رواية الإرهابي وذات النقاب الفصل السابع والثلاثون بقلم ام غايب
حذيفه-مجنت اعرف بيه والله ....واول معرفت اتصلت على فوزي ومكدر يوصلج ورجعت علمودج ميمونه ....مكدرت ابقه كاعد هناك ....وانت بسببي تنصابين
ميمونه-بقيت صافنه بوجهه وبعدين كتله ....يعني انت بيك فايروس
حذيفه-اي ....بالصدفه عرفت ...والدكتور كلي اذا متزوج زوجتك لازم تتلقح والا تنعدي ....وصرتي ببالي ...وكتله جنت متزوج من فتره وكال احتمال ٩٠بالميه اصابتها
ولزمني من ايدي كلي تعالي ....رحت ورا دخلني الغرفه مداخلتهه ذيج المره بيهه مكتب ....وسد الباب واني صافنه وكعدني عل كرسي وسحب الحرسي الثاني وخلا كبالي ولزم ايدي
حذيفه-وضعج كلش تعبان ومبين عليج ....اكيد حاقده عليه ....صح لان بسببي صار بيج هيج
ميمونه-اصلاً مخطر ببالي منك
حذيفه-رحتي للدكتور
ميمونه-اي ....بس انت ممبين عليك المرض
حذيفه-سويت تحاليل هناك ...اني هم منقول الي ...ظهرت عندي اعراض بس بسيطه مناعتي قويه ...وخامل مو نشط ....كلي الدكتور ...بس هم يأذيني احتمال بالمستقبل ...كلي بعد ٣شهور تقريباً يبين شنو بالضبط ....عوفج مني ...ميمونه وضعج كلش تعبان
لازم اخذج للدكتور افهم حتى نعرف نتصرف
ميمونه-مو كتلك رحت للدكتور ...وكال وضعي كلش تعبان
حذيفه-ميخالف لازم اخذج ...اني هم من اجيت رحت الهذا الدكتور فوزي الح عليه ...يعرفه وكلش زين
ميمونه-مااريد صار ٣مرات اروح ...هم انتظار وهم تحاليل مالي خلك كلشي
حذيفه- ماشي ...ناخذ تحاليلج ونروح ....اني اتكفل بكل مصاريف علاجج ميمونه ...واذا مفاد هنا اسفرج للخارج اعالجج لتخافين
ميمونه-وهو يحجي كبال عيني صار خضر ...واهتمامه بيه ...وتذكرت من سمعته اتصل وباع بيته وخسر المحل بسببي .
حذيفه-وين تحاليلج
ميمونه-بالبيت ....ماريد حذيفه
حذيفه-تره المرض الي انت بي مو بسيط ...كومي خل نروح نجيبهه ...وعندي مواضيع هواي وياج اريد استفسرهن .
باوعت علي بحيره .....اقبل يعالجني ...هو خلاني اتمرض ...وخضر خطيه يخسر كل فلوسه بسببي .... كام ولزم ايدي ....وسحبني كومني
ميمونه-حذيفه اوكف لحظه وين
حذيفه-نجيب التحاليل .. غير
ميمونه-منين اجاك المرض
حذيفه-باوع عليه ...مااعرف
ميمونه-مااكدر هسه اروح للدكتور
حذيفه-ليش
ميمونه-باجر اجيب التحاليل واجيك
حذيفه-لا هسه نروح نجيبهه ونروح للدكتور هم
ميمونه-لا ...مااكدر
حذيفه-وضعج كلش تعبان .....
ميمونه-باجر اجي ... طلعت من مكتبه .....جنت مااعرف محتاره ...عرض عليه هو يعالجني وهو مفروض يعالجني بسببه خضر شعلي يتحمل كل هالمصاريف ....ويخسر رزقه كله واحتمال ميكفي العلاج ...بس خضر شلون
اصلاً اني كتله مااسامحك ...وبعدين ليش شايله هم زعله ...نسيت الي سوا بيه ...وجعني كلبي واختنكت ...ودايخه جنت امشي بلا وعي ومن كثر ما افكر ....دخت كلش
واني امشي سمعت هورن قوي كلش ثاري جنت امشي وسياره ورايه ....وخرت منهه وكمت اباوع عيني تسورب غمضتهه ...ورجعت فتحتهه ...اختنكت كلش كعدت عل رصيف متحملت ...
شويه وكمت من شفت الدوخه متقبل تروح ....أشرت تكسي ورجعت وطول الطريق افكر واكول .....همزين اجيت للشركه وطلع حذيفه موجود ...ماريد خضر يعالجني ...بداخلي مكسور كلبي على تعبه وبعقلي اضوج منه واكول دكرني وهو سبب بكلشي وارجع وتصير كبال عيني مداراته الي
بس مع ذلك الاحسن حذيفه ....لازم افكر بمصلحتي حذيفه ميهمه الفلوس بيوم واحد عنده استعداد يذب الي خضر سنين يجمعهن ....يعني ميتأثر مثل خضر
بس وجودي ويه الاثنين حرام خضر مااكدر اتزوجه لان مفروض بعدني بالعده ...ابتسمت باستهزاء شلون عده صارت ...صرت اسوي الحرام بيدي .... تغيرت هواي مكاعد الكه ميمونه القديمه
وارجع واكول يارب انت اعلم بحالي جنت مضطره مالتزم بالعده ....وخضر ماكو احد وياي بوكعتي ومجنت اكدر احجي ولا اكدر احجي وحذيفه مادام كلي رجعت علمودج معناهه راح يعالجني ....وحذيفه يكدر يرجع يتزوجني لان هو الي مطلكني ميتأثر بالعده جنت متجيه راسي عل جامه والافكار تجيني. والحيره اكلت عقلي
وصلتقزيب عل شقه جنت خايفه خاف خضر راجع للشقه ....وارجع واكول هو شعلي خضر بيه اباوع غراش ضغطي يمكن مااعرف تعبت حيل هاي مادام طلعت احس نفسي مااتحمل وصلنه وعيني عل شارع خوما سيارة خضر واكفه
لكيت مو بس سيارته هو هم واكف ويدخن ....غمضت عيني ومسحت كصتي توترت حيل .....كتله هنا بلازحمه ...وانطيته الكروه ...وكفته غاد عنه
من شافني شمر الجكاره وتقرب عليه بعصبيه
خضر-ووووين جنتي
ميمونه-عمو ابو منتظر بالاسواق خضر ...هسه تبين اذا ماهمه شاكين بيك ....جنت امشي رجلي بيهه رجفه مااعوف بس اوصل واصعد ...اخر شي متحملت كعدت عل درج وهو ورايه وكف كبالي
خضر-وين جنتي
ميمونه-غمضت عيني وخليت ايدي على عيني دايخه كلش كتله مكاعد اكدر احجي
فتحت عيني يباوع بحديه ورافع حواجبه ....وترني تصرفه ...باوعت استوعبت اصلاً هو شكو موجود
كمت وصعدت باقي الدرجايات طلعت المفتاح كبل فتح الباب ...لان اظاهر جان فاتحه وبس راده دخلت كبل شمرت روحي بالفراش ماعولت الوحه حتى منزعت حذائي
خضر-وين جنتي غير افتهم
ميمونه-انت منو خضر ...انت ليش موجود هنا ...لا انت زوجي ...لان انت تقربلي عود جنت بيوم من الايام زوجي ....وفوكاهه هسه عصبي عليه تحاسبني ....شكاعد يصير خضر
خضر-شسوي ...اذا انت تزوجتي ....والعده لازمتني ...وله جان من اول ساعه رجعتج على ذمتي ..
وهسه مبقالج شي واتزوجج عوفج من كلشي بس كليلي وين جنتي وانت مابيج حيل حتى توكفين
ميمونه-بقيت ساكته واباوع علي مااعرف اللحظه حسيت نفسي مصلحجيه ....جنت ساكته وهسه لان احه حذيفه وكلي اتكفل العلاج .....بقيت اباوع بجيت ....هو طلع جكاير وراح فتح شباك المطبخ ووكف يدخن واني اباوع علي وابجي
شكد جنت حاقده بس شلون اكدر ابقه حاقده وهو حاوطني وعاملني بحب وخوف الام وارجع واكول علموده اصلاً اذا قبل مرغبوني سلمان وخالد واني ممبيوعه هسه مستحيل
خضر-بعد ماطلعت منا ....رحت الابو الجوازات ....كملت جوازهه وانطيت مبلغ حتى بالمطار هم يمشوهه ورجعت انصدمت ملكيتهه تفاجئت وقلقت عليهه ....كلش تعبان ومختنك ....لان بعدهي بالعده ....اريد بس تخلص عدتهه اتزوجهه وهيه تقبل مستحيل متقبل ....مجنت افكر بمستقبل حياتي وياهه كل همي تصير زينه
بقيت انتظرهه بره ...واني متوتر كلش شفتهه تنزل من التكسي ...كل ذني مااكدر اعترض عليهن اباوع عليهه بدون نقاب هالشي ديأذيني هواي. ...وتكسي وحدهه ....بس مكدرت مااحجي وامنع حديتي ...
وراهه حسيتهه تختلف عن كل يوم ....
والاكثر قاهرني من تجاوب بحديه ومااكدر احجي لان اريدهه تتعالج ....وحاف تعاند ...بس صبري بده ينفذ ممتعلم وحده هيج تحجي بحديه ...من اجيت لليوم علمودهه ...وخايف عليهه وهيه تأذيني بكلامهه
واكول الي سويته بيهه مو قليل
درت وجهي بعد ماكملت الجكاره تباوع عليه وتبجي
باوعت عليهه وتقربت عليهه وكعدت وتجيت نفسي عل حايط
خضر-اني هم ضايج من هذا الوضع بس ماعدنه حل ....بس تخلص العده يصير كلشي طبيعي حالنه حال اي متزوجين ماكو اي حرام بالموضوع ....ولتخافين مااتقربلج ابد ولا اطخج
ميمونه-اني ماريد اسافر
خضر-شلقضيه ميمونه ....كملت الجواز.....وبعدين هالشي مو اختيار ....انت مريضه مو لعبه الشغله
خضر-مكلتيلي وين جنتي
ميمونه-بعت البيت وخسرت المحل وبعدين خضر
خضر-ولو روحي تفيد جان هم بعتهه الخاطر عيونج
ميمونه-نزل دموعي بعد اكثر
...وشلون راح تعيش وانت ماعندك وظيفه
خضر-الله موجود وعندي ايدينات ورجلينات .
ميمونه-ردت اكله حذيفه حيعالجني بس مكدرت احجي
خضر-مكلتيلي وين رحتي
ميمونه-رحت ال خاله ....مااعرف ليش جذبت علي ...وكتله خاله طلعت لا ارادياً ....واني احجي دك موبايله
خضر-توني ردت اكلهه خالتج تعرف ملحكت اتصل بيه عزوز جاوبته ..
عزوز-ها اخي وينك
خضر-يم ميمونه
عزوز-الفلوس كملن تقريباً اجيبهن الك لو ابقيهن يمي
خضر-بقيهن باجر من يجي حمصه اصلاً جاي عدنه مشوار جهزو روحكم
عزوز-قصدك عمهه
خضر-اي وعل مباشر كبل
عزوز-لكيته
خضر-عنوانه اجاني حصري بالضبط
عزوز-لا بربك منين
خضر-شاهين
عزوز-يعني شاهين راضي
خضر-هو الحدد الوقت هم خابرت حمصه
عزوز-اي مقبلو ينطو اجازه بس اجه
خضر-ماعولنا يرجع للجيش شبي هذا
عزوز-تعرفه ميفوت هاي السالفه
خضر -باوعت ميمونه تباوع مالي خلك عرضتهه كتله
يادوب نتفق تعرف السفر لازم نضبط ويا عاشت ايدكم من جبتولي عنوانه
ميمونه-باوعت علي يحجي عن عنوان بقيت بقلق الى ان نهه مكالمته ...بقيت اباوع علي وهو هم باوع عليه ورجع عينه عل موبايل ...
خطيه شاهين جابلي عنوان واحد اضبط من الي اعرفه لازم بليل اروح اشوفه
ميمونه-خضر باوع عليه ردت اكله اني راح اروح ال حذيفه يعالجني لتعب نفسك بس مااعرف شلون احجيهه جنت تعبانه اصلاً كتله الحد منسافر عل اقل لتجي والله ميصير وعلاج الدكتور فرق عليه هواي
خضر-راح اروح اجيب غده حتى تشربين علاجج وتنامين
ميمونه-سكتت محجيت ...هو كام طلع تغدينه اني ويا عل صامت بس مكدرت اكل هواي وغسلت وشربت علاجي ورجعت المكاني ... غمضت عيني ودرت وجهي انطيته ظهري ردته يروح لان من انام متأكده حيروح دوم هيج وقت يروح يعرف العلاج يخليني انام ...سدك اني نمت قبل ليطلع
خضر-طلعت من يمهه وره الظهر تقريباً ....رحت البيت حبوبه ...اول مدخلت ....صار بوجهي خالد ....جنت محتاج عتاد من خالد ....هلي كلي تعال اخذ من المخزن فوك ضامهن ...مقبل هو ياخذ يخاف من خالد كلي بس ادليك المكان
خالد-اهلاً استاذ عاش من شافك ....زين والله طلعت تتذكر العنوان
خضر-شنو شعجب هنا مو بالدوام
خالد-عندك شي وتفاجئت بوجودي
خضر-ابتسمت باستهزاء ...شخبارك لا يمعود اصلاً مشتاقلك
خالد-لتحجي وياي بعذا اسلوب الشوارع وبلغت شاهين ....بشغله مبلغك بيهه
خضر-شنيه
شاهين-اليوم شنو بالايام
خضر-شمدريني
خالد-مااستغرب حوابك الدايح اكيد ميعرف ساسه من راسه اليوم جمعه ...الاحد ....تلبس بدله عسكريه وتلتحق ....وتاخذ مستمسكاتك وتداوم بالجيش كلشي ممستفاد منك ...لا وضيفه ولا صخام والمحل ميفيدك مثل التعيين ...فهمت خضر ...لو اعيد كلامي
خضر-مااكدر
خالد-بالقائم ....التحاقك ....وبعدين اني احولك البغداد
خضر-ان شاء الله بس أجلهه عل شهر اليجي وردت اروح
خالد-اي مو اني كاعد افتح شركه للخلفوك حتى أجلهه للشهر الجاي ...بابا هذا جيش ....مو بكيفك ولا بكيفي عود اني راح ا احاول اتوسط واجيبك البغداد
خضر-ماريد لعد ...لان عندي سفر
خالد-سفر شنووووو وين مولي
خضر-اتونس
خالد-الاحد الساعه بالسته تاخذ اوراقك وتروح
دخلت ... مو وقتهه ابد ابد ...جنت محتاجهه بس لو بغير هذا الوقت ...دخلت الغرفة حبوبه كاعده تسبح اول ما دخلت كحيت كبل رفعت راسهه
حبوبه-ياهووو هذا خضره .
خضر-دنكت عليهه ردت ابوسهه لزمت ايدهه لان متعود ابوس خدهه وكصتهه وايدهه سحبت ايدهه
حبوبه-ميل ...ميل مني ..ولا جنك جاي ...لا تكول حبوبتي اشوفهه اسإل عنهه
كعدت كبالهه وجريت ايدهه وبستهه
خضر-حبوبه والله لوتعرفين شعندي جان عذرتيني
حبوبه-شعندك قابل حايرلي بصخام عينك الثار
خضر-سحبت راسهه وبسته وهيه تصيحلي ميل ...ميل خضيره ميل مني
بهاللحظه دخل علاوي
علي-ها ناقص وينك وغمزلي
كمت بسته وكتله ها بشر
علي- امي ورسل طالعات وخالد توه طلع استغليت الفرصه ونزلتهن بغرفتي تلكاهن بالكنتور استعجل بعلاكه بيضه بيهه ملابس بين الملابس
حبوبه-شعدكم انتووو اثنينكم ما مرتاحه التهامسكم
خضر-التهامسكم شنو هاي ...
علي-التهامس تهامس بسرعه وفضنه قبل لنتهامس ويجي يهامسنه تهومس
خضر-هههه صاعد اتهامس لعد اني
حبوبه-ياااااه شمالكم تخبلتوووووو تضحكون على حبوبتكم
خضر-ماعاش اليضحك عليج ...بس لازم هسه اتهومس قبل ليهومسني ....ضحكت وبست راسهه وغمزت ال علي وصعدت بسرعه
الغرفته جان هو وسلمان بس سلمان مسافر قبل اسبوع همزين ...اخذت العلاكه وطلعت هو علي بقه يم حبوبه اول مطلعت خابرته
خضر-تم
علي-بيش الساعه
خضر-بـ ال١١ ببيت راشد ننجمع نكعد لل١٢وراهه نطلع
علي-خوش اني هم نوهت ال خالد اليوم معزوم بليل حتى ميشك بالسالفه
خضر-سديته منه اتصلت على حمصه جاوبني بصوت خله عقلي يشطح للبعيد
حمصه-الوو
خضر-ال الو مااتك مو مريحه مال واحد
حمصه-مكابل الصبات يحسره وكاعد جنت وجوله كبالي ومكسر ونعسان ونايم بالسياره جنت واحلم حلم حلو كلش وازعاجك صحاني منه صفي النيه شويه ....
خضر-من كلت صبات وجوله صفيت النيه بس من رجعت وكلت ...نايم وتحلم حلم حلو رجعت نيتي
حمصه-سافل ويكول خالد اني مسفلك ...وهو ميعرف السفاله نابعه منك خويه ...بعد الهجوم لازم نبتعد
اني رجال ...الحمدلله عفت الطريق الغلط وتوجهت الرب العالمين ....وماريد امشي ويه ناس ماعدهه اخلاق
وتجرفني وياهه
خضر-ونعل منك ومن اخلاقك ...وين وصلت
حمصه-شوف شوف اني راح اسكت لان اخلاقي لا تسمح
خضر-اكلك شاهين جان يحجي وياك
حمصه-شمدريك ...صح قبل لا انام
خضر-عرفتك منطيك جرعة كلام قويه عن الاخلاق وين وصلت
حمصه-مبه شي ادخل القوس
خضر-رايح اني ببيت راشد
حمصه-ماشي جهزولنه الاكل لان ميت جوع
خضر-رحت البيت راشد ....دخلت انتظر الشباب وراشد هم جان يتصل عافني ودخل للغرفه تمددت عل قنفه
خذانا الواهس من بعيد
نزف شموعنا لشوفك
مشينا وأيد تشبك أيد
نـناغي الروح بطيوفك
العمر من غير حب شيفيد
لمني بعصرت أكفوفك
ياريحة مسك يا هيل
عذبني ونين الليل
عذبني ونين الليل
شكلك وانت نسمة صيف
شكلك يالذهب شعرك
لاكن ماتحن يا حيف
تصد وتعذب بهجرك
وادلل بالصبر سنتين
خلص صبر الحمل صبرك
ياكحلة جفن كل سمره
ترى الدنيا بطرك عشره
أجيتك من بعد غربه
أجيت بليله كمريه
هذاك أنه نبع صافي
يخايب دغش مابي
أجيت أنفض عتب بالعين
عتب عاشق بحنيه
واكلك هجرك اشسوه
لون ادري فلا اهوى
لو ادري فلا اهوى
اخخخخ هالاغنيه مستحيل ما اسمعهه اذا مو ميمونه تصير كبال عيني ....وهيه ترمش بعيونهه التك وتك ....شكد مشتاق احضنهه حتى مشبعت من حضنج والله ....تالي هذا السافل مدري منين ٢٣يوم تكلي احلى ٢٣
جنت مغمض واسمعهه
راشد-اكلك هيه ميمونه مو عليهه الدو وفتح عينه ........وسكت فتحت عيني مصدوم شدتحجي هيوووووو انت
راشد-لك ....اقصد العده وضحك
خضر-طيح الله حظك على هالدكه ...
راشد-الرجيم مأثر عليه
خضر-لا بس انت ضعفان صدك كل مااريد اكلك انسه
كبل خله ايده على كرشه
راشد-لا بربك ....لا عليك الله صدك ضعفان مبين يعني
خضر-هواي
راشد-لك يا ىبا كلبي راح يوكف من الفرحه بس والله انتم انذال ولا واحد بيكم يكلي ضعفان ومن اسمن عوج حلكه سمنااااااان
خضر-هههه والله شحكتني احسك طفل بجثة جبيره على هاي حركتك
راشد-امشي لك همزين الباب متكدر تدخل منه حتى الحايط يراد نفصله تفصال
خضر-كل الحيطان ادخلهن اله حايط بيتك انت مفصله على طولك شعلي طولي ...وكمت فتحت الثلاجه كلهه فاكهه وجبت وروبه
خضر-اكول ماكو شي ينوكل
راشد-خيرات الله هواي فاكهه وجبت اكو
خضر-عل اقل الخبز وين شو ماكو
راشد-ممنوع دخول الخبز والصمون بالبيت
خضر-انت مسوي رجيم احنه شنو ذنبنه
راشد-اني دوم اصفن من نلتقي تحسسني اني بايعلك البيت انت وشاهين
اندك الباب ...كتله اجاك شاهين
راح فتح الباب سديت الثلاجه جنت جوعان مأكلت هواي ..لان ضايج ...اجه حمصه .... جان تعبان كبل انبطح عل قنفه
خضر-بلله فصلوك وانت توك
حمصه-رهمتهه معليك بس الاكل وين جوعان والله
راشد-اكو جبن واكو زيتون
دار وجهه حمصه ....احد كلك اني سمين لو اريد اضعف
اكله جوعان يكلي جبن
راشد-اجيبلكم زقنبوت دجاجه
حمصه-الخير وما مدت ايده وياريت تمن وياهه
راشد-والله تعذرني البيت هذا طاهر وراح يبقه طاهر طول عمره
حمصه-معقوله كتلك جيب عرك بدون مااشعر
لو كتلك جيب فد كم نفر بنيه واني ماادري ابن المسموطه هنه الردتهن تمنات ...تمنات عمي لو باقي بالجوله احسن منكم
راشد-اختصرلكم الطريق بيتي اي شي بي دهون ويسمن ميدخل الميريد الله ويا
حمصه-صاير شخصيه ومن هالسوالف ويأشر ...ابو ثرب
انت بس دواك شاهين
بقينه شقه وسوالف الحد ما جاب. دجاجه وتمن من بره وكعد ياكل ويسب ب حمصه ميكدر يفقد من يشوف اكل ...كعدنه اني وحمصه ندخن ونسولف سوه وراشد راح للجم
حمصه-والله ضجت على تعينك فرصه ...وانت مكمل سادس تكدر تدخل كليه عسكريه وتصير ضابط
وحتى تربيه رياضيه تدري
خضر-مااكدر مو مناسب الوقت يوم الثلاثاء لازم نسافر
تعرف اني بهذا الوقت كلشي ميهمني غير ميمونه تعيش
حمصه-حتى بعد متزوجت
خضر-حتى بعد متزوجت ....تعرف من اشوفهه تتوجع شيصير بيه ....مااكدر اتنفس وحق الله
حمصه-والله يا خويه الوضعيه فيطيه احسكم مو بالعراق شنو سالفتك طاب طالع عليهه والشيطان ارجع اعقد عليهه وفض السالفه
خضر-شلقضيه ....لك هاي ميمونه ...مو اي مره ...حتى الشيطان يلعب بعقلي اوصخهه
حمصه-بلله بشرفك اذا اني بمكان ميمونه وتمرضت شتسوي
خضر-ارميك كبل وبالفتحه الاولى ادفنك هو اني كوه جارعك وانت صاحي انوب مريض
حمصه-اياااااا خسيس لك انت يمكن راضعك بليس قذر تفووووو
.......................
فلك-بقيت حابسه روحي بالغرفه ابجي ...مختنكه واسمع صوت علي جوه ... اباوع عل ساعه ب١١بليل وكلبي يوجعني ...شلون اعوفك والله مااكدر ...هسه اكوم البس واطلع ...واكوم اطلع نقابي واللبسه وارجع انزعه كلبي جمر علي ....متحملت بعد ...نزلت جانت تشربه ممه ورود توهه خلته بحلكه ....رحت عليهه
فلك-انطيني ابني ارضعه
ورود-سويتله ممه
فلك-انطيني ااابني ارضعه
ورود-هاج فلك بس شوفي نفسج شلون دتتصرفين تره انت الي تخسرين ....دنكت اخذته كبل شبكته وكمت ابوس بي وهو يبجي يريد يرضع كعدت عل قنفه ...وطلعت صدري وكمت ارضعه ميقبل يرضع من صدري ياخذه اول شي ومن يعرف مو ممه يبجي
فلك-ارررضع ...ماكو ممه ...والله اليوم لو صدري لو متاخذ ممه ...واخلي بحلكه ويبجي اخر شي طلع من الغرفه حسين جان نايم
شبي علي وباوع عليه
ورود-تتعارك ويه الطفل اله تريده ياخذ من صدرهه وهو يبجي عل ممه
فلك-بقيت مدنكه على علي ولا باوعتله
حسين-عوفي فلك ...لتشربي لا ممه ولا صدرج هو من يجوع غصباً ماعلي ياخذ صدرج ...
فلك-سمعته من حجه تفاجئت بس بقيت مرفعت راسي
اول مره ...هيج يسوي
ورود-ويبقه يبجي
حسين-عادي متتذكرين زينه من جانت متعوده على ممه وحده ومن هم جنه نسوي هيج
بقه يبجي علي ....واني اهز بي ومااباوع على حسين ....ابد اخر شي كمت اخذته بالاستقبال وكعدت وحدي ...ىكل شويه اطلعله صدري اريده يرضع ياخذ شويه ويبجي الى ان ....نعس وتعب ورضع شويه غصباً ماعلي ....بقيت اباوع علي ودموعي توكع على خده وامسحهن
مااكدر اعوفك والله ...اموت بدونك يا روحي انت وكلشي بالنسبه الي
خليته عل قنفه واسمع حركتهم واصواتهم بره ...الحد ما دخل حسين للاستقبال ...كومي زوج زينه اريد ادخله
كمت بدون مااحجي ولا كلمه .. جانن بالمطبخ ورود وزينه صعدت ابني وصعدت للغرفه مالتي ..
لل١٢هو نايم ولا صعدت ورود ولا حسين ...جنت خايفه كل شويه ينفتح الباب ...الحد ما كام يلوب ...كعدت خليته كبالي عل جربايه وفتحت كماطه ....شفته عاملهه
واني ممصعدتله اغراض
خليتله مخده من الطرفين صح ميتحرك بس اخاف علي
ونزلت لكيت هدوء البيت وحسين كاعد خال رجل على رجل ويكلب بموبايله وباب غرفتهم مطبوك هم
من نزلت مباوعت علي ابد كلت بلكت حفاظه اله بالهول دورت ماكو
فلك-حسين اريد حفاظات علي
رفع راسه .... وباوعلي صفح مو علساس تروحين
فلك-باجر اروح
حسين-متأكده
فلك-علي فوك وحده بلله وكع اريد حفاظه ومااندلهن
حسين-صعديله اني هسه اجيب اغراضه ويه جربايته خوما تنومي بالجربايه وانت حركه بنومج حتى تخنكي
فلك-باوعت علي ابتسمت مكدرت امنع ابتسامتي ...وصعدت بسرعه صدك رأساً صعدهن محجه وياي بس تقرب على علي باسه وكلي مو تنومي يمج خلي بجربايته
فلك-بدلتله حفاظه ومقبل اله ممه اخر شي سويتله ممه واحترمت نفسي ونومته ونمت مرتاحه
..................
خضر-التمينا كلنه جان حمصه نايم تعبان وشاهين بس تأخر علينا الحد ما اجه .... اتصلت علي
الوووووو شلقضيه شاهين وينك
شاهين-سبحت وصليت واخذت استخاره وها أها حركت سيارتي
خضر-استخاره
شاهين-طبعاً ...تعرف انتم كلكم ماارتاحلكم ...لازم استخار رب العالمين
خضر-وشطلعت عاد
شاهين-يعني نص ونص ...بس ها ورايه تمشون كلشي اكوله يمشي بس اني وبس الي يتنفس بيكم اذبحه
خضر -عمي شتكول نمشي بي بس تعال وخلصنه
شويه ودك هورن طلعنه اندحسنه بالسياره راشد كعدنا اليكدام لان اسمن واحد بينا واحنه الاربعه وره
حمصه-شوشه خوما نسيتي النقاب
