رواية دخيله الشيخ زين العابدين الفصل الثالث والاربعون بقلم أوتار حزينه
شيخ شعلان
كاعد بمجلسي ومحد يمي غير ابو هيله اهوجس
بالايام الجايه وشايل هم لولدنا لان
الجاي اصعب من الراح
ولازم احزمهم وادزهم مع زين وهاي ارواح اودام
صارت برگبتي وهالشي مو هين
سأل خير يبو زين اشوفك صافن وتهوجس بشي
ااي والله ياخويه دايخ
بهالولد الي تعلكت ارواحهم برگبتي شسووي يابو زين قابل نترك الارض و نخليها
هدد لازم هم يگضبوها حتى الكل ترجع للمنطقه
والاوادم ترتاح
مدري ياخوي الكاعد اسوي صح ولا غلط دخت ودوخني زماني شايل هم خاف باجر عگبه اسمع كلام من الگريب والغريب وتبدي الملامه منهم
سكتت وكملت بقهر
شور عليه ياابو هيله انت رجل دين وتعرف الصح من الغلط گلي وش اسوي هاي ارواح بشر وكلها تعلگت بهالركبه
ياخويه الي انوخذ بالقوة شلون يرد
هم بالقوة يبو هيله
الله سبحانه وتعالى يگول بسم الله الرحمن الرحيم
(( واعدو لهم ما استطعتم من قوة ومن رباط الخيل ترهبون به عدوالله وعدوكم وأخرين من دونهم لا تعلمونهم الله يعلمهم وما تنفقوا من شيء في سبيل الله يوف اليكم وانتم لاتظلمون ))
صدق الله العظيم
يارب منك القوه عدي هالايام على خير واحفظ ولدنا من كل شر
امين يابو زين
خلك وياي ياخويه لان الله وكيلك مخنوك وشايل هما جبير بگلبي وراسي واحس محد يفهمني غيرك
انا حدك يابو زين ماراح اعوفك ابد وين اروح انت اهلي وانت حزام ظهري وسندي من بعد الله
دحكت له كمل بهداوه
يبو زين انت ماااخليت شي ماسويتو حتى تتحرر ارضنا حتى ولدك الوحيد دزيتو لهناك وتصوب والاودام تعرف هالشي وخابره انت كاعد تضحي بكلشي حتى
يردون لأرضهم ولدارهم
اي يبو هيله والله ضحيت بالغالي والنفيس حتى بس تحرر الارض ويعكبون لديارهم وفدوه الفلوس لجن زين اذا صار به شي اموت وراه ومااظل طيب
اسم الله عليك وعليه الله الحافظ وهو خير الحافظين لاتحجي هيج ياخويه ولا تهوجس بالشر الله يحب العبد يتفائل به ويستبشر
بالخير
والله استبشر واودعو بأيدو وادعيلو صبح ومسيه لجن انا اب يابو هيله وهذا
وحيدي والشيخ من بعدي
اي اعرف وحقك ياخويه لجن وش بأيدك تسوي تخلي يمك ماراح تخلص
من كلام الاوادم
لاا يبو هيله مااخليه مو انا الي اسوي هيج هو غالي عليه وهم ولدنا غاليين عليه
جثير حالو من حالهم وادعي من الله يجعل يومي
قبل يومو
لاتحجي هيج يااخويه وتوجعلي گلبي
كلنا راح نموت ماايدوم غير وجهه الكريم
عمرك طويل ياشيخ وان شاء الله تظل خيمه علينا وعلى اهلك وناسك
🌿🌿🌿🌿🌿
هيله
كعدت يم زين على الجربايه مبتسم ويدحك لي بنظرات خلت گلبي يدك بسرعه
نزلت راسي مد ايدو جر الكصيبه فلها وكال
تعبني هالشعر
ابتسمت ورديت
عش تعبك هو شعر مابه شي يغري
افا من مايغري هذا
خذ خصله شمها بنفس طويل وكال
تسلسل على جتفي وعطب لي افادي
ههه بله صدك
گرب مني كلش جرني علي تكابلت انا ويا عيوني بعيونو الوجه يضحك والعيون تلمع رد
يولي هذا
نثرو على وجهي ووجهو وكمل بصوت متغير
هذا لعب بحاالي لعب جن ساري بنص الليل وعيونج نجوم هي والشفه والشامه
عضيت شفتي ونزلت راسي تگرب بعد اكثر رفع حنجي دحكت له كال مخنوك
ماشفتج ابدا بعيوني لجن شفتج بروحي والشافج بروحو بعد شيسوي بعينو
دنك وحبني من شفتي بقوه لمني لحظنه وتنهدت وخر مني عيوني بعيونو وكلت
ذاب گلبي وتغلل في
غلاك يازين
وذبت في كل تفاصيلك
گلي وش اسوي
انا مع هالاحساس
لمني لحظنه وشفت اللهفه الي خلتني اضيع في
تفاصيلو مشتاك لي وانا هم جنا اثنين لجن الروح وحده
غفيت بحظنو كاضبه ايدو بقوه مااريد اهدها مااريد افوت اي ثانيه من عمري ويا ردت اعيشها معه بحلوها واسمع نفس صدرو گريب من نفس صدري
🌿🌿🌿🌿🌿
ليان
مالك راد نطلع نتعشه بره ونتاخر بالسهر
خليت توته يم نوار وامي بدلت هو يمي كملت
باوع عليه من فوك ليجوه سألته مبتسمه
حلوه مو
اي حلوه بزياده
رفعت حواجبي قرب مني اخذ كلينس من الميز ومسح شفتي رجعت ليوره وكلت بضوجه
هااي شنو مالك شكاعد تسوي
الازبري والاحمر ممنوع يتعبن گلبي ويخليني اظل بس ادحك الهن
اهووو خربطت كلشي
ااش ولج عش هيج محمره وجاره الكحل شعدنا عيني طالعين حفله لو عرس
طالعه وياك مالك وفرحانه شتريد اطلع بخلقه البيت وهوسه شعري
ااي اطلعي هيج انا راضي وهالحجاب النص شبر ما اريدج بعد تلبسيه
بعد ماالك
صاحت بيه بنتره خليت ايدي وره ظهري ورديت بهدوء
ليان لاتصيحين
دارت وجهها مني وردت بزعل
مااريد ااطلع
الله ما طولج يااروح زعلتي لان اغار عليج
موو غيره هااي مالك هذا يسموه تحكم
لااا مو تحكم وعوفي سوالف البنات الي كاعده
تصير بحجه التطور والتقدم ومااعرف هالخرابيط الكمنا نسمعها بهالوكت الحجاب مو هيج مو نصو لرب العالمين والباقي لعيون الناس الحجاب تغطين شعرج گلو هو وركبتج هاي
الجنها مرمر وماتخلين مكياج يجذب عيونهم لج ويخليهم گوه مروة يدحكون عليج
خلصت مالك
لااااا ليان مااخلصت وبطلي تحجين معي بهيج لغه
ااطلع اريد ابدل
مااطلع ،،، وماتبدلين كتلج اريد اسهر وياج عش سويتلج زعله كل هذا لان غيرتي عليج ماتخليني اقبل تطلعين بهالشكل
ليان
كعدت دايره روحي منه اجه كعد اگبالي درت وجهي منه لزم ايدي وكمل
ليان افهمي اني اغار عليج يولي احبج احبج والله احبج واغار من العيون عليج
باوعت اله تقرب مني لزم خصري بايده الاثنين كمل بهداوه
مااريد ازعلج مني لان زعلج يتعب گلبي وبنفس الوگت مااريد اضغط عليج جثير اريدج انتي تعرفين انا وش
احس به وتعرفين طبعي وشلون اني اريدج تلبسين
عادي اسوي الي تريده بس هم انت بدل هالطقم الاسود لان طالع بي حلو كلش وراح تخلي البنات يباوعن عليك
اابشري والله الا اذبو
كام بسرعه فتح القميص كمت لزمت ايده مذهوله من تصرفه وبنفس الوقت ابتسمت ضحك وكال
اابدل والله واذا تريدين البس شال هم البس
هههه لاا ماريد ههه ااخ بطني تخيلتك لابس شال وانت شلونك
هاا ولج قبل شويه ادكولين حلو والبنات راح يدحكن عليه باعجاب
دكمت اله الدكم ورديت
ااي حلو وعندك جاذبيه قاتله واغار عليك مثل
ماتغار عليه
مالك
سمعت كلامها الحلو ابتسمت وجريتها لحظني
رفعت جتفها وكالت
رضيني
اابشري
دنكت بسرعه وبستها من الشفه وخرت منها اتنفس بقوه وهايم بيها ابتسمت لي وكالت
لان احبك هوايه راح اسوي الي تريده
لميتها لحظني ورديت
حبيني ليونه وانا راح احبج الضعف تحبيني الف احبج مليون
هههه غلبتني ياابن ربيعه
لزمت خدها وبستو وكلت
ابن ذيبه يولي حنا كلنا ولد ذيبه جدتي الجبيره وجده الكل
ههه بيبي اسمها الهام
ابتسمت وسألت
ام ابوج
اي وام ماما اسمها فائزه
الله يرحمهن برحمته
امين
ردت وراحت طلعت شال من الكنتور كالت
مالك راح البسه هيج الما اتعلم علي شويه شويه
اي عادي بس ضمي السبرنكات لاتخلين احد
يشوفهن
اوف منك ومن غيرتك
مو ااجيج يولي اتعشه بيج واحلي
سكتت مبتسمه رتبت روحها ادحك لها بدون
مكياج حلوه وين اضمها ياربي تعبتني وتعبت گلبي
بجمالها
يله خلي نروح
اامشي
طلعنا اني وياها لمطعم واختارينا رگن هادئ كعدنا نحجي ونضحك اني وياها
هاج ضوكي هاي المقبلات طيبه كلش
اكلت من ايدي وكالت
امم طيبه كلش وحامضه
اي تفك الراس
تاكل بنزاكه وكل ساع
تعدل بالشال ابتسمت لان ماتعرف شلون تلبسه
دحكت عليه سألت مبتسمه
ليش تباوع عليه ومبتسم
فرحان بيج ليونه
الوجه تغير وصفنت عليه سألت
مرتاحه وياي
كلش مالك مرتاحه وسعيده وياك فوك ما تتصور
رجعت ليوره مرتاح وفرحان بيها كلش كملت
وبتوته هم
ههه الوكحه مالتنا مكانها فارغ
اي والله تعرف احس مضيعه شي من مااجتي
ويانا
تحبيها ليونه
دحكت عليه وردت
اي مالك احبها واموت عليها
واني ولج
ههه انت هم احبك واموت عليك
عفيه استري على روحج وحبيني اني اكثر واحد
هههه اووي شكد صاير نحس وتغار
ضحكت واشرت الها تاكل
من نطلع اريد حلويات ونساتل لان مخلصين
كلشي
والله انتي وبنتج ماجاي تخلون جكليته بالبيت
مفجوعات على الحلاه مدري شبيجن
ههههه غير حلوات ونريد نصير بعد احلى
ضحكت ورديت
هيج زايد عليه راح يصعد سكري
اسم الله عليك من المرض مااتحمل اي شي يصير بيك
يولي بهيده وياي الكلام الحلو خليه من نرد لبيتنا هناك غردي وخليني احمى
ااش ااسكت
محد اكو بس اني وياج
بهالجناح وذاك رجال جبير كاعد يترومنس وي حرمتو
ههه تصور اني وياك نوصل لهالعمر وهم نكعدهالكعده ويجون مثلنا ويقلدون علينا
ههه ربج يردها موو
نعم
ليان
الجو جان يخبل بيني وبين مالك رغم العركه الصارت بينا قبل لانطلع احلى شي بينا هو اني ويا مايطول زعلنا ونرضى بسرعه كملت قبله كلت اله
رايحه للحمام
روحي
مشيت اعدل بالشال لان ثولني وضوجني كلش ناعم ومايوكف على الشعر طبيت غسلت ورتبت روحي طلعت اباوع اله من بعيد نادل يمه يرتب بالميز ويحجي ويا هو مرتجي ليوره والجگاره بايده
منظره خلاني ابتسم شكله مميز ويجذب النظر بنيه فاتت من يمي وطختني
بجتفي كالت
ااسفه مااانتبهت الج
عادي حبي ماصار شي
ااكرر اسفي
جانت بنيه بكدي شعرها اصفر مصبوغ وعيونها زرك مبينه عدسات مشت من يمي باوعت الها راحت لميز مسافه عنا كعدت يمه
رحت ليم مالك كام وكال
اروح اغسل واجيج طلبت الج كهوه واني جاي
اي لاتتاخر اضوج وحدي
هساع طلقه واجيج
حجه مبتسم وراح
طلعت جهازي طگيت صور اليه مبتسمه حتى ادزهن لنوار اني ملتهيه بجهازي سمعت صوت
ااي كتلج طالع بشغله وي ولد صاحبي لاتلحين لارااا
درت وجهي بسرعه شفت ايهم رايح للميز الكاعده يمه البنيه الي طختني قبل شويه كعد ابتسمت اله ومبين عليها فرحانه بي كلش هو هم ابتسم مدت
ايدها اله ولزمها
عيوني جمدت عليهم هذا هو وجاي يخون لارا وي وحده ثانيه
الولد اجه جايب الجاي والكهوه توترت وخفت كلش من مالك لا واحد يشوف اللخ وتصير مشكله بينهم ماكدرت اباوع عليهم خاف يشوفني ويتصرف
تصرف يخلي مالك يتخبل عليه ويسوي شي جبير
شفت مالك اجه فزيت بمكاني عيوني علي وتروح لذاك ماانتبه اله ولا هو انتبه عليه كعد وكال
برد الجاي مو
مالك خلي نطلع منا
صفن عليه وعكد حواجبه كمت كال
وين ليان
كوم مالك خلي نطلع
مااعرف شلون عرف دار وجهه على المكان وشاف
ايهم كال بروده
اكعدي يولي
ماالك
ليان ااكعدي
رد بهدوء قاتل كعدت كمل وعيونه علي
اشربي الكهوه مالتج
سمعت صوت البنيه
ايهم شبيك
خلي نطلع اامشي
ماباوعت عليهم ولا درت روحي عيوني على مالك ساند روحه على الكرسي ويباوع بخزره عليهم
شرب شويه جاي كام واشر
يله هساع كومي
ماافتهمت ليش هيج سوه طلعت ويا مخنوكه وضايجه من الصار ،،، صعدت يمه
ماحرك صفن على الشارع ماكدرت احجي شي خفت من ردة فعله لان شفت وجهه مطعون والدمارات كمزت بگصته باوع عليه وهو عاكد الحواجب ماحجه
شي
حرك وطلع طول الطريق ساكت ماحجه كلمه ردت احجي اكثر من مره واتراجع وصلنا لبيتنا ساكتين نزلت قبله فتحت الباب وطبيت لجوه ذبيت الجنطه والشال على القنفه بالصاله اجه وكف وباوع
عليه بنظرات تخوف كلت
ماالك اا
قاطعني وكال
الى متى ليان تظلين مسويه اله حساب وتخافين منه
ااني مو خايفه منه ولا مسويتله حساب خفت عليك تظلون بنفس المكان خاف لايصير شي بينكم
لاااااتجذبين لياان
فزيت من صاح بيه بغضب كمل وهو يأشر بأيده عليه
لااتجذبين يووولي اعرف كلش زين انتي تخربط وضعج من شفتيه لهذا العار
مالك لااتصيح وافهم اني اضوج اتواجد ويا بنفس المكان اختنك بس اشوفه
واكره روحي لان ح
سكتت وبلعتها من تقدم عليه وكف ورد
اي كوليها حبيته ماراح اخلص من هاي السالفه ليان كلما تشوفي راح تسوين هيج وتذكرين الماضي العشتي ويا
اانت شبيك جااي اكلك ااني ماطيق اشوف خلقته مااريد اظل ويا بنفس المكان اذاني هو وااختي شلون تريد اااتحمل وجودي ويا بنفس المكان
جم مرة كتلج دوسي عليه هذا واحد عاار لاتخليه يقهرج لاتخليه يدوس عليج
ووج جم مررره حجيت
وكلت يبنت الناس غلط بحقج عش تسويلو حساب وتمشين منزله راسج من يموو
مااالك اافهمني االله يخليك
دفر الطبله،،،،،، بغضب وضربها جلاق
رجعت ليوره خايفه من ردة فعله تقدم الغضب تارس ملامحه صاح بيه
شاافهم ليان هذا الشي شفته منج اكثر من مره
والكاعد اشوفو يكلي انتي موو ناسيته وهو بعده بگلبج
فكيت عيوني وهزيت راسي بلااا رديت بدموع
لااتحجي هيج مالك محد بگلبي غيرك
دار روحه مني اسمعه يتنفس بقوه كملت بشهكه
مالك والله مو هيج ااني اختنك من اشوفه اتذكر السواه بيه هو ولارا والله
عرفت بروحي ماحبيته
بالقران وغلاتك انت بگلبي مااحبيت غيرك انت
انهاريت بالبجي درت روحي ورحت للغرفه كعدت هناك ابجي واشهك سمعت باب المطبخ انضرب بقوه
🌿🌿🌿🌿🌿🌿
هيله
جان يوم جمعه والبنات يمنا يجن يوم الخميس يباتن وزلمهن يجون الجمعه ويتعشون
يمنا زين راد سمج على العشه وويا تمن احمر
طبخنا التمن وجابو مشوي من السوك تعشينا
اسمعو يحجي ويضحك مع الولد ماجنت اشتهي اكل لان نفسي كامت تگلب
كمت من يمهم جده سألت
وين يمه مااكلتي شي
مااشتهي ياجده
هم نفسج كامت تلعب
اي
رديت على الهنوف
امنه كالت بضوجه
عفيه نفس بس تلعب تره كلنا حبلنا ماسوينا مثلج
رهيفه كملت بنغزه
جاي تتدلل جثير براس
امي وزين
تتدلل علينا مو عليجن يبنات شعلان
جده ردتهن وامهن دحكت لهن بس ماتكلمت اي شي سريت من يمهن غسلت وعكبت للمطبخ خدرت جاي وحضرت الاستكاين
بنت امنه ريناس اجتي شايله ماعونها وكالت
عمه اريد بعد تمن
ادللي من عيوني هساع اصبو الج
صبيت لها ماعون زين ولد الهنوف طب من باب المطبخ الخارجي وكال
ام شعلان اريد مي
هههه ذاك بالصينيه اخذو
اخذو وكف حدي وكال مبتسم
ماتريدين ادزين سلام لخالي
روح ولك
هههه
طلع يضحك ابتسمت ولهيت روحي بالمواعين
عمه دشت شافتني كالت
هاي شكاعد تسوين
مااسوي شي ياعمه اخفف من السنك
عوفي وامشي اكعدي واستري عليه
مابي شي والله خل اشتغل واحرك روحي
گضبت ايدي واخذت الاسفنجه وكالت
اسري منا واسمعي الجلمه
عفت الجلف ورحت طفيت الجاي وكفت اصب جاي هاجر دشت شايله صينيه كالت
السمج يخبل اكلت الما ردت اكع ليوره
بالعافيه حبي
الله يعافيج ماكلتي شي يولي
اكل فواكهه ماريد اثكل معدتي مو تمام
ههه هذا ابن زين غير لاعب بيج طوبه
ابتسمت امها اشرت لها
صيحي عبدالله خل ياخذ الجاي لجوه
اي هساع بس اروح اغسل واجي
وره دقائق المطبخ صار هوسه من وره المواعين
عمه خلت امنه ورهيفه يجلفن والهنوف وهاجر استلمن االتفريغ
رحت للصاله رتبتها وودرت التلفزيون على الكارتون
لريناس ومريم بنت رهيفه
نظفت المچان وجده كاعد ادحك عليه رحت ليمها عدلت الكوشات وسألت
محتاجه شي ياجده
لا يمه مو محتاجه شي وبسج عاد تفترين اركدي خل الولد يركد ومايصير
به شي
ههه شمدريج ولد ياجده
ابتسمت وردت
ولد يبنت المله وكولي جدتي كالت وصدگت
عمه دشت سمعت كلامها رفعت ايدها للسما ودعت
يالله ياعمه ويسمع كلامج نذر عليه اذا اجاه الزين ولد الا اسوي له مولود جبير واعزم امه محمد له
راح توفين بنذرج يافضه لان هيله بها ولد
الله يسمع من حلگج يارب
يمه وينج
هاجر صاحتها سرت من يمنا وعگبت للمطبخ
عمتج متعدل حالها معج
دحكت لها من حجت هيج مبتسمه رديت
اي ياجده تغيرت من سمعت بيه حامل
ااي الله يهديها ويثبت عقلها براسها
ابتسمت باب المجلس انفتح طلع عبد الله بصينيه الجاي زين صار جدامي ابتسمت له من دحك لي ابتسم واحد صار جدامو
دار روحو عكدت حواجبي من شفتو حمد
درت روحي وسريت من جدامو رحت للغرفه الجوه من اريد ارتاح استعملها دشيت ضايجه منو تعجبت وكلت
هذا وش جابو وشعجب لفه وي جيه زين خابرتو مايلفي من هو يعكب
ذبيت حسره درت وجهي على الباب هوجست بالشر من اول مره تكلم معي وبين وش بگلبو تجاهي
لجن جنت اكول ماا يستجري يسوي شي هذا واحد جبان وبس لسان وانا اعرف اردو واوكفو عند حدو واذا تجاوز بعد وشفت منو شي مو زين اكول لجده وهي تصرف معه
اخذت هدوم ورحت غسلت طلعت وره مشوار كعدت انشف بشعري جهازي دك
رحت اخذتو من الشحن
جان زين فتحت الخط كال
هاي وينج
ليش يالغلا
ادور عليج يبعد حي وميتي
بالغرفه الجوه ليش انت وين
صعدت فوك ادور عليج
ههه انا جوة غسلت وكاعده انشف بشعري
عجل نازل خله مفتوح
وش هو الباب
مطفيه يا باب شعرج
ههه عفتو وش تريد تسوي به
الباب انفتح دش يضحك فكيت عيوني وابتسمت سد الخط گرب مني كعد گبالي سألت
شنو راحو خطارنا
ااي نعسو من وره التخمه وكل واحد راح لدارو
هاا الله وياهم
يدحك لي وصافن ابتسمت
وسألت
وش بك يبن الشيخ صافن وتعد النمش بوجهي
ههه عديتهن وخلصت من زمان
گرب مني وكمل
واحلاهن هي هاي
حبني من الشامه وگرب من الشفه تنهدت بحظنه وخر گاضبني من خصري كمل
بصوت متغير
ريحتج هيل ومسج وعنبر
ههه انا هيله
زين العابدين
ابتسمت من ردت هالرد وكلت
اي انتي هيله وربج زرعها بنص روحي وسگاها من مي العين
تسلم عيونك الحلوه يالغلا
ليش مااتعشيتي
من كلك
امي ههه صايره تخاف عليج واحسها تبدلت
امك طيبه يازين والجانت تسوي بيه غيره عليك
رفعت حواجبي ورديت بنغزه
هاا يعني امي جانت مو زينه معج وانتي ماتحجين
يازين عوفك من سوالف الحريم وخلي راسك بارد منها
سكتت وظليت ادحك لها تمشط بشعرها كلت
خل انا امشطو الج
يله تعال بس لادكول تعبني واذه ايدي
اي مو انتي ماخذه واحد خيخه من ولد هالوكت
ههههه لا والله انا ماخذه شيخ سبع وگوي
اندارت عليه صفنت على شعرها هايم به واحبو كلش من اول مره شفتو به وهو ظل بالي بستها منو وشميتو بنفس طويل
مالت عليه سندت ظهرها على صدري كلت
بختي جبير يم ربي وصرتي لي ياهيله
اندارت عليه مبتسمه حظنت صدري وردت
انت مدري شنو بينك وبين الله كلما تدعي عليه
ينطيك ربك مرادك
اخذتها لحظني كملت وهي صافنه بعيوني
بخت شيخ لو اكو شي انا مااعرفه
بخت واحد يحب من صدك وگلبو صافي من يم الي يحبها
ابتسمت حبيت شفتها نسيت روحي معها غفيت وره مشوار كعدت وره مدري شكد هي ماكو يمي دحكت للحمام بابه مسدود
كمت رحت له دكيت الباب وكلت
هيله بج شي
ماردت دكيتو مرة اللخ وسألت
يولي بج شي افتحي الباب
انفتح وره لحظه گضبتها من مالت عليه تكلمت بسرعه
وش بلاج
مابي شي بس وديني للفراش
اخذتها له كعدت وجهها اصفر وجن ذابه من راسها
شبيج هيله
اابنك لاعب بيه طوبه بس لا هم يطلع مثلك وكح
ابتسمت من ردت هالرد كعدت حدها گضبت ايدها ثلج كلت
تمددي خلي المج بحظني حتى تدفين
تسوي فضل والله
تمددت گربت منها شلت راسها وخليتو على ايدي سندتو على صدري كلت
ارتاحي وبس يجي ويشرف هالافندي الا املص اذانو وادبو لان تعبج جثير
تعبو راحه خل بس يجي ويفرح گلبي
وگلبي معج انا وهلي
هزت راسها بأي گضبت حجابي سألت
ابد مانزعتو موو
ابد كتلج راح يظل بركبتي طول العمر ووعدتج
حبتني منو ومن جرح صدري تنهدت وكلت
يولي اكعدي راحه مو فاين حظج
وخرت مني دحكت لي ابتسمت حبيتها من خشمها وكلت
نار انا يولي بس اطخيني اورث واشتعل
كربت لحظني بعد اكثر وردت
خل ادفى وبعدين نتفاهم
ههه ادفي يابه هي نار ومشتعله عش تروح بلاش دفي روحج بيه
نام يازين
ههه امرج شيخه گلبي
سكتت وره لحظه كالت
احبك جثير واموت عليك
غمضت مرتاح وماتعرف هالجلمه وش تسوي بي رديت
محلا المحبه لا جت من اللي تحبه
غفت بحظني شعرها محدر على جتفها وعلى وجهها والفراش اخذت جم خصله وخليتها عليه احب طرفو واشمو گلبي تولع بها جثير وغلاها زاد بعد اكثر من
صارت حامل بولدي
🌿🌿🌿🌿🌿
شهم
سمعت من الاودام ربيعه تحررت من داعش وما اعرف هالاسم ليش سوه لي هاجس وخلاني افكر بي
كاعد يم البسطيه مالتي احجي مع عم فاروق الي ساعدني من اشتريت البسطيه من ابن اخوه
الحمدلله من تحررت ربيعه حتى خطيه هالناس ترجع لارضهم وبيوتهم
اي والله ياعم لان خطيه تبهذلت العالم جثير من وره النزوح
ااي والله
رد عليه وراح يبيع لحرمه جهازي دك جانت ريتاج فتحت الخط رديت
هلا بالغاليه
هلا حبي اشتاكيتلك
ابتسمت ورديت
وانا هم اشتاكيت لج
ههه اني اكثر
ههه بكيفج
اكلك حب
كولي
اريد جبن مالح للعشه ماراح اسوي شي
ادللي وبعد شتريدين
فواكه مشتهيه بطيخ
من عيوني اجيبو الج
تسلم عيون الغالي ابو احمد
ابتسمت ورديت
وعيونج يابه
ماتتاخر موو
لا اعزل بالتسعه واعگب
تمام اروح اني بوساتي الك
دخلن گلبي
ضحكت وكالت
مع السلامه
الله وياج
سديت الخط كمت ابيع لزلم اجوي يشترون مني كملت وياهم ورجعت كعدت حرمه وبنت صغيره معها اشترت مني شالت العلاليك وكالت للبنت
يله هاله امشي
غمضت عيوني بقوه من اجه نفس الضوه براسي خيال السمره لفه بين
عيوني كلت
هي اسمها هاله بس من هي وشصير مني وليش خيالها ظل بين عيوني
كعدت وكلت
خاف مزوج وهاي حرمتي
فكيت عيوني من هوجست بهالشي
ثائر شبيك
انتبهت لعم فاروق يمي وصافن عليه رديت كوه
ها عم مابي شي
اشر لي للناس واكفين يريدون يشترون مني كمت بسرعه والتهيت بالشغل
عگبت ساعه تسعه شايل المسواك وافكر بهالاسم وخيال البنيه الي ظل يروح ويجي براسي
🌿🌿🌿🌿🌿🌿
هاجر
الهنوف خابرتني وكالت تعالي يمي لان عدها عزومه عبدالعزيز عازم ربعو على
الغده ورادتني وياها
فضينا الغده وطلعو من عدنا العصر بس صعب ظل لان جان عندو مع عبدالعزيز
حسابات
انا بالمطبخ كلت
اذا ماعندج شي راح اعگب لدار اهلي
عش رايحه ماتظلين يولي جم يوم يمي
لاا مااكدر غير مرة ان شاء الله
دحكت عليه بزعل وردت
براحتج بس ياريت تظلين
ههه اجيج نهايه الاسبوع بس لاتزعلين
هلا بيج باي وگت تجين بي
تسلمين حب
كملت
بردت كلش يااااهنوف ومطرت
اي اجانا الشتا
اي عبالك تبرد هينه من وكت
اي شمال بعد شلون ماتبرد عدهم من وكت يبو شلون نسيت جيبي الهدوم من الممر نسيت اشيلهن
ادللي هساع اجيبهن لج
ردت اطلع زلمتها دش عليها سمعتها كالت
كمل شغل وي صعب واخذ هاجر لدار اهلي
ياا ليش مااتظل
عفتهم يحجون طلعت من المطبخ سريت للممر الصاير بصف الدار شلتهن عگبت بالنهايه
صار بوجهي صعب شهكت بصوت ،،،،
هو فز وعگب ليوره رجليه
انلوت ووكع بساجيه مال الحديقه
الله الله
صحت بخوف لان وكع وكعه قويه فز وكام حاله حال متنكع مي مال الساجيه وصاح
ااخ خرب بالحظ
وكف رافع تك رجل دحك لي وكال بغضب
منين اجيتي اانتي
ااسفه والله مااشفتك
رديت علي وسريت بسرعه دشيت للمطبخ الهنوف
شافت وضعي سألت
خير يولي شبيج
اشرت لبره وكلت
هذا صعب صار بوجهي ووكع بالحديقه وتاذت رجلو
ياا عزه اذا صدك
سرت من يمي بسرعه وراحت للمجلس وره ثواني سمعت صوت زلمتهايحجي
الله يابه هاي شجاك وشلون وكعت
مابي شي ابو زين
ولك شنو مابك شي وانت تعرج امشي خل اشوفها خاف انكسرت
لا التوت مابها كسر
عبد العزيز اخذو لعم حميد هو يعرف اذا به كسر او التوت رجليه
اي هو هم هيج بس شوفي اختج مو تريد ترد لدار اهلج حتى اخذها ويانا
رجعت ليوره من سمعت خطوات اختي دشت وكالت
يله يااهاجر اسري مع عبد العزيز حتى يوصلج لاهلي
هااا
يولي شبيج صفنتي مو تريدين تعگبين
اي هساع
رديت ورحت لبست البشت تنگبت بالنگاب وطلعت جانو ماكو حبيت اختي كالت
راحو قبلج للسياره سلامي للكل
يوصل
سريت بتردد وخجلانه من الولد لان وكع من ورايه جان كاعد يم عبد العزيز وملتهين بالسوالف صعدت ليوره
يالله
زلمه اختي حرك وطلعنا لدارنا اسمع كلامهم وكلو عن الشغل دحكت من الجامه على الشوراع الدنيا تمطر مطر خفيف
عيوني راحت للجامه من جهه صعب انتبهت علي يدحك عليه سحبت روحي
بسرعه وبعد ماگربت منها
وصلنا وره مشوار نزلت قبلهم وكلت بخجل
مشكور ابو زين
ادللي بعد اخوج
دشيت لدار اهلي وكفت باب المطبخ ادحك له اخذو للمجلس نزلو يسند عليه
ويعرج
هااجر
فزيت وصحت يمممه
وصمه وحمه شبيج ولج فزيتي وفززتني وياج
امي ردت وكامت تنفخ بهدومها
اوي يمه وكعتي گلبي
شعندج واكفه باب المطبخ صاير شي
لا شيريد يصير يعني
رديت مرتبكه وسريت من يمها كالت
اختج وولدها شلونهم
بخير يمه ويسلمون عليج جثير
الله يسلمها من وصلج
عبدالعزيز
اي يمه
رحت للدرج صعدت لغرفتي فشلانه وخجلانه من الولد لان وكع وتاذه من ورايه
🌿🌿🌿🌿🌿🌿
ليان
مالك زعل عليه وگطع الكلام وياي من وره الصار
بالمطعم اني هم ماحجيت ويا ولا كلمه لان قهرني كلش من فكر وظن بيه اني
بعدني احب ايهم ومو ناسيته
وحدي بالبيت توته ناامت وهو تاخر كلش بره كمت رحت شفتها نايمه وغافيه
رجعت متوترة وخايفه علي
لان مو من طبعه يتاخر لهيج وكت
رحت لجهازي اخذته من الطبله ردت اخابره بس ما كدرت لان زعلانه عليه كلت خلي اخابر وسيم دكيت عليه
رد
هلا ليونه
هلا وسيم اكلك مالك وينه تعرف وين راح
لا والله هو طلع من المكتب ساعه عشره وكال عنده شغل ليش شنو هو لحد هسه مارجع
اي مارجع وتاخر كلش
رديت بقلق وخوف رد
لاتخافين يجوز سهران وي احد من اصدقائه
ماادري يجوز
سمعت باب المطبخ انفتح جان مقفول عرفته هو كلت
وسيم هيانه اجه
الحمدلله
مع السلامه
الله وياج
سديت الخط هو طب باوع عليه عاكد الحواجب بعدين نزل راسه وذب الستره وشمرها على القنفه باوعت عليه بزعل وعتب وقهر وكلت
المفروض من تتاخر تنطيني خبر حتى ماايظل بالي عليك
جاهل اني حتى يظل بالج عليه
لاااا مالك زوجي انت موو جاهل
رديت عليه بغضب واني ابجي وكملت بوجه احمر دم
هذااا عقاب لووو شنو گلي مالك كاعد تعاقبني لان خفت عليك وتوترت من وجودنا ويا بنفس المكان
مارديت مشيت اريد اروح للغرفه اجتي بسرعه ووكفت جدامي صاحت بصوت
مكتوم
ااحجي كول صارلك يوم وثاني يوم ماتحجي وياي
ومسويلك زعله براسي والمفروض اني ازعل المفروض اني انقهر من السمعته منك
يوولي وخري وجفي الشر واسكتي
مااوخر مالك ولاا راح اسكت وااريدك تعرف شي
واحد الشفته مني شي طبيعي لان هوو اذاني وخله جرح بگلبي هو واختي شتريد انسااه بسهوله
مالك انسه الصار بيه انسى اني ردت اموت من وراهم
ااي انسي ليان اانسي حتى تكدرين تعيشين وياي بصوره طبيعيه
صاح بيه وكمل باعصاب
شفتي بعيونج جااايب وحده وكاعد يخون اختج شنوو هذا فهميني هذا شنو مو عقاب ربج الهم ماجاي تشوفين حوبتج كاعد تطلع بيهم
درت وجهي منه لزم زندي وصاح
دحكي علي ولج وافهميها عاااد اني اتخبل من اشوفج هيج تصيرين من تشوفيه احس انتي بعدج تتت
سكت وجهه صار دم وانطعن بعد اكثر عافني ودار روحه مني لزم راسه
رحت وكفت كدامه سألته
بخوف
شبيك مالك
ماابي شي
شنو مابيك شي راسك يوجعك
صفن بعيوني ورد بصوت مخنوك
كلشي يوجعني ليان حالج هذا والي داشوفه منج كام ياذيني
مو بايدي مالك والله مو بايدي قهروني كلش وخلو اثر جبير بنفسي
بجيت بشهكه ملت عليه وسندت راسي على صدره اريد حظنه حتى اهدأ
اريد نرضى لان الزعل تعبني اخذني لحظنه ختلت بي ابجي واشهك
مالك
كامت تبجي وتشهك بصوت غمضت عيوني تعبان من الكاعد اشوفه منها بس
تلمحه لذاك كلشي يتخربط بيها كلت بصوت مخنوك
كافي بجي مااريدج تبجين
وخرت مني دحكت عليها الوجه غده دم رددت بشهكه
مالك اني فرحانه وياك وسعيده كلش والله ما تعرف شكثر احبك واموت عليك والله اااحبك انت وذاك عرفت روحي مااحبه والله مااحبه بس السواه هو واختي مااجاي اكدر
انساه ذبحوني مالك اذوني كلش صح اني ماجاي افكر بالصار بيه مثل الاول بس يظل جرح بگلبي وصعب
انساه
اخذتها لحظني تبجي وتشهك رددت
اسف يولي مااردت ازعلج والله ولا ابجي عيونج
خفت عليك مالك مااريد اي شي يصير بيك من ورايه مااتحمل تتأذه اموت اذا صار بيك شي
يولي كافي بجي شلون يعني نظل ننوح طول الليل من ورة بشر مايسوه
وخرت مني تمسح بدموعها دحكت لي كاضبها من ايدها الاثنين ابتسمت وكلت
حتى وانتي تبجين حلوه وتخبلين
رجعت لحظني وختلت بيه لميتها بقوه وبستها من شعرها وكملت
اسكتي والله بعد ماازعلج لان طاح حظي بهاليومين ظليت وجه البومه بس اتصفن
جذااب
اابتسمت كملت
حيال وجذاب وطلعت واحد قاسي
بس تحبيني
هزت راسها بحظني وخرت دحكت لي بعيون مغوركه بستها منهن بهداوه گضبت خدها بستها منو وكلت
وحك هو الله بهاليومين مااعرف شصار بيه بس اتصفن ومقهور من وره الصار ووج انتي ماتعرفين غلاتج بگلبي ماتعرفين زعلج شيسوي بيه
شيسوي بله
سألت بزعل
انسى اسمي ليان واتيه روحي
وهسه لكيت روحك
ابتسمت وشلتها لفوك دنكت وبستها من الشفه همست يمها
اي لكيت روحي
🌿🌿🌿🌿🌿🌿
زين العابدين
جهزت الولد حنى نسري لارضنا وديارنا قبل سفري بيوم فزاع عگب من هناك
جلست انا ويا بالحديقه ليل نتسامر ونتكلم عن روحتنا لهناك
جهزت كلشي ياخويه
اي يازين كلشي جهزتو مانقص شي من الكلت
علي
كفو منك حزام ظهر واشد ظهري به
ادلل ياشيخ
عوض حدر علينا من المجلس كلت
اذا كال اريد اسري معكم اكول لاا ابقى هينه عينك على الشيخ وطلبت منه نفس الكلام نحجي
اي هو هم هيج
گرب سلم
الله يساعدكم
هلا ياخوي اجلس معنا
جلس تكهوه من الكهوه وكال
اريد اسري معكم باجر
لا ياخويه اريدك هينه توكف مع ابويه وترتب لنا الارزاق الي يدزها لنا
يازين ماجان هيج اتفاقنا كلت لك انا اريد اسري معكم حتى اخذ ثار خويه نجم
واخذنا لك بدل الواحد ميه عش تريد تسري وتهد اهلك وراك ماتفكر هم بعد مالهم
غيرك
سكت وذب حسره دحك للبعيد صفنت علي وفزاع هم سأل
خير وش بك يابن العم
مابي شي
رد سمعت صوت ساريه تضحك اجتي من دارنا هي وامها وخواتها وراحن لدارهن انتبهت عوض صفن عليهن فزاع هم لجن دار وجهو عنهن وره لحظه عكدت حواجبي من شفت نظراتهم
عوض اندار عليه وجهو مطعون وغده دم سألت
خير يول وش بلاك احجي تكلم عش مقهور احس بگلبك كلام ثگيل
نزل راسو وكال بصوت مخنوك
شاحجي يااخويه دايخ ومدوخني زماني
يول شبيك جن سالفتك جايده وتعور
ااي عورت گلبي ياازين
دحكت لفزاع صافن عليه كله
شبيك عوض احجي طلع الي بگلبك واحجي لنا بلكي ترتاح
دحك لدار عم حميد ذب حسره وكال
امي تريدني اخذ حرمه اخويه نجم
فكيت عيوني ودحكت بذهول لفزاع كمل بصوت مخنوك
حلفت عليه الا اخذها واذا ماسويت الي تريدو تزعل عليه وتغضب الى يوم الدين
اي وانت شدكول
شاكول ياافزاع مااريدها حاسبها اخت لي لجن امي ماجاي تفهم هالشي ادكلي لمها هي وولد اخوك لا تخليهم يرحون لبيت اهلها
استغفر الله يارب
تكلمت هالكلام وكملت
مااعرف شاحجي هالشي مو گوة نفس بشر وانت ماجاي تتقبل تاخذ حرمه اخوك
وهالشي لازم تفهموه الحجيه
ماجااي تفهم يازين تكلمت كلت هاي اخت لي حرمه اخويه جانت يمو وتحت يدو شلون اخذها گلبي ماراح يهوها ولا يتقبل بها زوجه لي
اخذها ياعوض وبعدين تزوج
فزاع رد عليه وعيونو هم راحت لدار عم حميد رد بغصه
مااكدر يول انا حبيت واريد اخذ الي حبها گلبي
فزاع دحك لي سألت
وجن عرفت المن يقصد
من يول حبيت سكت وعيونو ماوكعت من دارهم كال بغصه ريمه بنت عم حميد
الفصل الرابع والاربعون من هنا
