رواية دخيله الشيخ زين العابدين الفصل التاسع الثلاثون بقلم أوتار حزينه
زين العابدين
لبدنا يم حايط دار انا ونسر وعلي والولد الباقين
تقدمو لدار ثانيه انا لابد انتبهت تراب وكع على وجهي رفعت راسي بسرعه شفت واحد ملثم بأسود فوگ بالسطح وشايله رمانه صحت يااووولد اانتبهو
صارت عندهم رده فعل سريعه رگضو شمرت روحي بالگاع ورميت علي كلشي صار بسرعه وكع وعبالي سلمنا منو كمت ومااحس
الا انفجار قوي صار بالسطح بلحظه تلايم عليه الحايط حميت روحي بأيدي ضربه
قويه اجتي عليها طكـت واللخ براسي فقدت الوعي ومااعرف بعد شصار
مالك
عم شعلان وفى بجلمتو واجه بالكعده ادحك لابوه واخوتو خجلانين من تصرفو ومالهم وجه يرفعو بوجه الاوادم
شيخهم كال الي تريدو
احنا حاضرين الو
عم شعلان دحك لي
واشر عليه
هذا ابنا،،،،هو يكول شيريد هو صاحب الحگ وابنكم عال عليه وعلى نسابتو اكثر من مره الي يكول عليه انا راضي بي ويمشي عندي
العيون صارت عليه تكلمت
انا مااريد فصل ولا فلوس عندي خير جثير ومامحتاج والحمدلله لجن فصلي
اخذو بايدي
ابوه دحك لي هو واخوتو كملت وانا عاكد حواجبي
ابنكم اذا تگرب بعد من حرمتي وشوفني خلقتو
بأي مجان اعتبرو دمو مهدور ومجتول من عندي
ولد فز وصاح بيه
شلووون المن تريد تقتل تايه الك اابنا.. مقدم بالشرطه شلون تهدد بقتله كدامنا وكدام الشيوخ
لااااتصيح ولك
عم شعلان كام لحيلو
صاح به
عرررض هذا تاايه الكم يوميا جاااي ومسوي
فضيحه وفاضح العالم جدام اليسوه والمايسوه شنوو ماعندوو ،، رداد ماعندو جبير يوكفو عند حدو
يااشيخ انا جبيرهم وشيخهم ووشحده بعد
اذا قرب لبيت الحجي اني احاسبه واعرف شغلي وياه
شيخهم رد عم شعلان جاوبو
جم مرة اخذو تعهد منك يااشيخ ويرجع يتعدى
عليهم اكثر من مرة صار هالشي وماشفناك سويت له شي يوكفو عند حدو تاايهين الناس عندو حتى كل جم يوم يهد عليهم ويحجي
بعرضهم
حكك يااشيخ واحسبها علينا بس مايصير ابنكم يهدد كدامنا يقتله
هذااا شرعنا وهذا الي نعرفو اليعيل على عرضنا
نذبحو ومانحسب الله ماخلقو
سكت للحظه واشر على الكل
ااسالكم بالله عليكم
انتوو،،،، تقبلوها احد يدوس بيوتكم كل جم يوم
ويجيب طاري بناتكم جدام الاوادم
محد رد
ااي محد يرضاها وحنا بعد
مانرضى بنتنا تصير علج بالحلوك وااسمعوها مني ااانا الشيخ شعلان بن الشيخ فيصل اذا تعدى هالمقدم ابو الشرطه حامي العرض مره ثانيه على بيت هالزلمه ماراح اسكت له
وراح يشوف مني شي مااا يسر الخاطر ابد
ماايجي بعد اتبره منه والله اذا وصل بيت ابو وسيم
ابوه رد بكسره نفس
عم شعلان جاوبو
حجي اگضب ابنك ولدنا دمهم حاامي ومايرضون
بالشينه ابنك اذا سلم
هالمره مايسلم مره اللخ جفوو الشر وخلونا راكدين ماانريد يكع دم بينا
سكت اخوه الجبير رد
احسبوها علينا شيخ والله مارضينا اله ولا نريد اي شي يصير لبيت عم مصطفى
ولا اله
عجل ااگضب اخوك عقلو كولو له خلي يركد ويبعد بشرو عن ولدنا وبيت هالزلمه
اشر على عم مصطفى ساكت ويدحك بقهر
للكاعدين ووسيم ويا عاكد الحواجب وضايج من الكعده كلها
عم شعلان كمل
هذا فصلنا وهذا حكمنا شدكول ياشيخ سلمان
شيخ سلمان هو شيخ عشيره عم مصطفى وجان كاعد ورد
نفس كلامك،،،،، اذا تعدى بعد على بيت ابو وسيم وحجه بالبنيه ينهدر دمه
لان السالفه صارت بلا ملح وانت تعرفون كلش زين اني شكاعد احجي وشنو اقصد
الكل افتهم ذيج السالفه الصارت بينه وبين لارا بس ماحجو بيها احتراما لابوها
شيخ سلمان دحك لابوه واخوته وعمامه عمه الجبير حجه
اذا بعد وصلكم ايدكم الكم شتريدون تسوون بي سووو
هيج فضت الكعده دمه انهدر عندي اذا شفتو بعد ولو صدفه بشارعنا او حوالين ليان اجتلو واسكنو الگبور
عم شعلان ماظل رغم الحاحي علي يبقى ويبات يمنا كال مشغول وعندي
شغل وي ناس بالخضراء
يكملو ويرجع لاربيل
تشكرت منو اني وعم مصطفى ووسيم وراح
ليان
افتر بالصاله،،،،،، وخايفه من هاي الكعده والي راح يصير بيها احساسي جان يكول مالك ماراح يرضى بفلوس
وكلت اكو شي ضامه بگلبه وراح يصدمني بيه دكيت على وسيم انطاني رفض وهو هم ماا رد
تأخرو كلش
ماما حجت بقلق وهي تفرك بايدها ونوار كاعده تباوع للساعه توته اجتي عليه شلتها وطلعت بره كعدت بالحديقه اريد اهدأ ماكو التفكير شلني شل
وره دقائق سمعت صوت سياره مالك فزيت بسرعه
رحت للباب انفتح وطب بابا يمشي بتعب وراه وسيم كال تفضل مالك
طب وراهم عاكد الحواجب شافني سألت بسرعه
هاا شصار
فوتي جوة ونحجي
رد مشيت بصفه كلبي يدك بقوه وخايفه من الراح
اسمعه ماما كامت من شافتهم هي ونوار سألن
ها شلون فضت
انهدر دمه يمنا
وسيم رد
نوار لطمت خدها امي كعدت مهدود حيلها رددت
شنوو تقتلو يعني اذا اجه بعد
ااي شتريدين لعد اعوفه وهو يوميا جاي ومسويلنا فضيحه
ولاراا مافكرتو بيها وبولدها
صفنت عليها من ردت هيج بابا انهد بيها
من عسااه لا طاب لا هو ولا ذيج اجعلهم بالموت اثنيهم حتى اخلص منهم ومن عاارهم حسبي الله عليهم ماظلي وجه بين الناس من وراها لبنتج
مالك رد بضوجه
وليان مافكرتي بيها عمه ما كاعد تشوفين الافندي
يوميا جاي ومسويلها فضيحه بالمنطقه وانتو وياها
سكتت ونزلت راسها ماكدرت احجي شي مكسوره من الكاعد يصير ومن السمعته منها هم بعدها تفكر بذيج واني لااا
اذا انتي تفكرين بذيج وشايله همها اني افكر
بليان ومايهمني احد بكثرها اذا خايفه على بنتج خلي تگضب زلمتها ولاتخلي
بعد يجي هينه لان بالقران
اذا شفت خيالو ولو صدفه بهل الشارع اذبحو وما يهمني اي احد
اختنكت بعد اكثر من السمعته وخفت من تهديد مالك اعرفه يسويها اذا ايهم اجه مرة ثانيه وشوفه وجهه
واكثر شي قهرني هو تفكير امي بلارا شايله همها وهم ولدها واني لااا
كمت باوعت لمالك عاكد حواجبه ويباوع عليه بتركيز حجه
تعالي اريدج بجلمه
مارديت مشيت ويا للاستقبال طب وسد الباب
وراه اشر اليه اكعدي كعدت جر كرسي وخلاه اگبالي مال ليكدام سأل
عش مقهوره ودمعتج بعيونج
كل هذا الصار وماتريدني انقهر
شتريدين اسوي ليان اسمعو يحجي بيج ويصيح بأسمج بالمنطقه واسكت له
عووفه ماا
قاطعني بغضب
المن اعوف يولي شاد گرون ااني مگرن ليان حتى اعوفو لهذا العار يحجي بيج ويهددني بالقتل اذا اخذتج
مااعرف مالك كمت مااعرف افكر دخت والله احسه صار لعنه وملاحكتني وين ما اروح
دموعي نزلت كملت بشهكه
مقهوره من الكاعد يصير والجاي يقهرني اكثر
ماما شفتها شلون شايله هم لاراا شفتها مالك مو مهتمه اليه ابد
عوفج منها واسكتي مااريدج تبجين وتقهرين روحج
مالك عوفه لاتقتله اني ما عندي استعداد اخسرك من وره واحد عار وحرامات والله ينحسب عليكم رجال
ابتسم ورفع حواجبه رد
خايفه عليه ليان
ارتبكت ونزلت راسي مد ايده ولزم ايدي باوعت اله صافن على الحلقه رفع عيونه وخلاهن بعيوني
مايحتاج ادكولين اي شي احساسي بيج يكول اي
درت وجهي منه وسحبت ايدي كمل
اطمني ومااريدج تفكرين غير بعرسنا الي راح يصير بعد جم يوم خلينا فرحانين بي وعايشين احلى ايام عمرنا
خايفه مالك
باطل تخافين واني موجود مو ماخذه زلمه عجل
رد وكمل بضحك
يولي شوفي شگلي تره الله وكيلج ياهو اليشوفني يكول عليه عبالك طالع من ابو زعبل شكل اجرام ومتخرج بامتياز من اكبر عصابه
بالبلد
قرب مني وكمل
مو بله شكلي شكل واحد مجرم
يعني بس گلبك طيب
ردي خله وجهه يتغير ابتسم وباوع عليه بنظرات خلت معدتي ادكوم توجعني كمت اردد بخجل
اشوف توته
لزم ايدي من كمت لمها بايده بقوه باوعت اله كال
لاتنقهرين وتضوجين وشيلي الخوف من راسج
انتي اخذتي زلمه حك ماا يخاف احد
وكف وطوله غطه عليه رفعت عيوني اله مبتسم ومرتاح ولا عبالك مهدد احد بالقتل كمل
يولي شدي ظهرج بيه ولا ديرين بال لامج وسوالفها وبعد لا تقهرين روحج من وره بشر مايسوه فلس
تنهدت وجاوبته
اذا تحبني لاتسوي شي اله عوفه مالك الله ياخذ حقي منه هو وذيج والله مااريد اي شي يصير عليك لاتفكر بيه فكر بتوته بنتك اذا صارلك شي اا
اختنگت ماكدرت اكمل نزلت راسي وكمت ابجي
اخذني لحظنه ختلت بي رد
عش ماافكر بيج انتي حرمتي صرتي غاليه عليه كلش وما احب اشوفج تبجين ولا دموعج تنزل
سحبت روحي منه ماعافني لزمني من خصري قربني اله باوعت اله صافن عليه والوجه متغير كال
كافي بجي والله جاي تأذيني بهالدموع
مارديت نزلت راسي رفعه بأيده وكمل
تالي وياج يولي اني اريدج تفرحين بهالايام لو تظلين تبجين وتنوحين
مسح دموعي بأيده ردت اوخر منه ماخلاني
ظلي
حجه بصوت مخنوك ما تحركت ظليت بين ايده مثل كل مرة شعور الامان حسيت بي بحظنه هدأت شويه رفعت عيوني اله خجلانه منه ومن الكاعد
احس بيه كمل بصوت
مخنوك
احبج ليان
صوت بداخلي صاح وتردد صداه بروحي وعقلي وگلبي وكال
واني هم احبك مالك
هالشعور خلاني اصفن على صدره وگلبي يدك بجنون لزم خدي نزل وباسني منه غمضت ومااعرف شصار بيه
وخرت منه بسرعه مرتبكه
وخجلانه من الي كمت احس بي رددت بصوت طلع
بصعوبه
اروح توته
ماانتظرته يحجي طلعت بسرعه من يمه
🌿🌿🌿🌿🌿
هيله
واكفه اغسل مواعين العشه وبالي يم زين لان مااتصل بهاليومين روحي لايبه عليه ومالي خلك حتى احجي ويه اي احد
امه رغم انهدت بيها جده ماجازت مني ظلت تنغز بيه من هي ماكو واني اعبر لها لان مالي خلك للمشاكل من وره الكاعد اهوجس به من وره زين ومااعرف منين تجيب هالخلك للمشاكل حنا بيا حال وهي بيا حال الدنيا مگلوبه وهي تحاسب على شي مايسوه وطلع
الها الف سبب حتى تتعارك ويايه
كملي وطلعي هالمدات اغسليهن وره الدار
اي
رديت مختصر من تكلمت معي
ااغسليهن زين مو شلون مااجان
ادللي عمه هساع اغسلهن مثل ماتريدين
رديت بهدوء وشلتهن من يم السنك والكاونتر طلعتهن لوره الدار فرشتهن ورجعت اجيب فرشه والتايت عگبت وبديت اغسل بيهن كملت
وشلتهن شريتهن على الحايط نفضت هدومي من المي انداريت فزيت من
شفت حمد واكف ويدحك لي عكدت حواجبي سلم
شلونج ياهيله
ماانا زينه عكب ماشفتك
رديت وسريت لباب المنور اريد ادش بسرعه لان هدومي منكعه ولاطشه بجسمي وهو لا حيا ولا خجل ولا حس تكلم
عش هالكلام ياهيله ،،،، لان تكلمت معج ورد صالحج
انهديت بيه وانا اشر بالفرشه بوجهو
اااسمعني زين ياااالردي اسمي لاتجيبو على لسانك وصالحي ااعرفو زين ما احتاج واحد مثلك يعلمني اي شي بيك خير روح علم روحك تراك طامس
بالمنگر لهامتك وانت تعرف
وش اقصد
ووزين بعد طامس بالمنكر شعبالج انتي من اخذج راح يبطل سوالفو الشينه
ماااشين غير انت الكاعد تطعن به من وره ظهرو.. وما ردي غيرك انت ياحمد الي خال عينك على حرمه
خويك
سكت وجهه انطعن رد بصوت مخنوك
انا حبيتج قبلوو هوو ماا
قاطعتو بغضب
ااسمعني زين ولك بالقران بعد اذا اعترضت طريقي ووحجيت وياي هالكلام مره ثانيه اروح احجي كلشي لعمي الشيخ وهو يعرف شغلو معك
سريت من يمه ارجف من اعصابي ردت اروح اكول لجده عن تصرفه سريت وكفت من سمعت صوت عمي
ووينو هساااع
گلبي راد يوكف من الخوف خليت ايدي عليه حسيت زين به شي رگضت للمجلس وعمه ورايه
هاجر يمو واكفه والخوف
تارس ملامحها سألت بخوف شبي زين
عمه سالتو بصوت يرجف
شبي ابني
يعني ماابي شي ولك نسر اصدگني الكلام زين بس ايدو مكسوره وراسو متاذي
امه من سمعت هالكلام ملخت وجهها وصاحت
يممه اابني تصوب ولكم الخااايفه منه صااار
رجلي بادن ردت احجي اتكلم صوتي ماطلع هاجر حست بيه اجتي لزمتني بسرعه تبجي وانا وياها نزلت دموعي
جيبوو هينه انا اداويه يمي احسن دكتور ااي يابه لاتخلوه باي مستشفى جيبو
وتعالو
جده دشت شافت الوضع صاحت
خير وش به الزين
تصوووب ولدي ياااعمه الجنت خايفه منوو صااار حجيت ومحد سمع لي ولكم اابني مدري شصار بي
ناحت وهي تضرب على رجلها عمي صاح بها
بسج عاااد خلي اشوف الولد واسمع صوتو
فزت وراحت له
عمي فتح سبيكر گربت منو اريد اسمع صوت الغالي عمي حجه گوة
يازين ياولدي شلونك هساع طمني عليك يبعد ابوك
بخير يابه لايظل بالك
زين رد بصوت تعبان ومخنوك
امه اخذت ااجهاز حجت بلهفه ودموع
يمه انت بخير طمني عليك يبعد امك سمعني صوتك
يمه انا بخير
رد وسكت نسر الويا تكلم
شيخ هساع هو تعبان كلش خله يرتاح والفجر نتوكل على الله ونجيكم
بعد مااكدر اوكف هويت هاجر اخذتني للقنفه كعدت الوب من السمعته وصوته بأذني تعبان وماله خلك
ااي يابه انتظركم بس ديرو بالكم علي
ادلل شيخ وتطمن انت والاهل تراه بخير بس شويه تعب من الصار به
تمام ياولدي توصلون بالسلامه بأذن الله
سد الخط كعد ادحك له مهدود حيلو
جده كعدت يمو وكالت
قدر ولطف ياولدي
الحمد لله
رد بصوت مخنوك عمه انهدت وهي تبجي
هذا العندج يااشيخه قدر ولطف اابني رااد يروح مني وانتي تتكلمين هالكلام
عجل ووش تريدين اكول انوح واگتل روحي مثلج هذا امر ربج الصار به هناك يصير به وهو بحظنج
اابني بعد مااايعكب لهناك انا ماعندي غيروو عوفوو لي جوزو منوو انتي وااابوه
بسج عااد اليسمعج يكول ااانا مو مقهور على ولدي ولا خايف عليه
اذا خايف علي يااشيخ لا
تخليه يعكب لهناك
تعرفو دمو مهدور عدهم تعرف الموت يحور عليهم
بذيج الارض عش اجازف بيه وهو وحيدك
حالو من حااال ولدنا مااهم احسن منو وابنج اذااا انا گتلو اكعد ماراح يكعد تعرفيه كلش زين بهيج شده يتحزم لها ومايهاب الموت
لااااا گلو اكعد وهو راح يسمع الجلمه منك گلو
يااشعلان ولدي راح يروح مني ان سلم منها هالمره
يجوز مايسلم مره اللخ
انهارت تبجي وتنوح بجيت وياها لان نفس الاحساس حسيت به بس ماكدرت اتكلم اي شي روحي فرفحت عليه وردت الصبح يجي بسرعه حتى اشوفو واطمن عليه
جده رددت
استغفر الله ياربي خل الولد يجي بسلامه ونشوف الكلام بعدين معه شلون يصير
عمه فزت وراحت لها تكلمت بتوسل
اي ياعمه احجو معه هو يسمع منج بروح عمي
الغالي لا تخليه يرد لهناك راح يحرك گلبي وگلبج
وگلب الكل بس يصير بي شي
كهدت بالبجي وخليت ايدي على وجهي انهاريت بس تخيلت راح يروح من ايدينا
عمي تكلم
اسكتي يابه لاتبجين مابه شي بأذن الله
ماسكتت هاجر كملت
هيله كومي بدلي هدومج كلها منگعه
گمت گوه اريد اسري من يمهم اروح اخابره اسمع
صوتو واتطمن عليه الكاع مادت بي دخت لزمتها بقوه سألت بخوف
شبيج هيله
مابيه شي
رديت وسريت وياها
عمي حجه
ظلي يمها لاتعوفيها
اي يابه
صعدت وياها الدنيا تفتر بي واردد بدموع
زين تأذه يااهاجر
مابه شي لاتخافين سمعنا صوتو وراح يجي باجر
دشينا غرفتي كعدتني وكالت
بدلي هساع اجي نسيت الجاي على الطباخ
سرت من يمي وطلعت دورت جهازي شفتو على الطبله رحت اخذتو دكيت عليه بأيد ترجف مارد بجيت ونحت دكيت مره اللخ
انطاني رفض كلت واحد
من ربعه
رساله اجتني منو
انا بخير
قريت الكلام بگلبي مو بعيوني حبيت هالكلمتين
وحظنت كلامو لصدري رحت كعدت ادحك لهن جن روحي بيهن
🌿🌿🌿🌿🌿
زين العابدين
بعد ماوكع الحايط عليه وفقدت الوعي كعدت وره مدري شكد بسياره همر يمي نسر هو وعلي صاح
كعد زين العابدين
فتحت اون واحس الدنيا تفتر بيه تحركت صحت من الالم ااخ ياابه
لاتتحرك شيخ ايدك مگسوره وراسك مفجوخ ورجلك جن اجتها شضيه
ونيت من الوجع وراسي گام يفتر طلعو بيه لمستشفى الميداني هناك رجعو ايدي تحاملت على الوجع وانا اكزكز والوب جبروها لي
وطلعو شضيه من فخذي عالجوني وانطوني مهدئ غفيت ورحت بغير عالم
كعدت بالليل نسر حدي شافني فتحت فز واجه ليمي كال
ها ياشيخ شلونك هساع
بخير
رديت گوة جاوب
دومك بخير يارب راح ابلغ الشيخ
لاا يانسر يفزع هو والاهل
مايجوز لازم يعرف لان دك جثير ومحد رد علي وانت تكلم معه من يسمع صوتك راح يتطمن
تنهدت بتعب اشرت بأي
دگ ومثل ماتوقعت فزع هو واهلي جنت شايل همو هو وامي وهيله وجدتي تكلمت معهم حتى يرتاحون انا مابي شي يخوف
سدينا الخط وره مشوار هيله دكت ماارديت لان نسر يمي والدكتور اجه دكت مره اللخ كتبت گوه
انا بخير
من الفجر نسر وعمر اخذوني لاربيل متمدد
ليوره اغفى واكعد الوجع دمرني دمار مااعرف رجلي ماعرف ايدي وراسي حتى بعدني بهدومي وكلها دم وصلنا لدار اهلي نسر تكلم
الدنيا مگلوبه عدكم
جان عمام ابويه وولدهم كلهم واكفين بره وابويه جالس بره المجلس شاف السياره كام لحيلو واجه بسرعه عليه من وكفنا هو اول واحد تلاكني من شاف حالي وجهي اصفر تكلم بصوت مخنوك
هلا يابه الحمدلله على السلامه
الله يسلمك ياشيخ
رديت سحبت روحي ورحت لحظنو لمني بي حسيت به جسمو يرجف دست على روحي وكلت
گوي گلبك ياشيخ مابي شي صوابي بسيط
وخر مني دحك لوجهي ورد
بيه ولا بيك ياولدي
الولد نزلوني ساند روحي عليهم عم بحر حبني هو وعم مهنا وتحمدو لي بالسلامه هم والباقيين
خذوني للمجلس وبعدين دارنا ابويه معي ويردد
بهيده رجليه متأذيه وايدو
دشيت امي وخواتي كلهن موجودات تلكتني تبجي وجدتي معها وجهها مطعون وغادي دم لجن گويه مثل مااعرفها اجني ليمي امي حظنتني تحب
بوجهي وتردد
لو صاير بك شي انا اموت عگبك يازين
مابي شي يمه
رديت جدتي هم حبتني وكالت بصوت مخنوك
الحمد لله على سلامتك ياازين
يسلمج الله ياجده
خواتي تحمدن لي بالسلامه وهن يبجن وخايفات عليه كلها شفتها الا هيله عيوني راحت للباب الداخلي اجتي امها لازمتها دحگت عليه
والدموع تسف على الخد
بعز وجعي ابتسمت لها اجتي بسرعه عليه حظنتني وكهدت بالبجي كلت
ااااششش مابي شي
وخرت مني تبجي بشهكه دحكت لي وكالت بصوت مخنوك
بيه ولا بيك زين
نفس كلام ابويه رد گال
الحمد لله على سلامه زين ياهيله
🌿🌿🌿🌿🌿🌿
هيله
ظليت الليل كلو كاعده وانتظر زين يجي روحي فرفحت عليه والكل دخل انذار من وراه محد نام ظلينا كاعدين للصبح كل ساع اروح واجي لباب المطبخ ادحك للبوابه الرئيسيه
اريد احد يصيح ويكول اجه ووصل
امي حدي بالمطبخ دمعتها بعيونها وتدعيله يصل بالسلامه
اكعدي يمه مو رجلج راحت من الروحه والجيه
مااكدر يمه اكعد مدري شبيه مخنوكه وروحي مفرفحه عليه
مابي شي ان شاء الله
سمعت صوت صاح
اااجه شيخ زين
فزيت ورحت بسرعه للباب فتحتو دحكت وگلبي يدك بسرعه شفت سيارتو دشت والزلم ترست الساحه ردت اشوفو لجن صارت هوسه
يمو
وره لحظه نزل بأيد الولد لزمت گلبي بقوه من وجعني علي دموعي نزلت گوة يمشي وايدو مجبره وراسو مشدود
اجوي لمجلس الدار وهو بأيدهم سريت ووكفت بالصاله امي حدي لزمتني
من هويت صاحت
الله يمه شبيج
ماامدري شبيه يمه الكاع تميد بي
كولي الله شفتيه نزل ومشى وي ابوه ووالولد
امشي وسندي روحج عليه
مشيت وياها ووكفت باب الداخلي عيوني صارت بعيونه جن يدور عليه ابتسم
وخلاني اروح لحظنو بجيت
بخنگه تكلم يطمني علي
وخرت گوة منو الهنوف اجتي وتحمدت لي بسلامتو لجن رهيفه وامنه ماحجن شي
كالت
خلي ناخذو بالغرفه الجوه يبدل هدومو ويرتاح
اي
رديت ولزمتو وكملت معه
اسند عليه يازين
غير افين حظج بس اگع
عمي طلع وعگب معه حمد ضجت من شفتو لزمو هو ويا كال
اسري ياولدي
رحت بسرعه للغرفه علكت الضوه هاجر معي كتلها
اصعدي فوك وجيبي له هدوم
اي
راحت من يمي
دشو هو بأيدهم كعدو على الجربايه حمد دحك لي عكدت حواجبي ودرت وجهي منو طلع تبعتو بعيوني اخزر به
درت وجهي انتبهت زين صافن عليه وعاكد حواجبو
هااي الهدوم هيله
ااي خليهن هينه
امه وخواته يمنا وابوه هم الي كال
ابدل لك ياولدي
ابتسم بوجهو ورد
لا يابه انا ابدل تره مابي شي
براحتك اني راح اطلع للزلم البره اي شي يصير خابروني
ماكو شي يابه لايظل بالك حنا كلنا يمو
الهنوف ردت دحك له مره ثانيه بعدين طلع من عدنا امه كعدت يمو حبته من عيونو وكالت
اسم الله عليك يمه من الاذى شصار بيه من سمعت بيك تأذيت ما غمضت ولا كدرت ارتاح الا
من شفتك اجيت
محد نام يافضه كلها كاعده ياحي ياقيوم وتريدو بس يجي مني لخواتو لهيله
جده ردت وكملت
ااطلعن خله يبدل ويرتاح وامشن اشون له لحمه وسون تشريب مال هوش خل عظمو يلم ويجبر بسرعه
اي ياجده هساع نسوي له كلشي
الهنوف ردت واشرت لخواتها سرن من يمنا امه كامت وسألته
اظل يمك يمه
لا حجيه هيله يمي
وجهها تغير ودحكت لي بضوجه كالت
ديربالج علي واي شي يصير صيحيني
اي عمه
سرت من يمنا طلعت كال
سدي الباب هيله
رحت سديتو ووكفت يمو دحكت له صافن عليه
دموعي نزلت سريت له كال بتعب
لاتبجين وتعالي بدلي لي زلمتج مكسر وصاير فد مره لجن جان يكابر حتى الشيخ والحجيه مايخافون بعد اكثر
ادري بيك كاعد اشوفك شلون متأذي
رحت ليمه مديت ايدي فتحت دگم القميص
گلبي مدري شصار بي من شفت جسمو كلو كدمات
ومجرح سألتو بدموع
هاي شصاير بيك وشلون هيج تأذيت
سحب جسمو من القميص ورد
وكع علي حايط
يممه صدك تحجي
شهگت ولطمت صدري رد
اي يولي ماتشوفيني تصنفت واجيتج مكسر
ماكدرت ارد شهكت بصوت كمل بتعب
يولي اريد اغسل ريحه الدم جتلتني
ااي هسه
جاوبتو بسرعه كام سندته ملت بي لان ضخم وصاحب لشه سند نفسه على الحايط لزمه ودشينا سوه للحمام غسلت اله ممروده
من الشفته جسمه كله متأذي رجليه متصوبه وايدو مكسوره وراسو هم مجروح جرحا جبير وكله كدمات زرك
من طلع ماقبل ياكل شي كال اريد انام وارتاح تمدد على الجربايه كلت
راح اروح انت ارتاح واذا تريد شي بس صيحيني
وين رايحه تعالي نامي يمي
مو وكت نوم يازين الاوادم منا وتارسين البيت
يولي تعالي يمي وعوفي الكل انا افرض منهم
تنهدت ورحت ليمه تمددت خله ايدو الزينه على خصري غمض وكال
لاتروحين ظلي حدي
مااروح ظاله يمك نام وارتاح
دقائق وذب روحو بثگل ونام انا هم ثگل راسي وغفيت وياه
🌿🌿🌿🌿🌿
هاجر
الدنيا انگلبت يمنا نسوان عمام ابويه وعماتي اجني هن وبناتهن ووجناينهن الدار انترست بيهن ماعدى الزلم البره ابويه ذبح ذبايح
على سلامه اخويه
جاب طباخ ووكف يطبخ الغده والعشه احور بالمطبخ ووياي خواتي نحضر ضيافه الخطار امي سألت بضوجه
وين هيله وشعدها ظلت يم زين ماتطلع ماتعرف دارنا انتسرت ضيوف
شلون تعوفو يمه وهو
بهالحاله
رديت رهيفه عگبت على كلامي
زين نام عش ظلت يمو ما تطلع تساعدنا بالشغل ما تشوفو صار للهامه من كثرو
تره حنا جثيرات وبنواتنا خير من الله وكلهن كاعدات يشتغلن ويانا يعني مو محتاجين هيله ويانا خليها يمو هو محتاجها وهي هم خطيه تعبت كلش من وره الصار بي
امي اشرت عليه وكالت بغضب
شفتيها ابدا ماتنطي بيها لا هي ولا جدتج
امنه كالت بعصبيه
وانتي عش واكفه دوم معها كلما نحجي چلمه عنها توكفين لنا مثل العظم بالزردوم
الهنوف دشت شايله صينيه وكالت
صبن مي ووزعن جگليت
يولي امشي صيحي ذيج الي ماعدها احساس بس شافت ولدي لبدت يمو وما خلت لا خجل ولا مستحى من الاوادم الجايه علينا
اختي دحكت لامي بضوجه خلت الصينيه على الميز وردت
خير ياشيخه اشوفج
بهالحزه تدورين مشاكل مع حرمه زين وهو هاي حالتو
امي سكتت اختي كملت بنغزه
وكتها هاي السوالف يمه ابنج جايج مكسر والله ساترو من الموت وانتي تدورين الحجه على مرتو وتريدين تسوين مشاكل معها
امي ماحجت شي
يالهنوف هي مرة اخوج
مصختها عافت الاوادم والخطار ولبدت يم اخوج
رهيفه ردت بضوجه
اانتي اسكتي ولاتحجين چلمه الي بي خير يتكلم هالكلام جدام ابويه لو زين
و لايفك حلكو وراهم
رهيفه بلعت لسانها
امي ردت بغضب
تهددينا بابوج واخوج يالهنوف
ااي يمه اهددج به وبزين لان محد يكدرلج انتي وهذني الزوج غيرهم هم
الكل سكت دحكت للهنوف مبتسمه كملت بغضب
مسويات عصابه على البنت وماكلات لحمها بالطالعه والنازله وهي ساكته ماترد
خاف يسمع ابويه لو اخويه
ويعلگها عليجن
ااسكتي حسج عالي منا الخطار
امي ردت اختي تخصرت لها وردت بعصبيه
همزين هساع تذكرتي خطارج يايمه صارلجن ساعه كاعدات هينه وتحجن على البنيه وماكلتي اكوم على الخطار واشوفهم
كاايمه بس ااسكتي وجفيني شرج
جاوبتها وكامت
بس الهنوف ماسكتت ردت
يكعد زين وانا اكلو عش خليت هيله يمك امي ما رضت لا هي ولا رهيفه وامنه وكامن يحجن عليها جدامي انا وهاجر
غمزت لي
على شنو تحجين له مالها داعي يالهنوف خلها يمو اصلا مو محتاجيها لست الحسن بأي شي
امنه ردت بغضب وطلعت من يمنا ورهيفه دحكت لي والها بضوجه وسرت وره امي
خلي مي نااس ماتجي الا بالعين الحمره
ههه كفو منج شيخه
تكلمت ابتسمت وردت
تعلمي ولج مني امج وخواتج مايخافن غير من
ابويه وزين يرعدن منهم ويحسبن الهم الف حساب
امي مدري شبيها حنا بيا حال وهي شدور بدل ماا هي ادكول خل تظل يمو خاف يحتاج شي من يكعد هو هيج حالو المن يحتاج غير مرتو
امج تغار يااهاجر تغار من هيله وتخاف لاتاخذو منها
اي اعرف لجن خواتج وش بلاهن عش كاعدات
يتصرفن هالتصرف الشين مع هيله
خواتج متكبرات وشايفات روحهن عليها والي منطيهن عين بعد اكثر هي امج
يشوفنها ماتحبها وادحك لها بعين زغيره ويسون مثلها
ااي والله اني هم حسيت بهالاحساس بس تره حرام الكاعد يسونه بيها والله شايله البيت شيل وما مقصره بشي
هو هذا الزين محد يريدو بهالوكت لو هي تعاملهن بنفس اخلاقهن جان كعد حظها يمهن وعملن لها الف حساب
هزيت راسي بأي وجان وكت غده التهينا به وصبينا للنسوان والزلم بمجلس
ابويه تغدوا
🌿🌿🌿🌿🌿
شهم
العصر رحت افتر بسوك كركوك ادورلي مچان حتى افتح بي بسطيه ابيع بها مخضر شفت وحده معروضه للبيع سألت زلمه عنها
ياعم هالبسطيه للبيع
اي يابه للبيع
لمن هي انا شراي بأذن الله بس اريد اعرف السعر
هاي مال ابن اخويه اخابره واشوفه بيش رايدها
اي والله تسوي فضل عليه
انتظر هنا هسه اخابره الك
خابرو وتكلم معه انا واكف بنص الزحمه والاوادم الي تارسه السوك سمعت صوت
عم حميد تعال منا
درت وجهي بسرعه الصوت جن سامعو والاسم هم دورت بعيوني وگلبي يدك بسرعه حالي تخربط اريد الصوت يحجي يتكلم مرة اللخ ماكو سريت خطوه ادحك بالوجوه
يااولد يابه ااحجي وياك
انداريت على الزلمه وتمالكت روحي رديت
هااا ياعم
خابرت ابن اخويه يكول رايدها بخمسين الف
هزيت راسي الو وكتلو
شراي انا اريدها لي
بالعافيه عليك ابني بس انت شتريد تبيع بيها
مخضر ياعم
هاا اية الرزق ان شاء الله
تسلم وبارك الله بيك
باجر هو راح يجي بالعشره تعال انطي فلوسها وبالعافيه عليك مقدما
مشكور عم ماقصرت ورحمه الله والديك
ووالديك ابني بس ماگلت الاسم
ردت اكول غير اسمي لجن عبالك ايد قضبت لساني ونسيتو بسرعه دمار ضربني براسي ووجعني كلش غمضت عيوني وگضبتو
خير يابه شبيك
فتحت هزيت راسي وكتلو
مابي شي ااسمي ثائر
عاشت الاسامي ابني
تعش بعز ياعم
انت منين
سأل صفنت بوجهو كمل
لهجتك اليكول من ربيعه يعني اطرافها قريبه للهجه البدو
هم رجعت الومضه براسي شفت روحي بگاع خضره وصوت المي يجري وخيال
البنت سمره صار بين
عيوني للمره مدري شكد
مارديت هو كمل
خطيه ماظل احد هناك كلها نزحت للاربيل ولبغداد وناس اجتي هنا ،،،،
ديارهم كلها صارت بأيد ذوله الانجاس بس سمعت ولدهم التحقو بالحشد العشائري وخلو ايدهم بأيد الحشد وبدو يحررون
المناطق كلها
اي انا هم سمعت
الله ينصرهم عليهم ويخلصونا من شرهم
وحسبي الله ونعم الوكيل على الجابهم علينا
امين يارب
رديت وترخصت منو سريت ادحك بالوجوه اريد اسمع الصوت الي هزني هو والاسم لجن ماسمعتو ووصلت داري مخنوك
ومدري شبيه
دشيت وكفت يم الباب سندت روحي علي صفنت بجمود وكلام الزلمه يتردد
براسي
لهجتك لهجه بدو جن انت من ربيعه او اطرافها شي بداخلي كلي انا مناك لجن ابن من وش هو اسمي
انا وابويه من هالشي خلاني اختنك
اريد اعرف من انا ومنو اهلي اريد بس اتذكر شي يساعدني الزم الخيط الي يوديني لهلي
ام احمد طلعت من المطبخ شافتني سألت
ثاائر يمه بيك شي
لا مابي شي
رديت وسريت للداخل دشيت غرفتي ريتاج بها تصفط هدوم شافتني سلمت
الله يساعدك
هلا ريتاج
كعدت اجتي ليمي سألت
ها شسويت على الشغله الكلت لي عليها
ان شاء الله خير ادعيلي الله يوفقني بيها
الله يوفقك ويرزقك من رزقه الحلال
كعدت يمي دحكت لها مبتسمه كملت
اكدر اطلب منك طلب
كولي عيوني لج
حبتني من خدي بفرح وكملت
ضايجه واريد اطلع اني وياك
ابتسمت ورديت
ادللي نطلع نتعشه بره مشوار جهزي حالج انتي والحجيه
امي ماتريد تطلع كالت روحو انتو اني اتعب من المشي ومااخليكم تاخذون راحتكم
براحتها من نرد نجيب لها عشه
رجعت حبتني مره اللخ وكالت الله يخليك لي
صفنت على كلاده خرز زرك برگبتها مديت ايدي الها گضبتها وسألت
هاي الكلاده كلش حلوه برگبتج
ههه صدك قبل شويه سويتها عجبني لون الخرز وسويتها وخليت حرفك
شفت الحرف وكملت بضحك
هذا حرفك وسويته كلاده برگبتي
غمضت عيوني بقوه جن ايد سحبتني ليوره وصوت تردد براسي ودك بي بوجع
انتي برگبتي گلادةَ
وانا برگبتج ذمه
نزلت راسي وگضبتو
ثائر بيك شي
رفعت عيوني الها صفنت بعيونها حسيت روحي مثل الواحد التايه ومضيع جثير شغلات
گضبتني من جتفي گربت مني سألت بقلق
شبيك وجهك انخطف لونه
رديت بصوت مخنوك
مابيه شي
ماادري احسك صارلك فتره مو على بعضك تصفن هوايه وعبالك اكو شي شاغل بالك
ماكو شي لاتشغلين بالج بيه كومي حضري روحج خلي نسري من وكت نفتر واشتريلج الي ردتي بذاك اليوم ونعكب من وكت
للحجيه
ااي كاايمه
كامت من يمي فرحانه وتفتر بالغرفه ادحك لها وخيال البنيه السمرة بين عيوني
زين العابدين
ذبيت روحي بالفراش من التعب والصار بيه
كعدت الغرفه ظلمه بس اكو ضوه من الحمام مضوي شويه دحكت هيله يمي غافيه وهم مبين عليها التعب
گضبت خدها بهداوه وگربت بصعوبه من وره وضعي كعدت دحكت لي فزت وتكلمت بخوف
هاا زين بيك شي
الله يابه مابي شي شبيج فزيتي
تنهدت بصوت ردت انهض گضبتني وساعدتني خلت ورايه مخدات ارتجيت عليهن وكلت
ااخ وج هاي وين جانتلي تصنفت واجيتج مكسر
الحمدلله قدر ولطف
تتكلم معي وتعدل بالمخاديد ورايه وگريبه مني كلش وشعرها منثور على وجهها وعليه ابتسمت گضبت خصله بستها دحكت لي مبتسمه
لو صاير بيه شي جان شصار بيج
اموت مااظل اتنفس الهوه
ابتسمت من ردت هالرد كعدت اگبالي كلت
گربي مني
رجليك يازين خاف تتأذه
مابي شي نمت بحال وكعدت بحال احسن
گربت مني گضبت ايدها انتبهت بارده كلش والجو حار سألت
عش ايدج هيج بارده
مدري صارلي فتره ابرد واحس الدنيا ثلج
هيله
جاوبتو دحك لي بقلق سأل
بيج شي مريضه يولي كولي اشوفج ضعفانه والوجه غادي اصفر
صفنت عليه شايل همي وهو متأذي رديت وصوتي طلع مخنوك
فراكك اذاني يازين وتعبني التفكير بيك من رحت وانا حالي حال لا انام زين ولا اكدر اكل شي
يولي مو هيج تره جاي تعبين روحج وروحي معج
مااكدر مو بأيدي تعلقت بيك كلش وگلبي من الفراك كام يوجعني
بجيت ونزلت راسي سمعتو ذب حسره رددت
لو صاير بيك شي مو زين لا سامح الله انا مااطيب والله اموت وراك ومااظل عايشه واشتم الهوه
سكتت بس شهكه صدري تطلع مد ايدو گضب خدي ملت عليه وغمضت ردد بصوت متغير
مادريت انتي تحبيني هالكثر
فتحت دحكت له جاوبتو
هساع عرفت انا احبك حبا جبير وتعلقت بيك مثل مايتعلق الغرگان بگشايه حطب ... عرفت انت النبض الي يدگ بگلبي وانت كلشي بحياتي وياريت بعد الي عرفتو ماتروح بعد لهناك
وتخاف الله بهالروح الي تعلقت بيك وبهالنبض اليدك بصدرك
جرني بهداوه علي نمت على صدره دمعتي بعيوني وتنزل على خدي اسمع نبض گلبو يدك بسرعه خليت ايدي عليه ذب حسره مارد وعدم رده خلاني اعرف هو رفض كلامي مالحيت عليه كلت خلي الما يطيب وارجع احجي معه
وخرت منو سأل
وين رايحه
الدنيا عشه وانت مو ما اكلت شي من اجيت ولهساع اطلع ارتبلك عشه زين واجيبو عندك
هز راسو بأي صافن عليه لميت شعري كمت لبست شالي وطلعت ماكو احد بالصاله دحكت لغرفه جدة كاعده تصلي
سريت للمطبخ اريد اجهز العشه دشيت وكفت من شفت حمد يم باب الخارجي ظهرو عليه ردت اعگب لجن دار روحو
شافني ودحك لي بنفس ذيج النظرات الي اكرهها
