رواية ليتك قدري الأول الفصل السادس والاربعون بقلم رفل الكناني
ربع ساعه وره كعدتهم وكبت العيطه رحت ركض وهمه واحد واكف كدام الثاني وبارق يكوله :
مهندددد ليش تبيعنه البيت انت مو كاعد بيت شعليك بهذا البيت
شنو شعليه بيت ابويه وعندي حصه بي واوله وأخيرا
لازم ينباع
بس امي عايشه واحنا كاعدين بي
انت مو مأجر بعد شكو عايف شقتك وكاعد هنا
غير علمود امك انت ابد مافكرت بيها من راح خلدون لاكلت اجي يمهه ولاكلت اخذهه يمي بقيت مغلس
انت تدري امي وايناس ممتراهمات والثانيه مكعدهه بمشتمل يادوب مكفينه
لاخلفله عليك واني هم مذاب امي عليك حتى تبرر بس هاي سالفة البيت دكه ناقصه منك
انت ليش متحترم تره اني الف مره كايلك اني اخوك الجبير فتهمت لو لا
اي الجبير بس بلاسم اشو بلمصايب احضر يبارق
هسه خصم الحجي البيت اني عرضته ولكيتله خوش شراي بقت بس تتنازلون وانتهت
وانت بايع ومخلص شنو جاي بس تبلغنه
شلون متفهمها افهمهه كولنه محتاجين اني عندي عائلتين وهديل كاعده ايجار وخلدون اكيد بره يحتاج فلوس وأحلام تأخذ حاله من حالنه ولاتنسه انت اكثر واحد راح تستفاد من بيعت البيت عندك حصتك وحصت سلام ومرته وجهاله لاتسوي نفسك خير برأسي
هنا بارق فقد وكمز عل مهند لزمه من ياخته هزه مرتين وضل يعتت بي
انت شكد ناقص لك شنو قصدك يعني اني اخذت هبه علمود حصتهم بلبيت لك اني اغركك فلوس خاف متدري اني عندي الفلوس والقنددددددره
نزل ايدك واااااااحترم نفسك ماريد اهينك مرتك واكفه
مهندددددددددددددد لاتكفرني اطلع اطلع ااااانعل ابو الفلوس لابو البيت لتخليخ هيج تحاجيني اني كواااااااااااااا ....اذا مانباع البيت وبعد ماعترف بيكم
شفتهم نار كبره لزمت بارق من ايده الي مهند وخرهه من ياخته اجر بي حايط واكف ولايتحرك طلع مهند للباب ولتفتله كاله
اسمعني اخابركم تحضرون للمحكمه انت وهديل وأحلام
واني وكيل عل خلدون تتنازلون ونتكاتب وكلمن يشوف
دربه وابوك الله يرحمه
خرررررررره بابويه الخلف هيج عارات واحد يمششي وره نسواااااانه والثاني هج هم من ورررررره النسوان لك هاي شوووووووواربكم بس شكل ززززززينوهن احسن
هذا الحجي كله وهوه مهند راح وهف الباب وراه بارق يرجف من الأعصاب اريد بس اكله اسكت اخاف الطبله كدامه عليها الصينيه وبيهه ستكانين جاي دفرها وصينه كزاز صارت طحين هيه والبيه كعد عل تخم ودخن جكاره واني رحت جبت المكناسه لميت الكاع وبعدين جبت الوصله مال مسح ومندكه دامسح وجفلني من صاح:
بنت القنددددددددددره شكو دنكين اني شكايلج
شبيك بارق متشوف الجاي والكزاز
لاتناقشين بنت ااااااااااااااااالكلب ولي من كدامي
تصرفه صفني والعبره خنكتني ادري بي راح يذب حركته
بيه
عفته ومشيت وصلت يم الباب نجريت من جتفي رجعت ليوره كباله
شبيج بوزتي بنت ااااااااالنعال مودا حجي وياج
باررررررق شبيك اني شحجيت انت واخوك ليش تذب حركتتك بيه تره مصختهه متوليني ومنزل اهلي
خرب ااااااااااااهلج روحي من كدامي راح انعل ووووالديج
شمرت الوصله حيل ومشيت ودموعي بعد ماكدر الزمهن أطلقت سراحهن وصلت يم المغسله داغسل لحكني
شكو دتبجين
مجاوبته
انعل ابوج لابو بارق لابو حتى حظي
عافني وطلع من البيت كله باوعت الجهال يم الدرج خايفين رحت الغرفة عمتي لكيتها تبجي ومنزله اديه للكاع تريد تنزل اكيد من وره صوت بارق سمعت كلشي عدلتها وشربتها مي كتله
عمه كافي ليش دتبجين ماكو شي مهند يريد حصته وبارق فركاس مينكاس حتى عليه رجع هو عصبي لايضل بالج موزين عليج اسكتي
مسحت دموعهه وصحت الجهال كعدتهم يمهه وشغلت التلفزيون احاول اسوي الوضع طبيعي واني النار شابه بكلبي رحت مسحت البيت ولميت كلشي وخلص اليوم
وصارت 12 بليل وهوه ماكو ادك عليه مغلق روحي تشعوطت رحت تقيت كلشي بطني من القهر وبلوحده اجه شارب يابه من شفته هيج تخبلت
بارق شمسوي بنفسك لخاطر الله كل عقلك
اشششششش ماريد صوت اريد انام
والله عيب عليك مشكله صغير مواجهته ورايح تشرب
لزمني من فكي حصرني عل كنتور
حيواااااااااانه منو المواجهة شنو قصدج اني ماعرف اتصرف
اي متعرف لعد شتسمي هذا الدتسوي شنو تشرب انت زغير
كافي راح اااااااموتج والله
ووووخر مني حصرتني وووووخر بطني لاتصيح عمتي والجهال نايمين
لعد الصمي احلكج لااشعل اهلج
عافني وشمر نفسه عل فراش
طكن فيوزاتي كتله:
كوم فهمني شستفاديت من شربت هااا اصلن ماله معنى هذا تصرفك الولد يريد حصته شكو سويتهه مشكله ورايح شارب لو انت تريد حجه
تسكتين لوووو شلون راح اكلبها عليج
كمت ابجي من منظره ومن الصار كام لزمني من ايدي
سحبني للكنتور :
طلعي جبتج
شنووو
طلعي جبتج شنو انتي وتحاسبيني
وين تريد بيه
ولي لهلج انعل ابوج لابو اهلج يله
لحضه خوف عل رعب عل وجع بطني عل اهانه إحساس مخربط والدموع تجري سحبت جبتي وهوه يجر بيه وصلني للسياره دفعني وسد الباب ورجع صعد
باررررق جهالي
باجر ادزهم ماريدج ولا اريد الجهال كله تصيح تزززززززززوجهه علمود الورث وحصتها وحصت الجهال وناس دكول ااااااااااخذه لان يحبه من جان اخوه ولحد اليوم مهند يكولي انت اكثر واحد مستفاد اني كلشي ماريد حتى حصتي راح انتازل منه واعوف كلشي واهج
يحجي ويضرب عل ستيرن ويسوق بخبال واني لابده بطارف الباب وصلني يم العماره ونزلنا يسحب بيه لحد الشقه دك الجرس طلع حذام وعيونه مقفله من النوم خلاني ونزل وحذام يصيح وراه بارق يمعود تعال شكو بارق ماكو مجاوب نزل دخلت مفرفحه امي وهديل كعدو وشكو وشكو سولفتلهم بما أنزلت ماحجو لان اني منهاره وبس ضلو يهدون بيه
اخذتني امي بلغرفه نومتني بفراشهه واني اون يمه جهالي يمه جهالي
نامي يمه هذا شارب باجر يصحى ويتندم هو لو صاحي جان مطلعج بهذا اليل
يمممه والله اني معليه هو ومهند
ادري يمه ادري بس الشيطان دخل نامي موزين عليج وعلى بطنج
حطيت راسي عل مخده والدمعه بعيني وللفجر اذن واني كاعده سمعت الأذان كمت توضيت وصليت وعلى سجاده ذبيت همومي وبعدها كملت ونمت بفراشي دقايق او اكثر وغفيت مدري شكد وحسيت نفس حار يم اذاني وايد تمسد عل شعري هاي الحركات اعرفها موغريبه عليه اريد افتح واخاف يطلع حلم بس تأكدت حقيقه من همس بذني
هباوي حبيبتي كلبي روحي
عرفت هذا بارق واني محلمانه بقيت ساكته
روحي عمري صدي عليه والله اني مخبل شلون هيج سويت مادري فدوه اروحلج صدي عليه
بارق روح شكو جيت ورايه موذبيتي بيت اهلي نص الليل
مو صاحي والله ال نمت شويه وسبحت ال صحيت من دريت شمسوي بيج والله بسرعه اجيتج ابويه انتي بس جاوبني وكومي وياي
باررررق وروح ابويه اكوم اكتل روحي اذا ماسكتت البارحه عيشتني بجحيم وهسه ماتدري بنفسك لاتدري كلش زين مو سقت وصلتي ل هنا
اشششش هاهيه اسكتي انتي معصبه هسه لاتحجين كلمه تطلع اعصابي هاهيه اسكتي اسكتي
كمت ابجي وهوه يبوس برأسي ويفرك بطني لحد ماهمس
حببتي راح اروح للدوام من ارجع نتفاهم
مجاوبته
كام من يمي غطيت حتى راسي شويه وسمعته هوه وهديل يكولها:
اني البارحه طوختهه وياهه مدري شجاني ديري بالج عليها وهاي فلوس خل عمتي تأخذها للدكتوره اشو بالي عل طفل اخاف تاذى من وره خبالي شدعيلك مهند انعل ابو البيت حشى بيت الله
سلم وطلع وهديل كعدت يم راسي
هبه انتي كاعده تره بارق اجاج من الغبشه ميخالف عيني تحملي بارق كلنه نعرفه عفيه فكيهه لاتكبر
محاجيته وسويت نفسي نايمه وفعلا نمت للضهر ال كعدت مفزوعه عل جهالي هسه كعدو ومنو يمهم كمت بس امي بلبيت
يمممه جهالي شلون بيه
هديل راحت من الصبح لاتخافين هيه يمهم تعاي اكعدي يمي
كعدت واني روحي طالعه
يمه عيني شبيج شجاكم انضربتو عين
لا يمه والله هذا حضي لعد اكو أحد يسوي سوايت رجلي محامي شكبره شكده يجيني شارب ويسوي بيه هيج
اذكري الله بنيني الرجال كولشي يسوي ميخالف تحملي
مدام ميسويها دائما هاي نزوه وداعتج
يمممه لاتدافعين عليه اسكتي وعوفيني اني وياه اريد اجوزه من هاي السالفه نزوه شنو هوه صغير ولادكليلي ارجعي تره احلف الله بعد ماحاجيج
انجبي لعد تردين تكابليني لاتتعلمين يوميه جايه زعلانه
اي اي اريد اكابلج ارتاحتي
وجهالج يمصخمه وهذا البطنج
جهالي يجيبهم معاعليج انتي
يولي هبه هذا بارق مو سلام لاتحطين راسج برأسه
وشجاب المرحوم بالنص
اي كلت خاف عبالج مثل ذاك كلمه تودي وكلمه تحيبه تره
هذا ماعنده مانع يخليج بحسرت جهالج ولاعبالج هذا البطنج يربطج بي تره الرجال عشر جهال ميربطو ساعه شيطان وصارت راح يجي ترحين وانتي ساكته هوه واهله انتي لاتدخلين
امي كلامهه ماطب برأسي وإذا ابقى كاعده وياها راح اتعارك وياهه واني ماريد ازعلها عفته وكمت وهيه تستغفر وتصيح الله يهديج رجعت للغرفه دورت عل فون طلعت مجايبته اذا هوه سحلني شلون اجيبه هديل ماكو وامي ماعدها فون وحذام بالشغل ضليت اتكرضم للضهر كولش اجه بارق بوكت جيته من الدوام امي صاحتلي طلعت جنت حيل تعبانه عيوني مورمه وراسي فد مره اجيت كعدت بدون ماسلم
امي عافتنه وكامت اجه كعد بصفي
شلونج
الحمدالله
شبي شكلج لعد
شبيه قابل بالخير اني قابل ساحلني نص اليل
هبه كافي اني الصبح شكتلج كومي بلبيت نتفاهم
ماروح
يابه الجهال هناك هسه شصار بيهم لااني ولا انتي يمهم
جيبلياهم
استغفر الله ياالله اني شلون مصموط من التعب وهيه دتتنصنص عل راسي ودكلي ليش متضبط نفسك
ماعندي هاي السوالف اني تعبانه عوفني يم اهلي وروح
رحتي للدكتوره
لاشسوي البارحه جنت يمها
اي كلشي يصير اني اخاف عل طفل
لا والله صدكتك هذا وانت تخاف عل طفل هيج سويت
شلون لو متخاف
راح تجلبين بهذا الموضوع مووو
مجاوبت
هبه ترجعين وياي لو لا
لا
ابقي والله كريم
عافني وطلع صحت وراه جيب الجهال مجاوبني عل صوت الباب امي جتي
وينه بارق
راح
مارضيتي ترجعين موو
اي مارجع
غمتني وكالت: اذا نحتي لو كلتي جهالي متلومين ال نفسج دضلي
كعدت وراسي بين رجليه والله احبه واموت عليه بس مو بيدي السواه البارحه موشويه وأي مره بمكاني متقبله واريد افتهم شنو هاي سالفة الشرب طلعتلي صفح عود كلت بطل وخلصت وعل ابسط سالفه راح يشرب شلون بيه شلون
ضليت اليوم كله احمس بنفسي لااكلت ولاشفت الراحه لحد ماجتي هديل سلته عل جهال كالت
الصبح جانو يبجون لحد مااجه بارق وغديتهم واخذهم نامو يمه والعصر من كعدوو هم بجو وهوه طلع ال اجه ال سكتو عشيتهم وعفتهم يمه واجيت هبه لاتزيده عل بارق اليوم صاير دمايه هوه ومهند
اكولج اني شعليه هوه ومهند ليش خلاني بنص
يابه تحملي انتي موتعرفي واحنا نعرفه والله كلنا مراضين هذا بيت العائله ليش مهند يبيعه ويشتتنه حتى أحلام مراضيه واليوم صارت كعده بيته ابو رقيه لمهم وهناك
تعاركو تره بارق عنده ضغط هبه هسه عل غفله ينجلط ويموت من وره الاعصاب شنحصل بساعتهه
من جابت طاري الموت كلبي انخمش وبارق أعصابه كلامها صدك عل ساعه يصير بي شي من وراهه سكتت وضليت حايره حذام ما دخل يدري بيه احبه بس مستهضمه من سوايته لليل البيت كله نام واني لايبه مدري عليه مدري عل جهالي مدده وأفكر وهديل جابتلي الفون كالت بارق راسلني كلي وديله الفون دا حجي وياها نطتناه وطلعت دك جاوبته
الوووو
هبه اني محتاجج
محجيت
وينج
وياك
ارجعي تره بعد ماتحمل الغرفه دتخنكني
والسويته البارحه
انسي
والشرب
مااشرب وداعتج بعد
كلته قبل وعدتها
لتنرفنيني لج اني تعبان والف سالفه برأسي
انت تجيب التعب النفسك بيعو واخلصو ليش كبرتها
هبه انتي متعرفين شكو براس مهند وليش هيج طلعني من طوري انتي متعرفين بهاي السوالف صار سنين هو كاعد وحيده وشترى بيت وطلع ماداعه بحصته ليش هسه من سافر خلدون بالقانون ميصير البيت ينباع واحد من العائله محاضر لازم الكل تتنازل وخلدون ماكو مهند راح يزور أوراق باسم خلدون ويأخذ حتى حصته يستغل عدم وجوده عبالج شويه حصت خلدون بيتنه 500متر يعني فلوسه بذاك الحساب وحصت خلدون خير من الله اذا طبكهه ويه حصته يطك للستار لعد اني ليش وكف عقلي وماكد احجي الأحد شكول اخو يبوك اخوه ومن حاجيته يكولي انت هم راح تأخذ حصت سلام وجهاله ادري سلام عايش واني ماكل حصته وجماله بالمحكمه الا داوم بيه يريد يسويني فرجه الجماعتي مدكليلي كلبي شيتحمل حتى يتحمل اني حتى ابو رقيه اليوم كعدنه بيته مكتلهم هيج يريد والله أخاف من النسيب يعير اختي وهذا العار خلدون اخابره اكوله هيج وهيج يكولي خل يأخذها ماريد كلشي هذا هسه مجروح وبعده مصدوم ومطاب من تمر الايام وتخلص الفلوس العنده يضل هناك متبهذل ويخدم بالمطاعم موحقي انقهر لعد ابن خير هيج يصير بحاله
واني شنو ذنبي
ذنبج انتي مرتي واعصابي طلعت بعد شكدر اسوي الجهال اليوم طلعت روحهم واني ماندل راسي من رجليه
وهسه
راح اجي عليج
لا
راح اجي واشوف شلون مترجعين ..
طوط طوط طوط
سده
