رواية دخيله الشيخ زين العابدين الفصل الرابع الثلاثون بقلم أوتار حزينه
درت روحي على زين من صاح وفز وكام من مچانو ردد وش ادكول ومن كلك هالكلام بااطل اذاا صدك
سريت الو بسرعه خايفه واشر له شكو گلبي فز من الخوف اشوف وجهو انطعن
وانقهر كلش مسح وجهو بقوه ردد
ووينو هساع عوض
سكت يسمع الكلام غمض عيونو بتاثر وكال
حضر روحك بالعجل دنروح له
سد الخط نزل ايدو بالجهاز صفنت على حالو سألت بخوف
خير يازين وش صاير
لگو اخو عوض مجتول هو وربعو جتلو ذوله الجلاب
رد بخنگه خليت ايدي على حلگي ردد بحزن
شحالك هساع يااعوض من مات خويك الوحيد
عيوني غوركت اعرف فزاع وعوض زلم حك
واخوه خيتهم وعمي الشيخ هو وزين معتمدين عليهم بكلشي شفت وكفتهم معي
انا واهلي من هجينا من ديرتنا وانقهرت علي كلش لان هو بس هالاخ عندو
هدومي ياهيله خلي اسري له مااعرف وش حالو هساع
اي
رديت ورحت طلعت له دشداشه بيضه
سوده ياهيله مارايح لفرح
عگبتها من كال هيج طلعت له سوده لبسها بسرعه واخذ غتره سوده لفها على
وجهو وكف واحسو يريد يتمالك روحو ردد بتأثر
الله يغفر لك يانجم ويحسن منالك ويجعلك ممن يسكن جنتو دوم
والله يتقبل دعاء من دعى لك في ليله ظلمه وشمس لها حوم
ادحك له بقهر الوجه مطعون وغده دم
اللهم امين
سرى من يمي وكال
راح اظل يمو لايظل بالج
الله وياك والله يصبروا على مصابو
امين امين
طلع من يمي ظليت وحدي بالغرفه صفنت على الجنط مالته غصه صارت بگلبي وألم لأن راح يسري بعد جم يوم
لزمت گلبي يدك بخوف بداخلي خفت على زين شعور ماكدرت اصيطر عليه واحتل روحي وكياني اسمع كاعد يصير قتال شرس بين
ولدنا وذوله الانذال الي تفننو بجتل الناس
سيارات مفخخه واوادم تفجر روحها على اودام
مثلها ومانعرف ليش وشنو هالعقل الجونا بيه
عيوني غوركت
دمعتي حدرت
وهالدمعه ووجع گلبي
خلوني اعرف انا حبيت زين وعشگتو دعوته الله استجاب لها
كهدت بالبجي مثل وحده مفجوعه بروحها بجيت ندم لان اذيتو جثير بالكلام حتى دعيت علي بالموت رددت بخنگه
يارب ساامحني ولاتفجعني به يارب ماجنت بوعي صيطر عليه الحقد والكره وما فتحت عيوني ولا عرفت حالي انا احبو الا من بعد ماشفت هو راح يروح برجليه للموت
بجيت بشهكه باب انفتح هاجر دشت حجت
وج هيله نجم اخوو
سكتت من شافت حالي درت روحي منها گربت بسرعه سألت
وش بلاج تبجين
مابي شي
كعدت حدي ماادحك لها سألت
تبجين على نجم
مارديت سألت مرة اللخ
تبجين على زين خايفه علي موو
غمضت عيوني طفرت دمعتي وعضيت شفتي
بقهر رددت بتأثر
حگج والله تبجين امي بس سمعت بنجم استشهد كعدت تنوح وتبجي وتتوسل بزين وابويه
مايسري ويعوفنا
ماكدرت اسكت بجيت على الكاعد احس به بجيت ندم لان ماقدرت وكفتو معي ولا مع اهلي الا متاخر
لزمت يدي كملت بتوسل
هيله تكلمي معه بلكي يسمع منج
دحكت لها الدموع بعيونها وعيوني رديت بخنكه
اخوج مو جبان ياهاجر سبع ومايخاف الموت انا اذا حجيت معه راح يسمعني نفس كلام الكالو لعمه
نزلت راسها دمعتها نزلت رددت بحسره
لو ااابويه يحجي يتكلم معه والله يبطل ومايروح
عمي ماراح يسويها واذا سواها هم ماراح يسمعو زين دمو حار واخذتو الغيره
على ارضنا وعرضنا
دحكت لي حزينه كملت
وهساع صار ثار برگبتو هو والعشيره كلها وتعرفين انتي كلش زين هم مايعفون ثارهم لو مر علي اربعين سنه
ااخ هيله خايفه علي جثير حنا ماعدنا غير بس هوو
بگلبي كلت
وانا هم ماعندي غير الله وهو وابويه
دمعتي نزلت سكتت وهي هم امو دشت تبجي كمت وهاجر هم تكلمت معي
ياهيله تكلمي مع زين ولدي راح يروح من ايدي شلون ويا كولو لي شلون اخلي ماايسري للموت برجليه
ياعمه ماايسمع مني
عجل منين يسمع ولكم راح اتخبل ماظل عقل براسي هذا ولدي الوحيد شلون اخلي يسري وانا اعرف دربو كلو موت
انهدت بيه بقهر
ووج انتي احجي كولي له لاتروح ازعلي عليه يبنت الخايبه جافي ولج راح يروح من ايدي وايدج شسوين بحالج اذا صار به شي
دموعي نزلت رددت بخنكه
من يجي اتكلم معه
گربت عليه لزمتني من ايدي رددت بتوسل
ااي ياهيله تكلمي معه جافي يبنت ابوج وازعلي عليه كولي له مااظل يمك اذا سريت وي الفيلق
هزيت راسي بأي هي ظلت تفتر يمنا دحكت للجنط كعدت على القنفه وطگتها بجيه قويه هاجر راحت لها تكلمت
يمه لاتظلين تبجين راح يصعد ضغطج
يابنت ااخايبه صعد وعلك من ورة قهرو لاخوج
وابوج
ضربت على رجلها بقوه وكملت
كلو منو لشعلان هو الخلاها براسو هو السبب
اذا زين صار به شي خطيتو بركبتو وخطيتي معه
كعدت مقهوره من روحي وعلى امو الي انهارت جدام عيوني من خوفها علي
🌿🌿🌿🌿🌿
زين العابدين
سرينا انا والولد لدار عوض ابويه جدامي هو وعمامو وولدهم فزاع يسوق وانا صافن ومقهور علي من هجينا من ارضنا جان شايل همو
لنجم ويدعي هو مابه شي لجن الموت فجعه واخذ اخوه وحيدو
شحالك ياعوض هساع
فزاع تكلم بقهر رديت
انگسر ظهرو عضيدو راح يافزاع
سكت مقهور حالو حالي وصلنا لدارهم نزلت اسمع صريخ الحريم عمامو بره هم وولدهم ابويه تقدم وانا معه عيوني راحت له كاعد على الارض ولازم راسو ينوح ويبجي بصوت مخنوك
روحي انمردت علي رحت له انا وفزاع تكلمت بخنكه
ياعوض شد حيلك وعظم الله اجرك باخوك
رفع راسو لنا كام مال سندتو حظني وكهد بالبجي ردد
خويه راح ياشيخ عضيدي راح ولكم جتلو اخويه المايخافون الله
ردد بصوت مخنوك وهو يبجي حظنتو اردد
الصبر والايمان ياخويه
الثااار يازين ثار اخويه مااعوفوو
هدني يصرخ مفجوع وفاقد
الثااار ياولد ذيبه ثااار اخويه مااعوفو واناااا اخوك ياانجم
وحنااا لها ثااار اخوك ثارنا
ياعوض
ابويه رد علي وصاح
ثار وبراس بدوي شلون ننساه عز الله ماانعوفو
لو تروح كل زلمنا
كفو منك يااشيخ
الولد صاحو ابويه سرى لعوض حظنو وكال
الصبر يبن اختي خل الايمان بگلبك وخل نسري نجيب اخوك وندفنو بعز وهيبه
انهار بالبجي رحت له لزمتو انا وفزاع
بنفس الليله خذينا وسرينا للمطار لان جابو جثث الشهداء هناك
طول الطريق اسمعو يبجي ويردد
كسرووو ظهري من حسبي الله عليهم جتلو اخويه بلاا سبب ولا ذنب
نصبر بي انا وفزاع ماسكت ظل ينوح علي ويكول
يتم ولدو يازين بعدهم صغار ماشبعو منو ااخ يولو لو ميت انا مو هوو
استغفر ربك ياخويه اجلو هذا مانكدر نعترض على حكم ربك
فزاع ردو اشرت له يعوفو يتكلم ويطلع الي بگلبو وصلنا الفجر للمطار نزل هو اول واحد مفجوع ويريد بس يشوف اخوه
الولد مشو بالاجرائات وسلمو لنا ادحك الشهداء
جثيرين ناس من الغربيه وناس من الجنوب
رادو يفرگونا لجن تساوينا بالموت سمعت صوت عوض صاااح
ياااخويه كسرت ظهري
نام على تابوت راد يفتحو مااخلوه يصرخ
خلوني اشوفو ولكم لاااتخلوها بنفسي
عمه الجبير وكف بوجهو يصبر به هو وعمامو الباقين عرفت نجم جثتو متحلله ومايريدو يشوفها حتى لاينفجع بعد اكثر شلنا هو ويانا يحب بتابتو ويكهد بالبجي
عگبنا هو كعد يم عمامو فزاع تكلم
شفت شكثر شهداء بالمطار
اي شفت الله يكون بعون اهلهم ويصبرهم على مصيبتهم
اخ يازين قهرني عوض
وانا هم قهرني وروحي اختنگت من شفتو شصار به
عز الله مانعوف ثاروا لا هو ولا ولدنا الراحو
ماانعوفو ناخذو مربع وحنا ولد ذيبه
نسري ونشوفهم من حنا بالقران مااااهدا ولا اچل الا من اشوف ارضنا نظفت من هالانجاس
حنا لها باذن الله
رديت ورثت جكاره جهازي دك جانت امي فتحت خط رديت
هلا يمه
انتو وين وصلتو لااا
ماظل شي ونوصل
ولك يمه جووز
حجيه مو وكت هالكلام
يازين لخاطر هيله جوز من هالسالفه
يمه كتلج مو وكتها
رديت بغضب وكملت
اروح من ارد نحجي
سديت الخط شمرت جهازي على الكشن وره
لحظه دك دحكت له هيله اول مرة تتصل بيه عرفت امي دازتها عليه اخذتو مارديت من وره فزاع
ماردت يسمع كلامي معها
كتبت
ارد ونحجي
دزت
تمام توصلون بالسلامه
الله يسلمج
عفت جهازي دحكت لشارع شفت بطريقنا جم جنازه غمضت عيوني بقهر
فزاع كال
شوف يازين ذوله كلهم شهداء
يارب الصبر منك من الكاعد نشوفو
رديت وفرگت وجهي بقوه ذبيت حسره وظليت ادحك لهم بقهر
وصلنا لاربيل العصر نزلنا نجم لدار اهلو اسمع صريخ النسوان علي طلعو وره
دقائق وشيعناه للمقبره
ولدو معنا اثنين بعدهم صغار ويبجون علي اخذتهم حدي وسريت معهم اصبر
بهم واگوي گلبهم بهل
اليوم
دفنا نجم ووكفنا صلينا صلاه الجنازه وهاي اول مرة اصليها على واحد ادحك للمقبره واحس باحساس غريب كل العز الانا به من مال وجاه راح يروح واجي لهنا بطرك الجفن
مااعرف شصار بيه حسيت بروحي ضيعت جثير من عمري وانا عايش بالذنب
لا صلاه ولا لازم القران وقاري ايه فوتت جثير من عمري وضيعتو بشي يغضب ربي
غمضت عيوني رددت
اغفر لي ياارب تبت اليك وانت الغفور اغفر لي ذنبي ماتقدم وماتأخر
فتحت ادحك لعوض كعد يم تراب اخوه ينوح علي ويمو ولد اخوه يبجون
ونايمين على ترابو
صاح بخنگه
يااخويه انا احگ فيك من هالتراب الي نمت بي احتاجك اكثر منوو
ياعضيدي
رحت له رفعتو انا وابن عمو وفزاع راح للولد ونصبر بهم اخذنهم من يمو بالگوه عگبنا بهم لدارهم فات وكت مجلس الفاتحه
وخلوها لباجر
عگبنا من يمو تعبانين من الطريق ومن القهر والي شفنا ادحك لابويه صافن والوجه مطعون ماتكلم بأي
شي
عرفتو مقهور على عوض وكاعد يهوجس
بروحتي ماتكلمت اي شي
وصلنا لدارنا جان ليل والدنيا ثلجت سريت وراه دشينا للمجلس مال دارنا
جدتي وامي كاعدات به فزت من شافتنا وكالت
وينكم اتصل عليكم محد يرد
خل يرتاحون يافضه
جدتي ردت ابويه ذب عبايتو كعد تكلم
جيبلي مي
سرت ادحك لي بعتب كعدت حد جدتي عيوني راحت لهيله دشت سلمت
الله يساعدكم
هلا ياهيله
البقيه بحياتك ياعم والصبر والايمان لاهل عوض
امين يارب
هذا الحجي العدل
جدتي تكلمت بهمس اشرت لها اجتي كعدت حدي
امي جابت المي لابويه شرب كلاصين نزل راسو
كال
لك الحمد يارب على كل حال
ااي له الحمد في كل حال والله يصبر ثريا ام نجم على مصابها
يبو زين
فضه ماااريد كلام بنفس الموضوع
ابويه انهد بها دحكت لهيله ماتكلمت هي كالت
وج مااتحجين جلمه شعاجبج زلمتج يروح منج
بسسسج عاااد
ابويه كام لحيلو تقدم عليها كمت بسرعه وهيله وياي وكفت جدامو خزرني تكلمت
يابه هدي هي خاايفه عليه
واانااا بعد خايف عليك لجن عندي ايمان الله اذا ودعتك عندو امانه ماراح يضيعها
هيله تكلمت
ياعم هدي هي ام وگلبها على ولدها
كلت بگلبي
وگلبج ياهيله
اااعرف هالشي لجن ما اريدها تفزع وتظل تفول علي بالشر
يااشيخ مو بايدي
امي ردت وهي تبجي جدتي كامت لحيلها كالت بحزم
يااازين اسري بامان الله ربك الكاتبو علينا نشوفو ان جان هينه او هناك
ياعمه راح يوجع گلبج وگلبي بس يصير به شي
ياااافضه بسج عاد وخلي ولدي يشد ظهرو بولدج عش جابو غير لهل اليوم وج حنا شيوخ ولد شيوخ ولازم اول الاودام نكف
بوجه العدو
هذا وحيدي
يممه رحمه لاهلج كافي بس لاتظلين تهوجسين
بالشر تره مو بس انا الي راح اروح جثيرين راح يطلعون معي من عشيرتنا
ومن غير عشاير
كعدت تبجي ابويه ردد
استغفر الله ياربي شلون وياج ياحرمه ادعيله عش كاعده تنوحين ومفاوله بالشر
ماردت عيوني راحت لهيله ادحك على امي الوجه مطعون دارتو علي عيونها مغوركه نزلت راسها سرت من يمنا جده تكلمت
شوفيها لبنت حميد ما تكلمت بشي ساكته ومصبره روحها بربج الكريم
امي كامت من يمنا وطلعت ابويه كعد عاكد حواجبو مغثوث ومقهور بنفس الوقت
سريت من يمهم هاجر بالباب ادحك علينا بقهر سألت
وين هيله
صعدت فوك
صعدت وراها دشيت الغرفه شفتها تفتر بها متوتره والوجه مطعون دحكت لي بعدين نزلت راسها تكلمت بتعب
اريد اغسل
اي هسه احضر هدومك
راحت للكنتور ذبيت الدشداشه وظليت
بالسروال والفانيله جابت لي هدومي اخذتهن منها سألتني
اسويلك عشه
مااشتهي
رحت للحمام غسلت وذبيت همي طلعت انشف بشعري بالخاولي كاعده وصافنه على الاخبار كعدت على الجدوليه تكلمت
يازين انت مو ماكل شي من الظهر خل اسويلك شي تاكلو
والله مااشتهي من القهر الشفتو هيله
سمعت ردو وسكتت سند راسو على الجربايه ردد بصوت مخنوك
عوض قهرني جثير ياهيله
والله قهر الكل وابويه غده دم علي
دار روحو عليه رد
نسينا ناخذ عم حميد ويانا
خله يازين هو مو حمل قهر بعد
سكت كام لحيلو اخذ جكاره ورثها رجع كعد
بمچانو باب اندك كمت هو اشر راح فتحو هاجر جايبه صينيه كالت
جدتي ادكول تعشه انت وهيله لان ما اكلت شي من طلعتو ولحد هساع
كلنا مااكلنا مو بس انا من وره قهر عوض واخوه
رديت عليها كالت
اي والله قهرنا كلش الله يصبرو على مصابو
امين يارب
تشكرين ياخيه
ادلل يازين
سرت من يمنا سد الباب برجلو خلاها على الارض وخر الجگاره من حلكو وكال
تعشي ياهيله
مااشتهي اكل انت
سكت مامد ايدو للزاد كمت ورحت طلعت له بطل مي من ثلاجه جابها وخلاها لنا قبل جم يوم خليتو يمو وكلت
تعشه يازين
دحك لي ومبين علي القهر كال
امي راح تعبني ياهيله ما اعرف شلون راح اسري وهي هيج مو راضيه عليه
كمل
اكعدي مالي خلك ارفع راسي لج
كعدت اگبالو كمل وهو يجر بالنفس مال الجگاره
شلون تريدني اعوف ثاري شلون ياهيله
تريد اكعد حدها مثل الحريم وغيري يروح يرخص بالروح لاجل ارضنا غالي
انا وهم لاااا
ام يازين وحگها تخاف عليك انت هالواحد لها وماعدها غيرك
وعوض هم ماجان عندو غير بس هالاخ وفگدو يعني هذا قدر ومكتوب يجوز
الكاعده تهوجس به مايصير
وربج يحفظني من الشر
🌿🌿🌿🌿🌿
زين العابدين
هيله سكتت بس اشوف وجهها مطعون ومقهوره كلش عرفتها كاعد تهوجس من ورة روحتي وماسألت ردتها هي تتكلم تطلع الي بگلبها رفعت عيونها لي بعدين نزلتها تكلمت بتردد
اوعدني يازين تخاف الله بروحك
گلبي فز والفرح صار به لچن مابينت ولا رديت
ظليت صافن لها اريد اسمع كلامها
رددت بصوت مخنوك
خاف الله بروحك وبالوياك لاتذبها للموت وتفجع امك وعمي الشيخ وخواتك
وانتي ياهيله
رفعت عيونها لي مغوركه والوجه مطعون
ابتسمت بوجهها عرفت وگلبي من عرف جن ايدها گضبتو بهدواه وبردتو
ما لحيت خليتها على راحتها هي بهيده راح تفك
وتجي لحظني گربت يم الصينيه كلت
تعشي معي وفگي نفسي للاكل
هزت راسها بأي وتعشينا انا وياها اول مرة احس بها تختلف عن الاول شفت بها شي مختلف وهالشي خلاني ارتاح وابشر بالخير
ليان
الصار بيني وبين مالك ما حجيته لاحد احتفظت بيه لنفسي وكلت مالها داعي احجي بالصار مادام رفضته من يمي وانتهى الموضوع توته ظلت يمنا وتعلقت بكل واحد من عدنا وخصوصا اني
كلت راح يسحبها من يمنا بعد الصار بس ماسواها ولا حجه اي كلمه لا لاخته ولا لاخويه الي رجع يشتغل ويا
وره السبعه ،،،،بيومين بليل من رجعت من المشتل من تعشينا وكملنا اني داشتغل بالمطبخ ماما فاجأتني وكالت ابن عم نوار
رايدني وامها مخابرتها وحاجيه وياها بالموضوع
رفضته ضاجت كلش وصارت عصبيه
ليش ليان تره الولد مو ناقصه شي الى متى انتي
تظلين ترفضين اليجوج وشايله فكره الزواج من راسج
ماما مااريد ازوج وسديها لهاي السالفه
ووج ليش بس فهميني ليش
ردت اصرخ واكول بسبب بنتج والسوته بيه بس سكتت ماردت احجي،،،،
اي شي كدام نوار اعرف هي تعرف بس ااني مااريد احجي واعيد بنفس السالفه ردت انسى واخلي الناس تنسى الصار بينا
مشيت للغرفه شايله توته ماما اجتي ورايه حجت وي بابا
ابو وسيم احجي وياها تره خلص گلبي من وراها هذا ثاني واحد ترفضه
عوفيها على راحتها مااتريد هاهيه سدي السالفه
وانهي الموضوع من يمج
ليش مصطفى والله الولد مايتفوت منصب ومركز وجاهز وكالو شتريد احنا حاضرين
مادرت بال لكلامها طبيت غرفتي نوار لحكتني متوتره وخجلانه حجت بتردد
ليونه والله اني ماعليه بالصار اصلا محد حجه
وياي بالموضوع هي امي خابرت عمه وكالت الها على سالفه يسر
لاتببررين نوار اصلا مااجه بالي انتي ولا فكرت انتي الج ايد بالموضوع
سكتت تقدمت ليمي مدت ايدها لتوته وكالت
اخذها يمي حتى ترتاحين
ماقبلت تروح الها حظنتني بقوه ابتسمت هي رفعت حواجبها وكالت
يااا شوفيها ماتريدني
ااي تريدني ااني وبس مووو توته
شلتها لفوك خربت ضحك نزلتها بحظني كمت ابوس بيها وادغدغ تضحك وتلعب وياي
زعلت عليج توته
حجت وياها وبرطمت ما دارت الها بال سويت
اصبعي دودة وسوت وياي
نوار خربت ضحك وكالت
خوش ست توته اني اعلمج باجر بس تروح ليونه للمشتل راح اعضج من اصبعج هذا الصغير
يااوليج ابسطج نوار بس تسويها
رديت مبتسمه واتحلف بيها توته هم سوت مثلي عمتها خربت ضحك مرة اللخ وسيم طب مبتسم سال
خير ضحكتكم واصله للصاله
تعال شوفها لتوته شلون متعلمه سوالف
اخويه اجه باسها ضاجت منه كامت ادردم علي
خربنا ضحك نوار كالت
هذا هم بابا مالك حتى تضوجين من لحيته شوفي ماعنده بس شوارب
راح اسوي لحيه مثل مالك
اخويه رد عليها صفنت من تذكرته شلون يتوسل بيه اقبل بي رفعت راسي من كال اخويه
يله ست نوار امشي اشوفج نسيتني وظليت جوة
اي هسه
اشرت الها روحي مشت ويا وكالت
اذا ضوجتج صيحيني
ابدا مااضوج من توته الحلوه
بستها من خدها راحو من يمنا كعدتها گبالي اغني الها ونلعب بملاعيبها
🌿🌿🌿🌿🌿
ايهم
حياتي مشت من سيء لاسوأ والشرب دمر حياتي بعد اكثر من كمت افقد ادراكي واشوف نفسي بغرفه لارا نايم وياها واني ماعندي اي وعي ولا ادراك
اكثر من مرة من اصحى على روحي اتخبل واگتلها واهلي گوة يفكوها مني
وزادت حياتي سوء من صارت حامل للمرة الثانيه شأحجي والصوج مني
بلعت غصتي مره ثانيه وما حجيت شي
بليل كاعد وي ابويه وامي نشوف الاخبار الوضع خربان كلش والحرب بدت بين الجيش وداعش
يااربي شلون راح تفض هاي يوميا حرب يوميا قتل شبينا احنا ياربي مكتوب علينا مااانرتاح ابد
امي رددت بقهر ابويه رد بحسره
اااي شفنا من عمرنا كله حروب بحروب
افنان جابت صينيه الجاي اخذت الگوب امي سالت
يمه انت خما عليك شي
لا حجيه اني شغلي كله بالدائره
هاا الحمد لله
سكتت افنان كعدت بصفي لازمه جهازها وتراسل عيوني راحت للاسم قريت روان
عرفتها صديقه ليان سدت جهازها سألتها بهمس
خير شبيها روان
مابيها شي سالت عليها لان جانت ماتكدر وردت هسه
هاا
سكتت شربت شويه جاي ابويه كام وكال
خلي اكوم مالي خلك انقهر من الكاعد يصير
اي والله اني هم
امي ردت وكامت ويا
ظلينا اني واختي وحدنا غمضت عيوني بتعب فتحت شفت لارا طلعت شايله انس ورايحه للحمام ذبيت حسره اختي كالت
انسى ايهم وعيش حياتك وي لارا وانس والجاي بالطريق
ابتسمت بألم رديت
مااكدر ااعيش وياها افنان صح ليان انخطبت وراح تزوج بس يظل نفسي بيها طول العمر
منو انخطبت
باوعت عليها صافنه عليه رديت
ليان
منو كلك
شفتها وي خطيبها بالمشتل
رديت بقهر اختي سكتت عكدت حواجبي من شفتها توترت سألت
خير افنان سامعه شي
هاا لا ماكو شي
لا اكو شي ااحجي سامعه شي من روان
اايهم مو سامعه
ااافنان
صحت بصوت مكتوم
فزت بخوف ردت
مااسمعت هي انخطبت يعني اني احجي وي روان على طول واسالها عليها ماكالت هي مخطوبه لاحد
صفنت عليها بذهول رديت
مااكالت يعني ابدا مااحجت وكالت ليان انخطبت لواحد اسمه مالك ويصير جيرانهم
اسمه مالك
اي
سكتت حجيت بغضب
ااحجي لاتظلين ساكته
هذا يصير اخو نوار مره وسيم
وسيم ازوج
باوعت لارا واكفه وسمعت الحجي كملت بذهول
اخويه تزوج
ااي
افنان ردت تباوع عليه وعليها ومرتبكه كلش كملت
شنو محد كلج من اقربائج اخوج تزوج
ردت بتگبر
لااا اني مااخابر اي احد منهم المايسال عليه على شنو اسال علي
مشت من يمنا وولت للغرفه
اعرف هي محد يتصل عليها انگطعت الصله وي الكل من وره الصار وحتى اهلها ماااتصلت عليهم ولا هم اتصلو سألت بصوت مخنوك واني صافن لغرفتها
روان عرفت اني اجاني ولد منها
لاااا ايهم ماحجيت ولا كلت يعنني تت
سكتت باوعت الها كملت بتأثر
ماردت ليان تعرف خاف يصير بيها شي
غمضت عيوني بقهر كمت لحيلي تعبان ومالي خلگ هي بين عيوني خيالي صارت ووين مااروح هي وياي
مشيت لبره مخنوك اريد اشتم هوه كعدت بالحديقه
صافن وافكر بحياتي الي دمرتها من ورة نزوة وشهوه ساعه
كلشي اخضر وحلو يذكرني بيها الورد الزرع من اشوفه اشوف روحي يمها بالمشتل تفتر بي وتضحك وياي رددت
طلعت مو مخطوبه وجان يجذب عليه حتى اگطع نفسي منها وبعد مااروح عليها
كمت افتر بالحديقه اريد اروح الها اشوفها اكعد مثل ذيج الايام واباوع عليها من بعيد مشيت خطوه وكفت رددت
كافي ايهم كاافي وعوف ليان كلشي انتهى شتريد
ترجعلك وانت راح يصير عندك الثاني من اختها
رجعت كعدت باوعت لبيت اهلي كلت بحرگه گلب
حسبي الله عليج لاراا وعلى روحي من خليتج تضحكين عليه بجسمج وكلامج
وخليتيني اخذج
كمت اتنفس بقوه اردد بقهر
ياارب مااردت هالحياه ما ردت هالانسانه تصير زوجتي ماردتها يالله ردت ليان وراح اموت ونفسي بيها
عيوني غوركت روحي انمردت ماكدرت اظل
بالبيت طلعت اريد ابتعد عن لارا وانس والكاعد احس بي
🌿🌿🌿🌿🌿
مالك
ماگطعت الامل من رفضتني ليان كلت اصبر عليها واتحمل السمعته منها مجروحه وهذا ردة فعل لجرحها مو سهله تقبل بيه او اي واحد بعد التجربه الي رادت تروح بيها
كلت انطيها وقت حتى تنسى الصار بيها واصبر منا الما تعرف اني اختلف عن هذا العار الي دمرها وعدم ثقتها بينا
رجعت بليل ،،، وياي وسيم نزلنا كال
تعال تعشه يمنا
لا تسلم مالي نفس اريد اسبح وانام
يمعود تعال الحجي شاوي دجاج وهو شلونه بالشوي توب التوب
ابتسمت وباوعت للدخان الطالع من الكراج رديت
العطابه كايمه عدكم
ههه اي ابويه من يشوي يكثر فحم هسه تشوف
كاعد يشوي دجاج وويا بصل وطماطه وبيتنجان والجاي وراهن
الباب انفتح طلع ابوه شايل مهفه شافنا كال
ها اجيتو
ههه لا حجي بعدنا بالمكتب
فوت ولك قشمر كاعد تصنف عليه
ضحكت من شفت شقاهم كمل وياي
يله تعال تعشه اختك وبنتك يدورن عليك
تسلم عم مااريد والله
ابدااا ازعل عليك فوت اليوم اضوكك الشوي
مالتي واريد رأيك هااا مو تاكل مثل العندي ويسحكون حتى العظام
وماايحجون اي شي
ههه طيب من هسه وعاشت ايدك
كاعد تتقشمر وياي مثل هذا الزعطوط
بابا صرت رجال وتزوجت شنو زعطوط
تظل زعطوط بعيوني وابدا مااتگبر
رد على وسيم فات وكمل
فووتو بسرعه خلي اروح اخلي الدجاج
يله مالك
ولك والله ماا
اش بلا كلام زايد شتريد الحجي يزعل عليك
وولك اشو ماخذ راحتك بالكلام وياي نسيت اني اكبر منك
هههه امون نسيبكم الوحيد
ابتسمت اله اشر فوت طبيت قبله الحجي واكف ويخلي الدجاج على الفحم اشر اليه وكال
تعال اكعد هنا الجو مو مثل قبل كم يوم البرد
كسر شويه
اي بشر الربيع
اي وليان راح تفرح بي
رد عليه كعدت وبالي هي ماشفت سيارتها
وسيم سال
شنو ليان مااجتي لحد هسه
خابرتها قبل شويه كالت اكمل الطلبيات واجي
هاا
رد على ابوه ترخص طب جوة وره دقائق طلعت امه سلمت عليه اشوفها فرحانه بجيتي عليهم وماحسيت ابدا اني ثكيل عليهم
نوار طلعت شايله توته لابسه فروه كمت بوجهها سلمت فرحانه بيه
هلا مالك شلونك
هلا نوار شلونج انتي وهالفصعونه
ههه بخير شوفها طالعه جن دب قطبي
اخذتها من ايدها صافنه على النار وتباوع عليها تمد ايدها تريد تلزمها
حاره ولج تلسعج وتحرگج بس تگضبيها
كعدت بيها عم مصطفى حجه وي نوار
وين البصل والطماطه والبيتنجان نسيتوهن مو
لا عمو سويتهن الك وجهزتهن
عفيه بالحبابه جيبيهن اليوم الا اوكلج دجاج مشوي ابد مو ماكلته من قبل
ههه عاشت ايدك عمو من هسه اشوف منظره يخبل ويشهي
لعد شعبالج عمج توب بالشوي
اسمع حوارهم،، ،،،ومرتاح لان ظني بيهم طلع صح واختي ارتاحت يمهم
شلون اهلك سمعت من نوار طلعو لاربيل
اي والله ياعم عافو كلشي وهجو بارواحهم
الله يساعدهم ويعوضهم عن كلشي خسروا
امين يارب
هسه شراح يسون سمعت من نوار شيخكم راح يحشد ولدكم بفيلق مال حشد عشائري
اي والله وابنو راح يلزم هالفيلق
دحك لي باستغراب
مو هو هالواحد اله
هزيت راسي اله كمل بتاثر
شلون راح يخلي يروح وهو هالواحد شنو مايخاف علي من الموت
ابتسمت ورديت
حنا مانهاب الموت ياعم نموت بشرف ولا نخلي
كاعنا بايد الغريب
صفن عليه ردد
ابني الجيش موجود هو والحشد وسمعنا امريكا من غضب الله عليها هي اساس البله بكلشي كاعد يصير بينا هم راح تدخل وتبدي تقصف ذوله الي مانعرف شلون اجونا واحتلو ارضنا يعني هو ماايحتاج يروح ويجازف بحياته وهو
هالواحد الهم والشيخ من بعد ابوه
ياعم هذا الحجي مايمشي عدنا ولا عند الزين من نكول چلمه هاهيه قفلت عدنا ومستحيل نتراجع عنها لو نعرف الموت يلفانا من وراها
لا حول ولا قوه الا بالله شنو ذنب هالشباب الكاعد تروح وليش بس علينا هالقهر والابتلاء
امر الله بعد
سمعت صوت سياره وكفت بره الحجي حجه
اجتي ليونه
بنتي بس سمعت اسمها كامت تكمز بحظني وتباوع لباب وتصيح
ده ده
انفتح طبت تضحك كالت
هلااا
بلعت الكلام من شافتني درت وجهي منها ودحكت للنار شابه بالحطب وبگلبي هم نار بس نار حبها وعشگها
هلا بابا اليوم دجاج شوي ومن ايد الشيف مصطفى
حجه بضحگ گربت ليمي سلمت بنبره ضايجه
مرحبا
هلا ليان
رديت منزل راسي بنتي خبصت روحها عليها ابوها حجه
تعاالي اعرفج ماراح تسكتين الا تروحين
لحظنها
اخذها مني وودها الها
هلا ماما هلا حبي
حجت وياها بحنيه رفعت عيوني الها بنتي حاظنه وجهها وتبوس بيها بس شافتني دحكت لها مشت من يمنا وطبت جوه
ذبيت حسره ردت اطلع من يمهم لان وجودي وياها عذاب اليه بس كلت لااا
خليني جدام عيونها وگريب منها تشوفني وتتعلم عليه وتاخذ على وجودي مثل مااخذت على وجود توته وياها
كمت ساعدت الحجي بالشوي ووسيم ويانا حسيت بجو حلو رغم جفه ليان اليه مادرت بال كعدت تعشيت وياهم احجي وي الكل الا هي ابدا ماحجت
جلمه وظلت ملتهيه وي توته توكل بيها
امها حجت
ابو وسيم الحجيه ام نوار خابرتني وعزمتنا كلنا باجر على العشه
ليش هالتگلفه مايحتاج والله
جاوبتو
ياعم ماكو اي تكلفه حنا اهل صرنا وهاي اني كاعد وياكم وتعشيت بيتكم مرتين
ضحك كال
ها يعني تريد تردها اليه
لاا ماكو بينا هالشي ان شاء الله بس اني ضگت زادكم وهساع اجه دوركم تضوگون زادنا
تسلم ابني وادلل باجر عشانا يمكم
فضينا العشه وكعدنا بره بالحديقه نشرب جاي اني والحجي وسيم التهى ينظف
بالكراج سالني
مالك يسر ابن عمك شنو شغله اعرفه موظف بس ما عرفت وين يشتغل وشنو مركزه
عكدت حواجبي من سالني عم مصطفى هالسؤال رديت
ليش تسأل علي ياعم
والله يعني هو تقدم ليان قبل كم يوم
كمت لحيلي مذهول رديت بسرعه
شنوو
صفن عليه بنظرات خلتني اتوتر حسيت على روحي كعدت منزل راسي سال
خير ابني شبيك عبالك تفاجأت
ها اي مدري بي رادها
هاا كلت الحجيه لو هو حجو الك لو نوار يعني عبالي تعرف
لا عم ماعرفت الا منك
اي على العموم سالتك علي هيج بس فضول لان الصراحه جنت اريد اعرف هو شنو منصبه ووين يشتغل
مدير مكتب بوزاره الصناعه
رديت مختصر والهوجست بي طلع صدك
هاا الله يحفظه خوش منصب وشفته هم خوش
ولد بس ماله قسمه يمنه يعني ليان رفضته
جنت اعرفها راح ترفضه وترفض اي واحد غيره بس من سمعتها من ابوها جن
مي بارد ونزل على گلبي
هي طلعت شايله حاويه المطبخ مادحكت علينا كمت لحيلي ترخصت من
الحجي وكلت
من رخصتك عم اروح ارتاح
اخذ راحتك ابني وهلا بيك شوكت مااجيت
مشيت من يمهم سلمت على وسيم طلعت اندارت من يم الحاويه الجبيره
عيوني صارت بعيونها
والنظره ذبحتني وخلت گلبي يردم بقوه
دارت وجهها مني وخرت من طريقها مشيت لبيتنا ضايج من السمعتو من كعدت خابرت الحجيه ردت
هلا يمه شلونك وشخبار نوار وبنتك
بخير يمه انتو شلونكم
الحمد لله كلنا زينين خابرت بيت عيال اختك
وعزمتهم على العشه
اي كالو لي
هاا تعال عود وياهم مو ماتجي
لا اجي حجيه بس سؤال رحمه لاهلج
خير يمه كول
شنو موضوع يسر وليش حجيتي بموضوعو وي بيت عم مصطفى
شبيك مالك الولد شافها ورادها وطلب مني اتكلم بهل الموضوع وي اهلها وين المشكله وليش احسك متگدر من هالسالفه
اي ضجت وتكدرت لان مااگلتي لي مااخذتي شوري بهل الشي يايمه
وولك انت ياهو مالتك بهل السالفه اب اخ ابن عم اسمك اخو حرمه ابنهم عش تريد اخذ رايك بهل الشي
ااستغفر الله ياربي يمه اي واحد يحجي بليان من ربعنا كولي لهم ماااتريد تصخم وتزوج
رديت بغضب واعصاب سكتت للحظه بعدين
سالت
صار شي ولك احد من اهلها سمعوك چلمه الك
لو لاختك
مااسمعوني ولا تصخمت بسالفه عوف البنت وخلوها تطيب من البيها
وحگ الله انت عاشگها لهل البنيه
سكتت فرگت وجهي بقوه هي انهدت بيه
عش مااحجيت يامااال الثول عش ماكلت انت تريدها
وهساع عرفتي اريدها سدي اي باب ينفتح من يمج وارفضي اي واحد يحجي
بها
مالك خل احجي مع امها راح تقبل بيك لان هي تحب بنتك ومتعلقه بيها
ماحجيت ولا كلت هي رفضتني تنهدت رديت
يمه مو هساع خلها تبرد من الصار بيها خلي تطيب
من جرح گلبها وتنسى الصار بيها وانا بعدين اعرف شلون احجي وياها واطلبها للزواج
ولك ياامصخم عش ماا حجيت من الاول جان انطينا واخذنا
غير ابنج غبي واثول وكام يبيع مثاليات
حجيت وي روحي بقهر رديت
ماجان بالي اريد ازوج
اي يبن المسعده الحزة من شفت ابن عمك رادها فگيت عيونك وصارت عزيزه
مارديت سمعت صوت ابويه ردت
ابوك يسلم عليك ويكول خلي يجي باجر
اي يمه كلت اجي سلامي الو هو والولد والبنوات
يوصل
سديت الخط وذبيت حسره
ثاني يوم رحت لاهلي حتى اتعشه وي بيت عم مصطفى كاعدين بالاستقبال ويا هو ووسيم نحجي عن الوضع والكاعد يصير بالبلد الولد خلوه العشه تعشينا وراها تعللنا اني كاعد توته اجتي تزحف تصيح
ابا ابا
كمت عليها شلتها وخليتها بحظني انتبهت بخدها طبعه حمرة بلون ازبري كلت يجوز وحده من البنوات
باستها
وره ساعه رجعوا واني وياهم وكفت بره بالكراج امي ووابويه واخوتي ادحك ليان شايله توته ووصايره وره اهلها رفعت راسها انتبهت لون الشفه ازبري جانت طبعه الشفه بخد بنتي مالتها
دارت وجهها مني اهلها سلمو وطلعو وسيم واختي وياها بسيارتها هي كعدت ليوره وبنتي بحظنها
فهد مال عليه وهمس
اكلك اخذ اخت وسيم وحسن النسل
اانجب بله
ههه شبيك يابه اشو ضايج
من سوالفك الجايفه عش ادحك للبنيه وهي صارت من عدنا
كام يرطن بلهجه اهلنا يعني اسكت واحترم روحي
مارديت رحت صعدت بسيارتي الحجي تحرك ووسيم وراه حرگت وراهم وطلعت لبيتي ليان
ثاني يوم الظهر رجعت من المشتل شويه من وكت ماتأخرت مثل كل مرة
وصلت يم بيتنا نزلت طبيت يم باب المطبخ وكفت من سمعت صوت امي تبجي
گلبي فز من الخوف ردت افوت وكفت من كالت من ايدج انتي السويتي بروحج هيج
