رواية الطاغية والمغرور الفصل السابع والثلاثون بقلم يارا الياسري
أصف فريت أيدي ونزلت طبعاً جيتي لهنا بعلم
شيراز وعمتي سمر بالليل خابرتهم وكالوا هلا
بيك واكيد من هالرجعة كان الي غاية وغاية
دفينة أول مادخلت تلاقيت بلارا اي عرفت عنها
من بيسان الي حتى صورتها دزتها لان ابهر
راسلها الها بوقتها كنت بتركيا أتصلت أسلم
على بيسان كاعد باليخت والهووه البحر
ينعشني
هلاو بيسو شلونج؟
بيسان زينة شذكرك بية؟!
اصف :شفتج بالحلم بشكل جنية كلت اخابرج
خاف مسخرة علية ههههه.
بيسان ههههه هيي متت ضحك شهالنكته
لمابيها ضحكة .
اصف وثولة ام العقد ماتجين هنا يفوتج
الجو يجننن .
بيسان :اجي بعد عرس أبهر .
كمت بحيلي منتفض ابهر يتزوج!!!!
بيسان الحجي بس يمي .
اصف شنو هوو؟!!
بيسان كعدت حجيتله عن لارا وضحك وكال
اها زين حلوة لا اني بكل غباء دزيت صورتها
هي لابسة شال وماطالع منها شي .
وراها غلقته وياا وماذكرت هالشي لابهر.
أصف بعد ماعرفت منه بيسان هوويحبها
ويعشقها لارا أجت فرصة منتظرها من سنين
لرجلية وهي كسرت كلب ابهر مثل ماكسر گلبي
مابرد كلبي منه اي حاقد على اخوي وابن
عمي. لتربين سوووة واكلنا سووة لكان يدافعلي
وسند الي بس للكل طيب نهاية حزينة ونهاية
أبهر راح تكون مؤثرة ومدمرة للمشاعر لان ليلعب
ويأصف يلاكي الجواب اقسى من الصخر .
اول شي رجعت للعراق ولبغداد وخابرت عمتي
وهم ماعدهم اعتراض بحكم شيراز ابن عم ابوي
من غير خلافات السياسة يمثل ان مرتبط بالعائلة
بقوة وهاي لواكات منه ومنه عادي عنده يستقبلنا
ويرحب بينا انؤ بيسان امي حتى ابوي بس
الغدر من جوة لجوة .
رجعت اواول ما فكرت بي ابقى أيام هنا لنفذ
خططي الجميلة جاية وكل احتياجات خططي
وياية يعني بس جيب لينفذ مو بعاد يكثرهن .
بهالوقت رجعت واول لقائي بلارا حقيقية انها
جذابة ولسان ههههه والله خوش صيدة .
من سألت ثريا كالت ولاواحد منهم نزلت داطلع
وأجيت عمتي سمر
سمر بتعجب وترحيب أصف لا ياملعون لو كايل
الفجر توصل.
اصف حضنتهاةيافجر عمة دنيا ضهر هههههه
سمر حضنته شلونك شخبارك واخيراً حنيت
لهوه بغداد.
اصف حيل حنيت شلونج. شخبار أبهر احوالج.
سمر وهي تصعد وهو وراها كلنا بخير مشتاقيلك
لو جايب بيسو وياك
اصف :مارضت الخبلة.
سمر خزرته أصف اي أتفضل ثريااا ثريا حضري
ريوكات
أصف لا لا رفع ايده برفض ماريد بس كوب كابجينو كبير ارد أصححح .
سمر اي يمعود وينك مختفي حتى اتصالات قليلة
أصف بشؤؤن الدولة
سمر بعدم تصديق يادولة. ها اجت الكابجينو
اصف : من اجيت شفت بنية هنااا غريبة .
سمر وهي تشرب كهوة اممم رحيق لو بت اختها
رفع حواجبه أهاااا منو ذني ؟!!
سويت روحي ماعرفهن .
سمر: تنهدت وجرت حسرة وحجت بعد ماعوجت
حلكها عشتووو رحيق اتزوجها اخوي وبت اختها المصيوبة ناصبة على أبهر .
اصف طكها ضحكة ليش مو هو حاطها براسه.
سمر : بعصبية تعلمني بسوالف البنات مو اعرفهن .
رحيق خلصت خود وطلعت من الغرفة داشوف
ثريا اريد حليب .
مريت من الصالة لفوك سمعت صوت دخلت
شفت سمر سلام .
سمر من ورا خشمها هلا وأشرت علية هاي هي رpيق
مرته لشيراز .
رحيق رفعت حواجبي بأستغراب عفواً منو حضرتك ؟؟
اصف كام وتقرب باحترام ابوي وشيراز ولد
عم بكلبي شايفها هاي نفسها لمن اشهر ببيتنا
شجابها شحطها وااله الكح**"مايكعدن .
رجعت كعدت نسولف منه للضهر اجه أبهر
وهنا اني نزلت نمت بغرفة ابهر اول مادخل
للغرفة وشافني عبس وجه وضهرت ملامحه
بحدية حجى بجزع مكتوم
أصف شسوي هناااا؟!!
أصف: احم كمت من السرير أعذرني بس تبقى
غرفة ابن عمي هذا ترحيب بعد غياب .
ضحك أبهر ههههه غريب مو اخر مرة شفتك تكافشن
اصف بعملية ابوي وحقي اخاف
ابهر سلمت علي بس ببرود للاسف العلاقات
مثل جرات الزجاج لو أنكسرت صعب ترجع
لبيني وبين أصف عمره ماكان كره طول عمري
اعتبر اخ بس اني اعرفه زين لذلك برودي يقابل
بروده وردوده المستفزة .
سلامنا مثل الجليد بهالاثناء تركته وصعدت تغديت وخبرت
امي تحضرله غرفة اجت لارا يمي تبتسم لوحده كلبي فرح بيها
همست شنو هاااي مخطوبين ومخطوبين واحنه مانكعد ونسولف.
ابهر حقج شرايج بالليل نطلع مشتاق اشبع منج
لارا : تلاعبت بملامحي لا قبل مانعقد لا احنه بابا عرب مانرضى بالعيبة
أبهر :ضربني بضحك لج ياعيبة هي نطلع نسولف ونتونس
رفعت راسي وعيوني نووونوووو .
ضحك وكال لارا
باوعتله نعم بدلع
ابهر تنهد باحساس وكال
صدوك مشتاقلج خلي نطلع لأرتي.
ابتسمت وحطيت أصبعي بحركة دلع
افكر وشمرت عيوني انوب ضحكت تمام
بس مو لليوم خليها الاسبوع الجاي
ضربني بخفة وكال لعد ضلي أطلع اسهر براا
وغمز .
اي روح تلوكلك السهرات .
بالفعل بالليل طلع عاد من غيرتي طلعت أنتظره
بالحديقة وهمات جو حلو ونجوم وشهر ثامن
الجو بي برودة. واكلب بالجهاز الفساتين ماحسيت
الا نفر گعد كدامي عبالي عشق رفعت راسي
انصدمت بأصف اجيت أكوم شو هذا
لزم ايدي جريتها منه وحجيت بعصبية شلون تلزمني؟!
بقى يباوع بتركيز بعيوني وكال مو قصدي بس ردت
احاجيج .
ترى مو اعداء وعلى فكرة أني وأبهر مثل اخوان
كعدت مافهمت ؟!!
تنهد وكال وباوع لزينة لجابت عصاير باردة
قدملي عصير رمان مثلج خذيته شكراً
اصف :عفواً احم عرفت بيج شاردة من اهلج
يعني حرام بنية بعمرج بسب العنف تشرد
صدوك اهلج ماعدهم لاذمة ولاضمير ليش
لمثلج تنضرب .
لارا:اي بعد شسوي هذا حظي .
حك انفه وكال لارا انتي خريجة؟!!
لارا: ها أي لا
ضحك شنو اي لا
لارا :اقصد من الثالث بطلت .بقينه نسولف
وحسيتةمريح وابد ماتجاوز انوب أجت
عشق يمنه وصار يضوجها ويحشش عليها .
اصف:ها ربونزل واخيرا طلعوج من برج الساحرة
عشق ضربت طير جدتي مو ساحرة تحخاف علية
اصف:من حورج يا ام عيون زرك.
عشق بعدم اعجاب وضيق والله قابلة بشكلي
وحلاتي عندك اعتراض.
اصف مو اني زوجج المستقبلي عريضة اعتراض.
عشق:يا يروحلي ستين فدوة غيراني بت اخو
لشيراز .
اصف اي بت اخو القرد شتطلع قردة.
ضحكت على شيراز خرب تشبيه بمنتصف الجبههة
بهالاثناء ونضحك دخل أبهر سلم بس شو عبس
ملامحه ومارضى يكعد يمنه شووية واجتني مسج
كال كومي من أصف وصعدي لغرفتج دزيتله
لا بالله ليش؟!!
ابهر:مثل ماكلج سوي.
لارا:شنو تحولت شيراز رقم تو سالمين ماكوم .
ابهر مو تصير مو زينة.
لارا :شنو تهددد سالمين مدام هيج تشك باولها
خلي نفصل.
عصبت وكمت شوية عنهم اراسله كعدت على درجات
الحديقة .
أبهر دز سمايل غاضب بسيطة لارا .
رجعت بالعناد رغم نعست كعدت ويا اصف من دون
ماعرف هالتصرفات راح تجيب مصايب براسي
مرات الطيش يكون نهايتنا المحتومة وثقتنا
وعدم اهتمامنا بأي نصيحة تتقدم يتبعها ندم
كبير استمرت علاقتي بابهر متوترة واضحك
واسولف ويا اصف الى ان مر اسبوع بهالحالة
ابهر هيتني بكيفي تالي طك ماتحمل بعد هالاسبوع
نفس الحالة كعدت جووة من الضوجة اجاني
مسج من ابهر تعالي اريد احاجيج .
اوووف خليت وگمت رحتله اول مادخلت سد الباب
زلزكني بي حط ايده على خصري منعني منة
الحركة ولزم وجهي بقووة يعصر بي اريد ابعد
عنه ماكو قرب اذنه وانفاسه جمر تحرك أذني ووجهي
سمعي زين لارا كد العقل لبراسي خبال اضعاف
سوالف التعبانة ماريدها عناد ماريد شنو معناه
تصرفاتج ويا اصف داكولج شخص رايد أذيتي
لارا دمعت وحجيت بالكوة وخررا مني .
وهو رفض يوخر حاولت ابعد بكل قوتي ودفعت
مني بس سرعان مالزمني مت لزمني حط
راسه براسي وكال بحركة كلب الج احبج
وسلمت الكلب بيدج تلعبين علية لو بمشاعري
ثقي بالله انهيج ولا تفكيرين جرحي سهل .
باوعت بعيونه سوي ليعجبك ماخاف منك
هالكلمة كانت كفيلة تخلي يتخبل بهالحالة
حاول يبوسني غصب تخبلت وصارت بينه
مكافش ومانحس غير صوت أصف لباب .
اصواتنا عالية بقيت دمعتي رطبت خدي
واعصابي ترجف كرهت ابهر وحسيت حقير
فهمت مقصده ياذيني وحتى لو يكسرني مايهمه.
فتح الباب يحاجي اصف اني طلعت
ودفعت اصف من طريقي وعبرت اركض لغرفتي
قفلتها ابجي متكورة على نفسي استاهل لصار
هيج يصير للتعوف اهلها تنذل ويتلاعبون بيها
استمريت ابجي والجهاز يرن بعدها شوية اجت
عشق ادك بالباب غلست خلت وراحت مر يومين
غرفتي ماطلعت منها تجي خالتي اكلها مصخنة
تشوف ماعندي حرارة حاولت بس ماحجيتلها .
اليوم الثالث من حبستي انتبهت لروحي
ليش حابستها حتى اكلي قليل كمت من الصبح
غسلت وبدلت واجت خالتي شافتني فرحت
اجت يمي لارا تبوسني وتكلي
اني سندج لو مالت بيج الدنيا لاتتوقعين اسمح
تتاذين سعادتج كرامتج فوك كلشي خلي هالشي
ابالج .
بوستها وراحت لليل نفس الشي شيراز معزوم
واخذ خالتي ويااا اني نزلت بالعناد اتعشة وقصدي
اثير اعصاب ابهر من علاقتي باصف.
نزلت متجاهلة الكل ونظرات الشماتة من سمر
ونظرات الندم من ابهر ورافعه حواجبي بعقدة .
كاعدين دنتعشه ونطق الغراب .
أصف بحقارة وخبث :نظراته تبث نذالة أحم
على الخير ابن عمي سمعت بيك خطبت وقريب
زواجك .
أبهر على اعصابه :يبارك بيك يوم الك ونفرح بيك
أصف : اي عمتو ماكلتلي شرايج بالعروس؟!
سمر:ياعروس منو وصلك هالكلام ماكو كل القصة
تمثيلية علمود خالتها لان عشتو فقدت ذاكرتها
بس شوية تشيل روحها نخبرها وكلمن يرد
الدار .
أصف بس سمعت غير هالحجي .
ابهر نفخ غضب وباوع باحتقار بوجه اصف
هالكلام شنو مناسبته ؟!!
اصف بنذالة تنهد ولا شي بس اني شفتهم بواقع
يمثل انهم متزوجين او مرتبطين رسمياً
أبهر بعصبية وحدية :انت شكو كام من مكانه
وصار يصيح بوجه أبهر .
وسمر كامت وهي تحجي شتقصد أصف ؟!!
اصف كام من الكرسي ورفع ياقته داكول أبنج
خاطبها من صدوك حقه هيج فلة منو يفوتها
ولاضهر وراها يعني حرر شد عمي شدد وسوي
ليعجبك .
أبهر من كال هيج حسيت وجه انكلب دم وعيونه
اتخلن عن مكانهن وجحضن هجم على اصف
وصارلتهم مملاخه واحد يدك الثاني سمر وعشق
واني نحاولةنفرقهم ماكووو واحد يدك الثاني
بوكسيات بالارضية وخوود تصررخ وقزح العوبة تتفرج ملختها وعطت بيها اخذي الطفلة ماتشوفيها
اخترعت يله حست .
بهالاثناء والركع بوكسيات للنخاع رجع شيراز وخالتي
شيراز صاح صوت كلت راح تتكطع حباله الصوتي
ويصير اخرس وتخلص خالتي بهاللحضات كلبي
ؤجف ورجف لان من وراية السالفة لان صراحة
ماهتميت للدك البوكسيات متعودة اخوي وابن عمي كل ماعجبهم صارت بالنعل عادي حماس .
عاط بيهم وصاح بينه كلمن لمكانهةوغرفته
ماااريد اشوووف منكم بشررررر الا انتم ويأشر
باصبعه لاصف وابهر ليعدلون نفسهم ويمسحون
الدم من خشمهم حاجبهم. اني اجت خالتي
بكل عصبية وهرموناتها طافرة سحبتني وخذتني
لغرفتها .
شمرت جنطتها وحذاها وومتنرفزة كالت شكو
شبيهم ؟!!
باوعتلها عفت ااسالفة وسالتها ليش رجعتوا خالة؟!
رحيق : اووف تعاركن عيشتي ويا شيراز
يابلا كرامة يكل لحضة قايمة القيامة .
استوقفني وضعها وحير مخي خالتي مامرتاحة
ومو بسهيج كعدت تلعن حضها العاثر لورطها
ويا واحد مثل شيراز .
هنا حسيت بالنعمة ابهر أبهر مو صعب كثر
شيراز صح مرات يعصب اذ تجاوزت بسرومانسي
عاطفي حنون فعلاً نعمة ماحاسة بيها .
وخالتي تمشي وتحجي اني صوجي باقية
وفوك الضيم حبلت المن حامل المن لصخام
الوجه شلعت اصابعها كد مافركتهم .
رحت يمها خذتها للشباك فتحت شوية هوه
واشجار كلت ترتاح خالة فدواتج على كيفج
ادري موتتي روحج .
رحيق : لج ترفزني انتقاده اهانته تعلليقات على كلشي غلست منهن شكه انوب شك لارا شك
اني ينشك بية من خرب حضي وتلطم على افخاذها بحركة كلب .
خالة اخذي على كد عقله .
رحيق : بعصبيةورفعت ايدها ياعقل ياعقللل هااا
عقليج مخبل واكول على عقله مريض نفسي
واكول يتعالج مار بازمة واكول حقه
شخصيته من ربه هيج متسلط كلشي بكيفه
يطيح حظن لحد مايكله الله بس شسويله هاا
شسويله
وتسال بحركة وقهر
كلت اسايره واحاول ويا لج ماكو قافل اني
مااتحمل ابقى ويا هالنموذج يطلكني وطبه كوب
عيشة تدبر .
لارا بخوف ولبطنج ؟!!!
اخذها هي وخود خلي يبقى خلي غروره
سلطته تفيده .
لارا : زين شيريد هو؟!!
رحيق : جرت حسرة يريدني لعبة بيده تمام
لبسي هيج. احجي هيج معدي هيج ماعجبني هيج
مو عيني هو خالقني وبكيف استغفر الله واتوب
اليها .
لارا استغفر الله لاتحركين كلبج غلسي.
رحيق : بعصبية منو حارك كلبه لج مامهتمه
ماشوفين شكد ينتقد واغلس واحرك دمه
بس قدملي اهانة المن اخذني لهالعزيمة الكشرة
سحلني سحل من بين الكل ويخزر بيه حسيت
روحي ارخص من الرخيصة مدام يغار المن
مطلعنؤ وياا. .
زين ليش ؟!!بعدها مامجاوبة ودخل علينا شيراز
مثل حممم البركان يغلي نارررر
فزيت بحيلي وكمت اغدقه بنظرات زجر بعلو
صوته طلعي لغرفتج متوتر .
اني عشتو ردت ادخل مدخل خير كلتلهم ياجماعة
مو هيج على كيفكم كل بالغزل يروح ويختفي
وهو أجه عليه بكل غضب جررني من عكسي
شمرني براااة الغرفة وقفلها يااا ياكليجة محتركة
خطية خالتي راحت بيها هم حضها كل هالجمال
تاليها واحد معطب غضب بكل زمان .
بقيت ادردم اجت عشق
عشق هااا شكو. عمي رزل منو ؟!!
لارا بعصبية والله ااياعرف سحلني عمج
وشمرني وخالتي يمه معصب .
عشق: امشي نشوف شصار .
لارا : دقيقة رفعت ايدها كنتِ يمهم من اخذوهم
لامكتب وما اسنطتي ولا عرفتي شي
عشق اي
لارا وجعي لتوجعج امداج اي والله .
عشق انجبي لا تغلطين
لارا اسكتي مابيج خير انزل أشوف خطيبي
نزلت أدور علي ماااكو لكفني أصف خزرته
وأجيت أعبر لزمني من كتفي وحاط
لاصقة لخشمه .
اصف : تحبي لابهر؟!!
انت شكو يعني مخطوبة اله اسلس حب لو أمثل
دراما كورية اكيد أحب .
أصف بتلاعب متأكدة قابلة تكملين حياتج ويااا
هيج واحد.
رفعت اصبعي بتهديد أحترم نفسك زين أبهر
يسواك نشمي ومعدل وأبن اصول لاتلعب
وتحاول تشوه صورته كدامي لان اني اعرفه
زين عاشرته .
أصف :منو جاب طاري سالفة أشوه كدامج
لوحده الله شوهله وجه .
لارا: قدر مكتوب وتكتفت انت ماتكلي شتريد
بالاول تراقبن وفضحتن وهسه دتلعب شتريد؟!!
أصف : شريد سلاماتج عيني وغمززز وراح .
لارا :لعبت روحي منه شكد مو مريح وواضح
كلام أبهر بحقه صدوك بس اني مارد خرب
غبية المن اختلطت بي بشر هو بشر أبهر
عرفت معدنه زين طيب حنون بس هذا مبين
من تربية شيطان .
_____________________________________
لهنا مافهمت شي من لصار وياهم ولا بشنو محاجيهم
شيراز لحد ماطلع أبهر من البيت معصب بقلبي
كلت وين مختفي والك .
اجه صوبي متوتر وكال
شمبقيج جووة ليهسة .
رديت ببرود واستفزاز ردت أطمئن عليك ولو
ماتستاهل بس خاطر الايام لوكفتلي بيهن .
.
باوع بوجهي بغضب ولزمني من خدودي بقووه وعنف فتحت عيوني مصدومة كال بتهديد
لارا كلشي أتقبل بس خيانة لا كلتها وارد أكلها
ليتعبلي لحضة اتعبله عمرر
وليصيرلي وطن اصيرله جيش
واحمي من الذ العدو بس ليخون يتحضر للموت.
لارا بقيت ارجف وكلبي انتفض على ضلوعي
شبيك ابهر؟!!احجي بتعلثم وكوة الحروف تطلع.
بالاول حاولت تجبرني وعاملتني بحقارة وهسه
تتهمني بخيانة شنو سالمين مدام بعدنا بالبرااا
نلزم خط اليابسة قبل لانغوص باعماق البحر .
تنهد وعصب بوجهي كااافي كاافي كل كلمة
والثانية وكلتي خلي ننفصل زعطوط كدامج زعطوط فهميني وصااح بقووة بوجهي وكال
