رواية الإرهابي وذات النقاب الفصل الخامس والثلاثون بقلم ام غايب
ميمونه-عليك الله لتمسح الدم
يصير بيك خضر وتموت
..
وخر ايدي من حلكي رأساً سحبته ال ايدي ودرت وجهي منه ......
ميمونه -واني ابجي ...كمت اصيح واكله اطلع بررررره
اطلع خضر روح عوفني بحالي ..
خضر-ماااعوفج
ميمونه-خله ايده على جتفي كمزت وعطت
كاااااافي ....كافي رووووووح ...عوفني
خضر-وين اروح ...فهميني ....وشلون تريديني اروح هسه ...شلون اعيش واني شفتج بعيوني مريضه ....انت بدون ما مريضه ...وانت متزوجه وبحضن غيري وافكر ومختنك بدونج .....وهسه تكليلي روح .....تخبلتي انت
ميمونه-انت عفتني
خضر-صح ....سويتهه مره وعفتج لذلك مااعوفج هسه ....لو شيصير
ميمونه-اطلع بره خضر ...ااااطلع كافي عوفني ماريد منك شي ولا اتحمل وجودك يمي
خضر-جذابه
ميمونه-جذابه ...حقك متعرف شكد صرت اكرهك
خضر-وخري ايدج لعد وخليني الزم الدم...مو تكرهيني انت ...اليكره شلون يخاف عل يكرهه فهميني
ميمونه-بجيت بصوت اقوى .....ومسموع ...مثل النحيب ...
خضر-ميمونتي .....ام تك وتك ....لتموتيني اكثر ما اني ميت ....مابيج شي ....خليني اخذج للدكتور ...نروح نسافر اذا اضطر الامر ....لتستسلمين ....واذا تستسلمين
خليني دمج يمتزج ويه دمي .....لان مااكدر اعيش بدون ام تك وتك ....والله مااكدر بدونج .
ماريد منج شي ....ولا اريدج تسامحيني وترجعيلي
بس تعالجي .... كافي عليه تتنفسين وموجوده بالدنيا
لتعوفيني مثل ماعافوني اهلي ....والله من يوم الحبيتج بي وصرتي انت اهلي ..
اعرف ...اعرف بدون متحجين خذلتج مو مره وحده الف مره ....اني سافل وحقير وكلشي ...بس لتستسلمين
سحبت زيجي ومسحت الدم بسرعه من حلكي وكمت اباوع علي ....
ميمونه-ماريد اتعالج ولا اريد اروح للدكتور ولا اريدك تبقه يمي ....ولا يهمني تموت لو تعيش ...ومن مخليتك تنعدي مو لان احبك ....لان اني مو كافره حتى اتمنى الغيري يعيش بالوجع الي اعيشه .
اني اريد اموت ....اصلاًاني ميته من زمان من الداخل ....تعرف شوكت متت ....متت من يوم الي طلعت وياك وعفت اختي وابويه ....ومن مصدكتني وشمرتني حافيه بلا شي يسترني بباب بيتك ......ميته اااااني باقيه بس من الخارج ....اريد حتى الخارج ينتهي مثل كلبي
خضر-هسه شتريدين
ميمونه-دموعي تنزل وعيوني فاتحتهن بكل وسعهن واباوع علي شنو شريد ...ونصيت نبرة صوتي وحديته بانكسار ....تروح
خضر-مااروح
ميمونه-تروح خضر
خضر-ليش قبلتي يبيعج عمج ليش مطلعتي وشتكيتي علي
ميمونه-مالك دخل انت واطلع يلله
خضر-هو راح اروح هسه ....بس راجعلج بعد ما اذبح عمج بيدي
ودار وجهه وراح باتجاه الباب .....رحت علي بسرعه لزمته من تشيرته من وره سحبته بس ايدي رخت
ميمونه-اوووكف خضر .....شتريد تسوي انت
وكف ودار وجهه عفت تشيرته
لتسويهه كافي خضر لتأذيني ...اكثر كافي الي سويته بيه ....ارحمني
خضر-شمسوي هسه اني كتلج راح اروح
ميمونه-اذبحه بيدي تكول ....وتكلي شمسويلج
خضر-شعليج انتِ ...بيه
ميمونه-خضرررررر بطل سوالفك انت شعليك ...انت شدخلك تروح تكتله
خضر-شدخلني....باعج وتكليلي شدخلك انت مخبله ....شلون شدخلني شلون فهميني شلون باعج
ميمونه-مثل ماانت بعتني ....عادي بلحظه وحده قرر يبيعني وباعني
فتح عينه بكل وسعهن وصك على سنونه ....كااااافي ميمونه .....كافي لتحجين هيج ....وراديطلع لزمته
خضررر راح تروح ال عموووو مووو لتسويله شي عليك الله مالك علاقه انت
خضر-بشرط ...تجين وياي هسه للدكتور
ميمونه-هزيت راسي ب لا
جر ايدي ردت اجرهه ...عاط بيه
خضر-كاااااافي لتصيرين زعطوطه ....مو بكيفج ااااااني غصباً ماعليج تجين وياي ..
ميمونه-باوعت علي ردت احجي خزرني ...لتحجججججين ماعوفج واالله تروحين للدكتور وراهه اعوفج كتلج
ميمونه-اااااستغفر الله ...استغفررررر الله
خضر_ابقي منا الباجر استغفري تروحين يعني تروحين
ميمونه-ايدي كامت توجعني عوووفهه
خضر-امشي يلله ...وعاف ايدي وخله الحجاب على راسي .....وبهدوء كلي ..انسي بهاللحظه الي سويته بيج ولتسامحيني ومرايد شي منج غير بس تروحين للدكتور
ومتأكد هذا الفايروس سهل ...واله علاج.ورجع لزم ايدي وجرني وين المفاتيح بدون مااحجي جنت داكه بسمار قريب عل باب شافهن وسحبهن ...طلعني وقفل باب الشقه نزلنه الدرج وهو لازم ايدي
ميمونه-عوفني كاعد امشي
خضر-امشي بدون كلام
ميمونه-احجي صدك عوفني ....رغم ماجنت ضايجه بس بنفس الوقت ....جنت محتاجه احد يمي ....اخذني الحد السياره جان طابكهه سويه مسافه عن الشقه فتحلي الباب مال سياره .....يلله صعدي
صعدت واني استغفر الله ..... مااخلص اني تعبتني عفتني وتخليت عني وراجع هسه شتريد مني وطلكت الباب مال سياره حيل وهو هم صعد
ميمونه-مااعرف شنو معناهه روحتي للدكتور ...كتلك بيه فايروس وكلي الدكتور فايروس وبي خطوره ...مسوي روحك تخاف عليه ...شو من شمرتني بالشارع مخفت عليه وباوعت علي طلع جكاره وكام يدخن
متجاوب طبعاً متجاوب ...عوفك من شمرتك الي بالشارع ....ومن طلكتني وانطيتني ال عمو وانت تعرف اني مهزومه وياك ....احتمال يذبحني صح هو مو رجال
بس نفترض هو رجال مفكرت يذبحني ...
تدري حذيفه
كبل دار وجهه عليه
خضر-انعل ابووووووو ال حذيفه
ميمونه-بحديه ....لتغلط علي
خضر-اااااااغلط واسبه هم ....لتجيبين سيرته ...وبعدين هذا وين صاير حذيفه .
ميمونه-اجيب سيرته ..واحجي بي للصبح بس هو يستاهل احجي بي للصبح
خضر-لتحجين كافي اريد اخاااابر
ميمونه-لا والله شوووو نزلني ....اني اصلاً شكو صعدت وياك ورفع التلفون اتصل وخلا بأذنه واني احجي من جاوبو عله نبرة صوته وباوعلي حتى اسكت
ميمونه-مااسكت
خضر-ها شاهين ....شنو نايم بعدك
-لا مو بالبيت اني طالع ...ركز وياي شاهين ...اريد دكتور حاص بالفايروسات مال كبد ...اريد اختصاص
-اني بعدين اكلك بس استعجل مااعرف اسألي اريده هسه حتى اذا بمستشفى اهليه او شي
خضر-رجعت اتصلت على حمصه وعزوز وراشد حتى مااعتمد على واحد بس كلهم يسألولي ....باوعت عليهه سكتت وتجت راسهه وتباوع عل شارع ...وكفت السياره لان مااعرف وين اتوجه وهيه بقت على نفس حركتهه متحركت ...ابد بقيت اباوع عليهه ....عصرني كلبي عصر عليهه ....شكد تمنيت بهاي اللحظه احضنهه واخليهه على كلبي ....تذكرت كلامهه من تكلي ٢٣يوم حبيته بيهه
شبت نار بكلبي ....
باوعت عليهه غمضت عينهه خفت رأساً خليت ايدي على زندهه وصحت ميمونه ....فزت هيه رأساً ثاريهه غفت ...كعدت مخروعه تباوع عليه
خضر-شتحسين شبيج
ميمونه-نعسانه بس غفيت
خضر-ارجعلج الكرسي ترتاحين اكثر
ميمونه-لا ...ماكو داعي ورجعت دارت وجهه وتباوع من الجامه ....رجعو اتصلو عليه الولد ياهوه الي يكلولي علي يفتح العصر ...واني اكلهم هسه حالي اريده مابيه انتظر للعصر الحد مااتصل راشد ....وانطاني عنوان دكتور بالحارثيه ....توجهت علي كبل ....من وصلت كعدتهه ...جانت نايمه ...خامله ...وجهه باهت ...حاولت اكعدهه بهدوء حتى متفز ...بس صحتلهه فتحت عينهه
خضر-يلله نزلي ....وهيه هم صارت مطيعه بعد منامت ....نزلت بهدوء بس بقت واكفه رحت عليهه
هاااا دختي مو ......هدت راسهه بهدوء
لزمتهه ....جان ازدحام كلش الدكتور وكفتهه على صفحه ورحت للسكرتيره انطتنه اسم ٥٢
خضر-وضعهه تعبان وهواي بعد
السكرتيره-كل الموجودين وضعهم تعبان
خضر-متكدر توكف وازدحام وبعد هواي
السكرتيره -شسويلك يا عيني متشوف العياده مكلوبه
خضر-درت على ميمونه ورجعت للسكرتيره ...على هذا الحجي شوكت ادخل للدكتور اني والعصر
السكرتيره -شسويلك يعني غير سراك والناس موجوده
خضر-شكم واحد دخل للدكتور
السكرتيره-بعد كدامك هواي خير من الله
خضر-وترتني كلش واني خلكي قليل رحت الم يمونه كوه واكفه كتلهه نرجع بالسياره مو احسن الحد ميجي سراج
ميمونه-والله ماكو داعي جيتي للدكتور
خضر-بالسياره احسن واني امشي اتصل حمصه
حمصه-ها شنو الوضع ...لكيت دكتور وشتسوي بالدكتور المن
خضر-ال ميمونه
حمصه-هاااااا شنو هاي ....ليش شوداك الهه وشبيهه خيرهه ميمونه
خضر-بعدين نحجي ...تدري احنه والعصر
حمصه-والله ماادري شكلكً....المهم محتاج فلوس
خضر-لا عندي واذا احتاجيت اخابرك تجيبلي
حمصه-محتاج اجيك
خضر-لا مشكور
سبقتني فتحت باب السياره وصعدت جانت تعبانه كلش كبل انتجت رجعت نفس كعدتهه ...سديت الخط من حمصه وصعدت
خضر-ميمونه ...شو كعدي عدل خل ارجعلج المقعد اريح الج
ميمونه-لا مرتاحه هيج
خضر-ماشي اجيبلج شي تاكلي
ميمونه-لا
خضر-بقينه كاعدين وكل شويه انزل اشوف سرانه ....وخفت اشتريلهه شي خاف مو زين عليهه وهيه هم كضتهه نايمه الحد مااجه سرانه قريب عل ٢الظهر واني ميت قلق عليهه واباوع عليهه تعبانه فوكهه دخلت للدكتور هيه مسطوره وخامله من النوم والمرض
كبل باوع عليهه الدكتور
خضر-دكتور ...سوت تحاليل طلع بيهه فايروس الكبد c
الدكتور-وين التحاليل
ميمونه-بالبيت
الدكتور-شكو مخليتهن بالبيت ...شوكت سويتي
ميمونه-حيصير صفنت .....وكتله ماادري
الدكتور-حلو خوش تاريخ ...ودار عليه غير تجيب تحاليلهه زوجتك هيه
خضر-اي
ميمونه-لااااا
خضر-باوعت عل دكتور صفن عليهه وباوعلي انت زوجهه لو شنو حتى اعرف لان اذا زوجهه احتمال منك معديه او انت معدي منهه .... وانت هم تحتاج تحاليل
خضر-خطيبتي
الدكتور-مارست وياهه الجنس
خضر-دكتور من عمهه معديه
الدكتور-مارست وياهه الجنس بهاي الفتره
خضر-لا ...كعد يسألهه الدكتور عن الاعراض وشاف ايدهه واني اسمع وكلبي ممرود ...شسويت بيهه اني ...وين وصلتهه رجع دار عليه
الدكتور
الدكتور-شوف ...حسب التحاليل وحالياً الاعراض هيه مصابه بالفايروس ....من عمهه جدهه من الجيران مااعرف المهم بصوره عامه المصاب بهذا الفايروس اما عن طريق العلاقه الزوجيه باختصار الجنسيه ....او مجروحه ولامست دم واحد بي فايروس الكبد
ميمونه-دكتور ...جنت اسوي كبه وابيع هم ينعدون مني
الدكتور-لا ماله علاقه اهم شي مطالع دم منج وانت تسوين الاكل ...عل عموم هم اريد منج تخاليل للتإكد من الفايروس ونوعه
خضر-دكتور احجيلي وبعدين
الدكتور-لتخاف ان شاء الله خير
خضر-الدكتور كلهه خطير
الدكتور-شوف هو كل مرض يصيب جسم الانسان خطير
بحالة الاستسلام...بصوره عامه مرض السرطان مجرد اسمه يرعب الناس ...تعرف اكو شخصين واحد مصاب بالسرطان والثاني فلاونزه ...رجع كرر فلاونزه وعقج وجهه ...بسيطه الفلاونزه خوب ...
خضر-اي
تلدكتور-فلاونزه والسرطان تعرف ابو الفلاونزه ...من شاف وضعهه ونايم وميكدر يتحرك وهو جبان راح انتهى الي يشوفه يكول مراكعته فلاونزه لا صاروخ ننوي والثاني ابو السرطان ولااا يمه ولا عاير اهميه للمرض كلك بيه سرطان مراح اموت ناقص عمر ...هو مكتوبلي اموت بهذا اليوم تاليهه ابو الفلاونزه مات وابو السرطان عايش وراح طلع منه
القصد من كلامي ....قوة الانسان الداخليه تهزم اي مرض مهما كان وهالبنيه مبينه قويه ...روحي سوي تحاليل بابا ...وسهله ماكو شي ماله علاج
خضر-جنت اريد اطمئن واعرف الصدك وحسيته الدكتور يحاول يقويهه ....رغم هذا ارتاحيت لان حفزهه شويه بس خايف عليهه واريد اعرف يتعالج لو لا سحبو منهه دم واني واكف يمهه رادت تكوم رأساً كتلهه ابقي كاعده خاف تتخربطين شويه وكومي
صدك شويه ورجعنه للدكتور كعدتهه على كرسي فارغ وبقيت واكف انتظر اكو ناس جوه من طلعو كتلهه ماكو داعي تدخلين ابقي كاعده ....ردت افهم منه اني ...وحدي ....اخذتله التحاليل ودخلت
خضر-دكتور مخليتهه تدخل لان اريد افهم منك ....وانطيته التحاليل اخذهن مني ويباوع عليهن
الدكتور-صح فايروس الكبد c
خضر-يعني
الدكتور-مااكدر حالياً احجي شي لان حسب التشخيص هذا بس تحليل اكتشاف الفايروس حكتبلك موعد اليوم جمعه باجر الساعه ٦الصبح موجود يمي بالمستشفى
اشخص الحاله نكتشف شكد التلف بالكبد وعلى اساسهه نشوف
خضر-نفترض التلف عدهه هواي شلون بهالحاله اكو علاج لو شنو
الدكتور-اكيد ماكو شي ماله علاج ...بس العلاج شويه غالي واحتمال تصير زينه علي
خضر-مو مهم اهم شي يفيدهه بس ليش تكول احتمال يعني اكو احتمال حتى العلاج ميفيدهه
الدكتور-ليش نسبق الحديث باجر ان شاء الله نعرف واشخصلك بالمضبوط
خضر-دكتور هسه مثلاً اذا داخت او شي احير شنطيهه
الدكتور-هاي كلهه اعراض المرض ميفيد تنطيهه شي بس مع ذلك انتبه اكو اكللت ممنوعه حددلي كم نوع اكل انطيهيا حالياً ومنعني من اكلات
طلعت من الدكتور لكيتهه كاعده وعينهه عل باب بحيث كبل من طلعت صارت عيني بعينهه نزلتهه رحت عليهه
خضر- ابقي كاعده هنا هسه اجي
ميمونه-وين
خضر -هسه اجيج لحظه
رحت ورجعت عل سريع ....كتلهه يلله نروح ...كامت صعدنه بالسياره ....رجعتهه للشقه اول موكفت السياره
ميمونه-عوف عمي خضر ...احيت وياك للدكتور هذا هو هالمسأله مالك علاقه بيهه ..
خضر-حالياً عمج اخر تفكيري ...اني حالياً عايفه السبب واحد اذا كتلته انت تتأذين لان اكو بالدوله دعوه ضدج حتى من جبرنا يتنازل بس ماافوتهه اله ابد نزلي يلله ردت انزل
ميمونه-ولا الك علاقه بمرضي رحت وياك للدكتور هذا هو بعد
خضر-ماشي براحتج ...كتلهه بالاكلات الممنوعه
ميمونه-اعرف بيهن ماكو. داعي فتحت باب السياره كلي
خضر-المفاتيح متريديهن
ميمونه-اي صح ....واخذتهن منه ونزلت مباوعت علي عفته وصعدت للشقه ....دخلت مااعرف احساسي غضب حنين واشتياق مشاعري خربطهه بخوفه عليه
.....قفلت باب الشقه ونزعت حجابي حسيت تفسي وصخه .....دخلت للحمامً ردت اسبح نزعت المي بارد واني بردانه لبست تراكسودي بدون مااسبح وطلعت
كبل رحت لفراشي
من يوم العرفت بمرضي لليوم ...الخوف مصاحبني ....والاستسلام الاول مره احس بالامل ....والخوف يروح ....يمكن الوحده هيه الي خلتني استسلم ....عدم وجود احد اشعر بي يخاف عليه خلاني
ماارغب اعيش .... صح بسببه ...بس جنت محتاجه احد يحسسني مهمه بالحياة ....حقيررره الدنيا خلتني
حتى الاذاني اريده .....جنت عطشانه تعاجزت اكوم غمضت عيني واني اتذكر كلامه من كلي ميمونتي لتموتيني اكثر ما اني ميت ..
بجيت .....ميمونتك اي صحيح ميمونتك
..............
فلك- مر عشر أيام على ولادتي ....اخذو علوكي لقحو ....
زينه وماادراك ما زينه بس حسين مو زين وياهه الدرجة جنت بالحمام سمعته كللهه شوكت تروحين البيتج بحديه ....ومن دخلت تقصدت ابتسم من تباوع عليه
صعدت بغرفتي فوك ....بليل ....وعلوكي كام ينام يم ورود وحسين ومرتاحه لان زينه تنام فوك واصلاً متكدر توصل للغرفه بليل لان حسين موجود
افتقدت هيفاء .....رحت للغرفه جانت الساعه بال١١بليل دخلت لكيتهه نايمه بس الكلوبات مفتوحه ....تقربت عليهه ....الشيب تارس وجهه مع العلم ملامحهه كلش حلوه جانت تشبه المطربه دالي بس على جبيره
عفتهه وطلعت ....ردت اكللهه جبت ومخلاني اروح حسين ....دخلت الغرفتي الي جان بابا نايم بيهه قبل ....صوت بجية علوكي بأذني اخس نفسي اشتاقيتله رأساً طلعت من الغرفه ونزلت ويه نزلتي طلع حسين من الحمام جان ينشف بشعره ولابس برنص لونه كحلي رحت علي
حسين-مو صعدتي شعندج نزلتي
فلك-مااعرف علي صوته بأذني
حسين-اكلج بشغله
فلك-شنو
حسين-صايره بعد احلى من قبل
فلك-ابتسمت ....ودنكت راسي ورجعت باوعت علي لكيته يبتسم ...ابتسمت اكثر كتله كافي
حسين-شنو الكافي
فلك-لتباوعلي هيج
حسين-ليش
فلك-ماادري ......مااحس اله لزمني من ايدي وسحبني للحمام وسد الباب باوعت علي صارت عيني بعيونه
حسين
حسين-همس...والله كلبي مطكك عليج
فلك-همست...ليش انت تحبني
حسين-همس...اموت عليج
فلك-همست ...شلون تحب اثنين
حسين-همس ...مااعرف جواب هالسؤال ياريت لو تجاوبيني انت علي اذا تعرفي وبعدين عوفج من الهسوالف .....انت متشتاقيلي مثل ما اني اشتاقلج
فلك-اشتاقلك هواي .
حسين-ليش متكليلي لعد
فلك-شلون اكلك تقرب عليه اكثر ....وقرب شفته يم ااذني ...وهمسلي ....تجيني مثل مااني اجيج
وكام يرفع بدشداشتي لزمت ايده .....حسين بعدني شبيك
كبل عاف الدشداشه .....وبعد وجهه .....بيهه مجال ابوسج مااحس اله اندك الباب ....اني كبل خفت وارتبكت
حسين-منو
ورود-شنو حبيبي تأخرت بالحمام
حسين-اي هسه كاعد انشف كملت
ورود-ماشي حبيبي
فلك-ابتسمت .....قرب شفته من شفتي بقيت ابتسم
حسين-ليش تبتسمين ولج
فلك-تخاف من ورود
حسين-ليش متكولين علمودج ....حتى متصير مشاكل بينج وبينهه
فلك-حاوطت ايدي ركبته ....حسين ...
حسين-عيونه
فلك-ابتسمت ....وكتله اني احبك والله
حسين-واني اموت عليج ....بس ليش تحلفين
رجع باسني بشفتي واني هم بادلته الى ان وخر وفتح باب الحمام ....نامي اطمئني هالايام بين ميكبر وينشنش علي وبعدين يمج ينام ورود تعرف تتعامل ويا
فلك-مادام يمك ويم ورود مطمئنه ماعندي مشكله بس اشتاقله بليل رجع باسني بشفتي ...بوسه سريعه
حسين-ياريت لو تشتاقيلس مثل متشتاقين ال علي
فلك-ابتسمت ....طلع هو من الحمام كلي شويه وطلعي
بالفعل شويه وطلعت همه بالغرفه صعدت فوك جنت شويه مبلله من ورا لان هو جان مبلل
فلك-يوم بعد يوم كلبي يتعلق بي ....هادئ رومانسي وياي دائماً .....يخليني اصدك حبه باللحظه الي يصير كبالي ....بس من يروح اتذكر شلون يحجي ويه ورود ويحجي وياي... ماافهم مشاعره الحقيقيه اتمنى افهمهه
صعدت مكسور خاطري على روحي
كلشي يصير لازم اقبل بي تمددت بجربايتي وغمضت عيني علي ميروح من بالي اخر شي نزلت نمت بالهول عل قنفه احس نفسي اقرب علي
فزيت الصبح على صوت ورود ....تكعدني
ورود-فلك .....فلك ...فتحت عيني باوعت عليهه جنت بعدني مندمجه بالنومه ....شعندج نايمه هنا
فلك-كمت كعدت ومسحت عيني ...ولميت شعري
مكدرت انام بعيده عن علي
ورود-ممسموحلج تنامين هنا فلك روحي صعدي كملي نومتج فوك بهاللحظه طلع حسين من الغرفه باوعت علي جنت منتظره يجاوبهه كال صباح الخير وراح للحمام متت قهر ....وهيه راحت للمطبخ ...تنرفزت كلش
رحت وراهه للمطبخ
فلك-ليش ممسموحلي انام بلله هنا بالهول ..دارت عليه
ورود-مااحب تصيرين كبال عين زوجي
فلك-كبال عين زوجج ...هو زوجي الي هم ...وبعدين انطيني ابني ....واني انام بعيد عن عين زوجج
ورود-جوابج الي بي قلة تربيه
فلك-وكلامج الي كانما خدامه هنا
ورود-ردتي بس تبقين يم ابنج كلتي حتى اذا خدامه حتى اذا من بعيد لبعيد اداري ....بديتي شويه شويه ...تتجاوزين
فلك-اتجاوز شنووووو هذا ابني اني الي شلته ببطني النهار كله يمج بليل مااكدر بدونه اني
زينه-ابني ...ابني ....هو منو الباع ابنه
فلك-انت انجبي وسكتي
زينه-شو انت تغلطين
ورود-زينه كافي لتدخلين انت ابد
فلك-اني مكايله شي وساكته انت كاعد تمنعيني من اي قرب الابني
عافتني احجي ودخلت وطبكت باب الغرفه رحت وراهه ردت افتح الباب طلع من الحمام حسين
حسين-شكوووو شصاير
فلك-انت تحبني بس وقت النومه ...وهسه من هانتني حتى محجيت
حسين-دعيدي هالكلمه بعد اله اشوفج غير حسين
فلك-جذب ...بليل حنين وتهمس بالاذن ومتبقي كلمة حب متسمعهه الي وبالنهار كدامهه متعرفني
جرني حيل من زندي ووصلني للدرج ....صعدي فوك واني اعلمج يا فلك على هذا كلامج
يحبت ايدي منه ....شتسوووويلي يعني ....شتريد تسوي سوي اريد ابني ....اني هذا ابني مالي علاقه
دفعني عل بايه .....وصاح بيه ....صعددددددي فوك اكلج
فلك-ماااصعد ....والله مااصعد جانت زينه واكفه يم باب المطبخ واحنه يمهه عل درج .....دفعني وصعدني وصاح بيه اصعد مينطيني مجال ولازمني من ايدي
واني احجي ....كافي ....تعبت من ذلكم والله تعبت
دخلني للغرفه وركع الباب حيل ....
حسين-منوووووو ذالج ....منوووووو ....لج اني شو اخاف عليج من الهوا هواي تجفصين بالمصارين واسكت اكول زعطوطه
فلك-انت ....انت هاي شوكت ....انت بس علمود جسمي ...وشهواتك والله ....وتضحك عليه بالكلام ....علمود مصلحتك
حسين-مصلحتي ....شتقصدين
فلك-تعرف قصدي ..بعدني ممكملتهه ضربني راشدي
قصدج اني ادور مصلحتي وياج واحجيلج كلام حب ....ليش يابه خايف منج ....لو ماكو غيرج النسوان مكومات بالشارع وعندي مره بس اني كلب لان انطيتج اكبر من حجمج
فلك-شنطيتني من دخلت لليوم اذا احجي تضربني ....وتستقوي عليه لو تمد ايدك لو بأبني
كافي ذل والله كافي بعد مااتحمل .....طلعتني ورود من ذيج الغرفه ورجعت اخذت تلفوني .....وهذا كله وانت متحجي واليوم متخليني انام بالهول ....تعبت اني مااحب احد يذلني .... زينه دفعتني وهيه تحجي وترزلني انت فوكاهه اني ماريد اكمل بعد تعبت اريد اطلع بروحي العزيزه
حسين-هسه اني طلعت ذالج ومأذيج وممفكر بيج ابد
هذا هو براحتج روحي لان اظاهر انت مو وجه نعمه ابد
فلك-نعمه يا نعمه هاي كل هالذل عندك نعمه
حسين-لا تعليق ولا احجي اي كلمه تريدين تروحين ملازملج الباب اني وتعرفين من تطلعين تتنازلين عن علي مالج شي يمي ابد غير ال٦ملايين
فلك-اررروح وكلشي ماريد منك
حسين-الله وياج وعافني وطلع وركع الباب حيل
كعدت ابجي ....اختنكت حيل ....تعبت يالله تعبت ....وكمت ابجي حيل شلون بيه لشوكت ابقه بالذل عايشه علمود ابني ....لا اني الاكدر اعوفه واروح ولا اني الي بعد اتحمل ....كلشي بي انه اسوي
..................
ميمونه-فتحت عيني ريجي يابس كلش
ورجعت غمضت عيني ... وغطيت راسي ....الانتظار يم الدكتور تعبني اليوم ....حسيت ريجي كام يوجعني ....
كمت مشيت خطوات كوه مااحس اله وكعت ....عيوني كمت مااشوف بيهن ....حسيت بالوكعه مأغمه عليه كلش بقيت نايم?
