رواية الطاغية والمغرور الفصل السادس والاربعون بقلم يارا الياسري
مابك ياقدري ماهذه القسوة
ألم يتعبك كثرة أحزاني هل أتوسل بك لاسعادي
الى متى ويسير الحظ العاثر معي الى متى أصبر
وأسير بحلقة واحدة بدايتها ونهايتها واحدة
أجاني أتصال غريب ومضمونه أغرب
رديت على رقم غريب بعد اتصالات متهالگة
الو نعم منو ؟!!
صوت خشن ماينسي أذرايدة صورج فديوهاتج
نفذي شرطي ساعتها أخلصج من گل هالمهزلة .
الشرط هووو يحلوة تتطلگين خلال أسبوع
منوأبهر وأرجع أخابرج هااا أذ ماتنفذ تنفضحين
يحلوة.
لارا بأستغراب منو انت؟!!
تخبلت منو أنت منو دازك علية
الله ياخذكم مسلمتكم بيد العباس لياخذ حقي
غلق الجهاز تخبلت صرت أشيل روحي وأركعها
دفرت الميز وطاحت الغراض علي شي تگسر
يالله منين أتلگاها .
بالگوة مسيطرة على نفسي گافي والله ىتعبت
بقيتىصافنة بالسگف وين يلة گمت أتصلت
بشيراز .
رد بغرور هااا شتردين؟!!
بقلبي حجيت أريد موت يلفك يالمحترك
أريد أتطلك وأبهر رافض تگدر تسهل أمريةتطلگني
منه باسبوع .
ضحك بفرح تحجين صدك يوم المنى ولا مصدك
شگد تردين بلةذ؟!!
ماريد شي بس, حوبتي تطلع بيگم .
شيراز:سم ليسمج خليها علية طلاگج بعد
أسبوع .
شمرت التلفون بتملل ورحت للغرفة تمدت
وسبلت أطرافي وأهز براسي هذامصيري
مر يوم على نومتي ويوم ثاني حتى أكل
مأگلت والتلفون يدك مارفعته
أخر شي صادف يوم خميس شهر العاشر ٢٠١٨
أچه أبهر بس متغير حيل اللحية والتعب
واضح بعيونه سمعت هسهست بس مارديت
فتحةالباب وشافني رفع حاجب وأردف
تطلبين طلاگ وتختفين منةأتصل علمود
معاملة لعبة غميضة لو فار وبزون .
نهضت وگعدت بأعتدال بس بتعب بروحي
لارا: مادري أنتَ وافقت على الطلاگ .
تنهد وبتوتر عصر أرنبة خشمه گال
أبهر :يعني مصرة ؟
لاراببرود مجمدني ومبسمرني بمگاني أي وياريت
هالاسبوع تخلصني .
أبهر:فشلت بگل حلول وياج الوضع متروك
لرافع السمه
راح أحررج مني وهالاسبوع لو على موتي
أطلگچ بس هاا حجاها بمشاعر تندمين على أبهر
هواي .
لارا :رمقت بنظرة ثقة تعودت على شعور الندم صار جزء
مني .
عافني وطلع ويهز أيده ماهيست الا صوت الباب
أنغلق بقوة .
دفنت راسي بالمخدة وتكورت دك بجي بشهگات
أحس گلبي گد ماموجوع يريد يطلع يصرخ
ويبجي بمگاني .
خلال الاسبوع ماشفت أبهر بس من وقعت وگالة
للمحامية لوفرها الي شيراز خلال أسبوع أسبوع
واحد أنتهت علاقة بس بقت مشاعرها تتجول
بأجسادنه مثل الاشباح بنص المقابر .
مخيفة مرهبة باردة شاحبة تتوضح على ملامحنا
ماعرف گد ماجنت تعبانة تفاصيل طلاكي ماتذكرها
الي أتذگر بعد ما گملت المحكمة تينة وياية
وأنفصلنا وسط نظرات أبهر المريبة
طلعت وغشيت فتحت عيوني
بنص ريحة مستشفى وتينة لازمة أيدي
صابني أنهيار عاطفي خالتي ماتعرف فوك
گل الضيم شيراز هدد أذ حچيت شي لخالتي
يلعب بية طوبة .
أبهر :بعد ما حاولت وياها ومصرة للطلاگ أستشرت
صديق قريب الي يكبرني بالعمر فاهم وگان شوره
أنطيها لتريده ومن وراها أدور على الاسباب
لا بد أوگع بشي گلشي بيها يگول بعدني ىأحبك
ما گول ماتأذيت لا حيل تازمت أعصابي يعنيى
وقت فرحي صار حزني وهمي .
بس رغم ذلك حمدت ربي وگلت أستغل قرب
عشق وأخليها تحاول ويا رحيق أو لارا
بالفعل ماعاندت وتمت أمور الطلاك بيسر
بعد المحكمة لارا تعبت بانهيار أجيت أخذها
تينة مارضت وهي اخذتها للمستشفى لحگتهم .
وتطمنت عليهم وماسيطرت عللى عاطفتي
ورح تطمنت عليها منةطلعت لاگاني غيث
غيث:برفعة حاجب أنتَ أذتحبها صدوك تدور
على سبب رفضها التام الك أبتسم بخبث
ممكن أقرب ناسك ورااا لصار بيها
تخبلت ولزمته بقوة من كتفه شتقصد؟
وضح لاتحچي الغاز .
غيث :رفع كتفه وگال مو لغز گلشي واضح
بس ظور وتلكى كلشي كدامك مرخصتك .
أبهر تخبلت من كلامه طلعت وحرگت السيارة
بالطريق خابرت عشق
رحيق بعدها يمگم؟
عشق:أي بعدها .
أبهر تمام حرگت الها اول ماوصلت سلمت
على جدتي وطلبت أشوفها شووية وگالت عشق
تعال لغرفتها لان بعدها تعبانة دخلت وگلي أمل
تحجي لكن قابلتني بغضب وهي تگول
شتريد انتَ الثاني خالك لعب بحالي وانت دمرت
لارا وبعدكم مثل الشمر تفترون علينا شرايدين ؟
أبهر بلعت كلامها وسألتها شنو صار بيوم العرس ؟
رحيق مطيت شفتي بقهر وهزيت راسي شصار
أممم لصار يافهيم أسال أمك تجاوبك .
أبهر : تنهدت تمام أسالها خليت وطلعت فاير
وقنابل خيبات متفجرة بداخلي .
خرب بيگم وبالساعة لقررت أحب وأتزوج .
أنعل ابو ليدور وراگم توجهت للمكتب .
لارا :صحيت بس تعبانة احس طلعتومنوفوضى
دخلت بفوضى ثانية أحساسي متقطع أشلاء
ورذاذ الالام مننتشرة بجسمي مثل أنتشار
الدم مقهورة هواي وضايعة ماعرف شسوي ؟
المن ألتجئ بس الله وحده بابه مفتوح مايردني
طلعتني تينة وخذتني وياها بوقتها نمت يومين
والله گد ما مگتبىة أفز أبجي وأرجع أنام ثالث
يووم أجت تينة وگالت من الصبح
تينةمتخصرة رفعت اللحاف :گافي نووم ماشبعتي
خالتج أتصلت وماتدري بأمر طلاگج وكالت مشتاقتلج
ببيت الحجية تريد تشوفج مشي من الصبح
شوفيها وسلمي عليها الدمع البجي
الكسرة گلها تهون ترى الله موجود محد بقى
بالحزن عمره عايش وگليبج هذا يخفق يخفق
بتوتر وگمدَ تاليته يهدى ويستگن فگري بروحچ
عيشي لنفسج .
لارا أسمعها بس باقية متكورة على نفسي مطيتها
ضهري .
عصبت وصاحت أهووو أدري گاعدة حبابة
يلة گومي وأمشي نتريك برااا گاهي وقيمر
وجاي بربچ لارا لو تسمعين قصتي ساعتها
تحمدين ربج على وضعچ يمعودة ذاك من ذاك
عاش وأرتبط بحبيبه أيجوز تحبين غيره ههه
لارا درت وجهي عيوني حمر مستحيل هوو
الا ول والاخير مستحيل الغيره يحل مگانه .
خذا گلبي خذاني من روحي اله .
وأبجي لان صافنة أفگر بلصار بية گله وأتسائل
عن ياذنب أتعاقب ؟
ويمته أرتاح والى متى أبقى بخوف؟
تينة باسف باعي لارا حقچ بس أنطي
صبر شوفي منو حاوليى تحچين وياخالتج
تفهم وتراقب يعني لابد أكو خيط نعرف
مشگلة گل الارقام مستخدمه فاشوشية
والنقطة الخ ولا من لبالي طلعواةبيها
لارا شلون يعني؟؟
تينة عوجت حلكها ولعقت شفتها باعي توقعت
المجاميع لنعرفهم الهم هالسوالف بس عن طريق
شخص گال أبدأً وأذ هيج صار تلگين السالفة
عائلية مرة گلتي أصف
لارا :أي بس لشفته من انخطفتةاخر مرة
مو أصف وحجى عن وحدة ضاحكة علي
هيج شي واول مرة أثنين ضربتهم خالتي
شفت وواحد السگران بس أتذكر أكو شخص
أجه گالوا تفضل حضرتك بس ماحجى .
وبوقتها فوراً أنطواةالصور. گدامي بس لابس
قناع .
تينة:لعد وين جنتي ؟! ماركزتي بي بجسمه
يعني ايده وگفته .
لارا من كد التشوش الوضع لبي ماركزت
التهيت أبجي .
تينة لانچ ثولة لو مخلية عينج مركزة مو أشرف
من البجي مناحة .
لارا وهسه ؟!
گومي بدلي نطلع وتنحل .
لارا:هزيت راسي بنفي لا ماريد .
تينة وعلاية گومي كومي لاحركج .
بعد الحاح گمت بدلت وماكلت شي
رحن للخالتي أستقبلتنا وأني أفوت الخوف
بگلبي سألت خالتي بعد ماحضنتها وبوستها
وين عشق ؟!الحجية؟!
رحيق:تنهدت بتعب الحجية راحت يم سمر
وعشق يمكن نايمة .
لارا اها
رحيق:لارا وجهج شبي تعبانة ومالچ خلك.
لارا:بقلبي گلت من الخير والراحة .
رحيق: قبل شكم يوم أجه أبهر وسأل.
لارا فزيت عن شنو؟!
رحيق بعقدة ملامح:عن يوم العرس .
لارا :بترقب وتوتر اي وشگلتي ؟!
رحيق:ماگلت شي جنت تعبانة ومالي خلك
اخذوأنطي ونفسالوقت ماكدر أكول خاف
تنفضحين .
لارا تنفست وزفرت توتري اي همزين .
بلعت ريگ خالة أريد أروح للحمام .
حسيت روحي لعبت لان مامتريكة وطريق بااسيارة .
كمت غسلت وطلعت وماحس الا بوجهي
عشق بقيت مصفنة بوجهه شلونج ؟!!
عشق بغضب الج عين بعد
انتي ليش سويتي هيج؟
ليش دمرتي حياته ماتخافين الله ؟
أذ عندج سبب مقنع گولي مجبورة گولي
ليش هيج گلب ابهر وحبه لعبة .
اعتبرتج صديقة وصدكت تحبينه ليش
اذيتي بهالطريقة ليش كسرتي كلبه؟
مأكول بس شي واحد ماتستحقين ذرة
من حبه .
.
لارا بدموع ومنهةنفسيتي متدمرة
بقيت أشهك ةأحجي وفقدت أحجي
لبقلبي .
واالله مجبورة انتي سمعيني
وراح تعرفين كلشي والله احبه من كل
كلبي بس لصار غصب عني .
عشق :اي صح والدليل لو أنتحر لو تطلگني .
روحي بس صدكي مستحيل أحد يحبج
مثل أبهر .
بقيت متبسمرة وهي عافتني وراحت وگلبي
لزمني دخلت لغرفة خالتي بسرعة يلة تينة خلي
نگوم.
رحيق فزت وگامت يمي شنو ستوج أجيتي؟!
لارا:ميخالف خالة خاف إحد يجي مالي خلك
التقي بيهم بوستها بسرعة وهي مصدومة .
وتلزم بية وبعدين تينة أشرتلها وگالت
تينة:غير مرة نجي أني همات لازم اروح عندي
شغل عندج العافية رحيق.
طلعنا وخالتي ضايجة وتنرفزت من تصرفي
بس خلاص حسيت روحي طلعت بعد ماكدر
اتحمل أبقى صعدت بالسيارة مغيمة وأنوب
غيث شغل أغنية موجوع گلبي
عطت بي طفيها لا اطفي الدنيا بعينك .
وتينة ضحكت هاي انتي مثل خالتج الجينات
متناقلة بيكم .
طنشي يمعودة لخلق أبهر ماخلق غيره تكبرين
وتنسين وتردحين على ساجدة عبيد .
أني مطنشة وساكتة وخانكتي حسرتي .
رجعت للبيت وفتحت الجهاز وأشوف كمية .
الاتصالات من نفس الرقم گومة رديت اتصلت
اول ماجه صوته حچيت بغضب انت شتريد ؟!
گافي لخاطر ربك ولخاطر الله وعبده عتقوني
كافي دمرتوني .
ضحك بعلو صوته مانريد شي طلب بسيط
دخلي بعلاقة حب وياية ولاتخافين مانسوي
شي غصب عنج مجرد طلعات مشيات .
لارا :ماكدر سوي ليعجبك انعل ابوك لابو
ليرد عليك بعد ياكلب ابن الكلب يامحروك
الصفحة ياخايس .
وقفلته وشمرت روحي للكاع وراسي بين
رجلية دخلت تينة للغرفة .
تينة بترقب :شبيج؟منو وياج؟
لارا بدموع وبحة بصوتها:راح اموت والله متت
هالكلب يهددد ويگلي طلعي علاقة وسوالف
ماعرف شسوي تينة مو وعدتيني تساعديني.
تينة تنهدت :تردين نصيحتي ؟!
لارا :وهي ؟
تينة قبلي بعرضه بس لاترحين لمكان شقة
او بيت والباقي عوفي يمي.
لارا :شلون ؟!!
تينة جري عليج وخلي يثق بيج وأكيد اخرته
يريد منج بيت شقة هناك مربط الفرس عن طريق
موقع الجهاز احلي جماعتي يخطفوا ونعرف
ونخلي يقر ويحجي ولاترفضين ماكو حل
ثاني .
لارا رفعت حواجبي وهزيت أيدي انوب اصير
گ* طبه مرض. ماريد اسوي شي .
تينة :واذنشرهن ؟!
لارا صرخت بعلو صوتي اووووف اللهي اخذ
عمري وخلصني كافي عاد ضيم .
طبطبت تينة على ضهري وكالت فگري
وعافتني ىوطلعت مرت ايام هدوء على ملل
وأكتئاب وبعد تفكير كثيف قررت أسوي مثل
ماگالت تينة ومن صدوك رجع اتصل هالنعال
واتفقت ويا على كوفي گالت تينة هذا بي شباب
أعرفهم .
من بعد معانات واعدته وأخذني غيث لبست
بنطلون وقميص وشال اول ماوصلت دك .
رفعت كال اني الكاعد على اليمين ولابس قميص
زيتوني بخوف امشي خطواتي كعدت وحجيت
بقوة شتريد مني؟
ضياء :لعق شفة عيونجةحلوة شريد يعني وغمز .
لارا ركزت بعيونه الجلح اسمراني وصاحب جسم
جثل ومبين اربعيني باوع لبية مكفيني لاتخليني
ارتكب جريمة بيك .
ضياء:احم ببرود ارتكبي ياحلوة.
لارا :زين لتريد شنو حتى تفك ياخة مني وتنطيني
صورج .
من جبت طاري الصور بلع ريك .
حلو اجيتي بالعدل مو هواي فد اسبوع بالشقة .
لارا تنهدت بتوتر ماعندك عرض ؟
ضحك عندي بس مو ساقطات مثلج .
لارا بغلط ماكو ساقط ابن ساقطة غيرك .
لزم معصمي بقوة حاولت اوخره
همس بغضب لسانج ياحلوة لاصورج تتوزع .
لارا :اجه براسي مخطط تمام لتريده يصير
طبعاً كام وياية وصار ساعة يلزم ايدي وساعة يقرب
دفعته وطلعت وكلتله نتواصل رجعت ويا غيث
اغلي ودمي يفور شسوي غيث تينة راح تلزمه
لو تخلي يصخم وجهي؟
غيث:اذ مشيتي بخطتنا گلشي تمام يصير .
وصدوك بعد يومين على أعصابي قبلت اطلع ويا
وگال خلاص الخميس تجين اخذج ووقتها
خاطرت لان تينة كالت غيث وراج واكو جماعة
راح يسون مداهمة مادري عقلي وين من سويت
هيجووخاطرت بس كلبي جان نار وغركانة ببحر
من الاحزان ردت خيط امل يخلصني من الخوف
القلق الي استحل كل گتر بية .
من رحت ويا الخميس صادف قبل لا انزل باوعت
لغيث الله يخليك لاتغدر بية شرفي عدك .
هز راسه وكال عيب هالحجي اني وياج
وبالفعل نزلت ورحن واني أحاول أهدي نفسي راسل
غيث كال بس حرف واحد لا معناها وراج لا تخافين
هالكلب لزم ايدي أتخبلت ودفعته وصلنا للعمارة
مجهولة شبه متروكة بيها ناس بس ماعرف شلون
اوصفهم باوعتله هنااا؟
ضحك بتقزز لعد وين؟!
لارا : زين حاولت الهي نزلت وسويت روحي
طحت اووي رجلي .
كال وثول شبيج؟!
باوعت بتوتر ماشفت انجبحت رفعت راسي وتفاچات
سنر طلعت من العمارة بدون ماتنتبهلي وصعدت بسيارة . اني أتخبلت معقولة هي وراااا گلشي
أتخبل والله لا مستحيل ماتصور .
بهالاثناء مانحس الا شباب ملثمين جتفوا
وخذوا للسيارة وقفلوا سيارة واجه غيث يركض.
بلعت ريك شكو شصار؟!!
غيث :أش وغمز همين النه معارفنا يلة امشي
السيارة بالفرع لحگيني .
لارا بعدني مامستوعبة سرعت لصار بس فهمني منو
ذوله؟!
ضحك وكال
ابصملج هذا ماعند صور بس يعرف بامرهن لان
لو على هالحال والصخام لبي لهيج شقق يجيب
نسوان هذا تلكي حافي .
لارا:لعد هذني شقيقج .
غيث:ضحك هههه كوادة بس اسعار بخسة .
لارا:شنووو؟!!
غيث : انتي شكد غبية الي ماعنده شقة
بمكان راقي راح يصير عنده فلوس ويدز يخطفوج
بس هذا واحد منهم وماتوقع عنده صور يشرب سرسري ويبتز البنات علمود فلوس. بس مابتزج
بفلوس معناها شنوووو؟
أكو من دافعله حتى يستدرج .
لارا حجيت بلا وعي وبعدني مجفولة وارتجف
سنرهي سنر يالله راح اتخبل منو والا منو ؟
غيث:وهو يسوق لاتخافين نعرف هذولة تدريب
خاص الشباب مال شركات امنية شكم بوكس
يكتهن .
لارا اووف وين الله وتبين حوبتي رجعت واني
بعدني مامستوعبة كمية السرعة الاحداث
ولديصير مثل حلم ضهرية تحسي خفيف وقليل
بس حيل يغث ويخنك من تكعدين بس مشكلتي
هاي مغثة واقع قلق مستمر رجعني غيث لتينة
للبيت الي استقبلتني تضحك .
تينة:والله سباعية گلت بس لا تدخل ونضيعها.
لارا حضنتها بحماس وصدمة تينة معقولة راح
نعرف منو ونخلص؟! وارتاح ماتهددد ولا أخاف .
تينة:الله كريم لا بعد وقت لهيچ فرحة .
بس تگدرين ترتاحين .
بعدني ماكاعدة ولاجارة نفس وأتصلت عشق
انصدمت اخر مرة رزلتني وماباوعت بوجهي
رديت بملل هلا عشق.
عشق بخوف لارا ؟ خالتج تذكرت گلشي ومتخربطة.
لارا بشهكة شنووو؟يمته؟شلون ؟شصار ؟
عشق: مامفتهمة والله بس اتصلت بعمو
ومن إجه تعاركوا وبعدها تعبت هواي
وخذوها للمستشفى .
لارا شنوووولطمت عززا لعزاني دزيلي عنوان
المستشفى .
تينة بس تسال شبيها شكو ؟!
لارا هشة مبلحقة عيونها خالتي .
تينة:شبيها خوفتيني
لارا: واني واكفة والجهاز بيدي مادري متذكرة
ماعرف شنو.
تينة:عززا بعينك غيث لا كملت لازم افتح
بيجن خان شمتذكرة خالتج بلة.
لاراتتاأفت اووف يااا نطلع من حفرو ندخل
للبلوعة هي شني اكلنا خرااا لحد ماشبعنا
كافي .
تينة تتتاففت سالفة مو زينة كلش كلش مو زينة
خالتج اذ تذكرت كلشي اعتبريها اتطلگت من
شيراز .
راح اعلن البراءة منجن مالي خلك شيراز .
لارا:امشي أخذيني الها .
تينة :ماكدر والله لازم أروح خلي غيث ياخذج
ويرجعج .
بتعب تمام يلة صعدت وياها گالتةغيث
ينزلج على المستشفى وياخذني للشقة زوجي
نزلت المستشفى أهلي بالاستعلامات بقيت
مفهية أخر شي أنتبهت لابهر أجه وراية سلم
ودخلت ويا بالمصعد التوتر يقرأةالف بس نظرات
گلها أحتقار ويخوزر عظيت شفتي كد ماتوترت.
وصلنا للردهة لمخليناها بيها شفت شيراز ويا
سمر تخوزر سلمت بحقد عليها .
وحجيت بثقة خالتي شبيها؟!
خزرني شيراز.
شنووأسالكم شبيها؟!شسويتولها بليتونا بلوة .
شيراز بأحتقان حرف بعد وأشوفج البلاوي
باصولها .
لارا:هززيت بتوتر راسي طلعت الممرضة .
وحجت باصرار رجاءا المريضة لحد يدخل
عليها انطيتها مهدء والافضل ماتشوف
أحد الا بأستشارة الطبيب .
لارا : يعني شنووو؟؟ خالتي شبيها بلعت ريك
بقيتةمنتظرة وخالتي منطيها مهدئات شووية
طلعت براااا أتصلت بعشق سالتها شصاير؟!
ماكو رد منها كالت ماعرف تفاصيل بس قزح
أجت وبعدها تخربط الوضع .
ماحسيت الا أيد على كتفي أنداريت
ششفت ابهر بعيون حاقدة ونبرة أمر أمشي أرجعي
من تصح خالتج رجعي .
عيونه التقت بغضب مالك سلطة علية
ضحك مستهز سلطة مايشرفني امثالج .
لارا : دير بالك حيل مهتمة عفته وتحركت ببرود لزمني بغضب
من ايدي وهمس بفحيح افعواني لا تتصورين ماعرف شسو ين
حسابنا بعدين يتصافى .
لارا : شتقصد ؟؟
رفع حاجب وهز ايده وعافني رجعت لزمته.
من كتفه لا تحجي وتشرد خلك شجاعة وگلي مشكلتك .
باوعلي بغضب مشگلتي وضحك والله ماعرف
ىمشاكلج
انتي شنو نفسية جنسية لاي درجة عهر واصلة ؟
لارا:نفس درجة أمك وخالك درجة معروفة يمك
ليش مستغربها .
من كلت هيج عروقه طكته وبرزن وعصر زندي
حسيته راح يفصل ااساعد عن الزند كد ماقوي
صرت أرص سنوني متحملة الوجع تالي تجرت وخرتها اووي ليش ماعجبك الحجي عوفني
وروح من يمي لبية مكفيني .
رفع أيده مهدد وراح
بقيت متوترة مقهورة اووف يالله افرجها
عاد ضاكت ياربي .
گعدت مرتبكة مخنوگة مثل الجبل لمستقر علة قلبي
يمته أرتاح لا يم أهلي ولاهنا صدق للامام علي ع
لاراحة في الدنيا لو شما سوينة ماراح نلكي
الراحة الفذة بس البشر طماع وجشع ومرات يصير أناني مثلي يعني .
بقيت منتظرة والدكتور گاا مراح تگعد لليل تعبت
أتصلت تينة وگالت
شمنتظرة رجعي وأصلاً من تكعد خالتج مراح
تحضنج راح تعيط بيج لو تخلي سجينة بقلبج
بعد رحيق ام اليايه .
ضحكت على لقبها ومن صدوك شيراز والحماية
والدنيا شراح اسويلها اني بس همات گللبي
ماينطني دخلت رحت للكفتريا ومنوگدوالتعب خليت
أيدي على الميز وراسي فوك أخذت الميز ليم الحايط
بظاوية ودرت وجهي للحايط غمضت من التعب
وماحسيت الا أيد علية فززيت مخروعة بس بعد ماشفته لابهر گلبت ملامحي لتمململ شكو؟!
خزرني بحقد عبالك كاتلة أمه فوك لصار بية عامل
سي السيد بيها .
أبهر ولا شي أكرهج وماريدج تضلين هنا
لارا:بحقارة لاعفية حبني بلة أبهر لا تستلمني خالك
مساعة وهسه انتَ مستشفى لخلفكم عاجبني
أكعد هيج وتخبلت فرد مرة صحت ياعالم واحد عاجبة ينتظر ومايخلون ترضوها
بقى يخوزر بية وحط ايده على حلكي والناس الكاعدين يباوعون علينا
خزرت وهو يحجي بتكزز على حروفه طلعي وياية لا اكسر لراسج هنا طلعت ويا
تكتفت بملامح حانقة شكو شمطلوب مني
أبهر بجزع : الاحترام مطلوب منج تحترمين نفسج شوية
لارا وطك عرك اخبال براسي ليش اتعلم منك لو من لخلفتك علموا نفسكم الاحترام
وشلك دخل بية محترمة ساقطة ترى واللة لعبتوا روحي يوم انت يوم خالك يوم امك
عائلة بس الله يستر منكم باوعلي زين ابهر حبيتك ومابقى اكلان خرة مااكلت من ورا حبك
فعوفني رحمة لبوك لنايم بكبره كااافي عتقوني خبلتوني مابقيتوا صخام وجه
ماشفت من وراكم . احجي بكل غضب الكبت لبجاخلي طلع بوجه أبهر وحجيت كلشي بكلبي
وهو عاقد حواجبه وكد مامحتقن حسيت راح ينفجر وصدك انقجر بوجهي واستلمني دك رزايل وغلط
علية اني من غضبي دفعته وعبرت ومارديت اجه وراية لزمني من كتفي ودارني اله بعياط
من احاجيج تسمعين اخلص كلامي وتولين لجهنم لتاخذج .
لارا ببرود مصطنع وتاخذك وياية واهم شي امك الحية ويانه مانعوفها تسسسمم البشرية
من كلت هيج رفع ايد بوجهي وعصر فكي بقوة وهو يفور ويغلي امي لاتجيبين طاريها لا والله
اسوي بيج لماصار وماشفتي ليومج هذاا .
لارا تخصرت بعد ماهيت وجهي من ايده لا والله اطمن بفضل قذراة امك شفت كلشي روح اسالها
وها تذكر امك ماتريد سعادتك حالها حال العدو تحفر جواك وتريد تعاستك وهسه عوفني ولا جنك
تعرفني افتهمت لاتقرب مني ونترت باخر كلمتين وعبرت من يمه بقى بحقنه وعصبيته رجعت للكافتريا ودرت وجهي
طلبت الرمز الواي فاي من الولد الي يجيب طلبات بالاول ماقبل بس تمايعت سلمه لكيت أمي متصلة خير شنو متذكرتني .
خفت أتصل ويرد علية احد غلست مر هاليوم ورجعت بعد ماجه غيث اخذني بالطريق بس أتافف
غيث وهو يسوق شبيج ؟
_ مابية بالي على خالتي امنيتي اعرف شرجع ذاكرتها ؟؟
_ المهم رجعت والله يكومها بالسلامة .
_ رجعت نمت من التعب
وتبعها يوم ثاني العصر رحت ولكيت الوجوه مكلبة كالوا خالتي صحت وطاردة الكل .
رحيق بعد انهياري فتحت عيوني وجسمي منمل خدرانة خوب راسي احس طبل واحس بانتفاخ بطني
كعدت هادئة بقيت أصفن بالغرفة مايمي أحد شوية شوية بلشت أتذكر اخر شي صار وياية واني الح
بتفكيري شجابني لهنا تذكرت جنت كاعدةب الحديقة اني والحجية شووية والحجية أسترخصت وكامت
بقيت كاعدة تالي كمت لغرفت يعلى الدرج شفت عشق وحجيت وياها عشق تكدرين تجيبن خود لهنا
عشق بتوتر : صدكيني اتمنى بس خالي قافل حاجي بلكي يقنع .
تنهدت بقهر مادري اذ يقنع بس أكعد احاجي راح أنام شووية . دخلت لغرفتي وتمددت بسفكرة تاخذني
والثانية تجيبني وأتكلب بالكوة وراسي مشوش أكو صور من الماضي بس ماواضحة احس روحي بحلم
من يصيرن كبالي . بعد وقت هواي أندك الباب
_ ادخل .
دخلت قزح والصدمة بانت بملامحي أخر شخص أو ماتوقعت حتى تجي فزيت من نومتي وكعدت
هي كمزت يمي بحركة ودودة لا تكومين ارتاحي اجيت احجي وياج بموضوع واروح
رحيق بتعجب موضوع شنو ؟؟
قزح تنهدت وسدت الباب واجت يمي راح ادخلج بالمباشر رحيق انتي مو مرتة لشيراز ولا أمها لخود
طلعت صور مني مها هاي امها جلبهار بس المشترك بينجن الشبهه شيراز ماتزوجتي على حب بالعكس
تحت ضغط ومشاكل وماننسى شكد حااول يذلج اهلج عبالهم ميتة مايدرون عايشة لارا شاردة من اهلها
وهالسبب ليخلي شيراز مايطيقها بعد هاي كل الادلة وشيراز أستغل مشكلة ذاكرتج وقنعج بلي يعجبه
واني مرتة الثانية الي بسبج يريد يطلكني .
والي خطف لارا ولعب بيها هو شيراز لان مايريدها تتزوج ابهر وهالطفل لبطنج شيراز مايريده
رحيق اني مثل أنصعق بتيار كهرباء وفصل من الصدمة بقيت فاتحة عيوني والدموع تجري ليش ماادري
محاولة استوعب حتى الحروف اريد احجي تعلثمت وكلبي احس داخل بخلاط ويخبط جزئ الايسر من جسمي
خدر فقدت الشعور بي بعدها بلش صدااع قووي واني احاول اتذكر واباوعب الصور وبقزح واستوعب
واكرر كلامها براسي لزمني صداع ووصوت عالي براسي مثل الدوية بعدها صرت اصرخ بوجه طلعي برااااا
واصرخ ماحس الا عشق دخلت وترجف رجعت صرخت بوجوهنا وقفلت الباب وصرت اصارع الوضع لوحدي
والزم راسي بوجع وانهيار اكتسح كل ذراتي بعد مرور مااعر فشكد من الوقت اسمع صووت شيراز الي اول ماسمعت
حسيت بخنكة وزيادة بوجع راسي فتحت الباب وانفجرت بي بصراخ يعب رعن كتم وجعي لان الحجيث احس نسيت كل كلمات اعرفها صار يحضن بية محاول يوقف انهياري بس استمريت باصلراخ والتوتر ارجف بين احضانه الى ان صار ضلام دامس
بديت اتذكر كلشي صار ورجعت اتوتر ووجع براسي اااخ صرت اعيط وابجي وتذكرت كلشي مثل الفلم اشوف ماضي
كلشي دخلت الممرضة ورجعتني تحاول تنومني وبعدها لحكتها دكتورة يمكن وهي تكلها حالتها مو ستقرة لازم مهدء لزمت ايجها بتعب لا الله يخليج بس راحت حطت شي بالمغذي وراها شووية شووية بدة كلشي يختفي .
لارا .من وصلت عرفت صاير شي بس منو يكلي شصاير محد باوعت لغيث اشرلي لبرااا كلتله اريد اعرف شكو ؟؟
غيث : شدراني امشي نسال اذ بعدها نايمة رجعي وياية .
أومات براسي ورحت شفت أبهر مااساله رحت لشيراز الي كالب الخلقة عابت لهالخلقة بعدني منتظرة وطلعت الممرضة
كالت وين لارا ؟
اني فزيت من يمي اني اني خالتي شبيها ؟؟
الممرضة : خالتج اليوم صحت ورجعت تخدرت ومن دقايق كعدت بس ساكنة وراكزة وسالت عنج هواي .
باوعت نظرة لشيراز منتصرة هو يباوعلي يريد ياكلني تمام عيني راح اجخل وياج
اجيت افوت لزمت أيدي الممرضة وكالت
_ أي حديث يسببلها عصبية أبتعدي عنه وحاولي تهديها .
هزيت راسي بالقبول وفتت عليها رحت ركض حضنتهاب قوة خالة هوواي اشتاقيتلج طولت نومتج بهالمستشفيات
يارب تكون اخر مرة تدخليها حيل خفت ودعيتلج هوواي اني بدونج كلشي مااسوة مااحس الا دفعت أيدي بغضب
وبدت تحجي بالكوة .
رحيق بملامح غاضبة تشبه لبوة جريحة راغبة بالانقضاض على من حولها : انتي شلون
تسوين هيج بية ؟ شلون تخدعيني مافكرتي ماكلتي هااي خالتي ؟ لاي درجة انانية حتى انتي لارا بت اختي
المفروض ماتسمحين لبشر يخدعني لو يجذب علية خليتني لعبة بيد شيراز علمود شنو علمود نفسج شوفي الله شسوه بحالج
لان نيتج مو نظيفةب شنو اذيتج حتى تاذيني وتجذبين علية ؟
لارا ماتحملت بقت دموعي تصب هماله سحبت نفس قوي وحجيت بتعلثم لمصلحتج خالة الدكتور نصحنه احجي وترجق شفايفي
وخالتي غضبها نار كبره لمصلحتي يامصلحة لارا يامصلحة واني بضل رجل مثل شيراز والج من سببج سجين بنص روحي حطوا
تعبت كاافي ماكافي لسوااه ابوج بية ماااكافي جفنوني واني حية بعد شتردون مني لله ياخذكم وياخذ شيراز وكلمن ياذيني طلعي براااا
مااريد اشوف خلقتج .
لارا قربت بدموعي خالة والله مو هيج وكتها ماعرفت شسوي وشيراز هددني اسوي مثل مايكولي يعني شبيدي اسوي وفتحت ادية
خفت منهم وتوقعت افضل حل هذا .
رحيق ك درت وجهي عنها حابسة جموع الخيبة بصدري .
لارا قربت بستها براسها اني مالي غيرج والله وخرت ادية من اكتافها طلعت من الغرفة والحزن بقلبي مشيت شووية واختنكت
حسيت الهوه انكطع لان بقيت اجر حسرات وماتنفست جووه اجه غيث لزمن يمن ايدي وحجه بهدوء
تنفسي على كيفج تعالي كعدي تمام ماحس الا أبهر كدامي يخوزر بية بقلبي طبك حمس ماركضت علية محتاجة جنتل مان
يساعدني عاد كلت هي خربانة خربانة خلي اغوره ولو حرام بس بعد بقت حرام بوضعي التعبان لزمت ايد غيث قوي
وسويت روحي راح ادوخ كلش لزمنيمن كتفي واحس ابهر راح يطك شووية وجريت نفس بس بقيت لازمة ايد غيث وهمست يلة خلي نروح واباوع لابهر مثل المشتهي ومستحي لايكدر يقربلي ولايكدر يدور وجه عني اكلها ياحبيب امك وخالك من وراك اشعوطت عشيرتي كال غيث يلة خلي نروح وصدوك رحت ويا بالسيارة زحت حسراتي .
غيث : خير ياساتر ؟
لارا : بتملل خالتي تذكرت كلشي ومعصبة مني حرت يالله منين اتلكاها اني خرب بحضي لو باقية يم ضرب ابوي وعمامي
ولا هالتشرد اقلها اكو حضن امي اركضله من تجور دنيتي هسه وين اروح ؟
مر ثاني يوم ورحت لخالتي لكيتها مطلعيها وين ؟ محد أنطى معلومة وغيث وياية
عصبت بتوتر يعني ويا شيراز ركضت وعلى لارا عصبت هم حظي الاسود هذاا .
أتصلت بعشق ردت بنعاس سالتها بتكبر
خالتي وين عندج خبر؟
عشق : اي البارحة طلعوها بيبي راحتلها ورجعتها وياها ماخلتها تروح لاي مكان .
لاار تنهدت اي همزين يلة باي .
باوعت لغيث لمنتجي على الحايط خلي نروح
ضحك وكال هالدنيا هيج كلمن ورا مصلحتة يركض .
لارا : ب ساحنه الدنيا تركض ورانا مانركض ورا شي غير راحة بال وخذت منه .
ساق وبدربنا شفت بنية ويا زوجها مبينة حامل وشلون يساندها مدري ضجت حسدتها
لو تزوجنا هسه اني ويا هشكل اشكالنا تنهدت اووف مشيت بضيق للسيارة مرت ايامي سيئة يم تينة
وخفت اروح لخالتي وتسحلني سحل وترجع تتخربط مر أسبوع هيج واراسل عشق تطمني عنها
لفهمت هي الحجية متوسلة بيها وماخذتها وكايلتها معتبرتج بنيتي ماعليج بشيراز وهواي حجي
قانعتها والحجية عدها اسلوب يقنع وقوي .
صادف يوم اثنين صافنة وايدي على خدي وباذني اغنية فارسية المسافر صافنة بيها ويا لفحات هووه
واتسائل يمته السعد مو خلصت ايامي بقهر مامر من عمري غير 17 سنة ماشفت بيهن سعد ولافرح
الحكمة منك يارب بس هون علية بلحضتها كلبت بالصور وشفت صوور أبهر صفنت بي وبعيونه الحزينة
والحب يشع منهن سرحت مغمضة عيوني بخدر تذكرت ايامي ويااا وايام دلعي وعركنا صرت أبتسم بفرح ودموعي تنزل
بحسرة همست بصوت مشتاقتلك هوواي شهكت وغطيت وجهي بيدي صحيت على واقعي تسرعت وحسيت كلام بكلبي محتاجة يسمعه ماكذب لكال الليل مهيج الاحساس لزمت التلفون وجزيتله مسج ريتك يم وياريت لصار ماصارلنا اذ حبك مرض ليش ماجاي اتعافى منه اكرهك وبنفس اللحضة اريدك .
