رواية ليتك قدري الأول الفصل الرابع والاربعون بقلم رفل الكناني
الله يساعدك
هلو ويساعدج
كعد وحضن الجهال بوسهم ويكلهم يله بابه بدلو دنروح عل بيبي ورفع راسه عليه كال: يله دنروح عل امي
شنو
شششبيج طرشه
شبيك غير داسلك بعدين اني يايوم رايحه وياك لهناك
وهسه اريدج تروحين وراح نبقى كم يوم عندج اعتراض
اي ماروح
هبببببببببببه
ليش دتصيح تره دنتناقش
واني تعبان فامشي وانتي ساكته
غير اعرف شكو
استغفر الله بابا خلدون سافر عاف كولشي وطلع لجوء
لاوربا الحقير عاف امي وحيدها ولادكليلي خواتك يمها اني مااخلي امي عند النسيب
وايناس موجنه مثلي ليش الا اني
مشكلتج اني رجلج داكولج امشي شعليه بيناس مهند كلبه لنسوانه مولاامي اصير مثله
دنكت
هبه ادري امي هواي اذتج بس تحمليها الخاطري ماكدر اعوفها تبقى امي واحنا عدنا جهال باجر هم يذبونه
شريد احجي سكتت ورحت بدلت وحضرت كم لبسنه ناخذهه ويانه وحتى الغداء الطابخته حطيته بحافضات واخذته وياي خوما اعوفه وتوني مركبته كملت كولشي وطلعنا وصلنا بينهم ودخلنا صنته ماكو احد نزلنا باب المطبخ مردود الجهال ركضو قبلنا واني نزلت الاكل وبارق ديقفل باب الشارع خليت الاكل وهوه خطف من يمي دخل جوه لغرفة عمتي رحت وراه
جانت مدده عل سرير كعدهه وبوسها وشاله خلاه بكرسيها واني تقدمت بوستها بس حالتها مو مثل قبل شويه احسن هزت راسه وعيونه علينه بارق شال الجهال بوسوهه
ابتسمت ذبيت جبتي والشال عل سريرها ورحت داصب الغداء وبارق اخذها للهول وشغل التلفزيون والجهال يركضون بلبيت من غرفه الغرفه واني وين راح فكري يم ذيج الايام لعشتها بهذا البيت... ايام والذل والضيم أخذت نفس اصبر نفسي وكله ميخالف هبه لخاطر بارق كملت كلشي وديت الغداء وأكيد صينيت عمتي وحيدها خليتلها طبله وخليت الاكل واحنا بصفها بلكاع بارق جان مدد عل تخم توجهت
ليمه نزعته الجواريب يمكن لو ينام بيهن مينزعهن ال اني هيج تعلم كام غسل واجه كعد واني كعدت الجهال وهمه يشرولي عل حايط واني ممنتبها بعدين صديت شفت خالين صورت سلام نفسها ال عل قبر بلدشداشه كلش كبيره كلنا صارت عينه عليها والجهال ماسكتو يباعولها ويباعولنا كسر هذا الصمنت من سحبهم الحضنه وكلهم
هذا بابا حبايبي
يوسف اصبعه ب حلكه ويضحك يكوله
انت بابا
اي حبيبي اني بابا وهذا هم بابا بس هذا راح يم رب العالمين
بابا
اي وليدي هذا بابا سلام واني بابا بارق
عمتي بس الدموع تجري واني مدنكه بعدين كال
يله اكلو حتى العصر اطلعكم
خلاهم بلكاع واني لهيت نفسي أوكل بيهم وبارق كعد وكل عمتي وبعدين ال اكل كملنا وشلت الاكل غسلت المواعين وجبت الجاي دزني عل علاج عمتي جبتلها شربهه وشرب الجاي واخذها للغرفه خلاله بسريره وراح لغرفته اني غسلت للجهال واخذتهم يمه لكيته نايم ويده عل عيونه وذوله شلعوو كلبي اني هناك مانيمهم بس اخليهم كلمن بمكانه وهمه ينامو اليوم نايمه بلكاع بنصهم ونامو ونامو وماكو آخر شي اخذتهم لغرفت عمتي كلت خاف ديضوجو وهوه تعبان خليت المخاد ونومتهم وهيه تباوعلنا شويه شويه ال نامو وكمت وهيه مشالت عينها مني من كمت كتله عمه تريدين شي هزت راسه لا عفتها ورجعت للغرفه بس خليت راسي نمت للعصر كعدت عل صوت هديل هيه والجهال تداهر طلعت سلمنه عل بعض سلتها عل حذام كالت وصلني وراح طلع بارق من الغرفه كامت سلمت عليه واجه كعد يفرك برأسه كتله
شبيك عيني
راسي راسي راح ينفجر
اسويلك جاي
مادري تعاي فركي شويه كعدت بلكاع واجه مدد عل رجلي واني دافرك هديل كلتله:
سواها هذا المخبل خلدون وهج
هديل الله عليج لاتجيبلي طاريه هذا وجع راسي كله من
وراه
عمتي بجت وهديل سكتت والجهال يكمزون فوكاه صاح بيهم صوت خنسو انقهر عليهم مدلهم ايده جوي يركضون نامو عليها كلهم
بابا تعبان اواء لاسوون هوسه
شويه وخليت راسه عل مخده وكمت سويتله جاي وجبتله بندوله وهديل أخذت عمتي سبحته كاعده وعيني عل تلفزيون وهوه ديشرب بلجاي كال
هبه تحمليني هل فتره ادري بيج ممرتاحه هنا
لا عادي لايضل بالك
ان شالله ماكون جابرج وجايبج غصبن عليج
لا مو لهل درجه بس احنا جنه شويه ضايجين واجتي هاي السالفه
دخلت هديل سكتنه كعدت عمتي وهوه رغم جان نايم بس من وجع راسه والمسكن رجع غفه طلعت للحديقه مادري ليش كلشي بلبيت باهت مع العلم متغير شي وكلشي بمكانه يمكن لان اهله كلمن صفه بي الدهر بصفحه أخذني الواهس شغلت الصونده وبديت ارش بلاشجار واغسل بلكراج عيني صارت عل الدرج مال بيتي الفوك صديت بصفحه صارت عيني عل مكان الجنت اغسل بي مره الزوالي بيوم دريت سلام متزوج وتذكرت حركة كلبي ياربي وين ماصد الي ذكره بهل مكان
سديت المي وعفت كولشي ودخلت للبيت الدنيه ضلمت رحت دا سوي عشه فارغه الثلاجه بس فواكهه عاد كعدت بارق كتله لان اكيد عمتي عدها علاج لازم ميتاخر وتاكل
حتى تأخذه وهم هديل هنا اخاف تروح بدون عشه خطيه كام واخذ الجهال وياه تقريباء ساعه ورجع الجهال شايلن كلمن لفه صاج وجايب العشه جاهز ومسواك كامل اجتي هديل ساعدتني رتبت العشه واني عزلت المسواك وبعدها كعدنه نتعشه عل نص واجه حذام هم كعد ويانه بارق كله لكيتلك شغله بلمحكمه عل باب مال القاضي حراسه وراتبه
هم زين خطيه كيف واني اكثر منه أريده يخلص من العماله سئلته على امي كال اليوم بيت عصام اشو صاير خير
واليوم اجه أخذها.. كلت بلكت الله
كملنا وهديل بسرعه بدلت وراحت واني لميت البيت لهناك وفكدت الجهال رحت دورتهم لكيتهم بغرفه بارق يوسف صاعد عل ميز ونور لازمه الأوراق وتشخبط عزززه بعيني اليوم شيخلصنه كفخت نور عاطت وهيه شلون عليها صوت اجه بارق يركض واني دانزل يوسف هم كفخته كال
هاي شكو ليش هيج وياهم
شوفو شمسوين
لابابا ليش هيج يله وخرررو شووو لزم الأوراق وشكو شي
على الميز صعده بملحق الكنتور بس ورقه بقت بيد نور مشخبطه من شفناها لااراديا ثنينه ضحكنه
ليش تضحكين
وانت ليش تضحك
تذكرين مره شسويت بيج عل ورقة
هههه اي اني هم تذكرت وضحكت
اوووويلي غير بوكتهه ردت اموتج
لا والله
اي والله بس مالي سلطه عليج
دنكت تذكرت سلام وشلون تعاركو تقرب حضني صار الميز بضهري عيوني بعيونه همس
تدرين لو ادري بيج تصيرين نصيبي جان ما خليت الهوى يطخج ياورق يابطيخ يروحلج فدوه كل شغلي
ها ااا راحن الطناكر
اموت عليج اني وياج مابينه طناكر بينه حب وبس
لعد شبيك البارحه
غير مشتاقلج وانتي تتعيقلين عليه
هااا بدينه
اي بدينه اني من اريدج ابد لادكليلي لا لن من احتاجج بعد دربي ماشوفه
مممم
مصدكين يعني
لالا مصدكه بس عوف المشاكل
اخذ شفايفي بحلكه ونهوس واني ظهري عل ميز نكسم وبس خدرت ابتعد يلهث باوعنه الجهال طالعين بسرعه قفل الباب واخذ ني بين اديه ورحنا بغير عالم واني روحي نمردت من حركاته بوقتها تأكدت اني حامل ولان هوه يفقد وميدري بنفسه كل شويه اكوله عل كيفك مدري شبيه وهوه ممهتم همزين نقذوني الجهال من دكو الباب وجلبوو تنرفز وابتعد كال: كومي يمعوده تره نفضحنه حتى الجوارين درت نمت وياج موبس امي فتحي الباب بسرعه
لبسنه وطلعنا وهمه كاعدين بلباب مبلجمين شال نور ومد راسه عل غرفة عمتي وضحك كال
مو كتلج فضحونه شوفي امي تضحك
غير من وراك ماصبرت لحد مينامون
غير جنت داصالحج بس تره بعدني نطيتج عطوه لحد مينامون
لادخيللك
ههههه جبانه تعاي جيبيهم يله
دخلنا كعدنه يم عمتي هيه غلست واحنه هم غلسنه
لحد منامو الجهال اشرت عمتي برأسها مافهمتله بس بارق فتهم كلي
دكولج نيميهم يمي
اخاف يكعددون بليل عليها
لا ماعليهم شي خطيه تستاحش وحدها
ماشي راح فرشلهم كمت نومتهم وغطيتهم وبارق طفه الشاشه ونوم عمتي وغطاها وسدينه الباب وطلعنا داروح للحمام سحبني
هاي وين
داسبح غير
شتسبحين اني شفتهمت منج
لابارق الله عليك كافي
بس تعاي
سحبني للغرفه وسد الباب قفلها حضني نفسي كلبت تماسكاها نام وياي عل نص كال
شبيج هبه اشو صايره فد مره حجاره والله ومداحس بيج
اريد اكوله حامل بس اخاف موحامل وافشل غير اتاكد ال احجي كلشي يصير ضليت ساكته
وخري طيرتي حتى الواهس من راسي
لابارق والله اني شاكه بنفسي بس ممتاكده
شنو
مادري كتلك ممتأكده ماكدر احجي
يمعوده دحجي مو شعلتي صفحتي
يمكن حامل
فتح عيونه الجانت ذبلانه عل وسعهن وابتعد نهائي كال
صدك تحجين
والله ممتاكده بس انت خبلتي وخليتني اكو لك
اووووويلي اذا صدك
هههههه هاي شبيك
هبه غير ميت عل طفل وريحته كلشي ماريد حتى راحتي ماريهه بس كون صدك شوكت تتاكدين
بعد يومين تلاثه عل موعده وراهه اتاكد
ان شالله ياربي من اليوم ماوصلج لعد حبيبتي كولشي ولاتتعب
يمممه منك هستوك جنت ترعد
ارتاحي بعد ماكو رعيد بس كون صدك حامل
ان شالله هسه عادي اكوم سبح أستاذ بارق
عادي ابويه انتي بس عل كيفج
هههههه تره بعدنه متاكدنه
ميخالف بلكت الله
سوالفه ولهفته خلتني أدعي الله صدك ان شالله حامل لان لمعت عيونه حيل اثرت بيه ووضحتلي شكد بارق يريد طفل سبحنه ونمنه بعد ماطمنه عل جهال بعدهم عل نومتهم للصبح كعدته للدوام بدل وتريك ودخل عل عمتي توهه كاعده باسهه وكله
يمه دعيلي بلكت هبه حامل اني وليدج رايد جهال من هل
مره هاي
بتسمت وعمتي تحاول ترفع اديهه بس متكدر رفعهه هوه وباسهه وطلع واني وره فتحتله الباب وطلع السياره وراح واحنا واحد يلوح للثاني بيده رجعت عل عمتي بعد خوما اعوفهه وهوه بس اني وياهه بلبيت ساعدتهه تكعد بكرسيها واخذتها للمغسله غسلت وجهه وفليت شيلتهه لميت شعرها واخذتها للمطبخ سئلتها تاكلين بيض هزت راسها اي
كتله بعد ماكو بيض انتي بيج سكر والبيض دهن راح
اسويلج اجبان والبيض اسوي سلك حتى متملين نسوي
يوم اجبان ويوم سلك
ابتسمت واني هم بتسمتله سويت صينيتها واخذتها للحديقه بلفي ريكتها اسويلها لفات وهيه تاكل ماكلت هواي جنها مستحيه مني واني ماحرجتها كلت هيه تتعلم كملت وغسلتلها واخذتها النوب للهول شغلت الشاشه عل قران وعليتا وفتحت الباب والشبابيك ومسحت الهول وشغلت المبخره وكملت باقي البيت كعدو الجهال ريكتهم وسبحتهم
وضلو يلعبون طبخت الغداء وبارق خابرني سئل علينه كتله كلشي تمام وسده عمتي سويتها صدر دجاج شويته وغديتها ودخلتا للحمام سبحتها وداطلعه رافعه ثوبي لن صار كله مي ومندكه دارفع رجليها من الكاع رفعت راسي لكيت بارق واكف هستوه جاي من الدوام ابتسم وسلم وبعدني وسحب الكرسي وطلعه لغرفتها واني عزلت الحمام وغسلت ملابسها وطلعت شريتهن ورجعت لكيته مبدل وكاعد عل سريع مشطت شعرها ولبستها شيلته ورحت صبيت الغدا كعدنه نتغدا كال
وين اكل امي
بارق غديتها وهذا الاكل موزين عليها متشوف ماكو تحسن وعل نفس وضعههه اشو بس تاكل وتأخذ العلاج وهيه عدها سكر لازم دهونات ماكو شويه حركه واحد غير يسعي اني من اليوم اتفقت وياها الريوك يوم اجبان ويوم بيض سلك والغداء صدر دجاج مشوي والعشه هم شي خفيف لتفتت على عمتي كتله موصحيح عمه
دنكت وبجت وهزت راسه
بارق يباوع عرف تبجي لان ممتوقعه اني اسويله هيج محاجاها واني لطفت الجو كتله
عمه ليش البجي عود لاتخافين ماخلي بنفسج شي الاكل
منه انطيج ششششويه ههههه شدكولين
صارت هيه بجيه وبيه بتسامه قهرتني واني فعلا قررت مدامني يمها ماعوفها واراعي الله بيها وعفى الله عما سلف لخاطر زوجي واطفالي ولخاطر المرحوم لتن جان يحبه
يبقى ابو أولادي وبينه عشره حتى بارق احسه مستخطيني واني سويتها شغله عاديه مبينتلهم اني مسويه إنجاز أو فد معضله وره الغدا وبعد مدخلنا الغرفه واجيت مددت بصفه عبالي نايم بس لكيته كاعد رفع ايده وعكسه وتوجه عليه واني نايمه عل ضهري صرنه وجهه بوجهه كال
هبه اني ممنون منج
عل شنو
عل كولشي اني اليوم شفت بعيني محد كلي شلون حايره باامي ومعتنيه بيهه
لادكول هيج هذا واجبي هاي امك وبيبيت أولادي
جر حسره كال : بس امي اذتج هواي واني شاهد
ميخالف واني سامحتها والله يسامح الجميع
وسلام
استغربت وهاي اول مره يجيب طاريه كتله
شبي
سامحتي
صديت وجهي عل صفحه الثانيه رجعه بيده كال
عادي احجي صحيح أتحسس من تجيبين طاريه بس مرات أفكر بي لان هواي ظلمج
بارق اني وسلام تسامحنه قبل ميموت بيوم وحتى من مات حللته وهبته
الحمدالله لعد اني ليش احبج غير شايله كلب بنظري محد شايله كلب عذبني ال حبني وكلب سامح رغم اتذى وحتواني وحتوى اهلي وجهال اخويه شرايد بعد اكثر من هيج
كل هذا تشوفه بيه
واكثر والله
دفنت راسي بصده خلاه راسه عل راسي وباسه همس
بشريني تااكداي من الحمل
لا بعد يومين عل موعدها
ان شالله خير واني ابقى صايم غير
ههههه منو يكول اكو
حتى وان ماكو راح اضل خايف عليج تعرفين اني موراحه تعاي نامي عل ايدي
سحبني عل ايده ونمنه ومن يومهه اني هتميت بعمتي اكله شربهه علاجه وكلشي يخصها سويتلها بهريز وحتى السكر كمت اقيسه ألصبح وبليل العصريات اطلعه للحديقه وقبل متنام أدلك رجليه المتخشبه وبدت تلين من افركهه ويمشي الدم بيهه
هديل يوميه تجي بس متلكه حتى شي تسوي تلكه كلشي كامل الجهال مكيفين هنا لان البيت جبير ويلعبون براحتهم وكمله بارق من جابلهم باسكلات سطرونه من غرفه الغرفه يفترون بيهن وعمتي مكيفه بيهم حتى وجهه ورد هل كم يوم حذام بده يداوم بلمحكمه يكول مرتاح وكاعد عل تبريد باب القاضي لاعماله ولاشلعان كلب ويدعى البارق ويرجع ليوره اساور سمعت راجعه وثنينهن مكعدهن عصام بنفس البيت والمكافش للضالين وهوه ينهزم من دوختهن كم ساعه بيت اهلي
اما بارق هذا هل فتره كل تفكيره وكل باله يم الحمل يطب ويطلع يباوع بوجهي ويسلني خوما اكو شي وحتى بلدوام يخابرني هاء خوما شي اكوله ماكو يرتاح بليل مرات اذا اطلع للحمام صدفه يلحكني هاء خوما شي صار بي واهس واني اريد يفوت الموعد فتره حتى اتاكد واليوم اجتي هديل كتله البارق يوديني لاهلي صار فتره مشايفه امي فاخذني خطيه كيفت وكعدت حجيتله عل كولشي كالت الله يرضى عليج باجر جهالج هم يبرون بيج وسولفتله عل حمل كالت شمنتضره امشي نروح نتاكد خابرت بارق بس مكتله
للدكتوره اخاف حامل حتى افاجا
الووو هااا حبيبي شلونك
هلو بيج كولي
شنو يمك أحد كاعد
اي يابه كولي
بارق اريد اروح للسوك
شكو
شغلات محتاجتهن واريد اجيبهم
لحضه
يمكن كام عل صفحه كال
موجنه بلبيت ليش ماكلتي
هسه تذكرت
لامتروحين
ليش حبيبي
متطلعين بدوني اني غير يوم اخذج تشترين التردي
الله عليك خل اروح امي هم تريدني وياهه
ليش تخليني الوص
يله كيفك
راح اسبج
هسه ليش كتلك كيفك
بنت القندره ليش بلبيت مااحجيتي هسه راح تسوين
زعله لن محتروحين
لا والله هاهيه انسى
يله ولي
سديته انعل بليسه لسانه متبري منه عززه بعيني اذا ميسبني يومه ميكمل بعده الفون بيدي ودك
وينج
هااا
روحي بس لادخلين جوه بسوك بنص الزدحام سمعتي
صار
ولاتلبسين جبه
لعد شلبس
عبابه
شنووو
وشنشانه بكلبج لو عبايه لو متروحين
اي ماروح
راح اجيج
بارق بتليت ماروح كتلك ماروح
تروحين وتلبسين عبايه غيرها انعل والديج
هذا سلوب بربك
تعرفيني مخبل ليش تتحارشين
لامحشوم
هسه راح تروحين
مادري
حبيبتي اذا رحتي بغلاتي لبسي عبايه ولفي نفسج
تره ماعرفتك ساعه تسب وساعه حبيبتي
ديله تحمليني
يله باي
الله وياج ااااكولج
هاا
مثل ماكتلج عبايه ولاتخلين كلشي لوجهج
ماشي
سديته وسويت مثل مكال لبست عبايه من امي وطلعنا رحت لدكتورتي وسجلت اسمي وكعدت نتضرت شويه واجه دروي دخلت سلمت عليهه ورحبت بيه وسلتني عن حياتي وشصار سولفتلها بختصار كالت فعلا ارتاحيت بالي كان يمج وهسه شنو عندج كتله داجيك وضعي وحجيتلها عل اعراض العندي بتسمت كالت اصعدي للسونار ضلت تفحص وطولت وكلش دققت وبلاخير كالت
حامل بلاسبوع الثالث الف مبروك أعتقد الحمل صاير بدايت الشهر
هيه تحجي واني كلبي يخفك واول شي صار كدامي شنو شعور بارق من يعرف جانت بداخلي مثل هبت هوه بارده
على كلبي محسيت بيهه بحملي الأول مغمضه ووعاني صوت الدكتوره من كالت
شنو يريد بارق أفندي بنوته ولد
مادري والله مسالته هوه متخبل عل حمل
الحمدالله الله يتمم عل خير وتكومين بسلامه واكيد الولاده عل ايدي
اشكرك واكيد اني ماستغنى عنك
فدوه لعينج هاي موقويات وفيتامينات واشوفج بعد شهر نشوف نبض النونو
تشكرت منها وطلعت امي من شافت الفرحه بوجهي عرفت حامل خطيه حضنتي ودمعت والنسوان يباعون عليه طلعت مسولفه قصة حياتي وكلمن دكولي شوفي ربج ميكطع طلعنا كتلها يمه لادكولين اريد اسوي مفاجأة داشوف بارق شيسوي مرينه للسوك شتريت كم حاجه وامي تسوكت ورجعنا اول ماوصلنا خابرته جنت مقرره اروح لبيتنا وحدنا ال اكوله
دكيت عليه جاوب
هلو حبي
هلو حبيبتي
وين انت
انتي وين هسه دادك عليج ودكيتي
بلبيت
شوكت رجعتي
قبل شويه
لبستي عبايه
اي طبعا
تمام
وين انت
موجود عل شارع
اريدك تجي اريد اروح لشقتنه
ليش شكو
محتاجه كم غرض داجيبهن
يله جاجيج
اوك
سديته وطفرت لغرفت هديل فتحت الكنتور الواطيه حرت شلبس كله يصفن طلعت دشداشه نوم لحد الركبه والصدر والردان تول ومن الورك وجوه كله خيوط رفيعه لونهه مشمشي لبستها ولبست ال جبه ومكيجت شويه وطلعت امي شافتني كتله
يمه راح اروح لبيتي خلي الجهال يمج
شكو
ماكو شي محتاجه غراض داجيبهن
هباوي اكعدي راحه توه الحمل صاير وين ماخذه الرجال
للشقه
عزززه يمه شبيج وين راح بالج
لعد ليش عايفه الجهال
اي هسه اجي ليش ماخذتهم
ولا مادري انتو جيل هل وكت اني ادري شكو براسج
ام عصومي ماكو شي بس ديري بالج عل جهالي مو اجي الكاج لو ذابيج من الطابق لو ذابتهم
امشي لج امشي روحي حيري بروحج راح تخبلين الرجال اذا انتي ما عندج شي فتحي سحاب ال جبه داشوف شلابسه
ال اذا مالابسه بس ال جبه اني امج تره متفوتني فايته ولا اكله بايته
هههههههه والله صدك كلشي ميفوتج
شوفي هبه اذا رحتي ورجعتي بطني لو ضهري لو راسي العب بيج طوبه
لازم تعرفين نسيبج ميكعد راحه
والله نسيبي العقل كله لو مانتي مخبلته بسوالفج هاي راح تروحين تجعصين الجاهل وتجين
يله يمه بأي اجه لان ديدك عليه
ضمت امي الجهال واني نزلت بعدني عل درج وهوه صعد وعينه بلفون صرت كباله خزرني
هاي شنزلج
غير دريت بيك اجيت
وشلون تنزلين بنت ال
لافدوه الزم السانك ولاتزعلني حبابه
دمشي يله وين الجهال
خليتهم يم امي بس امشي
يله
نزلنا سوه صعدنه السياره وكبل للبيت وصلنا هوه شغل الاضويه واني للغرفه رحت دنزعت ال جبه والشال وتعطرت وخليت السونر عل جربايه وهوه دخل للغرفه مدري شديكول ومن شافني ماكمل : هبه الثلاجه ما
صفن
اي حبيبي شبيها الثلاجه
هاي شنو شمسويه شلابسه
تقرب صار كبالي لزمني من خصري عصره صحت
ااااااااااه لابارق دير بالك
خرب لاسوين هيج
اشرتله عل جربايه
شنوو
بس هدني وروح شوف
تعاي وياي
سحبني كعدنه عل جربتي شال الورقه فتحه وبما انهو هوه محامي واكيد دبلوم بلنكليزي ابتسم وبسرعه ذب الورقه وسجد بلكاع والله العضيم عيني دمعت واني بعز الفرحه بهاي سوايته بعدين كام لزم وجهي بيده كال
هسه رتاح كلبي من قطعه مني صارت بطنج اووووويلي متدرين شكد فرحان
مبروك حبيبي
مبروك عليه وعليج تعاي اباركلج بطريقتي
لابارق اكعد موزين عل طفل لالا لا لا وين ولا سمعني صار فوكايه بوسني بخبال ركبتي كطعه واديه زوركهن التول دكطع بس واعي اكثر من كل مره لان من يم بطني رافع نفسه من ارتاح وبتعد كال :شلوني خوما اذيتج
لا ابد بس دشداشت الابنيه كطعتها كلش فقير
حبيبتي منو كلج تلبسن ملابس مو تدرين اني عداوه ويه الهدوم
يعني شلون اجي لعد
ابويه انتي جكي ال جبه والباقي خليج سفردحي
كوم كوم انت مينكدرلك كوم تاخرنه عل جهال
اااااخ يوسف حبيبي شراح يسوي هوه ونور من يجي الطفل
والله اقرأ عليه السلام
لافدوه أرواحلهم
كمنه للحمام المرايه كدامي شفت ركبتي خطيه منتهيه ومشوهه كتله
بارق اليوم امي تزفني كلتلي اكعدي راحه
ليشش هيج عمتي كطاعت أرزاق شنو
لا والله تخاف عل طفل وحقهه شوف انت شمسوي
حبيبتي شمسوي والله اليوم اني هادى وخايف عل طفل بس انتي تتحرشين هسه شنو هاي وكفتج كدامي حجاره كدامج لج انتي راح تصكطيني من وكت
هههههه كمل بداعتي دنروح
عاد سبحنه وطلعنا بدلنا وقفل البيت ورجعنا لبيت اهلي دكينه الباب وجان عصام يفتحهه وهاي اول مره يتواجهون بارق وعصام وره آخر مشكله .
