رواية ليتك قدري الأول الفصل الثاني والاربعون بقلم رفل الكناني
عندي الج مفاجأه
شنو
هسه تشوفين
فر السياره وطلع بتجاه غير عن بيتنه وره شويه وصلنا شركه مال سياحه كال هسه اجيج نزل وبقيت انتظره وأخر شي جنت افكر بالمفاجأة تكون سفره
لحد مصعد السياره وخله التذاكر بحضني
هاي شنو
فتحيهن وشوفي
فتحتهن وقريت تذكره سفرة الدبي
لابارق صدك تحجي
اي والله ليش لعد
ههههه لاالله عليك
هاي شبيج مو التذاكر كدامج
زين ليش دبي
لان اني رايح الها فدشي رهيب
كنت ممصدكه والطريق كله كل شويه اكله اخاف تتشاقه
انوب موعد الطياره 12بليل شراح الحك وصلنا البيت وبدلت واني افتر وحايره شآخذ وشبقي وهاي اول مره أسافر شبه مندهشه حضرنه نفسنه وساعه 11قفلنه البيت وطلعنا للمطار الجهال حتى النومه طارت من عينهم وبقينا بلانتظار ومن صعدنه الطياره هنا الكارثه خفت كلش وصوتها طرشني
سديت أذني وبارق يضحك عليه
شبيج حبيبي
بارق اخاف مصاعده طياره
هدي نفسج تره عادي خلي اشدلج الحزام
تقرب حيل وهوه يسويلي حزام الامان وضل يداهر بيه
اكولج على هذا القرب ماكو جرعه توصلنا دبي
عزززه بارق منا العالم وخر انت متشبع من الجرع
شعليله بالعالم تره ابوسج
هههههه دوخر هو حزام جلبت
حبيبتي غير قشمرتج وطارت الطياره
لاالله عليك صدك
اي والله
طلع ديلهيني حتى تروح الخوفه والطياره طايره صدك قشمرني كعدنه وشبك ايدي بيده حيل والجهال نامو خليت راسي عل كتفه صحيح اكو خوفه بسيطه بس شدت ايده عليه كل شويه تحسسني بلامان ورأسه الي كل شويه
يتخلى عل راسي خلاني انام براحه ومحسيت ال وهوه يهمسلي حبيبي اكعدي وصلنا المطار
الجهال كعدو من صوت الطياره من هبطت وبدينا ننزل
كعدنه بلمطار وهوه حار بلاجرات والجنط اكثر من ساعه ال كمل كلشي واخذنه تكسي لاقرب فندق عل مطار تقريبا صار الفجر حجزنه سويت كامل جان عباره عن غرفتين وحده كعده والثانيه نوم وحمامات نومنا الجهال بمكانهم وسبحنه واكيد بارق لازم يتوكح شويه وراها نمنه نومه من التعب لحد الساعه 2الظهر كعدت جهالي عل نفس النومه وبارق هم غاط كمت عل كيف من يمهم غلست وجهي ورحت فتحت الغرفه الثانيه فتحت البرده والشباك يطل عل حديقة الفندق والشارع المقابيلها فدشي رهيب المنظر يريح حتى النظر واني صافنه ومندمجه نحضنت من وراه ولحيته لامست ركبتي ومشت ليم أذني وطبعت بوسه خفيفه حتى جسمي قشعر همست ونفسه بذني: صباح الضهر
هههه صباح الظهر عل كولتك
شلونه المنظر
بارق فدشي رهيب
وبعدج مشايفه شي
صدك شكعدك هستوني عفتك بسابع نومه
انتي الوكسجين الاتنفسى طبيعي من تبتعدين ينكطع
واكعد
مممممم لهل درجه
واكثر
ندرت عليه خليت وجهه بيه اديله العب بلحيته عيونه ذبلن
شبيك راح تنام
تدرين شكو
امم
لمستج الي كهرباء وتسري بكل جسمي تصدكين من اتقرب منج ودكليلي ليش هل عنف من ابتعد اكول بعد احاول اكون هادئ بلمره الجايه بس ماكدر اصلن من اكون عنيف وياج حتى اسيطر عل نفسي وابقى اكثر وقت تدرين اذا صرت هادى يمكن دقائق ماطول لان فعلاء اني كدامج أضعف
هذا شنو غزل
تدرين اني ماعرف اتغزل هذا الكلام طالع من كلبي ومنتضر كلمه تطلع من كلبج حتى تكمل سعادتي وياج بس عل مهل واني خلكي طوووويل ومستعد انتظره من دكوليه بساعته اكون ملكت العالم كوله
قبل مااجاوب خله شفتي ب حلكه قبل حتى واعرف شنيه الكلمه المنتظرهه واحنه متحاضنين مشاني الأقرب كعده بدون ميهد شفايفي كعدني وصار شبهه فوكايه واديه تعصر بجسمي واحنا مندمجين صاحو الجهال ومدو رأسهم
دددددددي
بسرعه ابتعد واني عدلت نفسي ركضو الحضنه وكعدنه نبوس بيهم بعدين بارق شالهم وفتح البلكونه يشوفهم الحديقه واني رحت رتبت الغرفه وملابسنه علكتهن بلكنتور ومكملت
البارق صاحلي طلعت لكيته طالب اكل كعدنه ناكل والجهال روحهم صارت بلبلكونه ياكلون لكمه ويركضون عليهه وبارق يعلم بيهم
وليداتي ميصير الواحد يكوم من النعمه حرام اكلو واشبعو واني اطلعكم
بارق شفطنتهم عل بلكونه بعد ميعوفوهه
تعالو بابا المياكل ميروح وياي
ركضو بصفه وهوه يوكل بيهم بارق روحه بيهم يمكن لو ابوهم عايش موهلكد يحبهم ويهتم بيهم وإذا كبر و مستحيل يقتنعون هذا مو ابوهم هذا عمهم واني دافكر هيج وهوه واكف عل مغسله واباوع عليه شلون غسل اليوسف ونشف حلكه واديه وبعدين رجع عل نور يمكن بارق الله دزه الهم اكثر من مدزه إليه أخذت نفس وحمدت الله وشكرته عل هاي النعمه والراحه الاولادي بيه وكمت غسلت وبدت جولتنه بدلنا حتى نطلع لبست بنطرون وقميص لحد الركبه ورتب وجهي ودخل بارق شافني طنكر
هاي شلابسه
شبيهن والله مستورات
ممنوع
باررررق
ووجع ماكو طلعه بهاي الملابس
لعد شلبس تره احنا بدبي مو بغداد بعدين منو يباوع هنا
هو لان احنا بدبي ماريد هيج لبس
زين ليش
يعني اذا احد باوعلج تضمنين ابقى ساكت وماسوي هوسه
ووالله محد يباوع مدام امشي بصفك منو يتجرى يباوع
زين غير هذا القميص
وهذا شبي
لونه حلوه عليج ماريده
بارق يعني حتى زيتوني لونه موصارخ
بكيفج يا تنزعين لو ماكو روحه بغير ال جبه
اوووووووف شنو هاي
تره اتخبل من اوووف واوووي وهاي السوالف كدامي
امري لله رحت غيرت القميص بواحد اسود اصلن طلع احلى من ذاك عليه لان اني بيضه فبارق مكدر بعد يكلي غيري لان يعرف نفسه طوخها
بقى ساكت بس مبوز ويباوعلي من بعيد واني أحضر بملابسه طلعتله بنطرون صحراوي وقميص اسود طلعنا سيت واحد كل هذا وهوه ممقتع طلعنا اول يوم أسواق ومولات الأماكن والشوارع والنظافه شي فوك الخيال شي أعجز عن وصفه جنت بس اتفرج حتى بارق يكلي اشتري هل شي لو شوفي هل شي جنت فاصله وماريد اضيع اي منظر او اي شي يلفت
نضري وماباوعه
ازغر التفاصيل ركزت عليهن وبارق يعرفني كل مكان نفوت بي ويشرحلي عنه كولشي يعرف عن هاي الدوله طلع عايش بيهه 8اشهر لهذا جابنه الها يندلهه فرع فرع فرنه صرف صرف بخبال وكلشي بنفسي اشتره والجهال كلشي يأشرون عليه يجيه لحد ماتعبنه وعاشانه ورجعنه والتعب فول كبل نمنه
وثاني يوم جانت طلعتا مدينة الالعاب وأكثر من ستمتع نور ويوسف فقدو اكثر من 4 ساعات وهمه من لعبه لعبه شكد راد بارق اصعد لعبه كتله اخاف وهوه هم مصعد بس الجهال حارو شلعبو ومن التعب بعدنه بلالعاب ونامو
اليوم الثالث اخذنه البرج العرب مكان ولابلاحلاام وبعدهه الحديقه الدلافين يالله ونسه من العمر أماكن نسيت بيهه نفسي من جمالها ونسيت كل هم وكل لحضه نكد مرت بحياتي
الكامره ويانه وبارق يوثق كل لقطه اسبوع من اجمل أيام حياتي بالنهار نفتر وبليل نسهر الليل حكايه ثانيه شي خاص بارق ميمل نهائي نبقى للفجر مره نضحك مره نشاقه مره
ناكل مره نداهر مره نسبح تعلقنه حيل بعض ويوميه عل هل حاله لحد منتعب ونام والجهال يكعدون قبلنه ويهرجونه يردونه نكعد ميدرون احنا وجهه الصبح نايمين وبارق يقشمرهم يجيب واحد بحضنه واحد بحضني ويغطينه ويرجعهم ينامون من جديد
آخر يومين اخذني مكانين مانساهن طول حياتي اول واحد نادي سباحه نسائي وبي كادر مدربات الاستقبال وحده راحه نفسيا شكد جنت خايفه واني ماعرف اسبح وشفت المسبح ارتبكت مع العلم بارق جان الطريق كله يشجعني لبست مايو السباحه والنجادات والمدربه وياي خطوه بخطوه تعلمني بالبدايه شفت شي صعب بس بعدين بسرعه تعلمت وكمت ماريد اعوف المكان ولااريد الوقت يخلص الجهال بقو يم بارق ال أن كملت ورجعت وبارق يكولي هاء شنو رايج كتله شي ماكدر اوصفه والأكثر يكلي هذا لا شي كدام باجر خلاني متشوقه اكثر وعلى اعصابي كاعده
ثاني يوم أخذني لمركز تجميل ومساج هذا المكان اذا اكول عليه خمس نجوم قليل بحقه أول مدخلت بدي كير ومنكير بديه ورجليه واضافيري بعدين شعري صبغ وميش وتخصيل وقص وبعدين وجهي تنظيف وتقشير وحفافه وحواجب ثري دي فوك الشعر وبخار وقناع ووووووووهواي أشياء
مشايفتها ومن كملت اني نصدمت بنفسي وحده ثانيا وآخر شي دخلوني غرفه مال مساج رفضت لان استحي بس العامله الفلبينيه رفعتلي بيدها وصل دخول عرفت بارق كاصه اضطريت ادخل بالبدايه جنت مستحيه مع العلم الغرفه مغلقه وبس اني والعامله بس بعدين استرخيت وضحكتني الفلبينيه من شافت الآثار وبصمات بارق عل جسمي كالت
ماما البابا مال انت وكح وايد
هزيتله راسي وضحكت والله بارق ميكعد راحه خجلني جنت بين اديه براحه عجيبه وبدت بيه من كتفي ال أسفل قدمي أكثر من ساعه من كد الراحه والله نعست بهذا اليوم حسيت نفسي انسانه ثانيه صنعها بارق
اول شي غير نفسيتي وثاني شي غير نفسي واني داباوع
على روحي والبس حتى اطلع من المركز أدركت اني اليوم هبه ثانيا نولدت من جديد عل ايد بارق رجعت للبيت الجهال صافنين بوجهي متعجبين عل تغير شكلي وبارق يباوعلي بتوعد منتضر بس الجهال ينامون واني اعرفه فخذتهم نومتهم ورحت لبست سيت من الشتريتهم شكد جان فاضح وشكله اني استحي منه بس تجرأت ولبسته ردت راحته ودورتها مثل ماهو يدور راحتي حليت شعري المشسور وطلعت لكيته مادري شطالب شي اشبهه بلبوفيه كرزات عل حلويات عل مكسرات عل عصائر واكف والجكاره ب حلكه وديصب بلعصير بلكلاص ومن صرت كباله توقف وذب البيده ومابينه بس دخان الجكاره وعيونه ال مفتح وحده والثانيه عل نص من الدخان تالي ذبهه ونفخ دخانهه بوجهي لزمني من ايدي بعدني ليغاد منه وقربني عليه مرتين عاد هاي الحركه وبعدين فرني وهوه يباوعلي من فوك ليجوه سحبني كعدني بحضنه وقرب البوفيه كبالنه كام يشيل ويخلي بحلكي وياخذه من حلكي لحد مافقد وبحركه وحده شالني للغرفه واسيت مخلاني انزعه رعطه من النص صار نصين وهاي اول لبستي اله صار فوكايه وبكل جرى وبكل ماعنده من عنف تقربلي العجيب اني تعلمت عليه ورغم قسوته ماهتم بس بالبدايه اتالم صحيح بس بعدين عبالك اتبنج نسينه نفسنا ورحنا بغير عالم حراره أنفاسه ولحيته وشاربه القاسي من يتجولن عل جسمي اقفد واون وهوه يتخبل أصابعه من تنغمر بشعري وهوه حاضني رقم كل اللم بس ماحس نفسي من ابتعد من سنونه وهنه يكزكزن عل ركبتي ويصر يم اذنه ينهوس ويصيح اكطعي النفس ماريد اذيج اكثر كل هاي ومابقى غير ساعات وموعد طيارتنه حتى نرجع
بارق كافي مضل وكت
عوفيني اسكتي
بارق موعد الطياره وبعدنه ممحضرين نفسنه
عوفيهه تولي احجز عل بأجر
هههه لاحبيبي بداعتي
جان دافن راسه بركبتي وبغير عالم من كلت هيج بتعد نهائي وعينه بعيني وفاتح عيونه وتفاحت ادم تصعد وتنزل كال
شنو كلتي
شبيك خوفتني داكولك مضل وكت
لا لا لا وراه
شنو
مادري سمعت شي معقوله اني فاصل لهل حد وداتخيل
شسمعت
مادري عيدي كول كلمه كلتيها
خجلت حيل عرفت اني كتله حبيبي ومادري بنفسي وهاي اول مره باوعتله بمكر وهمست شنو سمعت حبيبي
يعني اني سمعت صحيح
هزيت راسي اي
اااااااااااااااااااخ الله اليوم شيخلصج مني انوب دكلي حبيبي لج اني حبيبج لعد انتي شنوووو اااااااااااااموت عل الله الخلفج
هههههههههههههه صوتك عزه الغرف والناس بصفنه هسه سمعوك
بنت ااااااااااااالكلب تره اصعد فوك الفندق واصيح حبتني
ووووخر وااااخر زعلت شنو هل غلط
لج هذا غزل من نوع آخر عمي اني كلب ابن كلب بس لاتزعلين وانطيني نفسج انتي وتحبيني
يااأ راح ترجع مره ثانيه
اي وهل مره تختلف هل مره وثنينه نحب بعض بس اسكتيلي ولاسمعيني صوتج حتى ارجعج للعراق صاحيه وبيج روح
هههههه عنيف ومنحرف
واني اموت عل انحراف وياج تعااااااي
صوتك تره الجهال والعالم
اششششش خلص اسكتي
وفعلا كان غير عن كل المرات كل لمسه وكل حركه خلتني ماندم ولاخلتني اكول اني استعجلت وحجيت هل كلمه بلعكس اتاكدت بارق يستاهلهة عل كميت الحب الشفتها
بهاي الليله من ارتاح وبتعد خلاني عل ايده
هبه
ممم
اني مداحلم مووو
ليش
ماعرف تدرين هاي كلمتج اليوم حيتني راح دكولين قابل جنت ميت اكولج لامو ميت بس جنت ممتوقع او مايس
منج وماعتقد راح دكوليها فد يوم
يعني لهل درجه اني بارده جنت وياك
مو بارده انتي ثلج متشوفين كتلج منتظر منج كلمه بس خلكي طويل واريدها على مهل فمن كلتيها متوقعته عبالي مسمعت زين او داتخيل
صد يت عليه واديه تجولت عل شاربه وشفايفه كتله
ليش مستخسر بنفسك اكو لك هاي الكلمه واني داشوف منك الي تستاهل عليه اكثر من هاي الكلمه بارق اني وياك شفت الي مشايفته ولا راح اشوفه بحياتي تدري شتمنى
اي
اتمنى أنت قدري الأول
همس بصوت مبحوب وكوه يحجي
اششش اني قدرج الأول ولاخير
اتمنى هيج
هبه
مممم
لو تبتعدين وترحمين روحج لو راح ارجعلج تره كوه لازم نفسي منج
لافدوه كوم والله مضل وكت ورانه سفر وتعب
يله كومي سبحيني
بارررق اكو لك هيج تكولي هيج
يله يله ميخالف هل مره اوف
تمام
راح يسبح واني لميت ملابسنه ورتبت الغرفه وحضرت ملابسه وهوه طلع بدل واني رحت سبحت وبعدين كعدت الجهال وحضرنا نفسنه على اخير ساعه اربعه موعد الطياره طلعنا من الفندق للمطار ورجعنا للعراق
شكد تونست وشكد ارتاحيت بس يبقى بلدي هوه الأصل
من وصلنا بغداد ال جريت النفس دخلنا للبيت الصبح بدلت للجهال وبارق اخذ السويج ونزل شويه واجه جايب الريوك سويت جاي وتريكنه بعدها غسلت للجهال واخذتهم لغرفتهم نومتهم ورجعت لميت الاكل وكملت رحت للغرفه لكيت بارق نايم طفيت الاضويه وممدت بصفه سحبني عل ايده ونمنه للمغرب ال كعدنه عل بجي الجهال ثنينه ركضنه لكيناهم مصخنين وصدرهم فد مره عرفت تغير عليهم الجو هناك بسرعه اخذناهم دكتور كال فلاونزه ونطاهم علاج وحرنه بيهم ويمكن بارق أكثر مني كل شويه يتلمسهم والعلاج مكابله وكاعد عل الوقت ينطيهم
ثاني يوم داوم وكل شويه مخابر شلونهم وشلون صارو يومين تبهذلنه وياهم الصاروا زينين وره اسبوع من رجعتنه واحنا نايمين بليل ويندك الباب والموبايل مال بارق بنفس الوقت بارق راح عل باب واني شفت المكالمه من خلدون باوعت الساعه 1ونص ياستار شكو
ا ستبطيت بارق كمت لبست دشداشتي وطلعت بالممر
وشفت بارق وخلدون واكفين رجعت لبست الشال وطلعت تمشيت الهم لان بارق مخنزر وجهه ميتفسر بعد شويه
يموت خلدون وعيونه تريد تطك من الغضب وخلدون مندك وهو يقسم عليه مخلاله كل هذا ماهمني بس عيوني راحت عل بنيه واكفه وره خلدون ومفرفحه بجي
شنو الصاير شبي خلدون ومنو هاي البنيه
