رواية ثأر الشيخ مهران الفصل التاسع والثلاثون بقلم حوراء
النِساء لَوحات الربْ البَديعة
____________________
ايليا:- اليوم يصادف الاربعين مال ابوها لنارة وكلنا متحضرين حته نروح وياها للنجف اخذت عبايتي ونزلت واني ع الدرج صار بوجهي مهران يريد يصعد باوع عليه وكال بخوف
الشيخ مهران:- لاترحين انتي ابقي هنا
ايليا:- ليش؟
الشيخ مهران:- الطريق طويل وانتي حالتج تعبانه مو مال طريق وتعب ابقي هنا احسن الج
ايليا:- لا مابيه شي مااكدر اترك نارة بهيج يوم وهي محتاجتني
الشيخ مهران:- بس اريد اعرف الله خالقج من عناد كلشي عندج عناد وماتسمعين كلمتي
ايليا:- مو عناد بس مااكدر اترك شخص وهو محتاجني خاصه نارة
الشيخ مهران:- جاا واني ؟
ايليا:- شبيك انته ؟
الشيخ مهران:- عادي عندج بعد فترة اتركيني وتروحين مو ؟
ايليا:- اي كلش عادي تدري ليش ؟
الشيخ مهران:- ليش ؟
ايليا:- لان لمن اكون يمك احس بشعور الخسارة بسببك خسرت نفسي واحترامي وكرامتي وتريدني ابقى وياك ؟
الشيخ مهران:- بس انتي كلتي مااكدر اترك احد يحتاجني
ايليا:- اي صح بس اذا هذا الشخص هو سبب اذيتي راح اتركه حته اشتري راحه بالي
الشيخ مهران:- عندج غرور بشكل يخلي كلبي يعشكج اكثر
ايليا:- ليش انته عندك كلب ؟؟
الشيخ مهران:- قبل لاتجين انتي ماجان عندي بس من دخلتي لحياتي لا رجع ينبض من جديد وينبض علمودج انتي وبس
ايليا:- تعرف لو اكدر ارجع بالزمن شنو اسوي ؟
الشيخ مهران:- شنو ؟
ايليا:- ماادخل للكليه واتزوج اخ انفال ع الاقل هو يحبني ويتمنى رضاي ومتأكده مستحيل يزعلني
حجيت هيج حته اغثه واعصبه ونجحت بهذا الشي تقدم عليه وسحبني من ايدي بقوة واخذني للغرفه دخلني وسد الباب حجه بصوت مليان غضب
الشيخ مهران:- بلا عيدي ماسمعت شنو كلتي ؟؟؟
ايليا:-حقك ماتسمع شكد صار عمرك وضعف السمع هاي احد علامات التقدم بالسن لاتعصب وتصيح حته لاتنجلط
ابتسم بمكر وهو يباوع ع بطني فرق بين شفايفه وكال
:- شنو رأيج اشوفج شنو يكدر يسوي هذا العجوز ؟
يحجي وهو يتقدم عليه واني كمت ارجع ليورة وهنا عرفت اني جنيت ع روحي وفتحت عليه بيبان مسدوده بس بغبائي فتحتها صحت بصوت ثابت ع عكس الرجفه الموجوده بجسمي
ايليا:- وعلي يا مهران اذا لمستني اصرخ والم عليك الناس كلهم وتعرفني اسويها مخبله تره اني
تقدم عليه اكثر وقلص المسافه بيناتنا بحيث صرنا نتنفس نفس الهوة حجه بصوت ذايب
الشيخ مهران:-جا اني شنو الي وكعني بحبج غير اخبالج
راد يبوسني بس دفعته اختل توازنه وراد يوكع بس سيطر ع نفسه مسح وجهة بقوه وهو يباوع عليه ويبتسم كلت بعصبيه مصطنعه
:- اني مخبلههه مهراننن انييي هوو منوو الي خبلني غيركك هاا جنتت بنيه اخبل ومابيه شي بس انته خبلتني
الشيخ مهران:- جنتي تخبلين وهسة صاير تطكين بالكاع وخاصه بعد الحمل لان كبرت عندج مناطق
يحجي هيج يغمز ضربته ع صدرة بغضب كلش نرفزني بكلامه وحركاته
ايليا:- انتي شكد واحد سرسري ولوتي
الشيخ مهران:- غير من وراج حته عقل براسي ماضل
ايليا:-ترة انته من زمان ماعندك عقل
كلت هيج وانتبهت ع الجفصه مالتي وهو ضل صافن مايعرف شنو يحجي كلت بكلبي خليني اطفر قبل لا الوصها اكثر طلعت من الغرفه وردت انزل الدرج ركض بس اجاني صوته وهو يكول
الشيخ مهران:- ولجج اعقلي يابه اعقلي انزلي مشي لاتركضين
درت وجهي عليه وكلت
ايليا:- شنو تقصد بأعقلي شكالولك عليه مخبله ؟؟
مسح وجهة بنفاذ صبر وكال :- اشتعلت روحي بويه اني الخبل وانتي العاقله بس لا تركضين لاتوكعين ويصير بيج شي مااتحمل اشوفج متأذيه وربج
ايليا :- ماتتحمل تشوفني اتأذه بس اذيتني !!!!
الشيخ مهران:-غصب عني وداعه امي ومتندم عليها
عفته ونزلت لان هذا الكلام ماراح يغير شي من الي سواه بيه لكيت مرح ورياحين كاعدات بالصالة
ايليا:- شلونهن البنات
رياحين:- ماكلات ن***
ايليا:-ههههههه ليش ولج
رياحين :- هاي المايعه خبلتني
مرح:- لاتكولين عليه مايعه تره احاجي زوجي عليج
رياحين:-تعاي اخذيها مني ترة وعلي اكوم اعضها خبصتني صارلها ساعه زوجي وزوجي هسة هو منو زوجج كله مهيمن
مرح:-عاااا ماتستحين تحجين ع زوجي وابن عمي ولي ع قامتك ان شاء الله
رياحين:- راح انكلب عليج ام زكي ومااخلي مكان مااعضج منه
ايليا:- عوفيها لخاطري خليها فرحانه
رياحين:-لخاطرج بس ام علي
دزيتلها بوسه بالهوة وبالصدفه دخل مهران باوع علينه وكال بحسره وصوت مسموع
الشيخ مهران:هنيالج ريحانه بس انتي المرتاحه
خزرته لان استحيت من البنات ورياحين كاتمه ضحكتها بس طلع وكعت بالكاع من الضحك
رياحين :- ههههههههه ليشش هيج مسويه بأخوي مخليته يتحسر ع البوسه ها ولج
ايليا:- يحتاج اكول السبب
رياحين وهي تخفي ضحكتها:- لا مايحتاج ومحد يلومج تره اي وحده بمكانج تسوي اكثر من الي جاي تسوينه انتي
ايليا:- اي اعرف عوفج من هذا الموضوع هسة نارة وين ؟
رياحين:- فوك بعدهي مانازله
ايليا:- ادم موجود يمها هم ؟
رياحين:- ليش ادم شوكت عايفها حته يعوفها هسة ؟
ايليا:- صحيح كلامج بس مو اتأخرت لازم احنه طالعين قبل نص ساعه
رياحين:- اي صح كلامج ردت اروح استعجلهم بس استحيت ورجعت كعدت بمكاني وانتضرهم
ايليا:- تمام لعد بس اذا اتأخرت نصعد ندك عليها الباب
رياحين:-ندز مرح عليها
مرح:- اني شعليهه انتي روحي
رياحين:-شكد جبانه لخاطر الله
مرح:- ماعرفتج يالبطله
رياحين:- نننن كافي اسكتي
ايليا:-كافي شكد تتعاركن جنجن شرايج
كعدنه ننتظر نارة شويه ونزلت هي وادم وعيونها جانن حمر مبين عليها جانت تبجي حجت بصوت متجرح من البجي
نارة:-تأخرت عليكم مو؟
ايليا:-عادي حبيبتي ماصار شي
ادم:- يلا يابه خلينه نتوكل حته نوصل من وكت
رياحين:-يلا احنه ماعدنه شي
تقسمنه نص راح ويه ادم ونص ويه مهران اني ومرح ومهيمن بسيارة مهران وادم ونارة وفهد ورياحين نزار مااجه ويانا بقى يم الحجيه لان ماكدرت تروح ويانه الطريق كله واحنه ساكتين محد يحجي وصلنه بعد ثلاث ساعات دخلنه للمكبرة قبل لانوصل للكبر مالته تقابلنه ويه اخو نارة وخواتها تقدم محمود ع نارة وشبكها وهي انفجرت تبجي بحضنه وهو يمسح ع ضهرها ويهدي بيها وخرها من حضنه واخذها من ايدها ومشو للكبر مال ابوهم احنه نمشي وراهم وصلو للكبر وهي شمرت نفسها عليه تبجي بلكوه سحبها ادم منه ورة ماخلصنه قراءة الفاتحه اله توجهنا للزيارة الامير فتنه من التفتيش ودخلنا اله اول مادخلت للضريح ضرب بخشمي هوة الضريح فد شي كلش مريح مجرد مااتنفسته حسيت براحه عجيبه صلينه وقرينا الزيارة وزرنه اكثر من مره ع راحتنا خلونه ورة ساعه ضبط جان موعدنا نلتقي يم مدخل التفتيش رحنه لهناك ولكيناهم ينتظرونه محمود سلم ع نارة وراح هو واخواته زوجه ابوهم مااجت لان هي بالعده متكدر تطلع
رياحين:- صدك ارتاحيت صارلي اكثر من سته اشهر ماجايه للامام علي (ع)
مرح:-تدرين هاي اول مرة ازور بيها النجف؟
رياحين:- صدك؟
مرح:-اي والله بابا جان يجي دائما بس ماما ماجانت تقبل اروح وياه
رياحين:-زين ليش؟
مرح:-مااعرف كل ما اسألها ع السبب تكول اخاف عليج
رياحين:-من شنو تخاف عليج؟
مرح:-مااعرف والله
رياحين:- عوفج منها هسة استمتعي بأجواء الحلوة
مرح:-تدرين كلش حلو الامام علي (ع) حبيته كلش
رياحين:- راحه نفسيه المرقد مالته
مرح:-هم صح بعد كلما اضوج اخلي زوجي يجيبني هنا
رياحين:- خبصتني اليوممم خبصتنييي بزوجهاا
مرح:-هههههههه ليش ضايجه منه حوبيي
رياحين:- ايععع بربج لاتعيدنها مرة ثانيه اتخبل من الابنيه الي تعوج حلكها بالحجي
مرح:-ههههه اني هم بس مرات تصير لا اراديه
ايليا:-كافي شكد تحجن
رياحين:-انتي صايره النه مثل العضم بالبلعوم كلما حجينه صحتي بينا
ايليا:- ضلي احجي هسة تاكلين خوش رزاله من اخوانج
رياحين:- محد يرزلني مهران ميقبل
مرح:-ليش احس مهران هو الي راح يرزلج؟
رياحين:-وعلي اذا رزلني مهران اله ابجي
مرح:-شكد زعطوطه
رياحين:-مثلج حبيبتي
ايليا:-تعاي مرح خلينه نصعد للسيارة وانتي ريحانه روحي اصعدي قبل لاتترزلين
رياحين:-اففف يعني ليش اني هناك وانتو هنا خلينه نصير سوه
ايليا:-حاجي اخوج وشوفي شنو يكول
رياحين:-تمام، رحت سرعت مشيتي وصرت يم مهران وحجيت بصوت ناصي
رياحين :-حبيبي مهران
الشيخ مهران:- ها عيوني
رياحين :-حباب خليني اني والبنات نصير بنفس السياره حباب علمودي
الشيخ مهران:- ههههه ماتتحملين اله وياهن
رياحين:- اي والله
الشيخ مهران:-يجرالج حبيبتي ادممم
ادم:-هاا خويه؟
الشيخ مهران:-جيب جماعتك خليهم يصعدون ويانا
ادم:- واليمك يجون يمي؟
الشيخ مهران:- اي
ادم:- خوش
اجت نارة ورياحين ومهيمن راح يم الولد صارن البنات كلهن ورة واني كعدت بالصدر يمه
رياحين:- شوف الخيانة راحت كعدت كدام وخلتني ورة
ايليا:-ههههه اني سمنت والمكان مايكفيني
رياحين:- هم صح قنعتيني والله
ايليا:-جا شعبالج
خلصنه الطريق بس سوالف حته نارة خليناها تشارك ويانا بالحديث بس هي جانت مبين عليها مالها خلك للسوالف سكتنه عنها خليناها ع راحتها وصلنا للبيت بعد طريق ثلاث ساعات حرفيا هذا اكثر يوم تعبنا بيه خاصه اني احس ضهري متكسر تكسر من ورة الطساات الي بالطريق دخلنا للبيت واستقلبنا نزار المشهور
نزار:- بعدد بعدد وكتت ليشش هسة اجيتو جان ضليتو برة
الشيخ مهران بعدم اهتمام:- وانته شعليك اجينه لو ضلينه شنو الي مضايقك
نزار:- شلون شعليه جا غير اني اخوكم والي حق بيكم لو بس انتم تدخلون بطبتي وطلعتي واذا اتأخرت نص ساعه توكفولي براس الفرع
ادم:-جا غير احنه اخوانك الاكبار ونخاف عليك ونحاسبك
نزار:-جاا انه هم اخاف عليكم وهم لازم احاسبكم ع تأخركم
رياحين:-خوش حبيبي باجر حاسبنه هسه احنه تعبانين نريد انام
نزار:- حسابكم باجر هسة روحو نامو
رياحين:-طبعا احنه نشكر تفهمك وسعه صدرك سيد نزار
نزار:- لا يابه ماسويت شي
ادم:-وحق علي لو ماتعبان جان عرفت شلون ارد عليك تعاي نارة
اخذ ادم نارة وصعد ونزار يهز بيده ماعاجبه كلام ادم
الشيخ مهران:- الحجيه وين؟
نزار:-تعشت قبل شويه واخذت العلاج ونامت
الشيخ مهران:-خير ان شاء الله رايح انام محتاج شي
نزار:- سلامتك شيخنا
صعد مهران واني ضليت واكفه يم رياحين باوعت عليه وكالت
رياحين:- ماتصعدين انتي؟
ايليا:-تعاي انطيني ايدج خليني اسند روحي عليج حته اكدر اصعد
رياحين:- يلا تعاي
سندت روحي عليها وصعدنه سوة وصلتني لباب غرفتي وراحت لغرفتها فتحت الباب ودخلت للغرفه مهران ماكو بيها واكو صوت مي بالحمام اكيد جاي يسبح فتحت الكنتور وطلعت تراك خفيف انام بيه وانتظرته يطلع حته ادخل اسبح شويه وطلع من الحمام ولابس بس الشورت والمنشفه ع راسه ينشف بيها شعره وصدره عاري درت وجهي عنه واخذت التراك مالتي ودخلت للحمام فتحت المي الدافي ودخلت جواه بلكت يرتاح ضهري شويه كملت وبدلت واخذت منشفتي لفيت بيها شعري وطلعت مشيت للجربايه ونمت ع بطني اجاني صوته وهو يكول
الشيخ مهران:- نامي ع ضهرج ميصير تنامين ع بطنج
ايليا:-ضهري يوجعني مااكدر انام عليه
ماسمعت رد من عنده بس احس بيه يتحرك بالغرفه يفتح بالجرارات شويه وحسيت بأيده ترفع قميص التراك مالتي ردت اكوم حته ادفعه بس هو رجعني لنفس وضعيتي كال
الشيخ مهران:- بس اصبري شويه هسة ادلك ضهرج بهذا الزيت وترتاحين
ضليت اتحركك ماثبتت ضغط بيده ع ضهري وكال بصوت مسموع
الشيخ مهران:-بس اثبتي شويه شبيج
ايليا:-مااريدك تسويلي شي وخر مني
الشيخ مهران:- عود اخلص ونرجع نتعارك
ايليا:-اعضك وعلي
الشيخ مهران:-قابل بس خليني ادلك ضهرج حته تنامين مرتاحه
هزين راسي موافقه ع كلامه وهو بده يحط الزيت ع ضهري ويدلك بيه بالبدايه حيل توجعت حطيت ايدي ع حلكي اكتم صوتي بس شويه شويه بديت ارتاح لحد مااختفى الوجع اجاني صوته وهو يسألني اذا اختفى الوجع او لا رديت بصوت ناصي واحس عيوني بدن يثكلن بسبب النعاس
ايليا:-لا اختفه
الشيخ مهران:-عدلي نومتج حته ترتاحين اكثر
عدلت نومتي وهو غطاني وراح للحمام حته يغسل ايده من الزيت شويه شويه غلبني النعاس ونمت
كعدت ثاني يوم لكيته نايم يمي وساحبني لحضنه سحبت روحي منه وكمت غسلت وجهي وبدلت ملابسي ونزلت جانت الساعه تقريبا تسعه ونص من نزلت لكيت رياحين ومرح كاعدات بالمطبخ وحده صافنه بوجه الثانيه
ايليا:-صباح الخير يابه
رياحين، مرح:-صباح النور
ايليا:-شبيجن وجوهج يتلاطمن
مرح:- اريد ارجع امتحن خارجي
ايليا:-زين ليش خارجي ليش مترجعين اداومين ويه المدرسه عمرج صغير ويقبلونج
مرح:- صدكك
ايليا:-أي والله بس تعاي منين اجتج هاي الفكره من الصبح
مرح:-صارلي هواي افكر بيها بس خايفه
ايليا:-خايفه؟؟ من شنو؟
مرح:- من مهيمن اخاف مايقبل ارجع للدراسه
ايليا:-مااعتقد مهيمن مو هيج تفكيره
مرح:- يعني تكولين يقبل ارجع للدراسه؟
ايليا:- مااعتقد راح يعارض هاي الفكره انتي احجي وياه متأكده راح يوافق
مرح:- حته لو وافق راح اضطر انتظر للسنه الجايه لان اتأخرت هواي عليهم
ايليا:-ترة ماضل شي للسنه الجايه كلها اربع اشهر وتبدي المدارس يادوبج تبدين تحضرين للسادس
مرح:-هم صح
ايليا:- انتي شلونج بالمواد.؟؟
مرح:-كلهم زينه بيهم بس عقدتي الرياضيات
ايليا:-سهله زوجج مهندس وهو يقريج ههههه
مرح:-اي والله صحيح
ايليا:-هسة يلااا كومن سون ريوك ميته من الجوع
رياحين:-صايره تتأمرين انتي
مرح:-مرت الشيخ بعد ههههه
رياحين:-تدلل هي والشيخ
ايليا:-شفتو نارة؟
مرح:- شفت بس ادم طلع قبل شويه هو وفهد
رياحين:-وين راحو
مرح:-مااعرف والله بس جانو كلش مستعجلين
ايليا:- ع خير ان شاء الله
خلصنه الريوك ونقلناه للصاله رحت لغرفه عمتي ودكيت عليها الباب اجاني صوتها وهي تسمحلي ادخل دخلت ولكيتها كاعده تقره قرأن
ايليا:-صباح الخير عمه
الحجيه ترفه:- صباح الخيرات يمه
ايليا:-خلصنه الريوك تعاي ويانه اكلي حته تاخذين علاجج
الحجيه ترفه:- مهران كعد لو بعده نايم؟
ايليا:- هاا لا بعده نايم
الحجيه ترفه:- شعجب بعده لحد هسة ماكاعد؟
ايليا:-مااعرف والله
الحجيه ترفه:-روحي كعديه خليه ياكل ويانا
ايليا:-تمام
طلعت وهي وراي صاحت ع رياحين حته تكعد نزار قبل لاتصعد نزل نزار يركض ع الدرج مستعجل
نزار:-صباح الخير يمه
الحجيه ترفه:-صباح الخير يابعد امك شبيك ليش مستعجل؟
نزار:-يمه اريد اروح عندي شغله ويه مهيمن تأخرت عليه
مرح:-صح ترة هو ينتظرك بالديوان
نزار:-من شوكت؟
مرح:- قبل نص ساعه هو دزني عليك بس اني نسيت ضليت اسولف ويه البنات
نزار:-هنيالي اي والله اروحله قبل لا يجرم بيه
راح نزار لمهيمن واني صعدت اكعد مهران دخلت للغرفه تقدمت عليه وبس ندهته كعد
ايليا:-الحجيه تكول تعال تريك ويانه
الشيخ مهران:- ليش انتي صعدتي تكعديني
ايليا:-لعد منو؟
الشيخ مهران:-جان خليتي ريحانه تصعد تكعدني
ايليا:- وشنو الفرق يعني؟
الشيخ مهران:- انتي مو مال تصعدين وتنزلين هواي حامل متكدرين
ايليا:-لا عادي ماصار شي
الشيخ مهران:- لاتعيدينها مره ثانيه
ايليا:-إن شاء الله
كمت حته انزل بس وكفني من كال
الشيخ مهران:- تعاي اكعدي هسة ابدل وننزل سوة وبعد لاتضلين صاعده نازله ع الدرج
كعت انتظره بين ماخلص لبسه ونزلنه سوة كعدنه نتريك
الحجيه ترفه:- يمه عندي شغله وياك
الشيخ مهران:-كولي يمه
الحجيه ترفه:-اخوك نزار
الشيخ مهران:-شبيه؟
الحجيه ترفه:-شوكت تروح تخطبله؟
الشيخ مهران:-يمه ومرت ادم مو عيب منها
الحجيه ترفه:-حاجيتها قبل كم يوم ورفضت نوكف خطبه اخوك علمودها
الشيخ مهران:-يصير خير خليه يرتب وضعه ونشوف شلون تصير
الحجيه ترفه:- خوش حجي
خلصنه الريوك وشلنه المواعين رياحين وهي تشيل بالمواعين تهز بركبتها وتهز جتف
رياحين:- اويي واخيرااا راح يصير عدنه عرس وعلي اله اهز بيه للصبح هذا عرس نزوري الغالي
مرح:-ههههه انتي فرحانه اكثر من نزار حته
رياحين:-اكول ليش نظار كاعد من وكت وراح ويه مهيمن اكيد علمود الشغل راح ويه مهيمن
مرح:-يعني يشتغل وياه؟
رياحين:-اي بالشركه مالته
الاسبوع كله واحنه نزار مانشوفه بس ع الغده ومايكعد بالبيت حددو يوم المشيه لبيت اهل انفال ونزار ماخله واحد ماعزمه حته اصدقاء فهد وادم وضباط كبار اجو وياهم واكيد ماننسى اصدقاء الشيخ مهران راحو لأهل انفال رياحين طلبت من فهد يصورلها المشيه وهو وافق اني اخذت موبايلي واتصلت ع انفال شويه وردت
انفال:-هلو لج شلونج
ايليا:-عوفج مني اكلج نزار جايب مشيه وجاي عليكم
جنت كاعده ع الجربايه مالتي واكل جبس ولابسه بجامه خضرة بس كالت ايليا هيج هي كومه وهي وكعه من الجربايه
:-تحجين صدك لو تشاقين؟؟
:-اكو واحد يشاقه بهيج موضوع؟؟
:-عزه ايليا شكلي يخوف ومامرتبه روحي
انخبصت وماعرفت شنو اسوي واسمع ايليا تضحك عليه عطت بيها بحيره وكلت
:-لاتضحكين عليه ايلياااا
:-وسم شبيج تره هي مشيه خاصه بالزلم يعني انتي ماراح ادخلين ولا راح يشوفج هو ليش هيج مخبوصه
:-لعد خليني اروح احضر ضيافه احضر لعشرين واحد لو اكثر؟؟
:-قصدج لخمسين ستين واحد
:-جذابه هلكد؟؟
:-اني الي اعرفهم هلكد من غير اصدقاء الولد يطلعون بالسبعين واحد
:-وهذولي شنو اضيفهم؟؟
:-وصي ع كيك وببسي وحلويات وهاي السوالف واكيد لا تنسين الكهوة والجاي هذا اهم شي
:- خوش اروح احاجي ماما وانطيها خبر بالموضوع
:-تمام باعي خليني ع علم بشنو يصير وياكم خوش
:-بس تخلص المشيه اتصل عليج وانطيج الموجز لكلشي صار
:-عفيه عليج بنيتي
:-ههههه يلا باي
:-باي
سديته منها بعد وكت لحد مايوصلون لبيت اهل انفال يعني عدهم وكت يحضرون الضيافه والمكان هم
ضلينه كاعدين وحده بوجه الثانيه ننتظر خبر منهم ورة اربع ساعات تقريبا يلا اتصلت انفاال رديت عليها وفتحت مكبر صوت لان البنات كاعدات يمي
:-احجي بسرعه شنو صار
:-قبل شويه طلعو من يمنا
:-اي وشصار؟؟
:-بابا ماقابل بيه
:-تحجين صدك؟؟
:-اي وعلي
:-زين ليش؟
:-يكول مااريد ازوج بنتي بمحافظه ثانيه وبعيده عليه اريدها كدام عيني بس ماكدر يرفض كدام الناس الي جايه وياه
:-ايي وهسة شنوو
:-بابا يمول راح ينسحبون لان طلب مهر عالي كلش
:-من هاي الناحيه لا تخافين نزار يدفع الي فوكه والي جواه بس حته يحصل عليه مااعتقد راح ينسحب بسبب المهر
:-هيج تكولين؟
:-ليش انتي عندج شك؟
:-ماما تكول هذا ياخبل يدفع هلكد مهر علمودج؟
رياحين:-اخوي نزار اكلج حبيبتي لاتخافين ولا ع بالج الي اريده منج تبدين من هسة تهتمين بنفسج وتحضرين روحج للخطبه لان ماعندج هواي وكت
انفال:- وين طفرتلي للخطبه بعدنه مانعرف شلون راح يتصرف اخوج
رياحين:-اني اكلج راح يأخذ المبلغ مال المهر وينطيه لأهلج ويكول الهم الخطبه بعد اسبوع والعرس بعد شهر لان اني مخلص كلشي وماعندي نقص غير بنتكم
ايليا:- يروح لأبوج ويكول اله من رخصتك اريد حبيبه كلبي الي بس شفت عيونها وكعت بحبها
رياحين:- ههههههه اتوقع يسويها والله
انفال:- يلا بنات اروح اني بعدين احجي وياجن
ايليا:- يلا حبيبي باي
سديت الخط منها وضليت اضحك عليها مبين التوتر والخوف ع صوتها انتظرناهم ع نار تأخرو يلا اجو بس دخلو ركضت رياحين ع فهد واخذت منه الموبايل مالته حته تشوف التصوير مال المشيه
فهد:- سلمي اول شي ونوب سلبيني
رياحين:-هلو فهد شلونك شخبارك إن شاء الله بخير ارتاحيت هسه؟
فهد:-بخير الحمدلله وانتي شلونج
رياحين:-زينه وراح اصير احسن اذا انطيتني الموبايل مالتك
فهد:-تفضلي يابه
رياحين:-شنو الرمز مالته؟
فهد:-اسمج بألانكليزي وتاريخ ولادتج
باوعت عليه متفاجأه ليش حاط هيج رمز بس ماانطاني مجال اسأله عافني وراح كعد يمهم بالاستقبال كتبت اسمي وميلادي وانفتح الموبايل دخلت ع الاستوديو وطلعت فيديو المشيه ورحت اشوفه اني والبنات جانت المشيه كلش جبيرة بحيث ضلينه صافنات نص دخلو جوة ونص ضلو برة فهد ضل برة واكف يم اصدقائه مندمجين نباوع عليهم مانحس اله صوت نزار رج البيت رج ركضنه نشوف شكو شفناه صاعد ع صدر فهد ويتعاركون اول شي عبالنه صدك بس بعدين ضلو يضحكون عرفانهم يشاقون
رياحين:-تحجي صدك انته وعلي وكفت كلبي عبالي مدري شصار وياك
نزار:-شيصير بعد هاا واخيرا راح اخطبها وتصير بأسمي وعلي من الفرحه احس بروحي صرت يخفه الريشه بودي اطير اكلك مهران نروح باجر نودي المهر ونحدد يوم الخطبه اسبوع واحد كافي يخلصون مو
رياحين همست بصوت ناصي لأيليا:-هاا شنو حجيت اني؟؟
ايليا:-دخيلج بختج ابو علي الشيباني يروحلج فدوة
رياحين:-هههههه فديتني والله
اليوم مشى ونزار يطلع ويطب يضحك ويسولف ويه الكل ويتشاقه كلساع يبوس الحجيه من راسها لو من ايدها من فرحته مايعرف شنو يسوي وكلساع كامز يم مهران يسأله ع تحضيرات الحفله مال الخطوبه ومهران بس يهز براسه وشنو الي يريده نزار يوافق عليه اخر شي عاط بوجهه بعصبيه
الشيخ مهران:-ابتليت ع روحي من مشيت وياك بويه اركد مو شلعت كلبي شبيك
نزار:-وحق ربك فرحان خلينه نكمل كلشي من هسة حته لاننخبص بعدين
الشيخ مهران:-الله يديمها عليك يابعد ابوك بس مو هيج بعدنه مانعرف شنو ردهم غير تصبر
نزار:-باجر نروح ونعرف بس تعتقد انته راح يرفضون؟
الشيخ مهران:- الله العليم خلينه لانسبق الاحداث وإن شاءلله خير
نزار:-إن شاءلله
اجه ثاني يوم وتأخرو يلا رجعو ومن رجعو جان نزار ضايج كلت اكيد عمو ماقبل ورجعهم
الشيخ مهران:-شبيك انته تخبلتت ليشش تعاركتت وياه هاا
نزار:-ماشفته شلون نزل من كرامتنا وحجه علينا انتم اهل *** تختلفون علينا احنه بناتنا مامتعودات ع طبيعه محافضتكم ابن النعل شعليككك انته ابن عمها ابن خالها كلك ابن خالتها ابن المطي
ادم:-وانت ماشاء الله عليك ماقصرت بيه مسحت بيه الكاع كافي لاتضوج روحك
رياحين:- يعني اهلها وافقو عليك
نزار:- اي بس هذا ابن خالتها الكلب غثاني حيل بحجيه
رياحين:-خليه يولي اهم شي مشت سالفتك ووافقو عليك
نزار:-اي الحمدلله
مشه الاسبوع واحنه نركض منا ونركض مناك بس خته نلحك نحضر روحنه للخطبه وخطيه انفال داخله انذار حته ماتنام كاضيتها تركض حته تكمل كلشي بالوكت المناسب اجه يوم الخطبه وطلعنه من وكت حته نروح ويه انفال للصالون وصلنه للبيت مالتهم وطلعتلنا هي وامها واخذنه مهران للصالون ونوب راح دخلنه للصالون وبدت ام الصالون تشتغل بينه اني فستاني جان لونه اسود وانفال اختارت واحد ازرك بلون عيونها واختارت مكياج خفيف كلش وشعرها عافته مفتوح بس سوته كيرلي خلصنه كلشي والبنات هم مرح ماحطت اي مكياج ونارة هم بس سون تننظيف بشره ورياحين هم سوت مكياج خفيف خابرنه ع ادم ومهران حته يرجعونه للبيت الطريق كله مهران ماشال عيونه من عندي حجت رياحين
:-شيخ ديربالك ع الكريق لانسوي حادث وتخرب فرحه نزار
الشيخ مهران:-هههه وداعتك مااكدر عيوني بوحدهن يرحن الها
رياحين:-حقك يابه غير طالعه فد شي اليوم
الشيخ مهران:- هي كل يوم هيج جمالها مو شي جديد
رياحين:-اويلي عليك شيخنا
اني هنا لو تذبحوني ماتلكون بيه قطرة دم همزين وصلنه للبيت حته يسكتون شويه نزلنه ودخلنا للبيت لكيت غسق وغيداء وامي وزوجه عمي موجودات اول وحده ركضت عليه هي اختي وروحي غسق اخذتني لصدرها وحضنتني بقوه وماتقبل تعوفني عاطت بيها غيداء وكالت
:-انطينا مجال تره احنه هم نريد نسلم عليها مو بس انتي مشتاقه الها
وخرتني من حضنها وحضنت غيداء الي متغيره وكلش حليانه ع الحمل
سلمت ع زوجه عمي وردت السلام من ورة خشمها بس الي صدمني امي الي مارفلها جفن ولا تحركت خطوة حته تسلم عليه او تبين اشتياقها الي حته كلمه شلونج يمه ماكالتها عيوني انترسن بالدموع انتبهت عليه غسق واخذتني من ايدي وصعدتني للغرفه مال انفال حجيت والغصه تارسه بلعومي
:-شفتيها شلون تباوع عليه شفتيها شلون تعاملني ليش هيج تسوي بيه شنو الي سويته اني بشنو غلطتت وياهاا هااا؟؟
:-كافي ياروحي لاتسوين بروحج هيج مو زين عليج انتي حامل
:-الله ياخذني حته اخلص من حياتي ليشش هيجج يصير وياي ليش اني من دون الناس هيج امي اتعاملني هااا
:-كافي ياروحي كافي امي انتي
سكتت لان غيداء وانفال دخلن ومااريد اخرب هذا اليوم ع صديقه عمري
انفال:-ايليا هاي احلام تكول مكياجج مو حلو مو جنج عروس عبالك رايحه لعيد ميلاد ليش هيج مكياجج بسيط وماحاطه حمره حمرة
ايليا:-معليج بيها ماتعرفينها تموت ع المهرجانات والالوان مال المهرجين الي يسونها امهات الصالون مكياجج كلش حلو ونازك
انفال:-اي صح اعرف بس هي ضوجتني
ايليا:-معليج بيها شوكت يجون؟
انفال:-ربع ساعه وهم هنا ماراح يتأخرون
ايليا:-تمام انتي جوعانه نجيب الج شي تأكلينه؟
انفال:-لا بس تعاي ضلي كاعده وياي لاتعوفيني حيل متوترة تره
ايليا:-موجوده يمج مااعوفج
ضليت كاعده يمها منا لحد مااجت امها حته تنزلها لان كل المعازيم اجو نزلنه وهي كعدت ع الكوشه شويه وكالو جييو العروس حته يعقد الهم الشيخ
انفال:-من صار وكت العقد حيل توتر وجسمي ضل يرجف خفت حيل سألني الشيخ اذا جنت موافقه ع نزار وجاوبت بصوت يرجف وناصي
:-نعم اقبل
الشيخ:-ارفعي صوتج يابنتي ماجاي اكدر اسمعج
اخذت نفس ورفعت صوتي وكلت:-نعم اقبل
رجع سأل نزار هم وهو جاوب بصوت مليان ثقه ومسيطر
:-نعم اقبل وبكل ممنونيه
بس كال هيج سمعت صوت الضحك ترس الصاله رجعت لمكاني وهو دخل وراي حته يلبسني الذهب تقدم عليه ولزمني من وجهي وباسني من راسي وهمس بصوت ناصي
:-اخذتج غصبأ عن الكل صرتي بأسمي شرعأ وحبأ وقانونأ
:-بعدنه ماعاقدين محكمه حته اصير بأسمك قانونأ
:-ماضل شي كم يوم وتصيرين زوجتي بالقانون هم
رياحين:-احم احم ولو نقاطع حديثكم الحلو بس ايدي وكعت واني رافعه الحلقه حته تأخذها حضره جنابك
نزار:- جيبه يابه هسة الي يسمعج يكول مدري شمسويتلي
رياحين:-هاك اخذ بس خلصنه
اخذ نزار الحلقه ولبسها لانفال وانفال هم لبسته ونوب بده يلبس بيه بالذهب ومن خلص كامت تتراكع الهلاهل عليهم ضل شويه كاعد ونوب طلع
خلصت الحفله والكل راح واحنه اخر شي طلعنه احنه الطريق كله ادم وفهد ونزار يستابقون بالسيارات ومنو يسبق اول واصدقاء نزار كل شويه ينزلون من سياراتهم ويركصون بالشارع عبالك زفه مال عرس مو خطبه وصلنه للبيت وثاني يوم كعدنه كلنا متأخرين تقريبا ساعه 11 نزل نزار وهو مرتب روحه سأله مهران
:-وين رايح انته؟
:-انته ليش ماامبدل
:-وين تريد تاخذني هاا
:-امشي نختار الغرفه اني وياك يلا وراي هواي شغل شيخلصه الي وهو عندي بس شهر واحد
:-وانته من كلك احصر روحك بشهر واحد هاا
:-باع اذا اعوفها اكثر واطولها مايضل واحد ميدخل بيها واني اريد اخلصها ع السريع يلا شبيك استعجل ووراي روحه للصباغ حته يغير صبغ الغرفه ماعدنه وكت يلا يااخي
:-باع هذا يابه الغرفه غير تختارها انته وزوجتك اني شكو حاطني بالنص
:-شوف هذا باع احنه مختارين الغرفه وكلشي خالص بس اريد اخذك وياي حته ينزلنا شويه من السعر يلا
:-لا والله
:-بداعه ام علي عندك امشينا راح يعزل المعرض يابه
:-خرب روحك هو كل واحد يزوج اخوه هيج يطيح حضه لو بس اني
مهيمن :-لا بس انته
نزار:-وانته هم تجي ويانه
مهيمن:-شعليه اني هذا اخوك اخذه وروح اني شكو مدخلني وياكم؟
نزار:-ابن عمي وحزام ضهري يلاا حبيبي تجي ويانه همزين انته مبدل يلاا مهران بعدك واكف تحجي صدك
ايليا:-خبصهم خبص اخذهم اثنينهم وراحو واحنه فطسانين ضحك عليهم هيج مرت الايام ونزار كل يوم معدل شي بالغرفه مالته واني ع تواصل مستمر ويه انفال كل طلعه الها للسوك لازم تتصل عليه ونختار سوة الملابس وكلشي والبدله فتحتلي كامرة واختاريناها سوة خلص الشهر واحنه مامفتهمين منه شي بس ركض وترتيب اجه يوم الحنه واحنه قبل الحنه بيوم موجودين عند بيت ابو انفال فرغو البيت النه يعني بس النسوان بيه الحنه والعرس راح يصيرن بقاعه لان البيت صغير والمعازيم هواي
انفال:-يلاا ايلي ماخلصتي؟؟
ايليا:-خلصت بس اصبري خليني الف الحجاب عدل شبيج خبصتيني
انفال:-مو راح نتأخر ع الصالون ياعيني
ايليا:-مانتأخر لاتخافين
انفال:-اكلج والله عيب من الشيخ ليش نخليه هو الي يأخذنه للصالون اخوي موجود هو يودينا
ايليا:-ههههههه مايقبل
انفال:-ليش؟
ايليا:-يغار منه هههه
انفال:-جذابه
ايليا:-وعلي غير اني كلما تعاركنه وكتله كون متزوجه اخو انفال جان هسة اني ملكه
انفال:-خرب يومج مخبلته للزلمه انتي
ايليا:- محد كاله تعال تزوجني يلا خلينه نروح مو وكت سوالف هسة
انفال:-يلا امشينه
رحنه للصالون وخلصنه الهوسه مالته ونوب رجعنه للقاعه طبعا اني ماكدرت اركص بسبب بطني بس رياحين ومرح ذبن فلك بحيث ضليت صافنه معقوله هذني نفسهن العايشات وياي بالبيت مااتوقعتهن يعرفن يركصن ابدد
خلصت الحفله ونوب اجه يوم العرس ونفس الروتين بحيث متت تعب وبين هذا الشي ع وجهي نزار حب يغير شويه ولبس زي عربي بدال القاط بالعرس اني جنت اعرف بس انفال ماجانت تعرف حب يسويها الها مفاجئه
انفال:-اكلج اشو هذا نزار مادزلي صورة للقاط الي راح يلبسه اليوم
ايليا:- ربع ساعه ويدخل وتشوفينه بعد علمود شنو الصورة
انفال:-اني اعلمه ليش ميدز صورة
ايليا:-يجوز ماعنده ثقه بيج هههههه
انفال:-ههههههه خرب يومج ضحكتيني
عفتها ع الكوشه ورحت افتر ع الطاولات اشوفهن اذا ناقصات شي تعبت من المشي ورحت كعدت يم غيداء الي باوعت ع وجهي وكالت
غيداء:-تعبتي مو؟
ايليا:-اي والله كلش تعبت
غيداء:-يلا بس اليوم وراح ترتاحين انتي دخلتي بالشهر الخامس مو
ايليا:-اي كملت نصه هم
غيداء:-اويي فدوه الله يكومج بسلامه
ايليا:-حبيبي وانتي هم
شويه ودك موبايلي شفته مهران جاوبت عليه
الشيخ مهران:-بويه راح يدخل نزار خليهن يلبسن حجاباتهن
ايليا:-تمام
الشيخ مهران:-تعبتي هواي هاي الفترة بس اتحملي بس هذا اليوم وتخلص تمام بويه
ايليا:- ماتعبانه لغريب هاي صديقتي وبحسبه اختي ونزار هم يستاهل الواحد يتعبله
الشيخ مهران:- لو الف الدنيا كلها مستحيل الكه وحده مثل حنيتج
ايليا:-اكو لان لو خليت خربت
الشيخ مهران:-اكو بس اكيد مو مثلج
ايليا:- خليني احاجي البنات لاتخاذنه السوالف ونخلي نزار ينتظر اكثر
الشيخ مهران:-تمان بويه مع السلامه
ايليا:-الله وياك
سديته منه وحاجيت البنات يلبسن حجاباتهن وام الديجي حضرت الاغنيه مال الدخوليه واني رحت وكفت يمها شويه ودخل اباوع عليها انصدمت من شافته بالزي العربي باوعت عليه وكالت
انفال:-هذاا نزارر؟؟
ايليا:-لعد منو ابوي
انفال:- خرب يومه هذا شلابس ليش هلكد طالع حلو اني اعلمه اذا مااعاركه
ايليا:-خبال حته خبال بابا شبيج امو عروسه تتعارك ويه عريسها بس لان طالع حلو
انفال:-اي اني شوفي شلون البنات يباوعن عليه خرب يومك شكد حلو
ايليا:-تخبلت الابنيه رسمي
وصل يمها وسوة حركه خله الكل يضحك فتح البشت مالته وحضن بيه انفال وهي تبتسم بفرحه كعدو شويه ونوب شغلو الاغنيه حته يركصون عليها جان اسمها عشق
عشق، يا دقة حلوة وبالقلب تدق
يا هوى وبعدك أني أختنق
أنا أعشقك واتنفسك مثل الهوى ترى
ترى الغرام بداخلي عبر
حد الأرض صعد ورا القمر
جمر الغزل بيه اشتعل وما ينطفي ترى
تبعد وأحسك دوم قاعد ببالي
والتفت ما ألقاك واحضن خيالي
قلبي اللي يحبك موت قد ما يحبك
مو قلبي لا والله سميته قلبك
ماعندي كل غالين بس إنت غالي
خلصت الاغنيه ورجعو لمكانهم خلصت الحفله وبدت الزفه الي جانت شي ثاني كد ماحلوة العرس شكد جان حلو ومرتب بس الزفه جانت احلا كلها سيارات عاليه ورياضيه وكلساع يوكفون وينزلون نزار ويركصون بالشارع خلصت الزفه اخذناهم للفندق واحنه هم لان حجزنا النه حته نبات بيه كل اثنين بغرفه اني ومهران بغرفه وادم ونارة بغرفه ومهيمن ومرح بغرفه وعمه ورياحين بغرفه وفهد بغرفه بوحده
انفال:-بعد ماخلص العرس والزفه ودخلنه للغرفه مال الفندق وسدينه الباب شمر نزار البشت مالته ع الكاع وكال
نزار:-نبدي نتحاسب ياحلوة؟
طفرت منه وصرت ع الكرف الثاني مال الجربايه وكلت بخوف
انفال:-ع شنو نتحاسب؟؟
نزار:-نسيتي مو؟
انفال:-ذكرني انته
نزار:-اذكرج ليش لا ع السانج الطويل وياي لو تجاوزج عليه لو ع فلوس المهر الي كسرتو ضهري بيهن هاا
انفال:-يبوو يبوو تعايرني بالفلوس نزار جا وين راح حبك الي هااا
نزار:- لج فلوس جنت ضامهن حته اشتري بيهن سيارة تجين انتي وابوج تاخذوهن مني بارده مبردة وعلي اله اطلعن بيه هسه
اجه عليه واني طفرت للجهة الثانيه
انفال:-ولج يمه تعاي الحكيني اني شلون ورطت روحي ورطه كافيي عليكك الله رجعني لأهلي بطلت مااريد اتزوجك
نزار:-تعاي هنا يمي وبعدين انسي سالفه ارجعج لأهلج مفهوم
تقدم عليه وركضت للجهة الثانيه وحجيت وياه بدلع
:-حبيبي نزوري لعد احنه مو نحب بعض ليش هيج تخوفني منك ترة بعد مااحبك اذا تسوي هيج
:-اشو بلا تعالي سحبني من ايدي لحظنه وكال بصوت هادئ
:-باوعي بعيوني يابعد نضري
رفعت راسي وباوعت عليه حجه بصوت متروس حنيه:-ديربالج بيوم من الايام تخافين مني اني اريد اصير الج الشخص الي من تخافين تلتجأين اله مو تطفرين منه تمام
هزيت راسي موافقه ع كلامه كدر بكلامه وحركاته يسحب كل ذرة خوف بيه منه ومشت ليلتنا الاولى ع خير
____________
رياحين:-بعد مازفيناهم للغرفه مال الفندق وكل واحد راح لغرفته دخلت لغرفتنا اني وامي هي بس بدلت بسرعه نامت بسبب التعب بس اني ضليت كاعده سبحت وبدلت ومن طلعت من الحمام اجاني صوت اشعار من موبايلي فتحته ولكيت رقم غريب مراسلني دخلت ع المراسله جانن صور شويه يلا فتحن لان جانن يتحملن بس انفتحن فتحت عيوني بصدمه هاي صوري واني بالبيت واكو صور الي بالفساتين بعرس مهران وحته اكو مال عرس نزار بس الي جان الضربه القاضيه بالنسبه الي هو الفيديو مال الحادثه الشقه من حاول يزن يعتدي عليه جسمي كله ضل يرجف ودموعي تصب واني اباوع عليهم دك نفس صاحب الرقم رديت عليه حته اعرف شلون وصلن لأيده هاي الصور والفيديوهات بس الصدمه ان صاحب الرقم هو يزن نفسه عرفته من كال
:- شلونها ريحانتي؟
