رواية بديلة اختي الفصل الثامن والثلاثون بقلم خاتون الكعبي
تذكير
طيف بعصبية مكتومه : وخرر اريد انززل
نسر : هاي اشلابسه
طيف : اباوعله اعيونها صارت دمم ع شنو معرف بده يتقرب مني واني ابلعم بريكي بخوف احس رجليه اصنمن بمكانهن اريد ابعد اوخر منه ماكو فايده الحد محسيت بنفاسه الحاره مواجهة الوجهي غمضت اعيوني برجفه من لمست ارنب خشمه ع خدي احسه مثل اليشتمه فكلت ( فقلت) نظرات اعيونه وهوة ينزل براسه ع طول ركبتي دك ناقوس الخطر عندي وانه اشوف اشفايفه صارت قريبه ع اشفايفه وعيونه مواجهة لعيوني دفعته برجفه عصبيه معرف خوف من صدره بس ماكو فايده عبالك جبل واكف كدامي ابتسم بمكر وهوة ايحاوط ادي ع خصري ويقربني علي اكثر رفعت راسي علي بسبب فارق اطول بينه باوعتله بنظرات حاده احاول بيها اغطي ع الخوف ورجفه البداخلي رفعلي حواجبه بستفزاز وهوة يحرك ارنب خشمه ع خشمي ويكول بمكر واضح
نسر : والله انج مهرة اصيله بس يرادلج اشويه ترويض
طيف برود مستفز : واكيد مو انته الخيال الحتروضها يلة شيخ اترخص اظن عيب بحقك وبحقي هالوكفه كد.. فتحت اعيوني ع وسعهن وانه احس بشفايفي صارت بين اسنانه جررهن بكل وحشيه كمت ادفع واضرب بصدره بهستيرية رغم هيج ما اهتم نبت اصابعه بخصري وهوا ايجرني علي اكثر غمضت اعيوني بوجع وانه احس بشي حار نزل ع خدي عرفتهن ادموعي خانني ونزلن كدامه مفتحت اعيوني رافضه ايشوف ضعفي ودموعي انيت بووجعع قووي وانه احس بشفافتي الجووه تنجرر بسنانه بقوا رغم هالشي مفتحت الحد مفصل اشايفه عن اشفايفي وهوة يتلمس بوجناتي ويمسح الدموع عنهن لزمت فستاني مستمده منه قوتي وانه احس برطوبت اشفايفه صارت ع جفن عيني باسهة وحول ع ثانيه طبع اشفايفه عليها ورجع خصلات شعري المتناثره جوا الشال وهوة يبوس براسي دفعته عني بقوا ونزلت جوا بسرعة دخلت للمطبخ وانه امسح بدموعي وشفايفي دخلت بت عمي رقيه وراي باوعتلي بشك ع حقد بنفس الوكت معرف ع شنو مهتميتلهة مناقصة مشاكلهن رحت الناحية السنك غسلت ورجعت طلعت للصاله كعدت بصف امي الستلمتني تحقيق وين جنتي وليش اتأخرتي وليش وجهج احمر وجدتي تباوعلي وساكته مثل التعرف بحفيدهة المصون اسوه بيه تجيت راسي ع جتف امي غمضت اعيوني احاول اتناسى كول يلي صار قربت عليها اكثر احاول استمد القوا والأمان منها وفعلاً نجحت بهالشي فتحت اعيوني مبتسمه وانه اشوف رهام وابراهيم كدامي طالعين ثنائي حلو ربي يحفظهم و....
_______________
اوتار
محمد : احبج وريدج بقربي اعرف هالشي جديد او غريب عليج لهيج اكلج خل انقدم موضوع زواجنه وبهيج نكدو نتقرب من بعض اكثر تتعلمين عليه وتتعلمين اطباعي واتعود عليج
اوتار بقهر واضح من اعيونها : اشغيرك
محمد ؛ شنو
اوتار بعبره : مو جنت تكول ما احبج ومستحيل احبج مو كلت احبها مو كلت مستحيل كلبي ايصير الج او ا.. قاطعها وهوة يلتهب اشفايفهة بلهفة واضحه لزم وجناتهة بدي مقربهة علي اكثر ماخذ حيز اكبر منها خلاهة هالشي بحركه لا اردين تحرك شفتهة الجوا وتبادله بعدم خبرة هالشي خلا يفقد اخر ذرة صبر جانت باقيه عندة تجاهة بدالهة بشكل اقوة واعنف من قبل مفصل اشفايفه عنها الحد محس بيها اختنكت باوع بعيونها بفرحا واضحه من نظراتهة وهوة ايكول
محمد : انتي الغيرتيني وخليتيني ارجع مثل المراهق وياج ثقي شعوري تجاهة مجان اله شعور اعجاب عرفت معنى الحب وياج انتي الوحيدة الكدرتي اتحسسيني بهالشعور انتي اول وأخر حب بحياتي
اوتار : ضليت بس ارمش بعيوني من كلامه الي طيرني السابع سما وايدي التتحرك ع وجناتي بشكل عشوائي حسيت وجهي كب نار من الخجل مكدريت ارد علي او احجي شي غير بكلمه.. نعست اباوعله ضحك من كل كلبه وهوا ايكول
محمد : هههههه روحي بوية روحي شكلج فعلاً نعستي
اوتار : باوعتلة بغيض ع خجل وكبل طفرت الغرفتي احس اخدودي جمراً من الخجل والأحراج نسيت ابو المتحان من وراه ضليت الليل بطوله اتحرك بمكاني وكلامه يتردد براسي وكل ما اريد اغمض اعيوني يجي طيفه ع بالي لو شكد ما احجي ع الشعور الدا احسبي هسة مكدر اوصفها شعور حلوو خوف ع رهبة ع خجل وشغف ولهفة بنفس الوقت ضليت ع هالحال الحد الفجر يلة كدرت تغمضلي عين وانام و...
_______________
مرسلين
زهراء ؛ خابرته وبصعوبه يلة اقتنع بس ايكول لا تلعب بشعرها وقبل المغرب كون احنه بالبيت
ام مرسلين : خوش لعد كومن بدلن بين ما احجي ويا اخوج ياخذنه
مرسلين : ماشي كلت هيج وصعدت فوك بدلت ولفيت شالي ونزلت بسرعة شافتني زهراء وهية تلبس بحذاء علوش شالته وكالت شاهين ما يقبل بلا عبا كتلهة محسن حيوصلنه يعني ماكو داعي العبا محجت شي بس مبين معجبهة الموضوع هم مالومها لأن اعرف لو شاهين عرف بيه طالعة بلا عبا حيذب الوم بيها اجتي امي وكالت يلة محسن منتطرنه برة سئلتهة ع وسن وهدى كالت هدى بغرفتهة معتكفه وسن تعبانه من الحمل ومتكدر تروح الله ايكومها بسلامه كلت هيج واني اشيل بنونه واطلع وره زهراء ركبت امي بصدر واني وزهراء وره قربت عليه زهراء وهية تهمس ليش مبقيتيه يم امها كتلهة تعبانه واكيد مبيهة حيل تكوم اداريهة ابتسمت وهية تهز راسها بتفهم وسكتت واني هم اول شي ودانه اخوي المجمع نسائي يم محلاتهم ضليت اكلب بالملابس بملل معجبني شي الحد مشوفتني زهراء فستان لون اوڤ وايت قصير وضيق عقدت حاجبي بأستغراب واني اكول
مرسلين : المن تردي
زهراء : الأبوي بلة هذة سؤال المن غير الج
مرسلين : هههه صدوك تحجين قابل حنة بنات حتة البس هيج
زهراء : ليش شكو بيها يخبل اشو بس بنات قابل حطلعين بي كدام الزلم
مرسلين ؛ حتى لو هم اشوفه مو مناسب واني ما احب البس هيج
زهراء : هوا لأن متحبين حناخذه غيري شبيج باقيه ع موديل جدتي
مرسلين : لا زهراء حتى لو بس مو هالقصر اباوعلهة هزت راسها بيأس وضلت تتلفت بعيونها حولين المحل الحد مشالت فستان طويل اسود ارداناته تول باوعتلهة بسخرية وكلت ...عود صدوك تحجين
زهراء ؛ شبي اشو طويل ويخبل لونه
مرسلين : وجاكته الواصله للفخذ
زهراء : دخذي قيسي وانجبي
مرسلين : ما لو اموت كلت هيج واني احرك بجتافي بعناد باوعتلي بتعب وصاحت ماما شوفتهة الفستان وماما غمتني عود حلو ضليت معاندة الحد ما اخذلي قياسي بدون حتى ما اجربه وعاملن علي واشترنه ضليت واكفه بمكاني مطنكرة علمين بعد مطلعيني وياهن اذا هنا يختارن بدالي ميكللي احجي وادردم بكلبي وهنا واكفات يشترلهن وبعد عناء اكثر من ساعه يلة خلصنه رحنه وراها للصالون كال اخوي بس اتخلصن دنك عليه اجيجن كلتله امي خوش ودخلنه للصالون الحمد لله جان فارغ مبي اهواي نسوان اجت ابنيه حلوة مبينة بالعشرين وسئلت شنو اريد انسوي كلتلهة زهراء حفت وصبغ ودارت عليه وسئلتني اذا نفس اشي او لا كتلهة نفس الشي اباوع ع زهراء وامي خزرني واول مراحت البنيه كالتلي زهراء ميقبل اتلعبين بشعرج ويحكلب الأمه عليج وماما هم مقبلت بس عاندت ودكيت رجل اله ادك الحد مكالت ماما الزهراء
ام مرسلين : طبهة مرض خليهة هية الحتاكلهة
مرسلين : ابتسمت ع حجي امي واني ابوس نونه واحطها بحظنها وجابت البنيه مثل الأبوم معرف ايش مال صبغات من العرس جان بنفسي اصبغ ثلجي بس بسبب الضروف المريت بيها عفتهن هنا يختاراً بس هسة لا اني اختاريت ابتسمت ام الصالون وهية تكول حيطلع عليج يخبل وانتي بيضة باوعت الزهراء بتردد محجت شي كلتلي معلية انتي تتحملين المسؤلية محجيت شي غمضت اعيوني ورجعت راسي ع كرسي صبغتلي شعري اول شي وبين منشف الصبغ بدت بوجهي حفلتي ياه وسوتلي تنضيف بشره ومساج بحيث باوعت بالمرايه مستغربة نفسي بس بعدني متوترة ع شعري خايفة ميضبط الون او يحترك الحد مغسلتلي يا ارتاحيت اشويه وهدئت لمن شفت زهراء وامي ارسمت ع وجوهن ملامح الأعجاب والأنبهار شفت نفسي بالمرايه وابتسمت واني احرك بشعري ضليت بس ارمش بعيوني فعلاً حلو طلع عليه ولون البالي واحلى اجت ام الصالون جففتلي شعري وهية تكول مو كتلج حيطلع عليج حلوو ابتسمت بوجه واني اهمس..فعلاً حلو عاشت ايدج وباوعت الزهراء بعد مغسلة شعرها من الصبغة طالعة اجنن بشعر عسلي ع اشقر وهية هم مقاصرة دكت امي ع محسن لمن شافتنه خلصنه اقل من عشر دقايق واجانه محسن طلعناله شافنة وابتسم ضل طول الطريق ايشاقينه ويضحك اول موصلنه للبيت شمرت روحي ع كرويته بتعب احس رجليه اتكسراً من الفر مع انو ممشينه اهوي بس يمكن لأن صارلي اهواي من طالعة لليل اجتني زهراء وهية تكول
زهراء: بلة البسي فستانج خل انشوفه ما كدرتي بالمجمع
مرسلين بتعب : ولا بيه حيل خليها ع باجر
زهراء بأصرار : دكومي لبسي شبيج متعاجزة من روحج
مرسلين : باوعتلهة بتك عين من النعس وكمت جريته من الكنتور بعدة بعلاكته ودخلت للحمام لبسته وطلعت شافتني زهراء وكالت
زهراء بنبهار : لجج طالع عليج قالب يخبلل
مرسين بنزعاج : معرف احس بي ضيق حيل
زهراء : غير انتي مرضيتي اجربي بس مع ذالك طالع حلوة عليج بالعافيه
مرسلين ببتسامه : الله يعافيج
زهراء : دوكفي خل اخذلج صوره
مرسلين بأستغراب: ليش
زهراء : ادزهة السمر مساع حجيت وياهة ورادت اشوف الفستان وشعرج
مرسلين بشك : اكيد
زهراء : قابل مجذبة عليج
مرسلين ؛ لأن اعرف بسوالفج اباوعلهة ضحكت وكالت
زهراء : ديله اوكفي وبيني الجاكه لأن فكية الفستان كوله بيها
مرسلين : هزيت راسي واني احط ايدي ع خصري وانحني بشكل مائل حتى تبين الجاكه اول مصورتني كبل نزعته احتريت منه وضيق حيل و....
_______________
شاهين
من يوم الي طلعت بي من البيت واليجاي اعيوني ما خذت نوم تفكير صار كله بيها ساعة اكول احسن لأثنينه هالشي وساعة احس بوحشة جبيرة من فكرة ارجع للبيت وما اشوفها بي برغم ما دام زواجنه اهواي بين كل هالمشاكل والعرك بس اتعودت عليها وع صوتها عطرها شكلهة هدؤهة ضحكتها كلشي بيها صار يجذبني بشكل جنوني خلصت سالفة هدى وصارت مثل الصفحة ومطويه بحياتي من يوم زواجي بمرسلين عفت كل ادروب انسوان بس رغم هيج ما كدرت ابطل الشرب صار مثل الأدمان بنسبه الي ومستحيل اكدر ابعد روحي عنه صرت احسه مثل المرض ياكل ويشرب وياي وكل ما احاول ابعد روحي عنها ازيد ما انقص الحد ما بيوم عرض عليه عمار اروح اعالج نفسي عد طبيب نفسي ضحكت علي واني اكول
شاهين : جا ما عالجة نفسك اول شي
عمار : ومنو كلك ما جاي اتعالج بس اعرفك لو كاليلك من البدايه اجنت راح اسوي
شاهين : رجع راسه ع الكرسي بقتناع وكال..شسمه وامان لا ؟
عمار : دكتور **** دكتور امان وثقه
شاهين : ما حجيت وياه شي طردت هالفكرة من بالي وما انطيتها اهمية الثاني يوم الصبح معرف اشلون رجلي اخذتني العيادته وفعلاً مثل ما كال عمار رجال امان وثقة يجي عمره بعمر والدي او اكبر الكلام وياه مريح بشكل ملفت اسلوبه راقي واضح كملت جلستي وياه ورحت البيت عمي بس حتى اشوف مرسلين شفتهة وزاد اشتياقي الهة ما قل بلحظتهة فعلاً اتمنيت اخذها وياي للبيت حتى لو غصب بس صار الكبرياء وكف حاجز بيني وبينها ردت هية التجي بنفسها وتكول غلطت وترجع اشلون ما طلعت بدون اذني بس ماكو برغم شفت نفس شعور الهفة والأشتياق بعيونها بس كامت تكابر طلعت من بيتهم وللعصر دكت عليه اختي كلتلي عدهم مناسبه معرف شنو ويردن ياخذن مرسلين وياهن حتى يشترن ملابس رفضت اول شي بنرفزه وبعد الحاح طويل من زهراء يلة قبلت كتلها قبل المغرب انتن بالبيت وشعرها اذا طخته اكسره اراسها وسديته منها لليل جنت كاعد بالكوفي ويا الولد ودكت زهراء طلعت بره جاوبتها سلمت عليها وسئلتها اذا اتأخراً او لا ضحكت وهية تكلي لا وسئلتني اذا يمي واحد او لا عقدت حاجبي بأستغراب واني اكلها لا ليش كلتلي لعد شوف الصور الدزيتلك ياهن سئلتها يا ص..وقبل لا اكمل كلامي سدت الخط ودزتلي ياهن ضليت بس ارمش بعيوني واني اسوي زوم ع صوره بت ال*** هاي شمسويه بروحها وشهل لبس اباوع ع زنود صايرات كطن ويا لون الشعر والورك كله طالع شعلتني شعل كمت اتحلف بيها واني ادك ع زهراء جاوبتني وهيا تضحك
زهراء : ها شلونه الوك الجديد
شاهين بعصبيه : دنعل ا**** يا ابو اليكلج اطلعن وهااي عووود وانيي كاايللج مااا اريدددها تللعب بشعررهااا
زهراء : هههه واني اشدخلني هذيج مرتك واحجي وياهه اشكد حجيت وياهة ومفاد بس شوو طلعت اجنن بهالون لو اشوف اشلون النسوان كامن ايصلن وهنا يباوعن عليها بصالون خو..
شاهين قاطعها بصوت جهوري : انطططني يااهة شووو
زهراء : خطية تعبت من الفر ونامت خليها ع باجرر
شاهين بحده : كتلججج انطيني ياها
زهراء بتردد : ماشي بس ع كيفك ويا البنيه
شاهين بنفاذ صبر : زهرررراء
زهراء : حااضر حااضر كلت هيج واني ادخل الغرفتها اباوعلهة رايحه بسبابع نومه ما انطاني كلبي اكعدها وصوت شاهين يرعد من التليفون فتحت الكامره عليها واني اكول.. خااب والله تعباانه شوفف حسيته مثل الهدة وهوة ايشوفها طال سكوته الحد ما سئلته بمكر.. انت وياي مو
شاهين : وياج وياج يلة لعد عوفيها ع باجر احجي وياها
زهراء بخبث : ماشي يلة لعد مع السلامه
شاهين : لا رد
زهراء وهية كامته ضحكتها : شاهين وياي
شاهين : ها اي يلة الله وياج
زهراء : سديت التليفون وضحكت بكلبي ع شاهين باوعت المرسلين واني ارجع شعرها المغطي نص وجهة ربي يحفظهم ويبعد عنهم كل شر وحسد طلعت بسرعه من الغرفه ع صوت ابني علوش و....
_____________
طيف
من يوم الخطوبه مال رهام وابراهيم والحد هسة اني مبتعده عن بيت جدي ما اريد اشوفه او انطخ بي كل ما اذكر الموقف الصار وياي بالخطبه شي ابداخلي يتقزز برغم جنت وياه قبل كل ما يرجع من سفرة او واجب ابوسه من خده ومرات احظنه اعرف هالشي غلط بس جنت معميه بحبه والحد هسة معرف افسر مشاعري تجاهة صحيح اكو جز مني حاقد علي ويكرها لاكن الجزء الثاني يحنله بشكلل جبير ومؤذي بعد كل يلي سواه بيه لهيج اختاريت طريق البتعاد احسن ما اشرفه ورجع اضعف واهين نفسي اله ضحكت ع نفسي واني اذكر المقوله الجنت اكولهة واقنع بيها نفسي لمن ايصدني او ايعيط عليه ( الحب ما بي كرامه ) اشكدد جنت غيبه بيومها ماكو شي اسمه حب اذا بدون كرامه اثنيناتهن مكملات البعض جنت التجئ الهالكلام مصبره نفسي من كلامه الجارح واسلوبه البارد وياي نايمه بمكاني واحس عقلي حينفجر من كثر التفكير فتحت اعيوني بسخريه واني اسمع صوت التليفون يدك بعد الحاح طويل ع امي يلة رجعولي ياه ابتسمت واني اكوم من مكاني اكيد هاي فرح محد يراسلني بهيج وكت غيرها فتحت اتليفون واني احرك راسي بأستغراب ع توتر واني اشوف رقم غريب فتحت ارسايل ونزلي وحدة وره الثانيه
💬: السلام عليكم
💬: انه صلاح جيرانكم اذا تذكريني
💬: اذا ممكن حاب احجي وياج بفد موضوع مهم
طيف :....
______________
اوتار
كاعده واحس وجهي كام ينكط مي من الخجل أشرلة بعيوني لمحمد بمعنى ليفتح الموضوع هسة بس ماكو ولا مهتملي ودار ع جدي وفتح وياه موضوع العرس اباوع ع جدي عقد حواجبه بأنزعاج معرف ليش للحظه خفت من نظرات جدي عليه احس نفسي مثل المرتكبه ذنب باوعلي والتفت ع محمد وهوة ايكول
الجد : مو هسة بعد وكت خطوبتكم ممار عليها شهر بعدكم بدايه الطريق لا تستعجلون حتى لا تتندمون بنهاية
اوتار ؛ توترة وخفت من كلام جدي حسيته مثل الي اباله نيه معرف ايش اباوع ع محمد شد ع ايده كاتم عصبيته وكال
محمد : مستحيل اندم ع هالقرار واثنيناتنه نعرف بعض من الصغر يعني المماطله بالخطوبه مالهة داعي لا هية غريبه عني ولا اني غريب عنها
اوتار : احس الجوو صار مثل المكهرب بين جدي ومحمد ادخل خالو حتى ايهدي الوضع وهوة ايكول
ابو محمد: توكل ع الله بويه وخل انزوجهم خير البري عاجله
الجد برود :.........
_______________
مرسلين
اتأففت بملل واني مغمضة اعيوني وزهراء فوك راسي واكفه تمكيجني للخطوبه
مرسلين : ادري مكملتي صارلج ساعة بعين وحده
زهراء : لجج مكياجج كولة حيصير بعيونج حيطلعن ايخبلن ويا فستانج
مرسلين : هزيت راسي بيأس ورفعت راسي الهة فوك الساعة يلة خلصت بس النتيجه جانت فعلاً تستاهل كل هالوقت اباوع ع مكياجي كولة بسيط معده اعيوني فعلاً صار الشغل كوله بيهن برزت ملامح وجهي بشكل ملفت اشكرتهة وهية راحت تكمل روحه شفت شعري واتأففت بملل معرف شسوي بي بس سرحته وبقيته ع طوله بس احسى محلو طالع ويا الفستان رفعته ليفوك وباوعت علي بالمرايه بعدم اقتناع الحد ما اجت وسن رفعتلي ياه وحطتلي مثل البروش بي ايجنن لبست صايتي واول مردت ادكهما اجتني زهراء تركض وهية اتكول
زهراء : لجج هاي ثالث مره ايدك عليه يريد ايحاجيج
مرسلين بعناد : ما ماريد كوليله دتبدل دتسبح المهم ما اريد احجي وياه
زهراء ؛ براحتج بس من هسة اكلج مستحيل اخذج اذا متتصلين بي وتاخذين اذنه
مرسلين : باوعتله بغيض ونزلت جوا كلت الأمي اتخابره وتكولة ع روحتي للخطوبه بس مقبلت اله اني اخابره معرف شبيه اليوم يبست راس وكعدت بمكاني واني اكلهم ما اخابره وما اريد اروح كملت زهراء ومحسن واكف بالباب منتظرنه واني كاعده ابمكاني اباوع ع امي اشرتلي بيدها بمعنى بسيطة وهية اشيل التليفون وادك علي جاوبها وهية سلمت علي وفتحت موضوع اروحه اباوعلها اتغيرت ملامحهة للأنزعاج وهية تكولة بس بنات وصارلهة اهواي مطالعة خل اتروح ويا زهراء اتغير جو وبعد كلام طويل يلة اقتنع طفرت رئستن فوك لفيت شالي وشلت الكعب ونزلت لبسته بالطرمه واشرت الماما بمعنى باي وطلعت وره زهراء ركبت وره وبصفي علوش وهية ليكدام بوكتهة لا امي ولا وسن راحن وسن حامل وحملهة متعبهة وامي باقيه يم هدى الي مراضيه تفتح الباب غير الأمي
وصلنة للخطوبه سلمت ع خالتي ونسوان خوالي وذبينه الصايات وكعدنه اني وزهراء وحدة ابصف الثانيه اباوع ع ميس طالعة اجنن كمنة باركنالهة ورجعنة المكانه كعدن بنات خالي بصفي وبدينه اسوالف وضحك سئلني ع زواجي وشلون ماشي اكتفيت بكلمه زين وسديت الموضوع اقل من نص ساعة ودخلو اهل العريس قرو فاتحتهم واخذوها حتى تعقد تم العقد وبدت الهلاهل والكولات النسوان الجني ويا اهل العريس اهواي ومقصراً بحيث احنة بقينه واكفين مصفطين عليهن بس بشكل عام جانت حفله حلوة ابتسمت واني اشوف الحب بعيون العريس الميس ربي يحفظهم ان شألله كلت هيج واني اتلفت بعيوني ع زهراء اشو اختفت دقايق ورجعت بيدها التليفون وكفت يمي وكالت
زهراء بتوتر : يلة اجه محسن ومنتظرنه بالباب
مرسلين : شبسرعة
زهراء : مو عنده شغل وميكدر يجينه بالليل
مرسلين : ماشي كلت هيج بضوجه واني اعدل بشالي رحنة الخالتي اترخصنه منها وزهراء انطتها الواجب مالت امي وسلمت ع خالتي الباقيات والبنات وطلعت وره زهراء بسرعة من الباب مال مطبخ ع كراجهم اباوع ع باب مفتحو ع حيله وكباله مصفوفه سيارة شاهين الي خزرني اول مشافني واعيونه احتدت باوعت ع زهراء بعصبية واني اهمس بقربها
مرسلين : اجاابه موو ع اساس محسن جااينه
زهراء : تصعدي هسه مشوفين اعيونه اشلون كامن ينطن من الشرار
مرسلين : رجعت رفعت راسي علي وبلعت ريكي بخوف ركبت وره وزهراء ليكدام جهزت نفسي للرزالة الحسمعهة منه بس استغربت واني اشوفه ساكت مع انو امبين علي العصبية من قوة قبضته ع الستيرن مع ذالك محجة شي حتى زهراء استغربته باوعتلي بتوتر معرف خوف يمكن خوف عليه لأن تعرف اخوها مو امان اول موصلنة البيتنه يلة كدريت اخذ نفسي بعدني مفاتحة الباب وهوة عااط بيه بصوت خلاني ادمع من الخوف والأحراج وهوة ايكول
شاهين:.........
