمونه-ليش دكتوره
الدكتوره-مااعرف واضح مو حمل هذا
راح اكتبلج مجموعة تحاليل واسم الدكتور ...وعنوانه هسه تروحيله قبل ليعزل
ميمونه-مااعرف خوفتيني دكتوره اكو شي
الدكتوره-لا ماما ان شاء الله خير بس للتأكد
ميمونه-طلعت من يمهه ...خايفه كلش ....وايدي ترجف وحتى ملمسهن مااعرف شنو رحت للدكتور جانو قليلين علي لان متأخره
من كتله الاعراض وحجيتله وشاف رجلي وكام يفحص بجسمي ...لمحت اشياء غريبه بجسمي
الدكتوره-انت وين تشتغلين
ميمونه-بالبيت اسوي كبه
الدكتور-تضربين ابر او شي
ميمونه-لا
الدكتور-اخد مجروح لازمه الدم مالته -واحد من اهلج مصاب بفايروس بعني عدكم وراثه
ميمونه-لا يا فايروس كلشي مابيهم كاهم
الدكتور -متزوجه
ميمونه-اي متزوجه
زوجج عنده هاي الاعراض او مريض بشي شوكت تزوجتو
ميمونه-بخوف ...زوجي سافر وقبل اكثر من شهر نسيت حتى المده من الخوف
الدكتور-لازم تخابري يسوي تحاليل
انت اعراضج كلهه تدل على .....
