رواية هل للقدر رأي اخر الفصل الثالث بقلم دارين أسامة
روحت البيت وبدأت اجهز،كان فستان اسود طويل بكُم ومفتوح من من عند الرقبه ،فردت شعري وبدأت احط ميكب يداري الهالات والكدمات اللي في وشي،لبست هيلز سودا ،وحلق جولد
بصيت برضا علي شكلي في المرايا قعدت سرحانه مع نفسي لقيت تليفوني بيرن ب اسم
"Adham"
_الو
_انزلي يلا عشان نتحرك
_قفلت معاه ونزلت
_بصلي من فوق لتحت وهز راسه من غير ولا كلمه
_اتنهد وركبت العربيه
>>>>>>>>>>>>>>>>>>>>>>>>>>>>>>>>>>>>>
"في الحفله"
كنت واقف سرحان لقيت يوسف مال عليا وقال
_في أيه مالك سرحان في ايه؟
_،لا مفيش هروح اعمل مكالمه واجي
_ماشي متتأخرش،اصل حسين عايز يعترف بحبه ل هدي
_هو كل ده ومعترفش ده بيحبها من ايام الجامعه
_ما هو علي ما كون نفسه بقي واتلحلح
_ابتسمت بحزن وافتكرت ايام الجامعه اللي كنت بقعد متمرمط فيها بس كنت بعافر عشانها وفي الاخر مبقتش نصيبي ""
_ربنا يسعدهم ،هروح اعمل المكالمه واجي علي طول
~~~~~~~~~~~~~~~~~~~~~~~~~~
=وصلنا الحفله كان ادهم واقف بيضحك مع صحابه كان ماسك كاس في إيده والايد التانيه سيجار ،مكنتش طايقه نفسي ولا مرتاحه ف استأذنت وروحت الحمام
_____________
_كنت بتكلم في التليفون ولمحتها نزلت التليفون بسرعه من علي ودني وجريت وراها اتأكد هي ولا لا ،كانت لابسه فستان اسود وفارده شعرها الطويل كان شكلها يسحر
وقفت لما لقيتها دخلت الحمام
_فضلت واقف بره علي أمل تكون عيني مكدبتش،دقايق وخرجت فضلت واقف باصصلها وانا مش مصدق نفسي
_مريم؟انتي مريم صح؟
=فضلت بصاله ومبردش
_فضلت باصصلها وانا عيني فيها كلام كتير اوي
=كنت همشي لقيته بيوقفني
_استني رايحه فين تاني وليه كل ما بتشوفيني بتجري
=كنت واقفه خايفه ادهم يشوفني
_مريم ردي عليا قولي اي حاجه
=لسه هرد لقيت اللي بيقرب علينا وبيقول بزعيق وصوت
عالي
_!مريم
=غمضت عيني وبلعت ريقي برعب كنت عارفه ان الليله مش هتعدي علي خير ابداً
_شدني من ايدي جامد ،واقفه عندك بتعملي ايه ومين ده
'مكملش جملته ولقيته ضحك بسخريه وقال
_اااه قولي كده بقي مش ده يونس؟ بقي عايزه اجي مصر عشان اهلي ،اهلي وحشوني اوي اوي
'شدد علي ايدي وهو بيقول
_بقي هو ده اهلك؟
=دموعي كانت بتنزل وايدي وجعتني اوي ،انت مش فاهم والله ده...ده مسحت دموعي ..دي صدفه والله
_صدفه طب امشي قدامي انجري يلا لما نروح بس
_كان يونس واقف مصدوم من مُعاملته ليا وطريقته وحتي صوته
= :لقيت يونس شدني وقال
_انت ازاي تعاملها كده انت مجنون ولا ايه
_وانت بقي هتعلمني ازاي اتعامل مع مراتي انا اعمل اللي انا عايزه
_ده عندها يا حبيبي مريم مش هتروح معاك انت فاهم؟
=وقفت مصدومه لانه بيكبر المشكله وكله هيجي علي دماغي
_اه لا ده انت شكلك عبيط ،وضربه في وشه جماد
=اتنفضت من مكاني وصوت مره واحده وانا برجع لورا وتلقائي الحفله كلها بدأت تتجمع علي الصوت
_!يونس مسك وشه ثواني وقام ردله نفس الضربه واقوي
=يونس خلاص ونبي
_بصلي وهو بوقه بينزل دم ومردش عليا،فضله يضربه بعض ..
لحد ما صحاب ادهم ويوسف جُم،يوسف كان بيبصلي بصدمه وبعدين شد يونس عشان يفك الخناقه
_وسع يا يوسف وابعد عني انا مش همشي من غيرها انت مش شايف عامل فيها ايه
_وانت مالك انت خلينا نمشي الناس بتتفرج علينا
_لقيت ادهم بينادي الأمن
الأمن جه بس وقفه لما عرفه أن يونس ظابط
_=ادهم قرب من يونس وقال
_اقسم بالله لو ما مشيت من هنا ليبقي اخر يوم في عمرك
=يونس ضحك وقاله
_طب وريني هتعمل ايه
=لقيت الموضوع بيكبر اكتر روحت وقفت بينهم وقولت
=يونس من فضلك خلاص وانت يا ادهم يلا ونبي الناس بتتفرج علينا
_وهي الناس اتلمت ليه مش بسبب حضرتك
_يلا يا ادهم والنبي
_ وسعي كده انتي حسابك معايا لما نروح انتي فاهمه
_يونس بصله بغضب وكان لسه هيتلكم
=رديت بسرعه وانا عيني مليانه حزن
=طب ممكن لما نروح
لقيت يونس رد
_وانا قولت مفيش مرواح
_كان ادهم هيتحرك ناحيته
=يونس من فضلك خلاص
_وانا قولت مش هتروحي معاه
=يون.....
_عايزه تروحي معاه عشان يضربك ولا عشان يحبسك في الاوضه وياخد موبايلك ويعاملك زي الخدامه!!!!!!!
=بصيتله بصدمه انه عارف
_اه ده انتي حكياله كل حاجه بقي وبتتكلمه من امتي بقي علي كده
_ملكش فيه ووسع من طريقي احسنلك
_يعني المفروض اوسعلك عشان تاخد مراتي
_هو انا مقولتلكش مش هي مش هتبقي مراتك؟
_ادهم قرب وضربه بعض تاني لحد ما الموضوع كبر اكتر والامن كان بيحاول يفك
_ يونس نزل فيه ضرب لحد ما اغمي عليه وكلهم اتجمعوا حاولين ادهم
=لقيت يونس بيشدني بسرعه وبيمشي حاولت افك ايدي منه لكن مفيش
_يوسف فضل ينادي علي يونس ولكن مكنش بيرد
=ركبني العربيه واتحرك بالعربيه
_فضلت اتكلم واقوله نزلني وانه كده بيكبر الموضوع ولكن مكنش بيرد
_سكت وكنت منزله وشي لتحت
شويه ووقف في حته علي جمب واتنهد بضيق وغضب واضح وقال
_ممكن افهم ليه؟
_بصيتله بتسأل واستغراب
_ليه استحملتي معاه خمس سنين من غير ما تنطقي
_فضلت ساكته ومردتش
_ليه استحملتي ضرب واهانه وكلام زي الزفت ،صوته كان بيعلي بالتدريج
=مردتش عليه وشي كان باصص للارض وعيني بتدمع
_ما فكرتيش في امك هتبقي عامله ازاي؟اخواتك؟
=فضلت ساكته وانا بعيط
_ما تردي؟؟؟
=قالها مره واحده بصوت حالي ف اتنفضت من مكاني
_لسانك كلته القطه؟ ده انتي زمان مكنش حد بيعرف يسكتك
=كنت بعيط وصوت عياطي بدأ يعلي
_اتنهد بحزن لما سمعت صوت عياطها
_مريم ...انا اسف والله ..انا مكنتش اقصد ازعق فيكي انا بس
=انا مش ضعيفه ،قولتها بعياط
_...
=انا بس كنت مخدوعه فيه وفي اهله وهمني بحبه ليا بس لما قررت
صوت عياطي كان بيزيد ف خدت نفسي عشان اكمل
=لما قررت ابعد واسيبه ضربني وحبسني ولما اشتكيت عمي رجعني ليه بالعافيه حاولت ،حاولت كتير لكن في الاخر الدنيا هددت حيلي واستسلمت
_مد ايده ليا بمناديل ،وعمي ،عمي محمد كان فين ،ده مكنش موافق عليه انا متأكد ان ادهم هدده بحاجه و.........
=بابا؟ بابا اتوفي من سنتين ونص يا يونس قعدت اعيط جامد اوي
_سكت من الصدمه ازاي محدش قالي او ازاي معرفتش دول اهلي التانين انا اه معظم الوقت مسافر ولكن انا في القاهره كتير
=خدت نفسي ومسحت وشي
_البقاء لله ،عمي محمد مكنش فيه أطيب منه
=عارف لما بابا اتوفي ؟
_بصلي وهو مركز معايا
=خلاني انزل يوم واحد بس وبعدين رجعنا السعوديه مكنش راضي ابات معاهم ولا حتي إجراءات الوفاه انا اللي اعملها كان نفسي ابات في حضن ماما واخواتي ،قالي اخوكي معاهم وخالك موجود انتي هتعملي ايه ؟
=رجعنا السعوديه كانوا بيتعاملوا عادي كنت بقف اطبخ وامسح واشيل واحط وهما قاعدين بيهزروا ويضحكوا ومشاعري محدش اهتم فيها ولا فكر فيها انفجرت في العياط بقالي كتير اوي كاتمه جواياا
_ كنت مصدوم وماسك نفسي بالعافيه ومش مصدق ان في شخص زبا*له كده، كملي يا مريم ..عايز اعرف كل حاجه
= حاولت اهدي وامسح دموعي ،ليه هتستفيد ايه انت عارف بعد اللي عملته ده ادهم هيعمل ايه
_ميقدرش يعمل حاجه انا مش هسمحله ومش هسيبك ،مش هسيبك يا مريم
=بس..
_مفيش بس
=طب انا هعمل ايه دلوقتي،لو روحت عند اهلي ادهم هيجي ياخدني انا كده مبقاش ليا مكان ولا حد
_وانا روحت فين؟ انا هوديكي مكان مش هيعرف يوصلك فيه
=بصيتله ب استغراب
~~~~~~~~~~~~~~~~~~~~~~~~~~~~
"ادهم"
كان قاعد في البيت متعصب وواقف قدامه رجلته
_انا عايز تقلبوا الدنيا عليها محدش يروح ولا ينام إلا لما تجيبوها حتي لو بالعافيه
_فاهمين؟؟؟
_هزوا راسهم بمعني اه
~~~~~~~~~~~~~~~~~~~~~~~~~~~~
نزلنا من العربيه وقفنا قدام عماره ،انا عارفه العماره دي كويس اوي،عمري ما انساها ولا اقدر انسي اي ذكري فيها
كنا ساكنين هنا ،كنا جيران انا ويونس أهلنا كأنوا بيحبه بعض معادا مامت يونس كان يوم كويسه معانا وعشره لا لحد معزلنا ومع ذلك عمر ما علاقتي بيونس باظت بالعكس كانت بتقوي يوم عن يوم .
_ادخلي يلا
=لا مش هقدر
_ليه؟
=انا مستحيل ابات عندكوا يا يونس انت بتقول ايه
_بس دول اهلك يا مريم احنا متربيين في نفس البيت
وانا متأكد انهم هيرحبه بيكي
=وطيت راسي لتحت رجلي كانت تقيله مكنتش قادره اتحرك خطوه
_عارف انها هتبقي مكسوفه ،متوتره ،خايفه بس مكنتش هقدر اوديها مكان تاني اي مكان هبقي خايف وقلقان عليها
_مريم متقلقيش ،خليكي واثقه فيا ،انا مش هسيبك
=كلمات بسيطه ولكن طمنت قلبي لأول مره من سنين
_طلعنا في الاسانسير وقفنا قدام الشقه يونس رن الجرس ثواني والباب اتفتح
_يونس عامل ايه واتأخرت ليه و......
سكتت ثواني
_انا عرفاكي و...مريم؟
=هزيت راسي ب اه
_خلينا ندخل يا ندي الأول
_دخلنا اول لما مامته شافتني عرفتني حتي سعاد كبرت كان في عيال صغيره واحد نايمه علي الكنبه وواحد كان بيرسم كان باصصلي ب استغراب ،استنتجت انهم ولاد سعاد
لقيت مامته قالت
_ازيك يا بنتي...في ايه يونس مش هتفهمنا
_ندي من فضلك خدي مريم جوا خليها تغير هدوما
=وفعلا خددتني ندي جوا
_ماما بعد اذنك عايزاك جوا
~~~~~~~~~~~~~~~~~~~
_في ايه يونس وايه اللي جاب مريم بنت محمد وناهد عندنا ..هي مش المفروض متجوزه
_ماما من فضلك عايزاك تسمعيني لاخر
~~~~~~~~~~~~~~~
"في الاوضه"
_ها بقي يا ستي تلبسي البيجامة دي ولا دي
=ابتسمت علي لطافتها اللي زي ما هي متغيرتش،اي
حاجه انا اصلا مكسوفه اوي منكوا
_متقوليش كده احنا متربيين سوا وبعدين واضح اننا ورانا حكايات كتير تتحكي
=قربت مني وفتحت ايدها
_بس مش قبل ما تحضنيني انتي وحشاني اوي
=قربت عليها وفضلت حضناها
_يلا بقي تعالي اختاري بيجامه وخلينا نسهر سوا
~~~~~~~~~~~~~~~
_بس يا ماما هي دي كل الحكايه
_لا حول ولا قوة الا بالله ربنا يصبرها علي ما ابتلاها بيه ومنه لله جوزها المفتري....بس يا حبيبي انت مالك؟
_يعني ايه يا ماما؟
