رواية علي الهامش الفصل الثالث بقلم جمانه السعيدي
اسامه...بهاي الفتره حيل تعبت من كد الالتزامات الي عليه
دوام وعمال وشغل العصر
كل هذا التعب امي تدري بي بس ما تحاول تخفف عني
لو تطلب من احسان يساعدني على الاقل يشرف على العمال
جمعت كم فلس واشتريت بيهن مواد بناء حتى اكمل
كلش مهم عندي يخلص البيت بسرعه
حتى ننتقل هم نخلص من الاجار وهم يكون عدنا بيت واسع جبير وملكنا
بعدها بيوم اتصل عليه جيرانه ولد شاب بكد احسان
علي...السلام عليكم
اسامه.... هله عليكم السلام
علي...اخوي المواد الي نزلتها امس مواد البناء الأسمنت ماكووو يمكن واحد ماخذه
اسامه...تحجي صدك
علي...اي ولله اليوم طلعت للدوام وشفته ماكو توقعت اكو عمال يشتغلون بس مالكيتهم قررت اتصل عليك
ولله لو بس موصيني عليهن اني جنت نقلتهم داخل البيت
حتى لحد يقرب عليهن
حرامات اكو هواي نفوس ضعيفه
اسامه... ماردت اكلفك انت ماقصرت وياي
تجيب جاي للعمال وترش البناء تعبتك وياي هسه اجي واشوف بنفسي
علي...اي تعب ماكووو حق الجار على الجار
اسامه.... شكرا هسه راح اجي واشوف
طلعت من الدوام اجرت تكسي ورحت للبيت فعلا مثل ماكال علي مواد البناء ماكووو
يعني ذني ٥٠٠ الي نزلت بيهن مواد البناء كوه جمعتهن
اصلا اني السنه حتى ملابس للدوام مااشتريت
حتى مااهون اشتري لفه بلدوام وابقى جوعان بس اريد اجمع كم فلس والبيت يخلص
شكد ضجت وانقهرت شلون شده هاي شلون راح تخلص هيج تعبت واني اركض وحدي وماعندي احد يساعدني
سئلت بلمنطقه اذا احد شاف منو الي شال السمنت
محد يعرف المنطقه كلها بناء حديث واغلب البيوت بعدها ماكامله بناء
حتى كامرات ماكوووو
راحن عليه وبعد مستحيل احلصهن
مارجعت للدوام طلعت للبيت كبل
جمانه السعيدي
امي...شو اليوم جاي من وكت شبيك ضايج
اسامه...مواد البناء الي نزلتهن البارحه انباكن
امي....يااا صدك
اسامه...طبعا لان اركض وحدي وماعندي احد يساعدني
ابن الجوارين حريص على بيتي اكثر من اخوي
امي...هم رجعنا الهاي السالفه شنو تريده يروح يكعد بلبيت
يحرس الطابوكات
اسامه....لا بس يوكف ويا العمال يرش البناء يدخل مواد البناء جوه هذا البيت ماراح يسكن بي هو لو لا
هذا بيتنا ليش اني اركض وحدي وهو مطنش الوضعيه
امي...احسان مدلل شنو تريده يشتغل عامل
طلع واحد يخلص شغلك
اسامه...العفو نسيت احسان صاحب الجلاله واني الخادم لهذا البيت
امي...عايشين وياك بمنيه هاي احنا كاعدين ايجار من زمان وما طلبنا منك بيت
انت تريد تشتري بيت اتحمل مسؤلية قرارك
اسامه...طبعا اذا انتي ادافعين عنه ومامقصره ويا بلفلوس
اكيد يشوف نفسه عليه
بس الله كريم هسه تفرج ولازم يجي يوم واذكرج
هاي تربيتج الإحسان غلط
اسامه ...رجعت اجمع الفلس على الفلس شهر يله كدرت
ارجع اشتري مواد بناء من جديد
هلمره دخلتهن داخل البيت وقفلت البيبان
بعدها بفتره تقريبا شهرين اجاني واحد من اصدقائي العصر
واني كاعد بالمحل اشتغل
جواد...السلام عليكم
اسامه...اهلا وسهلا هلو شلونك
جواد.. الحمد لله انت شلونك
اسامه...تمام صار هواي ماشايفك
جواد...اي ولله مشاغل
اسامه....حسيت اكو كلام يريد يحجي بس مستحي
كلت ايجوز جاي يتقرض فلوس لان مبين مرتبك وضايج
اسامه...تعال استريح شلونك مشتاقلك خاف محتاج شي اامرني
جواد...سلامتك ما محتاج شي بس اكو شغله اريد احجيله الك بس محرج
اسامه...ليش محرج كول احنا خوان
جواد...انت تعرف شكد عزيز عليه انت اخوي موبس صديقي
اسامه...كول اي شي اطلبه من عيني هاي قبل هاي
تدلل اامرني كووول
جواد....بس ردت احجي وياك بموضوع حساس شويه
اسامه...اي تفضل اسمعك جمانه السعيدي
جواد...اكو جماعه البارحه رحت عليهم أثناء الكلام
جابو اسم احسان بلكلام
اسامه...احسان اخوي
جواد...اي اخوك
اسامه....شبي
جواد... يكولون شايفينه بالملاهي اليليه ويااا جماعه شباب بلا اخلاق وحتى يكيت على البنات
يطلع فلوس يشمر عليهن
اني سئلته كل يوم يروح كالو لا من تصير عنده فلوس يروح ويشرب
اني الله شاهد عليه ماردت احجي ولا اوصلك هذا الكلام
بس انت عزيز عليه ومااريد اي احد يحجي بسمعتك
اني كلت اكيد انت ما تعرف
لان اني وياك عشرة عمر واعرفك زين ماتقبل بهاي السوالف
اسامه...حسيت واحد ضربني على راسي
يمكن ضغطي صعد كمت مااسمع الولد بعده يحجي واني كمت كلشي مااسمع
اني حسره عليه الفلوس واشتغل ليل نهار وهو يشمر بلفلوس على بنات اليل
جواد...اسف اذا ازعجتك
اسامه...لا ولله رحمله والديك مشكور بارك الله بيك
اني ماجان عندي علم بس هسه عرفت
اسامه......رجعت للبيت بليل مالكيته بلبيت
اسامه..... يمه تعرفين ابنج وين يصرف فلوسه
امي...شاب يصرفهن بلمطاعم ويا جماعته انت شتريد منه راتب ابو قابل ماخذ منك
اسمه...يصرفهن بلملاهي على البنات
ابنج عمره ١٨ سنه وساكن بلملاهي
امي...جذب انت شفته بعينك
اسامه...لو شايفه جان كتلته خلاص اني حسره عليه الفلس واتوسل بلعالم اتساعدني وهو ملتهي يطشر بلفلوس
جان انطانياهن وساعدني بلبناء
امي....مالك شغل بي انت تروح تروح وترجع علي هو بيش مااذيك
مادام مامااذيك بشي عوفه خلي يعيش حياته باجر يكبر ويعقل
اسامه....ليش هيج يمه ليش ليش انت من جهة احسان غفور رحيم ومن جهتي شديد العقاب
امي..انت جبير اكبر منه بهواي تفتهم وعاقل وهو بعده زغير
اسامه بعد اني عليمن حارك اعصابي اذا انتي راضيه
امي....بس انتم عندي اخليكم تتعاركون
لازم واحد زين وواحد موزين هسه يكبر ويتغير
اسامه...على حساب سمعتنا
امي. هو ولد ماكو شي على سمعته قابل بنيه وتتأثر سمعته جمانه السعيدي
اسامه...يمه اذا تحبي انصحي خل يرجع من هذا الطريق قبل لا يضيع
امي انشاء الله
اسامه. امي نامت واني بقيت منتظره لازم يعرف اني صار عندي علم ومااقبل بهذا التصرف
رجع الساعه اربعه الصبح سكران طينه احجي وياا
لا يسمع ولا يشوف
وكع بلمطبخ ونام على نفسه
عفته مايفيد بي كلشي لا حياة لمن تنادي
بعدها بفتره اتصل عليه رقم غريب
اسامه...تفضلو
...انت اسامه
...اي تفضل
اخوك اتعارك واخذو للسجن ممكن تجي
اسامه....اي مركز شرطه
سديت التليفون
امي... هااا شكووو
اسامه.. ابنج متعارك وماخذي مركز الشرطه
امي...يااا وانت بعدك كاعد
اسامه....مو كلما احجي وياج عنه ما تقبلين تكولين جبير وما ماخذ منك شي
اني هم مالي شغل بي
امي...يااا غير اخوك الوحيد شلون تعوفه
اسامه.. اخوي لا يسمع كلامي ولا بحالي خلي هو يخلص
نفسه من هاي المصيبه
امي...اذا ماتروح وياي اروح وحدي
لبست امي عبايتها ووكفت على راسي
اني الصراحه مااريد اروح ورا اريده يتأدب
لو مااامي فلا سئلت عنه
