رواية دخيله الشيخ زين العابدين الفصل السابع والاربعون بقلم أوتار حزينه
زين العابدين
نايم وذاب روحي مااهجس غير عيطه
خلتني افز من نومي صحت
شكوو شصاير
زين ااالحك عليه
فزيت من مجاني ورحت لهيله واكفه
تلوب ومدري شبيها تكلمت بخوف
وج شبيج
مدري زين ووجع ضرب ظهري وخيطو
گضبتني وكامت تكزكز من الوجع هجست
شي جوه رجلي فگيت عيوني وصحت
وج هذا شنو
صيح عممه بسرعه
اامشي اكعدي
يااازين صيحها اااخ يمه
عاطت وكتمت صوتها بالازار كعدتها تلوب
وتتوجع طلعت بسرعه رحت لغرفه امي دكيت
الباب سمعت صوتها
منو
ااني يمه الحكي عليه هيله مدري شبيها
الباب انفتح وره لحظه طلعت امي تلبس
بحجابها ابويه وراها سالت
خير يمه وش بها هيله
مدري تعالي وياي بسرعه
سرت وياي طبينا الغرفه تبجي وتتوجع
شافت امي تكلمت بشهكه
عمه يمكن راح اجيب
راحت شافت وضعها لطمت خدها وكالت
لي
ولك هذا مي الراس طااك اامشي بدل
خلي ناخذها بسرعه للمستشفى
انهذلت وماعرفت وش تتكلم طلعت من يمنا كالت لابويه
كعد هاجر وخابر الهنوف لا يروح الولد البنيه
ولاده وطك مي الراس
رحت لهيله تلوب وتبجي گضبتني خايفه
وتردد
زين ابني بس لايصير بي شي
ماكو شي لاتخافين كومي حبيبه بدلي
خلي اخذج للمستشفى
كومتها تلوب وكل ساع لازمها الوجع هاجر
اجتي بسرعه علينا اخذتها هي وامي
للحمام
هيله
كمت الوب من الوجع وفيضت هاجر اخذتني
للحمام بدلت لي هي وعمه طلعوني
واكفت يم باب غرفتي
من اجتني الطلكه
ونيت بصوت مخنوك وعضيت
شيلتي بجيت من الوجع جده كالت
كولي يالله ياهيله
يااالله
صرخت بدموع زين حظن جتفي
سندت روحي علي ابجي واشهك كضبت
ايدو بقوه سريت معه اخذوني لمستشفى اهلي
فد مره صايره فحصوني وطلع
عندي ولاده
ماطولت بابني وجبتو كمت ابجي من
شفتهم ركضو بي للخدج وحالتي صارت فد توسلت بيهم اشوفو ماقبلو كالو بعدين
التهي بروحج هساع
جنت انزف ضربوني ابره مال نزف وخلوني
بغرفه تحت المراقبه عمه اجتي
ليمي هي والهنوف
تكلمت بدموع وشهكه
ياعمه وين ابني بي شي احجو تكلمو شعلان
طيب موو
مابي شي يولي والله طيب والدكتور كال
وضعو بخير ولاتخافون بس خلو شويه بالخدج
حتى يرتاح
الهنوف ردت نهضت وكلت
اريد اشوفو ودوني علي
گضبتني ماخلتني انهض
وين ترحين جاي تنزفين استري علينا منا الما
يوكف وحنا نوديج علي
عمه ردت عليه وكملت وي الهنوف
ظلي يمها اروح يم الولد
اي يمه روحي حتى زين يجي ويشوفها
سرت من يمنا زين اجه وره مشوار طب
شافني ابتسم كرب عليه
دنك حبني من گصتي وكال
زين العايدين
ادحك لهيله
والفرحه جبيره بگلبي الي احبها
واموت بها جابت لي ولد اشوفها خايفه علي
وتبجي اريد اهون عليها خوفها لان كالو كاعده تنزف كلت
الحمد لله على سلامتج يبعد حيلي
اابني يازين اريد اشوفو
بخير لاتخافين علي تراه گوي مثل ابوه
اكيد مابه شي
والله وغلاتج انتي مابه شي اصلا هرج
المستشفى بالبجي
كول مااشاء الله ياخوي
ههه ماشاء الله ودكينا الخشب
دكيت جربايه هيله وضحكت كلت
حديد هاي
ماجوز من سوالفك يول حرمتك تفصخت
وانت كاعد تمزح
ههه اضحكها ياخيه حتى تنسى ساعه ال
دحكت لها وسالت بضحك
بيضه لو سوده
صفنت بعيوني وردت بزعل
انت ششوف
ههه شكري
روح يازين
ردت بضوجه ودارت وجهها مني الهنوف
ضحكت وكالت
رضيها تراها زعلت منك
اطلعي وانا ارضيها
هههه طالعه رايحه لشعلان الصغير يمه
بعد عمتو يخبل ولج هيله مدنفش ويمكن
يشبه ابويه موو هذا الاشكر
ااحسن
ردت على اختي خربت ضحك وهي هم اشرت
رايحه هزيت راسي باي ظليت بس
انا وهيله وحدنا
صفنت عليها مبتسم نزلت وحبيتها من خدها
وكلت
مبروك ماجانا يبعد حي وميتي
رفعت روحي لجن ظليت مدنك عيوني
بعيونها ابتسمت لي وردت
مبروك عليك شعلان يازين
اوف ولج
حظنتها لصدري بهداوه وخرت منها كعدت
حدها گضبت ايدها سالت بخوف
زين ابني مابي شي موو
اي يولي والله مابي شي وضعو تمام واكثر
من دكتور شافو كالو بس شويه
يرتاح وخلي امو ترضعو
ماشفتو اخذه بسرعه للخدج
هساع نجيبو الج واشبعي بي
ياريت گلبي مفرفح علي
واني
رديت مبتسم
يازين مو وكت غيرتك
هههه راح اتعبج غيرتي وفكي روحج مني
بهل الايام انتي وذاك النص شبر
ماراح احجي تعبانه وفاين حظي
بعدج باول واحد يبنت العرب وين حجيج
من كلتي لي اصطرهم عشره
دحكت لي تكلمت بضوجه
بله هذا وكتو يازين تحجي هالكلام
هههه امزح معج هم خمسه
راح ااصرخ
عيب ولج شيكولون زلمتها شد حيلو
وهي توها ولدت
كاافي يااازين
ههههه
خربت ضحك عضيت شفتي گربت وجهي
منها وكلت
منج اريد جثير جهال اريد اشوفج حدي
وهم حوالي يترسون عليه الدار واشوفج بيهم
ابتسمت وخلت الگلب يدك
بجنون گضبت ايدها حبيتها وكملت عيوني
بعيونها
غاليه عليه ام شعلان وغلاتج ماكو
قلم يوصفها بجلمه
ماردت الباب اندك دشت دكتوره
طلعت من يمها وره مشوار جابو شعلان واكف
ادحك لها تعرف تلزم الجاهل وتدير بالها
علي امي كالت
رضعي هيله جوعان سوده عليه جوعان
دحكت لي خجلانه رفعت حواجبي وابتسمت
اشرت بعيونها اطلع ضحكت بس ماتكلمت
شي
الظهر طلعنا وويانا شيخ شعلان الصغير
شفت فرحه امي والهنوف وشفت فرحتي انا وهيله
بي لجن فرحه ابويه غير شكل هو وجدتي
حب هيله من راسها وتحمد لها بالسلامه
اخذتها لجوه انا وهاجر عفتها يمها
طلعت للصاله ابويه كاعد وبحظنو
ابني يدحك له فرحان وعيونو
مغوركه
حبه من گصتو وكال
اجيت ياالغالي ياابن الغالي
الحمد لله على سلامتهم ومبروك مااجاك
يازين
جده حبتني انا و ابويه كعدت حدو
انطاه لها حبتو ودعت له
ياارب يجعلك من البزر الصالح الي يفرح
اهلو ويبعد عنك الشر واهلو ويجعلك ذخر
النا ولابوك ولامك
اللهم امين
ديربالكم علي هو وهيله
اي ابو زين
امي ردت واخذت منو ابني ودتو لجوه
لغرفتنا
ريمه
استقرينا بمزرعه عمي الشيخ شعلان وابويه
بده يشتغل بيها ماجان يسوي شي
بس يشرف على
الفلح الي بدو يشتغلون جوه ايدو ويوجه
بهم وويا عم عزام الكعد بدار
تبع المزرعه ،،،جنت من اطلع احلب
الهوش،،،، تجي مرتو تساعدني
بالشغل
ياريمه راح احضر الزبده يمي وادزها لكم
حتى يودها الولد وي باقي المونه
للشيخ شعلان
اي ياعمه
اكلج ماراح يعگبون عاد تره الديره صارت
امان وهم عبالك طولو هناك
من وره هيله ماكدرو يعكبون مو تدرين ياعمه
هي صارت عدها ولاده مبكره وخافو
عليها وظلو هناك الما تولد
اي والله شلون نسيت وج يايمه صايره
انسى جثير
ابتسمت ورديت
عادي عمه العقل صاير مايتحمل جثير
امور
اي والله
شلت صطل الحليب وهي اللخ سرينا سالت
اكلج بيت عمج عگبو مو من كركوك
اي من زمان
عجل ماشفتهم لفو عليكم
اجه عم عايد ذاك اليوم وماظل شاف ابويه
وعكب للارض مالتو
هاا عمج عزام كال الحمد لله مابها شي
كاعو والله ساترها من ذوله الجلاب
ومو حاركين شي من عدها
اي الحمد لله
غانم تلاكنا شافني ابتسم وكال
كوه الله عزمجن
هلا يمه تعال خذ الحليب وودي لدارنا
اجه اخذ من ايد امو وراد ياخذ العندي
وخرت كتلو
لاا انا اودي
يولي ثجيل عليج خلي اوصلو لج
لاا تسلم
سريت من يمو بسرعه ورحت لدارنا دشيت
به للمطبخ وكلت لامي
يمه راح اصفي الحليب واسوي نصو جبن
والنص الباقي اجمدو حتى من يجي زين ياخذو
لاهلو
اي يمه سوي
صفيت الحليب وفورتو كلو سويت نصو
جبن والباقي خليتو بطال وضميتو بالمجمده
رحت غسلت ودشيت لغرفتي نشفت
شعري ومشطتو
كمت للشباج مفتوح والجو صيف والدنيا حاره
وكفت يمو دحكت من بعيد للنقطه الي وره
بيتنا جان بها برج عالي
مال مراقبه
صفنت على الشارع سيارات تروح
وتجي كلت
الحمد لله والشكر الديره صارت امان وكل
اهلها رجعو الها واستقرت الاوضاع ضوه قوي صار
بعيوني درت وجهي عنو رجعت دحكت
ماهو ماشفت شي لان البرج مغطي بجادر مال جيش سديت الشباج ورحت للمطبخ
سمعت امي تتكلم بفرح
صدددك وهي شلونها بخير يازين مبروك
يمه والحمد لله على سلامتها لهيله
هي وشعلان
خواتي اجني يركضن وكفنا كلنا يمها كعدت
تبجي اشرت لنا وكالت
هيله جابت ولد
فرحت لها اني وخواتي ساريه تكلمت
بلهفه
وينو اريد اشوفو
اي يازين هي وينها اريد اسمع صوتها
هلا يمه هلا ياهيله الحمد لله على السلامه ومبروك
ماجاج انتي وزين
اشرت سبيكر
فتحتو كلت
شلونج هيله والحمد لله على سلامتج
الله يسلمج ريمه
شلونج يولي وشلون ولي العهد
بخير ويسلم عليجن وحده وحده
هيله اريد اشوفو جيبي امانه لو حنا نجي
عليج
ساريه تكلمت بلهفه ريهام هم كالت
اي عفيه نريد نشوفو لابنج
هاله سالت
المن يشبه انتي لو زين
لا يشبه عم شعلان نسخه منو
هههه راح يزعل زين
ساريه تكلمت بضحك هو رد عليها
عش ازعل ولج الثاني يطلع يشبهني
يااازين
هيله انهدت بي اسمعو يضحك حنا ضحكنا
ويا كال وره لحظه
حضرو روحكم بعد يومين اجي حتى اجيبكم
لهينه تشوفون هيله وهالشبر ونص
ههههه اسمعي يمه يكول على ابنو
شبر ونص
ساريه خربت ضحك امي تكلمت
يكبر يمه باذن الله ويصير رجال
وتتحزم به
عمه مو بس هو اريد فيلق
ياازين بسك عااد
هههه بنتج راح تطردني من يمها
ههه صوابها قويه يمه عوفها هساع لاتتحارش
لاتبات بره داركم
ههه باطل ياعمه مايهون عليها لام شعلان
ابات بره موو يولي
لا مايهون
هههه سمعتي ياعمه بنتج تحبني جثير
الله يزيد المحبه البينكم ويخليكم لبعض
امين يارب
ظلينا نتكلم مع هيله وبعدين راحت ساريه
طلعت تركض وراحت بشرت ابويه
اجه من الكااع وجهو
يضحك ويتحمد لله
كعد يمنا وكال
الف الحمد لله والشكر من كامت بالسلامه
هي ووولدها
اي الف مره الحمد لله والشكر بريت همها
لجن والله انقهرت لان انا مو يمها
من جابت
هي تعرف حنا بركبتج وعاذرتج وهناك
عمتها وخوات زين مايقصرن خص الهنوف
تحبها وتعزها جثير
اي الي مهون عليه هي ام زين ماشفنا منها
اذيه،،، ودائما تحمد بيها
الحمد لله والشكر يارب الولد الي ماانطيته
اليه انطيتو لبنتي
ابويه ردد بغصه وعيون مغورك خابر هيله
واشوفو يحجي بفرح والعبره
خانكتو
الزين اجانا مثل ماكال فزاع اجه معه
جانت معه رهيفه اختو وولدها تايخذهم لاربيل
صعدنا، ،،، مع فزاع
ابويه مااجه ويانا من وره الشغل
ساريه ،،،، طول الطريق
ماسكتت لغت جثير
واشوفو متونس بيها ويضحك على سوالفها
يااعم
بطلي ادكولين ياعم تره انا بكبر الزين
ههه تبين اصغر منو
ابتسم ورد عليها
مو بله
ااي بس هو احلى منك هههه بجثير
يولي كافي
تكلمت بصوت مكتوم وخزرتها خنست
وعكبت ليوره زعلانه درت وجهي منها عيوني
صارت بعيونه يدحك لي بالمرايه وهو عاكد
الحواجب مادرت بال درت وجهي
على الجامه
سااريه تحبين طيور الحب
سالها صاحت بفرح دحكت له
رافع حواجبو باستفزاز
اااي احبها غير ذني الملونات
اي اذا تريدين عندي بالبيت ودوخن
الحجيه وتريد بس واحد ياخذهن
جيبهن لي انا اربيهن
ادللي من نعكب اجيبهن لج
واحد لج واحد ليه
ريهام تكلمت بزعل امي ضحكت وكالت
شراح يفضها وياهن
هههه لاا هن جثيرات اقسمنهن بينجن
ااي هاهيه واحد لي واحد لريهام
الما كل وحده تصير عدها مجموعه موو ياافزاع
اي ساريه بس مو بعدين تجين وادكولين
لي دوخني بهرجهن
ههه لا ابد لجن خاف انت ترجع عليهن
وتريد تعكبهن من تشوف صار عدهم فروخ
يتكلم وانا ادحك له بالمرايه الجانبيه
رد بضحك
ههه لااا مااريد بالعافيه عليج
شوف يمه هذا شلون طلعنا بسرعه ياساتر
يارب مايخاف يصيرله حادث من وره هالخفافه
مالتو
خاله جثير مثلو يطردون على وجههم
ومتباهين بسيارتهم يخاطرون بارواحهم واروح
الي بالشارع
اي والله زين وينو
ذاك ورانا
امشي بهيده لاتستعجل
ههه تره مو سريع جاي امشي
اي اعرف لجن اخاف عليك يايمه بليناك بينا
تودي وتجيب
ادللي ياخاله انتو مو غرب بحسبه اهل لنا
ااكلك انت ماعندك خوات موو
ساريه سالتو بفضول رد
لا ماعندي حنا اربع ولد وانا اصغر واحد
هههه انت بزر الشيب مثلي
ادحك له ابتسم ورد
اي بزر الشيب ياساريه
الله يخليك لاهلك يايمه ويحفظك من
كل شر مدري شلون امك متحمله فراكك وانت
الصغير
والله ياخاله ادكلي نقص من عمري عمر من وراك
وتريدني بس البد يمها وابطل من الحشد
حگها يمه الضنا غالي واسم الله عليك
مايوجع غير امه وابوه اذا صار له شي
ماايصير الا الكاتبو الله
رد ودحك بالمرايه صارت عيونو بعيوني
وخرت على صفحه ساريه مالت عليه تثاوب
كالت
نعست
نامي وريحي الادوام من لغوتج
ماردت خلت راسها بحظني ونامت
ليان
الشهريه وره الزواج تخربطت عندي شهر
تجي وشهر لاا اكثر من مره سويت تحليل حمل
وماكو تنزل شهر اللخ نزف وتاذيني
كلش
من تاخرت بالحمل ضجت كلش وكمت انقهر لان
جنت اريد بيبي وي تاليا ردت طفل
من مالك جزء منه يصير
بداخلي وهذا الشي ماصار الشهريه تاخرت
كلت راح تجيني شهر اللخ ونفس الوضع يصير
بيه هم الم ووجع ونزف قوي
مااجتني ولا نزلت عليه كلت
لمالك يوديني للدكتوره حجزت ووداني
فحصتني وسوت اليه سونار وهوايه تحاليل
كاعده يمها متوتره وخايفه من الراح
اسمعه باوعت عليه مبتسمه
كالت
مبروك ليان كل التحاليل والسونار ادكول
انتي حامل
فكيت عيوني بذهول ابتسمت ورديت
بفرح
صدك دكتوره
اي عيني وهذا السونار يكول انتي حامل
شهرين
شوفتني صوره الحمل اشرت علي بالقلم
كملت
هاي النقطه شوفيها هذا البيبي
ماكدرت احجي شي مخنوكه من الفرحه اخذت
صوره ابني من ايدها تحجي وتكتب واني
مو يمها
لياان
باوعت الها من صاحتني كالت بضحك
اكيد كلشي ماافتهمتي مني
لاا دكتوره والله من فرحتي ماسمعت شي
باعي حبي اول اشهر لازم شويه نحافظ على
نفسنا يعني ماكو تعب ولا تضغطين على نفسج
بالشغل وها رجال ماكو انتبهي لروحج
حتى يثبت عندج الحمل
اي دكتوره
هاي مقويات لازم تاخذيها واي شي يصير
تعالي وهذا كارت رعايه الحامل جيبي وياج
من تجين
تمام دكتوره
اشوفج شهر الخ
هزيت راسي شلت جنطتي طلعت من يمها
فرحانه وعيوني مغوركه اريد بس اشوف
مالك حتى افرحه بهل الخبر
جان واكف بره منطيني ظهره ويدخن اندار
شافني رفع حواجبه واجه سال
خير ليونه شبيج وجهج احمر
حااامل ااني حامل
صحت بفرح وجهها تغير للفرح من ملامحه
عرفته بعد شويه يريد يحظني رجعت
ليوره عضيت شفتي اشرت
بعيوني على الناس
انتبه رجع ليوره مايعرف شيسوي كال
بصوت مخنوك
وولج صدك تحجين
اي والله اامشي اريد اكعد احس
روحي بعد شويه اوكع من فرحتي
رحت للسياره صعدت اضحك وفرحانه اجه
صعد يمي يباوع عليه فرحان طلعت اله صوره وكلت شوف هذا البيبي
هذا وينه اشو نقطه
هههه اي غير بعده بدايه تكوينه
سكت مارد يباوع عليه مبتسم عيوني بعيونه كملت بفرح
مالك
ليان تعبت من وره تاخر الحمل وجانت تريد طفل مني اشوفها حزينه تاخرت وماصار عدها جانت الشهريه من ماتجي تفرح عبالها حامل ومن تجيها تدخل بحاله كآبه وحزن حاولت اهون عليها الجاي
تحس بي بس مافاد تسكت فتره وترجع تحجي بنفس
السالفه
بره واكف انتظرها تطلع من يم الدكتوره طلعت ادحك الها وجهها دم وفرحانه وبشرتني هي حامل كاعد يمها اسمع كلامها الحلو واشوف فرحتها بعيونها
وكلامها وتصرفاتها كالت
فرحانه مالك كلش مااعرف شلون اوصف البيه
راح تصيرين ام هذا الي كاعد تحسين بي
رفعت حواجبها وردت مبتسمه
اني ام من زمان مالك بس الي مفرحني هو هنا صار جزء منك وراح يكبر بطني
ويربطنا بعد اكثر
سكتت من حجت هيج صفنت عليها واجه بالي گلبها هي صح مابيها شي واكثر من دكتور ودكتوره اكدو هي تكدر تمارس حياتها الطبيعيه وتصير ام
شبيك مالك
دحكت للشارع وسكتت گضبت ايدي درت وجهي عليها سألت
شبيك ليش صفنت وتغير وجهك
ذبيت حسره ورديت
افكر بيج ليونه وبگلبج
ابتسمت وردت
تره مابيه شي وانت تعرف هالشي وسمعت بأذنك اكثر من دكتور يكول اني اكدر
اصير ام ومابي هالشي
خطوره على حياتي
اعرف بس هم اظل افكر بيج
مالك لاتفكر وخلينا فرحانين بهالخبر الحلو
ابتسمت الها من شفتها ضاجت ورديت
تره اني فرحان كلش بيج وبهالفصعون الي راح يجي بس انتي عندي اهم من روحي واخاف عليج كلش
ههه فصعون شمدريك ولد يجوز هم بنيه مثل توته
ولد بنيه مايهمني بكثر ماتهمني سلامتج انتي
سكتت ادحك عليه تذكرت زين كلت
زين وهيله اجاهم ولد
صددك
ردت بفرح والعيون تلمع كملت
ااوي گلبي شكد اتمنى شوفته هو وهيله
حبيتيها موو
اي مالك حبيتها كلش وحسيت بيها طيبه مثلي ونفس طبعي
ههه هي مال نفس طبعج ااي هم نسره مثلج ولسانها منشار
ابتسمت مالت عليه ردت بخبث
لان العدنا يستاهلون هاللسان
عضيت شفتي الها خربت ضحك كلت
يولي والله اني فقير
منووو انت صدكت هههه
ههههه سيرتي ابدا مووو مشرفه مو بله
ههه جنت وبطلت وشحدك بعد ترجع ازعل عليك مالك واطردك من البيت
ههه قويه هاي مال تطرديني من البيت يله ازعل اروح لبيت اهلج يم اختي واكول الها طردتني مرتي واجيتج زعلان
هههه ويجي عمو وعمه يرضونا
اااي يابه راح تصير الشغله بالعكس الزلم تنطرد زعلانه واهلهم يرضوهم
سكتت تضحك واني هم اخذتلها الدوه ورجعنا للبيت
🌿🌿🌿🌿🌿
هيله
اهلي اجوي من ربيعه هم وخوات زين رهيفه وامنه عمي ذبح على سلامتي وسوه غده للگرايب كلهم كاعده بغرفتي الجوه
ملتهيه بابني ارضعو حدي امي هي وخواتي ساريه
صافنه بوجهو وكل ساع تحبو هي وريها فرحانين بي جثير والفرحه الجبيره جانت لزين هو واهلو خصوصا عمي
كل ساع يجي وويوصي علي
نام ياهيله
ساريه تكلمت وكلت
اي ريمه خلي بالكاروك مالتو
اختي اخذتو وخلتو بفراشو امي سالت
شلونج هساع يمه مو احسن
اي يمه احسن لاتشيلين همي
انقهرت عليج جثير لان ولدتي وانا مو يمج ولا واكفه على راسج
ابتسمت لها لان جانت مقهوره من وره هالشي
رديت
يمه لاتظلين تقهرين بروحج الله جان معي وعمه ما قصرت والله وكفتلي وكفه ام
كلت هيج هي دشت سمعت اخر كلام ابتسمت
وفرحت اجتي ليمي جلست وكالت ها يولي رضع وليدج
اي عمه رضع وشبع
الحمدلله والشكر
كالت هيج وسالت امي
تاشوفي زين موو ياام هيله
اي والله وصلاوات على النبي حتى وزنو زين
اي الحمد لله هيله هم تعرف اداري الجاهل مو
غشيمه
اي ياام زين هيله تعرف علمتها من صغرها وهي
ربت خواتها وياي
الهنوف دشت راحت لابني دنكت حبته وكالت
فدوه تروحلك عمتك يالغالي يبن الغالي
ابتسمت امها كالت
بسجن تحبن بي راح يحبب خدو
ههه خلي يحبب هاي من محبتنا الو
امها ابتسمت وكالت لامي
بله هاي شاحجي وياها
خلها ياام زين فرحانه بي لابن اخوها
والله ياام هيله مو بس فرحانه بودي اهلهل واترس الدنيا فرح ماتعرفين انا واهلي شكد صارلنا ننتضر هالفرحه
ااي كسرت خشوم هالفرحه
عمه ردت امي دحكت لي مافهمت سكتت كامت من يمي وكالت
يولي هاجر شوت لج معلاك اكلي بدون خبز
حتى تعوضين الدم الراح منج
اي ياعمه
نزلت ليمي سالت بصوت ناصي
بعدج تنزفين
لا مو جثير
ديربالج على روحج واي شي يصير بيج لاسامح الله كولي لي او للهنوف
اي
رديت طلعت من يمي هي وبنتها امي ادحك لها بتعجب كالت
عمتج متبدله عن الاول
هي طيبه يايمه لجن الجان بيها غيره ام على ولدها
اي عبالك هيج الشغله بس اكلج وش جانت تقصد من كالت هالفرحه كسرت خشوم
دحكت لساريه وريهام وهاله طلعن وظلت بس ريمه يمنا رديت
تقصد حرمه زين الاوليه تعرفين كعدت يمو فوك السنه وماصار عدها وجانت تذب الصوج به وادكول هو السبب من وره الشرب والنسوان
هاا الحمدلله من عاف كلشي وانعدل حالو
اي الف مره الحمدلله
دش سلم امي ترخصت هي وريمه وطلعن من يمنا سدن الباب اجه ليمي مبتسم ويدحك لشعلان كال
نام الشبر ونص
ااوي يازين بطل تصيحو هيج راح يمشي علي هاللقب
هههه مايمشي هذا شيخ شوشو
النوب عاااد
زين العابدين
صاحت بي بضحك صفنت عليها ساكت وملامح وجهها تغيرت وخرت شعرها من عيونها گضبت ايدها حبيتها گربت منها
واخذتها لحظني كلت
الحمدلله والشكر من الله جعلج من نصيبي والف الحمدلله والشكر من رزقني منج بالولد
فركت وجهها برگبتي حبتني منها وتنهدت وخرت عيوني بعيونها ابتسمت وهي هم گضبت خدها حبيتها منو كلت
فرحان بيج يولي وفرحتي زادت من اجاني هالولد
ضحكت وكملت
بس هااا ماريدو ياخذج مني
بدينا يازين
هههه اغار ولج اغار منو هالكواد لابد بحظنج
واشوفج تهتمين بي وعايفتني
ههه ولدك هذا عش تنغار منو
هيله
رديت علي مبتسمه عكب ليوره ورد بصوت مخنوك
وأغار من ثغرٍ ينادي باسمه
حتى وإن قصد المنادي غيره
وعندما أغار أشتهِي حبسك داخل قلبي ألف عام حتى تهدأ غيرتي
صفنت علي حمد اجه بالي لو يعرف به وش مصخم معي والله يذبحو ولا يرفلو
جفن كمل
يولي تصدكين اضوج واتخبل لو واحد كال اسمج
مااريد احد يشوفج ولا
يلمح طرف ثوبج
ههه ضمني بگلبك يازين
لو يصير عز الله لاسويها
رد بثقه رفعت حواجبي مااعرف ليش صفن عليه ودعى
ياهيله ادعي من الله مااا يگرب منج غير انا وما تشوفين احد غيري ولا يترس گلبج غير بس
اسمي ورسمي
ابتسمت ورديت
امين يازين
مال علي وكمل مبتسم
وماايترس صدرج غير هوه نفسي وماتشمين غيري عطري
امين ياشيخ گلبي
🌿🌿🌿🌿🌿🌿
ليان
اهلي عرفو بيه حامل والكل فرح النا مالك عزم اهله وجاب اكل جاهز من بره ماخلانا كلشي نسوي لا اني ولا نوار الجانت حامل بدايه الخامس وطلع بيها
ولد
اجوي بيتنا فرحانين بيه وخصوصا امه وعمو واهلي وياهم
وره العشه كعدنا توته بحظني غفت مالك كام
اخذها مني وودها للغرفه انتبهت عمه تباوع عليه مبتسمه دعت اليه
الله يكومج يايمه بالسلامه ونفرح بيج انتي وابن مالك
امين
الكل رد مالك اجه كعد يمي عمو يحجي وي بابا وماما وي امه وكل اثنين كبل كاعدين يتعللون كرزات وفواكه وحلويات
ودك سوالف مال عليه وكال
اكلج عبالك الربع طوولو بالكعده
ههه افرش الهم
رفع حواجبه وباوع عليه ضحكت وكملت
شبيك قابل يوميا جايين
اريد انفرد بيج
ههه هاي الكلمه اخاف منها
ههه لاتخافين اعرف تره الوضع امي علمتني زين ويبستها عليه
ماالك
صاحت وهي فاكه عيونها انتبهت الكل دحك عليها خجلت فهد سالها يضحك
هاا شحجه مالك ذبلج قنبله موو بله
ااسكت انت والتهي بالدعبله مالتك
فهد راح اابجي
نرجس مرته حجت وهي زعلانه رد
لاتبجين عيني جاايه السره وهو وليونه
الكل خرب ضحك لان جانت حامل بشهرها
وصايره فد مره
كومي خلي ارجعج لييتنا مشي بلكي ولي العهد يشرف
ووي امشي شبيك بيتنا هنا هنا
جم خطوه شبيج تحركي وذبيها عاد للهل الركيه
يبوو اكلك اكعد انت طلعت اضرب من مالك
ردت علي خجلانه وتجر بايدو كعد يضحك ابن محمود بجى وضوج امو اهلي ترخصو وراحو ووراهم اهل ليونه
رجعت للمطبخ افرك ايد بايد ليان دحكت عليه خربت ضحك وكالت
الشر بعيونه لابو جحيل
هههه مهيدي ولج اشبهو مو بله
اجتي تتمعن بملامحي ضحكت وكلت
هااي شنو عيوني عبالك اول مره تشوفيني
اممم يعني هو احلى وابيض منك
ليووونه اكعدي راحه
هههه اوي هاي شبيك ماتحب شقه اايكول
انت الحامل
ووولج
صاح بيه فاك عيونه خربت ضحك
هههه
لزمني وجرني لحظنه كلت
ااسفه والله ماادري شلون طلعت من حلكي
ووج خلي تطلع ويطلع الاضرب منها ماتعرفين
انتي من تضحكين واشوفج فرحانه شسوين بيه
ابتسمت رفعت روحي بسته من خده لمني بهداوه وكمل
جن ورده ترفه واخاف اگضبج بقوه
اوي فدوه شلون وصف كيوت
صفنت بعيونه ساكت ومبتسم وشكله مرتاح كملت بحب واني اموت علي
احبك مالك واموت عليك
راح توريني ور يولي اكعدي راحه تره تحارشتي جثير اليوم
ههه اي والله ماادري يمكن الهرمون ضرب عندي وبديت احتاج حنان واهتمام
هههه ابشري انا موجود
حجه هيج ودك على صدره خربت ضحك وكتله
اكعد راحه ماما الحجيه ماتقبل
مشيت من يمه عض شفته وتحلف بيه
بسيطه يولي هساع اركدي وانا بعدين اخذ حگي دبل مضاعف
ههههه
خربت ضحك رحت للغرفه طبيت هو ورايه بدلنا تمدد اشر لحظنه ابتسمت ورحت اله لمني بي وونمنا
🌿🌿🌿🌿🌿🌿
هيله
عمي ماقبل نرد للديره الا تطلع الاربعين مالتنا ظليت انا وعمتي باربيل لجن جده وهاجر عگبوا لان ملت من هينه وظلت تحن لهناك
زين ظل يروح ويجي هو وعمي من وره الشغل
والحشد الي كاضبي كلت لعمه من جنت
واكفه معها بالمطبخ
والله ياعمه لو نعكب احسن عش ظالين وحدنا هينه وكلها عگبت ماظل احد بس حنا
كلت لعمج نرد هالاسبوع كال شوفي وضع هيله والصغير
مابيه شي ياعمه خلي نرد عش ظلينا وحدنا خل نعكب لان والله ملينا وهم مااريد زين يظل رايح جاي علينا
اي والله انا هم مااريدو يروح ويجي اظل اهوجس بالطريق وشايله همو هو وعمج
سمعت ابني يبجي اشرت لي وكالت
روحي له لاتخلي يبجي
سريت له دشيت رحت له ابتسمت من شفتو كاعد وفال الگماط مالتو شلتو وحبيتو من خدو كلت
هلا كعد الغالي يفدوه عش زعلان يبعد امك جوعان هساع ارضعك
كعدت على الجربايه كمطتو زين وخليتو بحظني ارضعو وصافنه علي وامسح على شعرو
ابني بينت معانيه طلع يشبه عمي اسمر والشعر اسود ماطلع لزين ولا اخذ شي منو يضحك ويكول اخذ منج شويه ومن ابويه جثير
ابتسمت حبيتو من شعرو سرح عكس شعر زين المحابس شبع ونام كمت خليتو بفراشو ظليت يمو ارتب جم شغله بغرفتي بعدين طلعت يم عمه سمعتها تحجي
اي ياامنه البنت تساعدني مو وحدي اشتغل بسج عااد لاتظلين توزين بيه عليها شتريدين اكرب عليها
وهي نفسه ماصارلها عشره ايام من جابت ماافزع لها البنت شايلتني بالصلاوات نفسه وتشتغل وتشيل وتحط
اي احبها ياامنه لان شفت ولدي تعدل حالو من اخذها اخوج جان مايسمع الجلمه مني ولااصلا يسمع مني اي شي وصوتو يعلى
عليه بس افك حلگي ويا
هساع وين عميه ماتشوفي شلون يتكلم معي وشلون يريد بس رضاي وج والله مايروح لغرفتها الا يجي عليه يحب ايدي ويكلي يمه ارضي عليه من غيرو غير هي
رووحي زعله الجلب
عكدت حواجبي من انهدت بها وكملت بغضب
ادورن خراب بيوت انتي وذيج رهيفه
عگبت ليوره ماحبيت ابين لها انا سمعت شي رحت للصحيات غسلتها وعقمتها وافكر برهيفه وامنه الي ماتبدل حالهن معي
ظلن بسمهن وحقدهن وياي وابدا ماحبني رغم انا اودهن واسال عليهن على طول وادز لهن رسايل بس
ابدا مايردن
تركتهن وكلت بعد ماافرض نفسي على بشر مايشوفني مثل مااشوفو الحب مو گوه ولا الود هذا شي الله يزرعو بالگلوب الطيبه والي
گلوبها نظيفه ومابها غل ولا حقد وهن عكس الهنوف وهاجر گلوبهن شايله سم وحقد وشايفات ارواحهن جثير عليه
كملت طلعت هي اجت من المطبخ كالت
اروح اغسل ديربالج على وليدج لاتعوفي وحدو
لا عمه مااعوفو روحي غسله العافيه
الله يعافيج يمه
عمي من تاكد وضعي زين انا وشعلان قبل نعگب
لديرتنا وعگبنا الدار جان مأثث اثاث كلو جديد ومعمري هو والمجلس
زين مرتبو احسن من قبل وصاير كلش حلو هو وديكوره واثاثه
غرفتي جان بيها غرفه نوم جديده وفخمه وفاتح من غرفتنا فتحه على الغرفه
الي بصفها ومسويها سويت جبير كال بضحك
للجهال حتى ناخذ راحتنا
انا وياج
ابتسمت وخليت شعلان بالكاروك الايام مشت بينا وظليت كل فتره اروح لاهلي بالمزرعه ادحك لگاع الشيخ صگبان واتذكر الماضي وعركاتي اني وزين وابتسم
شعلان كبر ونشنش وبده يعرفنا كلنا وهالشي خلاه عمي وزين يتعلقون بي بعد
اكثر كاعده وحدي بالغرفه
اهجس رجلي بارده ثلج هي وايدي صارلي فتره هيج ومدري شبيه ابرد والدنيا حاره خفت اطلع حامل لان نفس الاعراض صارت عندي
زين دش
شايل شعلان كمت له كال
هذا نام بحظن ابويه خلي بفراشو
اخذتو منو وخليتو بمچانو وكفت يمو زين حظني حبني من رگبتي تنهدت همس يم اذني
احبج يولي
وانا هم
انداريت علي تفرس بملامحي عكد حواجبو
سأل
بيج شي
سكتت خليت ايدي بأيدو صفن عليهن وبعدين عليه سأل
خير يولي بيج شي ايدج غادي ثلج
مدري يازين يمكن اانا حامل
فك عيونو وابتسم كلت بضوجه
عش تبتسم داكول يمكن مو اكيد
يارب تطلعين حامل
موو هيج يازين شعلان بعدو صغير ويرضع
ياارب حامل وتجيبلي اللخ
يااربي لاتدعي والله مااكدر توني والده
هههه تره دعيت ودعائي مستجاب
هو هذا الي اخاف منوو
رديت علي بقهر رحت جلست لحكني جلس حدي مال بجتفو عليه وكال
عش ضايجه ماتحبين يصير لج بعد جهال مني
زين اسكت
هههه وان ماسكتت وش راح تسوين لي
دحكت له وجهو فرحان ومبتسم رديت بقهر
يارب مااطلع حامل حتى يخيب ظنك
راح اسكت وباجر وحگ هالشوارب الا ينكسر
خشمج وتطلعين حامل
حلف بيهن يضحك وگلبي يدك بخوف لا من صدك
اطلع حامل
وهذا الصار اخذني هو والهنوف سويت تحليل
وطلعت حامل شهر طلعت مقهوره وغاديه دم هو بره
واكف
رحت گبل بدون مااتكلم جلمه وصعدت السياره دحك لي وهو رافع حواجبو الهنوف وكفت يمو تكلمت معه تضحك الفرح ترس وجهو رفع ايدو للسما درت وجهي منو ادردم علي
صعد يضحك واختو هم اندار عليه راد يتكلم كلت
يازين ولا جلمه
هههههه سمعتيها ياخيه
عوفها صوابها بعدو حار من شعلان
هساع انا شعليه مو كلتو ترضع ومايصير جاهل بعد شكو زعلانه عليه
رد عليه بضحك ماتكلمت ولا دحكت له حرك وكال
ياخيه بردي نارها تره مبين الشغله جايده واخوج راح ياكل تبن
ههه لا حشاك هي تبرد بس عوفها اليوم
ياهيله ابويه وامي راح يفرحون
ام زين خلي اخوج يسكت
هههههه سكتنا يابه بس لايزعل الحلو
وصلنا اشوفو فرحان بيه وهو بشر عمي وامو انا انهزمت من خجلي منهم لغرفتنا فوك لحكني وره مشوار دش كاعده ارضع شعلان
دحكت له بضوجه اشر على
حلكه مااحجي شي گرب كعد يمنا حب شعلان من راسو عيوني صارت
بعيونو ساكت لجن الوجه يضحك ماانطني گلبي اكسر
فرحته بيه غمز ابتسمت اله
گرب كلش وحظني انا وابنو وكال
من تضحكين لي جن الدنيا كلها تضحك بوجهي يولي انتي تضيعيني بضحكه
عيونج
🌿🌿🌿🌿🌿🌿
ريمه
عم عزام فاجانا بيوم من طلبني من ابويه لغانم كال هو رايدها وويودها رفضتو وماقبلت اتزوج رغم الحاح امي عليه اقبل به لان خوش ولد ومتربي ويانا ويعرفو وش هو
ابويه كال عوفيها براحتها لاتجبريها على شي هي مو مقتنعه بي هذه حياتها وهي حره بها غانم مو قسمتها انسدت السالفه
والتهيت بحياتي فزاع جان كل جم يوم يجي ليمنا
ياخذ خاثر لو حليب زبد خبز حار لربعو الي مرابطين بالنقطه اليمنا كلما اشوفو
اضوج واعكد الحواجب لان اتذكر جسارتو عليه بذاك اليوم
وهو هم جنت اشوف منو نفس النظرات وي خواتي الصغار يضحك ويشاقه ويتكلم عادي بس من يشوفني تنگلب الخلقه
تعلمت كل يوم وكت المغربيه اسري واروح للزرع اكعد وحدي والهي روحي احوك بالصوف شغلات للبيت وجه مخده
او مفرش
سريت مثل كل يوم ورحت للشاخه انتبهت سياره مال الحشد واكفه مسافه،،،،، لجن مابها احد علا سلمت من بعيد وصاحت
شلونج يااااريمه
هلاااا علا
اشرت لها بايدي راحت ردت اعگب سمعت صوت
يوولي يبنت المله تعالي جاااي
عكدت حواجبي من عرفت الصوت جان فزاع جاي من المي كلت هذا شبي وليش
يصيح عليه سريت وكفت
يمعووده وينج
شبيك شتريد
جاوبتو بنتره امشي بهدوء اريد اشوفو هو وينو وعش يصيحني رفعت حواجبي من شفتو لابد بالطين
يسحب روحو ومايكدر يطلع شافني كال بضوجه
صيحيلي واحد من الفلح
دحكت ودورت على واحد منهم ماكو كلها سرت ترتاح بدارها
ماكو حد بس انا
سكت سحب روحو بقوه وكلما يسوي هيج يلبد بعد اكثر بالطين المي كام يزيد لان فتحو البوابات مال الشط مد ايدو اليه
حدري جاي وانطيني ايدج
ااطلع بروحك مالي لزوم بيك
رديت بضوجه وعصبيه كال
يولي رجلي موحله بالطين وماجاي تفلت
درت وجهي منوو تكلمت بصوت ناصي
ان شاء الله صماخك وياهن
دحكت له يخزر بيه جن سمعني
اايدج يولي المي بده يعلى
زگح بيه
دورت بعيوني اريد احد من الصفحتين سريت صاح
وين موليه
اااكف
صحت به رحت لبيت الماطور اريد اشوف ابويه
لو عم عزام ماهم عكبت افر براسي اريد واحد يجي ماكو
عگبت،،، له المي واصل لصدرو يريد بس يطلع مايكدر سحبت ردني وغطيت جف ايدي كلت بغضب هااك اكضب ايدي واطلع
سحبتوو بقوه بدون وعي من وره ثكلو كلت بضوجه
لخاطر الله اطلع عااد شثكلك بثكل الثور شجاااا
طلع ردت اعگب ليوره بسرعه لجن مااشوفو غير جارني لصدرو بقوه زلك ووكعنا سوه بالمي غبگت المي من طب لحلگي
زتيتو بتفله بوجهو
صفن عليه والشر بعيونه وحجه هاي شعملتي
افلتني هدني
كلامي ضاع من حدر بغضب عليه وحبني بقوه
اريد افلت منو ماكوو گضب راسي وغصب حبني ضربتو على راسو وصدرو اريدو بس يهدني
هدني سبحت للجرف صعدت منكعه وابجي
وكعت ماكدرت اوصل للفوك هو صعد وفات من يمي راد يگضبني ويرفعني من الارض دفعت ايدو وصحت به وانا ابجي
والله لاكول لابويه عليك يااالردي ياالهامل
نزل ليمي كمت بسرعه ركضت لفوك ابجي من وره عملتو الرديه سريت لدارنا
لحگني ووكف جدامي
عگبت ليوره خزرتو تكلم بتوسل
ااسف والله مااعرف شلون هالشي صار
ووخر ولك وخر ياااخاين الملح والزاد
دحك لي بوجه مطعون وغادي دم رد عليه بعصبيه
لاتتكلمين هالكلااام والله مووو قاصد
بجيت شهكه تقدم عليه وردد بصوت مخنوك
اسف والله انتي وزيتيني اعمل هيج من وره لسانج
جان گريب مني شلت ايدي وضربتو كف
