رواية ليتك قدري الأول الفصل التاسع والثلاثون بقلم رفل الكناني
نمت مرتاحه يمكن لأول مره بعد هذيج الايام المريت بيهه ومن الصبح كعدت عل بوساته عل جتفي تمطيت وهوه حاصرني بحضنه ابتسمت باوعت بعيونه
صباح الخير
صباح النور حبيبتي
مممم هاي شنو من الصبح
هاي مقدمات حتى اتريك بيج شويه قبل ماروح
لابارق والله جسمي يوجعني من وراك شوف ايدي شلون زركه
حبيبتي شمسوي والله البارحه جنت هادئ ومستخطيج
لاتبجيني يعني كل هذا وهادئ ادري ليش تعض راح اتخبل
لج غير انتي عسل وانتي ماتحملج
بارق لاتحمه تره اطفيك بسطل مي
حيواانه تحمه شنو غير داتغزل بيج
ههههه اي هسه انت بارق قبل شويه مستنسخ
موصوجج تعاي لعد
عضني من ركبتي عطت من صدك
خرب اهلج صوتج
ووووخر والله زعلت ليش هيج تاذيني
يله كومي مني انتي مو مال شقى
صدك ضجت وهوه اذاني كمت بهمه لبست ثوبي وطلعت رحت غلست سنونه مبينات بركبتي مدنكه بلمغسله دخل وسد باب الحمام لتفتت خزرته ماهتم شغل الدوش واني ندرت دافتح الباب بسرعه نجريت وصرت جوه المي شهكت قفلني بحضنه راحت كل الضوجه ندرت عليه صرنه وجهه بوجهه والمي فوكانه واني بثوبي وهوه بشورت والفانيله حضني حيل وجهه يفرك بجتفي وعل ركبتي توقف يم مكان العضه باسه برقه وطول البوسه واديه تعصر بخصري ردت اوكع ال شويه لو ما يهمس
راح ارجعج للغرفه
شهكت وغصيت بلمي وكتله
لافدوه
سحبني حيل كال
لااشاقه وياج اصلن مضل وكت راح يروح عليه الدوام بس اني اسف اخاف قسيت عليج
اي بعد لتعيده
بعدني وسبح وهوه يحجي كال
مااوعدج بس احاول
بارررررق
ههههه كافي تعاي دنسبح
ماريد اسبح وحدك
عفته وطلعت وهوه يصيح
مخببببله
بدلت وحضرت ملابسه ورحت سويت الريوك واجه المطبخ مبدل واني رحت مسحت حذاء وجبت جواريبه كمل وغسل ايده وكعد بلهول لبسته جواريبه وهوه لبس الحذاء وراح لغرفة الجهال بأسهم وطلع وصلتا للباب باسني وطلع
سديت الباب وصرت وراهه أخذت نفس عميق براحه واني أتذكر اصغر التفاصيل وياه حمدت ربي عل هل نعمه ال اني بيهه ورحت لميت المطبخ وعزلت الغرفه وسبحت همزين الجهال نايمين مددت عل تلفزيون وغافيه مادري بروحي ال دك الفون كمزت شفته بارق جاوبت
الووو
هااا عصفورتي شلونج
هلووو بيك حلوه عصفورتي جديده مسامعتهه
اي والله شايفه من تصيرين جوايه هلكدوتج عصفورة
يعني تريدني فيله قابل
لايابه اريدج هيج حتى اعصر بيج براحتي
باررررق لسانك هاي بدوام وهيج تحجي
شسوي بدوام بس روحي يمج
ممم
واطيه ادري بيج متصدكين المهم لاتسوين غده اني راح اجيبلكم
تمام
الجهال وين اشو ماكو صوت
نايمين
وانتي ليش كاعده
جنت غافيه ومن دكيت كعدت
ديله حبيبي راح اسده عندي شغل
براحتك الله وياك
سده وبعد مكدرت انام رحت كعدت الجهال ريكتهم وسبحهتم وبيقينه ننتضره ال ان اجه الجهال تلكوه وهوه يحضن بيهم ويكلهم راح التعب والله وراح الحر وراحت كل مشاكل وطلايب المحكمه واني أضحك عليه شلون يسولف وياهم عبالك يفتهمون عليه والمسواك مكوم بلكاع كمت اشيل وارتب بلمطبخ وهوه نزلهم واجه ورايه
طبعن ذابتهه عل صامت لابوسه لاشلونك
همه جهالك ينطون مجال اخذوك حاصل فاصل
احسن منج بارده بارده انتي
😳بارق
تعاي اشوفج لحروره
ههههه
حضني ؤرفع راسي بيده كال شوفي اول مااجي اريد اول شي اسمع شلونك حبيبي بعدين اريد بوسه من هذا المكان
باسني من حلكي وتعمق حصرني عل ثلاجه والجهال يجرجرون بينه لحد منكطع النفس وبتعد وهوه يكلهم
شبيكم يا بابا والله داعلم امكم شلون تستقبلني
اني مسطوره من البوسه وهمه مدري شبيهم يشرولي عل علاكه صحت بيهم
شششبيكم دصبروووو
أخذهم للهول واني رتبت المسواك وهوه يصيح
لتروحون يمهه معصبه وبعدها مبنجه ابوكم منطيها جرعه
اشتغل واضكك عل سوالفه رتبت كولشي بمكانه وصبيت الغداء جان جايب سمجه وكعدنه ناكل وهوه لكمه محط
بحلكه بس يفلس للجهال وعينه عليهم اخاف يغصون
بارق اكل اني اوكلهم
ماكدر اخاف عليهم يمعوده
اني يمهم شبيك
ميخالف يشبعون واكل
وفعلاء الا شبعو هو اكل ومن كمل كلي عوفي كولشي وسبحيهم ماريد بيهم ريحة زفر واني هم عفت كولشي
ورحت سبحتهم ونومتهم وبعدين رجعت عل مطبخ عزلته وسويت جاي وديتله ورحت سبحت قررت البس السيت الجابه ولبسته ومكيجت وياه جان رهيب عليه بس حيل مستحيه وهوه فاضح حيل بس شسوي اخاف يزعل لان هوه جابه ولبسته كعدت انتضره يدخل للغرفه ومن دخل سويت نفسي العب بلفون لحد ماوصل يمي وكعد بصفي همس
لك هاي شطالع لدكلي منتضرني
ذبيت الفون ودنكت كام وكف وكومني فرني مرتين كال
انعل ابو الملكانه الجانت لابسته غير يكتل عليج
من الخجل حرت شسوي بس بوجهه ماكد اباوع كعد وكعدني بحضنه وضل يبوس بيه لحد مصاير فوكايه ومتقربلي واحنا فاصلين رحنا بغير عالم ومن بتعد راسن نمنه كعدنه عل صوت الجهال يدكون بلباب لبست وكمت فتحته دخلو يركضون وكبل بحضنه وهوه هم كعد يلعب بيهم عاد رحت سبحت وطلعت وسبح هوه ومن طلع كال
بدلو خل نطلع
وين
اي مكان اني ممطلعكم
بسرعه بدلت للجهال وبدلت بفستان كوه قبل وحتى طنكر يريد ال جبه كوه قنعته وكل شويه يروح ليغاد يباوع ويكلي والله ضيك طلع روحي ال طلعنا أخذنا مول وصعدنه طابق خاص بلالعاب والجهال تخبلو هاي اول مره يشوفون العاب واي لعبه يأشرون عليها كبل يقطعلهم تذكره ويصعدهم بيه لعبو لعب من كل كلبهم وفرحو وخبصو بابا وبابا وهوه مكيف بيهم حتى يوسف أشر عل لعبه مال سيارات هيه مخصصه للكبار ومن كله عليه بسرعه كصله تذكره ولعبه بيه وهوه وياه سوي هيج وسوي هيج عبالك واحد جبير وديلعب وياه ومن تعبو من الألعاب اخذنه مطعم عشانه ورجعنا الجهال من التعب نامو قبل منوصل واحنا هم بدلنا ونمنه
ومرت الايام عاديه راحه بحياتي مشايفتهه دلال أعجز عن وصفه المسواك ينكل أشكال والراتب وكل فلس عنده كدامي ويكلي اصرفي بكيفج الجهال آخر دلال الألعاب الأكل الحلويات وكلشي بنفسهم لاهلي بين يوم ويوم نروح نتعلل بس ميخليني ابات نهائي امه يروح عليهه يوميه وياخذ الجهال وميضغط عليه ويكلي امشي نروحله يدري كلبي شايل عليها بس غيرته دمرتني وأكثر مشاكلنا من وراها لاتلبسين لاتخلين مكياج ليش الفون مشغول ويا من جنتي تحجين وعل أقل شغله من ذني يعصب ومشايفه هيج أعصاب يكوم يقسم وبلقلم العريض ومن نتصالح يحلفلي ميدري بنفسى بليل يطلع قليل وميتأخر ومن يجي اضل اشم بي اخاف بي ريحت شرب وكم مره رزلني وكلي لاتعيدين هاي السوايه اني مو جاهل وكتلج ماشرب وذيج الفتره اعصابي جانت تعبانه وشربت صدكته وعفت هاي السالفه وحاولت امنعه من الجكاير بس ماكدرت روحه بيهن بس قلل شغله حيل متعب يكعد بساعات يددقق أوراق وقضايا ومرات يطلع الصبح وهوه منايم واني تعلمت عليه ماكد اعوفه وانام اضل افتر يمه لو اسويله كهوه لو جاي لحد ميكمل ويكوم وياي ال اطمن وأنام بديت اتعلق بي من حبه الواضح وهتمامه بيه وبجهالي جنت كل ماصفن بوجهه اكول سبحانك ربي تأخذ شي وتنطي شي مرات يأخذ شي نكول هاهيه راح نموت
ولهنا توقفت حياته بس بلعكس يجوز يطلع ضامنه الاحسن منه وهذا الشي تأكدت منه من خلال حياتي ويه بارق
الحبوب المانع كطعته مو لان اريد أطفال اني عندي
الحمدالله بس كطعته ماريد امنع رزق الله يريد ينطي الإنسان بذل كل جهده لساعدتي وسعادت أطفالي
اما اهلي وحذام وما ادراك ما حذام كرطت فلوسه وكعد حتى فلوس ايجار ماعنده واليشتغل بيهن يادوب لعيشتهم واليوم اجاني ويريد فلوس خلاني ادك والطم
حذام صدك تحجي يعني حصتي اخذتها وماحجيت وكلت اخويه واني جنت ارمله وصاحبت أيتام بس ما بخلت عليك بيهن وامي خطيه نطتك حصتها وكلشي مشافت منها لاحصلت حجه ولاعمره ولالبست ذهبه وأهم شي انت تزوجت عبالنه تلم نفسك تالي تريد انوب من عنده
هبه شسوي منين اجيب العماله كسرت ضهري وهديل طلابتها متحمل والايجار صلخني ومابقه عليه حال مومجرين نفسي انتو
هاااا حذام شكلنه عل هديل وذا عل ايجارنه اني مادري كلشي بارق راتبه وشغله خير من الله انت تجيب نفسك عليه وتسمع كلام هديل وتاجر هيج أيجار يكسر الضهر موحجيت وياك من البدايه وحتى لو نطيتك هذا الشهر شهر الاخ منين تجيب
مادري هبه هديل احبها وماكدر ارفضلها طلب انطيني هسه والله يدبره شهر الجاي
اني ماعندي هيج مبلغ فلوس بارق يمي صحيح بس ماكدر اخذ بدون علمه هذا تعبه وكل قضيه اباوع عليه عيونه مورمه من السهر وهوه يراجع بيها ماكد اشيل من تعبه وانطيك بدون ميدري يجي واكوله واردلك خبر
لعد ماريد اذا هيج جان خليت هديل دكوله
لعد تريد اخذ بدون علمه لو اموت وحتى حرام عليه وبارق ميكول اصبر والله كريم
بيومه راح واني ميته قهر عليه هذا ابد مرتاح ولاعرف يتصرف وضيع نفسه وتالي الايجارت كامن يلطخن بي والمشكله ماعنده اخو بي خير من شال بعد لاذكرنه ولا سئل علينه ضلت فكره تاخذني وفكره تجيبني لحد ماجه بارق سولفته صفن وبعدين كال انطي واني راح اشوفله شغله خطيه العماله شنو عاد شويه ارتاحيت بس اكيد اني الراحه مدوملي واحنا ودنسولف اجوي الجهال يركضون ديعلبون وبيدهم الحب المانع جان بلمجر وهوه خاف عليهم عباله شاربين منه لان يشبه حلا السميري هم ألوان واني جنت مطيره نصه لان ينوخذ بعد الشهريه هاي تعليمات الدكتوره وبارق متفوته فايته بسرعه قراه وحتى يتأكد بحث عنه بلكوكل وعيونه بكصته وبدون تردد اني وكاعده وخايفه وافرك بيدي
شمره بوجهي وصاح
هذاااااااااا شننننننننننو
