رواية الإرهابي وذات النقاب الفصل السادس والاربعون 46 بقلم ام غايب

حزن يغتالني وهم يقتلني وظلم حبيب يعذّبني آه! ما هذه الحياة التي كلّها آلام لا تنتهي وجروح لا تنبري ودموع من العيون تجري جرحت خدّي أرّقت مضجعي وسلبت نومي آه يا قلبي يا لك من صبور على الحبيب لا تجور رغم ظلمه الكثير وجرحه الكبير الذي لا يندمل ولا يزول ما زلت تحبه رغم كل الشّرور ما زلت تعشقه رغم الجور والفجور ما زلت تحنّ إليه رغم ما فيه من غرور قلبي، ويحك قلبي إلى متى، إلى متى؟؟ أخبرني بالله عليك إلى متى؟؟ هذا الصّبر وهذا الجَلَد والتّحمل إلى متى هذا السّهر والتّأمل؟

إلى متى هذه المعاناة والتّذلل؟ كُفَّ عن هذا، كُفّ فاكره كما كرهت واهجر ما هجرت وعذّب كما عذّبت واظلم كما ظلمت واجرح كما جرحت فلقد عانيت كثيراً وصبرت كثيراً وكثيراً على حبيب لا يعرف للحبّ معنى أما آن لك يا قلبي أن توقف كل هذا؟ فبالله عليك يا قلبي كُفّ! 

١٢ساعه ابد مغمضت عيني جنت اعرف تطول بس مكال١٢ساعه

الدكتور جان موت بالنسبه الي ومرات تنفتح الصاله احس بخوف واريد ينفتح الباب بسرعه بنفس الوقت اخر شي 

بعد مانفتح الباب باوعت على الدكتور مبين ملامح وجهه

بهالحضه اول مفتح الباب صارت عندي رهبه اذا كال ميته شراح يصير بيه بهالحضه اذا ميته تمنيت مطلع لان علاقل على امل 

بقيت واكف متقربت من الدكتور ابد سلمان هو الي تقرب وسأله واني اباوع شفته شتنطق ...طبعاً اكو مترجم والدكتور جان هم يعرف عربي 

الدكتور :نعم الحمدلله

خضره :ابتسمت ابتسامه بس حتى ماتذكر شلونهه فجأه اختلف كلشي الخوف الي حسيته انزاح الحمدلله .... الحمدلله يارب عدت 

سلمان :الحدلله على سلامتهه...وشبكني وهو مبتسم 

خضر:الحمدلله الحمدلله شكراً يارب سالت شوكت يطلعوهه من الغرفه كالو شويه....كلت السلمان هو يبقه متحملت مااصلي ركعتين شكر

اول شخص اتصلت بي خالتهه....حتى تخابر اختهه لان على اتصال جانو وكالو طمنه بشرتهم وخابرت شاهين هم وصاني اتصل علي وراهه رحت توضيت وصليت واشكر برب العالمين 

جان بالنسبه الي حلم يطلع الدكتور ويكول الحمدلله عدت....كعدت وره ماصليت اباوع....بعشوائيه وبالي مو يم احد 

اه يا ميمونتي الحمدلله رجعتيلي واني متأكد مادام عديتيهه راح تعرفيني اليوم من اليوم احنه التيقنا اليوم انكتبلج عمر جديد راح نبدي بي من جديد حتى بحياتنا 

كمت وتوجهت لكيتهم توهم مطلعيهه من صالة العمليات صونده بحلكهه وحتى للتتدرر صونده علمود التبول ومغمضه عينهه كالو مو هسه تصحه 

رتبو وضعهه بقيت واكف يم راسهه

سلمان : متكعد يمعود خبلتني رجلك متعبت اكعد هاي مو عدت 

خضر : ممصدك اريد اسمع صوتهه واريد اشوف عيونهه الحوه

سلمان : شو انتَ كلش ولك شلقضيه صاير روميو

خضر : سلمان الحد قبل شويه جانت مشاعري تجاهك زينه وهسه ختلفت 

سلمان : وقت المصالح اكيد اني هم الحد قبل شويه احس مشاعري تجاهك تختلف هسه احس نفسي اريد اغثك اريد استفزك

خضر : ابتسمت يلله يكلك الصديق وقت يبين وقت الضيق فانت اهم شي وكف وقت الشده وياي جنت محتاج احد يصبرني هالساعات وانت جنت موجود

سلمان : لك غير انت اخويه حيوان بس هم استفزك بعد من ترجعون راح تلكاني سابقكم انت وميمونه بالعراق

خضر : مو خوش خبر هذا بس ٲﻧـيہ متحلفلك مو عبالك نسيتهه

سلمان : واني جاهز اذا ما اخليك تكمز اني ماطلع سلمان 

خضر : سلمان الحمدلله محد يفتهم علينه لان لو يفتهمون جان حولونه للشماعيه 

سلمان : ابتسم....يلله لك كافي وقتي الثمين خسرته بسببك سلمت علي وبقيت واكف الئ ان اجه واحد علي جان منتظره

سلمان-اي شي تحتاج كول

خضر -مقصرت

خضر-راح سلمان بقيت كاعد على صفحه كل شويه اتقرب اباوع عليهه

مثحت وكل شويه اسأل ويكولون العمليه صعبه جانت وهي اصلاً قابليتهه ضعيفه عيوني احسهه تلزك الحد مااكمت مااشوف بيهه نمت واني كاعد فتحت هم نايمه بعدهي،بقيت قلق عليهه.

كعدت اكلب بصورهه القديمه ضحكتهه تخبل فجأه سمعت صوت ونين كمت ممصدك ...رغم تتوجع بس فرحت من كعدت

فتحت عيني من غواشي ما اشوف شي ووجع مو طبيعي ما اعرف حتى احدد وينه موجوعة كلش وبس لاارادي يطلع من شفتي ... وها لوين لساني ينطق باسم بابا ... اخ بابا جنت طول الوقت اشوفه بعيد عني ... و جانت نظراته متغيرة .. وياج بس صراخي عليج ... بوسط ضجيج العليه و وجعهه و خطورتهه ... و اني بابا نظراته منظر كني وكتة توسلي اله يأخذني يمه .. رغم حبنا خايفة قبل لاادخل للعملية اواجهه من اموت ... بس نظراته و تفسيرهه بداخل المنام ... فقدني كل لفة ... ارجع للحياة ... حين ايد لمست ايدي فتحت عيني ... لغواش اخف و توقفت عن نطق كلمة بابا ... بقة بس ونين الوجع اللاارادي ...

خضر - ميمونتي ... تسمعيني ... الحمدلله و الشكر يا ربي ... ميمونة تسمعيني ... عدت ... عدت ميمونة 

ميمونة - اللساني ثكيل من الوجع ... بس دمعتي وكعت ... جنت اريد اكله معي بابا سامحني و مراح يسامحني لاكيت انطق و لا لحكت راح .. عافني و راح ... تفاجئت ! و اني بعدني مواعيه ... بعدين من دخل وويا دكتور و ممرضة و واحد ثاني ما اعرفه ... عرفت يفحصون وضعي ... بقيت اون من الوجع الدكتور ما اعرف شحجة معه علي ... بس واحد يمه شرح او بمعنى ترجم كلامه ... يسألني شحجى 

ميمونة - نار يكلبي 

المترجم - يسأل على وضعج . لمحي ... ركزي ... خضر تقرب اكثر عليه ... و عيونه ... عيون لهفة و خوف و كانما يكلي وجع كلبج وجعني اكثر من نطقتي ... احلى شي بالدنيا تكسب ماي العيون التحجي ... كانما بنظرته شاركني وجعي و شال جزء منه ... بقى عيونه بعيوني اولها جان وجع على وجعي وراهه اطمئنان الي وراهه صارت سعادة لشوفتي مفتحة عيوني وراهة لهفة و حب مينطق بلسان بس عيونه تحجيهن ... 

المترجم - الصوندة رح تبقه حتى اذا طلعتو من المشفى ... و ما اتوقع هسه تطلعون اقل شي اربع ايام اذا ما استدعى الامر اكثر تبقى ... و جانو حالين هم مثل ، الصوندة بحلكي و هذا الشي الي جان يمنعني احجي ... بس من كثر الوجع ما اركز ... و الحلم و بابا ضربوني ابر على الوريد و البعض بالمغزي خلوهن الى ان طلعو بعده ، الوجع ... بس انوب ...

خضر - يا ريت هالوجع . لبيج اكعد اخذه 

ميمونه .. ابتسمت ... و عيوني بيهه دموع مغرغره ...

محبوسة ... بس

نزل قسم منهن من ابتسمت ما احس اله ايده تمسح دموعي 

خضر .. بس شدي حيلج ميمونتي و كلشي يهون و يصير سهل ... 

ميمونة .. رفعت مال تنفس الي مخلي ردت اوخره ... بس ثبته خضر و كلي لتحجين ابد اريدج ترتاحين و بس و اني افهمج من عيونج ام تك و تك ... لعد اني شو الي مخلاني احبج شفت عيونج اللونين يحجن وحدهن

مر اليوم والثاني وخضر جان بمداراته وخوفه عليه ام الي وبعيونه امان الاب ولهفة الحبيب الحبيبته ومن جنت اتوجع وابجي اشوف دموعه .. بدون مينزلن من عينه...جنت من الالم حتى ما اكدر احجي شكد فلك تتمل وخاله وا اكدر احجي هو جان يطمنهم عليه ويكلهم من تصير زينه تحجي وياكم .. واكثر من مرة شاهين هم طلب منه يتحمدلي وكله لا تعبانه هسه... لحد مابده يتحسن وضعي رابع يوم يالله كدرت احجي وياهم ... جنت مغمضة عيوني من دك موبايل خضر هو عباله فزيت ... كلي نسيت اسوي صامت 

ميمونه .. اصلا كاعدة ..ابتسم وجاوب فلك قامت الي تتحمل كتله اريد احجي وياهه كللهه

خضر ...هاي هيه هم تريدج ..

فلك... واخيراً كدرت تحجي 

ميمونه .. خل السماعة بأذني وبقه لازمهه لان متثبت بأذني شلعت كلبي وخضر كال موبايله عطل لا سماعات يالله سمع ... كلت بصوت مبحوح

الو...

فلك .. ميمونه حبيبتي ...واخيراً سمعت صوتج ياروحي انتي شنو وضعج 

ميمونه .. زينه .. مشتاقتلج ... وتذكرت بابا بجيبت ويه كلمة مشتاقتلج ... فلك 

فلك.. عيون فلك ليش تبجي حبيبتي 

ميمونه .. فلك بابا ممسامحني 

~~~~~~

فلك .. هالكلمة وجعتني وبجتني وخاصة من كالتهه بصوتهه بي بحة حزن ووجع وخوف

ميمونه.. ماكو هيج شي ... بابا مستحيل ما يسامحج ... انتي مو بيدج كلشي صار 

ميمونه.. لا كلشي بيدي جان ... جان واكف يمي بالغرفة ... بس ما يتقرب مني ابد 

فلك .. ياروحي يا بابا كلبه عليج معافج ابد سوده عليه شوفي يعني يحبج هذا يدل على حبه الج 

ميمونه.. لا والله لا جانت عيونه تكلي ممساحج 

خضر .. ميمونه شتحجين وياج حبيبتي انتي لان مخليه هذا الشي ببالج 

ميمونه .. كبل حجه يحين فلك حجت وهو مفهمت من فلك راد ياخذ مني الموبايل منعته حجه بصوت عالي 

خضر .. كافي انتِ تعبانه .. وكعدتي تبجين شكلتلج اني ميمونه موزين عليج 

فلك .. ميمونه حبيبتي خضر يحجي الصح موزين عليج بعدج لازم تصيرين قويه مو تبجين وتاذين نفسج بالتفكير 

ميمونه.. متروح نظراته من كبال عيني ... ياريته مجاييني بالغرفه

فلك.. والله لا ... بلعكس افرحي معناهه يحبج ويخاف عليج ... عوفج من هاي السالفه لح علي صاح بابا ... وضحكته والله تشبه ضحكتج

ميمونه .. ابتسمت .. وتخايلته ...كتلهه بوسي الي 

فلك .. لا ما ابوسه راح انتظر من تجين انتي تبوسي ...

ميمونه ..شبي صوتج احسج بيج شي 

فلك .. مشتاقتلج وخايفه عليج ... ميمونه ما عندي غيرج بالدنيا كلهه ماريدج تعوفيني اريدج ترجعين الي 

ميمونه ..عليج الله شبيج احسج ضايجة او عندج مشكله

فلك ..لا والله ما عندي شي بس اريد انتي ترجعلي سالمه مو الحزن تشاركيني بي اريد بالفرح والحزن والمرض

وكلشي نتشارك مثل قبل مجنه سوه 

ميمونه .. حبيبتي انتي ... شعدي غيرج بالدنيا كلهه هي هاي امنيه من امنياتي نرجع سوه اني وياج لتخافين اني قويه وراح ارجع ... اهم شي لتختنكني انتِ وتفكرين .. باوعت كبل ابتسم .. خضر سويت الخط منه بعد ما سلمت عليهه وعلى خاله ....

خضر .. قويه ... الله هالكلمة شكد فرحتني ... اريدج مو بس كلمة ميمونتي ... اريدج حدك قويه 

ميمونه .. ما دام انت وفلك وياي اني قويه ... لان بدونكم اخاف ...وتك عليه وقرب وجهه من وجهي 

خضر .. اني وياج دوم ما اسمحلج تعفيني ولا يدي تنفصل عن ايدج 

ميمونه .. صاير كلش رومانسي 

خضر .. هذا الي احسه بكلبي واكوله بلساني ... ميمونتي تعرفين انتي شنو بالنسبة الي 

ميمونه .. شنو 

خضر .. بالدنيا كلهه انتي ام .لي واحت وحبيبه ... يعني كلشش احجي قليل لان انتي تعنيلي كل الدنيا 

ميمونه.. واذا اكلك انت هم الدنيا كلهه بالنسبه الي انت وفلك وعلي 

خضر .. وام قاسم وقاسم وابو منتظر ابو المحل وابنه والجيران وولدهم خو ما نسيت احد بعد والاهم باوع بعديه عليه .. وسكت .. ورجع كال خل اسكت احسن 

ميمونه .. باوعت علي ضاج كلت اني ميمونه غلطت يعني .... وضاج .... ابتسمت صادف هو دار وجهه عليه لان جان واكف يم الشباك .... 

خضر ... تبتسمين .. على شنو حضرة جنابج 

ميمونه .. خضر .. انت تغار 

خضر .. من منو 

ميمونه .. من فلك وعلي ...

خضر اني هم شاهين وحمصه وارشد وعزوز وكلهم همه الدنيا الي ما اكدر احد بيهم بس محبيت عددتهم من احجي وياج

ميمونه :- اسفه والله ما اعرف بيك حيصير شي ببالك

باوعت عليه ضاج صدك كبل اتذكرت عملتي مال الفلوس الي ورطت روحي بيها شجاني و مكتله و اصلا شجاني و اخذتهن و انطيتهن اله اكيد مراح يعرف ممعقولة خاله تجفصها يمه و ليش تجفصه قابل

بقيت ساكته افكر بالي يم هاي السالفه مشفته من تقرب ع الجربايه بس لزم ايدي جان يريد يشوف الكانونه خوما مأوته فزيت بشهكة كبل باوعت عليه هو هم باوعلي باستغراب من الفزه بدون ميحجي ولا كلمه 

ميمونه :- جنت توني اغفة 

خضر:- باوعلي بحديه مدري انا شفت نضرته حديه يمكن لان احس هذا السر يدمر علاقتنه و يمكن يتفهم 

بقه هذا اليوم كله ضايج و اني ساكته لحد ثاني يوم كله يمكن 

بين المغمضه و بين المفتحه سحب الكرسي و كعد كبالي فتحت عيني و رأسا فزيت لان حته الكرسي حديه سحبه رأساً كلت بداخلي معقوله عرف خضر 

خضر:- بحديه ميمونه ما اهمج اني لهاي الدرجه 

ميمونه :- بقيت ساكته مبين عرف ياري دخيلك بكلبي

شسويت اني و شلون راح اخلص نفسي 

كبل كتله.. والله العظيم تندمت من اخذتهن و انطيتهن لقاسم و خالة لحت اعرف راح اتضوج اني مدري شلون انطيتك الفلوس و اعرف انت بس اجيب اسمه اتضوج 

خضر :- شنو فلوس منو ميمونة يا فلوس ذني قصدج الي كلتي من خالتج 

ميمونك :- هو انت غير كاعد تحجي ع الفلوس و سكتت بس الصدمة بينت ع عيني عرفت الغبيه جفصت جفصة مو طبيعيه باوعت بخوف

خضر :- فهميني ميمونه منين الفلوس اخذتيهن  

ميمونه :- العمليه توجعني ما احجي

خضر:- لا احجي لا هسه المستشفى اكلبها لان عقلي و أشر باصبعه بتنبيته ع كصته كام يفكر بشغله 

ميمونه :- غمضت عيوني و كلبي دكاته احسها تريد تنط من مكانهه من الخوف و ما اعرف شلون اطلع نفسي منها 

خضر :- احجي بحديه كالها رغم ما صوته ناصي بس حديتها فززتني فتحت عيوني و عيني تتوسله يسد الموضوع اعرف لو شيصير مراح يسد الموضوع لان كبل فكر الفلوس من حذيفه و هو صح تفكيره مو جذب بس اني الغبيه كثر ما افكر بالسالفه جفصتها جان فاتح عينه بكل وسعهن رغم ما هنه مو كبار كلش بس يخوفن كال بحديه 

خضر :- هو مو.. هو والله و تنطيني فلوسه و لا و اتجذبين هم

اني باوعت احتاريت درت وجهي

متوقعت منه هذا التصرف ابد كام ع حيله بسرعة و شمر الكرسي كلبه اني كبل هي خزره هي عيطة لا اراديه و هو قبض ايده قوي و عينه ناطه و واكف قريب ع شفته مثل العضمه و راسه يهتز من العصبيه و عينه عليه

خضر :- ما انساها الج ابد ابد

ميمونة :- كبل بجيت كافي فدوا احنه بالمستشفى خضر الزم اعصابك و بعدين من نطلع شتسوي سوي

خضر:- هو بعيني

ميمونة :- والله علمودك

خضر :-خرب انعل ابو مودي (بصياح)

ميمونة :- خضر خضر فدوا كافي والله (و عاط بيه صوتح صوتج ما اريد اسمعه درت وجهي عنه

خضر :- ميمونه ميمونه باعي عليه ما اخخ ما اعرف شلون تسوين بيه هيج ما اعرف

ميمونة :- ما احجي بعد و درت وجهي الله ياخذني و ارتاح و اخلص كتلك ما اريد اريد اموت عوفني و اني حته من تعدل وياي كبل تنكلب ضدي 

توجعت حيل كلت اخخ ضل يباوع عليه طلع باكيت الجكاير و عدل الكرسي و طلع من الغرفه

كمت اعرف اسلوبه دائما الاحظ من اتعصب او ينصدم من شي يحب يستوعبها و يهدأ يلا يحجي بيها اتذكرت اول يوم اتزوجنه مسكتت لو ساكته بوقتها جان استوعب و تقبلني كملت اغلط ع نفسي امداني.. امداني.. امداني اي والله 

توجعت حيل و اصلا الصونده الي مخليها الي تأذيني و اصلا اليوم المفروض نطلع مبقه شي لليل خمسة ايام بالمستشفى هو خضر مقبل كال اطمئن كلش عليهه لان السكر معرف ليش شكل وياي

ساعة كامله اختفى المفروض نطلع و نكمل الاجراءات لان ينحسب يوم كامل علينه و كل شوي تجي السستر و تروح خفت ما اعرف ليش معقوله عافني و راح خضر لا اكيد ميسويها تخايلت نفسي يعوفني هنا امداني شيصير بيه اذا عافني

فلك /

خمسة أيام ع عملية ميمونه مرت همزين حسين اشترالي موبايل بعد الموقف الي صار من هو طالع و اجه ابو رعد

صح ملتهي هو بس افضل من ذيج الفتره يضحك و يسولف و ينام يمي فوك تعودت عليه هواي و انقهرت من عرفت هيفاء قررت تسافر يم اخوها هناك بالخارج و يم كرايبهم يمكن حست بعده حسين يشك بعقلها بس شفت عقلها احسن من عقل الكل

من عرفت كمت ابجي لا اراديا

اتصلت ع حسين من جاب الموبايل لليوم من هو طالع اتصل عليه اول مره كل شوي و هو هم ماخذني ع كد عقلي و مسايرني بس من رجع و هو حضني و كلي كافي بطلي سوالف 

صدوك ثاني يوم التهيت لان جان عدنه انترنيت بالبيت و اني ما اعرف بي الموبايل كمت اكلب و ثالث يوم الي هو اليوم هم كعدت اباوع باليوتيوب كلشي اكتب يطلعلي و احلا شي صار اكدر اخابر ميمونة براحتي

دك الموبايل هو جنت كاتبته نور عيني جاوبته الو حبي

حسين :- حبي انتي لو تتصلين لو ماكو و اشوفج متصله بالبرامج

فلك :- ابتسمت كلت خاف اتضوج

حسين:- ها حلو عود تفكرين بيه اضوج من شوكت هاي

فلك :- والله افكر بيك و بالاشياء الي اتضوجك دوم ما احجيهن و انت دوم تحجي هيج 

حسين :- الدرجه اتشوفين كلامج انتي و كلامي الج متعرفي و تهجمين عليه

فلك :- ضحكت بصوت عالي لان بوكتها ضحكت ع نفسي كلامه و كلامي و معرفته

حسين :- تضحكين

فلك :- والله يومها ضجت ليش هيج تكتبني 

حسين :- هم رجعنه و لازم اعيد السبب عوفج من هذا الموضوع اليوم جبتلج شغله متأكد راح تحبيها هواي 

فلك :- شنو الشغله 

حسين :- شغله كلت مكلت اسمها معناها ما اريد اذكرها من البدايه 

فلك :-شوكت تجي 

حسين :- ها هاي كله علمود (قاطعته) 

فلك :- لا والله اصلا شوفتك بالنسبه الي اهم من كلشي بحياتي

حسين تعرف من جنت اتعب شكول

حسين :- شتكولين حبيبتي   

فلك :- اكول ما عندي خظ بس من صارت الظروف و اتزوجتك و صح زواجنا اذاني بالتفكير بس جنت محظوظه بيك يمكن واحد غيرك حان حار شسوه يمكن لو واحد غيرك محبني جان هسه اني محرومة من ابني 

حسين :- لتتوقعين اني محرمتج من علي لان حبيتج فلك اني من اول يوم كالتلي هيفاء رافض و سايرتها لان اريد طفل و لتتوقعين اني مسألت عليج... 

اني سئلت عليج بمنطقتج الاخيره جانت جوارينه...وتراجعت بس انطوني عنوانكم القديم ورجعت سالت عليج حجو عن ابوج وامج..وعليجن بالخير.. فعرفت بسالفه اختج لذالك محكمت عليج لان الانسان متعرفي اله تعاشري...ومرات تعاشري بشر 

سنين وتنصدم بي مثل ماصدمت ورود 

فلك: ورود شكد تحبها حسين 

هنيالها..اشوفك بكل حديث لازم تذكرهه اما انت يمي اذا خابرتك اذا ردت تغمض عينك..

سكتت هوه هم محجه شي رجعت كتله 

مااحاسب ولا من كلت هيج لان اريد اخذ مكانها بس كلت هنيالها 

حسين:على شنو هنيالها فلك..باوعي ورود وين هسه 

فلك ولذالك عيونك اختلفت احسن بيهه ضياع 

حسين:هوه اني ضايع بدونها

فلك: اطلع من حياتك حسين كتلك سويلي بيت الي

وال ابني عسى مابلشهر مره...بس لتبعدني عن ابني عن ابني وعنك حسين 

فلك:اخذ نفس عالي...واضح جان بي حسرات..واني هم اخذت

كمت ماافهم نفسي شلون كاعد احب شخص ضايع بدون حبيبته الي... كلبه 

شكد صعبه من يكولهه بلسانه واني استمع.. هلشخص بكلبي دخل وعيوني متشوف غيره... مالي علاقه بالظرف ...احجي على داخلي 

حسين: ليش هايه الحسره فلك.. شوراهه 

فلك- حسرتك اكبر من حسرتي 

حسين -حسرتي شكد سمعتيهه وحسيتيهه ــبس هم متوصلين وتعرفين ششايله 

فلك: بطلت احاول اوصل للداخل الي موجود بصدرك لان احسك بحر عميق  

اتوه بي ما اوصل وكل مااكول وصلت. الكه نفسي بعدني تايهه بي 

حسين: ومراح توصلين 

فلك: شكد صعب انته حسين بس

حسين: مستحيل اني سهل وي الاحبهم وصعب ويه الصعبين

فلك-اني من يا قسم

حسين-انتي من. شفتج من الظاهر كلت صعبه بس من تعمقت بتفاصيلج شفتج سهله بس مو ويه احد بس ويه الي تحبي

فلك: ابتسمت يمكن صح باوعت علي خليت عيني،بعيونه كلت سهل ويه الاحبهم يعني تحبني

حسين...احبج بس اكو شغله صارت باقيه بكلبي من ذاك اليوم

فلك-شنو

حسين-منو هذا الي من رحتي الاختج وكف يحجي وياج 

فلك-باوعت بصدمه كتله شنووو منو راح من بالي هذا الي جان واكف مدري شيصير من ميمونه

حسين-تعرفي لان هاي مو اول مره اشوفه

واسمع عنه الاولئ جانت من اخذتج قبل لتجيبين من بيت خالتج اكثر من مره اجه من بعيد يباوع علئ البيت وهسه وكف كبالج ويحجي شنو هالصدفه