رواية الطاغية والمغرور الفصل الثامن والثلاثون بقلم يارا الياسري
#تَكرار الأخطاء يهدمُ أقوى العلاقات ،
لسنا مجانينَ لنتغيَّرَ فجأة .!
أصف: ابتعدي منه مو كلتلج ابتعدي عنه ليش
ماتوبين .
لارا :مبتعدة عنه كل حديثين صار بينه وضحكة
وسالفة .
أبهر : برفض حتى ذني بعدي منه اعتبري ماموجود اصف رايد كسري لاتنطي فرصة .
لارا بتساؤل :ليشش يكرهك؟؟
تنهد وجر حسرة سالفة طوويلة
لارا :محقوق بيها لو همات تطلع بريء ابهر تدري براءتك طيبتك حنيتك تخوفني هالكد انت
مثالي ولا غلطة .
غدقني بنظرة مصدوم وجرني من ايدي كعدني وكعد
وكال بحزم مو مثالي ماكو بشر مثالي
اكو مثل يكول لاتغالي بالمثالية ولا تمت مقزازاً
كل مابالامر أحاول أصحح من اخطائي مو سالفة اني مغدور لكل فعل ردة فعل مرات هالفعل مقصود شر ومرات غير مقصود.
لارا :واكيد انت ماقاصدة وفهموك غلط.
عصب وزجر بية لارا صارلج شكد تعرفيني شفتي مني اذية لبشر شفتي مني حقارة لشخص
لارا : ترى هالاشيياء تخوف اكثر
ابهر مدام تخافين ليش وافقتي ؟!
لارا ماادري .
ابهر شنوووشنووو ؟؟
لارا اي ماادري معجبة بشخصيتك حب ماعرف .
ابهر شنوو ماتعرفين لارا تعرفين شكد احبج والج مشاعر بكلبي
شنو ماتعرفين لعد ليش وافقتي ؟؟
لارا بعدين نحجي .
لا مو بعدين هسه ردي لاتتهربين يا نبقى ونكمل
هالحرب وتكونين مستحقة يا بلاها من هسه ننفصل
من هسة اكولج لا امي ولا خالي ولا واحد بهالعائلة
راح يقبل بيج زواجي منج يعني حرب بوجهه
الكل فمن هسه يا تكونين كدها وماتكسريني
يا الله ومحمد وياج وكلبي يرجع ينقفل منج .
أبهر بكل غضب ووجه بارزة عروگه والقهر باين
بعيونه كالها بكمدَ
لارا أختاري مدام باول الطريق ولا تلعبين
بمشاعري أذ گلتي أي التراجع عنه أنهيج
وأذرفضتي وجهج بعد ماريد أشوفه.
احجي كلةكلمة بس بكلبي منقهر خايف
ولتوقعت صار لارا متهورة وحتى قرار قبولها
متسرع رغم ذلك خيرتها ردت ابين لنفسي
هي رايدتني وماردت أكسر بروحي ماانكر شعور
خوف من رفضها أجتاحني
لارا :بلحضتها حسيت بعجز مثل واحد بنص
جوه بارد صقيع وطلعوا من أدفى مگان
لبراااا والبرد يلسع بي بالضبط طلعني
ابهر من مكان أمن وداڤئ وخيرني
بين شارع بارد وفراش دافي
من كثر تهوري وأستهزائي بالوضع كلت
بسرعة مميتة لا أريدك وأريد ابقى وياك
حجيتها بدلع ومحاولة أمتص غضبه بحركاتي.
تنهد وگان أتنفس بعد ركض لمسافة طويلة
وارتاح غمض عيونه وكال بتشددد وتأكيد
وهو يخلي ايده بحنية على كتفي وعيوني
بوسط عيونه لبسرعة بردن وبثن حب الي.
شوفي لارا أصف أبتعدي منه ولا تسالين
هوواي گلشي بوقت حلو يجي يوم
أشرحلج الوضع .
نقطة الخ ناوي أفاتح الكل بموضوع الخطوبة
وخالي من سمع تعصب وضاج.
لارا بذعر وتوتر :خالك رفض؟!!
وخر عيونه وحك لحيته بحيرة وكال
خالي ماله سلطة علية وقراره أخذه واحترمه
بس مامجبور أنفذه .
لارا:جرت نفس براحة ورحت گعدت وكعد
كدامؤ لزم كفوفي ورفع وجهي باصبعه من
حنجي وكال لارتي لاتضوجين .
من كال اسمي بدلع ابتسمت كال
يالفاهية شكو تتبسمين .
لارا:حلو دلعي بلسانك
ضحك ببراءة وكال
اشبعج دلع ورومانسية كوني حلالي وكل
الغزل يجرالج .
لارا :اممم .
ابهر امممات وغمزلي كرصني بخفة من خدي .
بهالاثناء بردت وبردت نيران الغضب والزعل
لصار بيني وبين أبهر طلبت منه أصعد
أرتاح ومارفض كال اخذي راحتج
وصعدت واسمع العيطة من غرفة خالتي .
تقربت أسنط بس خفت لا يلوحني طشار
رحت لغرفتي .
_____________________________________
رحيق : بعد مادخل كنت محمله بكلبي علي
انفجرت بي انت شنو ماتكلي متزوجني للاهانة
عاجبك انهان ترى كرامتي من كرامتك وتصرفك
وقلة احترامك مرجوعها الك .
شيراز بهدوة مستفز كاتم غضب عارم
صوتج لاتعيطين .
رحيق تخصرت مستهزء اني كلبي نار جمر
مشتعل لا والله
شيراز جحظ عيونه بخزر وتنهد انسي لصار
غرت وماتحملت وبعد طلعة مااطلعج لمكان
بي ناس عيونها زايغة سدي الموضوع.
رحيق لا والله زدت بعصبيتي واحجي بحركة
كلب صدك تحجي فضلت على راسي شنو انسي
شنو صخمي انت ماتعترف ماتكول اسف غلطت
بحقج حقج عليه لا دايما ابو الراهي والصح أنتَ
شوف شيراز رفعت ايدي بتهديد يا تغير هالطبع
وتقلل منه يا عايفتلك البيت واهج بعد ماتحمل .
افتهمني ماتحمل .
شيراز تقربلي وايدي بجيبه رفع راسه وخزرني
وكال شنو كلتي؟!!
رحيق بثبات وقوة داكلك يااعوفلك البيت يا
ترحمني وتفكر شوية تتغير كافي اهانة كل
مااطلع وياك ارجع دموعي بعيني منحرجة
لزمني من فكي بقووة ولزكني بالحايط وخلى
ركبة رجله بين رجلية كوولي تريدني تعوفيني
ماعاجبتج العيشة موووو وصااح بوجهي كووولي
عاجبج تتخلين عني ويصيح بوجهي بكل عصبية
حاولت اوخر من قبضته بس محكومة نزل
لعنقي ضغط علي بتهديد
مو شيراز ليتهددد افتهمتي ادوسج جوة رجلية
هنا وماتعوفين هالبيت وين ترحين واثقة بروحج
من دوني مالج غير بس جنسيتج خود وحتى
لبطنج أخذ وأحرمج من ريحتهم بالخيال
ماتشوفيهم فخليج عاقلة وخلي كلبي عليج
لاتكلبينَ ضدج
رحيق : عافني خنكته انفاسي غصة ألم مثل
شرب مي ساخن واحترك بالاعماق تنفست قوة
وحجيت بخيبة انت ماتحبني مستحيل ليحب يجرح
ولايكسر خاطر لاتتصور سكوتي خوف منك
بس التجاهل الك اقوى عقاب عفت ومشيت خطوات
مكسورة كلب وخاطر مليان باسوء المشاعر تايهة
ببحر شيراز
جررني بقوة ولف ايده بخصري وكال
احبج كد مابسمة الله نجوم
احبج كد حلاوة عينج
احبج كد شر استج احبج والحب مايوصف مشاعري
احبج حد الادمان .
رحيق بكسرة خاطر تحبني لحد ليخليك تهشم كلبي وتحركه
وبيدك تلم رماده .
شيراز : غركان بحبج للنخاع منش فت عيونج عرفت طرق
الغرق هوواي مو بس الماي .
رحيق لو قسيت بكلامي وياج لان رايد اخلص العمر وياج
ومانفترك من اولها
رحيق تنهدت بكمد : اذ هذا طبعك مااضن نطول سنين
باين طريقنا نهايته بمحكمة .
ضغط على زندي وغرس اصابع ايده الثانية
بخصري ودفن شفايفه بركبتي
نفخ هووه حار تنفست بتعب متزامنة وياانفاس شهوته
ردد باذني الفراك انسي والطلاك هذا امر بس بالاحلام يصير واقعج لي .
سحب نفسه عني وحررني من قيوده وانطه بأمر
روحي ارتاحي وشوفي المخبلة بت اختج.
عبرته وطلعت والغصة بحنجرتي والدمع مغورك مقلتي
شعور يشبه السير بضباب لاشي واضح بداخله
الخوف يجتاحك والمجهول امامك هيج شعوري بحياتي وياشيراز
رحت لخود الغرفة شفتها نايمة نمت يمها وحضنتها بوستها
حست بية فززت صليت على محمد وسميت بوجهه ابتسمت ورجعت حضنتني ونامت
سقطن دموعي معصور كلبي نمت والدموع على وسادتي
كعدت الصبح على بوسات خود ابتمستلها
وبوستها صباحو خوداية
خود صباحو ماما ليش نايمة يمي ؟
رحيق بصوت طفولي: شنو مايصير اشتاقيت لبنتي
رجعت باستني واحس عيوني منفخات من البجي
كمت سبحت خود وبدلها يله رحت لغرفتي باوعت الساعة بالتسعة
شيراز ماكو تنهدت وسبحت وتوضيت صليت اتصلت لارا
ودزتلي رقم امها وكالت اتصلي هسه كنت احجي وياها وهي
يم بيبتي اني طرت ماصدكت كبل اتصلت بلهقة مشتاقة لامي
ضحى : الو
رحيق ضحاوي شلونج شخبارج امي يمج انطينيها فدوة كلبي ملهوف عليها
نزلت دموعي بشوك وحسرة
ضحى من سمعت صوتها وخنكتها وشهكتها ماكدرت شهكت وكعدت ابجي بقهر
علهيا على بتي وانطيت التلفون لامي مرت مصعب يم اهلها مااروح اذ هي هنا
مالي خلك اتعارك وياها
امي من كتلها رحيق شهكت وضاعت حروفها
صارت تضحك وتحجي وتبجي
رحيق :يمة يمة يابعد عيني يمةاحجي سمعيني صوتج عسى الدمع لعيوني مو لعيونج
الحجية: يمة بنيتي اسم الله عليج عسى الله الفرح يكتبلج والدموع يبعدها عنج شلونج
ياشمعة امج شلونج ياحسرتي ليوم موتي .
رحيق: بلعت ريكي شميت هوه برجفة حروفي تطلع زززينة يمة زينة مشتاكتلتج
بس الشوك هد حيلي يمة دخيل الله سويلج جية للامام وخلي اكحل عيني بشوفتج
ضحى :نبت مني مها اي خية اي اكو حملة بعد اسبوع سجلنا بيها نتشاوف ان شاء الله بس الحملة
لكربلاءء ونجف .
رحيق :اي عادي عادي اني اتعنالكم واجي عادي
يمة صحتج شلونها كللي ياماي عيوني .
الحجية :اني بخير يمة بخير مادامج عايشة وبخير بخير
رحيق الحمد الله يمة عايشة مرتاحة هوواي مرتاحة لايضل بالج حجيتها بغصة
ضحكت امي جذبي على غيري رحيقة لج الام كلبها دلالها تعرف بزرها
لو شوكة بيده .
رحيق : لا يمة مامجذبة مرتاحة بس الحمل متعبني ومشتاكلتج كعدت على السرير منهارة
ابجي واشهك .
الحجية الله يسعدج حجتلي اخيتج الله يعوضج يمة .
ضحى :خذت الجهاز وتسكت امها رحيق كاافي بجي صدك حامل الله يسهلج
ياروح اختج دومج ببالي ادعيلج ولابتي .
رحيق والله حتى انتي وامي بس مرات اخاف يمج احد لارا كالت انتي تتصلين .
ضحى : اي صح اني نبهتها خية هسه اسده هذا ابن مصعب باي .
سديت منها و الكتمان ضهر بشكل دموع وشهكات صرت ابجي بقهر
على كلشي رفعت ايدي بقمة حزني ودعيت يارب اكتبلي راحة بال
تعبت والله تعبت .
ونزلت جووة دقايق ودك شيراز كال حضري نفسج جاي
وسده تأففت ورافضة اي طلعة ويااا بقيت كاعدة بروحي ومطنكرة
بالحديقة وخود تلعب اجه بس شافتي متجاهلته اجه شالني
وهو يكول
اذ عنيدة اني اعند منج
واني اصيح نزلني فضحتني يااا شيراز
خلاني بالسيارة
وقفلها وصعد يسوب باوعتله بعصبية شنو سالمين .؟؟
شيراز: سالمين محد بينه متعور حبيبتي
رحيق :حبتك حية
شيراز : كون تشبهج حتى اشبع بوس بيها
رحيق: لا كون ام راسين تلتف وتخنكك
شيراز برطم بمزح: لالا وين اكو بشر يدعي على حبيبه
رحيق :حيل مصدك روحك
شيراز غير اموت بيج ياماي عيوني اعصابج مقدر هرموناتج .تجهزي للصدمة
رحيق ياصدمة شبيك شيراز نزلني .
شيراز من نوصل انزلج قابل اخليج وافتر بيج
رحيق: بقيت أتافف وين نوصل علاجي بالبيت
اندار وكال
علاجج وملابسج وغراضج كلها ورااا سفرة
تعديل مزاج وصلح بينة وجر كفي باسه باحساس
احبج وحقج وانتي اعز من اليمين
احبج وحق الله لخله لون البحر بعيونج .
كلمات خرست وخمدت نيران الغضب بكلبي
همس بعتب مايلين كلبج وكلمة غزل ييسمعني حتى لو بيت شعر مخموط راضي
ضحكت وسندت راسي على الكشن كلته
احبك وحبك هد حيلي
احبك يابعد كل ماي عيني .
شيراز كلت خمط من شاعر مو مني ياماي عيوني هههههه
ضحكن سووة احس اثنين نصفين لبعض نثور ونخمد سوواة
شغل اغنية تركية وضحك وهو يكول رايحين للشمال ونسمع اتراك متبرين من الوطن هههه
شغل اغنية
فتحت الجامة والهوه يلفح على الطريق
من الطريق أخذأكل وحبشكلات كال خاف تجوعين
نص الطريق نايمة ونص الثاني مادة راسي
من الجامة .
باوعتله الطريق طويل شيراز وين ماخذني؟!!
شيراز ضحك لاربيل .
باوعتله بصدمة اربيل .!!
شيراز: اي أربيل عين علية وعين على الطريق
اربيل مو امريكا .
رحيق : ليش ماخليت سايق يجي.
شيراز :عوزي ايدين بعدين ردت خصوصية
بالطريق يعجبني ابوسج وغمز اخذ نفس من
ركبتج .
رحيق :شكد ونوصل ؟!!
شيراز لليل نوصل عمري داسوق بسرعة نرتاح
ومن باجر نشد الرحيل للونسة والنزهة .
بالفعل لليل وصلنا بس شنو هلكانة من الكعدة
واحس مقص بخاصرتي نزلنا ولكيت حاجز بالفندق
مقدماً .
صعدن بالمصعد بالطابق الثالث ماخذسويت كامل
وصعد الغراض بس شنو من التعب گبل تممددت
اجه شيراز صار فوكي ويلعب بخدودي
بتعب مو وقتها شيراز بطني ماذيتني .
ضحك بسفالة وكال
خاف ذاك مشتهي بربج بالكوة لازم روحي بالطريق
رحيق: هههه لازم تقللل حبيبي نسيت حملي.
شيراز :لا مانسيت لوحدنا مقللين كل اسبوع
عركة والزعلة تطول ومحد مظلوم غيري ومحروم.
رحيق من سوالفك لعد اني غلطانة .
شيراز تنهد تمام وكام اطلب عشة .
رحيق لا لا أريد أنام
شيراز ماشبعتي طول الطريق نوم .
رحيق :شعلية اسال أبنك ؟!!
شيراز نزع السترة والحذاء وطفر يمي جررني
لصدره ورجلية على رجلي وكال
يلة ننام ونكعد سووة ورانا شغل .
باوعتله بفاوة شغليج جاي علمود شغل ؟!!
شيراز :صفن بوجهي وطاحلي دك بوس شفايف
عيون وضغط بحضته الي وكال
أحلى شغل عندي ننام ونكعد ونكمل فعاليات
رحيق :عابت عبالي شغل حقيقي .
شيراز :ليش جذبي هذا مابي تعب حرك سعرات
روحه رده شيله حطه ههههه
رحيق رمقت بنظرة ورجعت خليت راسي بصدره
والله الشغل الوحيد الي اعرفه النووم .
شيراز:نامي واني أهتم بالباقي .
رحيق : يااا خلي ننام والله .
____________________________________
بنفس الوقت ااي رحيق بطريق سفرها لارا
بشغلها ماتدري بوضع خالتها ولاتدري بيها
تضالحت ويا زوجها .
لارا : خلصن شغل وسنر أجت بدلع كالت
سنر:رايحين على عرس أخت منال اليوم ماجاية
تجين وياية بقاعة .
لارا :تسرعت وكلتلها اي
سنر اوك خبري ابهر يجيبج يندل بيتي
اني ضجت منين يندل بيتها منين يعرف بيتج
سنر عقدت عيونها اني ويا أصدقاء من زمان .
تمتمت بعدين كعدت افكر اني شعرف بيهن وأروح
فلا أكعد راحة تنلام امي من تكول كل بلوة
من بلاويج تخرب سلف. خلصت ورحت ويا
أبهر. باوعتله بالسيارة وحجيت أبهر
أبهر هااا لارتي .
لارا أحم ردت اجيس النبض أكولك بعدك معصب
مني .
ضحك لا صح مرات أعصب بس أهدء مو عصبية
كد ماهو خوف وحرص لارا ماتعرفين أصف شنو
لذلك ردتج تبتعدين أعرف بيج فاهية وعلى نيتج.
لارا :زين ماراح تكلي ليش متعاركين؟!!
أبهر أنعفس وجه وحسيت بي أنقهر جر حسرة
وكال
موضوع مايستاهل صدكي بس مرات شي بسيط
يترك جرح كبير .
لارا:علمود بنية ؟!!
أبهر:ياريت كنت عفتها اله .
لارا:لعد شنو؟!!
ابهر بمزح :من نتزوج أكلج .
لارا :شنو هاي تعرف فضولية راح تخليني من باجر
اتزوجك .
أبهر ههههههه كل هاي علمود الفضول .
لارا :لعد شعبالك .
أبهر يابة نتزوج شورانه أصلاً ناوي اليوم أفاتح
أمي .
لارا:لا خلي خالتي تتصالح ويا خالك حتى مايخبث
عليها براسي .
أبهر هههععهه خرب يومج شلون ضبطتيها.
لارا :قابل جذب تمتمت
باوع ابهر وعينه على الطريق سأل
خيرج محتاجة شي!؟؟
لارا :طلب هو
ابهر :شنو هو؟!!
لارا :عضيت شفتي اروح لعرس اخت منال
ضحك وكال مستهزء وين لحكتي تعرفين منال
وترحين لعرس أختها شلج بالدوخة .
لارا والله ضوجة خلي اروح اشوف أعراس بغداد
تنهد وكال بس لبس مستور ترى تصوير وناس غرب
ركص ماكو اعرف الخفة لبيج تردح ويا اللطميات
مو اغاني .وشال ماينزع .
لارا :اي قبول قبول قبول
ابهر شنوو؟!!
لارا :قبول جميع الشروط .
ابهر هاا اگول بعد عوزج ترفضين .
لارا :لا مارفض .
وصلنا للبيت وبالفعل بسرعة سبحت وغسلت
ولبست فستان طويل أسود من لارا ومكيجت
خفيف وحمرة حمرة والسال ةلفيته تركي
ولبست اكسسورات ونزلت لكيت ابهر
كال يلة بس بعد ماخذله صفنه طويلة وسمر
كللتها هاايمة سرحت وين
هز راسه وضحك وكالها ماكو
بقت تخوزر واني فرحانة مشيت وياا أول ماصعدن
كال بغزل ياجمالج يخلق بكلبي الف نبض
ضحكت لاتخجلني دادة من فدوة اروحلك
وصلنا لبيت سنر وصعدت ويانه لبسها كارثة
لابسة فستان قصير وجووة ستريج وعشتو
فوك بشت وشال شامرته على التسريحة .
كعدت وراااا تتبسم وصلنا للقاعة نزلن اثنين
كال ابهر على ال٨ اجي .
هزيت راسي ونزلت ويا سنر ماخذوا الجهاز
منال كللتهم ذني اقارب للعروس عوفيهن اني
اختها ودخلنا كعدت بس حسيت بغربة البنات
اشكال والناس التهيت اصفن بيهن ناسعايشة
وبعدين دخل العريس يركص ويا العروس راح
بالي لابهر تخيلت نفسي أركص سلو ويااااا
وفرحانين صرت أتبسم وأيدي بخدي مثل
الخبلة . جابو العشة تعشينة وراهاااا
دخلوا عمام العريس مر الوقت بسرعة بين
تأمل وحلم وتمنيت الله يتممم علية وأفرح .
حتى فستان العرسرسمته براسي ابو الحورية .
دك أبهر طلعت باوعت سنر ملتهية طلعلته
كال سنر ؟!!!
مدري بيها ملتهية .
اتصل بيها كالت مارجع روحوا. بالفعل حرك
اول شي سويته نزعت الكعب وكعد يضحك علية
رجعن للبيت لكينه سمر بالحديقة شو هاي تلكينه
بمشاكل .
سمر أبهر اريد احاجيك بموضوع هاااي وتباوع
بقرف الي خزرتها .
ابهر يووم هاي راح تصيرمرتي المستقبلية
ءمر:تعاندني علمود بت شارع
ابهر مو بت شارع بت ناس وعالم جارت الدنيا
عليها
سمر مصدكها لك الله يعلم بشكم حضن نايمة .
هنا كلش انهضمت صحت بوجه بتهور هية
لزمي حدج لااكسر راسج شنو حضن عفت
الاحضان الج احجي شماتريدن الا شرفي لو
انطي شرفي ماكابلتج .
ابهر جرني وزجر بوجهي بغضب لاراااا حدج
نسيتي لكدامج امي جنتي وناري .
باوعت بخيبة امك تهيني وتسكت
ابهر منو سكت مو جاي ادافع عنج شبيج ؟!!
باوعتلها بغضب وبلعت ريك بحقد وهي
تباوع بشماتة مثل لتكلي ابني ماينطي بية
وتضلين انتي لا شي كدامي باوعتلها باسف وعفتهم
وصعدت اركض للدرج دخلت لغرفة خالتي باوعت
عبالي موجودة احجيلها شو ماكو رحت لغرفو
خود والدمعة محصورة بعيني لكيت عشق يمها
صحت بغضب خااالتي وين ؟!!
عشق فزت الي شبيج لارا ؟!! ولزمتني من اكتافي
ماريد ابقى تنزل دموعي خااالتي وين حجيتها
بعصبية
عشق:سافروا لاربيل ونسة ايام.
لارا :عتلى حضي عفتها ورحت ركض لغرفتي
قفلتها وكعدت معصبة وأنتك غضب رحت للشباك
أباوع بسسمر شووية واجه صوت أبهر يدك الباب
غلست
ابهر فتحي الباب لارا لارا خلي نحجي
صبت من تصرفها وتهورها من غيرشي امي ماتحبها
واني اصلاً كاعد ادافعلها بس هي عصبت وضاجت
نهيت النقاش ويا امي بكلمة وحدة قراري. مايتغير
وصعدت اشوفها .
بس هي مطنكرة اجت عشق كالت
عشق:معصبة حيل شصار؟!!
باوعتلها منهمك تعاركن وامي قافلة .
عشق عوفها ترتاح بس تروح اخبالها تفتح .
لارا :ضجت وشمرت ملابسي بالارضية لبست
تراك طويل بلون الموف شووية واجاني مسج
من ابهر.
يتخايل لعقلها البريء أخذلها لاتعلم التخلي عن
الروح أسهل منوالتخلي عنها .
دزيتله سمايل غاضب .
رجع دز
اميرتي تغضب كطفلة صغيرة ويروقني ان اهمس
باذنها كفاكِ غروراً
رجعت كتبت مغرورة هسه طلعت مغرورة .
رجع كتب نكدية ومغرورة بس حلوة وامورة
ضحكت ابهر حيل جرحتني أمك؟!!
ابهر:أعرف والله بس ماردتج تحاجينها وتصير
بينكم حرب فوك لموجودة خلي الرد يمي أني
ابنها مهما كان مراح تاذيني ولا تكرهني مو انتي
تردين مكروها وجابت بنية منو يطيقها بعد
منا وقيسي وخلي تصرفاتج وياها باحترام وحب
عوفي عفويتج حتى تكدر تتقبلج مو بلسانج
المترين.
لارا:يعني شنو ادوس على كرامتي ؟!
ابهر: لاتضنين اخلي احد يهين كرامتج من
كرامتي وهسه يهون عليج زعلي وراي سفر
لارا بصدمة سفريج.
ابهر بشغل عمي كلفني بي وابقى اسبوع وايجوز
أكثر .
لارا كملت وخالتي مو هنااا يعني اموت قهر
ابهر من شوكج الي غير
لارا بخجل دزيت سمايل خجلان ابهر لاتحرجني
ابهر : يعني ماتشاقين
لارا:شلون مااشتاق بس
ابهر بس اخخ من غرورج نزلي مشتاق أشوفج.
لارا اني مثل لبية خفة عفت كلشي ونزلت
هو مو برااةرحت للغرفة جوة هو كال نطلع
برااا احسن اني لا شلون كلت هنااا ابرد خلينا
كاعدين كعدن ضحك وسبل عيونه يباوع بهيام
الي أبتسمت هاي شكد تباوعلي ؟!
ابهر:كبدر يزين الضلام يروقني النظر اليكِ
لارا: ابهر بهدوء ودلع كلتها واتمايع شمفكر
عن زواجنا وين راح نبقى هنااااا وفتحت
عيوني وصار الضوة بيهن بين خضارهن يشع.
ابهر :ارتبك وكال لا مانبقى هنا ارتب شقتي
واحتمال ابيعها واشتري بغيرمكان ليعجبج
او ارتبها لحين ما نخلص الزواج .
لارا لزمت ايده تعرف اني ابقى وياك وين ماكان.
رفع وجهي من حنجي وصفن بعيوني وكال
دنيا ضلمة وبس خَضار عيونچ يوزع ضَوة.
على كيفج علية يابت الناصرية .
ضحكت بفرح احب غزلك الي حلو بس نتزوج
اشبعك غزل ورومانسية هسه خاف اغازلك تكلي
زحفتي علية .
ضربني بالمخدة وكال مو وجه غزل خربتي
ابو اللحضة بالشقة واني كمت اشاقي نسيت
روحي ولفيت ايدي على ركبته واريد اكفشه
هو وخرني من جرني صرت على الفراش بحيثىتلامسن
بطريقة غريبة وشفايفن سوة ماحسيت غير
طبع بووسة رقيقة بشفتي اني مثل الثولة
تفاعلت ويا بية نقص حنان بدل ماادفعه
تفاعلت وبس انفاسنه العالية تنسمع وخدر
وتنميل اجسامنا وشفايفن تكطعت من اللهفة
ماحسيت لحد ما كام عني وعدل ملابسه بخجل
مني وأحراج وكال
مو قصدي بس
قبل لايكمل بس اني وصلت وعرفت غبائي
بدل مااني احس وابتعد الولد هو حس شكد حمارة
من الخجل طكيتها ركضة من الغرفة للحديقة
شغلت بيبيب بس شنو دخلت للغرفة وقفلتها
بعدني منمله من الوضع واحساس حلووو الله
شكد حلو طعم البوس لزمت شفتي خررب
ورمت وايده لكانت على خصري اووف ارتعشت
رجعت صفكت روحي راجدي متونسة طاح
حظي ماصدكت حط شفة مصيتها ثول ليثولني
شيكول علية خبرة مايدري بية منقصة وباقية
بحصرة رميت روحي للفراش اوف واذ قابل
اقاوم اووف شهالبوسة هااي بقيت اتخيلها
واحساس غريب جواية واحس بمعدتي شي
منمل اووف يمته أنجمع وياااك .
ابهر :من أجت للغرفة ماحبيت نبقى لان صاير
ماتحمل وجودها وكولش افكر بيها لذلك ردت
اتسرع بزواجنا بس هي عاندت نبقى بلحضة
سهوة وغلط مني تجاوزت حد الحرام وياها
صح ماتعمقن بس لصار ترك بداخلي اثر خاص
هي غمضت عيونها وأستسلمت الي بكل امان
وكانها واثقة بية للدرجة مستعدة تسلمني نفسها هالشي
خلاني أصر على زواجي منها من غير تفاعلها وحبي الها
يوم بعد يوم يكبر . بقيت حاير اتصل بيها الافضل ادزلها مسج قبل السفر
خبرت ثريا ترتبلي جنطتي ونمت على وقت كعدت أتصلت
ماكو لكيتها دازة مسج باجر ماريد اروح للشغل دزيتلها صباح العسل
لارتي براحتج اني راح اسافر انتبهي لنفسج وانسي لصار مراح يغير
شي بداخلي احبج ياعوض سنيني .
سلمت على أمي وتوكلت على الله سافرت بشغل سري يخص
عمي ونبهني ماحجي .
___________________________________
رحيق : ثاني يوم طلعنا تونسن مابقى مكان ماخذني حياة ثانية
طبيعة ورحن لمكان على انهار مي وخضار يشرح النفس انوب
رحن لمنطقة ثانية بيها جبال ومصايف واستاجر بالفندق
حيل تونست شنوصف العالم كلها هنااا وفرحانين والجو حلو
مو حاار مثل بغداد بالفندق صعدت شمرت الملابس والشال بقيت
بطرك الكيمونة والبنطلون وشمرت روحي على السرير شيراز كال نرتاح
راح اطلب اكل لهنا شووية واجه لكاني متمددة ماصدك صار علية
وشبك ايدي بايدي ورفعهن ليفوك وصار يبوسس بعمق ويتنفس بركبتي ونزل لنهودي
تلمسهن بشهوة انوب كام نزع ملابسه ورجع نزعني شكو شي لابسته حجيت بخدر
شيراز لاتنسى حامل
ضحك وهمس والله سريعة التخدير ماعليج انتبه لبطنج مانثقل حمل عليها
ضحكت غير انت ماعرف شسويلي بس تقرب حركاتك تذوبني
شيراز : خبرة عمل لسنين متتالية .
ابتدت رحلتنا بعالم الرومانسية واللمسات واصواتنا واهاتنا المحللة تطلع
بعد ماخلصن كمن سبحنا واجه الطلب اتصلت بخود جبيبتي حيل مشتاقتلي
بس حتى ماطلبت ابوها بعدني ماكلتلها بابا بالحمام كالت باي وسدته ماادري ليش
خود هالكد تخاف منه وعلاقتها قليلة ماتقرب لبوها .
ولو هو كل وقته معصب وقاسي ويامر حقهم .
شوية وطلع نعيما
شيراز ينعم بحالج ليش مااكلتي؟؟
رحيق: انتظرك
اكلنا وكملنا واجه اتصال ومافهمت شي منه بس يحجي فارسي
حبيبي اكو شي؟؟
شيراز تنهد بانزعاج اي لازم نرجع لبغداد اليوم .
رحيق: اليوم شيراز مو حمل طريق .
شيراز : هسه اشوف واحجز طيارة ماكو لباجر
اتصلت واكو طيارة الساعة ب 3 الضهر
رحيق : لملمت شكم غرض ونمت على ماتصير ب 3 نبهه الجهاز
واتصل بالخدمات طلب منهم يتصلون بساعة 3 للغرفة .
وصدوك صارت وهاي اول مرة اصعد طيارة اول ماصعدت خفت
هواي ومانكر رجفت شيراز يضحك هو حجز بطبقة رجال الاعمال
واجوا وزعوا بوكسات اكل بس اني خايفة وحاضنته وهو يضحك ويبتسم
______________________________________
لارا بقيت يم خود ونتونس وقسور هنااا كعدن نلعب اني ويااا
وراها من المملل العصرية ضوجة كاعدين بالصالة قسور تعرف ركص جوبي
قصور لا بس ولد خالتي يعرفون
لارا : تحجي صدوك كوووم كووم اعلمك
عشق كاعدة مخبلة والله
لارا ضوجة كومه ندبك وزينة كانت موجودة شغلت اغنية سمي باسم الله
وكلتلهم امشووا مثل مااكلكم دبكوا وخود تضحك متونسة سمر طالعة وقزح عبرت تهز
ايدها عابت عساج بحية تاكلج .
واشتغلنا هز وردح من الضوجة والممل وين نروح وبهالاثناء وكايمين نضحك مانحس غير الكليجة دخل
علينا مو كااا يامعلم على واشك بقيت اخبط لهات براسي هو شاف الوضع مهزلة واغاني
وهو بعده بالباب الصالة واباوع هرروب جماعي بس اني وخود وحدة تباوع بوجه الثاني
وخالتي ورااا تكله على كيفك شيراز كاعد يتسلون هو رفع ايده بمعنى سكتي وعيونه تجدح
ادري شايفن مصلخين .
هذا عبر اني باوعت لخالتي اشرلتي بمعنى صعدي وهي صعدت صعدت للغرفة
وافتر بيها شووية واجت خالتي هااا شصار ؟؟
رحيق : لج بس فهميني ماتعرفين تكعدين ؟
لارا : خالة انتم دكيتوا الناقصة لو كايلين .
ررحيق : حمدي ربج راجع بشغل مافارغ الج طلع بعد من يرجع نشوف يرزلج
يسحلج .
للارا : عادي عادي بربج اني تحملت صوندته ابوي وعكاله وغلطه وفشاره
ماتحمل رزايل الكليجة المحتركة انوب رزايل نازكة رزايل مسؤل بي حس فلوس
وضحكت
رحيق : هههههه من صدوك انتي بيج طاقة تحولين الهم لفرح .
لارا : لاتنقهرين خالة الدنيا اخرتها منتهية هالمهزلة كلها وبالكبر اخر المثوى
بعد عليمن ننقهر ونضوج والمكتوب يصير يصير محد يكدر يمنعه .
رحيق : صح كلامج لازم نعيش وهالعمر هو مرة ونكضي هم وحزن .
لارا : شفت يالجوبي مالتي يخبل خرب لو مامخربة الكليجة
رحيق : لارا لاتسمي كليجة ازعل ترى احبه
لارا اووي فدوة تحبي اعتراف يحتاج تسجيل
ضربتنثي بخفة ايدها عابت .
كضينها ضحك وسالف وخود اجت بحضن رحيق انوب نامت رادت تشيلها
عطت بيها نسيتي حامل
رحيق : خطية نامت
لارا عوفيها يمي
رحيق تدرين مسطورة سطر
لارا روحي نامي حقج اكيد تعبانة شعجب رحتوا بسيارة ورجعتوا
بطيارة .
رحيق : شيراز كال احب اسافر لاربيل بسيارة ولان دايماس فري عمل كل بطيارة
فاخذني بالسيارة بس مريحة والكشن منزله كضيتها نوم وبالرجعة مستعجل حجز طيارة ورجعناا
بس الحمل براسي دايخة .
لارا : حقج خالتوا روحي ارتاحي .
راحت خالتي ورحت لعشق عاتبتها هااي ليش ولج عفتين وشردتي منش فتي عمج.
عشق كامت من السرير والله ماقصدت بس خفت عمي دخل مشتعل غضب
لارا وعفتيني عادي اترزل .
عشق ردت احضنها اراضيها طنكرت ونزلت ركضت وراهااا وبهالاثناء هي نازلة تتذمر واجه عمي
رجعت عمي اول ماشافها عاط بوجهه
لارا : منش فت اتسمرت خفت معصب ومخنزر عاط بوهي كال لحكيني
اني خليت ولحكته للمكتب دخلت كعد على الكرسي ورفع رجلي على الميز
من الجهه الثانية وكال تعالي كعدي .
مشيت بخطوات متثاقلة
حط ايده على شاربه ويخوزر بية لارا
نعم
شيراز: شكد تردين ويا بلد ؟؟
لارا : مافهمت
شيراز تنهد وحجى بسرعة وبمزاجية احجي احجي شكد تردين فلوس ويابلد
اشوفلج اقامة بي وتخلصيني من وجهج
لارا : ترى مو قصدي لشفت والله حسيت بخوف هذا يريد ينفيني مصدك روحه
عصر سلاطين خفت مااريد ابتعد عن خالتي وابهر .
والله موقصدي لشفته يعني نشاق ونغير جو واوتوبه بعد ماادخل
ولا اختلط بقسور ولا بخود .
شيراز: رجعت ووبالطريق خابرت سمر وحجتلي كلشي وهي اصلا من صارت
مشكلة اصف وابهر كال هو مصر ياخ1ها ماطولت ويا ولا لحيت كلت اكى فرصة واتخلص منها
ماارتاحلها ولاااريد ابهر يتزوجها بقاءها ببيتي لخاطر رحيق فاحسن حل اهدددها وافتك منها
اشمرها تركيا ايران هاي الدول الي اكدر ادربلها اقامة بيهن .
واخفيها عن عيون ابهر بس هاي عبالها كلامي نابع من موقفها بالركص .
رخيت جسمي على الكرسي وطكيت اصابعي شوفي لارا هناا ماريدج ويا ابهر مااريدج
يا تجرين عدل وتقررين يا صدكي انهيج واخفيج من الدنيا كلها بعدج حلوة وصغيرة اختاري دولة والف
بيها تطيحين ملعبة وماتنكدرين .
لارا : انصدمت من كلامه بقيت امتمت بس حجيت بثبات واصرارا بس اني احب أبهر وراح نتزوج
مراح أخذله واتركه لا تتوقع اني يهمني فلوس ومال يهمني انسان صادق يحبني ويخاف علية
شيراز : بملل وجزع تمام اشوفلج عريس بعد شتردين .
لارا : توترت وانقهرت حسيت روحي رخيصة كرهته حيل كرهته تمنيت اصمط طراك واركعه بالحايط
شكد حقير بس تحديته اريد ابهر مو غيره وهدد شكد ماتريد مراح تكدر تجبرني .
شيراز : ببرود ماعلى الرسول الا البلاغ اللهم اني بلغت فاشهد متبري من لي راح يصيرلج.
لارا : انت ليش ماتريد لحواليك يرتاحون هالكد تكره سعادة أبهر ؟
شيراز من كالت هالكلام تنرفزت يمي ملف شلته وركعت بخلقتها وعطت بيها ولي انقلعي
من وجهي .
لارا :ر اح اطلع بس صدك اخذ لابهر عناد واصير مرته وانشوف حضرتك شسوي
شيراز ب برود مستفز لعق شفة وكال
لمي غراضج وبوجهج للشارع بعد ساعة اذ شفت خلقتج اسحلج سحل
للشارع يله ولي .
لارا : من كل عقلك تحجي وين اروح : تعصبت فضت نيران ولعت بية
شيراز: للخلفوج وعفتيهم يله طلعي .
طلعت وركعت الباب بكل قوتي مثل غركان منتظر لينقذ بس بدل الانقاذ رجع غطسوا
لاعماق البحر وضاع اخر أمل عنده اعصابي يرتعشن مختنك وبنفس الوقت متعجبة هالكد اني مكروهه .
ورحت ركض بحركة كلب بدون تفكير لخالتي لكيتها ستوها طالعة من الحمام اجت علية شنو هالصوت ؟
رفعت وجهي لكت احمر وجموعي تخرخر
رحيق ك شبيج ؟؟ شيراز اجه ؟؟؟ احجي منو ويااج
لارا بقهر رجلج ابجي واشهك هدددني ويكلي لو تعوفين ابهر يا اموتج خاله شيردون مني
شمسويتلهم لج شيراز طردني يكلي ولي منه وين اروح بهالليل ؟؟
رحيق : صعد الدم لراسي انقهرت عليها شنو يهددج بكيفه ؟؟
شمرت الخاولي ولفيت شعري بقراصه وخليت الشال ورحت
للمكتب اكيد هنااك دخلت لكيته على اشلباك يدخن وفاتحه اندار شافني رفع حاجب
وكال ببرود لاتتدخلين داسوي هالشي لمصلحة ابن اختي .
رحيق بصياح واعصاب باوع لارا منه ماتطلع اذ طلعت اني وياهااا.
شيراز ضغط بقبضة ايده رحيق لاتتدخلين انتي مرتي وحد عنها
رحيق : وهي بت اختي قرر اذ كلت لارا تطلع اني وياهااا
شيراز : لارا راح تطلع ماتضل هنااا وانتي غصب عنج تبقين .
رحيق : هزيت راسي هيج امنعني اذ تكدر رحت للغرفة لميت غراضي كومي
لمي غراضج اجه شيراز
خمط الجنطة وعاط مو بكيفج ماتطلعين
رحيق : يا لارا تضل يااطلع وياها مال تجبرني اضل صدك اشمر روحي منه
وتبتلي ودمي بركبتك حجيتها بثقة واصرار
بس ولاتراجع لميت غراضي و غراضها ونزلت وهو يصيح بعلو صوته
اذ طلعتي تحلمين ترجعين والله اندمج وحتى لبطنج اخذه طلعت بدون مايهمني وخود
جرها يمه مارضى اخذها بقت تبجي وتصرخ واصلا مااكدر اخذها بهالليل واني
مااعرف وين يصف بينه الوكت هنااا امن الها بعدين افرغله واخذها غصل عنه
لارا : خالة لاترحين خلاص اني اولي اروح يم سنر اوشقة ابهر .
رحي ق: مو علمودج علمود كرامتي خلي يتعلمي حترم وجودي مو يهينج .
. امشي ولاتتوقفين .
اجت عشق تتوسل بينة عفية ابقوا عمو يهدى ويبرد عفية لارا باعي رحيق خود
ماتت بجي .
نزلت ركبه ونص لخود لركضت ورانا بوستها ماما ايام واخذج عمري لاتبجين وهي ميته مفرفحة
شوية وطلع راسه شيراز من الجامة الفوك وصاح بعشق .
صعدي خوددد
طلعنا ودموعنا تخررخر والحمد الله اين ماخذه فلوس وياية بالجنطة وخالتي همات
اجرنا تاكسي ابو التاكسي سأل وين ؟؟
باوعتله وكلته ماندري امشي
خالتي كالت اخذذنا لموسى الكاظم ع
وبقت تدور بتلفونها
لارا : خالة لو ماطالعة مو افضل
رحيق : تنهدت لا الافضل يعرف حده
