رواية الضابط فهد ومريم الفصل الثالث بقلم مجهول
فهد / يمة انيي قررت
اتزوج بس بشرط
سعاد / يمة شنوو الشرط
فهد / اتزوجهاا تبقة هناا خدامة لائن اني بكلبي وحدة ثانية
سعاد / ماحجيت كلت من يتزوج يغير رأية ويحبهاا
اتصلت ع عمت البنية وكالت يشوفون ابوهاا ويردون خبرر وفعلاا ورة يومين ردتلي خبرر وابوهاا موافق
فهد / اني مموافق ع هااذ الزواج ب ارادتي ولاا مهتم اصلاا راح اتزوج علمود امي وبسس اني ماكوو بكلبي غير ملاك
وصلنة خبر انو ابو البنية موافق رحنة اني وامي وعمامي وابن عمي كلهم بسيارتي
مريم كعدت الصبح جهزت نضفت البيت حضرت الضيافة
نور. / الحبج ماخسر مريومة الحبج ماخسر مريومة كلللللوووووششششششش
عرس مريوم هيلل وطش بلولاية عرس مريوم
مريم / عزااا عزاا صخام فضحتينة الله يطيح حضج
نور / فرحنة وليحبنة يفرح ويانة فرحنة وليحبنة يفرح ويانة ولعافج خسرر مريومة ولعافج خسر
مريم / نور لضلين سخيفة وليي عندي شغللل
نور / اي عيني حيجي فهيداان بعد متريدينة
مريم / نور بلاا مسلتة وبعدين اني وين شايفتة حتة انخبص ولي من وجهي وراي شغلل
نور / اووي مو صوجج اصلاا المفروض تاجريني اهوسلج
مريم / قصدج ائجرج تفضحيني حتة يبطلون من يسمعوج
نور تفف عليج دللي شوفي شراح اسوي بيج.
لبست فستان سمائي قماشة خيال من النعومة كللش حلو
حطيت شال اجة باباا قدمت الضيافة كعدو يحجون ورة شوية راحوو
باباا صاحني رحت حتة اشوف شيريد
باباا / تعاي بوية كعدي يمي شوفي هذولة الناس اجوي يخطبوج
اني حجيت وياا هم الولد اسمة فهد عمرة 31 ضابط ابوو متوفيي عندة خوات ثنين مزوجات هوة وامة عايش
اني مانطيتهم جواب كلت اخذ رايج ب الاولل انتي شتكولين بوية مححد يجبرج.
مريم :بكيفك بوية الي تشوفة مناسب سوي
باباا:اني موو بكيفيي هاي حياتج انتي الراح تتزوجين هاي عشرة عمرر والولد مبين حباب وامة وعمامة خووش نااس
مريم: باباا الي تشوفة مناسبب اني اقبلل بيي
باباا // يعني نتوكلل ع الله حتة احجي وية عمامج بليل وارد خبرر للناس لان ينتضرون منعندي جواب
مريم // اذاا تشوف هشي مناسب توكلل
باباا // لعد اليوم بليل اجمع عمامج واحجي وياهم
مريم // صار اليل وباباا جمع عمامي كلهم ولاا واحد اعترض وكلولة ل باباا بكيفك بنتك وانت حر بيهة
وباباا خابرر فهد وكلة احنة موافقين جيبوو مشية ويصير خيير نشالله
فههد
من ابوو البنية خابر وكالو جيبوو مشية همة موافقين اني مافرحت ابد وجنت اتمنى ميوافقون هاذة الزواج ميعنيلي ايشي مجرد بصمة اصبعع وهية حتجي خدامة ل اميي وبس
اميي فرحت كللش وهلاهلهة وصلت لسابع جاار
ضغطت علية امشيي اخذ مشية جبيرة ترفع الراس اني ماوافقت وكلتلهة ماكوو داعي لكل هلشي هية مشيه
بس هية مقبلت واصرت علية اخذ مشية جبيرة وفعلاا ثاني يوم اخذ مشية كللش جبيرة شيوخ كبار واصدقائي الضباط كلهم وعمامي ولد عمامي وكرايبنة كلهم #ڪــڔٰا̍ڕ
طلعنة ساعة 1 وصلنة ساعة 3 الضهرر
طبينة جوة كعدنة وحجينة امي امنتني احط مهر غالي ويرفع الراس اني هناا تخبلت مححد يستاهلل المهر الغالي غير ملاك وماريد اسوي هيج غير وياهاا بس بعد نبع الحنان من تريد شيي تسوي وخلتني غصب احط مهر غالي حطيت 30 حاضر 35 غايب ..
طلعنة اني وفهد وامة للسوك حتة نشتري ذهب
وجانت هااي اول مرة اشوفة شفتة شخصيتة تخبلل نفس الضباط الي اشوفهم ب التلفون
فهد
شفتهة وجانت اولل مرة اشوفهة البنية ميتعيب عليهة كللش مرتبة وثكيلة بس كلبي يكلي احجي عليهة هينهة لتباوع عليهة هاي موو ملاك بس ملاك ححلوة وانت تحبهة بس الهة
اشترينة ذههب وكللف 5 ملايين
مريم اشتريت فستان لحفلة الخطوبة وكم حاجة محتاجتهن وتكرمون حذاء
فهد: كملتي شغلج
مريم: ايي خلص
فههد:عدلي شالج بوية
مريم // وية نفسهة تحجي، عزاا هاي من كد مافتريت حتة تبهذلت هييج
احمم شكراا
فههد :صعدي يلاا وراي شغلل
مريم : ايي شركات فوك راسك ، بصوت خفيف
فهد:كلتي شيي
مريم: لاا داحاجي نفسي
فهد:الحمدلله ولشكرر ربي
مريم، ، هاذة شبي هيج غثيث يعني شنوو غاصبي علية
رجعنة للبيت وفهد اخذ امة وراح حتة مكلف نفسة يكلي محتاجة شيي ولاا باوع بوجهي
المهم اتفقوو بعد يومين يجون حتة نعقد محكمة
مشن هذن اليومين وبيتنة مخبوص ب التحضيرات رحت للصالون سويت تعديلات لوجهي ولحواجبي
امي مقبلت اصبغ شعري كالت يروح لونة مناا للعرس الله كريم اني اصلاا ماحب اصبغ شعري حابة لونة وماريد يخرب
حسيت نفسي تغيرت 180 درجة
رجعت للبيت شمرت نفسي من التعب اخذت تلفوني باوعت شوية وسديتة ونمت ماحسيت الة ع اميي تكعد بية ساعة 8 الصبحح سبحت وجهزت نفسي وحطيت مكياج خفيف اجة فهد بس حتة مباوع بوجهيي كلت يجوز يستحي يتغير بعدين
كطعنة مهرر محكمة وجه فهد ميتفسرر ابد عبالك جااي لفاتحة رجعنة للبيت باركولي ولهلاهلل ملت البيت بس احس فرحتي موو كاملة،
ورحنة لصالون طبعاا اني جبت فساتين ثنين واحد للمحكمة واحد للحفلة
المهم طلبت من ام الصالون مكياج خفيف وتسريحة بسيطةسويت اضافيري همم هنة اضافري طوال بس هية كالت مراح يبرزن سوتهن ع ذوقهة كملت لبست العباية وتبوشت لائن زلم هوااي راح يوكفون بلباب
باباا اجة اخذنة وصلت واجني خوات فهد وامة سلمن علية
سعاد : يمة عين الباردة عليج قل اعوذ برب الفلق محروسة يمة ربي يفرحج مثلل مافرحتيني
مريم : لتحجين هيج عمة ماسويت شيي
سعاد : ربي يحفضج يمة ويتمملكم ع خيير
بدو يركصون ورة نص ساعة صاحو اجة الشيخ حتة يعقدون
حطولي كرسي وكعدت ورة الباب حطيت قران بحضني فتحت القران وحطيت ايدي وحطولي بين اصابعي هييل وذبوو فوكاية وصلة بيضة وصار هدوء كلهة سكتت
عمتي كعدت كبالي حتة تعلمني شكولل وفعلاا عقدنة وماحس الة البيت نشال ونركع من الهلاهلل والجكليت ترس الكاع
طب فهد وكف يمي وعاكد حواجبة باسني من راسي بس حتة مبروك ماكال اجة كعد يمي بس ماباوع علية ولاا لمحني حتة
المهم لبسني الذهب كلة وكصينة الكيكك واخذنة كم صورة وطلع. اني ضليت مستغربة يعني هم مباوع بوجهي وهم محجة وياي ،، كلت ميخالف يجوز يستحي بس بداخلي مشتعلة نار
البنات ضلن يركصن بعدين طفوو راحوو وانيي نزعت الفستان وسبحت ولميت شعري بقراصة وبلشت اساعدهن الله ليراويكم البيت عبالك عبوة طاكة بي المهم كملنة البيت وكلمن راح لفراشة اني ميتة من التعببب
حطيت راسي ع المخدة وفكري بدة يشتغلل ليش فهد هيج سوة وليش وليش بعد تفكير طويلل واخيراا نمت
كعدت الصبح واجتي نور تكمزز فوكاي
نور // كومي يعروسس كوميي ماعدنة عرايس ينامن للضهاري شتردين يكولون علينة ماعرفنة نربي
مريم // ام السان راح اكوملج شكوو بس شكوو ارحموني متكسرة ومطمورة وبسابع نومة اني ليش دائماا تخربين الحضات الجميلة وجه الفكرر #ڪــڔٰا̍ڕ
نور // هاا ياا لحضات جنتي تحلمين بفهيداان
مريم // ايي جنت احلم بصخلان ولي من يمي لاا احط كل ضيمة بيج
نور // ويييععععع انتي موو مال رومانسيات انخمدي جبار ابو المولد بس اجيت اكلج انو عمتج خابرت حتة يحددون موعد عزاج اقصد عرسج يححلوة
مريم // كمزت من الفراش، شنووو وليش شوكت
نور // اني موو مندوب تردين تعرفين كومي بنفسج يلاا كافي دلال
مريم // وين الدلال ب الموضوع شلعتو صفحتي
نور //عرسج لوو عرسنة حياتي
نزلت سمعت ماماا تكللهم
ام مريم. // بكيفكم انتوو خية
سعاد // احنة جاهزين ب اي وقت بقت يم التحضيرات مال مريم وهمتهة ب الاستعجال
ام مريم انشالله خية راح نبلش نحضر من باجرر نكملل وبلشو انتو ب اليمكم ونشالله خيير
سعاد // احنة كلشي جاهز عدنة حتة الزفة جاهزة
ضلينة نجهز اني وماماا اسمرينة نجهز لمدة شهرر وهاذة الشهر. ماشفت منة غير التجهيزات لاا سوال من فهد ولاا خبر حتة اني ضجت كللش بس مكدرت احجي
المهم خلص الشهر واني مفتهمت منة غير التجهيزات خابرهم باباا. حددو يوم العرس الخميس وليوم ثلاثاء.
