رواية الطاغية والمغرور الفصل التاسع والثلاثون بقلم يارا الياسري
المؤسف إنني لم أستطع الدفاع عنك مرة أخرى، فـ كلما قلت " هو ليس بهذا السوء"، قالوا " إياك أن تنسى ما فعله بك"، لقد خذلتني وهزمتني أمام الجميع وأمام نفسي 🖤 !
خالتي كالت لا الافضل يعرف حده ودك جهازها
ردت الو هلا تينة
تينة كاعدة بمطعم واجتني مسجات من رحيق وتكلي ساعديني ضربت جبيني بملل اووف هالبنية ورطتها وتورطت وياها والله ماشمرها الا بحضن احقر بشر شيراز الحقير رديت اتصلت بيها
على الرصيد الو هلاو رحيق شلونج خير شصاير؟؟
رحيق :تنهدت بقهر وخليت ايدي على الجامة تينة اريد اجي يومين يمج بين
مارتب وضعي اني وبت اختي
تينة: بلاول خفت اعرف وراها شيراز يهدد بس مااكدر اعوفها وشخصر اذ جبتها يمي
خطية صحتها على كدها وحامل كلتلها تمام انتي وين ؟؟؟
رحيق :راح نروح للامام الكاظم .
تينة: اوك مسافة الطريق وتلكوني يمكم .
رحيق : كملت منها وقفلت احس راسي صاير طبل بس الانفاس تنسمع بقت تلح لارا لو باقية
عطت بيها وصلنا زرن واندعيت الله يريح كلبي ويهدي شيراز ويستر لارا
بعدها طلعنا اتصلت تينة كالت انتظركم يم مطعم وصفته رحنالها
اول ماشافتني حضنتني وتسأل ها شصاير اكص ايدي اذ طردتج مو من ورا هاي.
ام عطوب مبينة مو راحة
لارا :اي اشتغل بملاهي ودايحة .
تينة :شقصدج ؟؟
لارا: والله لبراسه
تينة: مو ادوسج.
رحيق :اووف بلشتن دهره عفية تعبانة روحي مايعة
تينة: متعشيات ؟!!
لارا لا قبل العشة انطردنا بقى واهس عشة
تينة: لعد واهس ردح اكلنا الزعل مايفيد اوكفن
خلي اجيب من هالمطعم مابية اوكف بعد.
رحيق :الاتكلفين على روحج
تينة: اكلي بفلوس الزواج يمعودة مو فلوس تعبي ههههه وطكتها ضحكة .
اخذت اكل وتحركنا لسيارتها لكيتها مغيرتها مشترية جارجر
تينة :تنهدت اكو فايدة من الردح صعدن بس صدوك فخامة
باوعتلها اكولج تينة شتشغلين وهالكد فلوس .
تينة بضحك كوادة ههههه بالصالون ششتغل يعني مديرة صالون ومتزوجة بالسر واحد
طاك شايب من شياب البرلمان هههههههه .
يشبع بخصري واشبع بفلوسه تبادل خدمات .
لارا :هزيت ايدي ماعاجبني
تينة :شنو سبب طردتجن ؟
رحيق :بلشت تحجيلها كلشي وهي تخوزر بية
اني انطيتها صفنه للشارع
من لحد ماوصلنا نزلن وصعدنا لشفتها فتحتها
ودخلنا اول مادخلت شمرت روحي على القنفة
احس من التفكير راسي ينفجر خالتي كعدت
ومدت رجليها
تينة : راح اجيب صينية كعدي بالارضية احسلج
مدي رجليج .
رحيق : لاتعبين روحج مااشتهي والله .
تينة :هو كيفج اكلي يابة يردلج حيل وراج ولادة
بهالاثناء أتصل أبهر عفتهن ورحت على صفحة احاجي
هلاو حبيبي
ابهر :هلا لارتي وين انتم؟؟
لارا : ششدراك طلعنا ابهر والله هو هددني ماغلطت بشي
أبهر :أعرف تمام اهدي عشق بلغتني شوفي بس ليوم تحملوا بفندق
باجر اخذي المفتاح من عشق وروحي للشقة تندليها وهمات راح اتصل بسنر تجي تاخذجن تندل هي .
لارا: أحنه هسه يم تينة ماادري انتظرك تجي افضل
تنهد بضيق وكال لا روحي للشقة مالتي افضل كلها شكم يوم وارجع
تمام حبي أسال خالتي واردلك خبر
.
رحت خالتي سالت
منو حاجج؟
لاار : ابهر يكول روحوا بالشقة مالتي .
رحيق: لا نبقى هنااا ونأسس حياتنا لا شقته وللاهم يحزنون
لارا: خالة بس هو مصر
رحيق: لاتعاندين فدوة اروحلج تعبانة ومنهمكة لدرجة روحي مااريدها بالي يم خود .
لارا :رجعت حاجيته سمعت كلامها.
أبهر:ادري هي قافلة من زوجها اني شكو يلة
أفكر بحلةواحلها انتبهي لروحج وخليج
فطنة ولاترحين للدوام ضلي يم خالتج
لارا:تمام باي.
اجت تينة بصينتها جايبة مشاوي مقبلات لبن وببسي بلا نفس هيج تنقش .
بعدها رحيق فاتت ترتاح بس متاكدة مراح تغفالها عين اني كعدت وايدي على خدي
افكر لسويت غلط ومليون غلط لو مخابر ابهر وحالها ولا مورطة خالتي انوب خالتي
من تعاند تعاند ونمخسر كلشي اوووف ياربي غباء فول براسي .
تينة : نعست راح انام اذ نمتي طفي التلفزيون وهااا اكو فراش مخليتج يم خالتج جيبي نامي على القنفة بس سحبيها
تصير سرير
هزيت راسي وهي تتثاوب راحت تنام بقيت كاعدة وافكر شلون حلها ياربي .
مر يوم وثاني يوم وابهر يتصل يطمىن
أبهر صباحو عمري
لارا بتعب صباح الورد ابهر كول شصار ؟
ابهر : لارتي ليش هالتعب بصوتج اني وعدتج ماتخلى عنج بس خلي ارجع حتى اكدر احاجيهم
لارا يمته ترجع؟؟
ترى خالتي حيل تعبانة على خود ماتحجي
وكل صافنة .
تدري حاسة بعذاب ضمير بسبي طلعت وخالك
هددها وكلساعه يدز تهديد يخوفها بان ياخذ
حتى لبطنها وهي تكتم وتسرح بالقهر .
أبهر : حياتي ياريتج لو مامدخلتها ومتصلة بوقتها بية ورايحة لشقتي ماصار هالشي وخالتج
ماتعاركت بس لاتخافين صح خالي عنيد بس
هو يحبها بس تحاجي يلين مايتحمل دموعها
لارا : انت ماتعرف خالتي اعند منه مستحيل تتصل بي
أبهر: تنهد اوووف الله يحلها لاتخافين ببالي شي
اذ اسوي خالتج ترتاح واحنه همات
لارا : شنو هو ؟؟
ابهر الكتمان لحين مايصير لبالي يله حب لازم
انزل من السيارة
لاتقلقين اني بضهرج
خليج قوية البنية شما قوت تحلى
لارا :بهمس ابهر حيل احبك ياقوتي
ابهر: احبج كد الوجوه لمالها معنى بحياتي
لارا :احبك كد كرهي لخالك المحترك
ابهر ههههههه عوفي كد ماحركتي هل سحلج
جوزي منه .
لارا اجوز بس من حبك فلا اتوب
ابهر: حبيني حبيني بعد اكثر طيب واستاهل حبج بكرم .
لارا: هههه ضحكت باغراء على عناد لمارضوا اخذك من بين اهلك واتباهى بيك ياكشختي
ابهر: يابت كلبي شمحلى الغزل بلسانج
يله حب لازم انزل اتاخرنا على الاجتماع باي يابت كلبي هووه بعذوبة وغمضت عيوني
ماحسيت الا كفخة تينة
تينة اي مرتاحة دك غزل وبوس وخالتج بالضيم ماكافي لصار بيها
والدنيا بهذلت احوالها من ايد لايد اجيتي انتي وكفختي حضها
ليش والله حتى تجتمعين بحبيج من حبتج حية وكرصتج ب**
لارا بصدمة وغضب : انتي شكوو؟
هي خالتي دافعتلي
تينة :ا انجبي خالتج دمعتها بعينها لاتضنيها قوية وماتخاف لو شوفين تهديد شيراز الها
يحرك كلبها هالمسكينة شنو ذنبها هاااا انوب
ببطنها طفل .
لارا: اووف اعرف والله مقهورة علهيا بس شبيدي.
تينة: وشفي والله ابهذل احوالج اذ ماتحليها بينهم
لارا :اني شكو هو وهي عناد بينهم واحد يحب الخ بسمحد يتنازل .
رحيق :طلعت تعبانة وعيوني منفخة مانكر خفت والبجي من القهر والتعب وشوكي لخود
وحسرتي على حضي ما افرح يوم الا اختمها بحزن رغم الحزن احمد الله ومااجزع .
بس هو كلب من دم ولحم شيتحمل خليتها على الله هو العالي القادر القوي على عباده
يرحم بحالي وبحال الطفل لبطني ويحنن كلب شيراز علية .
واحس بوجع براسي ودايخة صباح الخير
تينة ولارا راحن الها صباح النور خيرج حجن بنفس اللحضة
رحيق :وبالكوة تجر روحها وجع راسي وجسمي كعدت وتنهدت
تينة :بعد رحتي للطبيب ؟
رحيق: اي من ارتفع ضغطي بعدها التهيت يومية مشكلة ونسيت روحي
تينة: ارتاحي واكلي لكمة كوومي لارا المطبخ متروس ريوك سوي والجاي مجهزته
اخذج للمستشفى عندي عرف يدخلوني .
رحيق: لا ماريد اريد أنام بلكي أرتاح
تينة:شنو السالفة يادادة ستوج كعدتي
رحيق:مانمت الليل كل أفكر بخود وبمصيري .
تينة:لا تحيرين محلولة ترى شيراز يموت
بعيونج شوية غازلي وسمعي مني رجعي
وهالصخلة خليها يمي شعليها تضيع سلف
بلسانها .
رحيق:لا شعوفها ابقى بموقفي .
تينة:ياموقف يمعودة دخابري ورجعي هو مايريد
هاي وتأشر على لارا عوفيها يمي وروحي ارتاحي
لارا:ةالله ياخالة لو يحبج مايسوي بيج هيج
بس مبين مصلحجي بالفراش لوكي وراها
يصير بس هوووبس .
وماحس الا تينة بالكوشاية شمرتها فيت بنص
وجهي وعاطت
تينة:أشششش صوت ماسمعلج يحبها ويموت عليها
وانه اشهد بس لو مو انتي يا**مادمرت حياتها .
انتي ساس البلة .
لارا:رفعت حواجبي بعقدة وتأففت وكمت .
وهاي بعدهاتقنع خالتي بس قافلة انوب خالتي
رجعت تنام عززا شكد تنام بس أتذكر حتى خالتي
نهى وامي باخر طفل الها كضتها نوم طبيعة حملهن
هيج منه تعب يلة تنام ولا تضل تفكر وتصدع .
مر اليوم بملل وماطلعت
بثالث يوم فجاة أندك الباب علينا بوقتها
كاعدين. نتريك بالارض گامت تينة تفتح
الباب .
تينة:فتحت شفت عجوز كبيرة بالعمر بس مبينة
مرتبة .ياهلا منو طالبة؟!!
أم شيراز:تنهدت بتعب ام حفيدي يمج ؟!
تينة بخجل وأحترام عززا بس لاانتي ام شيراز
تفضلي تفضلي خالة تفضلي البيت بيتج .
دخلتها بترحيب .
لارا كمت بطفكة سألت منو هاي تينة ؟!!
ام شيراز : تخوزر وگعدت على القنفة .
رحيق كمت بالكوة واحس راسي مصدع ودايخة
عود كلت أتريك واروح للمستشفى كمت أسلم
على هالمرة الي دخلت كلةبالي تقرب لتينة
بعدني مامقربة عليها ودخت لزمتني لارا
لارا :على كيفج خالتوا تينة خرب تعالي
كعدتها ترتاح والمرة لدخلت انخطف لونها
من شافت خالتي هيج بقيت اباوعةعين لخالتي
وعين الها وتينة حجت .
ششربين خالة؟!!
الحجية مي يمة .
لارا :غير نفتهم هالحجية منو ؟!
تينة تفتح عيونها بتهديد الي .
الحجية اني ام شيراز
لارا من كالت هيج خارت رجلية گعدت يم خالتي
بهدوء رجعت طلعت راسي باوعتلها والله
وتينة من وراها تاشر بوسي ايدها اني فطنت
وكمت بوستها وبست ايدها هلا بيج بس عذريني
اتتي دخلتي وخالتي تعبت رجلج خضرة مثل رجل
ابنج علينا .
تينة: اجت كرصتني بقوة وهي تلطف الوضع
هاي ام لسان تحب تحشش لا تسمعيلها
رحيق كمت بأحترام بستها عذريني بوجهج صارت
بس الحمل متعبني شوية حجيت بهدوء
الحجية صلوات على محمد ماشاء الله تبارك
الرحمن اية مصورة ارتاحيتلها ازل ماشفتها
شفت بروعتها جلبهار وهادئة صوتها ينم براحة
وقبولية حضنتها وهي حضنتني بقوة كعدتها يمي
أبهر كلي فاقدة الذاكرة حجالي كلشي عن الوضع
وكال شكد ابني ملوعها هالبنية بعد شيراز ينحمل
اني امه ببطني ثمن اشهر وولدت ماتحملته
كلتلها نامي اخرطلج راسج مدام من الحمل.
لارا :لا خالتي مسوية عملية خطيرة من اشهر من
ورا حادث
الحجية نفخت بغضب انتي لارا ؟!!
لارا رفعت حواجبها اي لارا .
واني اكول ابني وبتي ليش مايردوج اثاري
اللسان عابر الحدود وماخذ الوجود.
لارا طكيتها ضحكة شاعرة اعد .
ضربتني تينة بقوة وهمست حمارة مو هيج
يالثولة .
لارا :شديت روحي يعني بيبي عذريني بس اني عفوية
بقوة .
الحجية مايحتاج حجالي أبهر عنج وكال
شكد سفيهه .
لارا : لا والله بس انيى على نياتي .
الحجية دنكت لرحيق الي سايحة روحها .
هايمة شلون صرتي ؟!
رحيق بتعب شالت روحها وعدلت كعدتها
بس ماتكدر اكو شي يفتر براسي وبطني
وجع كولش تعبانة حجيت على اعصابي
لاتخافين خالة هلا بيج .
الحجية يمة اجيت ولاترديني يكلج جية الجبير
الها احترامها
رحيق على عيني وراسي والله شتأمرين.
مايامر عدو عليج بزري واعرفه شنو وأدري
بي قاسي ومايرحم ومتسلط ومايتفهم .
بس جيتي مو تردين اله تجين يمي لان
البنية لا ايد ولارجل من يوم طلعتي بس بجي
من اجت عشق جابتها يمي تغير جوو وهي
تبجي اريد امي كلت أعتبر مثل امج وتجين
وياية لبيتي تردين وحشة علية وتهتمين
بجهالج وعوفي شيراز بعناده .
ها يمة شكلتي ؟!!
لارا :طفرت اي خالة وافقي.
الحجبة شيكعدها الزيطة .
تينة ضحكت بعد ماقدمت عصير وكيك ومي
للحجية وخالتي صافنة ادري شاربة حليب مطي
رحيق بتعب همست همس خالة اني احبه
ومحترمته واني مريضة ومن عملية طالعة
ويومية مشكلة وتحملت بس بعد ماكدر
يطرد بت اختي وين تروح مافكر ؟!
زين هي بنية شابة كفرت من حبت أبهر
شكو بيها بالحلال ينجمعون وهم متفاهمين
بيها غلط اني احاسبها والله مو لان بت
اختي بس هي طفولية وعلى نيتها صح متهورة
بس تتعلم وماشاء الله والله يحمي أبهر
واعي وفاهم يعرف يتصرف وياها .
الحجية :اعرف يمه بس ابني تنرفز من تصرفاتها
بعدين ببيتي انتي شيراز مايتقربلج
لاعبالج اخليج كاعدة هنا ببيت غرب وانتي مرة
حامل وبتج مناك ترى الله يشهد اني احفادي
عندي بالدنيا لاشيراز ولاسمر يهموني كد ماهالاحفاد
ماخذين روحي لاترديني واني بعمر امج .
تينة :شلون تردج حجية هسه الم غراضها
واخذيها وياج وكلامج صح الصح وهو شيراز
يحبها ولا بد جبير يتدخل يحلها بينهما .
لتردي يصير يمه
بس اهم شي بعيد عن شيراز ماريد يكول
ردت لان محد لفاها راجع علمود بنتي .
الحجية تنهدت اي هيج وفرحيني مايكول
ماعليج بتج تضل يمج هسه هو كلش مهتم
بيها .
يلة اذ ماعدج شي لمي غراضج .
رحيق :لارا وياية غير .
الحجية :هو اني منو جابني غيرها .
لارا مصدومة زين شدراها اكيد أبهر هووكال
أكو حل اذن هذا حله خالتي تضل يم الحجية
واطفالها واحنه نتزوجةغصب عن الكليجة
المحتركة فرحت بي اهزز على ساجدو عبيد
لملمن اغراضنا وطلعنا ويا الحجية وتشكرن
من تينة هواي وهي كرصتني جري عدل مو
توكعين خالتج ببلوة .
تمام والله البلاوي هي تجيني واصلتهن اني.
صعدن وياها ووصلنا للبيت ماشاء الله كبر
وزرع خضار وورد داير مايدور دكت الباب
انفتح عشق وياها خود ومرة تشتغل بالبيت
خود شهكي وركضي لحضنها
خالتي كعدت على ركبها وتبوس وتحضن بيها
وذيج تشهك تبجي وتبوس بخالتي عبالك
صدوك امها تعلقت بخالتي فرد مرة زمانكر
طول ما خالتي هناك ماتفارك خود ليل
نهار تمشطلها تلعبها ترسم وياها توكلها حتى
سبح هي تسبحها يعني عودتها عليها وخلتها
متعلقة بيها وبحنية تعاملها وكلساعة بايستها
عوضتها عن قسوة شيراز حتى تثق بيها
لان تشوف خالتي تواجه شيراز.
امي من نقص الحنان رحت شبكت عشق
عشق دفعتني ثول دستي على رجلي
والله اشتاقيتلج .
لاىا انهجم بيتج اكص ايدي اذ مافرحتي
ارتاحيتي
مني
عشق انجبي واللله مشتاقتلج وعندي كومة
سوالف الج .
دخلنا والهدوء يعم الحجية وجه بي رحمة
وخير مو مثل وجه شيراز وسمر ينكط سم
وهادئة ماحجت هواي وگانها عارفة تقنع منو
أني تسحبت من الصالة ورحت بالزواية خابرت
أبهر بعده مارد وأجت عشق ضربتني عوفي الحبجيات
تعالي أشوفج غرفتي هنا وتكعدين بيها لبين
ماينحل وضعكم.
صعدت وياها الغرفة بيها بعد غرفة كد ماكبيرة
والكنتور شكبره بلون الفضي الغرفة ومنسقة وياها
الوان ازرك فاتح وداكن حلوة هنيالج بيها.
عشق كعدت عابسة وحسيتها مقهورة
لارا:تعالي شجابج هناا مووعساس تدوامين
شنو سحبناج ورانا.
عشق بقهر : ضايجة ضجت من الدوام هذا سيف
شادة كورة بكوري ذاك اليوم مرسبني رحتله
للغرفة
سيف ادخل
دخلت معصبة وضايجة كوة كاتمة دموعي
استاذ اني مجاوبة ليش مخلي خمسة يعني
والله حرام وهذا ثاني امتحان والكورس اول
مابي درجة.
سيف رفع وجه محتقن ويباوع بنصر شتردين
يعني؟!!
عشق اريد انجح شريد .
سيف حك ركبته وكال راح اتقدملج عشق
اذ وافقتي تنجحين .
اني من الصدمة وهول الوضع نترت وزجرت
بي انت متصور اقبل بواحد مثلك لو تضل اخر
رجال بهالدنيا ماخذك شاخذ منك شعرف عنك
رسبني براحتك بس هالسالفه راح اوصلها لعمي
واسال منو عمي ؟!!
طلعت متوترة من الغرفة مدريىمنين اجتني القوة
يمكن من عمي وقوتهوزسلطته طلعت متنرفزة وحسيت طلع وراية بهمس يصيح عشق
بس اني ماضل عقل بيه نزلت اركض ركض
اتصلت بالسايق اجه اخذني وليومج هذا
مادوامت بعد زبنية ويانه تراسلني تكةل
راح اسمج بالتنبيهات لان غياب كلتلها مايهمني
بكلمة عمي يمشبهك مسطرة .
لارا هههههههه ضحكت من كل كلبي خرربب هه
ليش ايجوز معجب طار الرجال من ايدج شلون
قسمه تخبل تضلي معنسة بقلبي.
عشق انجبي وضربتها عود افضفضلها .
لارا :الله عليج اني مشاكلي ماحالتهن انوب
أحل مشاكلج دوامي وطز بي بعد عمج
شيراز القائد. منو يكدرلج .
لعد لارا ابوي سلام السرسري وعمي غسان
النسوانجي شوية من بختج ياعشق.
عشق ولي بيبي حاجت عمو
لارا :حلفي .
عشق:والله وروح بابا وحلفته بروح ابوية
كلتله كافي أبهر تعب بحياته ومابقى
لاتشوه وفترة تعوق وخطيبتة خذلته
مدام اختار هالبت وافقوا ترى اذانتم مارضيتوا
اني ازوجها اله وبعد ماتشوفني .
شيراز:يمة تحجين صدوك يووم هالبنية ماتصلح
لابهر
الحجية:بيها نقص مو بنية ملعوب بيها لك
شيراز مبين يحبها والبنية هاويته عوفوهم
يتزوجون تفاهمو كان بها ماتفاهموا ينفصلون
بس ماتضل بنفسه هالولد شبع ضيم وقهر
وردت لعمتي وانتي سميرة شو ساكتة
سمر:مصدومة مسوالج سحر يسون بعد
هن گ**
وزجر شيراز بيها سمررر الزمي حدج وحده
منهن مرتي وام أبني .
سمر: يصير خير خلي أفكر .
لارا :شلون يعني معقولة يقبلون ؟!!
عشق:شوفي بيبيتي متسلطة على عمتي
تجبرها توافق واما شيراز فاتبعت ويا طريقة
التهديد واتبرأ منك والعاطفة فماعرف اذ
وافقوا ركصي وردحي .
لارا: زين شدعوه هالكد جدتج تحبن .
عشق:انجبي حبوبة تموت على ابهر وخاص
هو ربى يمها وقبل عمي شيراز ملتهي بحياته
وأبهر يرد الوحشة يمها حنين ويموت بيها
وهي من صغره تكول هالولد لايشبه عمامه
ولاخواله على ابو الله يرحمه أبو أبهر كان
انسان خايف الله خلوق وحنون .
وهي جدتي شافت ابهر شكد تاذه بالحادث
وراها خذلانه خطيبته ومن يمته تلح وتريد
يقنع شوفته اشكال البنات بس رافض
من خابر وحجالها شصاير كالتله يمي بس
كون لمختارها تستاهل .
لارا :احم احم
عشق ولو هو الصاروخ غالي والىهدف رخيص
واشر عليها وماحس هالخبلة الا كومي كفشيني
لارا باعي روحي طالعة اموتج هنا ومايهمني
عمج المحترك خوش والله قصدج الصاروخ
رخيص ةالهدف غالي .
شوية واجت خود لارا بيبي تريدج تعالي
بسرعة
لارا :ارتاحيتي شو رد الدم بوجهج .
خود:غيرمامي رجعت .
لارا بعدم اعجاب عقدت حواجبها عشتو بت شيراز
للمحترك نزلت وياها لكيت خالتي ماكو خود
امج وين؟!!
خود :تعبت هواي وراحت تنام.
رحت يم الحجية كاعدة تستغفر وخود ركضت
رحت يمها رديتني
رفعت ودارت راسها واشرلتي بعيونها
اجيت كعدت كدامها تنهدت بتوتر والعب باصابعي
الحجية : لارا شنو سبب هروبج من اهلج ؟؟
لارا : مثل ماكلج ابهر
الحجية : اريد اسمع منج
لارا : دنكت ادري لسويته غلط بس ماتحملت عنف جسدي ولفضي
رادي زوجوني غصب بالمختصر ماتحملت واعرف تهورت بس
بعد ماكدر ارجع اذ ارجع اموت .
الحجة: كلمتين هن اني مامقتنعة بيج بس راح اقنع سمر وتقبل
بيج بس اذ سويتي شي تهورتي واذيتي ابهر لاسمر ولاشيراز
يخلصونج مني مدامج ررايدة الزواج تحمين ضهر رجلج
وتحسبين حساب لكل فعل .
لارا : كمزت بوستتها والله والله احبه ومراح اتهور راح اساله بكلشي
ومااذي هو اني ويا متفقين اصدقاء وفاهمين بعض نتونس سوة
الحجية هزت ايدها ماعاجبها الله يثبت العقل عليج روحي ,
لارا : وين ؟؟
الحجية لاقرب شماعية .
روحي يم عشق .
لارا : ها اي رايحة رحت كبل للغرفة لكيت عشق طردتها امشي برااا
عشق هاا بيتنا وغرفتي ليش تطرديني ؟؟
لارا : احمم احمم نفشت روحي اريد اخابر خطيبي وانتي سنكل اخاف على مشاعرج
لاتنجرح .
عشق : امداج اروح يم جدتي .
لارا : خابرت خابرت ماكو شمرته التلفون ونمت كعدت على رن
الجهاز رديت بلهفة الو هلا حبي
ابهر هلا بلارتي هلا بعوض سنيني ها بشري ؟؟
لارا : والله انك طلعت مو سهل جدتك قنعت رحيق واجينه عدها
ابهر : وقنعت امي موضوعنا نحل بس نجي نقرر موعد الزواج
لارا : وخالتي وشيراز مايرجعون .
ابهر تنهد ونفخ انفاسه ماعرف والله خالتج شنو وضعها ؟؟
لارا : ماخذه موقف حاد الزواية .
ابهر : مابيها انفراج يمين يسار
لارا : ابدا ابد
ابهر تنحل وحق عيونج وانتي اعز من اليمين .
لارا ابتسمت احبك من تكولها الي
ابهر اويلي شكد احبج كد الناس لمالهم داعي بحياتي
لارا غير اموت بيك شوية واجت عشق غلقت ويا ابهر
بقين هنا يومين مرتاحين اكل شرب روتين عادي ثالث يوم
عشق رجعت لبيت خالها وخود بقت الحجية كالت
عوفيها يمي
عشقك بس عمو كال رجعيها وياج .
الحجية : ومنو الاكبر اني لو عمج
عشق بست راس بيبتي طبعا انتي الغالية بس خاف يعصب
الحجية : من يعصب كليله بيت امك ببغداد مو بواشنطن يمر علية اريد
احاجي شنو عايف مرته .
عشق : تنهدت بتعب تمام يله باي بوست رحيق وخود لارا غمتني رجعت غميتها
وطلعت رجعني سايق قديم نعرفه .
لارا خالتي والحجية كعدنا جوة بالحديقة العصرية البيت جبيرر وكل سراميك
يجنن .
اباوع من البلكونة الهن مابية انزل شوية وماحس غير شيراز دخل
عليهن خالتي كبل كامت وسحبت روحها هو خزرها وكعد يم امه اني
اركض لخالتي لكيتها تصعد الدرج
خالة ليش ماكعدتي تفاهمتي ويااا
رحيق : ماكو تفاهم مايفهم المهم تزوجي وانستري واني اعرف شسوي
راحت للغرفة المخصصة الها دخلت وراها . كعدت بقيت واكفه يمها احن
خالة والله مايصير اني اتونس واتزوج وانتي متعاركة وانتي مامتهنية
رحيق : لارا تعبانة والله اني مرتاحة هيج متهنية مادام لا ملحة ولا سلطة شيراز
عايشة براحة ونشكر الله .
لارا : خالة ضميري مايرتاح
رحيق عساه لاارتاح فكي عني اتزوجي وخلي يوكع همج من اكتافي
واني اهاجر اسافر اطلك بس اريد أمن عليج مو تتشردين وياية .
لارا هو عناد خالة عناد بقيت اصيح .
رحيق خزرتها طلعي برااا تعبانة والله برااا .
اووف طلعت مقهورة ماعاجبني الوضع اني اتونس وهي تنفصل من وراية
اني متسرعة وثولة .
رحت للصالة اباوع من البلكونة واشوف شيراز عاقد
النونة ويأشر بغضب .
شيراز : من دخلت شفت غرورها خرب بعيونج على هالغرور
كعدت هاي ووم رايدتني خود ترجع وياية وبلغيها لجنتج اول ماتولد
ابني يمي وتولي وين ماتروح تروح تلوكلها الدياحة .
الحجية الك شيراز ماتعقل وحدة طلقتها والثانية من خبالك انتحرت وللتراب
سلمتها وهاي تريد تبهذلها ليش يمه ليش ؟؟
الله يمخلي براسك كلي وتالي وياك
شيراز : هاي رزالة فتح جروح يووم الموضوع مايخصها بت اختها
مااطيقها وحدة مصركعة تصركع دين ماضال براسها .
خلي تفيدها مو طلعت علمودها
الخحية عوف خود يمي ولكل حادث حديث مرتك خوش بنية مبين عليها
لاتقهرها البنية حامل وكلساعة متخربطة
شيراز بغرور: شبيها ليش تتخربط ؟؟
الحجية : مدري راسها .
شيراز اووف زين يومم اخذيها للمستشفى او جيب دكتور هناا
الحجية : مو قبل شوية تكول ماريدها خلي اديح
شيراز : لا يالله اي احبها واخاف عليها بس راسها اريد اكسره
يله راح اروح عندي اجتماع بالليل مريت اسلم عليج وخلي عروس
الربيع يمج وكلي لابهر من بيتج لشقه خلقتها لارا ماريد اشوفها بعد
الحجية : يصير خير .
شيراز بوس خود ووطلع مر يوم وتبع يوم ثاني والهدوء مستمر
والغزل ومخابرات عشك بيني وبين ابهر صادف يوم خميس رجع ابهر
وصارت جيته علينا .
واني كاعدة يم الحجية ووخالتي دخل علينا للصالة اني من شفته
عرفت هالكلب يحبه وشكد متلهفة لشوفته وعيوني منتظرته
بودي احضنه وابوس خدود واكوله شكد بروحي اله محبة
طول ايام فراكه اشتاقلة لو دك الجهاز ركضت اله
عرفت هاللهفة والرجفة والارتباك من شاوف رغم خبالي
هذا حب حب الي عمري كلو ماجربته حب وعشك تعمق بروحي
وصار يضهر بخجل على شكل حمار بوجناتي ونظرات وكحة
سلم وكعد يم جدته واني من الخجل كمت للغرفة .
وراها بعد ساعة تقريب رجع اتصل
خابرت الحمد الله على سلامتك
أبهر : سلامتي من شفتج بخير وشفت حبي بعيونج
ليش كمتي ؟؟
لارا : خجلت واعرف ما لزم روحي احضنك ومنه جدتك ماصدكت
قنعتها بية
ابهر : هههههه اوويلي تستاهلين اتعبلج عمر
لارا : اريد اشوفك
ابهر تنهد اي بس اغير ملابسي انزل جووة للمطبخ .
لارا : ياجرعة عشك ماريد عنك افترق
سديته منه وشفت روحي خليت شوية مورد وحمرة مال عشق
ورشيت عطر كوومة لكيت مخلية على الميز عطر شانيل
خرب وجه الططوه لشنايل الي ورشيت منه عدلت روحي
ونزلت اركض .
لكيت بالمطبخ حضنت بقووة ضل يضحك
ابهر : كل هذا بقلبج مضموم؟؟
لارا : وبعد اكثررر
ابهر مو كثري بس يحلوة عني بعدي مالنا خلك الشيطان يوسولنه
بهالاثناء دخلت جدته علنيا خزرتني
وابهر يضحك .
الحجية : عزمت امك على العشة بعد ماشلعت كلبي يله اقتنعت .
لارا اني اتبسم مثل الخبلة .
الحجية : يالفاهية عليمن تضحكين .
لارا : شحبج اني بيبي
يمها كشر بصل شمرته علية .
تغدينة والتهين بضحك منه لليل اجت عشق وسمر اني من الخوف
بغرفة عشق واباوع تشجعت وطلعت سلمت على سمر بس شنو نظراتها
قاتلة تخوزر ماكنت متوقعة خلف كل هالهدوء والقبول وسرعة التقبل
لشفتها منهم لعبة كبيرة راح تاخذ سعادتي وهي باولها راح تنهي قصة حبي
قبل لاتبتدي كان الجو شوية متوتر وماتحارشت بسمر بس هي كالت
سمر خابرت بيسان ومن درت كالت بكرة من الصبح تجي ماقبلت تجي ببيت خالك
وكالت تجي هنااا الصبح روح اخذها واني هاليومين اطلب طقم للعروس ذهب
وملابس وراها هي تفتر بس امور الصباحية وذني السوالف علية وطقم الذهب
بما انك مستععجل لازم نجهز .
ابهر يومم بعد وقت منه لاسبوعين .
سمر : وشنلحك بالاسبوعين تركض ركض غير خايفة لاتطير منك
لارا بقيت مصفنة شنو اسبوعين بكيفهم ابهر هز راسه بمعنى سكتي .
سكتت بس اني افور ماصدكت خلصوا رحت للغرفة اتصلت بي
ابهر شنو عنى اسبوعين ؟؟
ابهر : لارا امي مو صاحبة طويلة هسه قنعت بعدي ومين تكلج اغضب عليك اذ اخذتها
نتزوج ونفكها وبعدين ماتحمل بعدج تعالي لحضني .
لارا : حبيبي بدلع بس خايفة وبعدني مامتقبلة شنو مانطول كبل زواج
ابهر : من شنو خايفة لارا زواجنا افضل صدكيني ننجمع وكلشي يسهل لا تشغلين بالج
لتردي يصير وماجبرج على اي شي .
هخجلت من كلامه بس اني تملكني خوف ووتوتر وفرح مادري يمكن لان كلشي
بسرعة خلص اول اسبوع وقرب الموعد واحنه نجهز باول اسبوع
اشتريت غراض وملابس رحت اني وعشق ويانه سمر بس
شلعت كلب كلبي اشترينا هواي وبقت بس بدلة العرس والحنة
_________________________________
لارا
فرحتي ماتنوصف مثل طير نوررس يعلك بالسمة ويفرش جناحان وسط الغيم
فرحانة صعدت فوك من البلكونة شفت ابهر
صفنت بي رفع عيونه شافني غافل الشباب ودزلي
بوسة بالهوة رديتها اله ههههه وفرحانة اشؤرلته
على التلفون دزه مسج منه
الشباب مااكدر مابقى شي بحضني اشبع منج.
هالشباب تقريبا من اسبوع اجو وكلساعة ركص ماهر وهتان
وبعد ولد عمهم يعني شلة شبابيةبس شنو مصركعين كلساعة رادحين
وجدتي اصرت يجهزون غرفة ببيتها وكالت ابقى يمي فترة وراها
روح جهز شقتك منه كلمه منه اقتنع وبالفعل جابوا اثاث الرفة اختارت
اكبر غرفة اله كولش جبير وياها حمام ومانسمع الا الردح على اغاني ساجدة عبيد
وساعات على اغاني اعراس من صعدوا الغرفة ونزلوا احنة فووك
ومانسمع الا اشتغلت اغنية اجمل اثنين اني وحبيبي بس بمعزوفة واحنه واكفات نشوفهم
ذبوا لحم وركصهم شكد هيبة والفرحة بعيونهم خووب ابهر يجنن ركصه بهيبة
وطريقة تاخذ العقل صفنت علي والبقية هزوااا وبعدها جوبي بيننهم
شغلووو اغنية غصبن عليك لجيبك واصير اني حبيبك جوبي سريع
احنه نباوع بس من كد مافرحانة الضحكة مافاركت وجهي وخالتي نفس الشي لازمه بطنها
وهالاثناء دخلت مرة كبيرة بالعمر بس كشخة ماعرفتها بقت تركص وياهم
هو محد غريب بس ولدهم بعدين عرفت تصير عمته ابهر من غير ام شيراز
وصارت تركص وياهم وراها بنات شابات بس هن يهزن ويا هزات
الشباب ويضحكن وياهم وهم ميتين ضحك على سوالفها وتهلهل البنات صعدنه يمنه
من كد مالاجواء حلووة بوده الواحد ماتخلص وراه ماخلصوا بالساعتين ردح
اجت سمر وكعدت يم خالتي وعشق وبيسان سمر جابت خمس طقم ذهب
يلة نختار للعروس وملابس فساتين طالبا يجيبولها كم تصاميم
اني ماعجبني الي اختارت الطقم كلتلها ماحلو
تسال البنات من خوفهن يكولن حلو واني قفلت
ماحلو والله ولا البسه ابقى فارغة مالبسه ذوقج ماحلو
سمر شهكت امشي معيدية ذوقي ماحلو لعد ذوققج يا ميعدية
لارا بتحدي اي ذوقج حلو لبسي مالبس اني
بيسان تتدخل للحل كامت بضحك تمااام خلي نلعب لعبه شرايج خود اغمض عينج وتختارين
منو احلى وهيج تلبس على ذوق خود ويامحلى ذوق الامورات
سمر صدوك تحجون ؟؟!
لارا اي موافقة .
سمر تمام لزمت خود عمة اختاري ذوقي
خود غير راح يغمضون عيوني شون اعرف اني
احنه ضحكن عليها
سمر عوجت حلكها
ومن صدوك فرين الاطقم وخود صاحت كااافي فتحوا عيوني
عشق هاا يلة اختاري خوخة .
خود اختار الي على اليمين
لارا يااااي كمزت اصفك واهز بدلع احم احم
ورحت بوستها لخود وجعصتها تجعص .
خلتي تباوع وتضحك الحمل ماذيها
باوعت بعيوني لسمر اغورها وهزيتها بكتفي
كل هالفرح والعيون المرتاحة طرت بعالم ثاني
وعليت بالطيران ماكنت متصورة أسقط و
سقوط موجع الي ولكل قريب اليه خالتي
أبهر ولاتصورت كيد البشر يوصل هالحد يافرحة ماتمت وبالحزن أنتهت
