رواية ثأر الشيخ مهران الفصل السابع والثلاثون بقلم حوراء
-
إذا وقعت في حُب أحدهم يومًا تَعهّد بينك وبين نفسك أنك مهما ساءت الأمور وأَتعبتك الحياة لن تجعله يشعُر بالسوء تَعهَّد على أن تخبره دائمًا عن حُبّك له وعن كُرهك لفراقه أن تُحدثه عن أسبابك لكل شيء ولأي شيء تَعهَّد ألا تجعله يُغادر وفي صدره كلمات باقية تَعهَّد ألا تُشعره بأنه لم يكن كافيًا أو أن وجوده بجانبك بلا فائدة ألا تجعله يَتهِم نفسه بالتقصير لأنك لا تتحدث وألا تجعله يَتمزق وهو ينظُر إليك ولا يَعرف ما الذي يَتحتم عليه فِعله تَعهَّد دائمًا أن تُشعِره بالأمان فأقصى درجات الحب أن تجعله آمناً مطمئنًا لك .
____________________
ايليا:- جنه كاعدين كلنا من اجانا خبر وفاه ابو نارة الحجيه كالت لازم كلنا نروح ونسوي الواجب لجنته ومنعوفها بهيج يوم ماجانت عندي مشكله صعدت بدلت وجنت جاي البس بالشال ودخل عليه مهران
الشيخ مهران:-اذا تعبانه لاترحين خليج هنا وارتاحي
ايليا بعدم اهتمام :- لا مابيه شي لازم اروح واوكف ويه نارة
الشيخ مهران :-براحتج بويه بس ديري بالج ع نفسج ولاتتعبين رويحتي خوش بويه
ايليا بأستغراب:- رويحتك؟؟
الشيخ مهران:-اي رويحتي وراح تضلين رويحتي لأخر نفس بيه مااريد نفتح هذا الموضوع هسة لان ادري راح ينتهي بتكسير الغرفه وتكسير روحي هم يلا بويه خلصتي خلينه نتوكل حته نوصل من وكت
ايليا:-ماحييت اناقشه اكثر لان صدك بس نضل نحجي بهذا الموضوع راح نتعارك ويوصل صوتنه السابع جار
ك
ملت لبس ونزلت لكيت رياحين ومرح جوة ينتظرنه
رياحين:- والله صعبه عليه شلون راح اكدر اعزيها بوالدها
مرح:- اكلج اني اول مرة اروح لفاتحه حته مااعرف شلون اعزيها لنارة
ايليا:-انتي ماحظرتي فاتحه ابوج ؟
مرح:-لا كضيتها بالمستشفى معلكيلي مغذي كل ايام الفاتحه ونوب من طلعت من المستشفى صارت هاي السالفه مال الولد واتهموني وطفرت منهم
ايليا:-فهمت عليج عادي حبيبتي تتعلمين من ادخلين سلمي على النسوان ومن توصلين لمرته ونارة كولي البقيه بحياتكم وخاتمه الأحزان ان شاء الله تمام ؟
مرح:-تمام فهمت عليج
رياحين:-يلا بنات خلينه نروح للسيارة قبل لايعصب علينه مهران
ايليا،مرح:-تمام
رحنه للسيارة مال مهران جانت امي كاعده وكاعد وياه مهيمن ليكدام صعدت مرح وايليا وماضل الي مكان حجت امي
الحجيه ترفه:-روحي اصعدي ويه فهد يمه
توترت من عرفت راح اصعد وياه لان كل مرة نكون بيها سوة اتذكر شلون شافني بهذاك اليوم المشؤوم تمشيت للسيارة مالته وصعدت ليورة لان نزار كاعد يمه
نزار:-يلا يابه توكل
فهد:-يالله
حرك السيارة وعدل المرايا وضل يباوع منها عليه واني سويت روحي مامنتبه عليه واباوع من الجامه ع الشارع مشه بينه مسافه ساعه ووصلنه للبيت مال اهل ناره نزلت ومشيت ويه ايليا دخلنا للبيت وجان متروس ترس نسوان اني مااعرف زوجه ابوها لنارة بس سألت ايليا عليها
رياحين:-اكلج ايليا وينها زوجه ابوها لنارة ؟
ايليا:-هذيج المرة الي عدها شامه جبيرة فوك خشمها
رياحين:-هاي هية زوجه ابوها ؟؟
ايليا:-اي هية ليش شبيها
رياحين:- مابيها شي بس جنت متخيلتها تشبه فردوس يعني نفس شكلها
ايليا:- لا وين شجاب هاي ع هاي
مرح:-شبيجن واكفات تعالن نسلم شوفن الحجيه شلون تباوع عليجن
ايليا:-اجينه
تقدمنه سلمنه عليها وسألناها ع نارة أشرت بيدها وكالت بحقد
غفران:-هذيج الحيه شوفنها كاعده بالزاوية عمت عيني عليها عود حزنانه ع ابوها وهي من جوة لجوة تلكنهة اكثر وحده فرحت بموته ابوها
ايليا:- باوعت ع المكان الي أشرت عليه وشفت نارة شلون حاضنه رجليها ع صدرها وتبجي درت وجهي عليها وكلت انتي شبيج وياها ماتشوفينها شنو صاير بيها ليش تزيديها عليها بهذا كلامج ها
غفران:-كله تمثيل لاتخليها تضحك عليج بدموع التماسيح مالتها هاي اني اكثر وحده اعرفها واعرف شلون تفكر
ايليا:-مااكول غير الله لايوفقج ويسود حياتج مثل ماسودتي حياه نارة
عفتها ومشيت الها هي رفعت راسها الي وشهكت وكالت بصوت مبحوح بسبب البجي
نارة:-راح ابوي ايليا عافني وراح قبل لااشبع منه راح وهو مامحسسني بطعم الابوة
نزلت لمستواها وحضنتها
ايليا:-الله يرحمه ويجعل مثواه الجنه لاتسوين هيج بروحج نارة حبيبتي لاتنسين انتي مو بوحدج كلنه وياج ونريدج تصيرين قويه علمودج وعلمود طفلج هم
باوعت عليه وكالت بروح باهته
نارة:-كلشي مااريد من هاي الدنيا غير بابا اريده هوة وبس
ايليا:- لازم تتقبلين الحقيقه ابوج مات ومانكدر نرجعه بعد
نارة بصياح:-باباااااا ارجعععع عليككك الله احلفكك بروحح اميي ارجع لاتيتمني مرتين بويه ارجع بنيتك تعبانه تعال أخذها لحضنك وخفف عليها تعبها
سحبتها لحضني وهي مستمرة تبجي وتصرخ ورة فترة صاح واحد من الولد راح ندخله حته تودعه مرته وبناته هي سمعت هيج ووكفت ع حيلها دخلو التابوت وهي شمرت روحها عليه فتحته وشالت الغطه من وجهة تمسح ع وجه ابوها وتحجي
نارة:-كوم حبيبي ليش نايم هاي النومه مو الك كوم ارجع بس شويه احضنك واشبع روحي من ريحتك بويه لحد هسة مامستوعبه خسرت امي لاتزودها عليه بخسارتك والله مو قويه اني واتحمل فراقك كوم يلا انطيك من عمري بس كوم انته
بلكوه سحبوها من التابوت طلعو وهي ركضت وراهم طلعت وراها رياحين ومرح جابنها لان اني رجليه ماتن ماكدرت اتحرك مدري ليش من شفت ابوها شلون نايم بالتابوت تخيلته مهران !!! هم يجي يوم واخسر مهران طردت هاي الأفكار من راسي وكمت يم نارة ضلينا يمها طول ايام الفاتحه نارة حالتها كلش تعبانه حته اكل ماتاكل ووجها صار اصفر كلنا حجينه وياها حته تاكل بس ماكو فايده ماضل عدنه حل غير اندز ع ادم وهو يحاول وياها صدك اجه ودخل للغرفة وطلع بعد مدة صاح ع رياحين
رياحين:-ها خويه ؟؟
ادم:- حبيبتي بلا زحمه عليج سوي صينيه مال اكل لنارة
رياحين:-تمام خويه هسة اسويها واجيبها الها
ادم:منتظرج
بعد مادزو عليه وكالو نارة حالتها سيئه وماتاكل دخلت الها وهاي اول مرة اشوفها بعد وفاه ابوها وجها الحلو وضحكتها الحلوة الي جانت متغيب عن وجها مختفيه منظرها جان يكسر باب الكلب تقدمت عليها وحجيت بصوت هادئ
ادم:- ناري شلونج حبيبتي
رفعت راسها عليه وعيونها مليانه دموع
نارة بأنكسار:- راح ابوي وسندي محد بقالي بهاي الدنيا ابوي كسرني بروحته
ادم بحنيه :-اني موجود اصيرلج سند اسندج وترجعين توكفين من جديد
نارة بدموع :-مااكدر ابوي اخذ حيلي وياه وراح
ادم وهو يحضنها لصدرة :-انطيج من حيلي انتي بس ذبي حملج عليه واني اشيلج بروحي
نارة وهي تدفن راسها بصدرة :-راح تتعب وياي حيل
ادم وهو يمسح ع راسها بخفه :-يامحلى التعب اذا اجه منج سمعت من الجماعه انتي ماجاي تاكلين
نارة بتبرير:-مااشتهي العسل والله
ادم بتفهم :-حته لو بس لكمه وحده حته تسندين روحج بيها وترجعلج عافيتج لاتنسين انتي وياج روح ثانيه تريد اكل هم يعني اذا انتي متردين ابنه شنو ذنبه يضل جوعان هاا
نارة وهي تبتعد عن صدرة :- لاتخاف هسة اكلي اي شي ماراح يضل ابنك جوعان
ادم رجعها وحضنها بقوة :- مو بس علمود ابني لاا علمودج انتي هم واريدج تعرفين شي انتي اهم عندي من ابني خوش
نارة :-هزيت رأسي بأيجاب
ادم :-وهسة راح احاجي رياحين تسويلج صينيه وتجيبها هنا حته ناكل سوة تمام
نارة:-تمام ، ادري بيه حيل خايف عليه ويريد ياكل وياي حته يتأكد اذا اكلت لو لا راح شويه ورجع وكال
ادم:-حاجيت رياحين هسة تكملها وتجيبها
نارة:-منو موجود برة يم محمود ؟
ادم:-الشيخ ونزار ومهيمن وفهد واكو هم صحبانه موجودين هسة بس يصبون الغده ونوب يشيلون الجادر
نارة:-صارله سبعه ايام من توفه ماجاي اكدر اصدك هو راح وعافنه
ادم:-الموت حق وكلنا راح نموت لازم تترحمين عليه وتقرين اله قرأن لان هذا الشي الوحيد الي راح يفيده هذا البجي والي جاي تسوينه بروحج يأذيه حيل
نارة وهي تشهك بدموعها:- مااكدر والله كلما يجي ع بالي اضل ابجي مااكدر الزم نفسي هذا ابوي شلون ماتريدني ابجي عليه
ادم:- حقج والله كلشي تسوينه وياج الحق ومحد يكدر يلومج بس ياحبيبتي انتي من تبجين تأذينه هو بكبرة مايرتاح اذا انتي هيج مأذيه نفسج عليه
نارة:- يعني هو يتأذى من يشوفني متأذيه؟؟
ادم:اكيدد جا شلون غير اب هو ومايحب يشوف بنته متأذيه
نارة:-اي صحيح هو ميقبل اضوج
ادم:- جا ماطول تدرين بيه هيج يحبج ويزعل ع زعلج ليش تزعلينه منج
نارة:- لا وعد ماازعل حته هو ميزعل
ادم:-عفيه عليج
اندك الباب ودخلت رياحين وبيدها الصينيه مال الاكل حطتها كدامنه وكالت
رياحين:-محتاج شي خويه
ادم:-لا حبيبتي سلامتج
طلعت رياحين وهو قدم الصينيه عليه وكال
ادم:-اني اليوم اوكلج بيدي بعد شتردين
كام يشيل بالخاشوكه ويحط بحلكي من ثاني خاشوكه شبعت لان مالي نفس بس هو ضغط عليه وخلاني اكل نص الماعون
نارة:- كافي ادم والله شبعت شوف اكلت نص الماعون
ادم:-ترة لازم تاكلين الصينيه كلها لان انتي صارلج اسبوع مماكله شي
نارة:- اعرف بس مالي نفس بالأكل
ادم:-يلا مو مشكله اهم شي اكلتي والعافيه تداريج كم وترجعين تاكلين طبيعي
نارة:-ان شاء الله
كام راد يطلع حجيت بخفوت
نارة:-راح تروح وتعوفني ، بهاي اللحظه حيل احتاجيته واحتاجيت وكفته وياي اريد يمي حته استمد منه القوة حته اكدر أتجاوز هاي المصيبه
ادم:-زحمه من الناس البرة والنسوان هم يردن يطبن عيب
نارة:-ابقى شويه ونوب روح
ادم:- تأمرين أمر
اجه كعد يمي وسحبني لحضنه ودخل اصابعه بين شعري يلعب بيه حركاته خلني انعس مااحس اله واني غافيه بحضنه
ادم :- حسيت بيها ثكلت أنفاسها عرفتها نامت الله يعلم صارلها شكد مانايمه صعبه فقدان الاب محد يكدر يتحمل هاي المصيبه واعرف بيها شكد حساسه وتحبه لأبوها ع الرغم من كلشي سواه وياها مااكول غير الله يرحمك ياعمي ماعندك شي زين مسويه بهاي الدنيا غير بنتك نارة سحبت مخده وحطيت راسها عليها وغطيتها وطلعت تقابلت وياي رياحين
رياحين:-راح تروح ؟
ادم:-اي باعي نارة نامت بس مو تعوفيها كلساع وروحي اطمني عليها خوش بعد اخوج مااوصيج
رياحين:- لاتخلي بالك اني موجوده وادير بالي عليها
ادم:-اكلج مرة الشيخ وين ماشفتها وامي هم ماكو
رياحين:-غير مرح صارلها يومين مصخنه ونايمه بالفراش وايليا يمها تباريها واني كاعده بالاستقبال يم النسوان واني ضاله بين مرتك ومرح
ادم:-بستها من راسها ماتقصرين خويه ماعدنه احد نعتمد عليه غيرج ريحانته الحلوة
رياحين:-كافي تصبيغ
ادم:-هههه يلا حبيبتي اني اروح ديري بالج عليهن تمام
رياحين:-تمام حبيبي
طلعت يم الزلم ورحت كعدت يم مهيمن
مهيمن:-هاا ولك وين غطيت
نزار:-عوفه هذا مثل شلش يغط يغط ونوب يطلع بمصيبه جديده
ادم:-انجب نزار مو وكت شقاك
نزار:-هسة اني شحاجي والله يالله
مهيمن:-اكلك نزار كوم صب جاي للناس عيب صارلهم هواي كاعدين
نزار:-خو كول كوم اريد احجي ويه ادم شني مسوي روحك لوتي انته
مهيمن:-رحم الله والديك مأطول تدري بيها هيج ليش ماتكوم
نزار:-كايم ماميت ع الكعده وياكم
كام نزار وحجه مهيمن وجان مبين متوتر
مهيمن:-شلونهم الجماعه
ادم:-جماعتك لو جماعتي ؟
مهيمن:- جماعتك الله يصبرهم بس الله يدري بحالهم اني اسألك ع جماعتي
ادم:-مريض
مهيمن بصدمه:-لا بربك
ادم:-وحق ربك هسة حجيت ويه رياحين وكالت مصخنه صارلها يومين
مهيمن:-جا ليش ماحجت حته ناخذها للمستشفى
ادم:-ماادري خويه انته اتصل بيهم واسأل
مهيمن:- خوش ، كمت رحت لمهران وصحته وطلعنا برة
الشيخ مهران:-شبيك طلعتني هيج من يم الناس هاا
مهيمن:-خابر ع مرتك خليني احجي ويه مرتي
الشيخ مهران:-وبطتنا بطت بطن بطتكم ليش ماتخابر انته ؟
مهيمن:-ماانطيتها الموبايل نسيته ورقم مرتك مو عندي شلون اخابر
الشيخ مهران:-ابتليت بيك انته مخلفك وناسيك اني
مهيمن:-بداعت الخوه فضها خلينه نحجي وياهم
الشيخ مهران:-اصبر خليني اطلع الموبايل
طلع مهران موبايله واتصل ع مرته
ايليا:-كاعده يم مرح الي صارلها يومين مصخنه وتكعد بالليل تبجي تريد ابوها الحجيه تكول هاي هسة يلا استوعبت وفهمت شنو معنى الي يموت ابوها دك موبايلي وشفته الشيخ رديت عليه بسرعه لان حسيت نفسي اشتاقيت اله بهاي الفترة اول مرة افترق عليه تعودت خلال هاي الفترة ع صوته وحركته بالبيت
الشيخ مهران:-السلام عليكم بويه
ايليا:-وعليكم السلام شيخ
الشيخ مهران:- فدوة يروحلج الشيخ والله
مهيمن :-ضربته ع جتفه وكت رومانسيات هية
الشيخ مهران:-انجب غير اسأل ع مرتي لو شلون
مهيمن :-فضها بسرعه
الشيخ مهران:-لا والله اذا ماتريد عادي مااحجي وياها
مهيمن :-اي والله تسوي فضل
الشيخ مهران:-انجب لك خليني اكمل
مهيمن :-كمل يلا
ايليا:-ألوو مهران انته ويايه
الشيخ مهران :-اي بويه وياج شلونج شلون صحتج
ايليا:-زينه الحمدلله
الشيخ مهران:-اني هم زين مابيه شي
مهيمن بأستنكار:ماسألتك هية
الشيخ مهران :-حاجي وياك اني
مهيمن :-لاا وراح انجب قبل لاتكولها
الشيخ مهران:-عفيه عليك ،يابه هذا يريد يحجي ويه مرته كتلني
ايليا:-منو؟
الشيخ مهران:-مهيمن
ايليا:-ترة مرح كلش مصخنه ونايمه ماتكدر تحجي وياه
الشيخ مهران:-البت مريضه وماتكدر تحجي
مهيمن :-ناخذها للمستشفى
الشيخ مهران:-شرياني يكول مهيمن ناخذها للمستشفى
ايليا:-اي والله هم احسن بالمستشفى ع الاقل يعرفون شلون يهتمون بيها
الشيخ مهران :- تكول بعد احسن
مهيمن :-جا خوش خليها تحضرها بين مااجيب السيارة واجي
الشيخ مهران :-شرياني حضريها بسرعه هسة شويه ويجي عليها مهيمن ياخذها ترحين وياها
ايليا:-مااعتقد اكدر
الشيخ مهران:-ليش شبيج
ايليا:-ضهري يوجعني البارحه غسلنه هواي مواعين اني ورياحين
الشيخ مهران:-جا كومي خلينه ناخذج تشوفج دكتورة خاف صاير بيج شي
ايليا:- لا مابيه شي الحجيه تكول هذا بسبب التعب ارتاحي شويه وهو يروح
الشيخ مهران بحنيه :-اذا زاد الوجع خابري عليه حته اخذج للدكتورة مفهوم
ايليا:-تمام ، راح احاجي رياحين حته تبدل وتروح وياها تمام
الشيخ مهران:-خوش حجي يلا خليها تستعجل
ايليا:-تمام يلا باي
الشيخ مهران:-بحفظ الرحمن شرياني
سديته منه وابتسامه عريضه مرسومه ع وجهي رحت لرياحين
ايليا:-تعالي رياحين
رياحين:-خير شكو
ايليا:-تعاي بدلي حته ترحين للمستشفى ويه مرح ومهيمن
رياحين:-عزه لهدرجه تعبانه
ايليا:-اي والله حيل تعبانه يلا تعاي حته لاتتأخرين عليهم
رياحين:- جايه ، بدلت وحضرت نفسي وحضرت مرح هم وضلينه ننتظر مهيمن يم الباب مال المطبخ شويه واجاني صوته وهو يكول
مهيمن :- وينج رياحين
رياحين :-هنا خويه منتظرتك
مهيمن :-ادخل محد موجود ؟
رياحين:-تفضل خويه
دخل مهيمن مجرد ماشاف حاله مرح سحبها لحضنه وباسها براسهة نسه وجودي وصار يحجي وياها بحنيه ويمسح ع راسها الي مخليته ع صدره
مهيمن بحنيه :- شبيج يابعد العافيه وأهلها هاا بلا رفعي راسج اشوف عيونج يابعد عيوني
رفع راسها وضل يتأمل بوجها بأسها براسها واخذ ايدها وطلع واني طلعت وراهم وصلنه للسيارة وشفت فهد كاعد ليكدام صعدنه اني ومرح ليورة وهو راح يسوق
مهيمن :- خرب حظي هسة اني احير بيمن احير بيك لو بيها هاا
فهد:-لاتكبر الموضوع مهيمن هو جرح صغير
مهيمن:-دكلخ*** حيوان متشوف الجرح شكبره وبعده لحد هسة ينزف
رياحين والخوف ع فهد مبين بصوتها :- بيمن انجرحت
مهيمن:الاثول جان يكصص لحم ويه الطباخ وطبر ايده الحمدلله ماطارن اصابيعه
رياحين :-عزه فهد غير تنتبه شبيك وين جان بالك وانته تكصص
فهد بهمس :- يمج
ضربه مهيمن ع رجله لان سمعه شنو كال وحجه بغضب من تصرفات اخوه
مهيمن:-اثول خويه اثول
فهد:-رحم الله والديك خويه
مهيمن:-فهد اسكت عني لااطلع ضيم كلبي بيك
فهد:-هههه حته تحس بيه وشنو شعوري من شفتها مريضه
مهيمن وهو فهم شنو يقصد اخوه :-حسيت خويه حسيت بيها
رياحين:- اني مرح مثل الأطرش بالزفه مامفتهمين شي من حجيهم وصلنه للمستشفى ومهيمن اخذ مرح ونزل واني ضليت امشي ويه فهد كعدنه يم الاستعلامات وهو لاف ايده فرك ايدي بتوتر وحجيت بصوت ناصي اخاف يفشلني
رياحين:-تعال خليني اخذك يخيطون جرحك لان الدم بعده ماوكف
فهد:- مابيها شي هسة ينكطع
رياحين:-فهد حباب اسمع الكلام لخاطري شبيك
فهد يتأفأف :- لخاطرج بس
رياحين:-يلا تعال ، لزمته بدون وعي مني من ايده الثانيه ودخلنه للطوارئ اجت علينه ممرضه وبدت تخيط بالجرح اكيد خدرت مكان الجرح اول شي هي تخيط بالجرح واني احس روحي جاي تطلع ويه طلعه الابره اخر شي عطت مااستحملت الموقف
رياحين:علكيفج وياه ليش هيج تخيطين بسرعه
ضحكت الممرضه وكالت :- يبدو المدام حيل تخاف عليك
فهد:- شويه حساسه متحب تشوفني بهيج وضع
الممرضه :- الله يخليكم لبعض
فهد وعيونه ع رياحين الي وجهت صار احمر من الفشله
:- تسلمين يابه
الممرضه :-خلصت الحمدلله ع سلامتك وحاول تنتبه المرة الجايه لولا ستر الله جان انكطعن أصابعك كلهم
فهد:- ان شاء الله
طلعنه رجعنه لنفس المكان شويه واجه مهيمن وهو ساند مرح الي بلكوه تمشي باوع ع فهد ونوب باوع ع ايده وكال
مهيمن:-شعجب رحت داويتها بدون لاتشلع كلبي
رياحين:- شلع كلبي يلا قبل يروح
مهيمن:- هاي لو اني محاجيه جان كال شبيك مكبر الموضوع عبالك مضروب طلقه وهيج تسوي وياي
رياحين:-ههه صدك الله يعينك عليه شكد عنودي وراسه يابس
مهيمن:- بعد انتي موجوده واكدر اعتمد عليج راح تجيبنه للطريق
رياحين بعدم فهم:- ياطريق؟
فهد:-ماكو شي هذا يمسلت
رياحين:- تمام لعد خلينه نروح تعبت
مهيمن:-خابرني مهران كال أخذهم للبيت لان هم ع الطريق راجعين هم
رياحين:-ونارة موجوده وياهم هم ؟
مهيمن:-اي موجوده
رياحين:- تمام
فهد:-يلا مهيمن امشينه
مهيمن :-يلا يابه
رياحين :-صعدنه للسيارة ومرح حطت راسها ع جتفي ونامت الطريق كله مهيمن كلساع يدير وجه علينه ويسأل شلون صارت ، كعدت لو بعدهي نايمه
فهد:-اكلك خويه تعال اكعد بمكاني خليني اني اسوق ابدالك
مهيمن:- ليش ؟
فهد:- لان راح نسوي حادث من وراك كلساع داير وجهك ليورة
مهيمن:- هاي وصلنه شبيك خايف لهاي الدرجه
فهد:- ماخايف ع روحي ويانه امانه لازم نرجعها لأهلها سالمه صح لو اني غلطان
مهيمن:-حشاك حبيبي من الغلط
رياحين:- خلص الطريق ووصلنه للبيت ماكدرت اتحرك لان مرح بعدهي نايمه ع جتفي فتح مهيمن الباب وشالها ودخلها للبيت مالتنه واني نزلت وراهم فهد فتحله الباب ودخلها لغرفه امي سحبت الكرسي الموجود بالمطبخ وكعدت اخذت نفس وكلت
:- واخير رجعت للبيت ماكو احلى من بيت الإنسان الي يرتاح بيه
فهد:- لهدرجه تعبانه من الفاتحه
رياحين:-مااجذب عليك اول مره احضر هيج فاتحه واضل بيها هلكد حيل تعبت ممتعوده ع هلكد شغل
فهد:- جا كومي اسبحي ونامي اكيد راح ترتاحين
رياحين:- وهو هيج راح اسوي
صعدت فوك ومريت من يم غرفه ادم حته اروح لغرفتي بس سمعت صوت نارة شلون تبجي غمضت عيوني ودعيت الها ربي يصبرها كملت طريقي ودخلت للغرفة مالتي سبحت وطلعت مشطت وشمرت روحي ع الفراش ونمت
ايليا :- من بعد ماراحت رياحين ومرح للمستشفى اتصل بيه مهران رديت عليه
الشيخ مهران:- بويه حضرو روحكم بعد شويه نطلع نرجع للبيت مالتنه
ايليا:- ليش ؟
الشيخ مهران:-صارت عندي شغله والفاتحه اصلا خلصت واليوم السابع وهم خلص خلي اهل البيت يرتاحون شويه زحمه صارلنه هواي هنا
ايليا:-زين نارة تجي ويانه هم ؟
الشيخ مهران:-اي اكيد تجي خطيه تلكيها حيل تعبانه ع الاقل تروح للبيت هناك ترتاح اكثر
ايليا:- هم صح هنا ابد ماجاي تنام كلما تريد تنام تجي وحده تنعي وتخليها ادك وتلطم
الشيخ مهران:-الله يساعدها بويه خسرت ابوها هذا شي مو سهل ابد ولا اي واحد يكدر يتحمله
ايليا سكتت لان عرفت بيه تذكر وفاه ابوه نهيت الاتصال وكمت لميت الملابس والاغراض ملاتنه ورحت حاجيت نارة حته تحضر نفسها طلعت للمطبخ حته اشرب مي وقبل لاادخل سمعت غفران تحجي ويه وحده من أخواتها وتكول
غفران:-لزكو صارلهم سبعه ايام شكو باقين لخاطر الله اني ماعاولت اخلص من بنته تجي انوب هي وحمواتها للبيت مالتي ماكلات شاربات ع حسابي
اختها:-حقج خيه ناس ماعدها احساس شتحجين وياهم
دخلت للمطبخ وحجيت وياها بعصبيه :- اكلج انتي هي ع منو جاي تحجين هاا فوك مااجينه وكفنه وياكم بمصيبتكم هيج تحجون علينه بضهرنه والله عيب عليكم وبعدين تعاي منين متكلين ع حسابج هاا شحال لو ما الشيخ هو الي تكفل بالفاتحه كلها وهو الي وكف بيها حته اكثر من اهلج هاا
من حجيت هيج وجها صار اصفر وحاولت تبرر بس اني سكتتها وطلعت من المطبخ خابرت عليه من اول رنه رد عليه
الشيخ مهران:-هاا شرياني
ايليا بعصبيه :- والله اذا ماتجي هسة تاخذني اله امسح البيت بغفران
الشيخ مهران:- شبيج بويه شصاير ؟
ايليا:-اكلك تعال اخذني وعود بعدين اكلك شصار
الشيخ مهران:-اني ماعندي شي منتظركم
ايليا:- واحنه هم ماعدنه شي هسة نطلعلك
الشيخ مهران:- خوش منتظرتكم
رحت صحت الحجيه وأخذت نارة بيدي وطلعنا حته ماسلمت عليها هاي الحيوانه صعدنه لليورة اني ونارة شويه واجت الحجيه وصعدت ليكدام
الحجيه ترفه:- لج الرعنه شلون اطلعين بدوم لاتسلمين ع المرة هاا
ايليا:- خليها تولي ماتستاهل اسلم عليها الحيه
الحجيه ترفه:- راضي بحجي مرتك ياشيخ
الشيخ مهران:-مرتي ماتسوي هيج اذا ما هاي المرة مسويه وياها شي مو زين صح مرتي
ايليا:-صحيح والله
الحجيه ترفه:- جا اني مااعتب ع مرتك كونك انته تحجي هيج
الشيخ مهران:- لاتخليها ابالج حجيه صغيرة لاتكبريها
الحجيه ترفه:- والله مااعرف شكول بس الله يطيح حض الوكت اي والله
حجتها وهي ما ماراضيه ع تصرفي ولا راضيه ع حجي مهران سكتنه ومشه مهران وورانا سياره ادم وياه نزار وصلنه للبيت وكل واحد راح لغرفته عدا الشيخ الي نزل يحجي بالموبايل اني دخلت للحمام سبحت وطلعت كعدت كدام المرايه وبديت امشط بشعري واجه ابالي تابوت ابو نارة مدري ليش تخيلته مهران مجرد ماتخيلته وكعن دموعي وينزلن عشرة عشرة حاولت اهدي روحي بس مااكدرت دخل مهران واني ع هاي الحاله انصدم من شافني ابجي تقرب عليه ومسح ع شعري بحنيه وكال
الشيخ مهران:- ليش تبجين شرياني هاا
ايليا بشهكه :- اريد اطلب منك طلب بمجرد مانطلع من هذا الباب راح تنسى الي صار بيناتنه ممكن ؟
الشيخ مهران:يجرالج شرياني
كمت وتقدمت عليه وحضنته همست يم اذنه بضعف :- احضني بقوة حباب
بمجرد كلت هيج طوقني بأديه وحضني بقوه لدرجه كمنه نتفس نفس الهوة عطره خدرني غمضت عيوني مرتاحه لأول مرة بعد ثلاث اشهر رجعت ليورة لأول يوم نمت بيه ع صدرة نفس الاحساس الي حسيت بيه بهذنيج الايام حسيت بيه يمشي بيه للجربايه رفع الغطه ونمنه سوه باحضان بعض
