رواية الطاغية والمغرور الفصل الواحد والاربعون بقلم يارا الياسري
وتكونين مُتعبة،
مُعلقة ربما بين الحياة والموت
تتطلعين في وهنٍ،
فينسابُ مِن عينيكِ الدمعُ،
لا حُزنًا ولا فرحًا بل.. بل ماذا؟
هذا ما يفوقُ قدرتي على الوصف بالكَلام.
رُبما نبعٌ مِن مكانٍ غامض في باطن الجسمِ
أو الروح أو الأرض.
لارا بقين مصفنات نب الرجال الجبير وكال
بوية من ياعشيرة؟
من يامحافظة؟؟
انتن بنات بهالليل لوحدجن .
رحيق :جريت نفس وحجيت
لادار ولا اهل ضلينا
تلاعبت الريح بينا العدو والصديق مانميز بينهم
كلها ذيابه كشرت انيابها علينا
عن ياليل وظلام تحجي غرقنا بدجى البشر
وضيعنا النور من ايدينا .
تنهد الرجال وكال
بوية لو خليت قلبت الشر والخير انولدنا ببنادم سوة
وابنادم لماعرف يوزان بينهن يضيع ويختله ميزانه
هالبيت بيتجن واعتبرجن دخيلات بينه ماترتاحن
يحلها الله بس أنطني اسم العشيرة .
رحيق : عموو سالفتنا اكبر من عشيرة مانريد نورطكم كافي هالليلة ننستر ببيتكم
وممنونين منكم ؟
المرة باوعت بخوف وكالت امشن جووة حالجن يكسر الخاطر
اني كنت شادة روحي بس لارا اخخ منهارة بس دموع تنزل من عيونها وسارحة
دخلتنا المرة لغرفتها وكالت
شوية واجيبلجن ملابس
لارا كعدت بالكاع لمت رجليها وخلت راسها
على ركبها
تباوع بنظرات مهزوزة كابلتها ورفعت راسها لارا حبيبتي يابعد خالتج كلشي يهون باعي
الف الحمد الله مالزموج ماسواا بيج ششي
كلشي ينعدل ويتصحح وتردين لابهر
لارا من ذكرت اسم أبهر بقت تبجي بشهكة ووجع وكلبها يخفق بسرعة مسموعة
خفت لا يصير بيها شي .
لزمت لارا احجي والج خالة لاتموتين خوف اجت المرة من شافتها بقت تسال شبيها شجاها ؟!
ولزمتها تغسل وجهه بالمي ليمن وتقرا ايات عليها وتصلي على محمد وتنفخ بوجه
حضنتها بحنية وتمسد على راسها
لارا منهارة بجي اووف شسوة بيج
صارت تبجي من دون ماتحجي حرف
اقوى انواع الالم الي ماتوصف كل حروف الابجدية يترجم بدموع حارقة عسى ان تبرد هالالهب المستعار بالروح.
هدت وبقت ساكتة گامت من حضن المرة
المرة : أجه العشة صبوا بين مابناتها يصبن
المراة جابت ملابس داشدشة كالت فوتن
غسلنا فزتت لارا بالاول ودخلت وياها
غسلتلها ولبستها الداشدشة طلعتها للمرة
وبدلت اني طلعن المرة تقنع بلارا تاكل
ولارا بس فاتحة العيون ومصدومة .
گعدت يمها س مامدينه ايدين وراها بقت تحجي المرة
ادري ياخالة انتي حامل وهالبنية ضعيفة
الحزن لاحكت علي اكلنا لكمة
حتى ماافشلها اكلت لكمتين كوة علية
والله مانشتهي بيت العامر والله يرزقكم
بس لبينه سد كل شهية وطعم .
جابنةفراش يفرشن فتحت
الجهاز شفت شيراز متصل شكد وداز كوومة
رحيق بالي يمج وينج
بت اختج المستهترة شردت اذانتي وياها انهيج
لج ردي
والله لاخذ لبطنج منج اني تغدرين بية وبابن اختي
ساعة يهدد وساعة يخاف علية مسجات
المشاعر بيها ماواضحة
حضنت لارا ونمن بتعب واسمعها تشهك نامت
والحسرة بقلبها
شبيدي عليج يابعد عيوني
كعدنا الصبح اباوع الساعة بالستة
غسلنا لكين غاسلات ملابسنه ومخليتهن يمنه
ومخليت للارا بودي طويل غير مالتها
لبست ملابسي لارا نايمة وعيونها منفوخات
أجيت أكعدها فززت مخروعة حضنتها
اششش لارا هاي اني كومي خالة كومي .
بقت تباوع مصفنة مامستوعبة لصار ويانة
لزمت الفون واتصل اتصل بتينة ماكو
اتريكن والرجال كال شنو بوية ماناويات تكولن
من ياعشيرة .
رحيق اعذرن عمو بس عشيرتنا ماتفيدك
بس وصلونا لبغداد يم ابو الجوادين واحنه نرجع
لبيوتن .
الرجال بنيتي متأكدة ؟!!
رحيق: اي عمو ونعم الله عليكم ماقصرتوا وبميزان
حساناتكم .
كال توكلنا على الله بوية جعفر حضر السيارة
واخذ هالبنيات للامام .
سلمن وتشكرت هواي منهم ونزلت ابوس ايد .
الرجال بس مارضى
طلعنا بالسيارة كان الوضع هدوء
قمة التناقض انغدرنا من ناسقريبة وضمونا
وحمونا ناس غرب الخير موجود حتى لو قليل
والخيرين موجودين
طول الطريق سكتة ولارا ايدها على خدها
وصافنة ماتحجي بس دموع وتنزل .
واني من الحمل نمت ماحسيت لحد ماوصلنا تقريبا ساعة ١١ ونص للامام الولد كال
جعفر خوية محتاجات شي ؟!! ابقى وياجن
رحيق لا ممنونات منك هاي هيه وصلنا راح نتصل
باقاربنا وياخذنا مشكور والله يحفظلك شبابك .
جعفر طلع فلوس من جيبة وكال
عذرني بس هذا الموجود
رحيق لا والله عدنا مشكور وكثر الله امثالكم
وابو الجوداين عدنا ممنونة منك والله ينطيك
على كد نيتك مارضى نرجعها بعد معانات وحلفت
ماخذهن هم ناس على كد حالهم يشتغلون بالبستان
الي دخلنا بي رفضت ماخذ منهم .
استرخص وكال هذا رقمي لو احتاجيتن شي
اخذت الرقم سجلت بتلفوني
رحن زرنا وطلعت علمود التلفون اتصل بتينة
ماكو انوب وين ل١٢ ونص لكيتها تتصل رديت
تينة :هاي انتن وين صدك تحجن انقلبت الدنيا
عليجن لج شيرز اجه للمحل كسره تكسر
رحيق ليش شردتن؟!!!
رحيق :بصدمة ماشردنا تينة احنه نخطفن
تينة :ههههه حلوة فلم هندي هو شنو انخطفتن ؟!
رحيق: الله يخليج تعالي اخذين وببعدين اسولف
تينة :تخبلتي اكوولج شيراز اذ درا يسحلنا سحل
رحيق: طبة طوب ابتليت بي وين عني
من انخطفن وين من ركضن بالليل اضلم
طلعنا بالكوة من ايدين الموت تجين لو لا؟!
تينة :تنهدت بقهر وتعب اووف اني احس اخرتي
ونهايتي على أيديج بالحلقة الاخير
اموت على ايدين شيراز جاية وين انتن؟!!
رحيق :بالامام الكاظم ع
تينة :الامام مل منجن يومية رايحات .جاية
رحيق اهل البيت مايملون من البشر والله ابواب
مفتوحة بعد كل عسر يسر .
تينة تمام ياكلمة ردي جايتج .
صعدت غيث شوف راح نجيب البنات لا تدخلن
من هالبوابة راح اخابر أبو العمارة يفتح درج
الطوراى نصعد منه خاف شيراز مراقبني مو امان
غيث تمام ليش تورطين روحج؟!!
تينة :اووف مدري يذكرني بالماضي العزيز يعني اخفف عذاب ضمير هسه خلي نسوي حسنة تشفعلنا للاخرة
ولو اخرتي جهنم بس ها عسى هالحسنة لنسويها تشفع .
وخاص رحيق اني ورطتها بيد شيراز مابيه حيل
ضميري يطيح حظي واتعذب خلي اساعدها .
غيث الله كريم ..
رحت جبتهن وهن سگتة مبين عليها صدوك
مخطوفات مكتولات خوب لارا الوجه معصور
منه هي حنطية ومعثورة صايرة ليمونية .
سكتة وهدوء درت عليهن ها عيني عروسات
هاربات تحجن لا ؟!
رحيق: لج خلي نوصل احس من التعب روحيى
ماشيلها ركضت ركض البارحة هالطفل لبطني
كون سالم .
تينة :قوي عليج لاتخافين قليل لشفتي وبعدج
بجبروتج .لو جان عندي نص قوتج فلا ابقى
بين الايدين .
رحيق :الله القوي ويمد عباده بالقوة ضد الباطل.
اشرت تينة بعيونها على لارا الي سارحة
هاي شبيها ؟!!افتهمن الزواج ماتم ولا يهمج
ادورلج عريس غيث عندك منه منه عريس ؟!
غيث ضحك بتك خد .
ولارا انفجرت بيها لج انتي ماتستحين على شنو تحشيشن شايفتن مرتاحات شايفة وضعن
يتحمل شقة وضحك منو كلج مقهورة ورايد عريس عوفي الج صارت تصرخ وتحجي
وبعد ماتينة انصدمت بردها شمرت روحها بحضني وتشهك وتكول بصوت مسموع حركوا مستقبلي
حركوا كلبي .
صوت الغصة وحركان الكلب بي قضية بقيت محصورة دمعتي غيث شال بطل مي مني مه
وانطانية شربيها نزلن غسليها ووكف .
نزلتها غسلت وجهه وصعدت عم الهدوء وصلنا من باب الخلفي للعمارة منزلين
درج طوراء صعدن منه وغيث وتينة رجعوا من البوابة
بقين فوك على مااجت تينة لطابقها فتحت الشقة وهي تكول
زلم شيراز بجكسارتهم بالفرع فوتنا للغرفة .
رحيق دخرلت للغرفة : خلي يعرف اصلا ناوية اروحله بس خلي ارتاح .
لارا كمزت بفزع وتهز راسها برفض
من يمها لا لا مانروح لا تقربين منهم خالة عفية
خلي نبقى بعيدين .
كمت من الجرباية
شنو بعيدين لارا راح اروح واحجيله كولشي صدك صدك لازم نعرف منو سوه هيج
وبعدين ليش خايفة ابهر يحبج وراح يصدكج والحمد الله مامسويلج شي
تفرج صدكيني وتنحل .
لارا بذعر وانهيار وعصبية ماتعرفين شصار بية ماتعرفين
رحيق بخوف احجي شصار ؟؟ اااحجي
تردين تعرفين شصار بية كل نفس اخذه يموتني
كل نفس يذكرني بالسووا مااغتصبوني اي صح مااغصتبوني بس استباحووا
كل ذرة بجسمي وصوروني فهمتي شنوووو سووا بية عرررفتي لاي درجة
نذالتهم وهدددودني هدددوني اذ اقتربت من أبهر راح ينهوني ويفضحوني
مو بسس هيج حجت بدمع وضحكة مجنونة ازيدج من الشعر بيت خخلوني ادز فديوهات
وكلام اقسسى نه ماكوووو افتهمتي بشنو وروطوني عن يافرررج تحجين خالتي
ياااااافرج صرخت بكل قووتي مابقى شي اسمى فرج وامل سوالف المواساة
ماتفيد بوضعي مسحت وجهي بتوتر واعصابي يهتزن كلشي ماااردت ردت بس اعيش
مرتاحة بلا ضرب ولااهانة ماردت فلل وفلوس
بس بشر يحبني ماردت هواي
بس لكل امنية ضريبة والضريبة كانت اني
دفعت الضريبة بس ماحصلت نتيجة
مثل ساعي بريد مالة رسالة بيهن
ولاخبر من عزازه كعدت بالكاع لمت روحها
تبجي تلطم على وجه .
هيج صرت مكسورة وكاسرة عوفيني بحالي .
ومو بس هيج جبروني انطي رقم ابوي
وعنوانه خالة احجي وابجي واشهك
لعبة محبوكة صح لعبة ابليس
اخذ زواية منها وكعد يتفرج على شر البشر
حتى ابليس مصدوم من وسوس الهم فوك كل هالضيم ماعرف منو مااعرف منووو لوراهم .
رحيق لطمت على وجهي عزززا لعززاني كعدت مهدودة حيل منين اجيب حل
تينة: والله بعد لسوا أحس أبليس يكول توبة بعد اوسوس لهيج شكولات .
لارا: كامت دفعت تينة حششي لو هالنار بيج
جان ماتحملتي وطكيتي قهر .
ضحكت تينة هههه مرت بية وحركتني هالنار بقت رماد لكدامج
رماد لاشكال المؤامرات .
لارا :عوفوني لوحدي اريد ارتاح اريد ارتاح عوفوني لوحدي ؟
تينة باوعت لرحيق واشرتلها تمشي ألم وخيبة لارا مريت بيها بعمر اصغر من عمرها افهم شعورها
وبحاله افضل حل تعيش جزنها وقهرها بعدها لوحدها تبني نفسها ولازم نبقى نطبطب على كتقها لحد
ما تهدى العاصفة الهوجاء بداخلها .
رحيق : طلععت كعدت مصفنة وايدي على خدي كابلتني تينة وجرت الميز كعدت علي كدامي
تينة كلاتضوجين حقها سوااه بيها قاسي بس صدكي راح احاول الكى حل واعرف منو وراهااو اقلها
منو الي سواا هالشي
رحيق : شلون تعرفين فهميني شلوون ؟؟
تينة عيب ولو لعد المسؤل لشابع نوم بحضنه ويشبع بية شنو شغله مسؤل شكده شغلت وترى
مبينة السالفة مجموعة واضحة باعي مسؤلين من يردون يسوون سوالف تعبانة
عدهم مجاميع معينة للشغل الوسخ .
رحيق: تنهدت بس ماعرف منوو وراا هالشي لج تينة
تينة واضحة واحد منهم وبيهموالا مايكدرون يسون هيج
طلعت لارا كنت اسنط عليهن من سمعتها تساعدني طلعت اكيد سمر
لو اصف ابن عم ابهر ويمكن شيراز لان مايحبني .
تينة قصدج اصف ابن
ابن عمه .
لارا : اي هو .
تينة اي اعرف هواي جان يمر بالملاهي من عمره 19 سنة والله كبر وصار يخطط
لارا تينة صدوك راح تساعديني
تينة انكسركلبي عليها اي بس بشرط كافي بجي ماسويتي شي تعلمي من خالتج القوة .
مو ذنبج كافي هم يغلطون واحنه ندفع الثمن انطيني مدة وهالفترة اخفي نفسج عندي خطة براسي
لارا كعدت على ركبي ولزمت ايديها لتينة بدموع راح تخلصيني والله ابقى طول العمر مديونة الج
تينة منش فت قهرها تذكرت نفسي من جنت بت ال16 سنة منهارة ضايعة باحثة عن سند احتمي بي
تخللت عيوني دموع شفقة هاي نفسها البنية ام لسان صارت مكسورة ذكرت روحي
لو مر الوكت ونسيت ماضيك يجي ليحمل مثل جروحك يردك لذيج السنين المرة
وتصيبك حنية ومشاعر غريبة شعور ماينوصف ينحس .
لزمت كفوفها لاتخافين نلكى حلى لكدامج ربت بين هالانذال بلعت غصة بس خلي افكر
بطريقة صحيحة توصلنا الهم بس كليلي شكالوج .
لارا : كالو اذ قربت من ابهر راح يفحوني هم مراقبين ويعرفون تحركاتي حتى لو شردت :
تينة : عضت شفة حلو نقرب من ابهر شوفي قوي روحج
لارا : لطمت شتكولين ترديهمي فضحوني .
تينة : غبية غبية نروح اكيد رقمج عدهم راح يدزولج تهديد ومنها راح نلزم خيط
ويمكن تحاولين تتجريهم تكليهم انطيكم نفسي وانطوني صوري يعين تلاعبي صح .
لارا : لا لا لا اخاف خاف يفضحوني .
تينة : لاتصيرين غبية مايفضحوج هالدليل حتى يبقون يهددوج وتضلين انتي وخالتج بعيدات
شنو يلزمهم مايفضحوج .
لارا : نزلت بدموع حركوا كلبي وفرحتي سملمتهم بيد الله ياخذ حوبتي منهم
تينة : كومي ارتاحي ورحيق كومي نامي ساعة مدي ضهرج اخذج لدكتورة تفحصج .
رحيق : مو مهم اه مشي شي لارا خلصيها.
تينة : اخذن راحتجن رايحة للحب واحاول افتح مواضيع حتى احصل
معلومات ها البيت بي مسواك لو ردتن اتصلن بية اخلي غيث يتسوك ويجيبه .
يلة باي ياحلوات .
طلعت تينة وقفلت الباب من برااا لارا خلت ايدها على القنفة وخلت راسها
وصفنت بدون هدف بقت هيج ساعات احاجيها كومي خالة ماكو لليل لااكل ولاشرب
حسيت بوجع ببطني
بية مابية كمت لكيت بالثلاجة حليب واكل شربت بس حليب أعرف كطع الاكل مو حل بس اني مامشتهية .
كمت صليت صلاة المغرب والعشة وكعدت
أدعي وأناجي ربي بعدها خلصت گمت
أشوف لارا غافية على گعدتها كمت
خليت فراش ومخدة الها وگعدتها نامت
عليهن غطيتها .
كعدت على القنفة صافنة بلي صار بيها سرعت
الاحداث وكلها سوااا همات زعلتي من شيراز
ووضع لارا صعب الامر .
شفت الجهاز فتحت على صورة شيراز
واتساب متصل فكرت بس گلت أتصل
وهو حرر .
رن مرة مرتين رد بلهفة رحيق أحجي ليش
ساكتة وين انتي ؟!!
الو رحيق باعي لحد الان لازم أعصابي رجعي
للبيت وخلي الحساب ويا لارا وبس .
رديت بوجه غلطان ليجرا على لارا يصير اليه .
شيراز مسح وجه بتوتر باعي رحيق بعد
حبج بكلبي ماريد أذيج رجعي وننسى لصار
تمام وتولي لارا واذ تريدين حتى حساب ماحاسبها
خليها أبهر يصفي حسابه وياها .
رحيق :عن ياحساب شيراز خلي بالك شي
واحد لصار غصب عنها دور زين بالحواليك
ودور على الغدر بابن أختك ترى مو لارا
لارا تحبه اكثر من روحها بس داكمل وفزت
لارا خمطت الجهاز غلقته مني
وبقت تلطم وتملخ وجه لج خاله تريدن
انفضح ليش ماتفهمن الي أكول بس يوصل
خبر انفضح ومو بعيدة يوصلون خبر لاهلي
يعني أنتحر فهميني .
بقى الجهاز يتصل شيراز طاحت بي لارا
وغلقته .وشمرته على القنفة كعدت بقهر
لج خالة لازم يعرف حتى يساعدن كافي خوف .
لارا:خالة سمعتي لكلت انفضح انفضح وأهلي
يگتلوج ويگتلوني وتنعرف قصتج .
لخاطر الله كااافي كاااااافي صارت تصرخ
بخبال لزمت راسها وخلت بين رجليها وتهتز
رحيق:ياقصة لارا شتخربطين؟!!
لارا :غمضت عيوني ومطؤت شفتي خالة
لشفت هاليومين كبرني خمسين سنة لا تسألين
شي .
رحيق: بقوة وأصرار أني مراح أسكت افتهمتي
گافي يدور يشوف منو لتجرء وسوه هيج
وأبهر لازم يعرف كلشي وتضل يمه يصدك
لو مايصدك .
لارا :احس ابهر ورقة وكعت من غصني مايرد
الي وخذت ااريح بعيد عني .
رحت للغرفة تمددت وايدي جووة راسي
أتذكر كلامه غزله عيونه حنيته الله العالم
بحاله هسه شيحس بعد لسمعه بالصمات
اكيد مقهور وگلب ملجوم .
أبهر سقت بسرعة رحت لاربيل ردت مكان
أبتعد عن القال والقيل عن التشمت وعن
كلشي اريد بالي يصفه وأفكر صح .
وصلت للفندق حجزت نزعت السترة والربطة
وشمرت راسي على السرير أباوع للسكف
عيونها الخضرة عرضت گدامي برائتها مستحيل
تلمست حبها باحساسها بفرحتها بحماسها
من تشوفني ماتسوي هيج مامعقولة لارا
ماتضم بكلبها هالكلام حتة تطلعه بغير وقت
أعرفها زين لسانها متباري وياها .
شنو السبب معقولة أكو سبب ثاني لو الحب
عمى عيوني .
احس بخيبة أُم ڪلثوم وصفت مرحلة نوصل لها
بعد خيبة من شخصنا و قالت :
"بڪرة تتمناني أحاسبك أو ألومك أو أعاتبك
مش هَحاسبك ، مش هَعاتبك
لا دَ أنا ڪفاية إني سبتك للزمان"
احس طاقة اعاتبها ماعندي كسرت گلبي
وشضت لقطع خلتني حاير بين تلاعبها
وبرائتها بس تصرفها مقنع احلامها والمال
هالشي هي رادت من أول ماعرفتها رايدة
شهرة تخلت عن اهلها علمودها ماتتخلى عني .
نمت بضجيج افكار حرت بين انه وانه
واحد يكول برئية والثانؤ يكلي لا توقع منها دكلشي
هاي الجرئية وتذكر تخلت عن امها لربتها وكبرتها
معقولة ماتتخلى عني بس لكلشي حساب
وهالاهانة حسابها غالي ماذيتها جانت تشوف
شكد هايم بيها اذبعد كل الحب والعشك لعيشتها
بي طاوعها كلبها تهيني بهالطريقة مراح يوكف
بعيني شي ومايبرد كلبي أذ ماذيها .
بقيت أسبوع عايشت حزني وحتى لبيسان
ماكلت واتصلت طمنت امي اسبوع بين
ضجيج وتفكير مخربط حزين ومنكسر گلبي
لارا :هالاسبوع مر واني بنفس الاكتئاب اصلي
وأدعي وكلبي مشتاك لابهر وماعندي اخباره
كلبي علي نار تينة ماجت عرفن مسافرة
وماترد وغيث شكم مرة اجه جاب مسواك .
خالتي ليل نهار تصلي وتدعي وتقرأ قران
ختمته كد ماتقرا بي وتفكر وكل مرة تكلي
احجي لشيراز اني أعاند وموبايلها نقلت رقم
تينة منه وقفلت وضميته خفت تغافلني
بيوم السبت بعد هالاسبوع كولوله باقي وفي وما
أخون كولوله مشتاك اشوف عيونه.
مسج كتبته لابهر بعد ماخذني القلب لرقمه
شفت بالواتساب اخر ضهور منذ ستة ايام .
كتبته ورجعت حذفته الخوف ملازمني
والشوك طلع من عيني احبه والله احبه
بقيت ابجي أجت خالتي على شهكاتي
عبالها بية شي حضنتني باوعتلها بياس
احبه خاله احس كلبي يريد ؤطلع من ضلوعي
الليل كله اهذي بي ماجاي أكدر انساه
راح اتخبل ليش حرموني منه ليش ليش ؟!!
مرت ايام وليالي والدمع بعيني ساعات
اكول حوبة اهلي وساعات اكول لا نصيب
وقدر تخبلت رسمي .
رحيق : لارا كافي ياروح خالتج ترى لبية مكفيني
بالي يم خود ومشتاقتلها راح اموت من فراكي
عليها
لارا ذ:هنا تخبلت وكمت كلتلها خالة عليمن تنقهرين
خود مو بتج انتي مالج من شيراز غير بس لبطنج .
خالتي من سمعت جحظت عيونها شتحجين
لارا ؟!!
لارا :اي خالة انتي مو امها مو أمها كل كذب
وشيراز تزوجتي من اشهر بس هو مجنون
بيج وبعد الحادث اجتله فرصة .
رحيق من سمعت كلامها منه تعبانه وعلاجي
ماماخذته حسيت راسي بقى يضرب موجات
خدر تنميل شي ماينوصف مثل صعقة كهرباء
خفيفة توقف الدم لحضات بالمكان .
وهالايام اكلي قليل ماحسيت غير أفتريت
أريد اسيطر على روحي واعية بس شي
مدوخني لزمتني لارا وهي تصيح
خالة خالة شبيج ؟!!
يالله خالة عفية الله يكص لساني الفالت .
بهالاثناء دخلت تينة وصوتها يلعلع بالصالة تضحك
اي حبيبي نعيدهااااا ولو تدلل هههههه واهزلك
مصري هههههه بس لاتنسى موضوعنا سدت
من سمعت صوتها عفت خالتي طلعت اركض
تينة تينة خالتي خالتي احجي وارجف
تينة ركضت شبيها بس لا ولدت؟!!
دخلت وشهكت اااه عزا لج مخبلة بس لا كتلتيها
لارا : لا بس شوفيها .
تينة راحت للثلاجة طلعت مي بارد واجت صبت
على خالتي لفزت مخروعة ومنكعة .
واني كمت اصرخ عليها شبيج ؟!
تينة شبية غير اكعدها اسعافات اولية وكعدت
لج رحيق دادة انتي الحظ متبري منج زينة لاتخترعين كومي كومي للمستشفى .
رحيق احس بلعومي يابس لا ماريد مي
اشرب التعب وبوجه مصوفر.
كومتني تينة ومددتني على الجرباية تفرج ايدي
ولارا تعصر راسي كلبي يخفق .
تينة :اتوقع عندج خفقان .
رحيق لزمت كفوف لارا احجي لكلتي شنوو؟!!
تينة فلك فلكج حتى بعد كسرج لسانج طافر .
لارا خالة حجيت من الغيرة واعصابي تعبانة
لاتصدكين لكلته .
رحيق :زين انطيني الجهاز .
تينة عززا واني اكول ادك ليش مقفول جهازج
اثاري ام عطوب ضامته .
لارا خالة بتوسل .
رحيق بغضب انطيني لارا تعبانة خود بنتي
مشتاقتلها وكلبي نار عليها .
كافي لصار لاتخليني اخابر شيراز واحلها .
انطيتها التلفون .
رحيق دكيت على عشق
عشق الو رحيق شلونج شخبارج وينجن؟!!
رحيق رجعي عمو ديكول كل ماتضلين ويا
لارا يزيد اخباله رجعي وبلكت تلكين حل تخلصيها.
رحيق مارجع ولايفكر حتى هسه المهم خود
شلونها؟!!
عشق:تنقهر من تسمع تهديدات عمو بس اني اكولها
لان معصب يحبج .
رحيق :يمج اريدها؟!!
عشق:صبر اروح لغرفتها اذلوحدها اخليها تحاجيج
كمت للغرفة لكيت قزح تطلع منها ابتسمت
كالت
قزح :عينج على خود ارد اسبح .
عشق:تمام دخلت خوداية قفلت الباب ماما
تريدج كمزت من مكانها اليه تخابرها
خود :ماما حبيبتي مشتاقتلج ليش ماخذتيني
وياج ؟عفتيني هنا كل مخنوكة بلايج البيت
خنكة بابا رجعني للبيت ماخلاني يم بيبي
وكولش ضايجة ويصيح علية من ابجي عليج
ماما رجعي اريدج .
رحيق نزلن دموعي بكلامها عمري خوختي
اجي اخذج والله بس خلي نرتاح ماشي حبيبتي.
لاتبجين واكلي واني باسرع وقت اجي أخذج.
عشق رحيق لازم اسده لان اسمعةصوت باي.
رحيق باي.تينة الكي واحد يخطفلي خود
ويجيبها يمي .
تينة : عزززا بحلكج شيخطفها تخبلتي والله
شيراز يعلك مشنقة الي بساحة التحرير .
رحيق باعي ساعدتيني ساعدي ماتساعديني
اسويها لوحدي .
تينة تخبلتي ياخانم انتي مخبلة شتخطفين .
تردي يموتن .
رحيق :ماخاف منه .
تينة :لانج طاغية اني اموت خوف منه .
رحيق:عادي اني اخطفها .
لارا مصفنة خالة شاربة كبسلة شتخطفين
احنه بروحنا بالكوة عايشين .
رحيق :خلاص قررت صارلي فترة افكر
نجيبها يمن ونطلع جوزات ونسافر وهيج
لا نتي تنفضحين ولا اني ابتعد عن اطفالي .
تينة:هدوء ماتحبين شيراز ؟!!
رحيق: اووف تينة الحب شي وحب اطفالي
شي ثاني بعدين حبي اله مايغير بواقع
ان شيراز مغرور ومؤذي .
تينة: اني اكول انطمرن ونفكر بعدين .
أبهر :مر هالاسبوع وكل ليله افز اهذي باسمها
وكلبي حتى كلبي خيب ضني يشتاكلها
حبيتها حب يكاد يكون عشك من كثر
الجنون لبي ردت احتويها ونعيش بمملگة
ماليها عشك حنية كلشي ضاع بقى بس الغدر.
مر أسبوع ثاني خالتي تعبانة خاص من تخابر
خود وتبجي واني هلكانة حتى امي ماخابرتها
شكلها بتج الله طيح حظها بهالحزن فكرت
لصارلي لان اذيت امي وتخليت عنهم الله
عاقبني واخذ الانسان الاحبه مني مليت
ليل نهار افكر بابهر وادور بالصور الي صورناهن
بالحفلة الحنة راسي احس ينفجر كد مافكر
بي واشتاكله كل هذا ولا شي بيوم صادف
اربعاء بالليل فزيت تقريبا ب١٢ لكيت خالتي
وتينة كاعدات .
اسمع صوتهن يحجن خالتي بيومها
ماكلت شي ومقهورة حتى تغيرت حقها حامل
وتعتبر خود بنتها وشيراز اشتغلها ترهيب وتخويف
رسايل اخذه الطفل وهاي واقع مو شي صعب
علي .
رحيق اكلي شي ما توقعتج هيج هاي انتي
الطاغية والقوية .
رحيق التفيت عليها مو ضعف بس محتاجة صفنة على حظي محتاجة
ايد تكعدني لج تينة شنو الربط م حملت
هو ناقصني حمل
تينة: لاتكولين هيج حملج حلال وابنج ابن احسن ناس اكو ناس مالاكية بالعيادات يدورون
مابين انابيب ومابين علاجات وانتي الله رزقج
مو مثلج شاطرة بالدين واتفقه بس مو يكولون
ماكو طفل نحس كل طفل خير وياا
رحيق :عقلي راح يطك شيراز شراح يسوي
لو لاكني شراح يصير ياخذهم مني.
تينة :اوف لا انتي تحبي وهو يحبج حتى
لو يضوجج بس مراح يكسر كلبج على
اطفالج .
رحيق:اقري تهديدات بعدين يلكاني يلكاني
لازم نشرد تينة تعبت ماريد اوجه بعد .
لارا متت بقهري واني اسمع هموم خالتي
كان مكفيها مابقى هم ماصار وياها
واجيت اني زودتها يام نصحتني وماخذيت
وبالتالي حالي من حالها دمرتها
وابنها شنو ذنبه شكدر اسوي ياربي غمضت عيوني وسندت راسي للحايط ونزلن دموعي
اني شسويت بروحي شسويت لو ما مخلية
ابهر براسي ماصار لصار جان خالتي سعيدة
واني عايشة لو من البداية مدورة بشغل مستقلة
عنهم شسويت بيها وبروحي وصفينا اثنين
خربت سعادتها وخربوا سعادتي .
اخخ ياطمع كلبي ااخ ياجشع روحي لدمرني
هياتني خسرت كلشي وخسرت خالتي
بحالة انفعال رحت للغرفة قفلت الباب وسحبت تلفوني بين الارقام شفت رقمه كاتبه علي
وريد الروح .
دكيت علي مرة مرتين بين ماجاي يدك انفتح
الباب اجت تينة
ويامن تحجين ؟!!
لارا بدموع ويا ابهر يجي يسوي بلي يعجبه بس كافي خالتي تتعذب انفضح انشهر .
سحبت التلقون من ايدي وقفلت مخبلة انتي مخبلة انتي تعرفين منو ذولة والج لو يكتلج ويشمرج
محد يدري عنج يابطلة ياقوية كان لازم من اولها
تفكرين ماتتورطين وياهم ما برد كلبه منج قبل مايدمرج
بس كليلي يام كوشة والسعف والليف عليمن
مخبلة انتي شورطج بدروبهم .
واني كلتلج الكالج حل بس صبرن خالتج
تريد تشرد بنتها وانتي تردين تفضحين روحج .
لارا من التعب انهمكت وانهاريت كعدت بتعب
وغضب على الجرباية ومذبلة جسمي
وشهكت ودموعي نزلن غلطي ورزليني بس
لصار صار مراح يتغير .
تينة هي الرزايل لو تفيد جان رزلتج بس ارزلج
لان شكلج يستفزني مال اسحلج كلتلج
عوفي خالتج مايحبوج من شيراز كرهج
المفروض ماتضلين هناك رحتي عشكتي
ابن اخته .
لاتبجين انوب النيرة تطفر علية
لارا :مستمرة بالشهكات والبجي
تينة: اهووو كللتج كافي بعدين فترة تمر وحاولي تتواصلين ويااا خلي يببرد
كلبه واذ زارعة بج بي يسامحج يصدكج ويلكاج
حل .
والا انتي شكلج زراعه بس وايرات بصدره كشتج هاي سويلها تسريح تصخيم
لارا: شبيدج عفتي كلشي حلو بية ولزكتي على شعري
تينة :اندري شكلج مستفز مابين الصكوك والزنوج
بس يامفلوكة شلون صوبتي كلبه
بس لا اتخذتي سحر الانوثة .
لارا بدموع وخجل أبهر شي حلو بحياتي عيونه
نظراته كلشي بي ينكرط حبني وحبيته مشاعرنا
اختلطت صداقة حب خبال .
تينة المفروض اتاثر ام كوشة عندي خطة .
لارا وهي ؟!!
دزي مسج لسمر وكليلها راح اشوف ابهر
واكوله انتي سبب كلشي وخلي انفضح ماخاف
لارا :لا لا لا .
تينة سوي ماعليج انطيني الجهاز فتحي
فتحي .
لارا فتحت دورت لكيت الرقم مسميتها سم
وزحير ههنه شهالاسم .
دزيتلها مسج شافته وردت بضحكة عريضة
لا تفترين وانقلعي من حياتنا ياعارات
.
انتظري لباجر وشوفي الرد .
خالتي نامت ونمن منتظرة اشوف خطة تينة بخوف .
للصبح كعدت وشفت الموبايل اول مافتحت
دازين الفديوهات ومهددين اذسويت حركة
ينفضحن ذني ونقرا عليج الفاتحة كمزت
اركض وابجي لتينة ادور خالتي ماكو.
كعدت تينة مخروعة ام كفشة خرعتيني شكو .؟!
شوفتها .
تينة حلو سجلي الرقم سجلي .
حتى جهازج غلقي
بس دزيلي الرقم الي هددج ودزلج الفديوهات
لارا يغيروا ؟!؛
تينة ويغيروا انطيني اقلها اكو خيط
واذ فضحوني
تينة مايفضحوج ؟؟؟؟ مبينة واحد يمشيهم .
,دزيله تمام كلشي ماسوي
لارا :شراح سوين ؟!!
تينة :اسويلهم مساج مجاني ماعليج اذ هم
زلم يكدرون علية بعد ق** اني ينخاف مني.
خالتج وين ؟!!
لارا مادري بالحمام باوعت الساعة ب١١ الضهر
عززا خالتي وين راحت ؟!!
شوية وانفتح الباب طلعن اني وتينة دخلت
خالتي وياها خوود اثنين صحن عزززا بعينج
رحيق
