رواية خفايا القدر الفصل الثالث والثلاثون بقلم انين الروح
ايمان هاي من كل عقلها رهف تصورني اريد اخطف وازوج رجلها منها
ليش اني اشبيه انجنيت اركض وره رجال مزوج
هو من جان اعزب مافكرت بي عود هسه من ازوج وخلف افكر بي
اني اجيت اهنا كله علمود الدراسه وبس وبعلم الجميع
اكو شاب اكويتي اتقدم الخطبتي واني وافقت بس جنت انتظر قبولي بالجامعه وبشر الكل
بس مادام طلع هيج الحجي عليه ورهف مصورتني اخطف زوجها
لا والف لا
دقيقه ما ابقه اهنا هسه احجز للكويت ورجع الاهلي احسلي
رضا ..الناس جاي تنذبح بالشوارع وتموت وهذوله يوميه عركه ويوميه طبل ع كالت جزعت وكال حقي
عمي كافي شنو هالحجي الجايف واحدكم ما متحمل الثاني
انت يجراح طلك البنيه وخلها تروح لختها
جهالك يمك
وهي تروح تشوف حالها يمكن عيشتنه معاجبتها مايصير هيج
حسنه سامعينه العالم صرنه فرجه الهم
يوميه هزي تمر ينخله مايصير يابه احنه الكل تحترمنه وتهابنه صرنه علج بحلوكهم ابسبب هالمشاكل المجاي تنتهي
هو صارله اشهور مكاطعها هسه اخذها للغرفه راح ينزلون يضحكون ولا جن صاير شي
بس البيت انخبص ونسبه بالعياط والصياح بدون عذر مقنع
ويعيشون فد اسبوع حلوين وهم ترد مشاكلهم من جديد
مايصير هيج لا والعباس مايصير
.............
لج انتي كل طولج شبر تردين تخلين راسج براسي
عسبالج ما اكدر عليج ولسانج صاير اطول منج
تغلطين وتسبين ومتعنتره علينه ودورين حقوق او واجبات صايرتلي استاذه حقوق حظرتج
انه زلمه الي قيمتي بين هلي وعمامي وناسي كلمتي مسموعه عند الكل
ماتجي وحده مثلج👈 تهزني
الف وحده تركض وراي حتى بس اباوع الجهرتها ما اباوع عليهن وانتي كل ما اكلج تردين مليت تعبت
شني بويه انه ماخذج فصليه غير انتي مرتي ورايدج
هو هذا انت مهامك من رهف بس جسمها وراحتك
بس نسيت رهف مره تريد منك مثل ما تاخذ منها انت
ليش انتي رايده شي مني وانه مقصر وياج
اي ردت حبك حنانك اهتمامك بيه
اني بشر من دم ولحم وحساس
اشوفك تضحك ويه ايمان واموت من قهري واحترك
لج حيوانه انه اسوي هيج علمود احسسج اخليج تهتمين بيه وتجيلي وتطلبيني اجي الج
شتدرين عني انه احب النسوان
اي عالشفته انت اتحبهن وتموت عليهن ايضا ابدك اتعاشرهن كلهن
هههههههههههه والعباس انتي خبله
لا موخبله بس هذا الصدك انت ابو نسوان وك......حاب ترتاح وتفرش يمهن وهنه يدوسن ابطنك ومتحجي شي
انت بس عليه صاير رجال
حقي ما منطينياه
زوجه اني بس عالجنسيه
انت مصور الرجوله افراش بس اني اريد الرجوله حب واهتمام تضحيه
والله دنعل ابوج لابو الخلفج ياحيوانه يابنت الحيوان
وجرني عالجربايه بالقوه والغصب
واني اعيط اتركني حيوان اتركني متوحش همجي متخلف جنسي
لج هاي ثاني مره اجيبين طاري الرجوله
والف مره كتلج لاتكولين هاي الجلمه لان من اسمعها منج انسيج طعم حليب امج وشوفج الماشفتي مني لان انتي ماتعرفين المعنى الحقيقي للرجوله كلمه سمعتيها من ازهار وجاي كل يوم تكوليها وتحجيها ليه
ادفر بي وضربه وحده من الضربات صارت ع جهازله التناسلي وعاط بقوه
وجرني من شعري اليوم العب بيج لعب ياحقيره
بعدها ما تعبت وياه كام سبح وطلع مترهي
كومي لمي حالج
عطت بي انت نكس انت متوحش انت سرطان
طلكني لو انت رجال طلكني
هو يضحك 😀😀😀 تدرين حالج يكون حلو من تتعصبين وحضنج يجنن من اتكونين منهاره
ابشرج راح تحبلين اليوم
كمت اعيط وملخ بشعري
انت خسيس جبان وديني ع اختي
اذكرت هو ملمسني ولا اخذني اله
بس جان فوكاي واني ادافر وياه
شلون اصير حامل🤔🤔
كومي حضري حالج وملابس لان اختج بالطريق خابرتها من زمان وهسه همه ع وصول
بس خلي في بالج يارهف ان طلعتي من هذا البيت مالج رده بي
وجهالج تنسين شوفتهم وتنسين اصلا عندج جهال
يله كومي سبحي وتحضري
كمت واني افكر بكلامه اريد اروح ويه اختي بس شلون جهالي ما اكدر اعوفهم بعدهم اطفال محتاجين رعايتي واهتمامي
اسبح وبجي
طلعت عيوني وارمه من البجي والدك والطم
اسمعت صوت اختي جوه
اركضت نزلت
حضنتها وابجي
رفيف اخذيني فدوه ابوس ايدج اخذيني ارحميني رفيف
ابوس يدج نزلت ع رجلها
كومي رهف اني جيت اخذج وشوف رجال اليرجعج اهنا مره ثانيه
اريد اشوف منو يوصل بابنه والنبي محمد
اله اخابر عليه الشرطه
وخل اشوف عشايركم لو القانون الاقوه
زلمه اليوصل بيتي
امشي رهف
كمت خلي اجيب ملابسي
لجيبين شي اني عندي خير من الله اني اشتريلج وعيشج عيشه ملوك ولا هالعيشه الخايسه
جراح ..احترمي نفسج من تحجي انتي ابيتي ومره وماريد ارد خطاري
يا خطار التحجي عنه انت بالذات تسكت صوتك ماريد اسمعه اتقزز منه
الرجال الحوك ما يضرب مره علمود نومه
الرجال هو يكون سند وضلع للمره
لان الله خلقها ضعيفه مكسوره
بس انت اشفهمك بالدين وحقوق المره عليك
رفيف اسكتين لو شلون
اي بلله شتريد اسوي هم اتمد يدك عليه
وحق للحق اكسر يدك وخلي عربانكم تكول مره كسره ايد شيخنه جراح
سويها وشوف امي اشخلفت
يله رهف وينج
اي جايه رفيف
رهف انه كتلج ان طلعتي لاتفكرين تردين للبيت وجهالج تنسيهم وللموت
رهف .ما اهتميت الكلامه الزمت ايد اختي وطلعت جانت اكو سياره واكفه تنتظرنه
اثاري طه داز رفيف بسياره آمن سلفادور لان صاحبه بالامن وهو دزه وياها للحمايه من هاي الناس الخايسه
لا ولج ياطه اني طلبتها هالسياره بعدين تعرفين
وطلعنه
والطريق كله حاضنتني رفيف واني ابجي بحضنها
مو ابجي عليهم ولا ع جراح بس ابجي ع حظي وع اقداري الكتبها الي الزمن والقدر
ابجي ع جهالي الي حيعيشون بدون ام
وامهم عايشه وبالوجود
دنعل هيج حياه وهيج عيشه
شنو هذه عمري الداعيشه بس هم وبجي وحزن
وصلنه للبيت بليل
استقبلنه طه شافني اتخبل
رفيف خوما سوالكم شي
لا شحده هو انه انطيتله سجه يحجي كل كلمه ولصمه ع حلكه
صايرلي شيخ عود بعد شيخي
هذا منو يسمعله وياخذ بشوره
بس صدك لو كالوا
اخذ الشور من راس الثور
والله انهديت بيهم كلهم ما خليت زلمه اليفتح حلكه ويايه
زين ليش ماجبتي موج وياج
لا شلون اجيبها تنفتح عليه جبهه مايقبلون موج ماعدها مشكله ويه زوجها
بس رهف مشاكلها وصلت لبو موزه
يمعود خلي نرتاح من اخذوها لليوم شبعوها ظيم وهضم
عبالهم وحيده مالها احد ميدرون الله منطيها اخت لو حشدت العراق كله
يوكف وياها ضدهم
طه ..والله والنعم منج يرفيف ينخاف منج والله
رهف انتي اختي وهذا بيتج شتحبين اسوين سوي اني ورفيف اغلب وقتنه بالدوام نرجع ساعه ٤ العصر ف البيت كله الج
شتردين اسوين سوي مثل ما كتلج
ولا تشيلين هم شي بيت بغداد ايجاره كله الج والحمدلله انتي ما محتاجه شي كعدي وفكري ابمستقبلج شسوين حابه ترجعين للمدرسه ماعدنه مانع اقدملج ع المدرسه
حاب تشتغلين ادورلج شغل ودللي
والله عين غطه وعين افراش واني اخوج
لتكولين ماعندي اب وماعندي اخ
ورفيف اختج وامج
رهف ..والله ماقصرتوا انتوا اعز من روحي والله
وان شالله ما اضوجكم ابد
يمعوده انتي مثل النسمه شضوجينه لتحجين هالكلام رهف
يله كوموا غيرو بين ما احضر الكم الميز
رهف ..لا عيب شنو اتحضر انت العشه
عادي رهف هو جاهز واني وطه واحد يساعد الثاني ماكو تكلفه ابينه
ان شالله دوم هيج رفيف والله افرح من اسمع هالكلام
خوما مثل العندي اكلاص مي النفسه يتعاجز يجيب
ينزلني من فوك حتى اجيبله سم وزهر يسمم بي الحقير الجبان
كافي حبيبتي انسي يله
وجوي الجهال ياسر وعبدالله
شلونج خاله
اخذتهم بالحضن يمه يجننون صايرين كيرانين صدقه المحمد ربي يحفظهم
خاله وين صكر
رفيف ..يله ماما روح غسل حتى نتعشه وانتي هم كومي رهف
اي كايمه اتعشينه وشربنه جاي وللوحده كاعدين نحجي ونسولف ونذكر ايام زمان ونضحك نص نهار حيل حلو عشته ابيت اختي الله يحفظها الي
مر اسبوع واني ابيت اختي نطلع ونطب رحنه سفرات ومولات اتونسنه حيل قررت ارجع للمدرسه بس راح ادرس خارجي سادس
جابتلي رفيف كتب وملازم ودفاتر
بلشت اقره
اخذت مدرسين رياضيات وعربي بالاول وكلت بعدين البقيه ادرسهم
والحمدلله معهد التقويه قريب ع بيت رفيف
شفت مؤمل مره اجه خطار يمهم والحمدلله خاطب ابنيه وياه
وهم ظل يسألني ع جهالي وزوجي وكتله مسافرين
هو استغرب لان اني ممسافره وتحججت بالجواز
وكوه نسه الموضوع
حياتي تغيرت من اجيت البيت اختي صار عندي امل اباجر صرت احب اكمل حياتي كمت اشوف الدنيا بلون وردي
بس رغم كل هذا العز والدلال
بس اشتاق الجهالي اريد اشوفهم احضنهم ابوسهم
الله يحرمك من شم الهوه مثل ما حرمتني منهم
ادعي عليه ورجع اتندم لان احبه ما اكدر ادعي عليه من صدك
جراح انسان من بره قاسي بس من جوه طيب وحنين
صح اني ما عرفت اكسبه هو يريد بس التسمع كلامه والي متعترض والله يفرشلها الكاع ورد والنبي
بس اني مطيه ضيعته من ايدي
وبيوم اختي عازمتها صديقتها ع عرس اخوها ورحنه يا الله عبالك اول مره يشوفون ابنيه
ياهو اليشوفني يجي يخطبني من اختي
عبالهم بعدني ما مزوجه
ورفيف للضحك تكلي اخذتي سوكي
لان الصدك اني واختي شكلنه اجنبي شكر بيض حمر اعيونه ملونه يعني اليشوفنه كبل يخطبنه هههههههههه
اختي رشحت حالها بالبرلمان وندعي بلكي يطلعلها صوت
جانت دائما اتكلي احنه ماعدنه ظهر وسند احنه لازم نسوي لرواحنه ظهر وسند
وبعد فتره اترشح اسمها عضو نسوي بالبرلمان في قائمه فلانيه وحزب فلاني
شالت الغير بيت وغير منطقه وحرس عدها
يعني صدك اختي سباعيه وسوت النه ظهر محد بعد يكدر يوصلنه
بيتنه هدته للكاع وقررت تبني محلات وشقق حتى اني استفاد منه بالمستقبل
امتحنت نصف السنه تمهيدي خارجي ونجحت وهسه دا اقره لخير السنه
طبعا صار اربع اشهور اني ابيت اختي
جراح اول شهر مهتم الغيابي بس ثاني شهر ظل يحوص وبس يدز رسائل حب وغرام واشعار
دزلي مسج
🗨....هنيالك تنام الليل مرتاح
متهني وماتمر حسبه اعله بالك
وانه اگضي الليالي بغيبتك محتار
احن ال شوفتك واحضن خيالك
هيه قسمه وعلي مكتوب الفراگ
ولانوبه الوكت ياگلبي صفالك
🗨...يا غائبين بكىٰ الزمان لبعدكم
فـهـل لـنـا بعـد الـغـيـاب لـقـاء
ٱشتقنا لكم يا ليتنا لم نفترق
فـالـبـعـد فيه مذلـة و شـقـاء
لا تقطعوا سبل المودة بيننا
فـأن الـقـلـب يـفـرح بـالـقـاء
عهداً سنبقىٰ دائماً في ذكركم
و عـهـد الـحـر يـتـبـعـه الوفاء
🗨...احن لشوفتك كل ساعه واشتاق
وصرت ويا الهوا مكتوب اوديلك
ساعه اكتب احبك وساعه اني أهواك
وساعه الروح تطلع مني تمشيلك
ويگلي شبـيك ؟
: بيه انسان
خله الروح تحلف ماتحب ثاني.
مليت من هذا البعد ما اكدر اصبر بعد
ظل يدز مسجات واني ولا مسج وديتله
كافي رهف فدوه رحمي حالي والعباس مجاي انام اليل
راسي راح ينفجر من كثره التفكير بيج
ارجعيلي ياشمعتي الطفت
رهف رجعي وعد عليه ما اسويلج شي والعباس حتى اطلعج ابيت وحدج اذا تردين ما اخليج تردين البيتنه
اشتردين اني قابل رهف ردي رحمي حالي فكري بجهالنه تره تأذوا حيل
جبل بس يبجي عليج مايريد غيرج والعباس لازم صورتج ويبجي
كافي رهف ردي عليه تره راح اجي انه اخذج مو اتكولين ما كال
رهف قريت كل كلامه بس ما اعرف ليش كلبي ما حن عليه بالاول من طلعت منهم ظليت فوك الشهر بس ابجي ع جهالي وهو اشتاقله
بس هسه لا عبالك ماكو شي يربطني بي ولا عبالك زوجي
رديته برساله
💬....ندم كلي ندم من جدمي للراس
لان شلتك حلم وبروحي مريـت
حضنتك سيف تذبحني واداريــك
وتكَـص حبل الوصل وتكلي شديت
نطيتك ظهر جرحي وامنت بيــك
وجبت ملح الغدر بجروحي خليت
وتعيرني كَـعدت بفيك سنيـــــن
ياشجرة غرور وبيك ثقـــــــــــيت
اذا ماتت الشجرة تصير تابــــــوت
ولان ميت ضميرك هيجي سويت
ردني هوه
🗨....انه الما غمضت عينه ...وضاعت بالهوه اسنينه
انه المنسي عالشباج وتنطر ..مو بالخمر سكران بس بفراكم كمت اسكر
انه التعبان من دونك
انه الصرت هامش
انه الاسمه بشر عايش
انه المتروس صدره اعتاب
ونتظر منك دكت باب
ظلينه يوم كامل واحد يدز لثاني رسايل معاتب
بس ابد كلامه رغم بي احروره شيخ بس ولا هز عرش كلبي
احس بعد كلبي مات من حبه ميريده بعد وصل وياه الباب مغلق وما اصور تنفتح
واذا انفتحت اكيد حتكون عتب وحجي ولوم
راسلتني موج وبشرتني بخبر حلوو
هي حامل
وسئلتها عن الجهال كلهم زينين بس اهواي يسئلون عني بالاخص جبل
دائما يكول ماما
وصكر يصعد الغرفتي بس يشوف الباب مسدود يرجع ينزل
هي تحجيلي واني متت بجي ع جهال بعد ما اكدر اتحمل واصبر اريد اشوفهم وحضنهم وشم عطرهم
ياربي اني مو حجر وتحمل
ياربي اسعفني يا الهي
موج ..اكلج رهف عندي خبر بس بعدني ما متأكده منه لان محد يحجي لحد الان بس هيج طراطيش كلام
اي كولي موج سرج ابير
رباب يمكن راح يخطبها واحد غريب مو من عمامها
يمكن اسمه جواد هيج شي
ياااااا صدك والله واخيرا راح يتقدمله
ليش انتي تعرفي
لا بس جنت اسمع بي والله غير الصدك اتمنى رباب تزوجه عالاقل اتغير نسل كلهم ميزوجون اله ابن عمي ابن خالي والله راح يخلفون منغوليين من كثره زواج الاقارب
ليش رهف مو اني وانتي غربه مزوجين مراجعين الكرايبهم
ما اقصد اني وانتي
اقصد البنات زينب ورقيه مزوجات ولد عمامهم وقبلها هم مزوجين وقبل ايضا
عالاقل هي اتغير هالنسل
وكون ولا واحد يطلع ع جراح هههههه
اكلج صدك رهف هم اتحنين الجراح تشتاقيله
😏😏😏😏😏 ولو سؤالج طايح حظه وخاص
بس راح اجاوبج لان الصراحه اريد احجي الاحد ويفهمني ميظل يلومني ويعاتبني
احجي حبي كلي اذن صاغيه الج
والله ياموج حيل احن اله وشتاقله واتمنى اشوفه وحضنه ورتاح
صح هو تعبني ومجان مهتم بيه بس هاي بعد
كلبي مايحب غير خناكه
حيل حيل مشتاقتله
زين هو ميراسلج ميكلج اجي اخذج
يراسلني ويكلي بس اني عزه نفسي مجاي اكدر اتقبل ارجع اله من جديد
موج الصار ويايه مو قليل اتعبت من كلشي عشته وياهم منطوني مجال احن الهم وتمنى ارجعلهم
موج ..بس رهف انتي هم جنتي انانيه وياه
مبادلتي الحب الحقيقي وكل ما يجي الج تتحججين بالتعب هو رجال
يرجع متعصب من شغله وين يروح اكو غير زوجتي يفرغ بيها اعصابه
بس انتي مجنتي تتحملين وهاي تاليها
خسرتي نفسج وزوجج واطفالج والله مساكين
من اتباوعين عليهم يكسرون الكلب والله
اكلج ايمان بعدها يمكم
لاوين من العركه الصارت لمت غراضها كلها ومشت رجعت للكويت
صدك تحجي والله اتوقعتها راح تعرض الزواج ع جراح
او عمتي هي راح تخطبها اله صدمتيني والله طلعت خوش ابنيه كرامتها فوك كلشي
اي والله كالت رهف تتهمني اني اريد اخطف زوجها منها
واني ممفكره بهيج موضوع لان اني اصلا مخطوبه الشاب كويتي
بس هي مكالت ابوكتها
هي مخطوبه لان جان كل همها تاخذ قبول الجامعه
وهاي هم خسرت الجامعه وصار عليها حجي ورجعت البيتها
ما اعرف البنات شلون اتفكر شلون اتعيش هيج
اكلج موج روحي اشو جراح جاي يدك عليه
اوك باي
الووو هااا جراح شرايد ليش ادك عليه
مو الف مره كتلك ماريدك تتصل عليه ماريد اسمع صوتك
انت مو ردت تخلص مني بعد ليش ادك عليه
جهالك ويمك محد حارمك منهم
جراح ....مــا الـومــك على السـّــــــويته ويـّاي
لان عَلـ فات أبــــد مــا ينفـــع اللـــــوم
ومو طبعـي الـعـتـب وهـوايــه الايــــام
يـجيــــلك بالعشــگ تشتـــاقلي بيوم
ولو مــا أدري هســـا بنومتـك مرتاح !!
وجنـت تگلـي ماكـو بغيـر حضنـك نـوم
أصفـُن بيـــك وانت ببـالـي بـس طيـف
شحـلاة الطيف للـ مـن شوفة محـروم
تمر لمحـــات وجهك من حجيـت ويـاك
وأتـــذكـر الوگفــة , العطــر , الهــــدوم
ونظراتـــك الـيـه تسلـم مـن بعيـــــــد
و هسه الفرگة واقـع و الگلـب ملجــوم ....
اي كلام حلو بس لتنسى مو اني البعت ابساع
انت حيل متوهم
انتظرتك ثلاث اشهور تحن الي وترجع البيتك والعشك
بس انت طابلك الفراك وحبيت اتعيش دور الجاحد وياي
رهف كل رجال بالدنيا اله ساعات يكون شعله من نار ميتحمل جلمه من احد
يريد الكل بس تسمعله وتنفذ بدون نقاش
انه عشت فتره حيل تعبان انتي ماتعرفين كلشي عن شغلي وحالي
انه مو كلشي اجي وحجي كدامج اكو امور بالشغل ما تنحجي
تدرين انه شكم دفتر خسران ابسبب حموله باخره سيارات
تدرين انه جيت اموت ابوكت الرمي تعرفين يعكوب
جان تاهمي مهرب اسلاح
كل هاذ وترديني اكون بارد اعصاب وتحمل افلان وعلان
وتحمل مزاجياتج وعنادج
انه جيتج اريد ارتاح حتى لو جنتي ابقمه التعب المفروض من تشوفيني هيج تعبان تتحمليني
بس انتي لا فوك حكه دكه
ازيدين الغركان بله
هسه هذا كلامك كله شنو الرايده مني انت
مو عفتلك البيت وطلعت روح عيش حياتك ويه غيري
روح ازوج وحده ترهملك ومن ثوبك اني مزاجيه وعنيده وما اسمع الكلام بعد شكو مجلب بيه طلكني وعيش حياتك
جراح...
وحك دمعي الذرفته بيوم فركاكم
بعدني بذاك حبي ولا زلت اشتاك
واموت من القهر لو مرني طرواكم
يمر الليل بيه وخنكه بيه تصير
جنت يمهم يربي اليوم مو وياكم
كلت باجر يجوني وعيني صوب الباب
والف باجر اجه ومامرني ملكاكم
اريدن بس اكلكم ولو متسمعون
وحك روحي الحزينه تأذي ذكراكم.
جراح تسمحلي عندي شغل اريد اروح
راح انتظرج بليل خابريني رهف
الله كريم يله باي
رفيف ..هاي ويامن جنتي تحجين
ويه جراح
وشيريد هذا النكس مو كافي مو عفتي ليش يدك عليج بعد اشرايد منج
رفيف ميريد شي مجرد خابر يسلم
لا كليله حتى سلام منك ماريد لتتصل بيه بعد
شلون رفيف يعني انسى جهالي في رأيج
اي انسيهم مراح يحنون عليج لان حيطلعون ع ابوهم واهلهم اجلاب ونذال
كافي رهف شوفي حالج شلون اتغير من عفتيهم شلون سمنتي وصار عندج طموح ادرسين
وان شالله تنجحين ودخلين جامعه وتتعينين خوما اظلين عايشه ع اطلال جهالج وهذا الحقير جراح انسيهم رهف والنبي مينفعوج
ما اكدر رفيف صعب والله اني اريد
شنو اتريدين ترجعيلهم ترجعين للكصاب حتى يرجع يكصبج
ترجعين لضيم والقهر صدك انتي متفهمين ومخبله صوجي اني كاعده احجي وياج واني جايه تعبانه
اسمعي رهف جراح لو يموت لو يجي يزحف ع اركبه اني ما ارجعج اله ترجيه وخليها بذنج
وصوتي اليسمعه افتهمتي رهف
عافتني وراحت وضليت الحالي بس ابجي مخنوكه 😭😭😭
اريد اكعد مع شخص ينصحني يفهمني ميحجي بجانب الغيظ والحقد
اني طايفه ومحتاجه مرسه ارسي بي
حرت ابفكري
يجيب ويودي اريد جهالي وماريد جراح
اريد جراح وماريد اهله
اريد اعيش حالي حال كل الناس
عندي بيت وزوج وجهال ماريد احرمهم مني
اني عشت اليتم وشفت اذيته ماريدهم يتيتمون مني واني عايشه
اريد اليكعد ويصفيلي راسي من كل فكر جارح ومؤلم
اختي حقها اتخاف عليه لان شافتني شكد جنت متأذايه
متريدني ارجع النفس العذاب ونفس البيئه 😭😭😭😭😭 تعبت والله تعبت
نقذوني انصحوني ساعدوني اترجاكم شنو اسوي شصرف
ابقه يم اختي اكمل دراستي وتعين وانسه جهالي وما اشوفهم ابد وحرمهم مني
لو ارجع الزوجي والجهالي وابدي حياتي من جديد وياه
اريد حل ينقذني وميخليني اندم العمر كله
اريدج يوم وين انتي اريدك يابه تعال انقذني
وينكم ليش عفتوني واني صغيره ليش رحلتوا قبل لا اكبر واوكف ع رجلي
ليش وليش وليش ....؟
الف سؤال عندي بس مالكيت الهم جواب
فكرت اهواي اكعد واحجي ويه طه واخلي ياخذني ع شيخ او سيد اشرحله حالتي واشوف بشنو ينصحني
كعدت وحجيت وياه وعدني ياخذني ع شيخ جامع
وفعلا بعد فتره اخذني وحجيت كلشي بكلبي لشيخ
الشيخ اتفهمني ودرس حالتي صح
ونصحني ارجع الزوجي والجهالي
الشيخ ..بنتي اسمعي المره مهما كبرت وصارت وتوظفت وتمكنت لابد اله ظهر وسند
وسندها الوحيد بالدنيا هو رجلها وجهالها مهما كان قاسي وظالم
اله رب يعرف شلون يجازي ويحاسبه
انتي تكولين هو ما مقصر وياج لا مأكل ولا مشرب
فقط هو عصبي في طبعه ويضرب
هذا مو عذر يسمحلنه نطلب الطلاق
وانتي تعرفين ان ابغض الحلال عند الله هو الطلاق
ف يابنتي انصحج ترجعين البيتج حضني جهالج وتفاهمي وي زوجج
وكوني امرءه مطيعه بما يرضي الله ورسوله
حيل عجبني كلام الشيخ ورتاحيت نفسيا فعلا جنت محتاجه اسمع هيج كلام وهيج نصيحه من شخص يفهم
زين اني هسه شلون اكله اريد ارجع راح يعتبرها ضعف مني ونكسار عباله ما اكدر ادبر حياتي وحدي لذلك رجعتله
لا ما اكله اني خلي هو يطلب مني هالشي هو يطلب رجعتي اله
ابد ما اكسر بروحي اله
حتى من ارجع ارجع مرفوعه الراس وميكدر بعد يزعلني او يسويلي شي
بليل رحت الغرفتي اتمددت ع فراشي سحبت تلفوني من جوه راسي
شفت جراح داك عليه ودازلي كومه مسجات حب وعشك وغزل
راح اقرالكم منها كم مسج
اخذني وياك صعدني بسفينه نوح
مـــا انـــدل طــريقــك انـت دلينـي
انا كبالك بشر مو صنم يبن الناس
شيــل الفـاس عنـي ولا تــاذينـي
صبــرت ويــاك اكثـر مـن صبـر ايوب
انــا نطيتـك عمـر شتـريـد تنطينــي
اذا عيسى انصلب كدام كل الناس
انا المسبي بعشرتك وانت سابيني
جسه كلبك عليه وصرت عني تغيب
ما تنشد عليه شلون حيلي نهد
صفت عشرتنه نرسل بس مكاتيب
من عدكم ولا فد يوم اجانا الرد
انا تشافيت وجروحي نست طعم اااااااه
بس انت ضميرك راح ياذيك شكد
ما تكدر توافي شما قدمت من طيب
لان وياك طيبي عبر كل حد
لان كلبي وفي تحملت كل الصار
ولانك بحر تغدر بل الجزر والمد
رديته بس بوحده لان هو دازلي الاف مؤلفه من المسجات
غلطت بــــرقم كلبـــك هيجي دكيــت
وشفت بالشاشه طالع جاري العتـــاب
انتظرت اسمع حنينك واسمعت صـوت
كــــال اعذرني غيرك مشترك حــــاب!!
وكتبت اخـــر رســــــاله وبيها مضمون
ثواني احســـب الموتي وافتح البـــاب
تلكه اجنازه بيها اخــــر نفس شــــوك
وتلكه جفاك خضــــر فــــــوك الثيـــاب
واذا تسـمع ابموتي اتســــولف الناس
كـــول الفركه تكتل لـــو جنت شـــاب
خايبه اشمالج ما حنيتي ما اشتاقيتي الي الحضني صدكي يارهف افراكج هد حيلي وشل حالي
رهف ..
تريد الصدك حجيك بي حروره شيخ
لكن موقفك من الثلج ابرد
ودمعتي ظلت وياك اطيح
ظلت أكثر من الشامه فوك الخد
باجر تصغر الدنيا
وتجي عالباب واسوي المامسوينه بمفارك رد
تجي محتاج اكلهم الله لاينطي
واكلهم زين بابي بوجه حيل انسد
تجي خطار اكلهم كولو للخطار
اهل الدار شالو واشترو جدد
تجي عاشك هههه .....وكلك منين ماجيت رد
يعني ما ترديني هذا جوابج الي
جراح انت كلك الم شرجعلك وانت ماخليت اي احترام الي
اتهين وتضرب وتغلط وتطرد شلون بعد اثق بيك ورجع البيتك والحضنك
اكلج يابنت الناس لا انه اول اليضربون ولا اخر اليغلطون
صح كلامك جراح بس اني اتحملتك مافي الكفايه وصبر هم اله حد
يعني افهم من كلامج ماتردين تردين البيتج والجهالج
ماشي يرهف ع راحتج واختاري حياتج صح ولا تضيعين من ثاني
ان شالله يومين ثلاث ودزلج ورقتج ودللي
مع السلامه
