رواية ليتك قدري الأول الفصل السابع والثلاثون 37 بقلم رفل الكناني

اليوم اهجمج هجم

ههههه لاالله عليك انت غير مريض

وهسه طبت بس اسكتيلي

بارق جان فاصل رغم احنا متصافين بس عنفواني شكد جنت اتألم لكن تحملت كل لمسه منه رغم عنفهه بس حسستني هاي من كلبه مو تصنع ولا تمثيل وكل مااهدي يرجع ينسى ينفسى لحد مرتاح ونطرح بصفي وسحبني عل ايدي

اني اسف اخاف اذيتج

ليش هيج انت تره مدنتعاك

ههههه ادري والله بس ماسيطر عل نفسي وياج

دنحجي هيج ندك الجرس لبس ملابسه وطلع واني هم كمت لبست وداعدل بلفرشه دخل كال

اكولج بيت مهند اجوي

صدك

اي والله

هلابيهم

اني اريد اسبح شلون

دصبر خل يرحون

لج ماكدر اكعد هيج راح اسبح عل سريع بس جيبي ملابسي

يله بكيفك

راح يسبح واني رتبت نفسي ولفيت الشال وطلعت سلمت عليهم الجهال عل صوت كعدو بس كعدو بيجون واني داقدملهم مي وهمه مجلبين بيه كال مهند

شنو السالفه وينه بارق اشو ستقبلنه وطفر

هسه يجي

ندرت اخلي المي عل طبله دخل هوه سابح ومشط ومتعطر واني كعدت بصف ايناس ومهند ميسكت كله

يابه كالو مريض واجينه نشوفك اشو توك طالع من الحمام

تره المريض ينام بلفراش مو يسبح

يحجي وياه ويغمزله عزززه والله خجلت من يمي وبارق

انوب زيدهه يكوله

بعد خويك ميكعد راحه تعرفه يباوعلي

خزرته كال :

كومي جييبي لزكه هاي الكانونه شلعتها اشو دذب دم

رحت للمطبخ لحكني لكيت اللزكه وفتحتهه داخليها

كال :

شوفي هاي من وراج غير لكيتها مطعوجه بيدي

واني شعليه انتي رمانسيتك مفرطه

يعني تبسمريني خل يرحون واشوفج الرومانسيه

لاعل بختك اسحب كلامي بس عوفني

جبانه

عافني وطلع بعد مخليته الزكه واني أضحك عليه عاد ضيفتهم عصير وحلويات من كلشي جابه من الشمال وكعدت ويه ايناس شويه بعدين ترخصو ومن ديطلعون كلي جيبي علبه مال عسل لمهند ومهند يكله:

هذا الحجي عرفتك ليش سابح اثاري العسل موجود ومن الشمال الله يساعدك

ضحكوني يالله ولايستحون وايناس تضحك واني ميته خجل طلعو وهوه وراهم بعدين رجع دخل وطلع شايل السويج ونزلوا سوه والجهال عاطو عبالهم راح وميقبلون يدخلون وضليت واكفه بلباب وهمه بالباب بيجون ال ان صعد ركض كل درجتين سوه شافني كال

بنت ال ليش تخليني اقسم شكو واكفه بلباب

اي غير ذوله خبصوني عليك عبالهم رحت

جان شايل علاكه وشالهم ودخلنا وهوه يكلهم :

شبيكم بابا مرايح هنا نزلت للسياره

سكتو من شافو كعد باوعلي كال :

بلقران اذا شفتج هيج بعد بلباب احرك حتى الشقه

بارق قابل اني بالشارع هوه بالباب وكلمن ساد بابه منين يشوفوني

مادري اني هيج مخبل اتخيل واحد يفتح باب شقته ويشوفج غير انعل والديه

يمممه منك انت ماعندك غير انعل واشعل

(الكلام عن لسان بارق حرفيا )

اسمعيني للاخير اني الوحيد بعائلته اختلف واختلاف جذري اول شي اعصابي ماكدر اتحكم بيه وماعرف لااصغر مني ولااكبر مني من تطبك ابويه ماعرفه اول ماشبيت ابويه توفه ورغم مهند هو الجبير بس اني الي هيبتي بلبيت جنت أدرس وذاب كل جهدي وحلمي اصير محامي وصوبت عل هل هدف ومشيت عليه من طلعت من الاعداديه مجنت مثل الشباب لاطوبه ولاكهوه ولاطلعه همي بدارسه وبس واصدقاء

ماعندي غير واحد اسمه جلال هذا وياي من الاعداديه ودخلنا الكليه سوه بس الصار اهله بسب الأوضاع نتقلوا محافظات يم كرايبيهم بس هوه مقبل كلهم اكمل والحكم فاوال أيام جبته يمي للبيت لان ماعده أحد هنا بس بعدين هوه يستحي فاستقر بلاقسام الداخليه كمت بس أيام العطل اخذه لبيتنه ناكل نشرب سوه نتعلل ويرجع

بلكليه ماعندي اختلاط بغيره الباقين مجرد سلام وزملاه لااكثر عكس جلال الي جان اله بكل قسم زميل وزميله وهنا الطامه الكبره من جلال تعرف عل وحده اسمهه هاجر جميله بشكل بس اني مارتاحلها لان اشوف نظراتها الي مو راحه الكليه بيهه أشكال بيه الي متكدر انت الرجال ترفع عينك عليها من حياه وجايه تدرس فقط ومخليه الله بين عيونها وأهلها وبيه الي جايه تركض وراه سوالفها التعبانه

فهاجر من النوع الثاني وجلال يمشي وراها مغمض يابه عوفهه متفيدك لا انت مضغوط لان ماعندك حبيبه زين اني اكدر اضحك عل الي اريدها بس اني ماعندي هاي السوالف جلال اركد ماكو لحد ممليت وعفته جان مجنون هاجر

هيج يسموو بقسمنه واني المحترك واكع بيها من اشوف الي يحبها خويي وصديقي عينها مني وإذا اكوله ميصدكني

لحد مافد يوم من الايام وجلال ممداوم جان نازل لاهله واتأخر وماشوف غير هاجر فوك راسي ودكلي اريد احجي وياك زين كولي وبكل عين وكحه دكولي اني احبك يابه وجلال هااا اني ماحبه بس ماشيته حتى من خلاله اكدر اوصلك شمدريني هو هيج يكوم يحبني بوكاهته طلعتني من طوري اني ادري الولد اذا حب هو يعترف مشايف بنيه تعترف الولد هاي اول مره ومن قهري عل جلال ومن ضوجتي منه نزلت عليه مخليتلها وحتى هددته افضحه اذا منست هاي السالفه

بس بكل حقاره ثاني يوم واني داخل الكليه يهجم عليه جلال ودك بوكسات وكلام لحد الان مناسي من كلي ياخاين يا عار لك مسميك اخوي وعضيدي وكاتم اسراي تحب حبيبتي بهاي الدنيا كلها مالكيت ال حبيبتي بعد اني خوما اسكتله لزمته دميته والكل يريد يفكه مني ماكو لحد مجونه أمن الكليه واخذونه للعماده وثنينه نفصلنا وطلعنا لاكتنه هاجر بالممر ولزمت جلال واعترفتله بكل شي وكلتله حرفيا اني

ماحبيتك حبيت بارق وما شفت منه وجهه وردت من خلالك اوصله بس مانجحت

هنا جلال كعد بلكاع مصدوم واني وكدام كل الموجودين من زملاء كتله البيني وبينك من صداقة وخوة من هذا اليوم انتهت بعد لاعرفك ولاتعرفني مدام شكيت بيه وخونتني ميشرفني اماشيك وعفته وطلعت

شكد حاول شكد دز ناس شكد اجه للبيت مطلعتله وشطبته من دماغي كلش ومن يومهه حقدت عل كل صداقه تزيد عن حد السلام وحقدت على النسوان حقد مو طبيعي اكيد مو كلهن سوه بس اني كلبي انغسل من هاي السالفه وجلال حتى الكليه عافها ورجع لاهله وتفلش حلمه بسب مره كدرت تهدم صداقه من سنين وتلعب بمشاعر إنسان حبها ومات عليها

لاجل غايه بداخلها طفرتله حتى بغداد كلها وهججته للمحافظات

ومن يومها ماصادقت حتى ميانه زايده مادوس ويه اي احد وشكو بنيه كدامي اشوف بيهه هاجر بس ماعفت حلمي بقيت مصر عليه والأيام ركضت وتحقق والكل يكلي ليش متزوج واني قافل اصلافكرة الزواج وحدها تذكرني بهاجر

وسوايتها

لحد ما سلام راد يتزوج وامي ما قبلت وشلون وبارق أكبر منك وشلون تاخد سراه يمه رحمه لاهلج دنوزع حصه ويأخذ سرايه الوليد يريد يتزوج شعليه بيه كتله سلام توكل ومالك شغله بيه وفعلا تزوج سلام واجيتي للبيت والله وكتبه ورسله وكل ملاكته عليه مفد يوم حطيت عيني عليج وانتي مرت سلام ولافد يوم نظرتلج نضره غلط وهذا الله شاهد عليه وجنت اشوف سلام شلون مرتاح وياج وشلون تغير صار

شكل ثاني وغرفتي بصفكم واسمع ضحكم ومداهركم ومع

كل هذا اشوف امي شلون تعاملكم وماذيتكم وانتي متحمله بس ماكد احجي لان رجلج موجود اني شعليه اذا هوه رجلج ممدافعلج شلون ادافعلج اني فجنت ماادخل واكول سوالف نسوان ورجلها هو اعرف لحد ممات ورحتي لاهلج وامي نشلت وعدت مرات هي وكاعده بكرسيهه تاشر برأسه عل غرفتج اكوله سلام تهز راسه لا اكول هبه تهز راسه اي

عرفت هي دكولي هاي حوبتها واني اذيتها بس متكدر

تحجي دموعها تشرح واني مابيدي شي فكمت اجي

على الجهال واتواصل وياهم وروحي بدت تتعلق بيهم ومن ارجع ضايج ومخنوك عليهم واني ادري انتو هناك ممرتاحين مدري شلون الله جابج وخلاج بالي كمت كل مااجي ورجع

كل فكري يمج ليش مادري ولحد منفشخ يوسف وشفت دموعج بيومها اشتعلت ونطفيت وعرفت اني احبج لزمت نفسي ضربتها وسبيتهه حرت شسويت بيهه يعني مالكيت ال هبه اني حاقد عل نسوان وقافل من الزواج ومن اريد أتزوج مالكه ال مرت اخويه شكد جذبت عل نفسي وشكد وهمتهه بس ماكو روحي صارت بيج ردت انفجر ردت أحد اشكيله ويرشدني مهند حاير بنسوانه وخلدون بدراسته وسوالف مال الشباب ماكدامي غير ابو رقيه زوج أحلام وبحكم عمره وعلاقتنه الطيبه بي هو اول واحد صارحته عبالي راد يردني لو يردعني بس فاجأني وهوه يكلي اخذها انت احق واحد

بيها والبنيه صغيرة واول واخيرا تتزوج وجهال أخوك يربون عد غير اب ومدام انت هاويها توكل

بارق : زين والناس

ابو رقية: ياناس هايه هي الناس وين تسكت اذا تزوجت غريب هم راح يكولون اتزوجت وعياله اخذو جهاله وعلمود الرجال ذبت جهاله وإذا اخذتك راح يكولون أخذت حماهه وجوز يحبون بعض من جان رجله وعل هل رنه حجي الناس ميخلص اشمره وره ضهرك وامشي وره كلبك

كلامه شجعني يعني اني ممسوي شي غلط رحت ال ام رقيه كلبته كلاب دك ولطم وشلون وشلون بس ماسمعتله واني ورجله جبرناها تجيج واجتج بس صدمتني بردج عقل مضل برأسي عاركاتهه وجذبتهه بس حلفتلي وكدام رجله كالت البنيه قافله

هنا صار كل ممنوع مرغوب كل ما تمنعيني منج يزيد

اصراري عليج شفت بيج الي غير فكرتني بكل النسوان شفتج شكد وفيه لزوجج وشلون ام الاولادج وشلون منطيتني مجال هذا الخبلني بيج وأبو رقيه معافني وجان يكلي هاي الحملت امك راح تحملك وهاي الي راح توفيلك طول حياتك وتصونك مثل مصاينه اخوك وهو وميت واني جنت اعاند ويوم عن يوم احبج اكثر لحد ماخذتج جبر وكلت ميخالف بمرور الايام اخليها تحبني وأول يوم ذبحتيني من الوريد للوريد من جبتي طاري المرحوم فقدت عليج وضرربتج ومتندمت وعرفت انتي كلبج مو الي ولافد يوم راح يكون

الي ردت انساج واشيلج من بالي وأعيش وياج بس علمود الجهال بس ماكدرت كمت اشرب واشرب حتى انسى وجودج بلبيت وارجع ناسي نفسي وفعلا انسى لمدت ساعات ومن اصحه واشوفج كبالي وانتي موالي اموت الف موته وراجع اشرب لان من اشرب وانساج انام مرتاح وانتي ماكو بالي بس من اصحى اوووويلي من اصحى وانتي كبالي بودي املخج شلون هيج يمي وماكدر الزمج وانوب منطيج كلمه فنهزم احسن هسه عرفتي بارق لو لا

يمممممه كل هذا بكلبك

واكثر وهسه تعاي موغلستي تكومين تلبسين لو شلون

ههههههه انت متنسى

ابد شي يخصج مانساه من شفتها عل ملكانه وجبته ليليه كامله اتخيلج بي واتخيل شراح اسوي بيج من لابسته

منحرف

والله ممشوفج شي من الانحراف تعاي اشوفج

كلبني وصار فوكايه

بارق بس لتتهور

مااتهور بس لاتسمعيني صوتج من أسمعه افترسج ومادري بروحي

تقربلي وجان يحاول يكون هادى بس اقل لمسه مني بدون قصد تثيره عشنه احلى ليله بكل تفاصيلهه ونمنه نومه عميقا واني نمت بحضن دافي ويم دكات كلب متسارعه لوجودي بقربه فنمت مرتاحه.