رواية بديلة اختي الفصل الرابع والثلاثون 34 بقلم خاتون الكعبي

تذكير

ابو طيف بغضب عارم: جاا اشعنددة كل يومية دااز مشيات وشيوخ عليج بعد ما رفضنى فوك الربع مرات هااا لجج اشعنددج وياا عمااممج كلوو وجههي من غيرر حجي الووادم علييج انه تااالي ززماني سمعتتي تصيرر ع اللسان اليسوه والمايسوه ع مود حررمه ثقيي بالله اذا بس شميت خبرر عندجج ويا شي لحط طلقة براسج واغسل عارج بيدي ورتاح وهاي كدام ابوي واخوانج اكولهة مدرسة بعد مالج تجي قسمتج والله ومحمد وعلي وياج وخاف ابالج انطيج الهذة الك** لو يجي مدري ياهو ما انطيج الة واشوف يا كلب بعد يجيني 

طيف : يحجي ويحجي وانه كلشي ماكو الحد موصل الموضوع المدرسة احس الدمعة صكت بطرف عيني رجلية وادية من وحدهن كامن يرعشن الساني ثكل والكاع مكامت اشيلني لحظات ومحس غير براسي وهوة يرتدم بالكاع كلام وهوسة فوك راسي مكدريت افهم منة شي اريد افتح اعيوني او حتى انطق بأي كلمة بس ماكو

ثكل عجيب صار بية احس طيف وقوتهة تبخرت بكلام ابوهة طيف الجانت شادة ظهرهة بأبوهة وتتعارك وتحجي وتأخذ حقهة من عين السبع هذة كلة راح وتبخر بكلام ابوي اليوم 

فزيت من مكاني ع رشت ماي قوية كمت اخذ النفس بصعوبة واني اشوف نفسي مشمورة بصالة وراسي بحظن امي باوعتلهة وكني استنجد بيهة انو اطمني بكلمة بعد كل الكلام يلي سمعتة 

بس ماكو محجت شي باوعتلي بنظرات كأنو تكولي ما اكدر مبيدي شي عليج حكم القوي ع ضعيف سكتت كل صوت وصرخة تسول بعقلي واستنجاد بيهة وبأبوي واني ادفن راسي بصدرة 

مثل الطفلة وخايفة من وحش بصغرهة بس هسة الفرق الوحيد هالطفلة خايفة من وحوش البشر الي ممكن تنهج بالحمهة بأي ساعة وتفتك بحياتهة بشي مالة اساس من الصحة قوت امي ع حظني وسندتني الغرفتي نومتني ع جرباية وهية بصفي تمسد ع شعري وتمتم بأيات وادعية خلتني مثل المبنجة بحظنهة وسيلتي الوحيدة هية الدموع ساعات وساعات مرت وانه ع هالحالة الحد محسيت اعيوني غوشن من الدموع والتعب وغفيت بلا ما احس بنفسي و........

__________________

اوتار 

محمد بمكر: اعتبر هاي علامة رضوخ بحبي الج 

اوتار : دفعتة بقوا عني واني ارفع اصبعي بتهديد واهس بكلمة تحللم 

محمد بمكر : لعد انتظري اشكم يوم ان شألله وشوفين هالحلم اتحقق ع ارض الواقع نهى كلامة وهوة يغمزلهة بستفزاز ضحك وهوة ايشوفهة تضرب رجلهة بالكاع منغاضة مثل الطفلة والخدود صايرات حمر من العصبية كرص خدهة بخفة وهوة يحجي بهمس كدام اعيونهة 

محمد : اشلون نية كشرة ناوي ع هالخدود 

اوتار بعصبية : صدوك متستحي هسة اليدخل ويشوفك اهنا شيكول 

محمد : شيكول يعني رجال واكف يترومس هوة ومرتة المستقبلية بيهة شي بوية 

اوتار : ضحكني كلامة وبنفس الوقت زاد خجلي وتوتري باوعلي وهوة عاض ع شفتة 

محمد : اويلي عليك يمحمد شتتحمل بعد

اوتار: زدت بضحكي وهوة طلع بسرعة اول مرة اشوف هالجانب بشخصية محمد جانب حلو ومرح وبنفس الوقت جريئ حيل صبينة عشة وشفتة كاعد ع طاولة كعدت بمكاني وطول وكت العشة وهوة يتحارش يريدني احجي بس ماكو الحد مكمت يلة فكيت منه غسلت واول مردت ادخل الغرفتي سمعتة ايكول 

محمد : وين تروحين مني الزمج الزمج 

اوتار : حبيت اجاري بالكلام وبنفس اسلوبة درت علي واني اهمسلة بكلمة انشوف وغمزتلة بمكر ودخلت بسرعة مسمعت غير صوتة وهوة ايكوول العبب صار بيهة غمزات حسيت وجهي شب نار من الخجل وبنفس الوقت ضحكت ع كلامه ورحت اخذت تليفوني و........

__________________

مرسلين 

مرسلين : احتياط ع شنو مهما كان ما اسمحلك اشك بيهة او تبعدني عنها واني اصلاً مو اهواي احجي وياهة فأ...

شاهين : توترت وهية اشوفني اتقرب عليهة ابتسمت بمكر احب نظرات التوتر والخجل البعيونهة قربت اكثر ودنكت عليها همس بخفوت واني اغمض اعيوني واخذ نفس من عطرهة 

شاهين : اشوكت تبطلين هالخوف 

مرسلين :مء.خايفة..بس .وخر اريد اكمل شغلي اباوعلة انتفض من يمي بسرعة عدل وكفتة ورجع نفس برودة وهدؤة وهوة ايكول

شاهين : ماشي بس مو تنسين الكتلج علي 

مرسلين : ما انسى بس بنفس الوقت مستحيل انفذة كلت هيج واني متقصدة انرفزة اريد اشوف شنو نهايتهة ويا وفعلاً تنرفز وفرك وجهة وكال

شاهين : طبج مرض منج الهة 

مرسلين : كال هيج وشمر التليفون ع الجرباية وركع الباب وراه وطلع اول مردت احجي دك التليفون رحت شلتة من الجرباية وشفت رقم امي فتحتة وسلمت عليها وعاتبتني لأن رحت بدون مكعدهة انحرجة وتحججتلهة بشاهين 

كلتلي براحتكم وفتحت وياي موضوع هدى قطبت حاجبي بأستغراب واني اسمع امي اتكول اجت زعلانة متعاركة هية ورجلهة وناوية ع طلاك سئلتهة ع شنو متعاركة كلتلي ع شغلة اعيالهة والبنات اكو غيرهن حركت راسي واني اكول ان شألله تنحل ع خير بدون مشاكل وترخصت منهة وسديتة كبل احس الشك دخل كلبي معقول شاهين يعرف بيهة زعلانة بيت اهلي لهيج اجه حجة ويا تنهدت بتعب واني ارجع التليفون ع ميز ما اكول غير بس الله اليبعدني عن مشاكلهة كلت هيج وكملت تنضيفي للظهر نزلت صبيت غدا ويا سمر والتم الكل ع سفرة اباوع ع شاهين وجهة ميكصة السيف اشبي معرف كملنة غدة وسويت جاي صبيتلهم وسئلت عمتي ع شاهين كالت صعد فوك اخذت كوبة وصعدتلهي يا 

شفتة كاعد ع كرويتة والجكارة بحلكة حطيتلة الجاي اكباله ونزلت كملت الشغل ويا سمر وصعدت فوك شمرت شالي اول مدخلت بعدني ممتعودة علي حتى بالبيت يخنكني باوعتلة ع نفس كعدتة وعين بتليفونة دخلت الغرفتي غسلت ولبست دشداشة ربع ردن باردة رفعت شعري كعكة ورجعت طلعت بصالة كعدت اكبالة ع كرويتة وشغلت التلفزيون اباوعلة يباوعلي وينصي ع تليفون وربي حتخبل منه معرف شنو يريد واذا يحبني او يكرهني احسة مرادت فعلاً ميطيق وجودي بقربة ومرات لا بالعكس اشوفة يلتفت بعيونة وهوة ايدور علية تركيبتا غريبة عجيبة احس حتى هوة مكادر يفهم روحه فزيت من صفنتي ع طكت اصابعة وهوة ايكول 

شاهين : وين صفنتي 

مرسلين : ها لا هيج تريد شي 

شاهين ؛ جاي اكلج كعديني بالربعة 

مرسلين : اي كلت هيج واول مشفتة كام كلت بندفاع واني اعصر اصابعي بتوتر شاهين 

شاهين : هاا 

مرسلين : صارلنة شهر ع زواجنة اتوقع هالمدة كافية حتى ننفصل 

شاهين : بعد وكت 

مرسلين بتسرع : شنو بعد وكت داكولك صارلنة شهر سوا وانت كلت شهر شهرين وننفصل بعد ع شنو انطول الموضوع واني وياك نعرف نهايتة شنو 

شاهين وهوة رافع حاجبه : ليش شايفتلج شوفة 

مرسلين : احس وجهي جمرر من كلامة فعلاً اعصابي تلفت منه ومن كلامه بين كلمة والثانية وهوة ايكول شايفتلج ونفس اختج ومن هالحجي كمت من مكاني واني شايطة نار باوعتلة وكلت 

مرسلين: لنفترض فعلاً شايفتلي واحد شحسوي مثلاً مو كولت قبل كم يوم انو من حقي احب واحد بعمري افهم علي ويفهم.. سكتت واني احس باذاني صوفرت من قوة الراشدي اعيوني غرغرن بالدموع وخدي جمر جرني علي وهوة يلوي بأيدي وره ظهري ضغط عليها بقوا وهمس بحد وتهديد واضح 

شاهين : والله ثمم والله ثم والله وهااي قسمت بثللاثة اذااا سسمعتجج ناطقة بأسم رجااال ثانيي ع ااالسانج داامج ع ذمتيي لكون دافنج بمكانج ساامعه 

مرسلين : احس الساني ثكل مكدريت ارد علي من الرجفة الصابتني اكتفيت بهز راسي واني احاول اسحب ايدي منه بوجع احس ع اشوية حتنطحن من كثر مضاغط عليها نترني ودخل للغرفة حركت ايدي بوجع واني اسب واغلط علي وع نفسي اعرفة مخبل شكو اورط نفسي واحجي وياه باوعت ع ايدي صايرة حمرة دم اثار اصابعة بعدهن محفورات بأيدي مسحت دموعي ورحت ع ثلاجة طلعت بطل مي بارد تمددت ع كروتية وحطيت البطل ع ايدي و.........

___________________

تقى 

تقى برجفة : اءء... ار..يد.. بابا.. مح..تا.جتة

مسلم : اباوعلهة العيون مورما من البجي والوجه مصبوغ بالحمر خصلات شعرهة لازكة ع وجهة والسواد جوة عينهة من قلة النوم قربت راسهة ع صدري وكلت يرجع بس اهدي وكافي دموع 

تقى : دفنت راسي بصدرة اكثر وزدت بالبجي منقصت احس هاي الشغلة الوحيدة لكدر اعبر بيهة عن الحزن البداخلي وافرغ كل قهري بيهة حسيت بشفايفة ع راسي باسه ورفع وجهي من حضنة تلمس وجناتي بطراف اصابعة وهوة ايكول

مسلم : وعد النهاية هالشهر اذا ما اجه اخذج ونروحلة بس كافي دموع اتفقنة 

تقى : هزيت راسي واني امسح بدموعي اباوعلة ابتسم واول مأجه يحجي عمتي اشرتلة بعيونهة بنظرات مكدريت افهمهن اباوعلة فز بسرعة من مكانه وكال الزينب تبقة يمي وطلع وراه عمتي باوعت ع زينب بأستغراب و.....

_____________________

طيف 

مر اكثر من اسبوع وانه من سيئ الى اسوء حابسة نفسي بالغرفة بين البجي ونوم مكضية يومي حتى امي ما اريد احجي وياهة صديقتي فرح وبنات خالي اكثر من مره اجني بس مطلعتلهن مريد اشوف اي وحدة الحد مدخلتلي امي حطت صينية اريوك اكبالي وهية تكول 

ام طيف بقهر : الى متى حضلين ع هالحالة متكليلي ما جاي تأذين غير نفسج يا امي استسلمي للأمر الواقع وأرضي بحكمة ربج وانتظري ابن الحلال اليريحج ويسعدج 

طيف باوعتلهة بعصبية من بين ادموعي وانه اكول : حلاليش ومدرستي ومستقبلي الراحو بسبب شي ما الة اي اساس من الصحة هااا

ام طيف : جا شبيدي عليج ما تكليلي يا يمة ما سمعتي بحجي ابوج عمامج والوادم كامو يعيرونة ويشككون بيج كدامه 

طيف وهية تمسح دموعة : طبهممم مرررض حجوو والمااحجوو ع ساس همة جاننو ساكتين وميردون حجة حتى يبطلوني وهالجتهم وابووي بدالل ميووكف وياي ويكوول اعررف تربية بتي مستحيل اسويهة وتنزل رااسي صددكهمم وسوة مثلل ما رادوو بعدد اشتردونن هاللمستقبلي وددمررتو بدديكم 

ام طيف بتماسك : هالحجي لا يقدم ولا يأخر بعد صار يلي صار اكلي وغذي نفسج وانتظري الفرج 

طيف : اباوعلهة عافتني واجت تطلع فزيت من مكاني وصرت كدامهة باوعتلهة برجاء وانه اكول 

طيف : اريد ارجع للمدرسة 

ام طيف بسخرية : هذاك ابوج وروحي حاجي 

طيف : انه وياج نعرف مستحيل يسمع مني فددوة انتي حااجي 

ام طيف بهدؤ : من يوم الي بطلاج بي انه حجيت ويا وتعاركنة ولليوم انه ما احجي وياه مالج غير جدج لو نسر بس همة اليكدرون يقنعون ابوج برجعتج للمدرسة 

طيف : هزيت راسي بقلة حيلة وكتلهة اريد اروحلهم كلتلي بس يطلعون ابوج واخوانج روحيلهم بس لا تتأخرين لا يجون ويشوفوج كتلهة ماشي وانتظرتهم الحد مطلعو لبست صايتي وشالي ونزلت بسرعة عبرتلهم من باب السياج ودخلت 

شفت جدتي ومرت عمي سلمت عليهن وكعدت يم جدتي ضليت افرك بيدي بتوتر الحد مكامت مرت عمي يلة كدريت اسئلهة ع جدي كالتلي طالع بكعدة هوة وعمي باوعتلهة بخيبة وضلت عيني معلكة ع درج الحد ما درتلهة ورجعت سئلتهة بتردد ع نسر ابتسمت وكالت بغرفتة 

هزيت راسي وسكتت اشوية ودخلت مرت عمو ابو سالم وبناتهة سلمت عليهن وسحبت اشوية اشوية ليفوك وصلت الباب غرفتة حصرتني الدمعة وانه اذكر اخر مرة طلعت بيهة من غرفتة اشلون جنت كارهتة وحاقدة علي وهسة جاية اتوسل بحضرتة حتى يحجي ويا ابوي للحظة ردت اعوف كلشي وره ظهري ورجع الغرفتي واعوف ربي ياخذ حيفي منهم بس مكدر الشهادة حلمي ومستقبلي وحبل النجاه اليخلصني من كل هالتخلف الأنه بي دكيت الباب دكات متباعدة ومرتجفة اجاني صوتة الخشن وهوة ايكول 

نسر : ادخل 

طيف :..............

_____________________

اوتار 

باوعت ع طريق ورجعت باوعتلة بغيض واني اكول : هالمرة هم للدكتورة نجووم موو نهت كلامهة بسخرية واضحة 

محمد : هههه لا للكلية 

اوتار : حركت حواجبي ورجعت باوعت ع طريق وصلنة للكلية ونزلنة اني ويا واول مردت اروح القاعتي سحبني علي ولزم ايدي ومشة للكفتيرية باوعتلة بأستغراب ع احراج واني اشوف نظرات الطلاب صارت علينة كمت اجرجر بيدي واني اكول 

اوتار : محمد ادسوي اترك ايدي شوف الطلاب اشلون يباوعولنة محمدد اباوعلة كمل مشية ولا كأنو زفرت بغيض واني اشوفة يدفعلي الكرسي كعدت وهوة كدامي باوعتلة وكلت

اوتار بنرفزة : شهالتصرف مو عيب كدام الطلاب تجرجرني بهالطريقة وعندي محاضرة حتأخر عليهة بسببك

محمد بهدؤ: مو عيب واليوم الدكتور اركان مجاز يعني ما عندج شي هالمحاضرة اكعدي خل نتريك 

اوتار : ما اشتهي 

محمد : حتى لو اني اشتهي 

اوتار : اباوعلة ولا اهتملي كام وطلب ريوك اقل من خمس دقايق وصل ضليت اشرب بالكهوة واني اشوفة يتريك مبين نفسة مفتوحة اليوم ابتسمت واني اسولف واضحك ويا بأريحية بس مع ذالك حاسة بتوتر وخجل من نظرات الطلاب الحد مخلص وكام غسل وطلعنة من الكفتيريا باوع ع ساعتة ورفع رأسا علية عقد حاجبة بأستغراب وهوة ايكول 

محمد : شبيج 

اوتار بأحراج: مبية بس نظرات الطلاب وترتني محمد فددوة ما اريد موضوع الخطوبة ينفتح اهنا 

محمد وهوة رافع حاجبة : شنو يعني 

اوتار بتوتر : يعني ما اريد اي واحد يعرف بخطوبتنة 

محمد بنرفزة : وليش بلة 

اوتار :........

_______________

شاهين 

فزيت من نومتي ع صوت التليفون شفتة عمار رفضتة وكمت غسلت وبدلت وطلعت بصالة واني اتلفت بعيوني ع مرسلين شفتهة نايمه ع كروتية وبطل المي بصفهة ابتسمت واني اتقرب عليهة دنكت يمهة وخرت خصل شعرهة وتلمست خدهة استذكرت ابالي الكلام الكالتة الظهر وتحولت ملامحي للسخرية صفنت ع خدهة بعدهي اثار اصابعي علي شفتهة بدت تتحرك بنزعاج وكفت بسرعة واني اشوفهة تفتح اعيونهة بتثاقل وترمش بعيونهة بأستغراب عدلت قميصي واني اكول 

شاهين برود : راح اطلع تردين شي 

مرسلين : لا تمتمت بهالكلمة واني اكوم من مكاني الحقير حتى مريد اشوف شكلة او احجي وياه دخلت للغرفة بدلت ملابسي ونضفت الغرفة من الهوسة السواهة ونزلت جوى شفت الكل ملتمين بصالة معدا شاهين كعدت وياهم وحطيت يوسف ابن سمر بحظني للخمسة اندك الباب طلع مصطفى يفتحة اشوية ودخلت عمتي وبتهة سارة وهدى استغربت ع جيتهن او بالحرى جمعت هذني الثلاثة

اذكر وحدة جانت مطيق الثانية اشوكت حبن بعض سلمت عليهن ورحت قدمتلهن المي وسمر وراي قدمتلهن الضيافة كعدت بصف هدى وشلت بتهة بحظني بدت عمتي اسولف هي وام شاهين وهدى اسولف وياي هية وسارة اتفاجئة بداخلي ع طريقة كلامهن واهتمامهن المفاجئ وبنفس الوقت فرحت لأن راحت الحزازية والحقد بينيي وبين هدى

طلبن مني هدى وسارة اشوفهن غرفتي هزيتلهن راسي ببتسامة وصعدت فوك وهنة وراي دخلتهن للغرفة وذبيت شالي ع كروتية اباوعلهن افترن بصالة ودخلن للغرفة كلتلي سارة بالعافية حلوة اما هدى اكتفت بالبتسامة عبالي حيرجعن ينزلن بس استغربت واني اشوف سارة تكعد وبصفهة هدى وابنهة سامر كعدت اكبالهن وبداً يسئلني ع شاهين وعلاقتي بي كتلهن زين

بس انزعجت لمن زادت اسئلتهن بخصوصة وسئلن ع اشياء المفروض اضل بين المره ورجال بوجهة نظري بس مكدريت احجي شي اخاف يحسن علية او يفلت الساني كدامهن بشي فضليت ساكتة الحد منزلن جوى واني وراهن للسبعة وهنة موجودات اباوع ع هدى عينهة ع الباب وكول ساع سارة تحمحملهة او تحجي وياهة حتى تنتبه الحد ما شفت عمة اشرت السارة وكامت وهية تترخص من ام شاهين ودعت هدى الي تحولت ملامحهة للأنزعاج وسلمت ع سارة وعمة وطلعن من الصالة وراهن عمة قربت عليه سمر وهية اشيل ابنهة وتكول 

سمر : او ازعلين بس ولا ارتاح البت عمتج 

مرسلين : هههه سارة لا بالعكس حبابة بس هية متحب تختلط اهواي 

سمر : معرف بعد المهم عمة كالت وحدة تعزل المخزن وحدة تغسل الزوالي منطول اليوم عندج عطلة ليش مهسة نبدي بيهن حتى نخلص 

مرسلين ببتسامة: عادي معندي شي اغسل الزوالي بس وين بسطح لو بالكراج 

سمر : هههه حتى شاهين يكلبهة علينة عزة ميقبل نغسل بالكراج اغسليهن بسطح 

مرسلين : ههه ماشي لعد صاعدة كلت هيج وصعدت فوك اخذت ادوات التنضيف وفتحت باب السطح اباوع ع الزوالي محطوطات بصف الباب فرشتهن بنص السطح وعمتي اجت شغلتلي المي هية ترش واني افرك احس ظهري طك من التعب فوك النص ساعة يلة خلصت اول زولية بديت بثانية واني اشوف الدنية صارت ضلمه راحت عمتي شغلتلي ضوة البسطح ونزلت اسوي عشة بدالنة كملت الثانية بطلوع اروح اباوع ع ملابسي كلهن تبللن ولزكن ع جسمي ذبيت الفرشة بتعب وكعدت بنص المي واني ارفع شعري صار شاهين كدامي وهوة يصعد باوعلي بخزرة ورفع راسة ع البيوت الكدام ورجع باوعلي وهوة ايكول 

شاهين بنرفزة : اشكدد اتحبين اتعااندين رحمة الدينجج اشكمم مرة كتلجج انتبهي ع للبسج وشاالج 

مرسلين برود : لابسة دشداشة بعد شلبسلك جادر ومحد يصعد باليل للسطح فختنكت من الشال وذبيتة كلت هيج واني اكوم من مكاني بتعب اباوع ع اعيونة صارت بكصتة من العصبية وهوة ايباوع ع ملابسي نفضت دشداشتي بخجل واني انتبهلهة لزكت ع جسمي ورجعت اخذت شالي وعفتة ونزلت بسرعة دخلت للغرفة اخذتلي ملابس وبدلت ولبست شالي واني اكحكح من برودت السبلت ومنه منكعة كملت وياي نزلت جوى سئلت ع شاهين كلتلي عمي دخل وطلع بسرعة حركت راسي وكعدت اتعيشت وياهم ضليت كاعدة جوى الحد محسيت بخمول وتعب غريب صابني اترخصت من الكل وصعدت فوك دخلت الغرفتي واني اتأفف حتى مبية حيل اداوم باجر حضرت ادروسي اشلون مجان وتمددت ع الكرويتة والغطة فوكاي اعيوني اتغوش ورجع افتح بيهن بصعوبة الحد مشفت شاهين دخل شمر سويجة ع الميز وبدة يفتح بدكم قميصة وهوة ايكول 

شاهين : شبيج شو خانسة اباوعلهة بس ترمش بعيونهة مترد قربت عليها تلمست كصتهة وشفتهة شاعلة نار هاي شبيج ليش هية حرارتج مرتفعة مردت غمضت اعيونهة بتعب كمت بسرعة للغرفة بدلت ملابسي ورجعتلهة شفتهة ع نفس وضعهة وبدت تهذي بشغلات ممفهومة رفعت راسهة علية واني انزع بتشيرتهة لزمتة بسرعة وهية تهمس بكلمة عوفة خزرتهة وجريتة منها 

مرسلين : جريت الغطة علية بسرعة وباوعتلة بغواش واني اكول وخر ع... قاطعني وهوة ايشيلني من مكاني ويدخلني للحمام حطني جوا الدوش وفتح المي ع راسي كمت اخذ النفس بصعوبة من وره برودت المي بدة يمسد بأيده 

ع ظهري العاري بهدؤ رجف جسمي من لمست ايدة بس للأسف مجان عندي القوة الكافية حتى اوخرة وهذة اكثر شي اكرهة بية اذا امرض اصير شبه فاقدة وتنتكس حالتي بسرعة غمضت اعيوني بأرهاق مستسلمة البرودت المي الحد محسيت بي سداه وطلع برة اشوية ورجع وبيدة ملابسي باوعلي اشلون متكرفصة ع نفسي ولامة ايدية ع صدري وكال 

شاهين : تكدرين اتلبسن لو لا 

مرسلين : هزيت راسي برجفة واخذت الملابس منة طلع وبدلت ملابسي وطلعت من الحمام باوعتلة مبدل ملابسه لأن تنكعن ومطفي السبلت بس رغم هيج احس بجسمي بي رجفة غريبة كعدني ع السرير مثل الطفلة غطاني وهوة يتلمس بوجناتي ويكول 

شاهين : ارتاحي وهسة تنزل حرارتج 

مرسلين : ابتسمت بدوخة واني اشوف وجهة مواجه الوجهي صابتني مشاعر غريبة معرف شنو واني اشتم عطرة اليبعث الدفئ بداخلي ركزت ع حواجة نزولن لعيونة ورموشا بلعت ريكي بصعوبة واني اباوع ع اشفايفة المحددات من خلال اشواربة معرف منين اجتني الجرئة الخلتني احاوط ركبتة بأدية وقربة علي غمضت اعيوني واني احس بشفايفي اختلطت بشفايفة مردت افتح اعيوني وشوف شنو ملامحة او رد فعلة كل العرفة انو مستحيل تكون هاي مرسلين الدسوي كل هذة مستحيل مرسلين اسوي هالشي غير بحلامهة 

شاهين :........