رواية عشق العقرب الفصل الثالث بقلم فريده مصطفى
سيف جري على عاصم و مسكة من ياقة قميصه
سيف عروقه بارزة من كتر العصبية: انت شكلك اتجننت بقا و الحيزبونة دي هي الي مرسياك
سليمان: سيف خلاص انت كدا زودتها
سليمان اتجه ناحية سيف و ضربة بالقلم
الصمت عم المكان للحظات،دموع ملك تسيل على وجنتيها في صمت، ونار الحقد بداخل سهيلة و عاصم ارتوت، وسيف لم يستطع تحديد شعوره لكنه مزيج بين الحزن و الخذلان و الغضب و أكثرهم الصدمة
فجأة سيف اتحرك ناحية الباب و خرج و رزعوا وراه و ملك بصت ل جدها ب خذلان و جريت ورا سيف تلحقه
سيف ركب عربيته و ملك ركبت معاه و اتحركوا ب سرعة جنونية
ملك بخوف: سيف هدي السرعة باللة عليك هنموت
سيف:....
ملك: سيف فوووق(بعياط) ونبي هدي السرعة و أهدى انت كمان
سيف:....
ملك ضربته ف كتفه: فوووق بقا هتموتنا
سيف وقف بالعربية و الصمت عم المكان للمرة الثانية و لأول مرة ترى ملك فيها دموع سيف تسيل على وجنتيه في صمت و بدون اي تعابير وجه
ملك: انت كويس؟
سيف: لأ
ملك بدموع: انا اسفة، انا السبب، مكانش ينفع اخليك تحبني و مكانش ينفع احبك
سيف بصلها و دموعو نازلة و عروقة بارزة من الغضب: انتي بتعتذري عن اييية؟ هو انتي خلتيني احبك بمزاجك؟ القلوب مبنقدرش نتحكم فيها، انا عارف ان كل حاجة قدامنا بتقول لأ و مينفعش، بس مهما الحاجات دي كترت انا عمري م بطلت احبك ولا هبطل احبك، فهمتي ولا اعيد تاني؟
ملك:بس...
سيف:بسسس اسكتي احسن عشان انتي دلوقتي دماغك فيها كهربة زيادة
ملك: انا دماغي فيها كهربة زيادة يا سيف!!
سيف: اه
ملك: متتكلمش معايا تاني بقا عشان انت عاقل
سيف: بقا كدا!!
ملك: اه كدا
سيف: ماشي، حلو اوي الكلام دة
ملك: اتفضل روحني بقا
سيف بصلها و بعدين بص قدامة واتحرك بالعربية
>>>>>>>>>>>>>>>>>>>>
|| قدام القصر ||
وصولوا قدام القصر
سيف بدون م يبصلها: انزلي
ملك مردتش علية و نزلت و هو اتحرك بالعربية و مشي
ملك دخلت القصر
سليمان: ملك!! فين سيف؟!
ملك بدون م تبصله: معرفش، عن اذنك
و سابته و طلعت اوضتها
دخلت الاوضة و قعدت على سريرها و خلال ثواني انفجرت ف العياط
>>>>>>>>>>>>>>>>>>>>
||في مكان تاني||
كان يجلس شاردا فيما حدث له اليوم، و ما سيحدث له و لمعشوقته العنيدة فيما بعد
شاب من خلفه: أية يبني، لففتني الكرة الأرضية كلها وراك
سيف يلتفت له بصدمة: زين!!، انت رجعت امتى
زين: انهاردة الصبح كنت هافجأكوا ف حفلة رجوع ملك من المستشفى بس حصل الي حصل بقا
سيف عانقه: وحشتني اوي
زين: انت كمان، على فكرة عمو ايمن وليلى وستي جم كمان
سيف: طب يلا نرجع بسرعة دول وحشوني خالص، كلكم وحشتوني
زين بحدة: كلنا الي هو ازاي معلش؟
سيف يتفهم ما يقصده: قصدي ستي و عمو ايمن ليلى مش وحشتني خالص
زين: ايوا كدة شاطر
( تعريف عن زين: شاب عمره 25 عام قمحاوي البشرة و لحية خفيفة و شعر اسود و عيون بنية و طويل القامة بجسم رياضي
له شخصية مرحه جدا ولكنه صارم مع أعدائه ويكره تصرفات أبوه وأمه ويحب ابنة عمه ليلى لكنه لم يعترف لها بعد
تعريف عن ليلى: بنت عمرها 20 عام بيضاء البشرة و عيون رمادية داكنة و قصيرة القامة و شعرها طويل بني اللون
شخصيتها مرحة لكن قوية و عنيدة و حنونة و حساسة جداً و تحب ابن عمها زين
ملحوظة: بما اني معرفتكوش على سيف و ملك ف تعالوا نتعرف عليهم
سيف: شاب عمره 26 عام قمحاوي البشرة و لحية خفيفة و شعر بني داكن و عيون سوداء و طويل القامة بجسم رياضي
شخصيته مرحه لكن جدية
ملك: بنت عمرها 22 عام بيضاء البشرة و عيون رمادية داكنة مثل اختها صغيره القامة بشعر طويل اسود
حنونة و عصبية و عنيدة جدا و حساسة و تخاف من اقل شئ)
نرجع:
سيف وزين ركبوا العربية ف اتجاهم للقصر
>>>>>>>>>>>>>>>>>>>>
||ف القصر||
كانت ملك قاعدة ف اوضتها بتعيط، فجأة الباب خبط
ملك بصوت مبحوح: سبني يا جدو دلوقتي بعد اذنك
ليلى من برا: ملك انا ليلى
ملك اتصدمت و قامت فتحت الباب بسرعة
ملك وهي تحتضن ليلى: ليلى وحشتيني اوي
ليلى: وانتي كمان وحشتيني اكتر
ملك شدتها من ايدها ودخلوا الاوضة: تعالي تعالي اقعدي معايا انتي وحشتيني اوي
ليلى: مالك ي ملك كنتي بتعيطي لية؟
ملك: لا عادي ده من الفرحة بس
ليلى: ملك، متكدبيش عليا انتي كنتي بتعيطي قبل م اجي
ملك: سيبك سيبك، خلينا ف المهم دلوقتي
ليلى: ملك بطلي تداري عليا ،انا اختك ،احكيلي
ملك بعياط حكتلها كل حاجة من ساعة م سيف اعترفلها بحب لحد الآن
ليلى بحزن على شقيقتها: يلهوي يا ليلى ازاي جدك يعمل كدا
ملك: مش عارفة مش عارفة
ليلى:....
