رواية الإرهابي وذات النقاب الفصل الواحد والاربعون بقلم ام غايب
باوعت على بيتهم ....جانت ام قاسم كاعده ...ووحده كاعده عل دجه مال باب المطبخ ....بس مو واضحه بس شعرهه لان مدنكه راسهه باوعت بتركيز ميمونه معقوله ... .حسيت ..مثل لون شعرهه تقريباً ونعومته ....ركزت اكثر يجوز كرايبهم .....بقيت عيني عليهم ومبينه ام قاسم كاعد تحجي واني عيني عليهه ...الدرجة كال الرجال .. مشكور ازعجتك....اني ولا يمي ....اريدهه بس ترفع راسهه
اخر شي رفعت راسهه بس ملحكت اركز كبل خلت ايديناتهه على وجهه اثنينهن يمكن تبجي ...بعدني دااركز بيهه مااحس اله لزمني من جتفي .....كبل درت وجهي علي
ابو سجاد -شتسوي احجي وياك متجاوب
خضر-مجنت اسوي تفضل شحجيت مسمعتك
-اكيد متسمع لان عينك بعين هذا البيت ...البنيه طالع شعرهه وانت تباوع عليهه ....هاي المره زينه كلش بس اجوي كرايبهم للمنطقه ....بنات منقبات وشوهن سمعتهه وله هيه عشرة عمر خاف كلولك مو زينه لان ولد الحرام هواي
خضر-بقيت مركز بكلامه ...كتله محد كلي عليهه اي شي مو زين ...بس جنت صافن لا اكثر ...بهموم الدنيا لذلك مسمعتك ..
-من جيت للمنطقه لليوم مشايفين عنك شي مو زين احجي حق الله ...بس ....انت شاب ....والشباب دوم مينتبهون الحركاتهم....هذا الشي ميجوز واذا يشوفك شاب من هالشباب الي متعرف تتصرف ...يسوهه قصه
خضر-مكتلي ابو سجاد....شبيهن البنات المنقبات شسوون
ابو سجاد-عوفكم منهن بنات والله يوصينه بالستر عليهن الله يهديهن ويصلحهن
خضر-والله خليت الفضول يقره الف ...وين جانن كاعدات هنه
ابو سجاد-والله حالياً محد كاعد وراهه محد أجر البيت وجابو وحده بعد اسوء من ذني البنات متزوجه ورجلهه ماادري وين يروح بليل يشتغل زين مو زين بعد هذا الله اليعلم بي وهيه استغفر الله بهالوكت تلعب لعب طلعناهه من المنطقه
خضر-شمعنا هاي حجيت عنهه وبقيتوي بفضولي عل منقبات
ابو سجاد-لان ذنيج بنات والله موصينه بالستر واني هم عندي بنات مااكدر اكول شي واني مشايف بعيني بس انهزمت وحده وكالو مخطوفه بعد مخطوفه.... مو مخطوفه .....الله اليعلم ومن كتلك عليهن مو الغرض انبه عليهن لو اذكرهن مو بالزين بس شفتك تباوع على بيت ام قاسم عبالي احد كايلك شي عنهم ...ردت اوضحلك هل مره معدله ومتجي منهه العيبه ابد
وانت هم بطل تباوع عل ناس
خضر-شلقضيه يابه جنت صافن ...
ابو سجاد-اصفن عل كاع احسن ...لتنبلي من وره صفناتك ...لان صفنه من صفناتك تلكه الشغله عشائريه
ابتسمت بوجهه ...ان شاء الله
نزلت اني ويا.....وكعد يسولفلي بباب الشارع عن مشاريعه بالمستقبل
............
ميمونه-جنت كاعده بالدجه مال باب مطبخهم مختنكه ...ردت اشم هوى سألتهه على فلك ....كالتلي
ام قاسم -هو اخر شي خابرتهه من جابت ...على رقم زوجهه
ميمونه-خليني اخابرهه خاله ...اسمع صوتهه ...راح اموت واني حسره عليه صوتهه...راح اموت ومااعرف هيه مرتاحه لو لا ...مسامحتني عل ايام الي عاشتهن بسببي .....بابا مات وهو مراضي عليه وممسامحني وامي اكيد هم زعلانه مني ....هواي عليه كلهم ممسامحيني
ام قاسم-الام والاب مستحيل ميسامحون بزرهم ...لو شيسوون نغلط ندعي نغضب كلشي نسوي بس داخلنه يبقه نخاف عليكم من النسمه ومنكدر نكرهكم
ميمونه-مااتوقع ابد ...بابا ...مستحيل يسامحني على شرفه ...الي دوم يوصينه بي ...تعبانه خاله اريد بس حلم واحد منه بس ابتسامه وحده منه ....تخليني اتأمل يسامحني ....تعرفين خاله مخايفه من الموت لان ورايه حساب ....لان اني غلطت استحقه...وهم اعرف رب العالمين يعرف اني حبيت ومخليت احد ياخذني بالحرام ...ويسامحني لان هو غفوراً رحيما ....بس خايفه خاف من اموت يجيني بابا هناك شلون اباوع بوجهه
الي كسرته بيدي
ام قاسم-ان شاء الله متموتين ...اصلاً باجر هو اني مقرره بس يصبح الصبح اخابر زوجهه ال فلك خوش رجال مبين ....اكله ضروري احاجيهه ....واكلهه عن وضعج بلكت الله وتكدر تاخذلنه عسى مادين بعدين اسدده من زوجهه واخذج مااكدر اتفرج عليج تموتين واحنه ساكتين خلينه ناخذج الدكتور
ميمونه-لا لا خاله دير بالج ....مااريد فلوس ...لتكليلهه اصلاً عندي فلوس حتى يجوز تكفيني علاج ....بس مااريد اتعالج
ام قاسم -منيلج يمعزايه والله راح تخبليني
ميمونه-ياخاله عوفي منيلي ...كلشي راح مااريد اتذكره...مباقيلي غير ايام اعيش احس بروحي هذا هو قربت ايامي ....لذلك اجيتكم اريد اموت يم ناس بيهه من ريحة اهلي
ام قاسم-هو احنه اهلج ولج
دنكت وخليت راسي على رجلي جنت ثانيه رجلي على صدري بقيت ساكته وخاله هم سكتت وقت قصير
ام قاسم-اخ يا يمه وين جنتن ووين صرتن
ميمونه-تعافيت يا خاله عل نعمه الجنت بيهه لو ممتعافيه جان حسيت بقيمتهه قبل لا اخسرهه ....ورفعت راسي ااااخ يا خاله وخليت ايدي على وجهي مااتحمل بعد والله خاله .... هم جسمي وهم كلبي يوجعني عل سويته ....
ام قاسم-تريدين اوديج الكبرهم ..تحجين وياهم بلكي ترتاحين
ميمونه-وخرت ايدي من وجهي ....اروحلهم ....شلون خاله ....شكللهم سامحوني لان تعبكم ويايه جازيتكم بي وخليتكم علج بحلوك الناس ...مااكدر ...والله مااكدر اروحلهم ابد ... كمت اختنكت وتعبت ....
ام قاسم-وين
ميمونه-انام احسن الي
.................................
...طبكت الباب وصعدت ركض فوك .... لكيتهن ماكو ....خرب غيرتك ابو سجاد شكد حجيت ...شعليه بمشاريع هسه اني
سديت باب السطح ونزلت ....طافره روحي وبالي صار يم السطح ...يمكن اكثر من مره صعدت ونزلت ...ومالهه اثر ...نزلت اخر شي جريت المخده خليت عكسي عليهه وتجيت ظهري ...ومديت رجلي وادخن بالجكاير جكاره وره جكاره ...واكول هيه لو غيرهه شعليك انت شو ...هيه ضحت بيك عافتك ومو بس عافتك كبل انطته الجواز واني نبهتهه ...ردت من وراهه تخيس بالسجون
متستاهل ابد ....كمت خليت القوري عل طباخ ...مااحس له رجلي تاخذني للدرج ...وهم صعدت شفتهه هيه لو لا ...واكول النفسي مجرد فضول اريد اعرف هيه مو عافتني علساس يعالجهه الاستاذ زوجهه
نزلت بخيبة امل لكيت القوري يطفر منه الجاي ...بحركه سريعه وارتباك طفيته ...شلت اليده واكعه حركت اصبعي ....استغفرررر الله
صبيتلي جاي اخر شي ورجعت المكاني ....شلت موبايلي فتحته ...واتصلت على حمصه
حمصه-نعمم ....شتررريد
خضر-شخبارك
حمصه-من الاخير ....شبيهه ميمونه
خضر-لا يابه ...شنو ميمونه ...شجابهه بالموضوع
حمصه-هاااا.... لا والله يعني خابرت خصيصاً الي
خضر-اي ردت اشوفك شخبارك مو مال واحد يسأل عليك ولي يلله وسديت الخط
رجعت اتصلت على علي لان من كال هيج كلت اذا اكله يكول بس من تريد شغله على ميمونه جاوبني علاوي
علي-الووو
خضر-نايم
علي-اي والله نايم
خضر-صحصح علاوي رايدك بشغله
علي-شنو
خضر-رايدك بشغله ...الووو متسمع
علي-ها حب...شنو
خضر-سمعت شكتلك
علي-شكتلي
خضر-امشي ارجع انطمررررر مو صوجك صوجي اني والله
علي-ماشي
خضر-ومن تصحصح هم خابرني اريد احجي وياكم
توني سديته من علاوي خابرني شاهين جاوبته الووو
شاهين-ااااانت مخبل
خضر-شكو
شاهين-شكووو ....شنو معنى تصرفك ....ليش مصخمت بالجيش ..وغلقت خطك كلت طبك ..بعد ماادافعلك يم خالد لان خالد حقه بكل كلمه يحجيهه عليك .
خضر-هو انت وخالد احد يكدر يناقشكم فبراحتك شتريد تكول كول
شاهين-هااااا ...طبعاً تحجي هيج تدري ليش لان انت غلط ....دومك غلط
خضر-هذا هو براحتك
شاهين-شنوووووو الي براحتي شنو
خضر-اكلك شاهين تره طافره روحي والله وزهكان من الدنيا شترررريد هسه
شاهين-هاي ويايه
خضر-اي وياك
مااحس اله سد الخط بوجهي ...شمرت الموبايل بس قريب عليه ....والله ياربي ...انعل .....شكد يغثون الواحد
صعدت فوك السطح ....هم ماكو ....ضجت كلش وانت متطلعييييين راح تخليني كل شويه اصعد السطح استغفر الله
صعدت بيومهه غسلت السطح هم ضايج لهيت روحي وهم صعدت فراشي ونمت فوك بقيت كل شويه عيني على السطح اخر شي ضحكت على نفسي وتمددت
طلعت صورتهه ....عبالج كل شويه اصعد للسطح علمودج لان احبج لا طبعاً
كمت اكلب بالاغاني متعود الاغنيتين اذا مسمعتهن ماانام ابد ....ووياهن صورهه صرت مدمنهن حاربت روحي مااريد اسمعهه ابد ....اخر شي غمضت عيني صارت عينهه بعيني ....وشلون انسى هالتك وتك اني
صارت السته الصبح واني منايم كل شويه اخذلي نظره .. الحد ما تعبت نزلت لكيت عزوز داك عليه ٤مرات
خابرني
خضر-خيرك عزوز
عزوز-مصحصح
خضر-اصلاً منايم
عزوز-اشوفك هالايام علاقتك بيه مو مثل قبل ساقط
خضر-هو بقت عليك انت هم ...يابه اني اعوج ومصلحجي
عزوز-ووجعه شبيك
خضر-زهكان عزوز ...وطافره روحي من الدنيا كلهه
عزوز-راح اروح السوگ الغزل تجي لو لا
خضر-مالي واهس
عزوز-دمشي لك ...تعال وانجب واسكت
خضر-ماشي لتجيب احد من الولد وياك ...اريد احجيلك
تعرف انت الوحيد الاكدر احجيلك
عزوز الاقرب الي باسراري احجيله كلشي هو ابن عمي اللح صح اني تربيت ببيت عمي سالم الله يرحمه بس شاهين ابن عمي سرمد وعزوز ابن عمي رياض اقرب الي ...
وحمصه احجيله بس مااكدر احجيله كلشي وخاصه هاي السالفه لان هو ويايه من اني ادور عليهه وبكل خطوه تخص ميمونه مااكدر اكله بكل سهوله عافتني
وصلت للسوك عزوز روحه بالحيوانات ....يعشقهن ... من كد ميحبهن مقرر يفتح مشتل هم يبيع بي نباتات وهم حيوانات وهسه اشتره حصتي ويه شاهين ....بس قبل ليشتريهه كلي اخذهن بعد ممحتاجهن وين بعد كومه يرادلي حتى ااكمل مشروعي ...مقبلت ....وكتله ادخل شريك حتى تربح وتسوي مشروعك
كمنه نفتر اني ويا واسولفله بس مكتله كل التفاصيل بس كتله هيه عافتني ....اريد اكرهه عزوز ....شلون اكرهه .....بعت كلشي علمودهه
عزوز-لان انهزمت وياك وانت طلكتهه ....-شتريدهه لعد
خضر-كتلك حتى اكرهه ....تعبت اك البارحه رجلي راحت من وره السطح ومكدرت انام ابد ....تعبت اني .
عزوز-والله صراحه مااعرف بسوالف الحب ...يعني محاب قبل ...بس انت مكبرهه مو اول ناس ينفصلون
وميتفقون
اصلاً حياتكم غلط مادام انبنت بغلط معناهه مترهم لان لو شتسوي راح تبقه بالعائله انهزمت وياك ..تعرف اني انقهر عليهه والله ماعندي شي وياهه بس يا اخي من جان يحجي سلمان اقتنع بكلامه وماادري بعد
خضر-شيحجي سلمان
عزوز-تعرف كلام سلمان وسأل عليهه بالمنطقه ...وكالو مو زينه
خضر-ليش انت متعرف اني جنت اولي الهم وبسببي
عزوز-هاي انت كاعد تكول تشوهت سمعته وسمعة اهلهه بسببك ...انت أذيتهه للبنيه خضر عوفهه
خضر-عايفهه والله عايفهه ...بس .استغفر الله سد الموضوع عزوز لنحجي بي
واني امشي واباوع عل حيوانات شفت بزازين وكفت تذكرت ميمونه ....بقيت واكف كبالهم
خضر-ميمونه جانت عيونهه تك وتك ...والله متهنيت بيهه واخذتهه من الطفله بوقتهه
عزوز_ميمونه اخذتهه من الطفله انت شدتحجي
خضر-لا لك جاي احجي على ميمونتي البزونه ام تك وتك
عزوز-هههه الهاي الدرجه تحبهه
خضر-احبهه هالكلمه قليله
عزوز-اي ام تك وتك تقصد تحبهه
خضر-باوعت علي وكتله ....اريد وحده وهم عيونهه تك وتك دخلت دورت ...اكو هواي بس ولا وحده بيهن دخلت كلبي ...ذيج بوكتهه من اول مشفتهه ...شفت ام ميمونه بيهه
طلعت افتريت سوك الغزل كله ...ملكيتهه...جنت ادور بحماس ...الحد ما عزوز كلي كومه اكو ليش مأخذت وحده ومخلينه نفتر شبيهن ذنيج
خضر-لو احجي منا للصبح مراح تفهمني ...امشي امشي وخلصني ...شلعت كلبي بملحتك .
واني امشي ماادري شلون والمح وحده وكفت اباوع عليهه ...هما حسيت نفسي مجنون ام تك وتك ...حقيقي ....وهنا عرفت معنى الحب الحقيقي ... انت متكدر تكره الي حبيته لو شيصير ...حتى اذا نخذلت وتخذل انت بس من تخسر يالله تحس بقيمته واني خذلت وانخذلت بهذا الحب ...كتله هاي ميموووونه ورحت علي جان ولد يطلع با ١٣سنه
خضر-تبيعهه
- ابتسم ......توني اشتريتهه ها أها
- خضر-شوكت اشتريتهه ومنين توني فريت السوك وملكيتهه
- يمعود ذاك عنده اكثر من وحده بس مو هيج لون عيونهه
- خضر-لتدليني ماريد اندله اني اشتري منك هاي وانت تشتري غيرهه
- -ليش يعني عجبتني هاي
- خضر-بيش اشتريتهه انطيك اكثر
- الولد-مااريد
- خضر-انطيك سعر اثنين
- مااريد
- ضوجني كلش ردت اصيح بي كبل عزوز كلي
- عزوز-خضررر شبيك روح يولد الله وياك
- خضر-ميروح لك بكد النهال كاعد اكلك ...اريدهه شنو هالعناد ...انطيتك سعر بزونتين شتريد بعد
-
الولد-الله اعلم ششفت بيهه ....يجوز تزرب ذهب وتريد تربح بالذهب
خضر-شنووو هذا شديمضرط ...انت شدتمضرط
الولد-لعد ليش موجودات هواي واله هاي ....اكيد مثل الافلام يجوز بيهه تهريب قطعة ذهب شي
هنا طكيتهه بضحكه عاليه ..
عزوز تقرب عل ولد .....صحيح بس مو ذهب مخدرات واحنه مكافحة الارهاب وجايين بواجب ....وانت راح تخربه ..ومن تخربه سولفله خضر شنسوي لو نشوفه مقاطع مصوريهه داخل السجن شتكول
الولد-سيدي والله اسف ....اخذوهه حتى فلوسي مااريدهه اني يتيم الاب والام واصرف على خواتي
عزوز-لا راح ننطيك فلوسك هالمره سماح ....بس مال يتيم وعندي ايتام منين جبتهه عليك الله
الولد-سيدي شلون عرفتني اجذب ....انت تعرفني ...والله ماادري بيكم شرطه حتى اخرب مهمتكم
خضر-كتله شكد سعرهه عوف الحجي هذا
الولد-بكيفك
انطيته الفلوس بعد مكلي سعرهه ...واخذتهه شلتهه باوعت عليهه كلش توالم ميمونه باخر ايام جانت
عزوز-والله الشفناهن احسن منهه واكو وحده عيونهه كلش حلوه
خضر- لا هاي احلاهن شفت بيهه اشياء مراح تشوفهن
ودرت علي بس والله ضحكتني من كتله مكافحه شلون اجتي ببالك
عزوز-مفروض تشكرني ...
خضر- ميخالف افكر بالموضوع ...بس ليش مشفتهه الهاي البزونه ...معقوله خاصه هذا الرجال شكد بقيت واكف يمه
عزوز-خضر اني ماالتقي بيك بعد ...راح تمرضني بسوالفك والله هسه اني اجيت اتونس واشتري تالي متالي التهينه ندور ميمونه ...
رجعت للبيت ...شفت قاسم طالع من بيتهم ......سلمت مابيناتنه بس سلام ميعرفني ويمكن من كعدت لليوم ابد ممصادف ويه ام قاسم هيه قليل تطلع نادراً من ابنهه مموجود ويجوز تطلع بس ممتصادفين .... واصلاً اني قليل اطلع وبالاساس قليل اتواجد قبل هاي الفتره
جبت حليب وياي ...جانت كلش صغيره سويتلهه حليب
وخليته الهه وصعدت فوك السطح .....مديت راسي ماكو توني ....ردت انزل لمحت احد طلع رجعت وكفت ودنكت شويه ...اول مشفتهه سبحان الله دكات كلبي اختلفت ...باوعت عليهه جانت بيدهه شي دنكت تفتح البوري ....بيتهم كله اني اكشف علي
بقيت اباوع كامت دارت وجهه ودخلت من المطبخ
هيه ....هيه ميمونه ...بس وعلاجهه شلون ... مو كالت رجلي خاف تجذب عليه رادتني مااصرف عليهه واخسر فلوسي نزلت واني اضحك على روحي شلون ابرأ الهه
نسيت خضر من راحتله للشركه ومن نزلهه من سيارته ...شعليه بيهه
رجعت نزلت ويه البزونه ... كبالي تفتر تروح منا وتجي منا ...شلتهه كمت ابوس بيهه ..
ام تك وتك ليش هيج سويتي بيه ....ليش مخليتيني اعالجج ووراهه اعوضج كل الي خسرتي ...ليش
عفتيني ورحتي الهذاك ...والله ميحبج هذا بكدي ...ولا راح تلكين واحد يحبج
بقيت كاعد ..ومتجي عل حايط ..
والبزونه داير مدايري ....غمضت عيني مختنك ..رحت كعدت اكلب بالابتوب طلعت يوتيوب طلعت اغاني صار كبالي حبيبته ماتت على اغنيه حزينه دخلتلهه
اخر نظره بيني وبينا
ايدي بايدا وعيني بعينا
هل النظره مرت علينا
ألم ألم
ئلت لا تزعل صدئني
بكرا بنتلائه بالجني
لاخر مره ضمتني
بألم ألم
تمضى عيونا شوي شوي
دبلت ايدا بين ايديي
تركتي وبكيت عينيي
ألم ألم
وين رحتي يا عمري
لا تركتيني وبقلبي الاه
دخلك ردا يا الله
عمري بعدا ألم
ألم ألم
واني اسمعهه ميمونه كبال عيني من تمرضت من هيه عاجزه من تباوع عليه كلبي كام يوجعني كمت لا يالله مااتحمل تاخذهه مني ابد
خابرني عزوز
خضر-لو واحد غيرك مااجاوبه بس بعدهي بعيني سالفتك من قشمرت عل ولد
-عاررررر وتبقه عار يا عار
خضر-شتريد
حمصه-ووجعو التوجعك ان شاء الله ... انت عار بس اني احسن منك ...عزوز نزل يشتريلنه اكل ....ماكل لو لا انت
نحسب حسابك
خضر-لا كلشي ماريد ...شنو شوكت نزلت مو بعد وكت
حمصه-ابن عم العار ..للاسف انت الوحيد الي ماافوخ كلبي من اغلط علي ..صارلي كم يوم مداوم شتريد لعد
خضر-المهم ...جيب جكاير وياك جنت ضايج وجكايري خاف يخلصن ....ميمونه اذا صار بيهه شي اتدمر مااتحمل ابد
حمصه-اجيبلك نعال ابو الاصبع على حلكك ..
شويه واجوي ....من فتحت الباب ..شفت سياره واكفه ببابهم وام قاسم كاعده وره بس الباب مفتوح يمكن هم راح تصعد ...سلمت عل ولد ودخلت ماريد ام قاطم تشوفني
خضر-عزوز اابقه بعدني ممكمل محصور ماعول اوصل للحمام وعافني ودخل
حمصه انت ابقه واكف شوف ميمونه تروح وياهم
حمصه-ميمونه هنا ....هااااااااا هسه عرفت ليش لاطش بهذا البيت ايااااااااا گ..........على هالقضيه ابو الشلقضيه
وعافني وطلع بالباب .....ووكف يدخن ..
................
ميمونه-كعدنه الصبح ....قاسم مو مثل قبل موجود من سجل بالجيش ....عاف العماله وباجر تخلص اجازته ...طبعاً هو ميحجي وياي حرف واحد ولا كانما موجوده ماانقهر منه ...لا بالعكس ...حسيته انسان عاقل معاقبني بالرجوله المزيفه وهيه ابراز العضلات ....ولا شمرني بالشارع ....احتواني وبنفس الوقت اعتبرني مموجوده بالبيت بس كال ال خالتي توصلي ...ممنوع طلعه خارج هذا الباب بعد وحدهه .
خابرت خالتي الصبح على زوج فلك مجاوبهه ...للظهر اتصل عليهه كال طالع خارج المحافظه من ارجع تدللين ....انقهرت كلش ....خاف يجذب خاله
ام قاسم-نشوف قابل ميرجع بس هو خوش رجال مااتوقع ..
ميمونه-اخ يا خاله والله مشتاقه اسمع حتى بس حرف واحد بس اسمع صوتهه فجأه حسيت برجفه وضعي ساء نمت بالفراش بجيت اختنكت كلش حسيت نفسي راح اموت واني مسامعه صوتهه ....متحملت ...شهكت وكمت ابجي بصوت عالي وبحركه قويه ركضت عليه خاله شبيج ....شبيج يمه وقاسم وامف فوك راسي ...هم ومدنك
قاسم-شنو تحسين خل ناخذهه للمستشفى
ميمونه-أشرت لا ...اهز راسي وابجي راح اموووووت واني مسامعه صوتهه ....راح اموت واني مااعرف شي عنهه مرتاحه لو مرتاااااحه ....مااتحمل بعد ...اريد اختي ...حتى اذا تكلي ممسامحتني عل اقل اعرف شلون عايشه
قاسم-اخذ نفس قوي وعافني وخاله تصبر بيه ...وتكلي اسم الله ان شاء الله متموتين رجعت اتصلت على حسين كالت مجاوب لان الرجال كال عندي اجتماع
درت وجهي عل بوفيه واباوع وابجي .... وبيه رجفه مو طبيعيه بردانه كلش ...اخر شي غمضت عيني غفيت فتحتهه اسمعهم قاسم وخاله يسولفون على مرضي وهو جان يكل الخاله ....هسه بس اقبض راتب اوديهه للدكتور
ام قاسم-عدهه فلوس خل ناخذهه
قاسم-يمه بشرفج شلون اخذ منهه واني الرجال هنا بالبيت مااكدر ابد هنه يومين اقبض اخذ اجازه زمنيه وارجع اكلهم امي مريضه ومن ارجع انطيهم تقارير الدكتور ..
ام قاسم -ان شاء الله يمه فدوه اروح الطولك ...
قاسم-بس شغلتي يمه اليوم اكملهه تروحين تحجين ويه مرت عمي ماعدهه حجه بعد
ام قاسم-يا يمه والله سوالفك هاي موتتني بيهه ولك توك تعينت اروح اخطبهه منيلك فلوس انت ليش هو الزواج سهل
قاسم-تعينت بالجيش شكووووو بعد اريد اتزوجهه
ام قاسم-ولك يمه الزواج مو لعبه يوميه هاي السالفه مالتك
قاسم-يمه خطبيهه اخطبهه اشتريلهه حلقه والله كريم
ام قاسم-والله ولا عليه ....اني مااخطبهه ماعندك شي انت ...شنو اكلهه حلقه والله كريم وهيه شرنفص متتحاجه وتتباهى بنسيبهه الدكتور اربعه وعشرين ساعه
قاسم-يمه اليوم تروحين
ام قاسم-امشي ...والله ولا اخابر ...شنو كم مره خطبتهه فد نمونه هيه كل يوم اروحلهه هسه تفشلني تكلي انت ماعندج عقل ابنج مو ماعنده شي شنو بنات الناس لعبه ......شكلهه اني وهيه تلصمني بكلامهه الصحيح
صيح شويه وكام يغلط على اممهه الحبيبته ...ومدري ششمر لان كالتله ايا طايح الخظ نعمة الله هاي مو يكلبهه بينه ...وسمعت الباب انركع وطلع
كعدت اني على حيلي وخالتي تلملم بالطملطه وتغلط علي
ماعندك عقل امداك اي والله مخبل ...
ميمونه-خاله ليش متخطبيله من شوكت يكلج خطيه
ام قاسم-طركاعه على هذا الزواج خابصني بهالزواج وهو بعده صغير وفوك القهر الي يسمعه يكول كلشي كامل عنده وهو حافي ابن الحافيه
ميمونه-اني عندي فلوس
ام قاسم-ميمونه يمه يا فلوس هاي هو يريد يتزوج العروسه متريد جهاز متريد ذهب العرس ميرادله فلوس ...كلشي يرادله فلوس مو لعبه الميه لو الميتين شتسوي
كمت وكفت على حيلي كلي ارجف ....مريت من يم المرايه ...عيوني عباره عن سواد محاوطهه ...ووجهي اصفر مثل الليمونه ... كبل وخرت من المرايه ...
دنكت على جنطتي اخذتهه ....دخت كلش ردت اوكع كوه وازنت روحي ... علاجي جان اخر يوم البارحه شربته ...وكلت ال خاله خلص بعد هو ميصير اخذ
تعبت حيل جنت اريد اخلص من هالعذاب بس الي مخوفني ....مااشوف فلك لذلك كلت راح اكرر العلاج واحتمال هو هم ميفيدني
كعدت بقراشي والجنطه بحضني ....الحد مراحت الدوخه ....وطلعت الفلوس حتى محاسبتهن وانطيتهن ال خاله زوجي قاسم بيهن خاله ولتكليله مني ابد لان مراح يقبل ....كليله اليوم اشتركتي بسلفه
ام قاسم-يا يمه عزه العزانييا قاسم هسه .... شنو ولج ذني ومنيلج يمعزايه
ميمونه-مو كتلج عندي
ام قاسم-ولج ذني هواي انوب مو خمسات شكد ذني شو بلله ذني مو ورقات ...انوب اوراق ولج ميمووووونه من جنتي خوما
ميمونه-وروح ابويه لا ....زوجي الي باعني عمي انطا الي لان هو مرضني ...كلي اتعالج بيهن واني مااكدر اطلع لان مطلوبه للدوله
ام قاسم-ولج مو عمج تنازل يحظي يخف الحكم ويجوز ذني لفليسات تساعدج هم يطلعوج
ميمونه-الحد ما اطلع ميته عل اقل اموت بمكان نضيف خاله بروح كل ميت عزيز عندج اخذيهن ...وزوجي قاسم بيهن ...مجنت اريد اتعالج ولا اريد اخذهن بس شي احس كلي اخذيهن خاف تتندمين ولو مجايبتهن جان تندمت
ام قاسم -لا يمه مااقبل خل نعالجج
ميمونه-والله مااله علاج هنا خاله لتلحين وزوجي قاسم لتزوجهه امهه وتبقه حسره بكلبه وحتى من تحسبيهن لتكليلي شكد ماريد اعرف ابد
ام قاسم-خل اكله منج ليش مااكله
ميمونه-مياخذهن اذا مني ...
ام قاسم-وشلون يصدك سلفه ومنين
ميمونه-كليله اي شي خياطه شوف شنو وراح تسوي سلفه تشترك بيهه وهو صدكيني كبل حيكلج اشترك
صدك خابرته طار كللهه اشترك ونروح اليوم ....شويه واجه بسرعه
ام قاسم-ولك من تجي نروح
قاسم-يمه اليوم كتلج بلكت من ارجع لامين السلفه وهو كليلهم على نزولي الخطوبه
ام قاسم-وميمونه شلون
ميمونه-كبل جاوبت ماعليه شي كاعده شعندي
ام قاسم-ولك يمه خاف تتخربط شلون بهذا يا ربي استجن شويه واصبر ولك
ميمونه-خاله بقيلي جهازج اذا صار شي اتصل عليكم
قاسم-واحنه هم منتأخر يمه يلله دكومي استعجلي حتى بسرعه نرجع
دك على صديقه يشتغل تكسي كال احسن من الغريب ....وهو بقه بالساعه يسوي شعره فرحان ...ويخربطه مرتبك واجه مناك مزين لان باجر يداوم
ام قاسم-ولك كافي عوفهه للمرايه شلون بهذا يربي اني
قاسم-هسه لو كايله قبل لا ازين لحيتي
ام قاسم-يعني مشايفتك قابل اني راح اصعد بالسياره احسلي من هالضيم موتتني خمس مرات ترفع هالكفشه وترجع تخربطهه وطلعت وعافتهه بقه هو ولا يمه مبتسم ويسوي شعره اخر شي كال استغفر الله شبي شعري اليوم
ميمونه-بلعكس كلش حلو طالع ....وهنيالهم بيك
سكت محجه وعاف المشط وعدل حاجبه وراد يروح
ميمونه-لو ادري من زمان كايلتلك هيج حتى تستعجل ومتحجي خاله عليك
قاسم-تريدين الصدك تدرين جنت متوقع من فلك تسويلهه شغله متعجب ومن البنات كلهن بس انتِ ابد ممتوقعهه منج انتِ من وراج تعلمت ابطل احكم عل ناس لان الي متتوقعه يخذل دوم هو اليخذل
كمت بعد مطلع لان خاله كدامه وصتني اقفل الباب قفلت الباب وكعدت عل دجه مال مطبخ ابجي
.............................
حمصه-راحووو ....بدون ميمونه ....
خضر-حلوووو الله جابكم
حمصه-توني اجيت بسم الله . ابو المصايب
عزوز-مو كنالك من تشوفه لازم تجيك مصيبه
حمصه-خطف تطهير شنو بالضبط
خضر-دخلت وهمه ورايه ....شلت ميمونه ...
حمصه-لك مو هاي ميمونه وجه الزباله ..
واني واكف من كل عقلي اكول هسه تطلع البزونه
خضر-لك ميمونه ام تك وتك
عزوز-اثول مو جديده عليك حمصه
حمصه-لك عزوز انت مطي ...انت مو كتلي بزونه
شمدريني اني ميمونه والله تدوخون الميدوخ
خضر-دهاك حمصه ...اريد البزونه تدخل الحوشهم
اريد من ينفتح الباب تشوفني
حمصه-اني احجي على خواتي واكول ضيعتجن المسلسلات التركيه طلع العينتين ضايع دمشي لك شنو هالسوالف انت شتريد بابا مو رجعت الاهله متريد تتعالج هيه كوه ليش خليتهه ترجع الاهلهه مو كلت مقبلت ولحيت عليهه شكو هالسوالف بعد
خضر-لتلغي يلله كافي انت روح عزوز
عزوز-والله ولا الي علاقه الدنيا عصر واذا اوكف بباب بيتهم واشمر بزونه شيكولون
خضر-صدك تحجون
حمصه-اي لعد جذب بابا كافي عوف هالسوالف شبيك انت تخبلت ....
خضر-دروحوووو الي يسمعكم مدري شطالب منكم مااكدر لان تعرف صوتي ومتفتح الباب
عزوز -كافي خضرررر مو انت جنت تحجي على حمصه وتنتقده لان يتطفر عل نسوان
حمصه-اااايا عارات ....ولك شنو قصدك وبعدين شوكت هاي ...شوكت طفرت على نسوان
عزوز-انجب لك همزين ذيج المره صارت طلابه من وراك ورحنه بيهه وراشد انضرب بوكتهه
خضر-ها ان شاء الله راح تتعاركون
حمصه-لا اتعارك ولا شي ....بس مو رجوله تحجون وره ظهري عليه وبعدين اني مرحت علمود مره ....همه سوهه عليه علمود مره .. حتى يطلعوني غلطان
مشكووورين مقصرتو
خضر-وين رايح تعال ولك ...اني محاجي عليك وراك هذا مطي عزوز
حمصه-لا والله اني المطي ....ولساقط وابو النسوان وكلشي طايح حظ بيه ...
خضر-لك حمصه ...لتسويهه هيج
عزوز-اني مااعرف شكول بس انت صاير تتزعل ليش مو دوم شاهين يحجيهه
حمصه-يحجيهه شاهين وخالد ...واني عبالي شاهين شقه وخالد ادري بي ميطيقني منتهي منهه بس طلعتو انتو هم نفس الحاله .
خضر-دتعال لتولي وجريته من ايده دفعني بجديه
هااااا يمعود حمصه
حمصه-لتلزمني ....اني اليحجي من وره طهري تنتهي ويا عندي حاله حال الك........
خضر-احترم نفسك هيووووو
حمصه-لتكووول هيوووو لك واجه ضربني بوكسي طفه عيني وعزوز ...حاول يوخره ...ضربه هم كمت اني عيوني طفاهه ...بابا شبيك انت تخبلت .. مردت اطوخهه اكدر اضربه بس ...ضاج وضجت مو منه ضجت على ضوجته
كام يصيح ويغلط ...
لك بابا تره خبالات زادت والله شنو شكنالك ابو النسوان ضوجتك جذب قابل وتتطفر هم عليهم ويلله هم ..وتنام وياهن بالحرام هجم عليه ضربني كله واني منايم طفيت كلش عزوز هجم علي ضربه بعده مموخر عزوز ورجعت اني ضربته ووخر عزوز
لزمت ياخته احنه خوووان مطي لتضرب بعد ......وكمت لازم راسي ...طاح حظك على هذا الصماخ شكبراته
كل واحد راح بجههه ....وهو كعد على حيله واني لازم راسي والبزونه جوه رجلي ....
باوعت خشمه طك دم ...حمصه ..
حمصه-جنت عبالي احنه واحد بس من هجمتو اثنينكم سوه عليه ....عرفت احنه مو واحد بس انتو واحد ...عزوز احترك كلبه عليك واجه ضربني علمودك
باوعت علي واني لازم راسي ...اكيد تتشاقه حمصه
عزوز-انت هجمت علينه اثنينه ...ولو خضر هاجم عليك هم اضربه
كام وكال لحد يحجي ابد ...وطلع
عزوز-شبي هذا مخبل والله
خضر-كله من وراك شلون هسه تخليني اسب ابوك وهو ميت ...شكوووو تحجي انت وتكول احنه نحجي وبعدين شوكت حجيت اني ...علي هيه مره وحده وكلت ميبطل هذا
عزوز-دشوف نفسك اول شي انت هم تتطفر على بيوت لو نسيت كم مره طافر من السطح على ميمونه ..
نزعت نعالي وشمرته علي ...امشي اطلع بره لا هسه ...ارتكب بيك جريمه .
عزوز-لك احترم نفسك ششايف نفسك انت والله بعد ولا ادخلك بيت ولا اعرفك ولا تعرفني ...اصلاً انت ماعندك عقل والي يمشي وراك يدخل سجون ...واني كلب امشي وياك .
خضر-هيج صارت طلع بعد طلع سوالفك عمي طلعنه احنه هيج بس بالوجه واحد يحب الثاني واخوه بس بالكلوب كل واحد شايل عل ثاني ... بشرفك بما ان انكشفت الاوراق انت كلت ال خالد مو
عزوز-شكلت ال خالد خضر
خضر-لتسوي روحك متدري تعرف كلش زين وانت مجنت قابل عليه
عزوز-للاسف عليك ....والله ولا توقعتك الهيج درجه نذل وحقير وهيج تتهمني ششايفني كبالك ...وبعدين
علي هو الكال ال خالد لان خالد حصره وسوه عليه دروب الضباط وكله علمود يساعدك واذا محجاله تروح بالرجلين
خضر-علي يعني كال
عزوز-اي علي ...استاذ خضر ...وهم المصلحتك ....احنه كلنه نخاف عليك ....وندخل وياك اشياء مو من ثوبنه نسويهه ...بس ندخل حتى متضيع وحدك ....نضيع وياك بس انت متستاهل
طلع وركع الباب ....كلش انقهرت عل صار ....باوعت ماكو شي بالبيت اكسره ...طفرت روحي طلعت بالباب ادخن واباوع على باب خالتهه والفرع الاغنيه طبعت بعقلي
شمرت الجكاره .....
