رواية بديلة اختي الفصل السابع والثلاثون بقلم خاتون الكعبي
تذكير
هدى بهستريا : اطللللعيي.. بررره اااطلعيي.. كللله بسبببج انتتتتييي اسببب هاااا ارررتاحيتتي.. مووو اررتاحيتيي... بعدد مااا طلللكنييي انشششفه غلليلجج مووو... اشكدد شفتتت ..مسمووماتت بس ابسمجج .. وبحقاارتججج... مشفتتتت
مرسلين : تحجي وتصرخ واني صافنة عليها ودموعي ع خدي اريد افهم شي من كلامها ماكو علة صوت العياط صعدت امي والبنات يتراكضن بقت امي يم هدى تهدي بيها واني واكفه اباوعلهن اشرتلي امي اطلع بعيونها بس مرديت عليها الحد مسحبتني زهراء وطلعتني من الغرفة دخلت الغرفتي وهية وراي سدت الباب وكالت
زهراء بصوت ناصي : دعووفيها هسة يا عيني الحد متهدة مشوفيها اشدتحجي وتخربط
مرسلين من بين ادموعها : شعوفها لجج تكولي ارتاحيتي وين اكو وحدة تفرح بطلاك اختها مو كدامج من البارحة لليوم منشفت دمعتي عليها تالي هيج تكولي
زهراء بهدؤ : صراحة تستاهلين كول الديصير بيج حتى تبطلين هالضعف العندج والفهاوة الزايدة رضيتي والما رضيتي الفقير بهالزمن يتاكل حقه
مرسلين وهية تمسح ادموعها بقوا : ضعفيش لجج هااي اختيي قابل غرريبه حتى ا...
زهراء قاطعتها بعصبيه : غرريبه السوي هيج اشياء بأختها اني اعتبرها غريبة قبل جم يوم جانت تريد تخرب بيتج لو ما شاهين وهسة مطلعتج انتي المسمومه وخرابت البيوت
مرسلين : بين كل كلامها مهتميت غير الكلمة شاهين عقدت حاجبي بأستفهام واني اكول.. لحظة لحظة شنو شاهين ليش اشدخله
زهراء ابرود : التليفون موجود وخابري وفتهمي منه
مرسلين : اباوعلهة عافتني واجت تطلع وكف كدامها بسرعة واني أشر بيدي واكول.. بس لحظة..مكاعد..افتهم يعني شاهين ..الة ايد بطلاك هدى صح
زهراء ؛ بعدة تفكيرج بهدى ولا طبعاً قابل هوة الكللهة اطلعي من بيتج وركضي وره رجال مزوجج شوفي اختجج وبت عمتجج المحترمات ااشخططن حتى يخربن بيتج واشلون وكعهن ربج بشر اعمالهن كالت هيج وهية اطبطب ع جتف مرسلين بعصبية
مرسلين : احس الساني اربط بعد كلام زهراء وهية مبينة مثل التنرفزت من كلامي ومن مدافعتي الهدى عافتني وطلعت رجعت المكاني واني اجر شعري بقوة احس بوجع غريب براسي يمكن من كثر التفكير او البجي ترددت بعقلي كلمت زهراء وهية تكول اختج وبت عمتج صرت احس ايدي مربوطه معرف شحجي وشكول ملكيت كدامي غير شاهين حتى افتهم من السالفه مثل مكالت كمت بسرعة من مكاني رحت دكيت باب غرفه محسن وزهراء بتردد وانه اشوف الوقت اتأخر فتحتلي يا زهراء دنكت راسي بأحراج واني.
اطلب تليفونهة لأن تليفوني ناسيته ومكدر ادك الباب ع ماما وبابا بهالوكت محجت شي دخلت جابت التليفون وانطتني يا اخذته منها بتوتر ورجعت الغرفتي طلعت رقم شاهين وضليت صافنة بشاشه التليفون حايره بين اتصل بي او لا الحد مأخذت قراري ودكيت علي واني احبس انفاسي بخوف ع قلق من اول رنه اجاني صوته الخشن وهوة ايكول
شاهين : الوو ها زهراء
مرسلين بتوتر : ء..الوو ..هلوو شاهين اني مرسلين
شاهين : هلا خيرج صاير شي
مرسلين : لا سلامتك بس اريد احجي وياك بفد موضوع اذا تكدر
شاهين: هسة
مرسلين بأستغراب ع طريقه كلامه : اي بس اذا عندك شغل عادي انئجلهة ع بأجر
شاهين برود : ايكون احسن
مرسلين : ماشي يلة اترخص واسفة ع ازعاج كلت هيج وسديته قبل لا اسمع رده احس الدموع اجمعن بعيوني من الأحراج الحسيت بي اباوع ع ساعة حصير بثنعش شعندة هسة مثلاً كعدت بصف الجربايه والتليفون بيدي فركت اعيوني بقوة مانعه نزول دموعي الحقير حتى ما يسوه ابجي ع موده و.....
____________________
اوتار
محمد : ابقي انتي
اوتار : كال هالكلمتين بنبره حاده خلتني ابلع ريكي بخوف اباوعلة التفت ع الحيتين وهوة يأشرلهن بيدة ع الكراسي ابتسمت الدكتورة نجود بستفزاز وهية تمر من يمي كعدن اثنيناتهن كدام محمد واني واكفه بنصهم رجعت عيني ع محمد شفتة يسد الملف برود وهوة ايكول
محمد : اشلونها اوتار وياجن ان شألله ممتعبجن
اوتار : فتحت اعيوني بتعجب ع كلامه ايا حقيرر اشلون لاف السالفة لوف وما شألله هنة مقصرن وحدة ترفع وحدة تكبس طلعني حالي حال الكرسي البالقاعة وهوة يسمعلهن ويهز براسه الحد مطفح الكيل منهن واول مردت احجي
خزرني وهوة يحجي وياهن معرف اذا جان ايوصيهن علية لو شنو وهوة ايكول اي شي بعد اسوي اوتار يوصلني واني اصرف وياهة كلتلة الدكتورة سلوى ميخالف والحيه الثانيه باوعتلي من فوك الي جوا بستصغار وهية تكول ماكو داعي اتعب نفسك اني اصرف
اهنا فعلاً لو مخايفة انفصل جان ركعتها بالسجل البيدي الكلبه اشلون تحجي والأخ انتظرته يحجي ايسوي ولا حجي لبسني استأذنت منهم بنرفزة وطلعت قبل لا اسمع رد اي واحد بيهم خلصت محاضراتي ورجعت للبيت ويا محمد الي اطريق كولة جان ساكت انتظرته يحجي حتى انفجر بي بس ماكو ضل ساكت الحد موصلنة نزلت من السيارة وركعت الباب بقوا دخلت للبيت واني اسمعا ايعيط ويستغفر وراي سلمت ع بيبيتي وامي الي اول مشافتني كالت شبيج كالبة خلقتج كتلهة ماكو شي وعفتهن ودخلت للغرفه و.....
_________________
طيف
كاعدة ع شط وفضيل يلعب كدامي اخذت نفس براحه صارلي يومين اتوسل ابأبوي بس حتى اطلع واخيراً يلة وافق
احس اكو مثل الخنكة بداخلي معرف اشلون اخلص منها وكملت علية اليوم وانه اسمع ابوي يكول الأمي نسر راح البغداد ع كعدة معرف ايش احس عقلي حينفجر من التفكير اشكد حاولت امنع روحي وعقلي من التفكير بي بس ماكو فايدة وصارت التخيلات بعقلي اشكال ولوان معقول راح يشوفهة معقول راح يرجع ايحنلهة ووو..الى ما لا نهاية حسيت لشوية حنجن من كثر التفكير فتحت شالي بخنكه عن ركبتي قربت ع شط وانه اغرف صم مي بيدي مررته ع وجهي نزولن اركبتي تلفتت بعيوني بأستغراب وانه احس بحركه غريبه صارت وراي رجعت الشال بسرعة ع ركبتي وكمت من الجرف درت وجهي وشفت نسر واكف اكبالي والحواجب معكودة بنزعاج باوعلي وكال
نسر بعصبية مكتومه : شعندج اهناا
طيف برود : اختنكت وطلعت اشتم هوة كلت هيج ودرت ع فضل نفضت صايتي من التراب وانه اكول .. يلة فضل
فضل: اجيتت
طيف : اباوعله شمر الجذع البيده واجاني ركض لزمت ايده ورجعت للبيت بدون ما التفتله رغم هيج معرف ليش بس شي بداخلي فرح بجيته بهالسرعة عبالي هم حيبات يمهم
ثاني يوم صادف يوم جمعه وبهاليوم الكل يجتمع بيت جدي ع غده رحنه من العشرة وكل عاده امي هية الي استلمت كلشي من تنظيف وطبخ وهذنيج حاطات رجل ع رجل هنا وبناتهن اشكد حجيت ويا امي وكتلهة ملهة علاقة بشي تروح حالهة من حالهن بس ماكو فايده صبو الغده عمامي بديوان واحنه بصاله وكل عادة لازم اجرجر امي بصعوبه من المطبخ حتى تكعد تتغده وياهن وتبطل شغل كملنه غده ومكامن بنات عمي الحد ما جدتي زمخت عليهن حتى يغسلن المواعين بس انه غلست وكعدت بصف امي الي ورمت ايدي بالتكرص حتى اساعدهن كتلهة ماشي ورحت بس سويت الجاي وصبيته شلت الصينيه وحطيتهة ع طبله بنص الصالة
رفعت عيني ع مرت عمي ام رقيه وبصفهة ام سالم يتبسبسن بيناتهن مدري شعدهن اول مأجت عيني بعين ام سالم شالت رجلهة وحطتهة ع ثانيه وهية تباوعلي من فوك اليجوه انزعجت من نظراتهة وانه احسهة تقلل من شأني بيهن بس مبينت رسمت الأبتسامة ع وجهي وانه اشيل استكان الجاي وحطه كدام جدتي
وشلت الأستكان الثاني حطيته كدام امي وكعدت اباوع ع مرت عمي قلصت اعيونها بنرفزه وهية اتكول
ام سالم : عميه مشوفينة لو مو بعينج
خاتون
طيف : باوعتلهة بنفس نظرات الأستصغار البعيونها واول مردت احجي ضغطت ع ايدي امي وهية تكول
ام طيف ببتسامة توتر : لا شهالحجي ام سالم كومي ماما قدمي النسوان عمامج الجاي
طيف : اباوعلهة ابتسمتلي وهية تحرك بالمعاضد البيدهة اشرت الأمي براسي ببتسامة وانه اكول.. من اعيوني وكمت شلت استكان الجاي قدمته المرت عمي جواد وراها الأم علي وام رقيه واول موصلت الأم سالم ابتسمت بوجهة وانه اكول
طيف بخبث : تفضلي خاله
ام سالم بتعالي : مش..
طيف : اباوعلهة فتحت اعيونها بصدمه وهية تحس بحرارة الجاي ع ملابسه كامت تعيط بوجع وترفع بكلبيتهة عن رجليها كتمت ضحكتي وانه اكول
طيف : ياا عمه غير تنتبهين معقول مشفتي استكان الجاي اكبالج كلت هيج وانه اشوف اعيونها صارت دمم من العصبية والوجع وكفت بصف امي ونسوان عمامي المصدومات وانه احسهة اشوية وتهجم عليه اباوع ع جدتي كاتمه ضحكتهة وماما خازرتني رفعتلهة كتافي وانه اباوعلهة برائة
وراحت ركض ع حمام غسلت بالماي وهالشي مزادهة غير وجع للحظة ندمت ع سويتة بس رجعت كلت تستاهل حتى توب مني علة صوت اعياطهة وبناتهة بداً يجاوزن كلمه منهن عشرة مني وكبت العيطة
متفاككنه الحد معاطت جدتي بينه سمعو عمامي وجدي بالمعايط ودخلو جدي وعمامي ولدهم كل وحدة صارت ورة امها اباوعلهن كامن يتبجبجن كدام جدي وهنة يلمن بكفشاتهن باوعلهن جدي انوب باوعلي وحك لحيته وهوة يبتسم مثل العرف السالفة بس خفة ابتسامته وسئلهن اشصاير وهنا مقصرن حجن الصار والمصار واكيد ويا شوية بهارات خلت اعيون ابوي واخواني يشتغل نار من العصبية وهمة منة شايلين عليه كملت
وبعد حجي وكلام طويل انتهت السالفة برزالة مرتبه من جدي للطرفين ضليت ساكتة ما اريد احجي ووكع نفسي بتهلكة جديدة بزيت امي من ظهرهة وانه اهمس بذنهة اريد ارجع البيتنه ردت علية بنفس الهمس وهية تكولي ولي بس خلصيني منج ابتسمت واشرت الفضل وترخصت من الكل بحجة عندي امتحان وطلعت بسرعة من الصاله لمن انتبهت لعيون نسر ملاحكتني من اول مدخل للصاله ولهسه وصلت البيتنه و....
_______________
مرسلين
نايمه واحس بأيد تحرك بظهري فزيت من نومتي وشفتهة زهراء باوعتلي مبتسمه وهية تكول
زهراء : كومي شاهين جوا يريدج
مرسلين بعدم استيعاب : هاا اي جايه هزيت راسي بدوخه واني اشوف الساعة هستوهة بالعشرة كمت من مكاني غسلت وجهي ورفعت شعري ذيل احصان دنكت ع لبسي جنت لابسه دشداشه تركوازيه جوه الركبه ردت ابدلهة بس امي كامت تعيط بأسمي من جوه نزلت بسرعة صبحت عليها وع وسن وانطتني صينيه الجاي وهية تكول
ام مرسلين : هاج ودي ارجلج وابوج
مرسلين : هزيت راسي ودخلت للأستقبال شفت شاهين كاعد بصف بابا لابس اسود بأسود معرف ليش ضليت صافنه علي بفهاوة اول مره هيج اركز بشكلة او بلبسة لابسهة انحرجت واني اسمع بابا ايكول
ابو مرسلين : ليش واكفه بابا ادخلي ماكو احد غريب
مرسلين : دنكت راسي بخجل ع احراج واني اتمنه الكاع تنشك واطمني ع هالموقف اتحمحمت بتوتر واني اكول صباح الخير وقدمت الجاي البابا والشاهين وكعدت بصف بابا من الجهة الثانيه سولف بابا اشويه ويا شاهين وكام ع صوت ماما وهية اصيحه من الباب اترخص من شاهين وطلع حط شاهين استكان الجاي ع طبله الكدامه بهدوء وهوة ايكول
شاهين : ما كلتي بشنو تردين تحجين وياي بس ياريت تستعجلين عندي شغل وما اكدر اتأخر
مرسلين : باوعتلة بنرفزة والعيون من وحدهن دمعن من وره طريقه كلامه صحيح نفس البرود بس مجان يحجي وياي بهالطريقة غمضت اعيوني حابسه ادموعي وكل توتري ورجعت فتحتهن برود باوعت بعيونه وكلت
مرسلين : لا ان شألله ما اخرك بس اكو اشكم سؤال ابالي وبس انت التكدر اجاوبني عليهن
شاهين : اسئلي
مرسلين : هدى وساره
شاهين : اباوعلهة كالت هالأسمين وضلت ساكته حكيت لحيتي بملل واني اكول... شبيهن
مرسلين بتعب : معرف انت كول شبيهن تخطيطاتيش وليش هدى من رجعت البيت اهلي وليجاي هية مو ع بعضها اباوعلة اعتلت ملامحه السخرية والبرود كملت كلامي بقهر واني اكول.. شاهين ارحمم بحاالي تره والله تعبت من كثر التفكير والمشاكل الدصير ما اريد منك شي بس جاوبني وريحني من كل هذة
شاهين : اختج موجودة وسئليهة
مرسلين : كال هيج وشال تليفونه ومحفظته حطهن بجيبه واجه يطلع من الأستقبال صرت كدامه واني احس بدموعي خانني وبدن ينزلاً بغزاره.. ماكو متطلع الحد متحجيلي كولشي صار
شاهين بسخريه : حاضر اتأمرين
مرسلين : اباوعلة بده يقرب عليه بملامح متبشر بخير رجعت بخوف لا ارديا ليوره واني ابلع بريكي غمضت اعيوني بخيبه لمن حسيت بنفسي انطخيت بالباب قشعر جسمي واني احس بنفاسه الحاره صارت تضرب بوجهي نزولن الركبتي عضيت شفتي بخجل واني ارفع براسي من احساس دفو اشافيفه ع طول ركبتي حسيته مثل اليشتمهة انيت بوجع من اصابعه الينغرسن بخصري بقوه عبالك دينتقم قربني علي اكثر وهوة يهمس بأذني بصوت بي بحه غريبه
شاهين : شسوي بيج هسة
مرسلين : اااااه عطت بوجع من اسنانه الجر بشحمه اذني باوعتلة مبرطمه واني ارمش بعيوني بدموع شعور يقهر واني احس بي يريدني واني كذالك بس اثنيناتنه رافضين نعترف بهالشي تحت مسمى الكبرياء لانت ملامحه وهوة يباوع بعيوني حرك انامله ع ايدي بخفه وهوة ايكول
شاهين : شبيج
مرسلين : مكدريت ارد علي بشي لأن اعرف نفسي من اول كلمه حنفجر كدامه وهذة ثاني اسوء شي بيه مكدر اضم مشاعري او اخفيهن اكتفيت بميل راسي ع ايده حركت راسي براحه من دفو ايده العجيب حسيت اخذني وياه بعالم ثاني خاص بينه نسيت كولشي بين اديه حسيت ويا بشعور مستحيل اكدر أوصفه وخرت منه بخوف وخجل بنفس الوقت خوف ع ظهور مشاعري كدامه وخجل من نظراته الصارت جريئة وهية تفترسني بشكل كامل
شاهين ابتسم بمكر وهوة ايكول : شنو خفتي
مرسلين وهية ترجع شعرها ليوره : هاء لاءء..
شاهين : اكيد
مرسلين : كال هيج وهوة يحاول يتقرب مني مره ثانيه وخرت منه بسرعة وانيي اكول بأرتباك .. اي يله احجيلي اباوعله رجعت ملامحه للجمود هزلي براسه بدون ميحجي اي كلمه وكعد ع كرويته واشرلي اكعد كدامه كعدت كدامه بتوتر وبديت استمعله بنصات منصدم من الكلام الديكوله كتمت دموعي واني اقاطعه واكول
مرسلين : ز..ين ساره .. شنو مصلحتهة من كل هذة
شاهين ابرود : رادت تبعدج حتى يخلالهة الجو وهية تعرف بجدي مستحيل يقبل بطلاك اختج من بعد ما كسرت كلامه وزوجته
مرسلين بعبره : وهدى
شاهين : شبيهة
مرسلين : اول يوم اجيت بي البيت اهلي اكثر من مره حجت وياي حتى ارجعلك وحتى لمن رجعهة بابا قبلت وادمرت بزواج حيدر
شاهين :ادمرت بزواج حيدر لأن عرفت بية مستحيل ارجعلهة لهيج قبلت ترجع الحيدر بدون اي اعتراض وبتحذير بسيط مني الهة جان كفيل تجي وتتوسل بيج حتى ترجعين
مرسلين : قصدك هددتهة
شاهين بسخريه : نوعاً ما
مرسلين : بشنو
شاهين بستهزاء : بتاريخهة الحافل
مرسلين بعصبيه مكتومه : ياريت تحجي بوضوح شنو يعني
شاهين ابرود مستفز : معقول اختج محاجيتلج عن ماضيهة الحافل بالغراميات
مرسلين ؛ شقص..سكتت واني اشوف بابا يدخل للأستقبال وراه محسن كمت اترخصت منهم بسرعة وطلعت من الأستقبال واني احس بعصابي تالفه من كلامه المستفز ضليت كاعدة بالمطبخ منتظرته يطلع او بابا ومحسن ايطلعون بس ماكو الحد مطلع هوة وراه محسن وبابا ودعو وراحو الشغلهم
ضليت حاطه ايدي ع راسي بدوخه ع طاوله واني اردد بعقلي كلامه غرامياتيش معقول تكون عدهة علاقة بشخص قبل حيدر وحتى لو عدهة فعلاً علاقة قبل لا تتزوج نكدر نكول عادي جانت بعمر المراهقة وطبيعي هالشي بس يا خوفي تكون هال.. سكتت رافضه حتى التفكير بهالشي للظهر دخلت ماما للمطبخ والبتسامه شاكه حلكهة باوعتلنه وكالت
ام مرسلين : توهة خالتج دكت عليه وكالت بتهة انخطبت وعزمتنه ع خطوبتها
مرسلين بأستغراب : ياهية منهن
ام مرسلين : ميس اجاهة واحد من الكليه خطبها ورجل خالتج وافق علي ايكلج الولد يخبل جمال ومال ما يرفض
مرسلين : ابتسمت بسخريه واني اكول والخلاق شمروهة بزبل كلت هيج وطلعت من المطبخ صعدت الغرفتي للعصر اجتي زهراء كالتلي حيروحن يشترن نفانيف للخطوبه ويمراً ع صالون يسون تنظيف بشره ويصبغن شعرهن وسئلتني اذا اروح وياهن كتلهة لا وبعد الحاح طويل منها ومن امي الي كل ساع ذابتلي كلمه افلانه احسن منج وعلانه ارتب منج ومن هالكلام مسكتت الحد مكتلهة ماشي اروح وكلت الزهراء بحجة تليفوني ناسيته تحجي ويا شاهين ع روحه خاف ميقبل اروح كلتلي ماشي وصعدت تخابره اقل من خمس دقايق ورجعت نزلت وهية تكول
زهراء ؛......
____________
اوتار
نايمه ع بطني بالكاع والملزمه بيدي اشكد حاولت انام بس ماكو فايدة كلت استغل الوقت واكعد اراجع كملت مراجعتي واول مردت انام دك تليفوني بصوت وصول رساله شلته بأستغراب من يم راسي فتحته وشفت رساله من محمد فتحت الرساله وابتسمت لا اردين واني اقراها
محمد : *اذا كاعدة تعالي للحديقه اريد احجي وياج *
اوتار : مرديت علي فزيت بسرعة من مكاني ورحت ع شباك الغرفة شفتة واكف بالحديقة والجكاره بحلكه لبست مثل الروب قصير فوك الكيمونه الابستهة ولبست شالي وطلعت من الغرفة ع كيف اتنفست ابراحه واني اشوف الصاله فارغة طلعت منها ع حديقة شافني وابتسم بهدؤ وهوة ايكول
محمد : عبالي نمتي
اوتار بتوتر : لا جنت كاعده اراجع
محمد : عندج امتحان
اوتار : اي
محمد : يا ماده
محمد : يا ماده
اوتار : مادة ****
محمد : تجيكم بيها الدكتورة نجود
اوتار : اممم
محمد : عاد اشلونج بيها
اوتار : سهلة مبيهة شي اباوعله ابتسم وكعد ع دجه مواجه للحديقه كعدت يمه متفصل بيناتنه غير اشكم سانتيم طفه كطف الجكاره بالكاع وباوعلي وابتسم ابتسامه غريبه وهوة ايكول
محمد : اشرئيج انقدم موضوع العرس
اوتار : هاا
محمد : ضحك وهوة ايشوف ملامحها مثل المصدومه كام من مكانه وتقرب عليها كعد كدامها وصار وجهة مواجه الوجها لزم ايدها بهدؤ وهوة ايكول
محمد :......
_______________
طيف
واكفة احط بالمسكارة وكل ساع مصخمه وجهي من وره صوت امي باوعت ع شكلي النهائي برضة طالعة توب بفستان بصلي طويل وكعب اسود وشعر مفلول الخصري اليوم خطبة ابن عمي ابراهيم ع رهام ابيت جدي من الصبح ليجاي امي ابيت جدي كل ساع دازه عليه حتى اروحلهم بس يبست راس ومرضيت احضر الخطوبة من بعد اخر موقف صار بيتهم الحد ما اجت امي واستلمتني دك رزايل وصياح
اجه بابا ع صوت الصياح وعرف منها. ما اريد اروح للخطوبة خزرني خزرة وحدة جانت كفيلة اصعد صاروخ للغرفة ابدل ومكيج واسرح شعري فزيت من صفنتي بنفسي ع صوت اصياح ماما شلت صايتي بسرعة لبستهة ونزلت ع درج وانه الف بشالي شافتني امي واشرتلي بيدهة ع مكياج بمعنى اسطبريلي لأن بابا واكف فمكدرت تحجي شي كدامه استغليت الفرصة وطلعت كدامهم ع بيت جدي من باب السياج اعرف الصالة عاجه بالهوسة فدخلت من باب المطبخ ليفوك نزعت صايتي وشالي بغرفة بنات عمي ورتبت شعري ورجعت نزلت جوة دخلت للصالة واني اعقج وجهي بنزعاج من صوت الديجي العالي
شفت امي كاعدة يم جدتي ونسوان عمامي مسويات حزب كدامهة وبنات عمامي يم العرورس وباقي المعازيم متوزعين بصاله ما شألله مرت عمي مناسيه وحاد عازمة كول نسوان العشيرة باوعتلهن بتعب حتى مبية حيل اسلم عليهن كولهن اختصرت الموضوع وانه اروح اسلم ع جدتي واكعد بصفهة والتجي الجدتي عود اسلم عليها صفنت بشكل رهام الله يحفظهة طالعة حلوو رغم بساطت مكياجهة بس ملامحهة الحاده طاغيه عطت بوجع واني احس بخاصرتي نزرفت بيد الولدة باوعتلهة برطمة وانه افرك بخاصرتي واكول
طيف بوجع: لو بس اعررف عليمن هالتكرص اشو حتى محاجيه وياهن
ام طيف بعصبيه ؛ كوومي سللمي ع بتت عمجج ونسوان عمامجج وبارركيلهن شوفي النسووان اشوون تباووعلجج
طيف : باوعتلهن بنرفزة وكمت اشكد سخيفات يعني اشدخلجن سلمت والما سلمت اباوع ع نسوان عمامي دارن وجوهن اول ما قربت عليهن مو صوجن صوج التجي اسلم عليجن كلت هيج وانه ابتسم بوجهن باركتلهن وسلمت ع ام رقيه ومرت عمي جواد وتقدمت باركت الرهام مردت عليه غلست منها مبية حيل مشاكلهة ورجعت المكاني وانه اباوع الأمي بمعنى ارتاحيتي خزرتني وسكتت
وانه هم سكتت اقل من ساعة واخذو رهام يعقدولهة عشر دقايق وتم العقد وبدة صوت الهلاهل يتعاله طفرنه انه والبنات فوك قبل لا يدخل ابراهيم البنات كلهن لبسن ونزلن وانه بعدني ادور ع صايتي بين هالهوسة الحد مجريت شالي حطيته ع شعري وغطيت بطرافه اديه
واول مفتحت باب الغرفه صار نسر بوجهي واكف اباب غرفته وايده ع يدت الباب دنكت راسي بخجل ع عصبيه وانه احس بعيونه عليه كصني كص بنظراته واول مردت انزل صار كدامي حاجز بيني وبين الدرج باوعتلة بحده وانه اجرجر بالشال مالتي واكول
طيف بعصبية مكتومه : وخرر اريد انززل
نسر :.....
